Category: شوبز

مشی خان جو کہ سوشل میڈیا پر کافی متحرک رہتی ہیں سیاست کے علاوہ وہ سوشل ایشوز پر بھی بات کرتی رہتی ہیں . حال ہی میں جب نیوز کاسٹر رابعہ انعم نے ندا یاسر کے شو میں صرف اس لئے بیٹھنے سے انکار کر دیا کیونکہ اس میں محسن عباس حیدر موجود تھے. تو انہیں جہاں بہت زیادہ سراہا گیا وہیں تنقید کا نشانہ بھی بنایا گیا.مشی خان نے لے لیا ہے رابعہ انعم کو آڑھے ہاتھوں اور کہا ہے کہ رابعہ ایک اٹینشن سیکر ہے اس کو بس ہر حال میں توجہ چاہیے ہوتی ہے. یہ بہت ہی غلط بات ہے کہ آپ کسی شو میں بیٹھ کر ہزاروں لوگوں کے سامنے ایک انسان کی تضحیک کریں. رابعہ انعم نے آکر میک اپ کروایا ہو گا شو سے پہلے ڈسکشنز ہوئی ہوں گے تو کیا انہیں پتہ نہیں چلا کہ محسن عباس حیدر اس

شو میں بطور مہمان شریک ہو رہے ہیں. انہوں نے یہ بھی کہا کہ ایسا لگتا ہے کہ رابعہ انعم نے پروگرام شروع ہونے کا انتظار کیا اور شو میں بیٹھ کر پبلسٹی سٹنٹ کھیل کر اٹھ گئیں جو کہ بہت ہی غلط بات ہے . یاد رہے کہ محسن عباس حیدر اداکار ، وی جے اور گلوکار ہیں، انہوں نے رابعہ انعم کی اس حرکت پر ابھی تک کسی قسم کا ردعمل نہیں دیا .

سلمان خان کی فلم ”کسی کا بھائی کسی کی جان” ایک ایسی فلم بن چکی ہے کہ جس کا بہت زیادہ انتظار کیا جا رہا ہے. فرحان سمجی کی ہدایت کاری میں بننے والی اس فلم میں پوجا ہیگڑے، شہناز گل اور وینکٹیش اہم کردار ادا کررہے ہیں جبکہ رام چرن کا ایک کیمیو بھی ہے۔ کسی کا بھائی کسی کی جان 2023 کی عید پر ریلیز ہونے والی ہے۔ اس بات کا اعلان سلمان خان نے انسٹاگرام پر کیا۔ ایک پوسٹر کے ساتھ اداکار نے لکھا، "ٹائیگر 3 اب دیوالی 2023 پر اور کسی کا بھائی کسی کی جان عید 2023 پر۔ آئیے #KBKJ اور #Tiger3 کے ساتھ عید دیوالی منائیں۔کہا جا رہا ہے کہ اس فلم میں سلمان اپنی ماضی کے ساتھی اداکاروں بھاگیہ شری اور بھومیکا چاولہ کے ساتھ ایک بار پھر دکھائی دیں گے، یہ دونوں اداکارائیں

فلم میں اہم کردار ادا کررہی ہیں .کسی کا بھائی کسی کی جان نام پہلے کبھی عید کبھی دیوالی تھا بعد ازاں تبدیل دیا گیا . واضح رہے کہ بھاگیہ شری نے سلمان خان کے ساتھ 1989 میں فلم میں نے پیار کیا میں کام کیا تھا جس کے ہدایت کار سورج برجاتیا تھے۔ جب کہ سلمان اور بھومیکا نے 2003 میں فلم تیرے نام میں ایک ساتھ کام کیا تھا۔ سلمان نے 26 اگست کو فلم انڈسٹری میں 34 سال مکمل کیے اور اپنی اگلی فلم کسی کا بھائی کسی کی جان کی ایک جھلک شیئر کرکے اپنے مداحوں کا شکریہ ادا کیا۔

