Category: شوبز

اداکار گوہر رشید جو کہ دا لیجنڈ آف مولا جٹ کا حصہ ہیں انہوں نے اپنے حالیہ انٹرویو میں‌کہا ہے کہ مجھے دو باتوں کی بہت خوشی ہے کہ ایک تو یہ کہ میں‌دا لیجنڈ آف مولا جٹ کا حصہ ہوں دوسرا یہ کہ فلم فائنلی ریلیز ہونے جا رہی ہے . گوہر رشید نے کہا کہ فلم کو دیکھنے کے لئے شائقین خاصے پرجوش ہیں اس چیز کا اندازہ ایڈوانس بکنگ کو دیکھ کر بھی لگایا جا سکتا ہے. جب مجھے دا لیجنڈ آف مولا جٹ آفر ہوئی تو مجھے بہت خوشی ہوئی بلال لاشاری چونکہ میرے بھائی بھی ہیں تو مجھے لگا کہ میں اپنے بھائی کا خواب پورا کرنے جا رہا ہوں. لہذا میں نے ہاں کر دی اور میرا کردار ماکھا نت بھی بہت زبردست ہے . میں لاہور میں پلا بڑھا مجھے پنجابی بولنی آتی ہے لیکن فلم

میں ٹھیٹھ پنجابی ہے اس لئے کبھی کسی لفظ پر اڑ جاتا تھا. لیکن سیٹ پر ٹرانسلیٹرز موجود ہوتے تھے وہ مطلب سمجھا دیا کرتے تھے. اس فلم میں ہم سب نے بہت محنت کی ہے لیکن بلال لاشاری کی بطور ڈائریکٹر بہت ہی زیادہ محنت ہے. دا لیجنڈ آف مولا جٹ جیسی فلم پاکستان کی تاریخ میں پہلے کبھی نہیں بنی . میں اپنے مداحوں سے یہ کہنا چاہوں گا کہ آپ انتظار نہ کریں اور جا کر فلم دیکھیں یہ بڑی سکرین کی فلم ہے اس کا کسی پلیٹ فارم پر ریلیز ہونے کا انتظار مت کیجے. گوہر رشید نے اس انٹرویو میں اپنے مداحوں سے کہا کہ وہ فلم کو ضرور دیکھیں.

سید نور کہتے ہیں کہ فلم پرڈیوسر ایسوسی ایشن ہمیشہ سے ہی بہت زیادہ متحرک رہی ہے اس ایسوسی ایشن کو بڑے بڑے لوگوں نے سنبھالا اور بہت کام کیا. ابھی جو باڈی منتخب ہوئی ہے اس کے دعوے بھی اچھے ہیں امید ہے کہ یہ باڈی بھی اچھا کام کریگی اور فلم انڈسٹری کے مسائل کا حل تلاش کریگی. سید نور نے مزید کہا کہ فلم پرڈیوسر ایسوسی ایشن فلم انڈسٹری کے مسائل لیکر ایوانوں تک گئی وعدے وعید بھی ہوئے ڈسکشنز بھی ہوئیں. اب جبکہ ن لیگ کی حکومت آئی ہے اس نے فلم کو انڈسٹری کا درجہ بھی دیدیا ہے امید ہے کہ جو اعلانات کئے گئے ہیں ان

ہر عمل در آمد کیا جائیگا. سید نور نے کہا کہ سینما گھر آباد رہنے چاہیں چاہے ہالی وڈ کی فلمیں لگیں بالی وڈ یا لالی وڈ کی . جہاں تک بلال لاشاری کی فلم دا لیجنڈ آف مولا جٹ کی بات ہے تو انہوں نے جدید تقاضوں کے مطابق فلم بنائی ہے اور ہمیں بہت امید ہے کہ فلم اچھا بزنس کریگی . بڑے بجٹ کی بڑی فلم ہے جس میں‌بڑے سٹارز ہیں لوگ فلم کے منتظر ہیں.پرانی مولا جٹ پرانے دور کی تھی لیکن نئی مولا جٹ نئے دور کے مطابق ہے. بلال لاشاری نے ایسی فلم تخلیق کی ہے کہ جو پاکستان کی بین الاقوامی سطح پر بھی نمائندگی کرسکتی ہے.

