Category: شوبز

وزیرآباد میں لانگ مارچ کے آغاز پر پاکستان تحریک انصاف کے چیئرمین عمران خان کے کنٹینر کے قریب گزشتہ روز فائرنگ کا واقعہ پیش آیا جس میں وہ زخمی ہوگئے۔عمران خان کے زخمی ہونے کے بعد پاکستانیوں میں تشویش کی لہر دوڑ گئی ہے. مہوش حیات جو کہ عمران خان کی بہت بڑی سپورٹر ہیں انہوں نے عمران خان کے حق میں ایک ٹویٹ کرتے ہوئے کہا ہے کہ عمران خان پر قاتلانہ حملے نے بے نظیر بھٹو کے ساتھ جو کچھ ہوا اس کی یاد دلا دی ہے. خدا ہمارے ملک کو سلامت رکھے پاکستانیوں کی حفاظت فرمائے. مہوش حیات نے مزید یہ بھی کہا کہ پرامن

احتجاج سب کا حق ہے لہذا حکومت کو سیکیورٹی فراہم کرنی چاہیے. یاد رہے کہ مہوش حیات عمران خان کی حامی ہیں وہ ان کے حق میں نہ صرف بات کرتی ہیں بلکہ ان کو پاکستان کا مسیحا سمجھتی ہیں‌. مہوش حیات کے ساتھ بہت سارے دوسرے سٹارز بھی عمران خان کے حامی ہیں اور وہ سمجھتے ہیں کہ پاکستان کے مسائل کا حل صرف اسی میں ہے کہ عمران خان کو اقتدار کی کرسی پر بٹھایا جائے. شان شاہد ، ہارون شاہد ، ثمینہ پیرزادہ ، منیب بٹ و دیگر عمرا ن خان کو سوشل میڈیا پر کھل کر سپورٹ کرتے ہیں.

اداکاری میں کامیابی کے جھنڈے گاڑھنے کے بعد فیروز خان اب بن گئے ہیں گلوکار . جی ہاں فیروز خان نے اب باقاعدہ طور پر گلوکاری شروع کر دی ہے. انہوں نے حال ہی میں اپنے یوٹیوب چینل پر اپنا گایا ہوا گانا اپلوڈ کیا ہے. گانے کے بول ہیں مانگیں سب کی خیریں اس گانے کو ہزاروں کی تعداد میں ابھی تک دیکھا جا چکا ہے . اور فیروز خان کے یوٹیوب چینل کو بھی دھڑا دھڑ سبسکرائب کیا جا رہا ہے. فیروز خان کہتے ہیں کہ وہ اپنے مداحوں کے لئے ہمیشہ کچھ نیا اور منفرد کرنے کی کوشش میں‌رہتے ہیں . مزید یہ بھی کہا کہ گلوکاری کا مجھے شوق رہا ہے لہذا سوچا کیوں نہ گانا گایا جائے. فیروز خان کے گانے کو بہت زیادہ سراہا جا رہا ہے . اداکار فیروز خان اپنے نئے سانگ کے بارے میں اپنے

مداحوں کو آگاہی اپنے سوشل میڈیا اکائونٹس سے دی. فیروز کے گانے کو بہت پسند کیا جا رہا ہے . ان کے مداحوں کا کہنا ہے کہ اداکار کو گلوکاری کا پروفیشن سنجیدگی سے اپنانا چاہیے وہ انہیں گاتا سننا چاہتے ہیں. یاد رہے کہ فیروز خان آج کل اپنی سابقہ اہلیہ کے جسمانی تشدد کے الزامات کی زد میں‌ہیں سوشل میڈیا پر ان پر بہت زیادہ تنقید کی جا رہی ہے تاہم اداکار مسلسل ان الزامات کی تردید کررہے ہیں. فیروز خان کا انہی کے بہت سے ساتھی اسی وجہ سے بائیکاٹ کر چکے ہیں.