سب کی نظریں سورج برجاتیا اور ان کے آنے والے فیملی انٹرٹینر ”اونچائی” پر ہیں۔ کہانی تین بزرگ شہریوں کی دوستی کے گرد گھومتی ہے جو اس عمر میں ماؤنٹ ایورسٹ پر چڑھنے کا خواب دیکھتے ہیں۔ فلم میں انوپم کھیر، امیتابھ بچن، بومن ایرانی، نینا گپتا، اور ساریکا نے اہم کردار ادا کیے ہیں۔ کاسٹ ان دنوں تشہیری مہم جوئی میں مصروف ہے اور انٹرویوز میں اپنے دل کی بات کہہ رہی ہے۔ ٹائمز آف انڈیا کے ساتھ ایک حالیہ انٹرویو میں انوپم نے اپنی اہلیہ کرن کھیر کے کینسر کے سفر کے بارے میں کئے انکشافات اور بتایا کہ وہ اس مشکل وقت سے کیسے نکلے. انوپم کھیر نے کینسر کے خلاف کرن کھیر کی جیت کو اپنی سب سے بڑی فتح قرار دیتے ہوئے کہا کہ یہ ان کے لیے بڑی خوشی کی بات ہے کہ ان کی

اہلیہ اب صحت مند ہیں. انہوں نے یہ بھی کہا کہ کرن نے دوبارہ کام کرنا شروع کر دیا ہے وہ بہت ہی مضبوط انسان ہیں. انہوں نے کہا کہ ہم دونوں اس مشکل پیریڈ میں کبھی ہار نہیں‌مانے ہمیں یقین تھا کہ سب اچھا ہو گا اور ہوا بھی. آج کرن کھیر صحتیاب ہیں. یاد رہے کہ فلم اونچائی کا ٹریلر پچھلے مہینے ریلیز کیا گیا تھا ، فلم میں پرینیتی چوپڑا ایک ٹرینر کا کردار ادا کر رہی ہیں۔ سورج آر برجاتیا کی ہدایت کاری میں بننے والی اونچائی 11 نومبر 2022 کو ریلیز ہونے والی ہے۔

سیف علی خان بالی وڈ میں ہمیشہ سے بہترین والد رہے ہیں۔ بڑے پردے پر انتہائی خوبصورت انداز میں اپنے کرداروں کو نبھانے کے علاوہ، اداکار اکثر اپنے بچوں کے ساتھ معیاری وقت گزارنے کو یقینی بناتے ہیں۔ حال ہی میں سیف اور تیمور کی ایک کنسرٹ میں شرکت کی تصویر وائرل ہوئی تھی اور اب سیف اور ان کے بڑے بیٹے ابراہیم علی خان کی ایک دوسرے سے بات کرتے ہوئے کی ایک ویڈیو سامنے آئی ہے جو سب کی توجہ اپنی جانب کھینچ رہی ہے۔وڈیو میں سیف علی خان کو ایک دیوار پر بیٹھے دیکھا جا سکتا ہے. دونوں کی شکل ایک دوسرے سے اس قدر ملتی ہے کہ مداحوں نے انہیں ایک دوسرے کا آئینہ کہہ دیا ہے ۔ ایک مداح نے وائرل ہونے والی اس وڈیو کے کمنٹس باکس میں لکھا بوڑھا سیف بمقابلہ

نوجوان سیف۔ دونوں کی آپس میں کمال مشابہت ہے.واضح رہے کہ ورسٹائل اداکار سیف علی خان بہت سوچ سمجھ کر کسی بھی پراجیکٹ کا انتخاب کرتے ہیں. سیف علی خان بہت جلد تیلگو سنیما میں اپنا ڈیبیو کرنے جا رہے ہیں . دوسری طرف ابراہیم علی خان نے راکی ​​اور رانی کی پریم کہانی میں کرن جوہر کے اسسٹنٹ ڈائریکٹر کے طور پر کام کیا ہے اس فلم میں عالیہ بھٹ اور رنویر سنگھ مرکزی کردار ادا کر رہے ہیں۔

