Category: شوبز

سلمان خان اور کترینہ کیف کی فلم ٹائیگر 3 جس کی ریلیز کی تاریخ بار بار تبدیل ہوتی آرہی ہے ، اب اس کی ریلیز کی حتمی تاریخ کا اعلان کر دیا گیا ہے. اب فلم اگلے سال دیوالی کے موقع پر ریلیز ہوگی. فلم کی مرکزی کاسٹ نے اپنے اپنے سوشل میڈیا پر جا کر ٹائیگر تھری کی ریلیز کی ڈیٹ کا اعلان کیا اور ساتھ میں تصویریں بھی شئیر کیں. ٹائیگر 3 کو بینڈ باجا بارات کے ڈائریکٹر منیش شرما نے ڈائریکٹ کیا ہے اور اسے ہندی کے علاوہ مزید دو زبانوں یعنی تامل اور تیلگو میں ریلیز کیا جائے گا۔

سلمان خان نے سوشل میڈیا پر ٹائیگر تھری کے ریلیز ہونے کی تاریخ کا اعلان کیا اور ساتھ ہی ہی ایک تصویر بھی شئیر کی اس تصویر میں سلمان خان کی آنکھیں اور آدھا چہرہ نظر آرہا ہے جو ماسک سے ڈھکا ہوا ہے جیسے ہی سلمان نے پوسٹر شیئر کیا اور ریلیز کا اعلان کیاتو مداحوں نے کمنٹ سیکشن میں ایموجیز چھوڑنے کے علاوہ کمنٹس کرنا شروع کردئیے،. زیادہ تر صارفین نے لکھا کہ ہم آپ کی فلم کی ریلیز کا بےچینی سے انتظار کررہے ہیں ،بعض صارفین نے سلمان خان اور کترینہ کیف کو ایک ساتھ دیکھنے کی بے چینی کا اظہار کیا.کترینہ کیف نے بھی اپنے سوشل میڈیا اکائونٹ پر فلم کی ریلیز کا اعلان کیا اور تصویر شئیر کی.

کمل ہاسن کی بیٹی شروتی ہاسن ناقدین پر برس پڑی ہیں ان کا کہنا ہے کہ سرجری کے زریعے چہرے کو خوبصورت بنانے میں کوئی برائی نہیں ہے.شروتی حسن نے کہا کہ میں نے جب پہلی فلم کی تو میری ناک ٹوٹی ہوئی تھی اور اسی ٹوٹی ہوئی ناک کے ساتھ میں نے اپنی پہلی فلم مکمل کروائی اس کے بعد میں نے اپنی ناک کی سرجری کروائی. شروتی حسن نے کہا کہ خوبصورت نظر آنا ہر کسی کا حق ہے اور یہ حق کسی سے چھینا نہیں جا سکتا. جس طرح سب کا حق ہے میرا یہ بھی یہ حق ہے لہذا میں اس حق کا استعمال کرتے ہوئے سرجری کروا کے خوبصورت نظر آنے کی اگر کوشش کرتی ہوں تو کسی کو کیا مسئلہ یا تکلیف ہے؟ میری زندگی ہے میری مرضی ہے میں جیسی مرضی بنوں یا بننے کی کوشش کروں میں

کسی کو جوابدہ نہیں ہوں. مجھے بالکل فرق نہیں پڑتا کوئی میری سرجری کا مذاق بنائے یا میری ناک یا خوبصورتی کا مذاق بنائے. میں نے کبھی یہ نہیں دیکھا کہ کون سرجری کروا رہا ہے کون نہیں کروا رہا، ہر کسی کی اپنی مرضی ہے ہر کوئی اپنی زندگی اپنے مطابق جینے کا حق رکھتا ہے لہذا میں‌کسی کے کسی بھی کام میں دخل کیوں دوں؟. یاد رہے کہ شروتی حسن بالی وڈ کی بہترین اداکارائوں میں سے ایک ہیں انہوں نے کم وقت میں اپنا نام اور مقام بنایا .

