Category: شوبز

دا لیجنڈ آف مولا جٹ ہر گزرتے دن کے ساتھ کامیابی کے نئے ریکارڈ قائم کررہی ہے اس فلم نے ناورے میں بھی دھوم مچا دی ہے اور کہا جا رہا ہے کہ ناورے میں دا لیجنڈ آف مولا جٹ سائوتھ ایشیاء کی سب سے زیادہ دیکھی جانے والی فلم بن گئی ہے. اسی طرح سے فلم نے پاکستان میں بھی ریکارڈ توڑ بزنس کیا ہے اور یہ پاکستان کی سب سے پہلی دو سو کروڑ بزنس کرنے والی فلم بن گئی ہے. بات دو سو کروڑ تک آکر نہیں رکی بلکہ فلم پاکستان سمیت اورسیز میں کامیابی سے جاری ہے. یاد رہے کہ دا لیجنڈ‌آف مولا جٹ میں فواد خان مولا جٹ اور حمزہ علی عباسی نوری نت کے کردار میں نظر آرہے ہیں. فلم کی ڈائریکشن کی جتنی تعریف کی جا ئے کم ہے. اس قسم کی ڈائریکشن اور visualsیقینا کسی دوسری پاکستانی فلم

میں‌پہلے دیکھنے کو نہیں ملے. ہمارے ہاں بالی وڈ کی فلموں کو بہت شوق سے دیکھا جاتا ہے لیکن آج کل بھارت میں بھی اس فلم کے چرچے ہیں. بھارتی عوام بھی مولا جٹ دیکھنے کی خواہش رکھتی ہے. شاید اس فلم کو وہاں دیکھنے کے کریز کی ایک بڑی وجہ ماہرہ خان اور فواد خان ہیں. فواد اور ماہرہ خان کو بھارت میں بڑے پیمانے پر پسند کا جاتا ہے. دا لیجنڈ آف مولا جٹ کی کامیابی نے ہر لحاظ سے کامیابی کے نئے جھنڈے گاڑھ دئیے ہیں.

اداکار فیروز خان جن پر ان کی اہلیہ نے جسمانی تشدد کے الزامات ثبوت کے ساتھ لگائے ہیں انہیں سوشل میڈیا پر نہ صرف ٹرول کیا جا رہا ہے بلکہ ان کے شوبز کے ساتھیوں نے بھی ان کے ساتھ کام کرنے سے انکار کر دیا ہے. کئی اداکاروں نے ان کے ساتھ رابطہ ختم کر دیا ہے لیکن فیروز خان کو کسی کی ٹینشن نہیں ہے. اداکار فیروزخان جس صورتحال میں ہے اس کو لیکر وہ اکثر سوشل میڈیا پر ان ڈائریکٹ کچھ نہ کچھ لکھتے رہتے ہیں. حال ہی میں انہوں نے ایک وڈیو پوسٹ کی ، اس وڈیو میں ایک بچہ دکھایا گیا ہے جس کو انجیکشن کے خوف سے ڈرایا جا رہا ہے وہ بچہ ڈرنے کی بجائے اسے ایک چیلنج کے طور پر لیتا ہے. اس وڈیو کو لگانے کا مقصد یہی ہے کہ وہ اپنے ناقدین کو بتانا چاہتے ہیں کہ وہ کسی سے نہیں ڈرتے وہ مشکل

حالات میں بھی ہنستے رہیں گے اور ان حالاتوں کا مقابلہ کریں گے. فیروز خان اپنی اہلیہ کے ساتھ کیسا رویہ رکھے ہوئے تھے یہ سب عیاں ہونے کے بعد بھی وہ رتی برابر بھی شرمندہ نہیں ہیں اور ڈھٹائی کے ساتھ پوسٹیں کررہے ہیں اور ان الزامات کی نفی کررہے ہیں . یاد رہے کہ فیروز خان کے دو بچے ہیں اور انہوں نے 2018 میں علیزے سلطان کے ساتھ شادی کی تھی. فیروز خان کی اپنی حرکتوں کی وجہ سے ان کا رشتہ خرابی کی طرف گیا اور انجام طلاق کی صورت میں نکلا .

