Category: شوبز

بالی وڈ کے سینئر اداکار ارون بالی انتقال کر گئے ہیں، ان کےانتقال پر پورا بالی وڈ‌ سوگ میں ڈوبا ہوا ہے.ابھیشیک بچن نے ان کے انتقال پر گہرے دکھ اور رنج کا اظہار کیا ہے. اداکار نے اپنے ٹویٹر اکائونٹ پر ایک پوسٹ لکھی اس میں انہوں نے کہا کہ ” ارون ایک پرجوش اور محبت کرنے والا انسان تھا، مجھے ان کے انتقال کا سن کر بہت زیادہ دکھ ہوا ہے ابھیشک نے ارون کے خاندان سے تعزیت کی۔ "ارون بالی جی کے انتقال کی خبر سن کر بہت دکھ ہوا۔مجھے ان کے ساتھ کئی فلموں میں کام کرنے کا موقع میسر آیا اور میں بہت خوش قسمت ہوں کہ جسے ارون جیسے فنکار کے ساتھ کام کرنے کا موقع ملا. یاد رہے کہ ارون بالی آج صبح ممبئی میں 79 سال میں چل بسے. انہوں نے ٹیلی ویژن شوز اور فلموں میں‌کام کیا ان کی مشہور

فلموں میں تھری ایڈیٹس، کیدارناتھ، پانی پت و دیگر کے نام قابل زکر ہیں . ارون حال ہی میں عامر خان اسٹارر لال سنگھ چڈھا اور امیتابھ بچن اسٹارر گڈ بائی میں بھی نظر آئے تھے۔ ارون بالی کے ساتھی اداکاروں، مداحوں اور انڈسٹری کے دوستوں نے سوشل میڈیا پر تجربہ کار اداکار کو دلی خراج تحسین پیش کیا۔ارون کے ٹی وی ڈراموں کے کئی کردار سپر ہٹ رہے، ارون نہایت ہی خوبصورت انداز میں‌ڈائیلاگز کی ادائیگی کرتے تھے.

عالیہ بھٹ کے آج کل خوشی کے مارے زمین پر پائوں نہیں‌ لگتے کیونکہ انکے ہاں بچے کی پیدائش ہونے والی ہے ، عالیہ بھٹ کا حال ہیں بے بی شاور ہوا جس میں ان کے خاندان کے افراد اور دوستوں نے شرکت کی. آج کل عالیہ بھٹ اور کترینہ کیف کی ایک وڈیو وائرل ہورہی ہے اور اس وڈیو میں عالیہ اور کترینہ جم میں ورک آئوٹ کرتی ہوئی نظر آرہی ہیں.یہ ویڈیو کترینہ نے اپنے انسٹاگرام ہینڈل پر شیئر کی تھی اس وڈیو میں دیکھا جاسکتا ہے کہ عالیہ نے ڈمبلز پکڑے ہوئے ہیں اور کترینہ کیف گنتی کررہی ہی. یاد رہے کہ عالیہ بھٹ اور کترینہ کیف دونوں بہترین دوست ہیں. کترینہ کیف بہت جلد فون بھوت میں سدھانت چترویدی اور ایشان کھٹر کے ساتھ نظر آئیں گی۔ گرومیت سنگھ کی ہدایت کاری میں بننے والی یہ

فلم 4 نومبر کو سینما گھروں میں ریلیز ہونے والی ہے۔ اس فلم میں جیکی شراف، شیبا چڈھا اور ندھی بشت نے بھی معاون کردار ادا کیے ہیں۔ وکی کوشل کے ساتھ شادی کے بعد یہ کترینہ کی پہلی فلم ہے۔دوسری طرف عالیہ بھٹ بہت جلد راکی اور رانی کی پریم کہانی میں نظر آئیں گے اس فلم میں ان کے ساتھ رنویر سنگھ نے بطور ہیرو کام کیا ہے. عالیہ بھٹ فلم ہارٹ آف سٹون سے اپنا ہالی وڈ کیرئیر شروع کرنے جا رہی ہیں. اس کے علاوہ عالیہ جی لے زرا میں بھی نظر آئیں گی.