اداکارہ مشال خان نے انکشاف کیا ہے کہ میں بچپن میں بہت موٹی تھں اتنی موٹی تھی کہ ہر کوئی میرا مذاق بناتا تھا. میں اس مذاق کی وجہ سے کافی پریشان ہو جاتی تھی مایوس ہوجاتی تھی. اور مجھے اس بات کا افسوس ہے کہ میں نے انڈسٹری میں اپنی جگہ بنانے کے لئے خود کا وزن کم کیا. انہوں نے کہا کہ ڈرامہ سیریل سنو چندہ کے سیٹ پر میرا بہت مذاق بنایا گیا مجھ پر بہت زیادہ تنقید کی گئی اس سیٹ پر میرا ساتھ ایک انسان کے علاوہ کسی نے بھی ساتھ نہیں دیا. خود کو پتلا کرنے کے لئے میں‌نے کئی کئی مہینے کھانا نہیں کھایا ایک وقت تو ایسا آیا کہ میں‌ نے چھ

مہینوں میں ایک نوالہ بھی نہیں کھایا.مجھے یہ ڈر تھا کہ کہیں میں پھول نہ جائوں اور دوبارہ موٹی نہ کہلائی جائوں اور میں سمجھتی ہوں کہ میں نے خود پر ظلم کیا.مشال خان نے کہا کہ میں نے پتلے ہونے کے چکر میں اپنی صحت خراب کر لی تھی مجھے خود کا علاج کروانا پڑا یوں اللہ نے مجھے دوبارہ زندگی دی. یاد رہے کہ مشال خان کا شمار ایسی اداکارائوں میں ہوتا ہے جنہوں نے مثبت کردار بھی کئے اور منفی کردار بھی کئے.مشال خان کم مگر معیاری کام کرتی ہیں.

ڈاکٹر عامر لیاقت کے انتقال کے بعد دانیہ شاہ متحرک ہیں کہ کسی طرح سے ان کے شوہر کی جائیداد میں سے اسکو حصہ ملے. دوسری طرف عامر لیاقت کی پہلی اہلیہ بشری اقبال کا کہنا ہے کہ عامر لیاقت کا انتقال دانیہ شاہ کی وجہ سے ہوااسے گرفتار کرکے اسکو سزا دی جائے. دانیہ شاہ کی والدہ اپنی بیٹی کے ساتھ کھڑی ہیں اور وہ اکثر و بیش تر ایسے انکشافات کرتی ہیں کہ جن سے ایک نئی کہانی کھل جاتی ہے . حال ہی میں دانیہ شاہ کی والدہ نے کہا ہے کہ ان کی بیٹی کو جب عامر لیاقت نے عمران خان کے ساتھ ملوایا تھا اس ملاقات کے بعد ایک آدمی ان کے پاس آیا اور ان

کو 25 کروڑ دیکر چلا گیا وہ پیسے انہوں نے اس کمرے میں رکھے جن میں میری بیٹی رہتی تھی میری بیٹی دانیہ سے عامر لیاقت نے کہا کہ مجھے چینل نے 40 کروڑ روپے دیتے ہیں جن میں 25 کروڑ کی ادائیگی ہو گئی ہے. دانیہ شاہ کی والدہ نے کہا کہ ان کی بیٹی لوہے کے بنے ایک کمرے میں رہتی تھیں جس میں ایک خفیہ لاکر موجود تھا. انہوں نے یہ بھی کہا کہ میری بیٹی کی اور میرے داماد کی انتقال سے تین دن قبل صلح ہو گئی تھی اور ان کے درمیان کبھی بھی خلع نہیں ہوا.

