Category: شوبز

اداکارہ امر خان نے بھی دا لیجنڈ آف مولا جٹ دیکھ لی ہے اور وہ بن گئی ہیں دیوانی اس فلم کی۔ امر خان نے فلم دیکھنے کے بعد سوشل میڈیا پر لکھا ہے کہ دا لیجنڈ آف مولا جٹ کی ریلیز کے بعد پاکستانی پنجابی سینما ایک نئے دور میں داخل ہو گیا ہے اور اس دور میں اب جدید تقاضوں سے ہم آہنگ فلمیں بنائی جائیں گی۔ اس فلم نے پاکستان فلم انڈسٹری کو ایک نئی امیددی ہے ۔انہوں نے یہ بھی لکھا کہ عمارا حکمت نے فلم پر بہت پیسہ لگایا ہے اور بلال لاشاری کی بہترین ڈائریکشن نے ایک بہترین شاہکار بنایا ہے۔ امر خان نے کہا کہ مجھے افسوس ہے کہ بہت سارے سینما گھروں میں یہ

فلم لگی ہی نہیں ہے ایسا نہیں ہونا چاہیے۔ امر خان نے کہا کہ فلم میں ہر اداکار نے بہترین اداکاری کی ہے۔ یاد رہے کہ دا لیجنڈ آف مولا جٹ تیراں اکتوبر کو پاکستان سمیت دنیا کے دیگر ممالک میں ریلیز ہوئی ۔ فلم میں سپیشل قسم کے ایفیکیٹس کا استعمال کیا گیا ہے جسے بہت زیادہ سراہا جا ر ہا ہے ۔ نوجوان نسل فلم کو دیکھنے کےلئے بے تاب نظر آرہی ہے ۔فلم پچاس کروڑ کے بجٹ کے ساتھ تیار ہوئی ہے تاہم ابھی تک دس کروڑکا بزنس کر چکی ہے۔

گلوکارہ آئمہ بیگ جو گزشتہ چند ہفتے خاصی تنقید کا نشانہ بنی رہی ہیں ان کی کسی غیر ملکی کے ساتھ گفتگو کی آڈیو ٹیپ منظر عام پر آنے کے بعد آئمہ بیگ کافی پریشان رہیں۔ آئمہ بیگ نے اس کے بعد چند دن تک خاموشی اختیار کئے رکھی اور اب انہوں نے اپنے والد کے ساتھ چند تصاویر سوشل میڈیا پر اپلوڈ کی ہیں۔ آئمہ بیگ سعودی عرب میں موجود ہیں اور عمرہ کی ادائیگی اپنے والد کے ہمراہ کرنے کےلئے گئی ہیں ۔ انہوں نے جب یہ تصاویر شئیر کیں تو سوشل میڈیا صارفین نے ان کو لیا آڑھے ہاتھوں اور کہا کہ آپ کے جسم پر تو ٹیٹیو ز بنے ہوئے ہیں آپ کی نماز یا

عمرہ کیسے ہو سکتا ہے۔ آئمہ بیگ نے خلاف توقع بہت ہی پر سکون انداز میں جواب دیا کہ وہ میرا اللہ ہے اور ا س نے ہی مجھے عمرہ کی ادائیگی کے لئے اپنے گھر بلایا ہے۔ آئمہ بیگ نے عمرہ کی ادائیگی کے دوران جو تصویر شئیر کی اس کا کیپشن لکھاکہ میں اپنا فون چارج رکھوں گی اور اس طرح کی تصویریں شئیر کرتی رہوں گی ۔ آئمہ بیگ کو حجاب میں لپٹی دیکھ کر بہت سارے لوگوں نے ان کی تعریف بھی کی اور کہا کہ اللہ تعالی ان کی دعائیں قبول فرمائیں۔

