Category: شوبز

دنیا بھر میں کرکٹ کے پرستار پائے جاتے ہیں اور جہاں جہاں‌کرکٹ کو پسند کرنے والے موجود ہیں وہ ویرات کوہلی کو نہ جانتے ہوں یا ان کے مداح نہ ہو یہ ہو ہی نہیں سکتا. اسی طرح سے بالی وڈ کو فالو کرنے والے انوشکا شرما کو نہ جانتے ہوں‌یہ نہیں ہو سکتا. ان دونوں کے مداح پوری دنیا میں پائے جاتے ہیں اور اس جوڑی کو بہت زیادہ سراہا جاتا ہے. ان کی شادی کی خبر مداحوں کے لئے کسی ٹریٹ سے کم نہ تھی. ان کی شادی کو اس سال دسمبر میں پانچ برس ہو نے کو ہیں. ان کی شادی 2017 میں اٹلی کے شہر ٹسنکی میں 800 سال پرانے ولا میں ہوئی.انوشکا کی شادی کے لباس سے لے کر سجاوٹ تک، سب کچھ پریوں کی کہانی کی طرح تھا۔انوشکا اور ویرات کی پہلی ملاقات 2013 میں ایک شیمپو کے

اشتہار کی شوٹنگ کے دوران ہوئی تھی۔ اس کے بعد ان کی ڈیٹنگ کی افواہیں شروع ہوئیں لیکن یہ جوڑا خاموش رہا۔ انہیں کئی مواقع پر عوامی مقامات پر ایک ساتھ دیکھا گیا اور انوشکا کو ایک میچ میں کرکٹر کے لیے خوشی کا اظہار کرتے ہوئے بھی دیکھا گیا۔جب ان کی دوستی گہری ہوئی تو پھر انہوں نے شادی کرنے کا فیصلہ کیا.جنہوں نے ان دونوں کی شادی کے انتظامات کئے ان کا کہنا ہے کہ یہ دونوں شادی سے پہلے ہمارے پاس آئے ، ان کو ہم نے بہت سارے مقامات تجویز کئے لیکن یہ دونوں انڈیا میں شادی نہیں کرنا چاہتے تھے . پھر انہوں نے اٹلی کے شہر ٹسنکی کا انتخاب کیا .ویرات اور انوشکا نے شادی کے لئے منتخب لوگوں کی فہرست تیار کی تھی ان کا خواب تھا شادی کی تقریبات یادگار ہوں اور ایسا ہی ہوا.

دیپیکا پڈوکون اور کترینہ کیف بالی وڈ کی دو سب سے زیادہ پسند کی جانے والی اور ٹاپ اداکارہ ہیں۔ ایک کہاوت ہے کہ دو اداکارائیں کبھی اچھی دوست نہیں ہو سکتیں۔ لیکن اسے غلط ثابت کرتے ہوئے، دونوں اداکارائوں نے اپنی دوستی سے مداحوں کو ہمیشہ حیران کیا ہے. یہ کل ہی کی بات ہے جب دیپیکا پڈوکون نے جم سے کترینہ کیف کی ایک ویڈیو شیئر کی جس نے نہ صرف یہ ثابت کیا کہ وہ جم کی دوست ہیں بلکہ اپنے مداحوں کو اپنے اچھے تعلق کی جھلک بھی دکھائی۔ اس ویڈیو کو دیکھنے کے بعد، مداح اپنے جوش و خروش پر قابو نہ رکھ سکے اور اس جوڑی کا نیا نام رکھ دیا۔دیپیکا کی جانب سے اس وڈیو کو شئیر کی گئی وڈیو پر ایک مداح نے لکھا کہ "کیا آپ لوگ ایک ساتھ فلم کر سکتے ہیں” ایک اور مداح