فلم ٹچ بٹن کی ریلیز کا جب سے اعلان ہوا ہے دیکھا جا رہا ہے کہ ہر جگہ پرموشن میں صرف فرحان سعید ، عروہ حسین اور ایمان علی دکھائی دے رہے ہیں. سونیا حسین کے بارے میں کہا جا رہا تھا کہ وہ چونکہ کینڈا میں‌ ہیں اس لئے فلم کی پرموشن میں شامل نہیں ہیں جیسے ہی کینڈا سے واپسی کریں گی وہ پرموشنز کا حصہ بنیں گی. لیکن اردگرد کے لوگ کہہ رہے تھے کہ عروہ حسین جو کہ فلم ٹچ بٹن کی پرڈیوسر ہیں انہوں نے سونیا حسین کا طے شدہ معاوضہ نہیں دیا اسلئے وہ فلم کی پرموشنز میں نہیں ہیں. اور یہ بات یا خدشہ سچ نکلا ہے کیونکہ سونیا حسین نے اعلان کر دیا ہے کہ وہ فلم ٹچ بٹن کی پرموشن کا حصہ نہیں بنیں گی. انہوں نے کہا ہےکہ میرے معاوضے کے معاملات عروہ کے ساتھ طے پا رہے ہیں لیکن میرے وکیل کے

زریعے . جہاں تک فلم کی پرموشنز کی بات ہے تو میں نہ ہی فلم کی پرموشن کا حصہ بنوں گی اور نہ ہی میں اس میں اپنے کردار سے مطمئن ہوں .یوں سونیا حسین جو کہ فلم کی ہیروئین ہیں انہوں‌نے فلم سے علیحدگی اختیار کر لی ہے. فیروز خان گھریلو تشدد والے کیس میں سوشل میڈیا پر ٹرول ہو رہے ہیں دیکھنا یہ ہے کہ فلم باکس آفس پر کیا رنگ جماتی ہے.

اداکارہ حمائمہ ملک جن کے دارو نتنی کے روپ میں بہت چرچے ہیں ہر کوئی ان کے کردار کی اور انکی اداکاری کی تعریف کرتا دکھائی دے رہا ہے. حمائمہ ملک نے فلم دا لیجنڈ آف مولا جٹ کی ریلیز سے قبل ہی کہہ دیا تھا کہ فلم سپر ہٹ ہونے جا رہی ہے اس کے بعد فلم بنانے والوں‌کو اس کے معیار کی فلم بنانی ہو گی. حمائمہ نے حال ہی میں ایک انٹرویو دیا ہے جس میں انہوں نے بتایا کہ کس طرح سے انہوں نے کم عمری میں کام شروع کیا اور بچپن کو بھی انجوائے نہ کر سکیں. حمائمہ ملک کہتی ہیں کہ میں‌نے 14 سال کی عمر میں کام شروع کیا .اتنی کم عمر میں ذمہ داریاں سنبھالنے

کے بعد پتہ ہی نہیں چلا بچپن کہاں چلا گیا ، یوں بچپن کو بھی نہ انجوائے کر سکی . حمائمہ ملک نے کہا کہ لوگوں‌کو لگتا ہے کہ ہم ہر لحاظ سے بہت خوش قسمت ہوتے ہیں ٹھیک ہے ہمارے پاس شہرت ہوتی ہے لیکن میرے نزدیک خوش قسمت وہ لوگ ہوتے ہیں جن کو نیند آتی ہے جب چاہیں وہ سو سکتے ہیں. مجھے نیند نہیں آتی اور میں جب سونا چاہوں نیند مجھ سے دور بھاگ جاتی ہے. اسلئے میرے نزدیک دنیا کا خوش قسمت ترین انسان ہی وہ ہے جس کو نیند آتی ہے.

بہت کم ایسا ہوتا ہے کہ شوبز انڈسٹری کے لوگ اپنے پروفیشن کے بارے میں کوئی ایسی بات کریں‌جس کو سن کر ہر کوئی رہ جائے حیران . لیکن کچھ لوگوں‌کو شاید خبروں میں‌رہنے کا ہنر آتا ہے. اشنا شاہ کا شمار بھی ایسی اداکارائوں میں ہوتا ہے جو بے دھڑک ہو کر سچ بولتی ہیں اور پھر تنقید کی زد میں آجاتی ہیِ اشنا شاہ نے کبھی یہ پرواہ نہیں‌کی کہ میں سوشل میڈیا پر ویسے بھی زیر بحث رہوں گی اگر روٹین سے ہٹ کر کوئی بات کی. اشنا شاہ نے حال ہی میں سوشل میڈیا پر ایک پوسٹ کی ہے جس میں انہوں نے شوبز انڈسڑی کے لوگوں کے بارے میں کہا ہے کہ یہاں زیادہ