فلم ”یارا وے” اگلے ماہ 11 تاریخ کو ریلیز ہونے جا رہی ہے ، فلم کی ریلیز کورونا کی وجہ سے تاخیر کا شکار چلی آرہی تھی لیکن اب فلم کی ریلیز کا حتمی اعلان کر دیا گیا ہے اور 11 نومبر کو فلم پاکستان سمیت دنیا کے دیگر ممالک میں ریلیز ہونے جا رہی ہے. اس فلم میں پاکستان کے ساتھ ساتھ انڈین فنکار بھی دکھائی دیں گے. بدئی کی پہلی مقامی طور پر تیار کردہ بین الاقوامی فلم یارا وے ایک عورت کی محبت اور خود کو دریافت کرنے کے سفر پر مبنی ہے، اس کی کہانی التھیا کوشل اور مہوش اعجاز نے تحریر کی ہے. مہوش اعجاز ایک منجھی ہوئی صحافی ہونے کے ساتھ ایک بہترین رائٹر بھی ہیں وہ اکثر ڈرامہ اور فلم ریوز دیتی ہیں وہ اپنے ریویوز کی وجہ سے کافی مقبول ہیں. مہوش فلم کی کامیابی کے لئے خاصی پر

امید ہیں. فلم کی کاسٹ میں سمیع خان، فیضان خواجہ، علیزے ناصر ،مرینہ خان اور جاوید شیخ و دیگر شامل ہیں . فلم کی ڈائریکشن منیش پوار نے کی ہے . یارا وے کی شوٹنگ دبئی، جارجیا اور تھائی لینڈ میں کی گئی ہے۔یاد رہے کہ کورونا کی وجہ سےبہت ساری فلموں کی ریلیز تاخیر کا شکار رہی ہے دا لیجنڈ آف مولا جٹ کے علاوہ یارا وے بھی ان میں سے ایک تھی لیکن اچھی بات یہ ہے کہ اب وہ تمام فلمیں ریلیز ہو رہی ہیں جو ایک عرصے سے تیار پڑی ہوئی ہیں.

اداکارہ سائرہ یوسف جن کی شہروز سبزواری کے ساتھ شادی ہوئی تھی یہ شادی تقریبا آٹھ سال تک رہی اور 2020 میں اس شادی کا اختتام طلاق کی صورت میں ہوا. دونوں کی ایک بیٹی بھی ہے. بیٹی سائرہ کے پاس ہی رہتی ہے لیکن اسے والد کے ساتھ ملنے کی اجازت ہے. شہروز سبزواری نے طلاق کے فورا بعد ماڈل صدف کنول کے ساتھ شادی رچا لی اب ان کی صدف سے بھی ایک بیٹی ہے. سائرہ یوسف کی جب سے شہروز سے طلاق ہوئی ہے انہوں نے اس موضوع پر کبھی بھی کسی بھی پلیٹ فارم پر کچھ نہیں کہا. حال ہی میں انہوں نے ایک انٹرویو دیا ہے اس میں انہوں نے اپنی طلاق کی وجوہات پر تو بات نہیں کی لیکن اپنی دوسری شادی کا اشارہ ضرور دیا ہے ان کا کہنا ہےکہ انسان کو جینے کےلئے زندگی گزارنے کےلئے

کسی ساتھی کی ضرورت ہوتی ہے. میری بیٹی بڑی ہو رہی ہے میں چاہتی ہوں وہ اپنے مطابق زندگی گزارے، وہ اپنی زندگی میں مصروف ہو جائیگی، لہذا میں سمجھتی ہوں کہ مجھے بھی ساتھی کی ضرورت ہوگی تو اکیلے رہنے کی منطق میری سمجھ سے باہر ہے. یوں سائرہ یوسف نے کچھ نہ کہہ کر بھی کہہ دیا کہ وہ دوسری شادی کریں گی اور جیسے ہی انہیں کسی کی سمجھ میں آئی وہ شادی کر لیں گی. یاد رہے کہ ان کے سابق شوہر کے والد بہروز سبزواری نے بھی سائرہ کو شادی کرنے کا مشورہ دیاتھا .

