Category: شوبز

پاکستانی معروف کرکٹر شعیب ملک اور بھارتی ٹینس پلئیر ثانیہ مرزا جن کی 2010 میں محبت کی شادی ہوئی تھی ان کا ایک بیٹا بھی ہے. بظاہر تو دونوں ایک خوشگوسر زندگی بسر کررہے ہیں لیکن سوشل میڈیا پر ان کی علیحدگی کی خبریں گردش کررہی ہیں. ان خبروں میں‌کتنی صداقت ہے کتنی نہیں اس حوالے سے ابھی کچھ کہا نہیں‌جا سکتا کیونکہ ابھی تک اس جوڑے نے علیحدگی کی تصدیق یا تردید نہیں کی. حال ہی میں دونوں نے اپنے بیٹے کی سالگرہ منائی. سب جانتے ہیں کہ دونوں اپنے بیٹے سے بہت محبت کرتے ہیں. ثانیہ مرزا نے اپنے اکائونٹ پر بیٹے کی سالگرہ کی تصاویر شئیر نہیں کیں سوائے ایک تصویر کہ اس تصویر میں وہ اپنے بیٹے کے پاس لیٹی ہیں اور ان کا بیٹا ان کا بوسہ لے رہا ہے اس کا

کیپشن کچھ یوں ہے کہ بیٹے کا ساتھ مشکل لمحات میں مددگار ہوتا ہے. شعیب ملک نے تاہم ایسی کوئی پوسٹ شئیر نہیں کی کہ جس سے ان کے درمیان علیحدگی کی خبروں کی تصدیق ہو سکے. شعیب ملک اور ثانیہ مرزا کے درمیان معاملات کی خرابی کی خبریں ایک بار پہلے بھی سرکولیٹ ہوئی تھیں لیکن ان خبروں میں کوئی دم نہ تھا. ہو سکتا ہے اس بار بھی سوشل میڈیا پر جو قیاس کیا جا رہا ہے وہ غلط ہی ثابت ہو جائے. تاہم یہ بات کنفرم ہے کہ دونوں نے ابھی تک ایسی خبروں کی تردید یا تصدیق نہیں‌کی .

برابری پارٹی کے چئیر مین جواد احمد نے صحافی برادری سے معذرت کر لی ہے انہوں نے اپنے حالیہ انٹرویو میں کہا ہے کہ لاہور کی صحافی صدف نعیم کی شہادت کا مجھے بہت افسوس ہے اور اس سے بھی زیادہ افسوس ہے کہ میں ان کے گھر تعزیت کرنے نہیں جا سکا جو کہ میری غلطی ہے میں اسے تسلیم کرتے ہوئے پوری صحافی برادری سے معذرت کرتا ہوں. جواد احمد نے کہا کہ میں سمجھتا ہوں کہ مجھ سمیت شوبز شخصیات اور خصوصی طور پر پی ٹی آئی کے سیاستدانوں کو ان کے گھر ضرور جانا چاہیے تھے. ہم قدر کرتے ہیں صحافیوں کی لیکن ہمارے ہاں بد قسمتی سے یہ دیکھا جاتا ہے کہ کون کتنا بڑا صحافی ہے اس حساب سے ٹریٹ کیا جاتاہے. اگر کوئی بڑا صحافی انتقال کر جائے تو اس کے گھر تو سب جاتے ہیں

لیکن وعام صحافی کے گھر کوئی نہیں جاتا جو کہ بہت ہی غلط ہے اور صدف نعیم کے معاملے میں جو مثال سیٹ ہوئی ہے وہ نہایت ہی افسوسناک ہے ایسا نہیں ہونا چاہیے تھا . انہوں نے تمام زندگی صحافت کی خدمت کی لہذا ان کے گھر والوں کے دکھ درد میں کھڑے ہونا ہم سب کی ذمہ داری تھی اور ہے. یاد رہے کہ چینل فائیو کی رپورٹر صدف نعیم لانگ مارچ کی کوریج کرتے ہوئے چند روز قبل شہید ہو گئیں تھیں.

اداکار فرحان سعید اور عروہ حسین کی علیحدگی کی خبریں ایک عرصہ تک گردش کرتی رہی ہیں. دونوں ایک دوسرے کے ساتھ رہ بھی نہیں رہے اور نہ ہی وہ تقریبات میں ایک دوسرے کے ساتھ جاتے ہیں. دونوں کا رشتہ مکمل طور پر ختم ہو چکا ہے یا نہیں اس کا اعلان دونوں طرف سے نہیں ہوا . تاہم اب دونوں کی فلم ٹچ بٹن ریلیز ہونے جا رہی ہے . فلم 25 نومبر کو سینما گھروں کی زینت بنے گی اور اس حوالے سے پوری ٹیم بھرپور پرموشنز کررہی ہے. فرحان سعید نے حال ہی میں ایک انٹرویو دیا ہے اس میں انہوں نے کہا کہ عروہ حسین نے بطور پرڈیوسر لاجواب کام کیا ہے . بطور پرڈیوسر کام کرنا اتنا آسان نہیں ہوتا لیکن عروہ نے تن تنہا تمام کام دیکھے. میں اس فلم میں اداکاری کررہا تھا لہذامیں اس فلم میں اپنے