نے لکھا "آپ اور کیٹ جم کے دوست ہیں؟؟؟؟ او میرے خدا.” یوں ان دونوں کے مداحوں نے ان دونوں کے نام کا ہیش ٹیگ بھی استعمال کیا . ہیش ٹیگ #katpika تھا .یاد رہے کہ کترینہ اس وقت اپنی ہارر کامیڈی فلم فون بھوت کی ریلیز کی تیاری کر رہی ہے جس میں ایشان کھٹر اور سدھانت چترویدی اہم کرداروں میں ہیں۔ یہ نومبر 2022 میں ریلیز ہونے والی ہے۔ اس کے بعد کترینہ کیف سلمان خان کے ساتھ ٹائیگر 3 میں نظر آئیں گی.اس کے علاوہ اداکارہ فرحان اختر کی فلم جی لے زرا میں پریانکا چوپڑا اور عالیہ بھٹ کے ساتھ بھی جلوہ گر ہوں گی۔دوسری جانب دیپیکا، شاہ رخ خان کے ساتھ اگلی فلم پٹھان میں جان ابراہم کے ساتھ نظر آئیں گی۔ یہ 25 جنوری 2023 کو ریلیز ہوگی۔ سدھارتھ آنند کی ہدایت کاری میں بننے والی اس فلم کو یش راج فلمز کے بینر تلے بنایا گیا ہے اور یہ ہندی، تامل اور تیلگو میں سینما گھروں میں ریلیز ہوگی۔

بالی وڈ ہر دلعزیز اداکار ہریتک روشن اور دیپیکا پڈوکون کی فلم ”فائٹر” کے بہت چرچے ہیں شائقین اس فلم کی ریلیز کے لئے بےتاب ہیں. سدھارتھ آنند کی ہدایت کاری میں بنائی گئی یہ فلم ایک ایکشن تھرلر ہے. ہرتیک روشن اور دیپیکا پڈوکون کے ساتھ انیل کپور بھی دکھائی دیں گے. فلم کا پوسٹر انیل کپور نے اپنے انسٹاگرام اکائونٹ پر شئیر ہیں.فلم میں ہریتک اور دیپیکا انڈین ایئر فورس کے پائلٹ کا کردار ادا کرتے نظر آئیں گے جب کہ انیل کپور ان کے سرپرست کا کردار ادا کر رہے ہیں۔ شائقین فلم کی ایک جھلک کا بے صبری سے انتظار کر رہے تھے اور اب آخر کار میکرز نے فائٹر کی

نئی ریلیز کی تاریخ کا اعلان کرتے ہوئے فلم کا پہلا پوسٹر شیئر کر دیا ہے۔انیل کپور نے فلم کا پوسٹر شئیر کرتے ہوئے انیل کپور نے انکشاف کیا کہ یہ فلم یوم جمہوریہ 2024 ویک اینڈ کے دوران بڑی اسکرینوں پر آئے گی! فائٹر کی ریلیز کی تاریخ ماضی میں کئی بار ملتوی کی جا چکی ہے اور ایسا لگتا ہے کہ بنانے والوں نے اب ریلیز کی تاریخ کو لاک کر دیا ہے۔دوسری طرف ہرتیک روشن کا اس فلم میں اپنے کردار کے حوالے سے کہنا ہے کہ میں‌نے اپنے کردار کی تیاری میں کوئی کسر نہیں چھوڑ رہے ہیں۔یاد رہے کہ دیپیکا پڈوکون اور ہرتیک روشن کو شائقین ایک ساتھ دیکھنے کے لئے بےتاب ہیں.

بالی وڈ کی بہترین رقاصہ راکھی ساونت جو ہر وقت خبروں میں رہتی ہیں. وہ آج کل ایک مسلمان لڑکے عادل خان کے ساتھ رہ رہی ہیں ان کی اس کے ساتھ خاصی دوستی ہے انکی شادی کی خبریں کافی عرصے سے گردش بھی کررہی ہیں. راکھی عادل کے ساتھ دوستی کے بعد کافی بد ل گئی ہیں ان کا کہنا ہے کہ میں چھوٹے کپڑے نہیں‌پہنوں گی کیونکہ عادل کو نہ پسند ہیں اور اسلام میں ویسے بھی چھوٹے کپڑے پہننے کی ممانعت ہے. اب راکھی کافی دن سے حجاب میں باہر نکل رہی ہیں اور ان کے سر سے پر مسلسل حجاب دکھائی دے رہا ہے. راکھی کو حجاب میں

