Category: شوبز

تبسم فاطمہ ہاشمی جو کہ تبو کے نام سے مشہور ہیں، آج 52 برس کی ہو گئیں۔ان کا شمار بالی وڈ کی بہترین اداکارائوں میں ہوتا ہے.انہوں نے اپنا فلمی سفر 37 سال قبل شروع کیا تھا. ہیں۔ انہوں نے دیو آنند کی فلم ”ہم نوجوان” میں بطور چائلڈ آرٹسٹ‌کام کیا. یہ فلم 1985 میں‌ریلیز ہوئی. تبو نے سنجیدہ اور کامیڈی پر طرح کے کردار ادا کئے انہوں نے کامیڈی فلموں بیوی نمبر 1 اور ہیرا پھیری جیسی مزاحیہ فلموں کے ذریعے سامعین کے لیے کئی متاثر کن پرفارمنس پیش کیں۔اس کے بعد انہوں نے تیلگو فلم کولی نمبر1 1991 میں کی اس کے بعد انہوں‌نے 1994 میں ہندی فلم وجے پت میں کام کیا اس میں‌ان کی بہترین اداکاری پر انہیں بہترین اداکارہ کا فلم فئیر ایوارڈ ملا . فلم ماچس میں ان

کی اداکاری نے ان کو شہرت کی بلندیوں‌پر پہنچا دیا .اس فلم کےلئے انہیں بہترین اداکارہ کا نیشنل فلم ایوارڈ ملا . اس کے بعد انہوں نے متعدد فلموں میں‌کام کیا اور اپنی صلاحیتوں‌کا لوہا منوایا . ساجن چلے سسرال، بیوی نمبر 1، ہم ساتھ ساتھ ہیں، استتوا اور چاندنی بار میں ان کی اداکاری کو کون بھول سکتا ہے. اس سال ان کی فلم بھول بھلیاں ٹو ریلیز ہوئی جس نے کامیابی نے نئے ریکارڈز قائم کئے. تبو آج 52 سال کی ہو گئی ہیں انہیں ان کے مداح اور شوبز انڈسٹری کے دوست سالگرہ کی مبارکباد دے رہے ہیں.

برابری پارٹی کے چئیر مین جواد احمد نے اپنے حالیہ انٹرویو میں کہا ہے کہ میں نے جو سیاسی جماعت بنائی ہے وہ عام لوگوں کی جماعت ہے اس میں وہ لوگ ہیں جو میری طرح کے ہیں میں عام آدمی ہوں‌لہذا میں نے عام آدمیو‌ں کی نمائندگی کرنے والی جماعت بنائی ہے. انہوں نے کہا کہ عمران خان کا لانگ مارچ ان کی سیاست کو آخری دھکا ثابت ہو گی. وہ حکومت کے خلاف لانگ مارچ نہیں کررہے بلکہ اسٹیبلشمنٹ کے خلاف لانگ مارچ کررہے ہیں اور ان پر پریشر بڑھا رہے ہیں تاکہ ان کو پھر سے انکی خواہشات کے مطابق ہر چیز مل جائے لیکن اب ایسا ہونا نہیں ہے. عوام بھی ان کی حقیقت جان چکی ہے اور ابھی تک کا ان کا لانگ مارچ ناکام ہے . جواد احمد نے مزید کہا ہ میں باقی سیاسی جماعتوں کے بیانیے کے

بھی مخالف ہوں لیکن ان میں اور عمران خان میں‌یہ فرق ہے کہ وہ جھوٹ کا بیانیہ نہیں بناتے یہ جھوٹ کا بیانیہ بناتا ہے اور لوگوں‌کو گمراہ کرتا ہے . جواد احمد نے مزید یہ بھی کہا کہ عمرا ن خان یہ بھول جائیں کہ 2023 کے الیکشن میں ان کی پارٹی کلین سویپ کریگی . جواد احمد کہتے ہیں کہ عمران خان نے عوام میں نفرت کے جذبات کو ابھارا ہے انہیں گمراہ کررہے ہیں یہی ان کا سب سے بڑا گناہ ہے .