باصلاحیت اداکارہ نفیسہ علی سوشل میڈیا پر کافی ایکٹو رہتی ہیں اور انسٹاگرام پر مداحوں کو دلکش تصاویر کے ساتھ اپنے جلوے دکھاتی رہتی ہیں. سیلفیز ،انکی دوستوں اور پالتو جانوروں کے ساتھ تصویریں سارا دن مداحوں کو دیکھنے کو ملتی رہتی ہیں. حال ہی میں 65 سالہ اداکارہ نے انسٹاگرام پر اپنے نئے روپ کی تصویریں شئیر کیں ، ان تصاویر میں ان کے بالوں‌کا رنگ پنک دیکھا جا سکتا ہے . ان کے تصاویر شئیر کرتے ہی انٹرنیٹ پر جیسے دھوم مچ گئی. نفیسہ علی نے اپنے بچوں اور پوتے پوتیوں کو حیران کرنے کے لیے میک اوور کرنے کا فیصلہ کیا اور اپنے بالوں کو گلابی رنگ دیا۔نفیسہ علی نے اپنے سفید بالوں کو مکمل طور پر گلابی رنگنے کے بعد اپنے انسٹاگرام اکاؤنٹ پر جو تصاویر پوسٹ کیں ان کے کیپشن میں خود کو آنٹی اور نانی کہا اور انکشاف کیا کہ میں بس کچھ مزہ کرنا چاہتی ہوں۔ "آج میں نے محسوس کیا کہ مجھے اپنے بالوں کو رنگنا چاہیے

مجھے گلابی رنگ پسند ہے اسلئے میں نے گلابی رنگ آن لائن خریدا اور اپنے بچوں اور پوتے پوتیوں کو حیران کرنے کے لیے بال رنگ لئے .نفیسہ پنک بالوں میں بہت زیادہ اچھی لگ رہی ہیں ان کے بال بھی پنک رنگ میں بہت اچھے لگ رہے ہیں. نفیسہ علی نے ایک اور پوسٹ کے زریعے اپنے مداحوں کو انکی صحیتابی کے لئے دعا کرنے کو کہا . یاد رہے کہ بہت جلد نفیسہ فلم اونچائی میں نظر آئیں گی اس میں ان کے ساتھ امیتابھ بچن، انوپم کھیر، بومن ایرانی، پرینیتی چوپڑا، ڈینی ڈینزونگپا، نینا گپتا اور ساریکا شامل ہیں۔

شاہ رخ خان اور گوری خان کے بیٹے آریان خان، جو سوشل میڈیا پر بڑے پیمانے پر شہرت رکھتے ہیں یہی وجہ ہے کہ وہ بہت زیادہ خبروں میں بھی رہتے ہیں. حال ہی میں مادھوری ڈکشٹ اور گجراج راؤ کی فلم” ماجا ما” کی خصوصی اسکریننگ میں آریان خان نے خصوصی طور پر شرکت کی ان کے ساتھ ان کی بہن سہانا خان بھی تھیں۔ اسپیشل اسکریننگ میں کئی مشہور شخصیات نے بھی شرکت کی اور اننیا پانڈے ان میں سے ایک تھیں۔ اننیا اور آریان کی اسی تقریب کی ایک وڈیو وائرل ہورہی ہے جس میں دیکھا جا سکتا ہے کہ اننیا پانڈے سامنے کھڑی ہیں اور آریان خان ان کو نظر انداز کرتے ہوئے ان کے پاس سے گزر جاتے ہیں ایک نگاہ بھی اس پر نہیں ڈالتے. اس وڈیو کے منظر عام پر آنے کے بعد طرح طرح کے تبصرے کئے جا رہے ہیں کیونکہ یہ دونوں بہت اچھے دوست ہیں. اس وڈیو کو دیکھ کر ایسا لگ رہا ہے کہ اب جیسے دونوں کے درمیان تعلقات اچھے نہیں رہے .