دیکھ کر قیاس آرائیاں‌ کی جا رہی ہیں کہ شاید انہوں نے عادل کے ساتھ شادی کرلی ہے اور اسلام بھی قبول کر لیا ہے شاید اسی لئے وہ حجاب کی پابندی بھی کررہی ہے . سوشل میڈیا پر اس حوالے سے کافی بحث جاری ہے تاہم راکھی نے ابھی تک یہ کلئیر نہیں‌کیا کہ ان کی عادل کے ساتھ واقعی شادی ہو گئی ہے اور انہوں نے واقعی اسلام قبول کر لیا ہے. یاد رہےکہ راکھی ساونت اور عادل کی حال ہی میں ایک میوزک وڈیو بھی ریلیز ہوئی ہے جسے بہت زیادہ سراہا جا رہا ہے. راکھی نہ صرف بہترین رقاصہ ہے بلکہ اداکارہ بھی ہے انہوں نے بگ باس سمیت بہت سارے رئیلٹی شوز میں حصہ لیا.

سجل علی کی چھوٹی بہن صبور علی بھی نامور اداکارہیں ان کے کریڈٹ پر بھی خاصا کام ہے اور انہوں نے جتنے بھی ڈرامے کئے ہیں سب میں انکا لیڈ رول ہے. صبور علی حساس دل کی لڑکی ہیں، وہ بھی اٹھ کھڑی ہوئی ہیں فیروز خان کی سابقہ اہلیہ علیزے سلطان کے حق میں‌. انہوں نے کہا کہ اگر کوئی رشتہ اتنا خراب چل رہا ہو کہ ایک دوسرے کے ساتھ ایک چھت کے نیچے نہ رہا جا سکتا ہوں تو پھر اس رشتے کو چلانے کا بالکل بھی فائدہ نہیں ہوتا اس رشتے سے جتنی جلدہو سکے جان چھڑا لینی چاہیے. صبور علی نے کہا کہ ہم سب کو فیروز خان کی سابقہ اہلیہ علیزے سلطان کا ساتھ دینا چاہیے کیونکہ فیروز خان نے ان پر ظلم کیا ہے. ان کا یہ بھی کہنا ہےکہ جن لڑکیوں کے ساتھ بد

سلوکی ہوتی ہے گھریلو تشدد ہوتا ہے ان کو چاہیے کہ وہ اس کے خلاف اٹھ کھڑی ہوں اور آواز اٹھائیں اور ہم سب کو ان کی آواز بننا چاہیے ،انہوں نے تو یہاں تک کہہ دیا کہ زہر گھولتے تعلق سے بہتر ہے کہ ہماری بیٹیاں یا بہنیں مردہ رہنے کے بجائے طلاق یافتہ کہلائی جائیں۔صبور علی کی اس انسٹاگرام سٹوری کو بہت سراہا جا رہا ہے ان کے مداحوں کا کہنا ہے کہ صبور نے بالکل ٹھیک بات کی ہے جو رشتے تکلیف دیتے ہوں ان سے جان چھڑا لینا ہی بہتر ہوتا ہے.

اداکار فیروز خان آج کل ہیں شدید تنقید کی زد میں . پہلے تو انہوں نے خاموشی اختیار کئے رکھی لیکن اب وہ اپنے ناقدین کو مسلسل دے رہے ہیں جواب. ایسا لگتا ہےکہ اب فیروز خان غصے میں آگئے ہیں کیونکہ انہوں نے سوشل میڈیا پر گھڑ سواری کرتے ہوئے وڈیو شئیر کی ہے جس کا کیپشن انہوں نے لکھا ہےکہ ڈرا نہیں‌ہمت نہیں ہاری اور جیت گیا. یہ کیپشن بظاہر انہوں نے اپنے ناقدین کے لئے لکھا ہے اور جو ان پر تنقید کررہے ہیں ان کو سنایا ہےکہ میں نہ کسی سے ڈرا ہوں نہ ہمت ہاری ہے اور جیت گیا ہوں. یاد رہے کہ فیروز خان پر ان کی اہلیہ نے بدترین تشدد

