Category: شوبز

بالی وڈ‌ اداکارہ تبسم اب ہم میں نہیں رہیں، تبسم ہندوستانی اداکارہ، ٹاک شو کی میزبان اور یوٹیوبر تھیں.تبسم کے بیٹے ہوشنگ گوول نے اپنی والدہ کے انتقال کی خبر کی تصدیق کرتے ہوئے میڈیا کو بتایا کہ کچھ دن پہلے انہیں ایک ہسپتال میں داخل کرایا گیا تھا انہیں گیسٹرو کا مسئلہ تھا اور ہم وہاں چیک اپ کے لیے گئے تھے، انہیں‌ بس دل کا دورہ پڑا اور 18 نومبر کی رات 8.40 پر انتقال کر گئیں. انہوں نے 1947 میں چائلڈ ایکٹر بیبی تبسم کے طور پر اپنے کیریئر کا آغاز کیا۔ انہوں‌ نے نرگس، میرا سہاگ، مانجھدار، اور باری بھین سمیت کئی ہندی فلموں میں کام کیا۔ انہوں نے ہندوستانی تاریخی ڈرامہ فلم مغل اعظم میں بھی کردار ادا کیا۔ وہ 1972 میں ٹاک شو

پھول کھلے ہیں گلشن گلشن کی میزبانی کرنے والی پہلی ہندوستانی ٹیلی ویژن اینکر کے طور پر مشہور ہوئیں۔ تبسم 1944 میں ممبئی میں ایک مصنفہ اور مصنفہ اصغری بیگم اور ایودھیا ناتھ سچدیو کے ہاں پیدا ہوئیں۔ ان کی شادی وجے گوول سے ہوئی اور انہوں نے ایک بیٹا ہوشانگ گوول کو جنم دیا۔تبسم سوشل میڈیا پر کافی متحرک رہتی تھیں اور فلمی شخصیات کے حوالے سے تسلسل سے پروگرام کررہیں تھیں. ان کی دوستی مدھوبالا سے لیکر مادھوی ڈکشٹ تک کے ساتھ تھی.

پاکستانی اداکار ہمایوں سعید نے گزشتہ دنوں دبئی میں فلم فیئر مڈل ایسٹ اچیورز نائٹ میں شرکت کی وہاں ان کو ایوارڈ سے بھی نوازا گیا. ہمایوں سعید کے ساتھ شو کی ہوسٹ بھارتی سنگھ نے ہلکا پھلکا مذاق بھی کیا . انہوں نے کہا کہ آپ کی ایک فلم ہے میں لندن نہیں جائونگا. کیا ہوا ویزہ نہیں تھا؟ تو ہمایوں سعید نے کہا کہ میری ایک فلم پنجاب نہیں جائونگی جب وہ سپر ہٹ ہوئی تو میں نے سوچا کہ ایک اور فلم بنائی جائے تو میں نے بنا لی میں لندن نہیں جائونگا. بھارتی سنگھ نے کہا کہ اب نہ کہنا کہ لندن نہیں جائونگا، لندن جانا ہے. تو اس پر ہمایوں سعید نے کہا کہ میں انڈیا بھی جائونگا.

ہمایوں سعید نے بھارتی سنگھ سے کہا کہ میری بیوی تو ویزے کھلنے کا انتظار کررہی ہے وہ انڈیا جانا چاہتی ہے. بھارتی نے کہا کہ میرا دل کرتا ہے کہ میں پاکستان جائوں‌وہاں کے کھانے کھائوں، انہوں نے مزید یہ بھی کہا کہ آپ اور آپکی اہلیہ انڈیا آئیں آپ کی مہمان داری اور خاطر داری میں خود کروں گی. اور بھارتی نے کہا کہ ہم پاکستان ضرور آئیں گے اور وہاں کے کھانے اور ماحول کو انجوائے کریں گے. یاد رہے کہ بھارتی سنگھ بالی وڈ کی معروف کامیڈین ہیں اور ہمایوں سعید پاکستان کے معروف پرڈیوسر اور ایکٹر ہیں.