شاہ رخ خان کے بیٹے آریان خان نے اس تقریب میں اننیا پانڈے کو کیوں نظر انداز کیا اس حوالے سے صرف قیاص آرائیاں ہی کی جا رہی ہیں. تاہم یہ وڈیو دیکھ کر یہ ضرور کہا جا سکتا ہے کہ شاید اب دونوں کے درمیان دوستی نہیں رہی. سوشل میڈیا صارفین چونکہ طرح طرح کے تبصرے کررہے ہیں لہذا کسی ایک صارف نے لکھا "اس نے اسے نظر انداز کر دیا۔” ایک اور صارف نے لکھا، "اس نے اسے نہیں دیکھا، وہ کہیں اور دیکھ رہا تھا۔”یاد رہے کہ آریان خان کو حال ہی میں NCB نے منشیات کے ایک مبینہ کیس میں کلین چٹ دی تھی. حال ہی میں کرن جوہر کے شو میں اننیا پانڈے نے آریان خان کے ساتھ اپنی محبت کا اعترا ف کیا لیکن آریان خان کی طرف ایسی کسی بات کی تصدیق یا تردید نہیں ہوئی .

شاہ رخ خان اور گوری خان کے بڑے بیٹے آریان خان کا شمار بالی وڈ کے مقبول ترین اسٹار بچوں میں ہوتا ہے۔ کنگ خان نے اکثر اپنے انٹرویوز میں بتایا ہے کہ آریان کو اداکاری میں کوئی دلچسپی نہیں ہے اور وہ فلم سازی کے تخلیقی پہلو کی طرف مائل ہیں۔ اب وہ ایک ویب سیریز کے ساتھ اداکار کے طور پر نہیں بلکہ ایک مصنف کے طور پر اپنے کیرئیر کا آغاز کریں گے۔ کہا جا رہا ہے کہ آریان خان کی بطور رائٹر پہلی ویب سیریز کی شوٹنگ اس سال کے آخر تک شروع ہونے والی ہے ویب سیریز کے لیے آڈیشنز جاری ہے . اور اس ویب سیزیز کے لئے کافی ایکٹرز بھی آڈیشنز دے ہے ہیں. شاہ

رخ خان کا بیٹا اداکاری میں تو دلچپسی نہیں رکھتے لیکن دیکھنا یہ ہےکہ بطور رائٹر وہ کیا جادو جگاتے ہیں. آریان خان کی بہن سوہانا خان ذویا اختر کی فلم سے اپنا ڈیبیو کرنے جا رہی ہیں. یاد رہے کہ شاہ رخ خان کے بیٹے بڑی سکرین پر بطور چائلڈ اینٹری دے چکے ہیں انہوں نے اپنے والد کی فلم کبھی خوشی کبھی غم میں اپنے والد کے ہی بچپن کا کردار ادا کیا تھا. شاہ رخ خان کے مداح یہ توقع کررہے تھے کہ شاید شاہ رخ خان کے بچے بالی وڈ میں بطور اداکار کام کریں گے لیکن آریان کا دھیان اداکاری کی طرف نہیں ہے جبکہ سہانا خان اداکاری میں دلچسپی رکھتی ہیں.

سشمیتا سین نے گزشتہ روز اپنی اگلی ویب سیریز ‘تالی’ کا اعلان کرتے ہوئے مداحوں کو حیرت میں ڈال دیا۔سشمیتا سین نے گزشتہ روز اپنے انسٹاگرام پر فلم تالی میں اپنے روپ کی ایک جھلک تصویر کی صورت میں شئیر کرتے ہوئے کیپشن میں‌ لکھا کہ تالی بجاؤنگی نہیں، بجواؤنگی، انہوں نے یہ بھی لکھا کہ مجھے اس کردار کو کرنے پر فخر ہے اور عزت کے ساتھ زندگی جینے کا حق ہر کسی کو ہے. اب سوال یہ ہے کہ ٹرانسجینڈر گوری ساونت ہیں کون؟‌گوری نے کچھ سال پہلے وِکس کے ایک اشتہار میں کام کیا تھا، جو کچھ ہی دیر میں وائرل ہو گیا تھا۔ وہ ایک ٹرانس جینڈر حقوق کارکن ہیں، جو پونے میں پیدا ہوئی تھیں۔انہوں نے اپنا نام خود ہی گوری ساونت رکھ لیا. گوری ساونت ایک پولیس اہلکار اور گھریلو خاتون کے ہاں پیدا ہوئی۔ انکی ماں انہیں دنیا میں نہیں لانا چاہتی تھیں وہ اپنے حمل کے ساتویں مہینے اسقاط حمل کرنا چاہتی تھیں لیکن ڈاکٹرز نے نصیحت کی کہ ایسا مت کیجے کیونکہ آپکی جان کو خطرہ ہے. پھر جب گوری سات سال کی ہوئی تو ان کے والد کا انتقال ہو گیا.گوری 17 سال کی عمر میں