برہمسٹرا پارٹ 1 شیوا، جس میں رنبیر کپور اور عالیہ بھٹ نے مرکزی کردار ادا کئے یہ فلم رواں سال 9 ستمبر کو ریلیز ہوئی شائقین نے بے حد سراہا . فلم میں رنبیر نے شیوا کا کردار ادا کیا ہے، جب کہ عالیہ نے ایشا کا کردار ادا کیا ہے۔ فلم کو OTT پر ابھی چند روز قبل ریلیز کیا گیا تھا،یہاں بھی فلم کو بہت زیادہ پذیرائی ملی. جب فلم سینما گھروں میں ریلیز ہوئی تو یہ افواہیں پھیلی تھیں کہ دیپیکا پڈوکون شیو کی ماں امریتا کا کردار ادا کریں گی لیکن اب تازہ اطلاعات یہی ہیں کہ دیپیکا براہمسٹرا ٹو میں رنبیر کی والدہ امریتا کا کردار ادا کریں گی تاہم دیپیکا پڈوکون نے اس

ھوالے سے ابھی کسی قسم کا تبصرہ نہیں کیا. فلم براہمسٹرا نے بائیکاٹ کے ٹرینڈ کو مات دیتے ہوئے کامیابی کے ریکارڈز قائم کئے ہیں . شائقین اب براہمسٹرا ٹو کی ریلیز کا بے چینی سے انتظار رہے ہیں . یاد رہے کہ دیپیکا پڈوکون اور رنبیر کپور نے ایک ساتھ ہی بالی وڈ میں قدم رکھا دونوں کی خاصی دوستی تھی ایک وقت تو ایسا بھی آیا کہ سب کو لگنے لگ گیا کہ دونوں شادی کر لیں گے لیکن ایک ایسا وقت بھی آیا کہ دونوں‌نے اپنے اپنے راستے الگ کر لئے . دیپکا نے رنویر سنگھ کے ساتھ اور رنبیر کپور نے عالیہ بھٹ کے ساتھ شادی کی .

شردھا کپور کا شمار بالی وڈ کی باصلاحیت اداکاروں میں ہوتا ہے، منفی کرداروں سے مشہور شکتی کپور کی بیٹی شردھا نے اپنے کیرئیر کا آغاز 2010 کی فلم تین پتی میں ایک مختصر کردار سے کیا اور اس کے بعد ڈرامہ فلم لو کا دی اینڈ (2011) میں اپنے پہلے مرکزی کردار کے ساتھ جلوہ گر ہوئیں۔ اس کے بعد سے انہوں نے پیھے مڑ کر نہیں دیکھا . شردھا نے کم وقت میں اپنی صلاحیتوں کا لوہا منوایا .شردھا کپور انسٹاگرام پر ایک بڑی تعداد میں فین فالونگ رکھتی ہیں . ان کے فالورز کی تعداد 75 ملین سے زیادہ ہیں . شردھا نے انسٹاگرام پرفالورز کی دوڑ میں دیگر بالی وڈ اداکارائوں جس میں مقبول اداکار عالیہ بھٹ، دیپیکا پڈوکون، اور کترینہ کیف ہیں کو پیچھے چھوڑ دیاہے۔ اسی خوشی میں شردھا نے انسٹاگرام پر اپنی ایک تصویر

شئیر کرکے لکھا کہ گال پر چائے کے ساتھ 75 ملین کا جشن۔ چھوٹی چھوٹی خوشیاں. ان کی اس پوسٹ پر ان کے مداحوں اور مشہور اداکاروں عالیہ بھٹ اور وکی کوشل سمیت اعلیٰ شخصیات نے کمنٹس کئے . یاد رہے کہ پریانکا چوپڑا انسٹاگرام پر سب سے زیادہ فالورز رکھنے والی بھارتی اداکارہ ہیں ان کے 83.2 ملین سے زیادہ انسٹاگرام فالوورز ہیں۔ شردھا 75.8 ملین سے زیادہ فالوورز کے ساتھ دوسرے نمبر پر ہے۔ گلوکارہ نیہا ککڑ اور اداکارہ عالیہ بھٹ اس وقت 72.4 ملین انسٹاگرام فالوورز رکھتی ہیں جبکہ دیپیکا پڈوکون کے 69.9 ملین فالوورز ہیں۔ کترینہ کیف کے 68.4 ملین فالوورز ہیں۔