تر لوگ فراڈ ہوتے ہیں، لوگ جو ہوتے ہیں وہ بتاتے یا دکھاتے نہیں. پی آر کمپنیاں بیانیہ بناتی ہیں اورلوگ اس طرف بھاگ اٹھتے ہیں جس طرف ہجوم ہوتا ہے. یاد رہے کہ اشنا شاہ کا شمار پاکستانی کی اچھی اداکارائوں میں ہوتا ہے جنہوں نے کم وقت میں اپنی جگہ بنائی ہے. اشنا شاہ سکینڈلز کی زد میں بھی رہی ہیں لیکن یہ کبھی گھبراتی نہیں ہیں اور جو دل میں آتا ہے بول دیتی ہیں. اشنا فی الحال سکرین پر نظر نہیں آرہیں لیکن امید ہے کہ وہ جلد کسی اچھے پراجیکٹ کے ساتھ نظر آئیں گی.

پاکستان میں دا لیجنڈ آف مولا جٹ نے کامیابی کے نئے ریکارڈز قائم کر دئیے ہیں. یہاں تک کہ اورسیز میں جہاں جہاں دا لیجنڈ آف مولا جٹ لگی ہے وہاں بھی اس نے بھارتی فلموں کے بزنس کو مات دیدی ہے. دا لیجنڈ آف مولا جٹ پاکستان میں ابھی تک 60 کروڑ روپے کما چکی ہے اور فلم کی ریلیز کو چوتھا ہفتہ ہے اور مسلسل فلم کامیابی کے نئے ریکارڈز قائم کررہی ہے. فلم چوتھے ہفتے میں بھی سینما گھروں میں‌فل رش لے رہی ہے. لوگوں‌کی ایک بڑی تعداد فلم دیکھنے کےلئے سینما گھروں‌کا رخ کررہی ہے. فلم کو ایک بار نہیں بار بار دیکھا جا رہا ہے. فلم میں فواد خان اور حمزہ علی عباسی کے ٹاکرے اور اداکاری کو بہت سراہا جا رہا ہے. گوہر رشید ہو یا فارس شفیع کے

علاوہ حمائمہ ملک سب کی اداکاری کو بے حد سراہا جا رہا ہے. فلم کے ڈائیلاگز سوشل میڈیا پر سرکولیٹ کررہے ہیں. یاد رہے کہ فلم کی تیاری میں کئی سال لگے اور اس کی ریلیز بھی کورونا کی وجہ سے خاصی تاخیر کا شکار رہی ، لیکن ریلیز ہوئی ہے تو کامیابی کے نئے ریکارڈز قائم ہوئے ہیں . فلم میں ماہرہ خان اور فواد خان کی کیمسٹری کو بھی بہت زیادہ پسند کیا جا رہا ہے حالانکہ فلم میں‌کوئی بھی گیت نہیں ہے لیکن پھر بھی اسے بے حد سراہا جا رہا ہے.

معصوم چہرے والی در فشاں نے اپنے حالیہ انٹرویو میں‌کہا ہےکہ انہوں نے جو بھی مقام حاصل کیا ہے وہ نہایت ہی محنت کے ساتھ حاصل ہے . انہیں کسی کی بھی سپورٹ حاصل نہیں تھی ابھی تک جتنا بھی کام ملا ہے وہ انہیں اپنی صلاحیتوں کے بل پر ملا ہے. اداکارہ درفشاں نے کہا کہ کامیابی مشکل سے ملتی ہے اور کبھی کبھی تو کامیابی ایکدم کسی بھی وجہ سے مل جاتی ہے لیکن اگر آپ کے کسی پراجیکٹ کے ہٹ ہونے پر کامیابی ملے تو اس کامیابی کو برقرار رکھنا بہت ہی مشکل ہوتا ہے. ایک سوال کے جواب میں‌انہوں نے کہا کہ میں‌ نےکام حاصل کرنے کےلئے صرف

مواقعوں کا انتظار کیا کبھی یہ نہیں‌کیا کہ کسی کے پیچھے بھاگوں . درفشاں مزید کہتی ہیں کہ میں کم مگر معیاری کام کرنے کو اس لئے ترجیح دیتی ہوں کیونکہ زیادہ نظر آنے سے بہتر ہے کہ معیاری اور اچھے کام میں‌نظر آیا جائے. انہوں نے کہا کہ ابھی تک میں نے جتنا کام کیا ہے اس سے مطمئن ہوں لیکن میں سمجھتی ہوں کہ مجھے ابھی بہت آگے جانا ہے اس کے لئے پراجیکٹس کی سلیکشن احیتاط سے کرنا ہو گی. انہوں نے یہ بھی کہا کہ خوبصورت ہونا اچھی بات ہے لیکن ٹیلنٹ اصل چیز ہوتی ہے ہاں خوبصورتی کو پلس پوائنٹ ضرور کہا جا سکتا ہے.