اداکارہ و گلوکارہ حدیقہ کیانی نے گزشتہ روز ایک جذباتی پوسٹ سوشل میڈیا پر شئیر کی جس میں انہوں نے اعلان کیا کہ ان کی والدہ خاور کیانی انتقال کر گئی ہیں . انہوں نے لکھا کہ والدہ، دادی اور شاعرہ خاور کیانی آج انتقال کرگئیں ہیں ، ہم ہر ایک سے درخواست کرتے ہیں کہ اس مشکل وقت میں براہ کرم خاندان کی رازداری کا احترام کریں۔خاور کو جاننے والے جانتے ہیں کہ وہ کس قدر باوقار خاتون تھیں وہ ایک مضبوط اور خود مختار کام کرنے والی ماں تھیں جن کے لئے ان کے بچے ان کی اولین ترجیح تھے. خاور لڑکیوں کے ایک سرکاری اسکول میں پرنسپل اور ایک بہترین شاعرہ تھیں۔انہوں نے تنقیدی طور پر سراہی جانے والی کتابوں کا ایک سلسلہ اور پاکستان کی موسیقی کی تاریخ کے کچھ سب سے

بڑے گانوں جیسے "بوہے باریاں”، کرکٹ ورلڈ کپ 1999 کا ترانہ "انتہائی شوق” اور "آس پاس” لکھا۔میری آپ سب سے گزارش ہے کہ اس مشکل وقت میں ہم سب کےلئے دعا کیجیے.حدیقہ نے اپنی پوسٹ‌کے آخر میں لکھا ”بے شک ہم اللہ ہی کے ہیں اور ہم اسی کی طرف لوٹ کر جانے والے ہیں”۔یاد رہے کہ حدیقہ کیانی کی والدہ کافی عرصے سے بیمار تھیں اور گلوکارہ حدیقہ کیانی اس چیز کا ذکر اپنے اکثر انٹرویوز میں کرتی بھی رہتی تھیں اور باقاعدہ بتاتی تھیں کہ ان کی بیماری کی وجہ سے میں باہر کے ٹورز نہیں لیتی کیونکہ مجھے اپنی والدہ کا خیال رکھنا ہے.

ہانیہ عامر اور فرحان سعید کے نکاح کی خبریں اس وقت گردش کررہی ہیں. ہر کوئی ان کے نکاح کی باتیں کررہا ہے کئی یوٹیوبرز نے تو دونو‌ں کا نکاح کروا کے رخصتی کی نیوز دے دی ہے. لیکن ایسی تمام خبریں جھوٹی ہیں کیونکہ جن تصاویر کو بنیاد بنا کر ان دونو‌ں کے نکاح کی خبروں کی افواہیں اڑائی جا رہی ہیں وہ ان کا حالیہ شوٹ ہے جو کسی برینڈ نے کروایا ہے. ہانیہ اس شوٹ میں دلہن بنی نظر آرہی ہیں اور ہیوی جوڑے جبکہ فرحان سعید نے سوٹ زیب تن کررکھا ہے. اس خوبصورت شوٹ میں دونوں کافی اچھے لگ رہے ہیں. شوٹ کی تصاویر جیسے ہی سوشل میڈیا پر وائرل ہوئیں تو ہانیہ اور عامر کے نکاح کی خبروں کی جھوٹی افواہیں اڑانا شروع کر دی گئیں لیکن ان خبروں میں کسی قسم کی

حقیقت نہیں ہے. یاد رہے کہ ان دونوں کا حال ہی میں ڈرامہ سیریل ہمسفر اختتام پذیر ہوا ہے. ان دونوں کی جوڑی کو اس ڈرامے میں خاصا سراہا گیا پھر ان دونوں نے گزشتہ دنوں کینڈا میں ہونے والے ہم ایوارڈز میں شرکت کی اور ایک ساتھ پرفارمنس دی. کہا جا رہا ہے کہ فرحان سعید اور ہانیہ کی قربتیں بڑھ رہی ہیں لیکن دونوں کی طرف سے اس قسم کی کسی بات کی نہ تصدیق ہوئی ہے نہ ہی تردید ہوئی ہے.