پاکستانی اداکار فہد مصطفیٰ نے دبئی میں فلم فیئر مڈل ایسٹ اچیورز نائٹ میں شرکت کی اس موقع پر انہیں ایوارڈ بھی ملا . ایوارڈ لینے کےلئے وہ سٹیج پر گئے جہاں انہوں نے کہا کہ میری دعا ہے کہ پاکستان اور بھارتی فنکار ایک بار پھر ایک ساتھ کام کریں. ان کے سامنے بالی وڈ اداکار گوندا بھی بیٹھے ہوئے تھے فہد مصطفی نے ان کی طرف دیکھتے ہوئے کہا کہ انہوں‌نے اداکاری گوندا کو دیکھتے ہوئے شروع کی. انہوں نے کہا کہ پاکستان میں‌رہتے ہوئے ہمیشہ یہی کوشش رہی کہ گوندا کی طرح‌ہی اداکاری کروں. فہد مصطفی نے کہا کہ گوندا سر میں آپ کو بہت بڑا مداح

ہوں اور ہمیشہ ہی رہوں گا. انہوں نے مزید کہا کہ میری بہت زیادہ خوش قسمتی ہے کہ جس سٹیج پر آج گوندا موجود ہیں وہیں پر میں کھڑا ہوں. میرے سامنے ہمایوں سعید بھی موجود ہیں میں ان کا بھی بہت بڑا مداح ہوں. انہوں نے یہ بھی کہا کہ بھارتی اور پاکستانی ایک ہی سٹیج پر موجود ہیں خوشی اور فخر کی بات ہے . یاد رہے کہ فہد مصطفی پاکستانی اداکار ہیں انہوں نے بہت سارے ڈراموں میں کام کیا لیکن اب انہوں نے خود کو فلموں کی حد تک محدود کر لیا ہےاور وہ صرف فلموں میں‌ہی شائقین کو نظر آتے ہیں. رواں برس ان کی فلم قائداعظم زندہ باد ریلیز ہوئی .

اداکار سید جبران جو کہ اکثر ڈراموں میں سنجیدہ اداکاری کرتے ہوئے دکھائی دیتے ہیں. انہوں نے اپنے حالیہ انٹرویو میں اپنے آن ائیر پراجکٹس پر بات کی انہوں نے کہا کہ اگر کسی کی وائف ہے تو اسکی گرل فرینڈ نہیں ہونی چاہیے. اگر وائف نہیں ہے اور کوئی سنگل ہے تو پھر ٹھیک ہے وہ جو مرضی کرے لیکن شادی شدہ ہوتے ہوئے کسی کی بھی گرل فرینڈ نہیں ہونی چاہیے. سید جبران نے مزید کہا کہ انسان کو اخلاقیات کا دامن نہیں‌چھوڑنا چاہیے. سید جبران کا کہنا ہےکہ وہ کسی بھی پراجیکٹ کو بہت سوچ سمجھ کرسائن کرتے ہیں اور کوشش کرتے ہیں کردار ایسا ہو جو کہانی کو آگے لیکر چل رہا ہو. واضح رہے کہ سید جبران نے اس برس فلمی دنیا میں بھی قدم رکھا ہے ان

کی فلم گھبرانا نہیں ہے نے باکس افس پر اچھا بزنس کیا. عموما سید جبران سنجیدہ کردار ادا کرتے ہیں لیکن انہوں نے فلم گھبرانا نہیں ہے میں ہلکی پھلکی کامیڈی کردار کیا جسے شائقین نے بے حد پسند کیا. گھبرانا نہیں ہے اداکار زاہد احمد کی بھی پہلی فلم تھی لیکن ساری کی ساری داد سید جبران حاصل کر گئے. سید جبران مزید فلموں میں بھی دکھائی دیں ان کے پائپ لائن میں کچھ پراجیکٹس ہیں دیکھنا یہ ہے کہ ان کی دوسری فلم کب سینما گھروں کی زینت بنے گی.