کے الزامات ثبوت سمیت لگائے ہیں. فیروز خان کی اہلیہ علیزے سلطان نے جب سے بد ترین تشدد کے ثبوت عدالت میں دکھائے ہیں تب سے فیروز خان شدید تنقید کی زد میں ہیں. اور اب تو ان کے کو سٹارز بھی ان کے ساتھ کام کرنے سے انکاری ہو رہے ہیں.تاہم فیروز خان نے حال ہی میں جو وڈیو شئیر کی ہے جس میں وہ گھڑ سواری کررہے ہیں اس پر ان کو سوشل میڈیا صارفین خاصی سنا رہے ہیں کوئی کہہ رہا ہے کہ جو بیوی کو انسان نہ سمجھے اور بری طرح مار پیٹ کرتے وہ ہمارے نزدیک انسان نہیں ، جبکہ کوئی کہہ رہا ہےکہ آپ انسان نما جانور ہو جو دوسروں کو انسان نہیں سمجھتا.

خوبصورت اور باصلاحیت اداکارہ منشا پاشا نے حال ہی میں ایک انٹرویو دیا ہے اس میں انہوں نے کہا ہے کہ میں جب بھی کوئی کام کرتی ہوں مجھے میرے مداح بہت زیادہ پذیرائی دیتے ہیں. انہوں نے کہا کہ ایسا نہیں ہے کہ مجھے فلموں میں‌کام کرنے کا شوق نہیں مجھے بالکل کام کرنا ہے فلموں میں‌ لیکن کوئی اچھی فلم آفر ہو تو کروں نا. انہوں نے مزید یہ بھی کہا کہ ایسا بھی نہیں ہے کہ میں صرف اردو فلمیں کروں گی مجھے پنجابی فلمیں آفر ہوئیں تو میں‌پنجابی فلمیں بھی کروں گی اور اس کےلئے میں خاص طور پر پنجابی سیکھوں گی . انہوں نے کہا کہ اب جو

فلمیں ریلیز ہو رہی ہیں وہ کورونا سے پہلے تیار ہوئی تھیں اور ریلیز کی منتظر تھیں . اچھی بات یہ ہے کہ فلمیں ریلیز ہو رہی ہیں اور شائقین سینما گھروں تک آرہے ہیں. مولا جٹ نے پاکستانی سینما کی تاریخ میں سب سے زیادہ بزنس کیا ہے جو کہ یقینا پاکستانی سینما کے لئے ایک اچھی پیش رفت ہے. یاد رہے کہ منشا پاشا آج کل ڈرامہ سیریل حاصل لا حاصل کی لاہور میں شوٹنگ کررہی ہیں اور اس میں وہ ایک اہم کردار نبھا رہی ہیں. منشا پشا کے ساتھ اس ڈرامے میں عباس اشرف اور آغا علی مرکزی کردار نبھا رہے ہیں.

ملک کے معروف صحافی ارشد شریف جو کہ موت کی دھمکیاں ملنے کے بعد ملک چھوڑ کر دبئی روانہ ہوئے وہاں سے انہیں کینیا جیسے ملک میں جانا پڑا. انہیں دو روز قبل کینیا پولیس نے گولیاں مار کر ہلاک کر دیا تھا . گزشتہ روز ارشد شریف کی میت پاکستان پہنچی اور آج ان کا جنازہ اٹھ گیا ہے. جنازے پر ملک کی نامور شخصیات کے ساتھ ہر خاص و عام نے شرکت کی . جنازے میں لوگوں کی بڑی تعداد تھی ہر آنکھ اشکبار تھی. ارشد کے قتل پر صحافی برادری نے تشویش کا اظہار کیا ہے . ارشد شریف کا جنازہ اٹھنے کے بعد اداکار ہارون شاہد نے ایک سوشل میڈیا پوسٹ کی ہے اس میں انہوں نے لکھا ہے کہ ” یہ ظہر کا وقت ہے اور ارشد بھائی خدا حافظ ” آپ کو اسلام آباد

کے لوگوں نے جس طرح سے خراج عقیدت پیش کیا ہے وہ قابل تحسین ہے. یاد رہے کہ ارشد شریف کے ساتھ گاڑی میں موجود ڈرائیور کو ایک بھی گولی نہیں لگی، گولیاں گاڑی کے ساتھ ساتھ ارشد شریف کے سر پر لگیں .ابھی تک ارشد شریف کے قتل کے حوالے سے خاص معلومات سامنے نہیں آ سکیں لیکن امید ہے کہ حکومت نے جو جیوڈیشل کمیشن بنایا ہے وہ بہترین تحقیقات کرکے عوام کے سامنے ارشد کے قاتلوں کا نام رکھیں گے.