ماڈلنگ سے اداکاری کی طرف آنے والی آمنہ الیاس ایک بہترین اداکارہ ہیں. انہوں نے ابھی تک اداکاری کے جتنے بھی پراجیکٹس کئے ہیں وہ اپنی مثال آپ ہیں. آمنہ الیاس نے ثابت کیا ہے کہ ماڈلز بہترین اداکارہ بھی ثابت ہو سکتی ہیں، آمنہ الیاس سوشل میڈیا پر کافی متحرک رہتی ہیں. انہوں‌نے اپنے حالیہ انٹرویو میں خوشی کااظہار کیا ہے اور خوشی کا اظہار بھی انہوں نے پاکستانی فلموں کے اچھے بزنس کی وجہ سے کیا ہے. آمنہ کا کہنا ہے کہ پاکستان فلمیں‌نہ صرف پاکستان میں بلکہ دنیا بھر میں کامیابی کے جھنڈے گاڑھ رہی ہیں . مجھے بہت امید ہے کہ ہماری فلمیں بہت جلد ایسا مقام حاصل کر لیں گی کہ جو مقابلے کی دوڑ میں کسی کے ساتھ بھی شامل ہو سکتی ہیں. اداکارہ آمنہ

الیاس نے کہا کہ میں جو دیکھ رہی ہوں اس کے مطابق آنے والا وقت فلم انڈسٹری کے لئے بہت اچھا ہو گا اور پاکستان فلمی صنعت اپنے پائوں پر خود ہی کھڑی ہو جائیگی . آًمنہ الیاس نے مزید یہ بھی کہا کہ میں معیاری کام کرنے کو ترجیح دیتی ہوں اسی لئے تو کم کام کرتی ہوں‌. جیسے ہی کوئی اچھا سکرپٹ ملا ڈرامہ بھی کروں گی اور فلم بھی کروں گی. میں نے کبھی یہ نہیں دیکھا کہ ٹیم بڑی ہے یا نہیں‌میں‌نے ہمیشہ یہ دیکھا ہے کہ کہانی کیسی ہے اور میرا کردار کتنی اہمیت کا حامل ہے.

بالی وڈ اداکارہ دیشا پٹانی جو کہ نوجوان نسل کی نمائندہ فنکارہ ہیں . کم عرصے میں انہوں نے اپنا نام اور مقام بنایا ہے. اداکارہ نے اپنے حالیہ انٹرویو میں انکشاف کیا ہے کہ ان کی ایک بار یاداشت چلی گئی تھی. تفصیلات شئیر کرتے ہوئے اداکارہ نے کہا کہ 2019 میں‌میری اور سلمان خان کی ایک فلم بھارت ریلیز ہوئی تھی اس فلم کی شوٹنگ کے دوران میرے ساتھ ایک حادثہ ہوا اوراسکے نتیجے میں میری یاداشت چلی گئی تھی. مجھے اپنی یاداشت بحال کرنے کےلئے باقاعدہ علاج کروانا پڑا چھ ماہ کے مسلسل علاج کے بعد میری یاداشت مکمل طورپر بحال ہوئی تھی. حادثہ کیسے پیش آیا اس پر بات کرتے ہوئے اداکارہ نے کہاکہ میرے کردار کی ڈیمانڈ کے مطابق مجھے جمناسٹک

کرنا تھا اور میں کرتب دکھا رہی تھی اسی دوران میں نے پیچھے مڑ کر دیکھا تو میں گر گئی اور مجھے زبردست چوٹیں آئیں . اداکارہ نے کہا کہ میں تب سے بہت زیادہ محتاط ہوں اور جب میری شوٹنگ نہ ہو میں خود کو مصروف رکھتی ہوں. وہ ایک بھیانک تجربہ تھا جسے میں‌یاد بھی نہیں کرنا چاہتی تھی .یاد رہے کہ دیشا پٹانی کو سلمان خان کے ساتھ بھی خاصا سراہا جاتا ہے .دیشا پٹانی کم مگر معیاری کام کرنے کر ترجیح دیتی ہیں .