گزشتہ کئی برسوں میں بالی وڈ کی آن سکرین جوڑیاں حقیقی زندگی میں ایک دوسرے کی جوڑی دار بن گئیں جن میں وکی کوشل اور کترینہ کیف ، دیپیکا پڈوکون اور رنویر سنگھ و دیگر کے نام قابل زکر ہیں. تاہم آج کل بالی وڈ میں کیارا ایڈوانی اور سدھارتھ ملہوترا کی شادی کی خبریں چرچا میں ہیں۔ ہرکوئی ان دونوں کی شادی کی بات کرتا نظر آرہا ہے۔ ایسے میں دبنگ سلمان خان کیسے پیچھے رہ سکتے تھے جی ہاں اب تو سلمان خان نے بھی اشارہ دے دیا ہے کہ بالی وڈ کی ایک اور جوڑی جلد ہی شادی کے بندھن میں بندھنے جا رہی ہے۔ بلکہ سلمان خان نے تو سدھارتھ ملہوترا کو مبارکباد بھی دے دی ہے اور کہا ہے کہ یہ بہت اچھا فیصلہ ہے ۔سلمان خان ہی نہیں بلکہ فلمساز کرن جوہر بھی سدھارتھ ملہوترا کو کیارا کے حوالے سے تنگ کرتے پائے گئے ہیں ۔سدھارتھ گزشتہ

دنوں ایک ڈانس رئیلٹی شو میں گئے وہاں کرن جوہر نے سدھارتھ سے جب کیارا کے ھوالے سے بات کی تو سدھارتھ کے چہرے کی خوشی اور لالی نے ان دونوں کے تعلق کی ساری حقیقت کھول کر رکھ دی تھی۔ یاد رہے کہ کیارا ایڈوانی اور سدھارتھ ملہوترا گزشتہ کچھ عرصے سے ایک ساتھ دکھائی دیتے ہیں اور انہوں نے ایک ساتھ چند ایک فلموں میں کام بھی کیا ہے ان کی آن سکرین جوڑی اور کیمسٹری کو بہت زیادہ سراہا جاتا ہے۔ شائقین ان کو ایک ساتھ دیکھنے کےلئے بےتاب نظر آتے ہیں.

بالی وڈ اداکارہ پریانکا چوپڑہ جو کہ ملالہ یوسفزئی سے بہت زیادہ متاثر ہیں وہ اکثر و بیش تر ملالہ سے ملتی اور ان کے ساتھ تصاویر بنواتی ہوئی دکھائی دیتی ہیں۔ وہ ملالہ کی امن کے لئے کاوشوں کی بہت سراہنا کرتی رہتی ہیں۔ پریانکا چوپڑہ ملالہ یوسفزئی سے بہت ہیں خوش ان کا کہنا ہے کہ ملالہ یوسفزئی نے امریکی کامیڈین حسن منہاج کو انفالو کرکے بہت اچھا کام کیا ہے۔ امریکی کامیڈین حسن منہاج نے ملالہ یوسفزئی کا اپنے ایک پروگرام میں مذاق اڑایا اور کہا کہ میں تو ملالہ کو فالو نہیں کرتا لیکن یہ مجھے فالو کرتے ہیں۔ اس قسم کے مذاق کی وڈیو کے منظر عام پر آنے

کے بعد ملالہ یوسفزئی نے بھی حسن منہاج کو انفالو کر دیا اور ملالہ کے اس عمل سے ان کے مداح کافی خوش ہیں ، ان کا کہنا ہے کہ ایسے لوگوں کو بالکل بھی فالو کرنے کی ضرورت نہیں ہے جو دوسروں کا مذاق بناتے ہیں اور ان کی عزتیں اچھالتے ہیں۔ ملالہ یوسفزئی نے جب حسن منہاج کو انفالو کیا تو ان کے مداحوں میں سب سے پہلے پریانکا چوپڑہ نے خوشی کا اظہار کیا اور کہا کہ ملالہ کی جانب سے ایسا ہی کیا جانا چاہیے تھا۔پریانکا چوپڑہ نے اپنی انسٹاگرام سٹوری میں حسن منہاج کے انسٹاگرام اکاﺅنٹ کا سکرین شاٹ شئیر کیا اور لکھا کہ یہ وہی لڑکی ملالہ ہے جس کا مذاق بنایا گیا ہے۔