کردار پر زیادہ توجہ دیتا تھا اور وقت پہ سوتا جاگتا تھا لیکن عروہ تمام رات بھی جاگنا پڑتا تو جاگتی اور پروڈکشن کے کام دیکھتی. عروہ نے جس طرح‌سے کام کیا ہے اس کی کیا تعریف کروں. انہوں نے فلم کا چھوٹے سے چھوٹا کام بھی خود کیا اور مجھے فخر ہے کہ ہماری پرڈیوسر نے نہایت محنت کے ساتھ پراجیکٹ کیا ہے. مجھے بہت امید ہے کہ ہم سب کی محنت رنگ لائیگی اور شائقین اس فلم کو ضرور پسند کریں گے.

ورون دھون اب بالی وڈ میں نئے نہیں رہے، دھون کو سٹوڈنٹ آف دی ایئر سے فلم انڈسٹری میں ڈیبیو کئے 10 سال سے زیادہ ہو چکے ہیں۔ انہوں نے گزشتہ برسوں میں اب 17 سے زیادہ فلموں میں کام کیا ہے، جن میں سے کچھ نے باکس آفس پر کئی ریکارڈز کو توڑا۔ ایک حالیہ پیش رفت میں ورون نے اپنے کیریئر کو وسیع کرنے اور جنوبی سنیما میں بھی کام کرنے کی خواہش ظاہر کی ہے۔ورون اب سائوتھ کی فلموں میں‌کام کرنا چاہتے ہیں. انہوں نے اپنے حالیہ انٹرویو میں کہا ہے کہ اگر لوکیش کناگراج مجھے کسی کردار کی پیشکش کرتے ہیں تو سو فیصد میں ان کے ساتھ ایک تامل فلم کرنا پسند کروں گا۔ انہوں نے مزید کہا کہ اگر ہماری سائوتھ کی فلمیں اچھی چل رہی ہیں اور اچھی بن

رہی ہیں تو ہمیں ایک دوسرے کے ساتھ کام کرنے کی کوشش کرنی چاہیے۔ ہندوستانی فلموں کے لیے اس وقت ترقی کرنا سب سے اچھی بات ہے.یوں ورون دھون نے کھل کر سائوتھ کی فلموں میں‌کام کرنے کی خواہسش کا اظہار کر دیا ہے اب دیکھنا یہ ہے کہ کب ورون ایسی کسی فلم میں نظر آتے ہیں. یاد رہے کہ ورون دھون فلم بیدیا میں اہم کردار ادا کررہے ہیں امر کوش کی ہدایتکاری میں بننے والے یہ فلم ایک کامیڈی ہارر ہے۔ اس کے بعد وہ فلمساز نتیش تیواری کی ایکشن فلم باوال میں جھانوی کپور کے ساتھ کام کریں گے۔

جھانوی کپور کی فلم ملی کل سینما گھروں میں ریلیز ہو گئی ہے۔ تھیٹر میں ریلیز ہونے سے پہلے اس فلم کی پرائیویٹ سکریننگ کی گئی جس میں شوبز انڈسٹری سے جڑی شخصیات نے شرکت کی. ارجن کپور جو کہ جھانوی کپور کے بھائی ہیں انہوں نے فلم دیکھ سوشل میڈیا پر اپنی اور جھانوی کی ایک تصویر جاری کرکے لکھا کہ” جھانوی تم نے ہمیشہ میرا سر فخر سے بلند کیا ہے آپ اداکارہ کے طور پر غیر معمولی ترقی کررہی ہیں، ملی میں آپ نے شاندار اداکاری کی ہے. میری دعا ہے کہ آپ کو کامیابیاں ملیں” ارجن کی اس پوسٹ پر تبصرہ کرتے ہوئے جھانوی کے لکھا لو یو. ملی کو بہت سراہا جا رہا ہے متھوکوٹی زیویئر کی ہدایت کاری میں بننے والی اس فلم میں سنی کوشل اور منوج پاہوا بھی ہیں اور یہ ملیالم ہٹ ہیلن کا ریمیک ہے۔ بہت سے اداکاروں نے جھانوی کی اداکاری کو سراہا ہے. اس فلم کو ان کے والد بونی کپور نے پرڈیوس کیا ہے. فلم میں جھانوی ایک نرس کا کردار ادا کر رہی ہیں اور ان کے کردار کا نام

ملی نوڈیال ہے۔ وہ نرسنگ گریجویٹ ہے لیکن ایک کیفے میں پارٹ ٹائم کے طور پر بھی کام کرتی ہے۔ ٹریلر میں ملی کو فریزر میں پھنستے ہوئے اور اپنی بقا کے لیے لڑتے ہوئے دکھایا گیا ہے۔ یاد رہے کہ جھانوی کپور کی آنے والی فلموں میں راج کمار راؤ کے ساتھ مسٹر اور مسز ماہی سمیت کئی دیگر پروجیکٹس ہیں۔ فلم کی شوٹنگ بھی شروع ہو گئی ہے۔ جھانوی ورون دھون کے ساتھ باوال میں بھی نظر آئیں گی۔

