Category: شوبز

سینئر اداکار علی عباس نے اپنے حالیہ انٹرویو میں کہا ہے کہ مجھے نیگیٹو کردار کرنے زیادہ اچھے لگتا ہے ان میں اداکاری کا بہت زیادہ مارجن ہوتا ہے. اور میں نے ہمیشہ کوشش کی ہے کہ ایسے کردار کروں جو شائقین پسند کریں چاہے وہ نیگیٹو ہوں یا پازیٹیو. علی عباس نے مزید کہا کہ قلندر ڈرامے میں میرا کردار پچھلے ڈرامے سے ہٹ کر ہے، پچھلے ڈرامے میں میرا کردار بہت نیگیٹیو تھا اور میں چاہتا تھا کہ اس بار کچھ پازیٹیو کرنا چاہیے. میں شکر گزار ہوں‌ اپنے مداحوں کا کہ انہیں میری اداکاری اور میرا کردار قلندر میں اچھا لگ رہا ہے. علی عباس نے مزید کہا کہ مجھے سیاست میں بالکل بھی دلچپسی نہیں ہے، اور نہ ہی میرا کوئی پسندیدہ سیاستدان ہے. انہوں نے کہا کہ میں

نے ہمیشہ کوشش کی ہے کہ میں سوچ سمجھ کر بولوں اور میرا جو امیج ہے کہ میں سنجیدہ کردار کرتا ہوں تو میں سنجیدہ بھی ہوں گا تو ایسا نہیں‌ہے میں بہت زیادہ ہنسی مذاق کرنے والا انسان ہوں. ایک سوال کے جواب میں انہوں نے کہا کہ اگر مجھے کامیڈی کردار ملے تو میں ضرور کروں گا مجھے کامیڈی کرنا اچھا لگتا ہے.کامیڈی بھی آسان کام نہیں ہے لیکن اداکار کو ہر کردار کو چیلنج سمجھ کر قبول کرنا چاہیے جب مداح آپ کے ساتھ ہوں تو پھر اداکاری کے پراجیکٹس میں رسک لے لینا چاہیے.

اداکارہ نیلم منیر جو کہ بڑے پیمانے پر فین فالونگ رکھتی ہیں اسی طرح‌سے عمران عباس بھی بڑی تعداد میں فین فالونگ رکھتے ہیں . دونوں کے مداحوں کے لئے خوشخبری ہے کہ ان کے پسندیدہ اداکار اب ایک ساتھ دیکھے جائیں گے. جی ہاں نیلم منیر اور عمران عباس ڈرامہ سیریل احرام جنون کے لئے ایک ساتھ اکٹھے ہو رہے ہیں .عمران عباس نے یہ خوشخبری اپنے مداحوں کے ساتھ شئیر کی اور لکھا کہ ہم دونوں ایک دوسرے کے ساتھ پہلی بار دکھائی دیں گے .عمران عباس نے اس پراجیکٹ کے حوالے سے زیادہ تفصیلات شئیر نہیں‌کیں. لیکن اتنا کہا جا سکتا ہے کہ ڈرامہ آج

کل شوٹ ہو رہا ہے کیونکہ عمران عباس نے جو تصویر شئیر کی ہے وہ ان کی اور نیلم منیر کی شوٹنگ کے دوران کی ہے. یاد رہے کہ عمران عباس کم کم کام کرتے ہیں لیکن جب بھی سکرین پر آتے ہیں کسی اچھے پراجیکٹ کے ساتھ آتے ہیں. انہوں نے ہمیشہ معیاری کام کو ترجیح دی ہے. عمران عباس کی جوڑی بہت ساری ڈرامہ آرٹسٹوں کے ساتھ مشہور ہے لیکن اب دیکھنا یہ ہے کہ نیلم منیر کے ساتھ ان کی جوڑی کو کتنا سراہا جاتا ہے اور دونوں اس نئے پراجیکٹ میں کیا نیا لیکر آرہے ہیں . دوسری طرف نیلم منیر بھی بہت کم کام کرتی ہیں انہوں نے ہمیشہ سنجیدہ کردار ہی کئے ہیں اس ڈرامے میں ان کا کردار پہلے کی طرح سنجیدہ ہی ہو گا یا کچھ الگ ہو گا یہ ڈرامہ آن ائیر ہونے کے بعد ہی پتہ لگے گا .