ہریتک روشن اور صبا آزاد کی دوستی ان دنوں ہے بہت زیادہ چرچا میں، دونوں کو اکثر تقریبات میں ایک ساتھ دیکھا جاتا ہے اور انسٹاگرام پر ایک دوسرے پر پیار جتاتے ہوئے بھی دیکھا جاتا ہے۔ صبا آزاد کی حال ہی میں سالگرہ تھی. انکی سالگرہ کے موقع پر ہریتک روشن نے سوشل میڈیا پر ایک رومانوی پوسٹ شیئر کی۔ ہرتیک نے اپنی اور صبا کی خوبصورت تصاویر شئیر کیں، ان تصاویر میں دیکھا جا سکتا ہےکہ دونوں نے رومینٹک انداز میں سالگرہ منائی. ہرتیک روشن نے سالگرہ کی تقریب بہت بڑی نہیں رکھی بلکہ دونوں نے مل کر اس موقع کو خاص بنایا . سالگرہ کے موقع پر ہرتیک کے اکائونٹ سے جو تصاویر شئیر کی گئیں ان میں دیکھا جا سکتا ہے کہ دونوں کے

سامنے ایک کیک پڑا ہوا ہے اور ایک دوسرے کو دیکھ رہے ہیں. صبا آزاد نے ہرتیک روشن کا ایک پوسٹ‌کے زریعے شکریہ ادا کیا اور لکھا کہ اس دن کی منصوبہ بندی آپ نے بالکل ویسے ہی کی ہے جیسے میں چاہتی تھی.
صبا آزاد کی اس پوسٹ کے کمنٹ باکس میں جہاں اور لوگوں کے کمنٹس آئے وہیں ہرتیک روشن کی سابقہ اہلیہ سوزین خان نے بھی دل والا ایمو جی بنایا اور اور لکھا کہ حیرت انگیز ، خدا آپ دونوں‌کو خوش رکھے. صبا کو شوبز انڈسٹری سے جڑے دیگر فنکاروں نے سالگرہ کی مبارکباد دی .

کترینہ کیف کے شوہر وکی کوشل اپنی ماں وینا کوشل سے بہت محبت کرتے ہیں ان کا آپس میں ایک خاص رشتہ ہے
وکی اپنی ماں سے محبت کا اظہار کرتے رہتے ہیں . اہم بات یہ ہے کہ صرف وکی کوشل کا ہی نہیں بلکہ کترینہ کیف کا بھی اپنی ساس کے ساتھ بہت اچھا تعلق ہے دونوں دوستوں کی طرح ہیں. اس سال خواتین کے عالمی دن کے موقع پروکی کوشل نے کترینہ کیف اور اپنی والدہ وینا کوشل کے ساتھ اپنی ایک تصویر شئیر کر کے لکھا کہ یہ دونوں عورتیں میری طاقت ہیں. حال ہی میں‌ وینا کوشل نے اپنی سالگرہ منائی،وکی کوشل نے اپنے سوشل میڈیا پر ایک

دلکش ویڈیوکے ساتھ پیغام دیا اور مبارک دی اس وڈیو میں دیکھا جا سکتا ہے کہ وکی کی والدہ ان کے سر کی مالش کررہی ہیں. اس وڈیو پر کترینہ کیف نے کمنٹ کیا اور ساس کو دی مبارکباد. یاد رہے دی کپل شرما شو میں کترینہ کیف نے انکشاف کیا کہ وکی کے والدین شام کوشل اور وینا کوشل انہیں ‘کٹو’ کہتے ہیں۔ اس نے یہ بھی انکشاف کیا کہ ان کی ساس انہیں آلو پکارتی ہیں۔ انہوں نے بتایا کہ ان کی ساس ان کو شروع میں‌پراٹھے کھانے کا کہتی تھیں لیکن میں‌ڈائیٹ پررہتی ہوں اسلئے نہیں کھاتی. کترینہ نے یہ بھی بتایا کہ میری ساس میرے لئے شکر قندی تیار کرتی ہیں.

دو نومبر کو سپر اسٹار شاہ رخ خان نے اپنی 57 ویں سالگرہ منائی۔ ان کے مداحوں کی جانب سے انہیں بے پناہ محبتوں سے نوازا گیا۔ ان کے مداحوں میں جوش و خروش دوگنا ہو گیا جب انہوں نے اپنی فلم پٹھان کا ٹیزر شائقین کی نذر کیا.ان کے گھر منت کے باہر کے مناظر دیکھنے والے تھے ان کے دیوانوں کا ایک بڑا ہجوم ان کے گھر کے باہر ان کی ایک جھلک دیکھنے کو کھڑا تھا. کنگ خان کی سالگرہ نہ صرف ہندوستان میں‌بلکہ پوری دنیا میں ایک تہوار کی طرح منائی جاتی ہے اس خاص دن پر تو دبئی کا برج خلیفہ بھی روشن تھا۔دبئی کے برج خلیفہ کی

