Category: شوبز

نوے کی دہائی میں اپنا فلمی کیرئیر ایکشن فلموں سے شروع کرنے والے اکشے کمار آج بھی نوجوان نسل کے پسندیدہ اداکار ہیں. اکشے کمار اپنی نوعیت کے واحد بالی وڈ فنکار ہیں جنہوں نے اپنے اوپر لگی ایکشن ہیرو کی چھاپ کو یکسر تبدیل کر دیا اور اپنے کام سے ہی اس چھاپ کو تبدیل کیا. ان کے کیرئیر کے ابتداء کے کئی برس تک انہیں ایکشن ہیرو کہا جاتا رہا اور یہ بھرپور ایکشن فلموں میں نظر آئے لیکن ایک وقت ایسا بھی آیا کہ اکشے ایکشن فلموں‌ کے ساتھ ساتھ کامیڈی کرداروں میں بھی نظر آنے لگے. ان کی فلم ہیرا پھیری ہو یا جوہی چاولہ کے ساتھ فلم مسٹر اینڈ

مسز کھلاڑی ہو اکشے کمار کے کامیڈی کرداروں‌نے شائقین کے دل جیت لئے. اکشے کمار نے حال ہی میں ایک انٹرویو دیا ہے اس میں انہوں نے کہا کہ ان کو ایکشن سے زیادہ کامیڈی کردار کرنا اچھا لگتا ہے انہیں لگتا ہے کہ کامیڈی کو لوگ زیادہ دیکھتے اور پسند کرتے ہیں اور ایسی فلمیں اینٹرٹینمنٹ سے بھرپور ہوتی ہیں. اکشے کمار کا کہنا ہے کہ وہ ایکشن رومانوی ہر طرح کے کردار نبھاتے رہیں گے لیکن کامیڈی کرنا نہیں چھوڑیں گے .اکشے نے کہا کہ ان کے پرستاروں نے ان کو ہر روپ میں پسند کیا چاہے وہ ایکشن تھا کامیڈی یا رومانوی .

بالی وڈ کے بادشاہ کہلائے جانے والے شاہ رخ خان جب بھی سکرین پر آتے ہیں کچھ الگ ہی کرتے ہوئے نظر آتے ہیں حال ہی میں انہوں فلم براہمسٹرا میں ایک مختصر مگر زبردست کردار ادا کیا ہے. شاہ رخ خان کی فلم پٹھان جس کا ٹیزر ریلیز ہو چکا ہے شاہ رخ خان اس فلم میں اپنے کردار کے ھوالے سے اکثر سوشل میڈیا پر بات کررے رہتے ہیں حال ہی میں انہوں نے ٹویٹر پر ایک پوسٹ لگائی اور اس میں ایک تصویر لگائی جس میں وہ شرٹ کے بغیر بیٹھے ہوئے ہیں اور اس کا کیپشن کچھ یوں لکھا

آج می ٹو مائی شرٹ:
تم ہوتی تو کیسا ہوتا
تم اس بات پر حیران ہوتی
تم اس بات پر کتنی ہنستی
تم ہوتی تو ایسا ہوتا ، پوسٹ کے آخر میں انہوں نے میں بھی # پٹھان کا انتظار کر رہا ہوں کا ہیش ٹیگ بھی استعمال کیا. اس پوسٹ پر شاہ رخ خان کی اہلیہ گوری خان نے کمنٹ کیا اور لکھا کہ ” او مائی گاڈ اب یہ اپنی شرٹ سے بھی باتیں کرنے لگ گئے ہیں. یاد رہے کہ فلم پٹھان کے ٹیزر کو بہت زیادہ مقبولیت ملی ہے یہاں تک کہ سلمان خان نے ٹیزر دیکھ کر کہہ دیا تھا یہ فلم شاہ رخ خان کے کیرئیر کی بہترین فلم ہو گی. اب دیکھنا یہ ہے کہ فلم پٹھان شائقین کا دل کتنا جیت پاتی ہے .

بالی وڈ اداکارہ عالیہ بھٹ آج کل اپنی فلم براہمسٹراکی کامیابی کا مزہ لے رہی ہی اس فلم نے ہندوستان سمیت دنیا بھر میں کافی بزنس کیا ہے. آیان مکھرجی کی ہدایت کاری میں بننے والی یہ فلم تھیٹرز میں 9 ستمبر 2022 کو ریلیز ہوئی تھی۔ اس میں ان کے شوہر اداکار رنبیر کپور، ناگارجونا اکینینی، امیتابھ بچن، اور مونی رائے بھی ہیں اور شاہ رخ خان نے ایک مختصر کردار ادا کیا ہے۔عالیہ بھٹ نے حال ہی میں ایک انٹرویو میں انکشاف کیا ہے کہ میں اپنی فلموں کے بارے میں دئیے جانے والے ریویوز نہیں پڑھتی چاہے وہ اچھے ہوں یا نہ ہوں. مجھے