معروف کامیڈین افتخار ٹھاکر جنہوں نے انڈین پنجابی فلم ماں دا لاڈلا میں کام کیا ہے یہ فلم گزشتہ دنوں ریلیز ہوئی. فلم کو پاکستان میں خاصا پسند کیا گیا. اس ھوالے سے افتخار ٹھاکر کہتے ہیں کہ ہمارے فنکاروں‌کو بھارت میں بہت پسند کیا جاتا ہے اورمیرا انڈینز کے ساتھ کام کرنے کا تجربہ کافی اچھا رہا ہے. بہت اچھی بات ہے کہ انڈین فلمز پاکستان میں ریلیز ہو رہی ہیں میں امید کرتا ہوں کہ گورنمنٹ کے لیول پر دونوں طرف سے کچھ ایسا ضرور ہو گا کہ ہماری فلمیں بھی بھارت میں ریلیز کی جائیں گی. افتخار ٹھاکر نے کہا کہ فنکاروں کی کوئی سرحد نہیں ہوتی ہے جہاں

جس کو اچھا کام ملے کرنا چاہیے. انڈٰین پنجابی فلم ماں دا لاڈلہ کے بعد ا سہیل احمد کی پہلی انڈین پنجابی فلم پاکستان میں ریلیز ہونے جا رہی ہے جو کہ بہت ہی خوش آئند ہے . ہم سب کو ایک دوسرے کے کام کو سپورٹ کرنا چاہیے ہم ایک دوسرے کو سپورٹ کریں گے تو کام میں‌ ہہتری اور آسانیاں آئیں گی. ایک سوال کے جواب میں‌ افتخار ٹھاکر نے کہا کہ ایسا نہیں‌ ہے کہ انڈین فلمیں ہی میری ترجیحات میں ہیں جب جب پاکستانی اچھی فلمیں آفر ہوں گی میں ضرور کروں گا. افتخار ٹھاکر نے کہا کہ میری خوش نصیبی ہے کہ میرے مداح مجھے ہر روپ میں پسند کرتے ہیں.

کئی سپر ہٹ پنجابی فلموں کے خالق مسعود بٹ نے کہا ہے کہ انڈین فلمیں پاکستان میں اگر لگ رہی ہیں اور ماضی میں بھی ایسا ہوتا آیا ہے ، میرا سوال یہ ہے کہ پاکستانی فلمیں انڈیا میں‌کیوں نہیں‌لگتیں؟ کیوں ایسی کوششیں نہیں‌کی جاتیں؟ مسعود بٹ نے کہا کہ پاکستان میں جو اس وقت پنجابی فلمیں بن رہی ہیں ان کا بجٹ چند لاکھ ہوتا ہے جبکہ بھارت میں بننے والی فلموں کا بجٹ کروڑوں میں ہوتا ہے وہ باہر کے ملکوں میں شوٹ ہوتی ہیں. ہماری پنجابی فلموں کا موازنہ بالکل بھی انڈین پنجابی فلموں کے ساتھ نہیں کیاجانا چاہیے. گوگا لاہور یا اشتہاری ڈوگر جیسی فلمیں

دیکھنے والا بھی ایک طبقہ ہے لہذا یہ نہیں کہا جا سکتا کہ ان فلموں کو دیکھنے والا طبقہ نہیں ہے. مسعود بٹ نے کہا کہ کراچی والے لوگ جو فلمیں بنا رہے ہیں وہ اچھی ہیں ان پر اعتراض کرنے والوں پر مجھے اعتراض ہے. ہمایوں سعید ماہرہ خان اور فہد مصطفی ہہت اچھا کام کررہے ہیں . میں سمجھتا ہوں کہ دا لیجنڈ آف مولا جٹ سپر ہٹ فلم ہے مجھے جب ناصر ادیب نے یہ آئیڈیا سنایا تھا بہت پسند آیا تھا میں نے ان کو کہہ دیا تھا کہ یہ فلم اگر بنی تو سپر ہٹ ہو گی . بلال لاشادی اچھا ڈائریکٹر ہے اس نے کام بھی اچھا کام کیا ہے.

پاکستان فلم پروڈیوسرز ایسوسی ایشن کی نومنتخب باڈی کی حلف برداری کی تقریب کا اہتمام آج لاہور کے ایک مقامی ہوٹل میں کیا گیا . تقریب میں شان شاہد بھی موجود تھے. تقریب تین بجے شروع ہونا تھی لیکن فلمسٹار شان شاہد ایک گھنٹہ قبل ہی پہنچ گئے اور کچھ دیر بیٹھے رہے جیسے ہال میں‌ مہمانوں کے آنے کا سلسلہ شروع ہوا تو شان شاہد تقریب چھوڑ کر چلے گئے . وہاں‌ موجود لوگ حیرانی میں مبتلا ہو گئے کیونکہ شان تقریب اٹینڈ کرنے آئے تھے لیکن تقریب کو ادھورا چھوڑ کر ہی چلے گئے. قیاس یہ بھی کیا جا رہا ہے کہ شان شاہد اس لئے اٹھ کر چلے گئے کیونکہ