بھارتی ٹینس پلئیر ثانیہ مرزا کے انٹرویو کا ایک پرانا کلپ وائرل ہو رہا ہے جس میں وہ انوپم کھیر کوانٹرویو دیتے ہوئے بتارہی ہیں کہ ان دونو‌ں کی ملاقات کیسے ہوئی. ثانیہ مرزا نے کہا کہ میری اور شعیب ملک کی پہلی ملاقات آسٹریلیا میں‌ہوئی . وہاں ہم ایک کھانے پر ملے میرے ساتھ والد تھے ، شعیب نے کہا کہ وہ میرا کھیل دیکھنا چاہتےہیں‌کچھ پاسسز مل جائیں گے تو میں نے کہا کہ ہاں‌جی. وہ شاید میرا نمبر لینا چاہتے تھے لیکن میرے والد بیٹھے ہوئے تھے وہ اس چیز سے ہچکچا رہے تھے لیکن میں نے میرا آسٹریلیا والا نمبر دیدیا اور سوچا کہ دو ہفتوں

کے بعد اسکو بند تو کر دینا ہے. خیر اس کے بعد ہم دونوں کی دوستی ہو گئی اور پھر فیصلہ شادی کا ہوا . انہوں نے کہا کہ میں اور شعیب ہر معاملے میں ایک دوسرے کے اپوزٹ ہی رائے رکھتےہیں لیکن دل ملے ہوئے تھے اسلئے شادی کر لی . وہ اس انٹرویو میں‌یہ بھی کہتئ سنائی دے رہی ہیں‌کہ ہماری شادی جب ہوئی تو انڈیا پاکستان کو ملانے کی باتیں‌ہونے لگیں حالانکہ ہم نے عام لوگوں‌کی طرح‌شادی کی تھی لیکن میڈیا ایسی باتیں کررہا تھا. میں شادی کے بعد جب بھی پاکستان میں سیالکوٹ گئی میرا شعیب کے گھر والوں نے بہت اچھا استقبال کیا.

چھوٹے نواب سیف علی خان کی بیٹی سارا علی خان کا نام کسی نہ کسی سے جڑتا رہتا ہے. آج کل ان کا نام بھارتی معروف کرکٹر شبمن گل کے ساتھ جڑ رہا ہے. یہ دونوں ایک دوسرے کے ساتھ دوستی کو لیکرکافی ہیں چرچہ میں. تاہم سارا علی خان نے شبمن گل کے ساتھ اپنی دوستی کا اعتراف نہیں کیا ہے. لیکن کرکٹر کا حال ہی میں ایک انٹرویو ہوا اس میں شبمن سے جب پوچھا گیا کہ بالی وڈ کی بہترین اداکارہ کونسی ہے تو انہوں جھٹ سے جواب دیا کہ سارا علی خان بالی وڈ کی بہترین اداکارہ ہیں. اس کے بعد ان سے جب سوال کیا گیا کہ کیا آپ دونوں ایک دوسرے

کو ڈیٹ کررہے ہیں تو کرکٹر نے کہا کہ شاید اور وہ مسکرا دئیے، یوں کرکٹر شبمن گل نے کچھ نہ کہہ کر بھی سب کچھ کہہ دیا. سارا علی خان ویسے تو بہت ووکل ہیں لیکن وہ شبمن کے معاملے میں کافی چپ سادھے ہوئے ہیں وہ ان کے بارے میں‌کوئی بات نہیں کرتیں یا شاید وہ اپنی دوستی کے اس تعلق کو اون نہیں‌کرنا چاہتیں . دونوں آج کل ایک دوسرے کے ساتھ اکثر گھومتے پھرتے دکھائی دیتے ہیں. یاد رہے کہ سارا علی نوجوان نسل کی نمائندہ فنکارہ ہیں ان کے کریڈٹ پر کم مگر معیاری کام ہیں وہ نیچرل اداکاری کرتی ہیں.