بالی وڈ اداکارہ پریانکا چوپڑا جو حال ہی میں تین سال کے طویل عرصے کے بعد ممبئی واپس آئی ہیں. کہا جا رہا ہےکہ اداکارہ اپنی فلم جی لے زرا کی شوٹنگ کے لئے آئی ہیں. اس فلم میں ان کے ساتھ کترینہ کیف اور عالیہ بھٹ بھی ہیں. فلم کو فرحان اختر ڈائریکٹ کررہے ہیں.پریانکا چوپڑہ، عالیہ بھٹ اور کترینہ کیف پہلی بار کسی بھی پراجیکٹ میں ایک ساتھ دیکھی جا رہی ہیں. جب سے اس فلم کا اعلان ہوا ہے یہ فلم ہے سرخیوں میں ، مداح ان تینوں‌کو ایک ساتھ دیکھنے کےلئے بےتاب ہیں. کورونا کی وجہ سے اس فلم کی شوٹنگ کا شیڈیول ملتوی کر دیا گیا تھا لیکن اب فلم کی شوٹنگ کا آغاز ہونے جا رہا ہے. پریانکا چوپڑہ نے اپنے ایک حالیہ انٹرویو میں کہا ہے کہ میں نے اپنے

کیرئیر میں ایک طویل وقت گزارا ہے اور یہی دیکھا ہے کہ ہیرو کو ہم خواتین ہیروئنز پر زیادہ ترجیح دی جاتی ہے ہیروز یا فلم میں‌کام کرنے والے مرد فیصلہ کرتے ہیں کہ فلم کہاں شوٹ کی جائے، کس کو کاسٹ کیا جائے، مجھے یہ سب اب بورنگ لگتا ہے. ہم جس دور میں آج جی رہے ہیں وہ تبدیل ہو چکا ہے. انہوں‌نے کہا میں ہندی فلمیں کرنا چاہتی ہوں‌کہ لیکن خواتین کی شرائط پر. انہوں‌نے کہا کہ فلم جی لے زرا کی شوٹنگ اسی سال شروع ہو جائیگی. انہوں نے کہا کہ میں عالیہ اور کترینہ کے ساتھ کام کرنے کے لئے کافی پرجوش ہوں مجھے امید ہے کہ ہم ایک اچھا پراجیکٹ لے کر آ رہے ہیں.

اداکار عمران اشرف اور ان کی اہلیہ کرن اشفاق کے درمیان حال ہی میں علیحدگی ہوئی ہے دونوں نے اپنے راستے الگ کر لئے ہیں. ایک دوسرے سے راستے الگ کرنے کی وجوہات تاحال دونوں‌ سامنے نہیں‌لیکر آئے. کرن اشفاق جو کہ انسٹاگرام پر کافی متحرک ہیں .کرن اشفاق کو سوشل میڈیا پر بہت زیادہ ٹرول کیا جا رہا ہے. کرن اشفاق نے حال ہی میں‌اس تکلیف کا اظہار کیا ہے اور کچھ سکرین شارٹس شئیر کرکے سوشل میڈیا پر لوگوں سے ایک سوال کیا ہے اور پوچھا ہے کہ مجھے اگرطلاق ہو گئی ہے تو کیا میں‌مرجائوں یا خود کشی کرلوں؟ کرن اشفاق نے کہا کہ لڑکی کو اگر طلاق ہوجائے تو اسے معاشرے میں‌جینے کیوں نہیں‌دیا جاتا کیوں اس پر سوالات اٹھائے جاتے ہیں کیوں اس کا جینا حرام کیا جاتا ہے. مجھے اگر طلاق ہو گئی ہے تو میں کیا میں‌جینا چھوڑ دوں؟ اور کیوں‌جینا چھوڑ دوں؟ میں تنگ

آگئی ہوں اس طرح‌کی باتوں سے تنقید سے. یاد رہے کہ کرن اشفاق اور عمران عباس کی شادی 2018 میں‌ہوئی تھی اور کچھ عرصہ پہلے اکرن نے اپنے نام کے ساتھ سے عمران اشرف کا نام ہٹا دیا تھا لیکن طلاق کی بات عام نہیں‌کی تھی. تاہم لوگوں نے اندازے لگانا شروع کر دئیے تھے شاید دونوں کے راستے الگ ہو گئے ہیں لیکن عمران اور کرن نے جب سوشل میڈیا پر پوسٹ لگا کر کہا کہ ہم ایک دوسرے سے الگ ہو رہےہیں تو تب سمجھ آئی کہ کرن نے عمران کی تصاویر اپنے ساتھ سے کیوں‌ہٹائیں اور ان کا نام اپنے نام کے ساتھ سے کیوں‌ہٹایا.