اداکارہ عائشہ عمر جنہیں بلبلے کے کردار خوبصورت نے شہرت کی بلندیوں پر پہنچا دیا تھا. ان کا کہنا ہے کہ وہ بہت زیادہ موڈ ی ہیں۔ اپنے حالیہ انٹرویو میں اداکارہ نے کہا کہ میں اداکاری بھی کرتی ہوں ، میزبانی بھی کرتی ہوں ماڈلنگ بھی کرتی ہوں ، لیکن میرا جب جو دل کرے وہی تب کرتی ہوں۔ میرا اپنا ایک مزاج ہے میں اس کے حساب سے ہی چلتی ہوں چاہے دوسرے جو مرضی کہتے رہیں ، میں نے اپنی زندگی میں بہت سارے فیصلے خود کئے اور خود ہی کرتی ہوں ، ہاں فیصلے اچھے بھی ہوجاتے ہیں برے بھی ہوجاتے ہیں لہذا میں اپنے فیصلوں کا بھار اٹھاتی

ہوں اور اچھے برے فیصلوں کو مان لینا اس کو تسلیم کرنا اصل میں ایک بہادری کا کا م ہوتا ہے۔ عائشہ عمر نے کہا کہ جوکام کرتا ہے اس پر تنقید بھی ہوتی ہے جو کچھ نہیں کرتا اس پر کسی نے کیا تنقید کرنی اور میں محسوس کر سکتی ہوں کہ مجھ پہ جو اور جب جس قسم کی تنقید ہورہی ہوتی ہے اس کا مقصد کیا ہے اگر تو پازیٹیو تنقید ہو تو میں کوئی بات نہیں سر آنکھوں پر لیکن اگر کوئی تنقید مجھے پریشان کرنے کے لئے ہو تو میں اسکی ٹینشن نہیں لیتی۔ عائشہ عمر نے کہا کہ اپنے فیصلے انسان کو خود کرنے چاہیں کل کو پچھتاوا نہیں ہوتا۔

اداکار جاوید شیخ جنہوں نے پاکستانی فلموں اور ڈراموں میں کام کرنے علاوہ بھارت میں بھی اپنے فن کا لوہا منوایا ہے وہ فلم ٹی وی اور ڈرامے پر گہری نظر رکھتے ہیں ۔ انہوں نے اپنے ایک حالیہ انٹرویو میں کہا ہے کہ وہ دیکھ رہے ہیں کہ پاکستان فلم انڈسٹری کا مستقبل کافی روشن ہے جس طرح کی جدید ٹیکنالوجی فلمیں بنانے کے لئے استعمال ہو رہی ہے وہ فلم انڈسٹری کو آگے لیکر جائیگی۔ جاوید شیخ نے کہا کہ اب ہمیں روایتی فلموں اور سکرپٹس سے دور رہنا ہو گا اور ایسا کرنا اب وقت کی اہم ضرورت ہے ورنہ فلم انڈسٹری کے حالات جوں کے توں رہیں گے۔ انہوں نے یہ بھی کہا کہ پاکستان فلم انڈسٹری اپنے ابتدائی

مراحل میں ہے آغاز کافی اچھا ہے یقینا آگے چل کر حالات کافی بہتر ہوجائیں گے۔ جاوید شیخ نے اس چیز پر زور دیا کہ فلموں کا سکرپٹ اچھا ہونا چاہیے اچھا سکرپٹ ہو گا تو کہانی بھی اچھی بنے گی اور شائقین فلم میں دلچپسی لیں گے۔ جاوید شیخ نے کہا کہ ہمارے پاس ٹیلنٹ کی کمی نہیں ہے بس جدید رجحانات متعارف کروانے کی ضرور ت ہے۔ یاد رہے کہ جاوید شیخ نے اپنی زندگی کا ایک بڑا حصہ پاکستان شوبز انڈسٹری میں گزارا ہے ان کے کریڈٹ پر بے شمار ہٹ فلمیں اور ڈرامے ہیں ۔