وہ جانتے تھے کہ فلم کی تقریب کا مہمان خصوصی ن لیگ کا رہنما رانا مشہود تھا اور شان شاہد کسی بھی صورت ان کے ساتھ مل کر نہیں‌بیٹھنا چاہتے تھے. اس لئے شان نے تقریب کو ادھورا چھوڑ کر نکلنے کی کی ، تاکہ ان کا سامنا ن لیگ کے رہنما رانا مشہود سے نہ ہو . شان شاہد سے تقریب میں‌کچھ چینلز نے تقریب کے حوالے سے ساٹس دینے کو بھی کہا شان اس ریکویسٹ کو بھی نظر انداز کر گئے اور بولے میں بس ابھی آیا ، یوں شان باہر نکلے اور واپس نہیں آئے میڈیا ان کا ساٹ لینے کا منتظر رہا.

پاکستان فلم پروڈیوسرز ایسوسی ایشن کی نومنتخب باڈی کی حلف برداری کی تقریب آج مقامی ہوٹل میں کی گئی . ن لیگ کے راہنما رانا مشہود تقریب کے مہمان خصوصی تھے. رانا مشہود نے نو منتخب اراکین سے حلف لیا اور اس کے بعد ایوارڈز کی تقسیم کی گئی. اس تقریب میں شوبز سے جڑے ستاروں نے شرکت کی جس میں‌شان شاہد ،افتخار ٹھاکر، سید نور ، نشو بیگم ، حسن عسکری ، مسعود بٹ و دیگر شامل تھے. اس موقع پر سب نے اپنے اپنے خیالات کا اظہار کیا اور امید ظاہر کی کہ نئی منتخب باڈی فلم انڈسٹری اور اس سے جڑے لوگوں‌ کے مسائل حل کرنے اور کروانے میں اہم

کردار ادا کریگی. اداکار نشو بیگم نے بھی اس موقع پر کہا کہ ہمیں‌امیدیں کہ یہ نئی منتخب باڈی دیرینہ مسائل کو حل کریگی اور گورنمنٹ کی توجہ انڈسٹری کے مسائل کی طرف دلوائے. حسن عسکری نے کہا کہ فلم پرڈیوسر ایسوسی ایشن کو بہت زیادہ متحرک ہونا چاہیے تاکہ کچھ نہیں تو لاہور کی فلم انڈسٹری کو لگے تالے تو کھلیں. انہوں نے مزید یہ بھی کہا کہ ہمیں نئے لوگوں کی بھی ضرورت ہے جو فلمیں لکھیں اور بنائیں، نئے اور پرانے لوگوں کو مل کر کام کرنا چاہیے تاکہ فلمی صنعت کو فائدہ پہنچ سکے. ہم سب کا فرض ہے کہ ہم سب مل کر کام کریں اور فلم انڈسٹری کو درپیش مسائل کو ہائی لائٹ کریں اور فلم پرڈیوسر ایسوسی ایشن سے مطالبہ کریں کہ ان مسائل کو حل کروایا جائے.

منجھے ہوئے اداکار سہیل احمد کی پہلی انڈین پنجابی فلم بابے بھنگڑا پائوندے نے کی گزشتہ روز لاہور میں‌سکریننگ تھی . سکریننگ میں منجھے ہوئے اداکار سہیل احمد موجود تھے انہوں نے میڈیا سے خصوصی گفتگو کرتے ہوئے کہا کہ میں اسکو اینٹرٹینمنٹ کہتا ہوں جو فیملی کے ساتھ بیٹھ کر دیکھی جا سکے. میں تو حیران ہوتا ہوں ان لوگوں‌پر جنہوں نے ولگر شاعری اور ولگر ڈانس والے گانے و فلموں کو نمائش کی اجازت دی، مجرم ہیں وہ جنہوں نے ایسا کیا. میں‌ نے ہمیشہ اس بات کا خیال رکھا کہ کہیں‌میں کوئی ایسا کام نہ کر بیٹھوں کہ جس سے میرے مداح ناراض ہوں. اس لئے میں سوچ سمجھ کر بولتا ہوں اور کام کرتا ہوں. پاکستان میں اچھی فلمیں بن رہی ہیں اور خوشی کی بات یہ ہے کہ بھارتی فلمیں

بھی یہاں ریلیز ہو رہی ہیں. بابے بھنگڑاپائوندے نے ایک صاف ستھری اینٹرٹیننگ فلم ہے مجھے جب یہ سکرپٹ سنایا گیا تو میں میں نے ایکدم سے ہاں‌ نہیں‌کر دی تھی لیکن بالاخر ہاں کرنی پڑی. سہیل احمد نے یہ بھی کہا کہ ہمارے ہاں جو کام ہورہا ہے اچھااور معیاری ہے اور میں بہت پر امید ہوں کہ بہت جلد ہماری انڈسٹری اپنے پائوں پر کھڑی ہو جائیگی. سہیل احمد نے کہا کہ مجھے جب بھی کسی فلم کا اچھا سکرپٹ ملے گا یقینا میں کروں گا.