سٹیج سے جہاں بہت سارے اداکاروں نے نام بنایا وہیں روبی انعم بھی کسی سے کم نہیں‌ہیں انہوں نے سٹیج سے خوب شہرت کمائی، سٹیج کی اگر بات کی جائے اور ان کا ذکر نہ ہو ایسے نہیں ہو سکتا. روبی انعم نے اپنے حالیہ انٹرویو میں کہا ہے کہ لاہور کی بجائے کراچی کی ٹی وی کی اداکارائیں فلموں میں کام کرکے اپنی شناخت بنا رہی ہیں. لاہور کی اداکارائوں کو بھی آگے آنا چاہیے. کراچی ہو یا لاہور ہمارے پاس بے پناہ ٹیلنٹ ہے. ماہر ہ خان ہمارے ملک کی ایک بڑی اداکارہ ہیں انہوں نے مولاجٹ میں‌مکھو کا کردار کرکے حد درجہ شہرت سمیٹی ہے. اسی طرح‌سے اور بھی ہیروئینز ہیں جو پاکستان کا نام انٹرنیشنل لیول پر روشن کررہی ہیں . روبی انعم نے کہا کہ شوبز انڈسٹری خصوصی طور پر فلم انڈسٹری کی بحالی

میں‌سینئیر اداکارائوں کو اپنا کردار ادا کرنا چاہیے. اداکارہ ریشم میرا ریما وہ اداکارائیں ہیں جنہوں نے نوے کی دہائی میں بننے والی فلموں میں کام کیا اور ان کی فلمیں اس وقت شائقین شوق سے دیکھتے تھے. انہیں چاہیے کہ یہ اب آگے آئیں اور فلمی صنعت کی بحالی اور اسکی ترقی میں اپنا حصہ ڈالیں . روبی انعم نے کہا کہ آج بھی سٹیج پر اچھا کام ہو رہا ہے فیملیز ڈرامہ دیکھنے کےلیے آتی ہیں.

لالی وڈ کے سپر سٹار شان شاہد جن کی فلم ضرار ریلیز ہونے جا رہی ہے انہوں نے اپنے حالیہ انٹرویو میں کہا ہے کہ میں‌نے ہمیشہ اپنی ہر فلم پر بہت زیادہ توجہ دی ہے اس کے ہر چھوٹے سے چھوٹے اور بڑے سے بڑے کام میں انوالو ہوتا ہوں. انہوں نے کہا کہ ضراراپنی نوعیت کی ایسی فلم ہے جو پاکستان میں‌پہلے کبھی نہیں‌ بنی. مجھے بہت امید ہے کہ یہ فلم شائقین کو ضرور پسند آئیگی . میں نے ابھی تک جتنی بھی پرموشنز کی ہیں لوگوں کا بہت اچھا ریسپانس دیکھ رہا ہوں. اچھی بات یہ ہے کہ اب لوگ فلمیں دیکھنے کےلئے سینما گھروں کا رخ کر رہے ہیں. مولا جٹ ہمارے

کلچر کی عکاسی کرتی ہے خوشی کی بات یہ ہے کہ ہماری نئی فلموں میں ہمارے کلچر کی عکاسی کرتی فلموں اور کہانیوں کو بھلایا نہیں گیا ہے. ہم سب کو مل کر کام کرنا چاہیے. ہمیں کراچی لاہور میں نہیں بٹنا چاہیے. میں‌ نے جتنا بھی کام کیا ہے میں اس بے حد مطمئن ہوں. یاد رہے کہ شان شاہد کی فلم ضرار میں نہ صرف وہ اداکاری کررہے ہیں بلکہ اسے لکھا بھی خود ہے اور ڈائریکٹ بھی کیا ہے. فلم کی ہیروئین نامور ماڈل کرن ملک ہیں جو کہ اس میں ایک صحافی کا کردار ادا کررہی ہیں.