بالی وڈ انڈسٹری کے بادشاہ کہلائے جانے والے فنکار شاہ رخ خان کے مداح صرف بھارت میں ہی نہیں پوری دنیا میں پائے جاتے ہیں . شاہ رخ خان کے حصے میں جو شہرت آئی وہ کسی بھی فنکار کا صرف خواب ہی ہو سکتی ہے. شاہ رخ خان نے اپنے ہر پراجیکٹ کے ساتھ ثابت کیا کہ وہ نمبر ون اداکار ہیں. شاہ رخ خان کو بھارتی حکومت ان کی خدمات کے اعتراف میں پدما شری ایوارڈ سے نواز چکی ہے. شاہ رخ خان کے اعزاز میں برج خلیفہ کئی بار روشن ہو چکا ہے. دو نومبر کو شاہ رخ خان کی سالگرہ تھی 57 ویں سالگرہ کے موقع پر شاہ رخ خان کے لئے برج خلیفہ روشن ہو گیا. برج خلیفہ کی روشنیوں میں شاہ رخ خان کو ہیپی برتھ ڈے کہا گیا. برج خلیفہ پر شاہ رخ خان کو پٹھان کہہ کر بلایا گیا اور لکھا گیا ہیپی برتھ ڈے

پٹھان. شاہ رخ خان کو دنیا بھر سے ان کے مداحوں نے سالگرہ کی مبارکباد دی، کنگ خان نے ان سب کا شکریہ ادا کیا اور اپنے گھر کے باہر آکر اپنے مداحوں کو ہاتھ ہلایا . ان کے مداح ان کی سالگرہ کے موقع پر ان کے گھر کے باہر کھڑے تھے ، شاہ رخ خان ہر سال اپنے مداحوں کو ہاتھ ہلا کر خوشی کا اظہار کرتے ہیں.

بالی وڈ اداکارہ کرینہ کپور جو کہ بڑی تعداد میں دنیا بھر میں فین فالونگ رکھتی ہیں . انہوں نے جن ہیروز کو بچپن میں اپنی بڑی بہن کرشمہ کپور کے ساتھ کام کرتے دیکھا انہی کے ساتھ بڑی ہوکر کام کیا. اکشے کمار اور سلمان خان کہتے ہیں کہ کرینہ جب چھوٹی تھی تو اس وقت یہ سکول کے بعد سیٹ پڑ آیا کرتی تھی ہم اس کے سر پر ہاتھ رکھا کرتے تھے. کرینہ کپور نے سیف علی خان کے ساتھ شادی کی ان کے دو بیٹے ہیں ان کے بڑے بیٹے کا نام تیمور علی خان ہے اور چھوٹے بیٹے کا نام جہانگیر علی خان ہے. کرینہ بہترین اداکارہ ہونے کے ساتھ ساتھ بہترین ماں بھی ہیں انہوں نے اپنے بچوں‌کی پرورش پر توجہ دی ہے. جہانگیر علی خان کو اکثر وہ اٹھائے ہوئے نظر بھی آتی ہیں. کرینہ کپور آج کل اپنی ایک فلم کی شوٹنگ کی

غرض سے لندن میں موجود ہیں وہاں ان کے ساتھ ان کے بیٹے جہانگیر علی خان بھی ہیں. انہوں نے ایک دن اپنے کام سے چھٹی کرکے اپنے بیٹے جہانگیر علی خان کے ساتھ گزارا . اور بطور ماں اس کو وقت دیا انہوں نے اپنے بیٹے کے ساتھ گزرے لمحات کو کیمرے کی آنکھ میں محفوظ کیا. جب سوشل میڈیا پر یہ تصاویر وائرل ہوئیں تو ان پر دلچپسپ تبصرے بھی ہوئے. انوشکا شرما نے بھی تصاویر پر کمنٹس کئے .