بالی وڈ‌ کی معروف گلوکارہ نیہا ککڑ نے حال ہی میں ایک پروگرام میں شرکت کی اس پروگرام میں گوندا اور ان کی اہلیہ بھی موجود تھیں . نیہا ککڑ جب سٹیج پر آئیں تو وہ گوندا کو دیکھ کر بہت خوش ہوئیں اور انہوں نے اپنے بچپن کی یادوں کو تازہ کیا. انہوں نے کہا کہ میں گوندا کی فلمیں دیکھ دیکھ کر بڑی ہوئئ ہوں، میں اکثر دوپٹہ سر پہ لیکر بیٹھ جاتی تھی اور مجھ سے سب گھر والے پوچھا کرتے تھے کہ یہ دلہن کی طرح‌دوپٹہ لیکر کیوں بیٹھ جاتی ہوں کس کی دلہن ہو تو میں کہا کرتی تھی کہ گوندا کی دلہن ہوں یہ بات کہہ کر نیہا کی آنکھوں میں خوشی کے آنسو آگئے .اور

انہوں‌نے رونا شروع کر دیا اور کہا کہ میں سوچ بھی نہیں سکتی تھی کہ اس طرح سے گوندا کے ساتھ ایک دن سٹیج شئیر کروں گی. گوندا نے یہ سن کر نیہا کو گلے لگایا اور ان کے خوشی کے آنسو بھی صاف کئے. جبکہ گوندا کی اہلیہ نے کہا کہ یہ خوشی کے آنسو بتا رہے ہیں کہ نیہا گوندا کی کتنی بڑی پرستار ہیں.یاد رہے کہ نیہا ککڑ بالی وڈ کی معروف گلوکار ہیں اور اکثر وہ پروگرامز کو جج کرتی ہیں.نیہا کا شمار بالی وڈ کی بہترین گلوکارائوں میں ہوتا ہے جبکہ گوندا بالی وڈ‌کے سپر سٹار ہیں.

فلم ٹچ بٹن جو کہ 25 نومبر کو سینما گھروں‌ کی زینت بننے جا رہی ہے. عروہ حسین اور فرحان سعید جم کر فلم کی پرموشن کررہے ہیں. دونوں‌ ہر جگہ پر جا کر مداحوں سے مل رہے ہیں اور اپنی فلم کی پرموشن کررہے ہٰیں. حال ہی میں دونوں لاہور کے پیکجز مال پہنچے اور وہاں وہ لوگوں سے ملتے رہے مداحوں کے ساتھ تصاویر بنواتے رہے. فلم ٹچ بٹن میں ہیوی کاسٹ ہے جس میں ایمان علی اور فیرو زخان و دیگر کے نام قابل زکر ہیں لیکن ان میں سے کوئی بھی فلم کی پرموشن میں‌نظر نہیں آرہا . سونیا حسین بھی پرموشنز کا حصہ کم ہی بن رہی ہیں. یاد رہے کہ یہ

ابھی تک کی واحد فلم ہے جس میں شامل ہر آرٹسٹ اس وقت کسی نہ کسی کنٹرورسی میں گھرا ہوا ہے. فلم کی پرموشن میں وہ بات نظر نہیں آرہی جو ہونی چاہیے. تاہم عروہ اور فرحان کافی پر امید ہیں ان کا کہنا ہے کہ ہم نے فلم میں‌ہر وہ مصالحہ رکھا ہے جس سے آڈینز محظوظ ہو گی یہ ایک مکمل فیملی فلم ہے. عروہ کہتی ہیں کہ مولا جٹ نے بہت اچھا بزنس کیا اچھی بات ہے لیکن مجھے اس حوالے سے کسی قسم کا پریشر نہیں ہے. مجھے بہت امید ہے ہماری فلم بھی شائقین ضرور پسند کریں گے .