چھوٹی سکرین کی بہترین اداکارہ صرحا اصغر نے اپنے ایک حالیہ انٹرویو میں‌کہا ہے کہ وہ ایک عرصہ بہت زیادہ پریشان رہی ہیں. پریشانی کی وجہ بتاتے ہوئے انہوں نے کہا کہ وہ جیسا کے موٹی تھیں پتلی نہیں تھیں اسی لئے ان پر بہت زیادہ تنقید ہوتی تھی. صرحا نے بتایا کہ وہ جب کبھی اپنی کوئی تصویر سوشل میڈیا پر جاری کرتی تھیں تو وہاں لوگ ان کو بہت سناتے تھے. انہوں نے کہا کہ مجھے یاد ہے کہ ایک بار میں نے ایک تصویر سوشل میڈیا پر پوسٹ کی اس میں میں یقینا موٹی تھی میرا وزن زیادہ تھا. کسی لڑکی نے میرے پیٹ پر ایرو کا نشان لگا کر تصویر میرے

کمنٹس باکس میں پوسٹ کی تو میں نے بہت محسوس کیا اس بات نے میرے دل کو بہت پریشان کیا. یہ بات تو جیسے میرے دل و دماغ میں ہی بیٹھ گئی تھی اس کے بعد میں نے فیصلہ کیا کہ میں اپنا وزن کم کروں گی. انہوں نے کہا کہ مجھے جب لوگ موٹی کہتے تھے تو مجھے اتنا برا لگتا تھا تو سوچیں کیا دوسروں‌کو برا نہیں‌لگتا ہو گا؟ لہذا ایسا نہیں کرنا چاہیے کسی کو بھی کسی کی باڈی شیمنگ نہیں‌کرنی چاہیے. ہر کسی کو ویسے ہی قبول کریں جیسے وہ ہیں ان کو مایوس مت کریں ان باتوں کو جن پر ان کا براہ راست اخیتار نہیں ہے.

اداکارہ ماہرہ خان جو لاکھوں کروڑوں دلوں کی دھڑکن ہیں شائقین ان کے ہر پراجیکٹ کا بےچینی سے انتظار کرتے ہیں. ماہرہ خان کا شمار ان اداکارائوں میں ہوتا ہے جنہوں پاکستان کے ساتھ ساتھ بھارت میں بھی اپنی صلاحیتوں کا لوہا منوایا. ویسے تو ماہرہ خان کی جوڑی دوسرے ہیروز کے ساتھ بھی سراہی جاتی ہے لیکن فواد خان کے ساتھ ان کی آن سکرین جوڑی کی کیا ہی بات ہے. اسی چیز کو دیکھتے ہوئے مولا جٹ کے ساتھ مکھو کا کردار ماہرہ خان کو آفر کیا گیا . ماہرہ خان نے جب یہ کردار سنا اور کہانی کے بارے میں سنا تو ان کا پہلا ری ایکشن یہ تھا کہ مجھے یہ فلم نہیں کرنی یہ کردار نہیں کرنا ، انکار کی وجہ یہ نہیں تھی کہ ان کو اس ٹیم کے ساتھ کام نہیں کرنا تھا بلکہ انکار کی

وجہ یہ تھی کہ ماہرہ خان کو پنجابی بولنی نہیں آتی تھی اس لئے ان کو لگتا تھا کہ وہ اس کردار کے ساتھ انصاف نہیں کر پائیں گی لیکن ان کو عمارہ حکمت اور بلال لاشاری نے ایک اعتماد دیا جس کے بعد انہوں نے اس کردار کو کرنے کے لئے حامی بھری ، ماہرہ خان کہتی ہیں کہ ان کو بہت خوشی ہے کہ انہوں نے اس فلم کو کرنے کے لئے حامی بھری. یاد رہے کہ ماہرہ خان نے اس فلم میں مکھو کا کردار کیا ہے جو مولا جٹ کو بہت پسند کرتی ہے.