کوئی اگر میری فلم کے ریویوز بھیجتا بھی ہے تو میں صرف مین ہیڈنگ کو دیکھ لیتی ہوں تفصیلات نہیں‌پڑھتی. میں جب ذاتی طور پر لوگوں سے ملتی ہوں تب اپنی فلم کے بارے میں بات کر لیتی ہوں لیکن ریویوز نہیں‌پڑھتی. انہوں نے یہ بھی کہ کرن جوہر کو ریویوز پڑھنا پسند ہیں ان کو لگتا ہے کہ بعض اوقات کچھ دلچسپ چیزیں سامنے آتی ہیں۔یاد رہے کہ عالیہ بھٹ اب فلم جی لے زرا اور راکی ​​اور رانی کی پریم کہانی میں نظر آئیں گی ۔عالیہ فلم ہارٹ آف سٹون سے ہالی ووڈ میں بھی ڈیبیو بھی کرنے جا رہی ہیں . عالیہ کی جب سے رنیبر کپور سے شادی ہوئی ہے وہ مسلسل خبروں میں ہیں.

بالی وڈ اداکارہ شلپا شیٹھی کسی تعارف کی محتاج نہیں ہیں کیونکہ وہ بالی ووڈ کی مقبول ترین اداکاراؤں میں سے ایک ہیں۔ اداکارہ سوشل میڈیا پر متحرک رہتی ہیں اور اکثر انسٹاگرام پر اپنے مداحوں کے ساتھ اپنی پوسٹوں کے زریعے رابطے میں رہتی ہیں. ایکسرسائز کی ویڈیوز سے لے کر اپنے خاندان کے ساتھ گزارے لمحات اور سیٹ پر کام ہر چیز کی وڈیو شئیر کرتی ہیں. حال ہی میں، شلپا نے اپنے سوشل میڈیا ہینڈل پر اپنی 1994 کی فلم میں کھلاڑی تو اناری کے 28 سال پورے ہونے کا جشن منایا۔اداکارہ نے فلم میں کھلاڑی تو اناڑی کے مشہور گیت چرا کے دل میرا کی وڈیو شئیر کی . شلپا کی اس خوشی میں ان کے مداح بھی شامل ہو گئے اور ان کو فلم انڈسٹری میں ایک لمبا

سفر طے کرکے یہاں تک پہنچنے اور فلم میں‌کھلاڑی تو اناڑی کے 28 سال پورے ہونے کی مبارکباد دی. یاد رہے کہ
میں کھلاڑی تو اناڑی 90 کی دہائی کے سب سے زیادہ پسند کی جانے والی فلموں میں سے ایک تھی اس کے گانے بھی سپر ہٹ تھے آج تک ان گانوں‌کو سنا جاتا ہے. ایکشن اور کامیڈی اس فلم میں اکشے کمار ، شلپا شیٹی کے علاوہ سیف علی خان نے شکتی کپور اور قادر خان نے بھی اہم کردار ادا کیے تھے.شلپا شیٹی بہت جلد ویب سیریز میں بھی نظر آرہی ہیں.

عائشہ جھلکا اپنے دور کی سب سے زیادہ پسند کی جانے والی اداکاراؤں میں سے ایک تھیں۔ اپنے دور میں انہوں نے سٹار ڈم کا مزہ اٹھایا کافی عرصہ سے وہ لائم لائٹ سے دور تھیں لیکن اب انہوں‌ نے واپسی کر لی ہے.آشا جھلکا ہمیں اب ویب شو ہش ہش میں دکھائی دیں گی اس میں ان کے ساتھ جوہی چاولہ، سوہا علی خان، کریتکا کامرا اور کرشمہ تننا بھی اہم کرداروں میں نظر آرہی ہیں. آشا جھلکا نے حال ہی میں ایک انٹرویو دیا ہے اور اس میں‌کہا ہے کہ مجھے ٹی وی کے لئے بہت سارے پراجیکٹس آفر ہوئے لیکن مجھے کوئی بھی پسند نہ آیا اس لئے کسی پراجیکٹ کے لئے

ہاں نہیں‌کی. یہ جو ویب سیریز کی ہے یہ ٔپسند آئی تو کر لی . انہوں نے یہ بھی کہا کہ میں ٹی وی میں کام کرنے کے خلاف نہیں ہوں لیکن میں گھنٹوں کام نہیں‌کرنا چاہتی اسلئے ٹی وی نہیں‌کیا. انہوں نے مزید کہا کہ میں نے جن ہیروز کے ساتھ کام ہے جیسے سلمان خان اب اسکی ماں یا بھابھی کا کردار کرنے کو ملے گا تو یقینا مجھے برا اور عجیب لگے گا اس لئے میں نہیں‌ کروں گی. میں ذہنی طور پر تیار ہی نہیں اس طرح کا کام کرنے کے لئے . یاد رہے کہ آشا جھلکا کی ویب سیریز ہش ہش سات اقساط پر مشتمل ہے جسے تنوجہ چندرا نے ڈائریکٹ کیا ہے.