جانب سے سالگرہ کی مبارکباد ملنے کے بعد شاہ رخ نے گزشتہ روز ٹوئٹر پر شکریہ ادا کیا۔یاد رہے کہ برج خلیفہ شاہ رخ خان کے نام کی روشنیوں سے جگمگااٹھا، لکھا گیا کہ "ہیپی برتھ ڈے شاہ رخ، ہیپی برتھ ڈے پٹھان۔ ہمیں تم سے پیار ہے۔” دل والے دلہنیا لے جائیں گے کا گانا تجھے دیکھا اس کے پس منظر میں چلایا گیا۔ شاہ رخ نے ویڈیو شیئر کرتے ہوئے لکھا، مجھے ہر سال دنیا میں سب سے اوپر لانے کے لیے میرے دوست کا شکریہ. یاد رہے کہ شاہ رخ خان چار سال کے بعد بڑی سکرین پر واپسی کررہے ہیں.

کترینہ کیف اور وکی کوشل دونوں ایک دوسرے سے بہت محبت کرتے ہیں اور اس چیز کا دونوں اظہار سوشل میڈیا پر ایکدوسرے کی تصاویر پر کمنٹس کر کے کرتے بھی رہتے ہیں. کترینہ کیف جو کہ اپنی فلم فون بھوت کی کامیابی کی امیدیں لگا کر بیٹھی ہوئی ہیں. اس فلم میں ان کے ساتھ ایشان کھٹر اور سدھانت چترویدی بھی ہیں۔ چونکہ اداکارہ ان دنوں تشہیری مہم جوئی تھیں لہذا انہوں نے گزشتہ روز انسٹاگرام لائیو سیشن منعقد کیا جس میں انہوں نے اپنے گھر میں موجود سب سے قیمتی چیز کا انکشاف کیا. لائیو سیشن کے دوران ایک مداح نے کترینہ کیف سے گھر میں موجود

سب سے قیمتی چیز کے بارے میں پوچھا۔ اس پر فون بھوت سٹار نے کچھ دیر سوچا اور پھر فوراً مسکراتے ہوئے جواب دیا کہ گھر میں سب سے قیمتی شخص میرا شوہر ہے۔ کیا یہ پیارا نہیں ہے؟ اس کے بعد انہوں نے کسی مداح کے سوال کا جواب دیتے ہوئے کہا کہ میرے پاس جو کتابیں ہیں‌ وہ میرے لئے بہت قیمتی ہیں.لائیو سیشن کے دوران کترینہ کیف ایک خوبصورت کتابوں کے ریک کے سامنے بیٹھی ہوئی تھیں. یاد رہے کہ کترینہ کیف کی فلم فون بھوت آج کے دن سینما گھروں کی زینت بنی ہے اس فلم کے ساتھ جھانوی کپور کی فلم ملی بھی ریلیز ہوئی ہے دیکھنا یہ ہے کہ کونسی فلم شائقین کے دل جیتنے میں‌ کامیاب ہوتی ہے.

جھانوی کپور کی فلم ملی جس کی وہ سر توڑ پرموشن کرتی نظر آئیں 4 نومبر یعنی آج ہی کے دن ریلیز ہونے جا رہی ہے، گزشتہ روز اس فلم کی ممبئی میں سکریننگ ہوئی، سکریننگ میں ریکھا، وکی کوشل، سارہ علی خان، اننیا پانڈے اور دیگر نے خصوصی شرکت کی. جھانوی کپورنے اداکارہ ریکھا کے ساتھ خصوصی پوز دئیے. فلم ملی میں ایک بڑی سٹار کاسٹ ہے جن میں منوج پاہوا، حسلین کور، راجیش جیس، سنجے سوری، اور دیگر معاون کرداروں

کے نام قابل زکر ہیں۔ مشہور موسیقار اے آر رحمان نے گانے اور اصل سکور کمپوز کیے ہیں۔ ملی کو بونی کپور نے پروڈیوس کیا ہے. ملی مشہور ملیالم فلم ہیلن کا آفیشل ریمیک ہےاسکی ہدایت کاری متھوکوٹی زیویئر کی ہے.آج فلم سینما گھروں میں ریلیز تو ہو گئی ہے لیکن دیکھنا یہ کہ شائقین کا دل جیتنے میں کامیاب ہوتی ہے یا نہیں . دوسری طرف جھانوی کپور کو اس فلم سے کافی امیدیں وابستہ ہیں ان کا کہنا ہے کہ اس کی کہانی مختلف ہونے کے ساتھ ساتھ میوزک اور پکچرائزیشن شائقین کو بہت زیادہ پسند آئیگی.یاد رہے کہ جھانوی کپور سری دیوی کی بیٹی ہیں اور ان کی اپنے والد کے ساتھ پہلی فلم ہے. بونی کپور نے اپنی بیٹی کے لئے پہلی بار کوئی فلم پرڈیوس کی ہے.