بالی وڈ اداکارہ عالیہ بھٹ کے لئے یہ سال بہت اچھا رہا ہے اس سال ان کی پہلی فلم اپنے شوہر کے ساتھ براہمسٹرا آئی جو کہ کامیابی ہو ئی اس کے علاوہ سنجے لیلا بھنسالی کی فلم گنگو بائی کاٹھیواڑی آئی جو کہ سپر ہٹ رہی اس فلم نے ان کو انڈسٹری کی ٹاپ ٹین اداکارائوں میں‌لا کھڑا کیا ہے . اسی سال ان کی شادی رنبیر کپور کے ساتھ ہوئی . اسی سال انہوں نے حال ہی میں بیٹی کو جنم دیا ہے. عالیہ بھٹ کو ان کے سسرال والے بہت چاہتےہیں کرینہ کپور جو کہ رنبیر کپور کی کزن ہیں انہوں نے اپنے حالیہ انٹرویو میں کہا ہے کہ عالیہ بھٹ ہماری انڈسٹری کی عمدہ اداکارہ ہیں اور انہوں نے اس چیز کو ثابت بھی کیا ہے. گزشتہ ایک دہائی میں ان سے بہترین شاید ہی کوئی اداکارہ نظر آتی ہوں. انہوں نے کیرئیر کے عروج پر بچہ

پیدا کرنے کا فیصلہ کیا ، اور اتنی ینگ ایج میں ایسا فیصلہ کرنا بہت ہی سمجھداری اور بہادری ہوتی ہے. عالیہ ایک بہترین اداکارہ ہونے کے ساتھ بہادر انسان ہیں . ہمیں امید ہے کہ وہ ایک بہترین ماں بھی ثابت ہوں گی . انہوں نے کہا کہ عالیہ بھٹ بے انتہا باصلاحیت ہیں . کرینہ کپور نے مزید کہا کہ ہمیں بہت خوشی ہے کہ رنبیر کپور کے گھر ایک ننھی گڑیا آئی ہے میں تو اس ننھی گڑیا کو چھوٹی عالیہ ہی کہوں گی .

گزشتہ روز سے ایک کلپ سوشل میڈیا پر بہت زیادہ وائرل ہو رہا ہے اس میں دیکھا جا سکتا ہے کہ رابعہ انعم نے محسن عباس حیدر کے ساتھ شو میں بیٹھنے سے انکار کر دیا اور کہا کہ میں اس شو میں بیٹھ کر گھریلو تشدد کو فروغ نہیں دینا چاہتی . رابعہ انعم کے اس عمل کو جہاں بہت زیادہ سراہا جا رہا ہے وہیں کچھ لوگ تنقید بھی کررہے ہیں. ماتھیرا محسن عباس حیدر کے حق میں بول پڑی ہیں انہوں نے کہا کہ ایسا نہیں ہونا چاہیے کم ازکم کسی کو ایک چانس تو دیاجانا چاہیے یوں انہوں نے رابعہ انعم کے اس عمل کی مذمت کی . یاد رہے کہ محسن عباس حیدر کی شادی معروف اینکر عائشہ سہیل کے ساتھ ہوئی تھی ان کی بہن فاطمہ سہیل کے ساتھ محسن عباس حیدر کی شادی ہوئی تھی. دونوں کے درمیان معاملات خاصے خراب ہوئے اور

باتیں باہر نکلنا شروع ہو گئیں فاطمہ سہیل نے الزمات لگائے کہ ان کا شوہر نازش جہانگیر نامی ماڈل کو اس پر فوقیت دے رہا ہے اور اس کو مارتا پیٹتا ہے .انہوں نے مارپیٹ کے کچھ تصاویری ثبوت بھی بپلک کئے تھے. اس کے بعد محسن عباس حیدر کو دنیا ٹی وی کے ایک شو سے نکال دیا گیا اور بہت سارے پراجیکٹس سے بھی نکال دیا گیا. اسی بیک گرائونڈ کی وجہ سے رابعہ انعم نےمحسن عباس کی موجودگی میں‌شو چھوڑ دیا .