بگ بی کہلائے جانے والے بالی وڈ اداکار امیتابھ بچن کی صلاحیتوں سے کون واقف نہیں ہے. پانچ دہائیوں سے ہندی سینما پر راج کرنے والے امیتابھ بچن آج بھی ہر دلعزیز اداکار ہیں ان کا شمار آج سب سے زیادہ پیسے لینے والے اداکاروں میں ہوتا ہے. امیتابھ بچن کا کیرئیر سکینڈلز کی زد میں بھی رہا لیکن ان کے مداحوں نے ہمیشہ ان کو سپورٹ کیا. امیتابھ بچن نے پانچ دہائیوں میں ایسے ایسے کردار نبھائے کہ جو آج بھی شائقین کے ذہنوں پر نقش ہیں. امیتابھ بچن کو میوزک سے لگائو تو ہے سب جانتے ہیں لیکن وہ اتنے اچھے کمپوزر بھی ہیں یہ سب کو پہلی بار پتہ چلا

ہے . جی ہاں حال ہی میں امیتابھ بچن نے فلم چپ کا میوزک ترتیب دیا ہے اور انہوں‌نے بہت ہی مہارت کے ساتھ یہ میوزک بنایا ہے اسکی تعریف فلم کے ڈائریکٹر بھی کر چکے ہیں. اس حوالے سے امیتابھ بچن نے انکشاف کیا ہے کہ انہوں نے فلم چپ کے لئے جو گانے بنائے ان کی کمپوزیشن بھی خود ترتیب دی اور انہیں تنہا ریکارڈ کیا امیتابھ بچن کے مداح ان کے اس ٹیلنٹ کے بھی معترف ہو گئے ہیں. یاد رہے کہ امتیابھ بچن کی فلم براہمسٹرا حال ہی میں ریلیز ہوئی ہے اور فلم نے کافی اچھا بزنس بھی کیا ہے لیکن اس فلم کے بزنس کے جو دعوے کئے جا رہے ہیں اس پر بالی وڈ کے ہی بہت سارے لوگوں‌ نے سوال اٹھا دئیے ہیں.

دھرم دیو پشوریمل آنند، جو دیو آنند کے نام سے مشہور تھےوہ ایک اداکار، مصنف، پروڈیوسر، اور ہدایت کار تھے،ان کی ہندی سینما کے لئے لازوال خدمات ہیں. دیو آنند کا کیرئیرلگ بھگ چھ دہائیوں پر محیط رہا،اس دوران انہوں نے لازوال فلموں‌میں نہ صرف کام کیا بلکہ فلمیں تخلیق بھی کیں.انہوں نے گائیڈ، سی آئی ڈی، ٹیکسی ڈرائیور، جیول تھیف اور کالا پانی جیسی لازوال کلاسیک فلموں میں کام کیا. دیوآنند 26 ستمبر 1923 کو پیدا ہوئے اور 2011 کو اس دنیا سے رخصت ہو گئے.آج ان کا 99 جنم دن ہے اس موقع پر ہم ان کے بہترین پانچ گانوں کو یاد کررہے ہیں. پہلے نمبر پر گانا ”گاتا رہے میرا دل” فلم گائیڈ کے اس گانے کو آج تک مقبولیت حاصل ہے یہ گانا کشور کمار نے گایا اور 1965 میں بنی فلم گائیڈ میں یہ دیو آنند اور وحیدہ رحمان پر فلمایا گیا اس گیت کی موسیقی ایس ڈی برمن نے دی. دوسرے نمبر پر ابھی نہ جائو چھوڑ کر فلم دونوں کے لئے بنایا گیا یہ گانا دیوآنند پر پکچرائز کیا گیا جس میں ان کے

ساتھ اداکارہ سادھنا تھیں اس گیت کو محمد رفیع نے گایا تھا. 1961 میں بنی اس فلم کے اس گیت کو ساھر لدھیانوی نے لکھا تھا.تیسرے نمبر پر اچھا جی میں ہاری چلو مان جائو نا، یہ گیت فلم کالا پانی کے لئے بنایا گیا تھا اس گیت کو آشا بھوسلے اور محمد رفیع نے گایا اور پکچرائز دیوآنند کے ساتھ مدھوبالا پر ہوا اس گانے کو مجروح سلطان پوری نے لکھا تھا اور کمپوز ایس ڈی برمن نے کیا تھا. چوتھے نمبر پر سو سال پہلے ، یہ گیت فلم جب پیار کسی سے ہوتا ہے کے لئے بنایا گیا تھا 1961 میں بنی اس فلم کا یہ گیت دیو آنند اور آشا پاریکھ پر فلمایا گیا اس گیت کو گایا محمد رفیع اور لتا نے تھا گانے کو لکھا حسرت جے پوری نے تھا.پانچویں نمبر کھویا کھویا چاند ، یہ گیت فلم کالا بازار کے لئے بنایا گیا تھا 1960 میں بنی اس فلم کا یہ گیت دیوآنند اور وحیدہ رحمان پر فلمایا گیا تھا اس کو کمپوز ایس ڈی برمن نے کیا تھا اور گایا محمد رفیع نے تھا.