ہندوستانی فیشن انڈسٹری کے مشہور ترین چہروں میں سے ایک ملند سومن ہیں. ملند آج اپنی 57ویں سالگرہ منا رہے ہیں۔ سپر ماڈل جو فلم انڈسٹری کا ایک معروف چہرہ بھی ہیں نے کچھ منفرد فلمی انتخاب اورغیرمعمولی پرفارمنس سے شائقین کی توجہ حاصل کی۔ ملند سومن فٹنس کے شوقین افراد کے لیے بھی ایک مثال ہیں۔ ملند سمند انسٹاگرام پر بہت زیادہ متحرک ہیں وہاں وہ فٹنس وڈیوز شئیر کرتے رہتے ہیں. سپر ماڈل ملند سمن ایک بین الاقوامی تیراک بھی ہیں اور اس کے لئے وہ تعریفیں وصول کر چکے ہیں. کہا جاتا ہے کہ 1992 میں ریلیز ہونے والی بلاک بسٹر فلم جو

جیتا وہی سکندر میں دیپک تیجوری کے کردار کے لیے ملند سومن پہلی پسند تھے۔ تاہم اداکار نامعلوم وجوہات کی بناء پر پراجیکٹ سے دور ہو گئے۔ بعد میں ملند سومن کو 1995 میں علیشا چنائے کی میوزک ویڈیو میں دیکھا گیا اور اسی سال ٹیلی ویژن سیریزاے ماؤتھ فل آف اسکائی سے اپنی اداکاری کا آغاز کیا۔ملند سمن نے 1995 میں ایک کمرشل میں عریاں پوز کیا جس کی وجہ سے یہ بڑے تنازع میں‌پڑے. کئی برس تک ماڈل اس کے لئے قانونی جنگ لڑتے رہے. یاد رہے کہ ملند سمن کے ایک بڑی فین فالونگ رکھتے ہیں انہوں نے کئی ایک مشہور میوزک وڈیوز میں بھی کام کیا اور داد سمیٹی.

حال ہی میں بالی وڈ کے کنگ شاہ رخ خان 57 برس کے ہوئے ہیں اس موقع پر انہوں نے اپنی فلم پٹھان کا ٹریلر ریلیز کیا جسے شائقین کی طرف سے بہت سراہا گیا. اس فلم میں ان کے ساتھ دیپیکا پڈوکون اور جان ابراہم بھی اہم کرداروں میں نظر آئیں گے. سدھارتھ آنند نے ڈائریکٹ جبکہ آدتیہ چوپڑا نے اپنے بینر یش راج فلمز کے تحت اسے پروڈیوس کیا ہے۔ پٹھان 25 جنوری 2023 کو ریلیز کی جائیگی. کہا جا رہا ہے کہ شاہ رخ خان نے پٹھان کی ریلیز سے قبل ہی اس کے سیکوئل بنائے جانے کا اشارہ دیدیا ہے. اطلاعات یہ ہیں کہ شاہ رخ خان نے اپنی سالگرہ کے دن

مداحوں سے ایک تقریب میں‌ملاقات کی اور ان سے فلم کی کامیابی کے لئے دعا کرنے کو کہا . انہوں نے کہا "آپ لوگ دعا کرو کی پٹھان کا سیکوئل بن جائے گا۔شاہ رخ خان نے اس موقع پر یہ بھی کہا کہ مجھے امید ہے یہ فلم آپ سب کو بہت پسند آئے گی۔ ہم سب نے پٹھان پر بہت محنت کی ہے.میں چاہتا ہوں کہ فلم اچھا بزنس کرے تاکہ ہم جلد ہی سیکوئل پر کام شروع کر سکیں۔”یاد رہے کہ فلم پٹھان کے علاوہ شاہ رخ خان کی ڈنکی اور جوان بھی اگلے سال ریلیز ہونے جا رہی ہے.