پاکستانی اداکارہ لاشانہ جنہوں نے فلم، ٹی وی اور سٹیج پر اپنی صلاحیتوں کا لوہا منوایا انہوں نے کم وقت میں اپنی پہچان بنائی . انہوں نے جتنا بھی کام کیا وہ یقینا شائقین کو یاد رہ گیا. لاشانہ بہت تیزی سے شوبز انڈسٹری میں آگے بڑھیں جتنی تیزی سے وہ آگے بڑھیں اتنی ہی تیزی سے وہ شوبز انڈسٹری سے غائب بھی ہوئیں. انہوں نے کئی برس کے بعد حال ہی میں ایک انٹرویودیا ہے اس میں انہوں نے کہا ہے کہ میں نے ہمیشہ معیاری کام کرنے کو ترجیح دی. مجھے بھارتی فلموں میں کام کرنے کی پیشکش ہوتی رہی لیکن میرا جینا مرنا پاکستان کے ساتھ ہے اور میں سمجھتی ہوں کہ میں پاکستانی ہوں تو مجھے پاکستان میں رہ کر کام کرنا چاہیے جو لوگ بھارت میں کام کررہے ہیں وہ ان کی مرضی ہے میں اس پر

کمنٹ نہیں‌کرنا چاہتی ہر انسان اپنی مرضی میں آزاد ہوتا ہے وہ جو چاہے مرضی کرے .میرے ضمیر نے گوارہ نہیں کیا کہ میں انڈیا جا کر کام کروں اس لئے وہاں سے ہونے والی ہر پیشکش کو ٹھکرا دیا . انہوں نے کہا کہ میں جب شوبز انڈسٹری میں آئی تھی کہ تو مجھے نہیں پتہ تھا کہ لوگوں سے کیسے ڈیل کرنا ہے اس لئے مجھے بہت زیادہ نقصان بھی اٹھانا پڑا لیکن ٹھیک ہے تجربے وقت کے گزرنے کے ساتھ ہی ہوتے ہیں .

اداکارہ مدیحہ رضوی جو کہ ماضی کی معروف اداکارہ دیبا بیگم کی صاحبزادی ہیں وہ اس وقت اپنی زندگی کے مشکل ترین دور سے گزر رہی ہیں. انہوں نے حال ہی میں سوشل میڈیا پر ایک پوسٹ کے زریعے اپنے چاہنے والوں کو آگاہ کیاکہ انہوں نے اپنے شوہر حسن نعمان سے راہیں جد کر لی ہیں اور دونوں میں طلاق ہو گئی ہے .انہوں نے سوشل میڈیا پر ایک وضاحتی نوٹ میں لکھا کہ ہم نے بہت کوشش کی کہ ہمارے رشتے میں بہتری آجائے لیکن ایسا نہ ہو سکا. ایسا نہیں ہے کہ ہم نے رشتے میں بہتری کی کوششیں نہیں کیں ہم نے ہر طرح‌کی کوشش کی اور ہر طرح کا چانس دینے کی کوشش کی لیکن یہ رشتہ نہ بچ سکا اور آخر کار ہمیں‌طلاق پر بات ختم کرنا پڑی. ہم نے اپنی 9 سالہ شادی کو ختم کر دیا ہے. ہماری دو

بیٹیاں ہیں ان کی پرورش کےلئے ہم مل کر کوشش کریں گے. کوشش کریں گے کہ اس طلاق کا اثر بچوں پر نہ ہو. مدیحہ رضوی نے کہا کہ ہم ایک مشکل وقت سے گزر رہے ہیں اور امید ہےکہ ہمارا ساتھ دیاجائے اور اس بات کو زیادہ اچھالا نہیں جائیگا نہ ہی سوالات کئے جائیں گے. یاد رہے کہ مدیحہ رضوی ایک بہترین اداکاری ہیں کم مگر معیاری کام کر ترجیح دیتی ہیں لیکن وہ اس وقت زندگی کے بد ترین دور سے گزر رہی ہیں جہاں ان کو اپنا رشتہ ختم کرنا پڑا ہے.