دا لیجنڈ آف مولا جٹ فلم کی ریلیز کے بعد شائقین کا اس فلم کے لئے جوش و خروش دیکھنے والا ہے. یہی وجہ ہے کہ سینما گھروں میں آخری شو تین بجے ختم ہو رہا ہے. فلم کے بارے میں سوشل میڈیا پر ہر طرف تبصرے ہو رہے ہیں ہر کوئی اپنے پسندیدہ اداکار کی تعریف کررہا ہے اس کی اداکاری کی تعریف کررہا ہے اور فلم بنانے اور لکھنے والوں‌کی تعریف کررہا ہے . شائقین اس فلم کے لئے اتنے پر جوش ہیں کہ وہ فلم دیکھنے کے لئے سینما گھروں میں پہنچ رہے ہیں تو وڈیو کلپس بھی بنا رہے ہیں. جوش میں شائقین فلم کے کلپس سوشل میڈیا پر شئیر کررہے ہیں. اس چیز کو بہت سارے لوگوں نے پسند نہیں کیا ان کا کہنا ہےکہ ہم فلم کو خود دیکھنا چاہتے ہیں پلیز سوشل میڈیا پر اس کے کلپس وائرل نہ کریں. فلم کی

پرڈیوسر عمارہ حکمت تک جب یہ معاملہ پہنچا تو انہوں نے ایسا کرنے والوں‌کو خبر کر دیا اور کہا کہ فلم کے کلپس بالکل بھی سوشل میڈیا پر نہ ڈالے جائیں. یاد رہے کہ بہت سارے لوگوں‌نے فلم کے کلپس نہ صرف سوشل میڈیا پر ڈالے ہیں بلکہ کئی یوٹیوبرز نے تو فلم کے کافی لمبے لمبے کلپس اپنے یوٹیوب پر ڈالے ہوئے ہیں. یاد رہے کہ فلم مولا جٹ ریلیز کے بعد سب سے زیادہ سکرینز لینے والی فلم بن گئی ہے.

”دا لیجنڈ آف مولا جٹ” کو ریلیز ہوئے آج تین روز ہو چکے ہیں. فلم سینما میں بہت زیادہ رش لے رہی ہے. لوگوں کی ایک بڑی تعداد فلم کو دیکھنے کےلئے سینما گھروں کا ہر روز ہر شو میں رخ کررہی ہے. فلم نے پہلے ہی روز اچھا خاصا بزنس کیا ہے. فلم کی کامیابی پر فلم کی پرڈیوسر عمارہ حکمت اور ڈائریکٹر بلال لاشاری کافی خوش ہیں. عمارہ حکمت اور بلال لاشاری گزشتہ رات گلبرگ کے کیو سینما میں صبح تین بجے پہنچے اور وہاں آخری شو ختم ہونے کے بعد نکلنے والے لوگوں سے ملے. ان کے ساتھ سلیفیاں بنائیں. عمارہ اور بلال کو جیسے ہی وہاں لوگوں نے دیکھا وہ ان کے اردگرد کھڑے ہو گئے اوردا لیجنڈ آف مولا جٹ کی تعریف کرنے لگے. عمارہ حکمت نے ان تمام سینز کو اپنے موبائل کی کیمرے کی آنکھ میں محفوظ

کرتے ہوئے ، کیو سینما میں اپنے وزٹ کی وڈیو کو اپنی اپنی انسٹاگرام سٹوری میں لگائی. یاد رہے کہ فلم میں تمام سٹار کاسٹ کی اداکاری کو بہت سراہا جا رہا ہے. خصوصی طور پر حمزہ علی عباسی کی اداکاری کو بہت پسند کیا جا رہا ہے. عمائمہ ملک اور گوہر رشید سمیت فارس شفیع کی اداکاری سے شائقین محظوظ ہو رہے ہیں. فواد خان نے مولا جٹ کے کردار میں جان بھر دی ہے ماہرہ خان نے بھی اپنے کردار کو بہت اچھے سے نبھایا ہے.