گھر سے بھاگ گئیں کیونکہ ان کے والد نے اس کی شناخت کو قبول نہیں کیا جب وہ گھر سے بھاگیں تو اس وقت ان کی جیب میں محض ساٹھ روپے تھے. ان کا نام گنیش رکھا گیا تھا لیکن انہوں نے اپنا نام گوری رکھ لیا. گوری اس وقت سرخیوں میں آئیں جب انہوں نے خواجہ سراؤں کے گود لینے کے حقوق کے لیے جدوجہد کی اور وکالت کی۔ 2008 میں اس نے گایتری نامی لڑکی کو گود لیا۔ اس کے علاوہ انہوں نے ٹرانس جینڈر کمیونٹی کو تیسری جنس کے طور پر تسلیم کرنے کے لیے بھی جدوجہد کی۔ 2019 میں، گوری LGBTQIA+ کمیونٹی کی پہلی رکن بن گئیں جنہیں الیکشن کمیشن آف انڈیا کی طرف سے انتخابی سفیر کا عہدہ دیا گیا۔اس کے علاوہ گوری ایک این جی او بھی چلاتی ہیں جس کا نام سخی چار چوگھی ہے جو کہ صحت کی خدمات مہیا کرتی ہے، جنسی بیداری پھیلاتی ہے، اور ٹرانس جینڈر کمیونٹی کو روزگار کے مواقع فراہم کرتی ہے۔
فلم ” تالی ” 10 اکتوبر کو ریلیز ہوگی۔کہا جا رہا ہے کہ اس ویب سیریز کے لئے 300 ٹرانس جینڈر فنکاروں کی خدمات حاصل کی گئی ہیں۔

عالیہ بھٹ اس وقت بالی وڈ کی کامیاب ترین سٹارز میں سے ایک ہیں۔ انتہائی باصلاحیت اداکارہ نے 19 سال کی عمر میں 2012 میں ریلیز ہونے والی کرن جوہر کی فلم سٹوڈنٹ آف دی ائیر سے اپنا شاندار آغاز کیا۔ تاہم امتیاز علی کی ہدایت کاری میں بننے والی 2014 کی فلم ہائی وے سے ان کے کیرئیر نے اڑان بھری اس میں ان کی اداکاری کو بےحد سراہا گیا. عالیہ بھٹ ایک آزاد زندگی گزارنے کی قائل رہی ہیں انہوں نے 2017 میں ممبئی کے جوہو میں اپنے خوابوں کا گھر خریدا۔ عالیہ بھٹ جلد ہی اپنے والدین کے گھر کو چھوڑ کر اپنے عالیشان اپارٹمنٹ میں رہنے کے لیے چلی گئیں. عالیہ بھٹ نے حال ہی میں ایک انٹرویو دیا ہے اس میں انہوں نے کہا ہے کہ اپنے والدین سے دور رہنے نے مجھے زیادہ ذمہ دار اور خود مختار بنایا، لیکن اداکارہ اپنے جوہو کے گھر میں اکیلی نہیں رہتی تھیں۔ عالیہ کی بڑی بہن شاہین بھٹ اور ان کی بلی ایڈورڈ اس