معروف اینکر رابعہ انعم جو ایک بڑی تعداد میں فین فالونگ رکھتی ہیں ان کو حال ہی میں میزبان ندا یاسر نے اپنے شو میں‌بطور مہمان بلایا اور ان کے ساتھ شو میں فضا علی اور محسن عباس حیدر بھی موجود تھے. رابعہ انعم نے جب دیکھا کہ محسن عباس حیدر اس شو میں ہیں تو انہوں نے کہا کہ مجھے نہیں پتہ تھا کہ محسن عباس حیدر بھی اس شو کا حصہ ہیں اگر پتہ ہوتا تو وہ نہ آتیں . انہوں نے کہا کہ مجھے تو صرف فضا علی کا ہی پتہ تھا کہ وہ شو کا حصہ ہیں . رابعہ انعم نے کہا کہ کچھ غلطیوں کی معافی ہوتی ہے اور کچھ غلطیاں عمر بھر ساتھ رہتی ہیں. میں اس شو کا مزید

حصہ نہیں‌رہ سکتی. اور میں اس شو میں بیٹھ کر گھریلو تشدد کو مزید فروغ نہیں‌دینا چاہتی .اس لئے میں آپ سب سے معذرت کرتی ہوں میں‌جا رہی ہوں. رابعہ انعم کا یہ کلپ بہت زیادہ وائرل ہو رہا ہے اور زیادہ تر لوگوں کا کہنا ہےکہ جو اپنی بیویوں پر تشدد کرتے ہیں ان کے ساتھ ایسا ہی سلوک کیا جانا چاہیے. بہت سارے سوشل میڈیا صارفین نے کہا کہ رابعہ انعم کی طرح ہر کسی کو جرائت دکھانی چاہیے. اس شخص کو انڈسٹری کی نمائندگی کا حق نہیں‌ہونا چاہیے جو تشدد کرنے پر یقین رکھتا ہو.

اداکارہ و ماڈل ایمان علی جن کی فلم ٹچ بٹن 25 نومبر کو ریلیز ہونے جا رہی ہے انہوں نے حال ہی میں ایک انٹرویو دیا ہے اس میں انہوں نے بتایا ہے کہ ان کے والد عابد علی کے ساتھ ان کا کوئی تعلق نہیں تھا وہ کام میں مصروف رہتے تھے حالانکہ وہ کئی سالوں سے کام کررہے تھے لیکن ہم نے غربت کی زندگی ہی دیکھی. اٹھاراں سال کی عمر تک ہمارے گھر میں غربت کا راج تھا ، ہمارے بہت برے حال تھے ہم لنڈے کے کپڑے پہنتے تھے. میں جب ماڈلنگ شروع کی تو میں نے بہت محنت کی اور پیسہ جمع کیا پہلی بار جب کمائی ہوئی تو میں نے پلاٹ لیا دوسری بار پھر پیسہ جمع کیا تو ایک اور پلاٹ لے لیا. مجھے پتہ نہیں تھا لیکن بعد میں احساس ہوا کہ میں نے صحیح جگہ پر انویسٹ کیا. میں نے تین چال سال کے اندر

ہی اپنے حالات کام کرکے بدل لئے تھے. انہوں نے کہا کہ میں آخری بار 2007 میں کام کیا تھا اس کے بعد 2015 میں دوست ڈیزائنر کےلئے کام کیا تھا. اب تو ماڈلنگ کے علاوہ فیشن ویک سمیت بہت سارے زرائع ہیں جہاں سے کمایا جا سکتا ہے ہمارے زمانے میں صرف ماڈلنگ تھی. میں تو یہی کہوں گی کہ محنت کرکے جو بھی پیسہ کمایا جاتا ہے اسکو فضول خرچی میں نہ اڑائیں نہ مہنگے پرس جوتیاں لیں بلکہ اپنا جینے اور رہنے کا انداز کو بہتر بنائیں پیسہ جوڑیں . انہوں نے اس انٹرویو میں اپنے فلم ٹچ بٹن کے حوالے سے بھی بات کی کہا کہ اس میں میرا کردار مزے کا ہے ، انہوں نے مزیدکہاکہ انڈیا جا کر کیرئیر بنانے کی کوشش کی لیکن کامیابی نہ مل سکی .