اداکارہ اور میزبان متھیرا جو کہ اپنے بولڈ امیج کی وجہ سے جانی جاتی ہیں انہوں نے حال ہی میں ایک انٹرویو دیا ہے اس میں انہوں نے کہا کہ میرے ساتھ میری زندگی میں جو کچھ بھی ہوا اس میں‌میری والدہ نے میرا ساتھ دیا . انہوں نے میرے ہر مشکل وقت میں میرا ساتھ دیا میرے بچے پالے . میرے بچوں کی پرورش میں میری والدہ کا بہت زیادہ عمل دخل ہے وہ نہ ہوتیں تو میں کیا کرتی؟ میں محض 16 سال کی عمر میں ایک بیٹے کی ماں‌بن گئی تھی . میرا بیٹا بہت خوبصورت اور دراز قد ہے . مجھے اسکو دیکھ کر بہت زیادہ خوشی ہوتی ہے، وہ نہ صرف مجھ سے بہت پیار

کرتا ہے بلکہ اس نے زندگی اور حالات کی مشکلات کا میرے ساتھ ہی سامنا کیا ہے. متھیرا کا کہنا ہے کہ میرا بیٹا میرے ساتھ چل رہا ہو تو دیکھنے والوں کو لگتا ہے شاید یہ میرا بوائے فرینڈ ہے. انہوں نے کہا کہ کاش ہماری سوسائٹی میں یہ سوچ پروان چڑھے کے اگر لڑکی کے ساتھ کچھ برا ہوا ہے تو اسکا ساتھ دیا جانا چاہے. کسی کے ساتھ کوئی مسئلہ ہوجائے تو یہ اس کا جرم نہیں بنا دیا جانا چاہیے. یاد رہے کہ متھیرا سوشل میڈیا پر کافی متحرک رہتی ہیں اور سوشل ایشوز پر کافی آواز اٹھاتی ہیں .

منجھے ہوئے ڈائریکٹر سرمد سلطان کھوسٹ جن کی اس سال ریلیز ہونے والی فلم کملی نے دھوم مچا دی تھی انہوں نے اپنے حالیہ انٹرویو میں کہا ہے کہ مجھے اردو بہت اچھی بولنی آتی ہے لیکن پنجابی زبان خاص اچھی بولنی نہیں آتی ، میں پنجابی زبان سمجھ لیتا ہوں تھوڑی بہت بول بھی لیتا ہوں لیکن مجھے عبور حاصل نہیں ہے. سرمد کھوسٹ نے کہا کہ میں‌نے ہمیشہ جو بھی کام کیا ہے اس کو میرے والد نے ایک ناقد کی نظر سے دیکھا اور اگر ان کو میرا کام پسند نہیں‌آیا تو انہوں نے صاف کہا کہ تم نے یہ چیز ٹھیک نہیں کی. میرے والد مجھ سے بہت محبت کرتے ہیں

لیکن وہ کام کے معاملے میں باپ بن کر نہیں‌ایک ناقد بن کر بات کرتے ہیں . انہوں نے کہا کہ میرے خاندان نے ٹی وی ریڈیو اور سٹیج کے لئے بہت خدمات دی ہیں میں انہی کی روایات کو آگے لیکر چل رہا ہوں اور مجھے فخر ہے کہ میرے دادا اور والد نےاچھا کام کیا اور ایسا کام کیا کہ جس کو آج بھی لوگ یاد رکھے ہوئے ہیں . یاد رہے کہ سرمد سلطان کھوسٹ‌نوجوان نسل کے نمائندہ ڈائریکٹر ہیں گو کہ سرمد اداکار ی بھی کرتے ہیں لیکن ڈائریکشن میں انکو زیادہ شہرت ملی ہے.