بالی وڈ اداکار شاہ رخ خان کی اہلیہ گوری خان جو کہ فلم پرڈیوسر ، فیشن ڈیزائنرز بھی ہیں وہ بالی وڈ سٹارز کی طرح ہی مقبولیت رکھتی ہیں، حال ہی میں وہ کافی ود کرن میں مہیپ کپور اور بھاونا پانڈے کے ساتھ نظر آئیں۔ اس انٹرویو میں ایک سوال کے جواب میں گوری خان نے کہا کہ مجھے خوشی ہے کہ میرے بچوں ، آریان ، سہانا اور ابراہیم نے اپنے باپ کی کچھ بری عادات نہیں اپنائیں جیسا کہ وقت کی پابندی نہ کرنا وغیرہ. انہوں نے مزید کہا کہ میرا بیٹا ابراہیم ہمارے خاندان میں سب سے زیادہ کھانے کا شوقین ہے۔ انہوں نے ساتھ ہی ساتھ یہ بھی کہا کہ ابراہیم میرا سب سے چھوٹا

بیٹا ہے اور کھانا زیادہ کھانے کی عادت کی وجہ سے اسکا وزن زیادہ ہوتا جا رہا ہے اور ہمیں اب اس حوالے سے اسکا خیال رکھنے کی ضرورت ہے. گوری نے اپنے پسندیدہ کھانے پر بات کرتے ہوئے کہا کہ مجھے چنا بٹورا، پائو بھجی، چاٹ بہت پسند ہے۔ انہوں نے مزید یہ بھی کہا کہ مجھے ہر چیز پسند ہے بس اچھی بنی ہونی چاہیے. یاد رہے کہ شاہ رخ خان اور گوری خان کی بیٹی سہانا بہت جلد ذویا اختر کی فلم سے اپنے فلمی کیرئیر کا آغاز کرنے جا رہی ہیں جبکہ ان کا بیٹا آریان خان فلم میکر بننے کی خواہش رکھتا ہے.

اداکارہ عروہ حسین جنہوں نے ٹی وی کے ساتھ ساتھ فلموں میں بھی کام کیا ہے وہ کہتی ہیں کہ وہ وقت گیا جب فارمولا فلمیں بنتی تھیں اب جدید دور ہے اس کے تقاضوں کے مطابق کام کرنے کا دور ہے. اگر جدید تقاضوں کے مطابق کام نہیں کریں گے تو لوگ ہماری فلمیں رد کردیں گے. ایک انٹرویو میں عروہ حسین نے کہا کہ شائقین کو سینما گھروں تک لانے کا ایک ہی طریقہ ہے وہ یہ ہے کہ جدید ٹیکنالوجی کا استعمال کرتے ہوئے جدید موضوعات پر فلمیں‌بنائی جائیں. ایسا ہو گا تو شائقین یقینا سنیما گھروں کی طرف خود ہی رخ کریں گے. انہوں نے کہا کہ مجھے بہت افسوس کے ساتھ کہنا پڑتا ہے ہمیار فلم انڈسٹری اور فلموں‌کو بہتر کرنے کے لئے کبھی بھی خاص اقدامات نہیں

کئے گئے. اگر ایسا ہوتا رہتا تو بیس سال تک فلم انڈسٹری کو تالے نہ لگے رہتے. انہوں نے ایک سوال کے جواب میں کہا کہ گلیمر اچھی چیز ہے گلمیر اور آرٹسٹ لازم ملزوم ہے لیکن مجھے صرف گلیمر گرل کہلوانا پسند نہیں ہے بلکہ میں چاہتی ہوں کہ مجھے اچھی اداکارہ کے طور پر جانا جائے میری یہ بھی خواہش ہے کہ میں فلموں میں اپنا نام اپنی اداکاری کے دم پر بنائوں. مجھے یہ بھی خوشی ہے کہ میرے مداحوں نے آج تک مجھے ہر کردار میں سراہا. میری بھی کوشش رہی ہے کہ ہمیشہ ایسے پراجیکٹس سائن کروں جن کو دیکھ کر میرے مداح مجھ سے مایوس نہ ہوں.