بالی وڈ کی خوبصورت اداکارہ کترینہ کیف کے شوہر وکی کوشل کا شمار بھارتی فلم انڈسٹری کے نامور ہیروز میں ہوتا ہے. نوجوان نسل ان کے کام کی دیوانی ہے . وکی کوشل نے اپنے ہر پراجیکٹ کے ساتھ ثابت کیا کہ وہ ورسٹائل اداکار ہیں. حال ہی میں وکی کے والد شام کوشل نے شیرشاہ ، شاہ رخ خان اور ڈائریکٹر وشنو وردھن کے ساتھ اپنے بیٹوں کی ایک تصویر شیئر کی۔ یہ تصویر شاہ رخ خان کی فلم اسوکا کے سیٹ کی ہے جس میں وکی کوشل شاہ رخ خان کے ساتھ کھڑے ہیں. وکی کوشل اس تصویر میں خاصے کم عمر ہیں . تصویر میں شاہ رخ خان کو سیاہ لباس میں‌دیکھا جا سکتا ہے . وکی کوشل کے بھائی سنی کوشل بھی اس تصویر میں‌ موجود ہیں. شام کوشل نے اس تصویر

کو شیئر کرتے ہوئے لکھا’’خدا کے فضل سے یہ تصویر 2001 میں فلم سٹی میں اسوکا کی شوٹنگ کے دوران لی گئی تھی۔ وشنو وردھن اسسٹنٹ ڈائریکٹر تھے اور وکی آٹھویں جماعت میں پڑھ رہے تھے۔ کسی شخص نے کبھی سوچا بھی نہیں تھا کہ ایک دن وکی فلم لائن میں شامل ہوں گے اور 2022 میں یہ دونوں شیرشاہ اور سردار ادھم کے لیے بالترتیب بہترین ہدایت کار اور بہترین اداکار کے ایوارڈز جیتیں گے۔ تقدیر اور خدا کی نعمتیں.یاد رہے کہ وکی کوشل اپنی بہترین اداکاری کی بدولت کئی اہم ایوارڈز بھی جیت چکے ہیں.

بالی وڈ اداکار رنبیر کپور اور عالیہ بھٹ انڈسٹری کے خوبصورت جوڑوں میں سے ایک ہیں۔ یہ جوڑی فی الحال فلم براہمسٹرا کی کامیابی سے لطف اندوز ہو رہی ہے. پانچ سال تک ایک دوسرے کو ڈیٹ کرنے کے بعد یہ دونوں 14 اپریل 2022 کو ممبئی میں شادی کے بندھن میں بندھے. اب جبکہ یہ دونوں والدین بننے والے ہیں یہ جوڑا اور ان کے خاندان والے کافی خوش ہیں ان کا کہنا ہےکہ میری خواہش ہے کہ میری اہلیہ عالیہ بھٹ بچے کی پیدائش کے بعد جلد از جلد کام پر وایسی کریں. ان کا ماننا ہے کہ وہ بچے کو سنبھال لیں گے لیکن عالیہ بھٹ کام پر ضرور جائیگی. رنبیر کپور کا کہنا ہے کہ اگر میں نے عالیہ بھٹ پر بچے کی تمام تر ذمہ داریاں ڈال دیں تو پھر ان کے مداح مجھ سے شکایت کریں گے اور کہیں گے کہ میں نے

عالیہ کو گھر بٹھایا ہے. یاد رہے کہ عالیہ بھٹ کا حال ہی میں بے بی شاور بھی ہوا ہے اس میں ان کی بہن شاہین بھٹ، رنبیر کی والدہ نیتو کپور، بہن ردھیما کپور ساہنی، کزن کرشمہ کپور، اور شویتا بچن و دیگر نے شرکت کی۔ عالیہ کی قریبی دوست انوشکا رنجن اور اکانشا رنجن بھی اس موقع پر موجود تھیں۔اگر ہم ان کے آنے والے پراجیکٹس پر نظر ڈالیں تو عالیہ کے پاس بہت سی دلچسپ فلمیں ہیں جن میں وہ راکی ​​اور رانی کی پریم کہانی اور جی لے زرا قابل زکر ہیں. اس کے علاوہ عالیہ ہارٹ آف سٹون سے ہالی ووڈ میں بھی ڈیبیو کرنے جا رہی ہیں.