بالی وڈ کے کنگ شاہ رخ خان کے پرستار پوری دنیا میں‌پائے جاتے ہیں. مداح ان کو ہر روپ میں پسند کرتے ہیں . شاہ رخ خان نے اپنے کیرئیر میں‌منفی اور مثبت ہر طرح کے کردار کئے ان کے مداحوں نے ان کو ہمیشہ ہی بہت پذیرائی دی. شاہ رخ خان نے جہاں بہت ساری ہیروئنز کے ساتھ کام کیا وہیں دیپیکا پڈوکون کے ساتھ بھی فلم اوم شانتی اوم میں کام کیا. اس فلم سے دیپیکا پڈوکون نے اپنے فلمی کیرئیرکا آغاز کیا. فلم سپر ہٹ ہوئی . اس فلم کو کئی برس کے بعد ایک بار پھر سینما گھروں میں ریلیز کیا گیا ہے . گزشتہ روز اوم شانتی اوم کو بھارت کے بہت سارے شہروں

میں ریلیز کیا گیا شائقین نے بڑی تعداد میں سینما گھروں کا رخ کیا. شاہ رخ خان کی اس فلم کو سینما گھروں میں ریلیز کرنے کا بنیادی آئیڈیا شاہ رخ خان کے بڑے فین کلب ایس آر کے یونیورس کا تھا. یوں‌ گزشتہ روز ایک بار پھر اوم شاانتی اوم سینما گھروں میں ریلیز کی گئی . یاد رہے کہ اوم شانتی اوم 2007 میں پہلی بار ریلیز ہوئی تھی . 15 سال کے بعد فلم دوبارہ سینما گھروں کی زینت بنی. شاہ رخ خان نے اس فلم کے بعد بھی چنئی ایکسپریس جیسی فلموں میں اپنی اداکاری کے جوہر دکھائے. دیپیکا پڈوکون اور شاہ رخ خان کی آن سکرین جوڑی کو کافی سراہا جاتا ہے.

سینئر اداکارہ نغمہ بیگم نے حال ہی میں ایک انٹرویو دیا ہے اس میں انہوں نے کہا کہ ہمارے دور میں بھی اچھی فلمیں بنتی تھیں آج بھی اچھی فلمیں بن رہی ہیں، ہمارا دور بھی اچھا تھا اور آج کا دور بھی اچھا ہے . نغمہ بیگم نے کہا کہ میں ماضی میں‌جینے والی خاتون نہیں ہوں میں حال پر یقین رکھتی ہوں اور میری خوش نصیبی ہے کہ میں نے کل بھی اچھے سے جیا اور آج بھی اچھے سے جی رہی ہوں. نغمہ بیگم نے کہا کہ پاکستان فلم انڈسٹری کو عروج پر دیکھا ہے جب فلمیں نہیں‌بن رہی تھیں تب دل دُکھتا تھا لیکن آج دل بہت خوش ہوتا ہے یہ دیکھ کر کہ فلم انڈسٹری پھل پھول رہی

ہے. مولا جٹ جیسی فلموں کو دیکھ کر یقینا سر فخر سے بلند ہوتا ہے. دا لیجنڈ آف مولا جٹ نے پرانی مولا جٹ سے بھی زیادہ بزنس ہے جو کہ بہت ہی اچھی بات ہے، بلال لاشاری نے کمال ڈائریکشن کی ہے. نغمہ بیگم نے کہا کہ وحید مراد ندیم محمد علی سب کے ساتھ کام کیا سب ہی بہت اچھے ہیرو تھے. ہمارے میں ہیروئینز میں اچھے سے اچھا کام کرنے کا مقابلہ ہوتا تھا کبھی ایک دوسرے کی ٹانگ کھینچنے کے لئے سازشیں نہیں‌رچی تھیں‌. ہر ہیروئین کے پاس بہت زیادہ کام ہوتا تھا، ہر آرٹسٹ بے حد مٍصروف ہوتا تھا.