ویسے تبو کے کریڈٹ پر لا تعداد ایسی فلمیں ہیں‌جن میں انہوں نے بہترین اداکارہ ہونے کا ثبوت دیالیکن ہم ان کی سالگرہ کے موقع پر ان کی 5 اہم ترین فلموں کی بات کریں گے. سب سے پہلے ہم بات کریں گے فلم چاچی 420 کی . مزاحیہ اس فلم کو تحریر، پروڈیوس اور ڈائریکٹ کمل ہاسن کیا ، اس فلم میں تبو، امریش پوری، اوم پوری، جانی واکر، پاریش راول، راجندر ناتھ زتشی، عائشہ جھلکا، اور فاطمہ ثنا شیخ کے ساتھ حسن اور ناصر نے اہم کردار ادا کئے تھے۔ اس فلم نے باکس آفس پر بڑی کامیابی حاصل کی تھی. فلم کی کہانی ایک ایسے شخص کے گرد گھومتی ہے جو اپنی بیوی سے طلاق لینے کے بعد بھی اپنی بیٹی کے ساتھ وقت گزارنا چاہتا ہے۔ اگرچہ پلاٹ لائن سنجیدہ دکھائی دیتا ہے، اس فلم میں تبو کی اداکاری دیکھنے سے تعلق رکھتی ہے. دوسرے نمبر پر ہے فلم بیوی نمبر ون یوڈ دھون کی ہدایت کاری میں بنی یہ فلم مزاحیہ ہے اس میں اداکار سلمان خان، کرشمہ کپور، انیل کپور، سشمیتا سین، تبو، اور سیف علی خان نے مرکزی کردار ادا کئے ۔ فلم میں لولی کھرانہ کا کردار ادا کرنے والی تبو اپنے شوہر کو دھوکہ دینے پر غلط سمجھتی ہے۔تبو نے اس فلم میں پنجابی اور ہندی بولی جسے شائقین نے بہت سراہا. تبو نے کامیڈی فلم میں‌اپنی کامیڈی کرنے کی صلاحیتوں‌کو بھی منوایا. تیسرے نمبر پر ہم بات کریں گے فلم ہیرا پھیری کی. پریہ درشن کی ہدایت کاری اور نیرج وورا کی تحریر کردہ اس فلم میں اکشے کمار، سنیل شیٹی، پاریش راول، تبو، اوم پوری، اور گلشن گروور نے مرکزی کردار ادا کیے تھے۔ یہ فلم اس وقت کی دہائی کی سب سے مزاحیہ فلموں میں شامل تھی اور آج تک بہت سے لوگوں کو پسند ہے۔ پلاٹ دو کرایہ داروں، راجو اور شیام اور ایک مالک مکان بابو راؤ کے گرد گھومتا ہے، جنہیں پیسوں کی اشد ضرورت ہے۔ یہ جان کر، وہ پیسہ کمانے کے لیے انوکھے آئیڈیاز لے کر آتے ہیں۔

اس فلم میں تبو کے کردار کو بہت سراہا گیا. چوتھے نمبر پر ہے فلم آمدنی اٹھنی خرچہ روپیہ یہ بھی ایک مزاحیہ فلم ہے جس کی ہدایت کاری کے راگھویندر راؤ نے کی ، جس میں گووندا، جوہی چاولہ، تبو اور جانی لیور نے مرکزی کردار ادا کیے۔ کہانی ایک ایسے خاندان کی ہے جو اپنی یومیہ اجرت حاصل کرنے کے لیے جدوجہد کرتا ہے اور پیسہ کمانے کے لیے انوکھے طریقے نکالتا ہے۔پانچویں نمبر پے ہے فلم گول مال اگین یہ ایک مزاحیہ فلم ہے جسے روہت شیٹی نے لکھا اور ہدایت کاری کی اور اسے روہت شیٹی پکچرز، منگل مورتی فلمز اور ریلائنس انٹرٹینمنٹ نے پروڈیوس کیا ۔ فلم میں تبو، اجے دیوگن، پرینیتی چوپڑا، ارشد وارثی، تشار کپور، شریاس تلپڑے اور کنال کھیمو شامل ہیں۔ بنیادی کہانی پانچ یتیم مردوں کے ارد گرد ہے. یہ ہیں وہ پانچ فلمیں جن میں‌تبو کی کمال اداکاری نے ثابت کیا کہ یہ کسی بھی قسم کا کردار کرسکتی ہیں.