اداکارہ کبری خان جو کہ چھوٹی اور بڑی سکرین کی اداکارہ ہیں، اداکارہ ایک بڑی تعداد میں فین فالونگ رکھتی ہیں. انہوں نے حال ہی میں ایک انٹرویو دیا ہے اس میں انہوں نے کہا کہ ایک اداکار کو ہر طرح کے کردار کرنے چاہیں . میں بھی ہر طرح کے ردار کرنا چاہتی ہوں،. چاہے مجھے لڑکا بننا پڑے میں بننے کو تیار ہوں . ایسا نہیں ہے کہ میں بولڈ کردار نہیں‌کرنا چاہتی یا کر سکتی مجھے بولڈ کردار کرنا پڑا تو کروں گی. ایک آرٹسٹ کو خود کو دائرے میں بند نہیں‌کرنا چاہیے. اداکارہ کبری خان نے کہا کہ میں نے ہمیشہ کوشش کی ہے کہ میں الگ اور منفرد کردار کروں‌. مجھے بہت خوشی ہے کہ ڈرامہ ہم کہاں کے سچے تھے میں میرے کردار کو بہت سراہا گیا. اسی طرح‌سے میری فلم لندن نہیں جائونگا میں‌بھی

میرے کردار کو بے حد پذیرائی ملی . مجھے خوشی ہوتی ہے کہ میرے مداح مجھے ہر طرح‌کے کردار میں پسند کرتے ہیں. میں سکرپٹ کا انتخاب سوچ سمجھ کر کرتی ہوں ، میں‌بڑی کاسٹ یا ٹیم دیکھنے کی بجائے یہ دیکھتی ہوں کہ اس میں میرا کردار کیا ہے اور یہ کہانی لوگوں کو پیغام کیا دے رہی ہے. کبری خان نے یہ بھی کہا کہ اداکاری میرا جنون ہے. انہوں نے کہا کہ مہوش حیات ہمایوں سعید اور ندیم بیگ کے ساتھ کام کرنے کا میرا تجربہ ہمیشہ ہی بہت اچھا رہا ہے.

اداکار و گلوکار فرحان سعید جنہوں نے کچھ روز پہلے انڈیا پاکستان کرکٹ میچ کو لیکر ایک بیان دیا اس بیان کے بعدان کے بھارتی مداحوں ں نے نہایت مایوسی کا اظہار کیا اس پر فرحان سعید نے سوشل میڈیا پر وضاحتیں دیں اور کہا کہ ان کا مطلب وہ نہیں تھا جو لیا جا رہا ہے .تاہم ھال ہی میں جو انہوں نے بیان دیا ہے وہ کر دے گا ان کے بھارتی مداحوں کو خوش. فرحان سعید نے کہا کہ بھارتی کرکٹ ٹیم کو ایشیاکپ کے لیے پاکستان ضرور آنا چاہیے. فرحان سعید نے کہا کہ بھارتی کرکٹرز کے فین پاکستان میں بہت زیادہ پائے جاتے ہیں. ویرات کوہلی کا پرستار تو پورا پاکستان ہے اگر کبھی ویرات کوہلی پاکستان آئیں گے تو دیکھیں گے کہ پاکستانی ان سے کتنا پیار کرتے ہیں . فرحان نے کہا کہ میں سمجھتا ہوں کہ

ویرات کو جتنا پیار پاکستانیوں سے ملے گا وہ دیکھ کر پاگل ہو جائیں گے. ساتھ ہی فرحان سعید نے یہ بھی کہا کہ پاکستان اور انڈیا کو ایک ساتھ کھیلنا چاہیے اور بھارتی کرکٹ ٹیم کو ایشیا کپ کے لئے پاکستان ضرور آنا چاہیے. انہوں نے یہ بھی کہا کہ ایک بار آکر تو دیکھیں یہ جن ہوٹلوں میں ٹھہرے ہوں گے اس کے باہر کرکٹ کے شائقین کا مجمع دیکھ کر ویرات حیران ہو جائیں گے، ویرات کو بھارت سے زیادہ پیار پاکستان میں‌ ملے گا .