وقت ان کے ساتھ تھیں. عالیہ کہتی ہیں ماں باپ کا گھر چھوڑنے کے بعد میں نے محسوس کیا کہ میرے تعلقات میرے والدین اور بہن کے ساتھ زیادہ بہتر ہوئے . انہوں نے کہا کہ اس دوران مجھے رشتوں کی اہمیت کا احساس بھی ہوا. عالیہ بھٹ نے یہ بھی بتایا کہ کس طرح انہوں نے اپنے خوابوں کا گھر بنایا۔ دلچسپ بات یہ ہے کہ اداکارہ کو اپنے جوہو گھر کا اندرونی حصہ بنانے میں 2 سال سے زیادہ کا عرصہ لگا۔ عالیہ بھٹ اس وقت اپنے شوہر رنبیر کپور کے ساتھ پالی ہلز، ممبئی میں واقع اپنی رہائش گاہ واستو میں مقیم ہیں۔ اداکارہ جو اب بیوی اور کپور بہو کے طور پر نئی ذمہ داریوں سے لطف اندوز ہو رہی ہیں جلد ہی ماں بننے والی ہیں۔ عالیہ اور رنبیر نے باندرا ممبئی میں ایک ساتھ ایک نیا گھر بھی خریدا ہے اور یہ ابھی زیر تعمیر ہے۔

متعدد فلموں اور ڈراموں میں اپنی صلاحیتوں کا لوہا منوانے والے معروف اداکار ارون بالی کا ممبئی میں انتقال ہو گیا ہے .ارون ڈرامہ چانکیہ میں کنگ پورس اور دوردرشن کے سوپ اوپیرا سوابھیمان میں کنور سنگھ کے کردار کے لیے مشہور تھے۔ 79 سالہ اداکار کو اس سال کے شروع میں Myasthenia Gravis نامی نایاب اعصابی بیماری کی تشخیص ہوئی تھی اور وہ ممبئی کے ہیرانندنی ہسپتال میں زیر علاج تھے ۔ ارون کے بیٹے انکش بالی نے اپنے والد کے انتقال کی خبر کی تصدیق کرتے ہوئے کہا کہ ارون آج صبح 4.30 بجے کے قریب انتقال کر گئے۔ انہوں نے یہ بھی کہا کہ میرے والد ہمیں چھوڑ کر چلے گئے، وہ Myasthenia gravis میں مبتلا تھےانہوں نے کہا کہ ابو کا موڈ دو تین دن سے بدل رہا تھا انہوں نے اپنے کیئر ٹیکر سے کہا کہ وہ واش روم جانا چاہتے ہیں واش روم سے باہر آئے تو بالے بیٹھنا چاہتا ہوں پھر اسکے بعد وہ کبھی بھی نہیں اٹھے.

انکش نے مزید یہ بھی کہا کہ والد کی آخری رسومات کلادا کی جائیں گی کیونکہ ہمارے خاندان کے بہت سے لوگوں نے امریکہ سے آنا ہے .یاد رہے کہ ارون بالی 1942 میں پنجاب کے جالندھر میں پیدا ہوئے۔ وہ نیشنل ایوارڈ یافتہ پروڈیوسر بھی ہیں۔ 2000 کی دہائی میں، ارون کمکم میں ہرش وردھن وادھوا جیسے اپنے "دادا” کے کرداروں کے لیے مشہور ہوئے اور اس کے لیے انہوں نے ایوارڈز بھی حاصل کیے ہیں۔ وہ 3 ایڈیٹس، باغی، برفی، پی کے، کیدارناتھ اور پانی پت میں نظر آئے. ارون آخری بار وکاس بہل کی ہدایت کاری میں بنی فلم ”الوداع” میں نظر آئے تھے، جو آج سینما گھروں میں ریلیز ہوئی ہے۔ اس فلم میں امیتابھ بچن، رشمیکا منڈنا، اور نینا گپتا کے ساتھ سنیل گروور، پاویل گلاٹی، اشیش ودیارتھی، ایلی اورام، ساحل مہتا، شیوین نارنگ اور ابھیشیک خان نے معاون کردار ادا کیے ہیں۔