ورسٹائل اداکار آغا علی کہتے ہیں کہ ان کو اس ملک کے لئے آخری امید عمران خان نظر آتے ہیں انہوں نے مزید کہا کہ میرے والد کا بچپن میں انتقال ہو گیا تھا جس کا مجھے ہمیشہ دکھ رہے گا. انہوں نے کہا کہ اگر میں اداکار نہ ہوتا تو شوبز انڈسٹری میں ہی کچھ اور کررہا ہوتا. آغا علی نے کہا کہ میں کم مگر معیاری کام کرنے کا ترجیح دیتا ہوں یہی وجہ ہے کہ میں سکرین پر کم کم نظر آتا ہوں. انہوں نے کہا کہ اگر میں اداکار نہ ہوتا تو ڈائریکٹر ہوتا یا شوبز میں ہی کچھ کر رہا ہوتا۔ انہوں نے کہا کہ میرے والد بہت جلدی اس دنیا سے چلے گئے جسکا مجھے بے حد افسوس ہے۔ انہوں نے اپنے حالیہ انٹرویو میں اپنے بچپن کی عادات پر بات کرتے ہوئے کہا کہ میں بچپن میں بہت زیادہ شرارتی ہوتا تھا ، آج

بھی شرارتی ہوں اور ہمیشہ ہی شرارتی رہوں گا۔ میری والدہ مجھے بتاتی ہیں کہ میری شرارتیں اس قسم کی تھیں کہ ایکبار میں نے چینی کا پیکٹ ٹیبل سے نیچے پھینک دیا اور وہ پھٹ گیا ، امی جب تک آئیں تب تک میں نیچے گری ہوئی ساری کی ساری چینی چاٹ چکا تھا۔ یاد رہے کہ آغا علی نے ایک گانا گایا ہے گزشتہ دنوں اس کی وڈیو شوٹنگ باری سٹوڈیو میں کی گئی ، اسکے علاوہ آغا ڈرامہ حاصل لا حاصل کی شوٹنگ میں مصروف ہیں۔

آج کل فیروز خان ہیں گھریلو تشدد کی وجہ سے بہت زیادہ خبروں میں ایک وقت میں محسن عباس حیدر بھی اسی صورتحال سے گزر رہےتھے جیسے فیروز خان کا بائیکاٹ کیا جا رہا ہے محسن عباس حیدر کا بھی بائیکاٹ کیا گیا . لیکن محسن عباس پر کافی عرصے سے اس حوالے سے تنقید ہونا بند ہو گئی تھی تاہم رابعہ انعم نے ندا یاسر کے شو میں محسن عباس حیدر کی موجودگی میں شو میں بیٹھنے سے انکار کر دیا . اس کے بعد محسن عباس کے معاملے نے ایک بار پھر ہوا پکڑی ہے. اب سونیا حسین نے ان دونوں اداکاروں کے معاملے پر بات کرتے ہوئے کہا ہے کہ کون ظالم ہے کون مظلوم صرف تصویریں دیکھ کر اندازہ نہیں لگایا جا سکتا . مجھے ان دونوں کے معاملے کی حقیقت کی جانکاری

نہیں ہے اسلئے میں کوئی خاص بات نہیں کر سکتی لیکن یہ ضرور ہے کہ کسی کی صرف تصاویر دیکھ کر اسکو مظلوم اور دوسرے کو ظالم مت کہیں اور بائیکاٹ کرنے سے مسئال حل نہیں‌ہوں گے بلکہ ایسے لوگوں کا ساتھ دیں اور ان کی مدد کریں تاکہ وہ علاج کروا کے نارمل زندگی گزارنے کے قابل ہوسکیں. میں فیروز اور محسن کے معاملے پر زیادہ بات نہیں کرنا چاہتی لیکن معاملات کو ٹھیک انداز میں‌ہینڈل ضرور کیا جانا چاہیے.