اداکارہ مایا علی کا شمار ایسی اداکارائوں میں ہوتا ہے جنہوں نے نہایت ہی کم عرصے میں اپنا نام اور مقام بنایا ہے . مایا علی کی خوبصورت اداکاری اور ان کے چہرے کی معصومیت ان کو دوسروں سے ممتاز کرتی ہے. اداکارہ مایا علی نے ایک اور اعزاز اپنے نام کر لیا ہے. تفصیلات کے مطابق مایا علی کو بین الاقوامی عرب فیسٹیول ایوارڈز DIAFA کی جانب سے پاکستان کی بہترین اداکارہ کے خصوصی ایوارڈ کیلئے نامزد کیا گیا ہے۔ ڈسٹنکٹو انٹرنیشنل عرب فیسٹیول ایوارڈزDIAFA نے اپنے انسٹاگرام ہینڈل پر مایا علی کو ٹیگ کرتے ہوئے ان کی نامزدگی کا اعلان کیا۔مایا علی کے اس اعزاز پر ان کے مداح کافی فخر محسوس ہورہے ہیں. مایا علی کے کریڈٹ پر جتنا بھی کام ہے وہ لاجواب ہے انہوں نے من مائل جیسے ڈرامے

اور طیفا انٹربل جیسی فلمیں کی ہیں. مایا علی بہت جلد ٹی وی پر نظر آئیں گی آج کل وہ شعیب منصور کی فلم آسمان بولے گا کی شوٹنگ میں مصروف ہیں اس میں ان کے ساتھ معروف ماڈل و اداکار عماد عرفانی نظر آئیں گے . مایا علی نے اداکاری کے ساتھ ماڈلنگ میں بھی اپنا نام بنایا اور خاور ریاض کے ساتھ بہت زیادہ کام کیا. مایا علی کی ویسے تو آن سکرین جوڑی حمزہ علی عباسی کے ساتھ بھی بہت سراہی جاتی ہے لیکن شہریار منور کے ساتھ ان کی جوڑی کو بے حد پسند کیا جاتا ہے.

اداکار حمزہ علی عباسی جو کہ پاکستان سمیت انڈیا میں بھی بہت مقبول ہیں انہوں نے اپنے حالیہ انٹرویو میں کہا ہے کہ مجھے انڈیا سے کام کرنے کی آفرز آتی رہی ہیں اور میں نے بڑے پراجیکٹس چھوڑے ہیں ان پراجیکٹس سے جڑے لوگ نامور تھےلیکن میں نے جب دیکھا کہ یہ میرے مزاج کے نہیں‌ ہیں اس لئے میں نے انکار کر دیا. انہوں نے تفصیلات بتاتے ہوئے کہا کہ معروف فلم میکر ساجد نڈیاڈ والا نے مجھ سے رابطہ کیا اور میرے پاس خود چل کر آئے مجھے سکرپٹ سنایا لیکن اس میں کچھ ایسی چیزیں تھیں جو میرے مزاج سے متصادم تھیں اس لئے میں نے بہت ہی عزت

احترام کے ساتھ فلم کرنے سے معذرت کر لی. حمزہ نے بتایا کہ اس سے پہلے بھی مجھے اکشے کمار کی فلم بے بی کرنے کی آفر ہوئی تھی لیکن میں نے منع کر دیا. یاد رہے کہ حمزہ علی عباسی کی حال ہی میں فلم دا لیجنڈ آف مولاجٹ ریلیز ہوئی ہے اس میں انہوں نے نوری نت کا کردار ادا کیا ہے ان کی اداکاری کو بہت سراہا جا رہا ہے. حمزہ علی عباسی کم مگر معیاری کام کرنے کا ترجیح دیتے ہیں وہ فلمیں بھی کرتے ہیں اور ٹی وی ڈرامے بھی کرتے ہیں ان کے مداح انہیں ہر میڈیم پر بے حد سراہتے ہیں.