باصلاحیت اداکارہ عائشہ عمر کا کہنا ہے کہ میں نے کبھی کسی کی ذاتی زندگی میں‌ دخل اندازی نہیں کی اور مجھے بالکل بھی پسند نہیں ہے کہ کوئی میری زندگی میں‌دخل دے. میرے لوگوں کے ساتھ اچھے مراسم ضرور رہتے ہیں لیکن میں‌کبھی ان کی زندگیوں میں نہیں‌جھانکتی اور یہ کھوج لگانے کی کوشش نہیں‌ کرتی کہ کون کیسی زندگی بسر کررہا ہے یا کون اپنی ذاتی زندگی میں‌کیا رہا ہے. اس لئے مجھے ایسے لوگ سخت ناپسند ہیں جو دوسروں کی ذاتی زندگی میں دخل اندازی کریں اور ہر وقت اسی جستجو میں‌لگے رہیں کہ کسی طرح انہیں‌ پتہ چلے کہ دوسرے کی

زندگی میں آخر چل کیا رہا ہے. عائشہ عمر نے کہا کہ میں نے ہمیشہ کام سے کام رکھا یہی وجہ ہے کہ اللہ تعالی نے مجھے کامیابیوں سے نوازا . آج اگر میں اپنے کیرئیر پر نظر ڈالتی ہوں تو مجھے فخر محسوس ہوتا ہے کہ میں نے جتنا کام کیا محنت کے ساتھ کیا اور میرے مداحوں نے مجھے ہر دم سپورٹ کیا. میں نے بڑی سکرین کے لئے بھی کام کیا میرے مداحوں نے وہاں بھی مجھے سپورٹ کیا. یاد رہے کہ رواں‌ برس عائشہ عمر کی فلم رہبرا ریلیز ہوئی یہ فلم ڈیڈ فلاپ رہی اور سینما گھروں میں ایک شو بھی فل نہ لے سکی.

دا لیجنڈ آف مولا جٹ کے چرچے ہر طرف ہیں 13 اکتوبر کو ریلیز ہونے والی اس فلم کا بےچینی سے انتظار کیا جا رہا ہے . فلم کی مرکزی کاسٹ میں فواد خان ، گوہر رشید ، ماہرہ خان ، حمزہ علی عباسی اور عمائمہ ملک ہیں . ڈائریکشن بلال لاشاری کی ہے جبکہ پرڈیوس عمارہ حکمت نے کی ہے .عمارہ حکمت کی یہ پہلی فلم ہے جسے انہوں نے پروڈیوس کیا ہے. عمارہ حکمت اس حوالے سے کہتی ہیں کہ میں نروس تو بالکل نہیں‌ہوں لیکن پرجوش ضرور ہوں اور لوگوں کا اس فلم کے لئے جوش دیکھ کر میری پرجوشی مزید بڑھ جاتی ہے. ایک سوال کے جواب عمارہ

حکمت نے کہا کہ مجھے پنجابی بولنی نہیں آتی تھی نہ آتی ہے لیکن مجھے پنجابی آنی ضروری نہیں تھی کیونکہ مین آئیڈیا تو بلال لاشاری کا تھا جس پر انہوں نے کام کر لیا ہوا تھا ناصر ادیب کے ساتھ مل کر، میرے حصے کا کام پروڈکشن کے معاملات کو دیکھنا تھا. عمارہ حکمت نے کہا کہ فلم کو پرڈیوس کرنے کا تجربہ ہہت اچھا رہا ہے دوبارہ بھی اچھا سکرپٹ ملا تو پروڈیوس کروں گی. انہوں نے کہا کہ پائریٹڈ فلمیں نہ دیکھیں ڈائون لوڈ کرکے نہ دیکھیں‌، سینما کو سپورٹ کریں ٹکٹ خرید کر فلم دیکھیں. آپ سب کی سپورٹ فلم انڈسڑی کو سہارا دینے کےلئے بہت ضروری ہے.