بالی وڈ‌ اداکارہ کترینہ کیف نے اپنے کیرئیر میں ایک طویل سفر طے کیا ہے، وہ بالی وڈ کی مقبول ترین اداکاراؤں میں سے ایک ہیں۔ اپنے کیرئیر میں انہوں نے کئی سپر سٹارز کے ساتھ کام کیا، لیکن کترینہ شاہ رخ خان کے ساتھ کام کرکے ہیں بہت خوش، ان دونوں نے ایک ساتھ فلم جب تک ہے جان اور زیرو میں کام کیا ہےان کی آن سکرین جوڑی کو بہت زیادہ سراہا جاتا ہے ، کہا یہ جا رہا ہے کہ شاہ رخ خان ٹائیگر 3 میں ایک کیمیو میں نظر آ سکتے ہیں جس میں کترینہ اور سلمان خان مرکزی کردار ادا کر رہے ہیں۔ کترینہ کیف اپنے کو سٹارز میں اگر کسی کی ذہانت سے متاثر

ہیں تو وہ ہیں شاہ رخ خان. کترینہ کیف نے حال ہی میں‌ایک انٹرویو دیا ہے جس میں‌انہوں نے شاہ ر‌خ خان کو بہت زیادہ ذہین اور باشعور قرار دیا ہے ان کا کہنا ہے کہ میں نے ہمیشہ شاہ رخ خان کے ساتھ بات کرکے بہت کچھ سیکھا ہے. شاہ رخ خان نہایت ہی علم و شعور رکھنے والے انسان ہیں. انہوں نے تو یہاں تک کہہ دیا کہ شاہ رخ خان ناقابل یقین حد تک ذہین ہیں. کترینہ کہتی ہیں کہ شاہ رخ خان کے ساتھ جب کوئی بات کی جائے تو اس کے جواب میں وہ ایسی باتیں کرتے ہیں کہ جو عملی زندگی میں بہت کام آنے والی ہوتی ہیں.

پاکستانی فلموں کی ہیروئین ثناء جن کے نام کا نوے کی دہائی میں‌ڈنکا بجتا تھا.جیسے ہی فلم انڈسٹری بند ہوئی تو ثناء نے ماڈلنگ ، کمرشلز اور ٹی وی کا رخ کر لیا انہیں ہر پلیٹ فارم پر بہت سراہا گیا. ثناء نے حال ہی میں ایک انٹرویو دیا ہے اس میں انہوں نے کہا ہے کہ جب وہ پیدا ہوئی تھیں تو ان کے والد نے انہیں سات دن تک گود میں نہیں اٹھایا تھآ، گود میں‌نہ اٹھانے کی وجہ بتاتے ہوئے انہوں نے کہا کہ میرے والد چاہتے تھے کہ بیٹا پیدا ہوا لیکن بیٹی یعنی میں‌پیدا ہو گئی. ثناء نے کہا کہ میں نے اپنی زندگی میں بہت محنت کی اور محنت سے نام مقام بنایا ، مجھے یاد ہے کہ

میں‌نے جب اپنی پہلی فلم کے پیسے امی کے ہاتھ پر رکھے تو وہ خوشی کے مارے رونا شروع ہو گئیں. ثناء نے یہ بھی کہا کہ دو انسان ایک ساتھ زندگی گزارنے کا فیصلہ کرتے ہیں شادی بھی ہوجاتی ہے لیکن اگر وہ رشتہ نہیں چلتا یا آپ کو لگتا ہے کہ ساتھ نہیں چل سکتے تو پھر راہیں الگ کر لینی چاہیں اور ایک دوسرے کو تکلیف نہیں‌دینی چاہیے. میرا اور فخر کا بہت اچھا وقت گزرا ہمارے درمیان اختلافات کی کیا وجوہات رہیں میں اس پہ بات نہیں کرنا چاہتی نہ چاہوں گی .