نور بخاری جو کہ اداکاری کو خیرباد کہہ چکی ہیں انہوں نے گزشتہ روز انسٹاگرام پر ایک سٹوری شئیر کی جس میں انہوں نے پاکستانیو‌ں کا ہالوین منانے پر حیرانی کا اظہار کیا. انہوں نے کہا کہ یہ ایک نہایت ہی خطرناک رجحان ہے کہ پاکستانی اس دن کو منائیں اور مجھے ڈر ہے کہ کہیں یہ ہماری ثقافت کا حصہ ہی نہ بن جائے. نور بخاری کی انسٹاگرام کی اس سٹوری پر سوشل میڈیا صارفین نے دلچپسپ تبصرے کئے کسی نے نور بخاری کے حق میں بات کی تو کسی نے نور بخاری کی اس تشویش کو فضول قرار دیا . یاد رہے کہ ہالووین امریکا میں منایا جانے والا ایک تہوار ہے جس میں گلی کوچوں، بازاروں، سیرگاہوں اور دیگر مقامات پر جابجا ڈراؤنے چہروں اور خوف ناک لبادوں میں ملبوس چھوٹے بڑے بھوت اور چڑیلیں چلتی پھرتی دکھائی دیتی ہیں۔ اکثر گھروں کے باہر بڑے بڑے کدو پِیٹھے نظر آتے ہیں جن پر ہبت ناک شکلیں تراشی گئی

ہوتی ہیں اور ان کے اندر موم بتیاں جل رہی ہوتی ہیں۔ کئی گھروں کے باہر ڈراونے ڈھانچے کھڑے دکھائی دیتے ہیں اور ان کے قریب سے گزریں تو وہ ایک خوف ناک قہقہہ لگا کر دل دہلا دیتے ہیں۔کاروباری مراکز میں بھی یہ مناظر اکتوبر شروع ہوتے ہی نظر آنے لگتے ہیں۔ 31 اکتوبر کو جب تاریکی پھیلنے لگتی ہے اور سائے گہرے ہونا شروع ہوجاتے ہیں تو ڈراؤنے کاسٹیوم میں ملبوس بچوں اور بڑوں کی ٹولیاں گھر گھر جاکر دستک دیتی ہیں اور trick or treat کی صدائیں بلند کرتی ہیں۔ جس کا مطلب یہ ہوتا ہے کہ یا تو ہمیں مٹھائی دو، ورنہ ہماری طرف سے کسی چالاکی کے لیے تیار ہو جاؤ۔ گھر کے مکین انہیں ٹافیاں اور میٹھی گولیاں دے کر رخصت کر دیتے ہیں۔

بالی وڈ کے بادشاہ شاہ رخ خان 2 نومبر کو 57 برس کے ہو گئے. ان کے مداحوں کے لیے یہ واقعی ایک بڑا دن تھا۔ وہ پیدائشی طور پر اسٹار نہیں تھے لیکن ان کی محنت اور اپنے کام کے تئیں پختہ عزم نے انہیں بالی وڈ فلم انڈسٹری میں ایک میگا اسٹار بنا دیا ہے۔ 30 سال پر محیط کیریئر کے ساتھ، فلم انڈسٹری میں ان کی شمولیت کو محض چند الفاظ میں قلمبند نہیں کیا جا سکتا۔ہم آپ کو بتاتے ہیں کہ شاہ رخ خان نے اپنے مداحوں کے ساتھ اپنی سالگرہ کیسے منائی . جیسے ہی گھڑی میں آدھی رات کے 12 بج رہے تھے، شاہ رخ خان نے اپنی رہائش گاہ منت سے اپنے مداحوں اور خیر

خواہوں کو ہاتھ ہلا کر مبارکباد دی۔شاید کم لوگ یہ جانتے ہیں کہ شاہ رخ خان اپنی سالگرہ کے کے موقع پر خصوصی طور پر اپنے گھر منت کے باہر آکر اپنے مداحوں کو ہاتھ ہلا کر جواب دیتے ہیں اور خوش آمدید کہتے ہیں. اس کے بعد انہوں نے اپنی آنے والی فلم پٹھان کا ٹیزر جاری کرکے شائقین کے دل جیت لئے.اسکے بعد اگلے دن انہوں نے ممبئ میں ایک تقریب میں شرکت کی اور وہاں انہوں نے اپنے مشہور گانے ‘چھئیا چھئیا’ پر رقص کرکے سب کو حیران کر دیا اور بعد اذاں کیک بھی کاٹا. کرن جوہر نے شاہ رخ خان کو سالگرہ کی خصوصی مبارکباد دی .