Category: شوبز

باصلاحیت اداکارہ ماورا حسین نے بھی بول پڑی ہیں سارا کے بیہمانہ قتل پر. انہوں نے کہا کہ ہمیں نور مقدم کے قتل کے بعد آج تک انصاف نہیں ملا ، اس دوران اور بہت ساری لڑکیاں قتل ہو گئیں ہم ان سب کے گھر والوں کو انصاف ملنے کے منتظر تھے کہ ایک اور قتل ہو گیا ہے. ماورا حسین نے تشویش کا اظہار کرتے ہوئے کہا کہ جس بے دردی سے دبئی پلٹ سارا کو قتل کیا گیا ہے اسکو دیکھ اور سن کر رونگھٹے کھڑے ہورہے ہیں. خدا سارا کے گھر والوں کو صبر عطا کرے، اللہ تعالی ان کو اس صدمے کو سہنے کی ہمت عطا کرے . ماورا حسین نے جسٹس فار سارا کا ہیش ٹیگ بھی پوسٹ کے آخر میں لگایا. یاد رہے معروف کالمسٹ ایاز امیر کے بیٹے شاہنواز امیر کی تین ماہ قبل سارا سے شادی ہوئی تھی سارا دبئی

میں رہتی تھیں اور وہیں ملازمت بھی کرتی تھیں ابھی وہ اپنے شوہر کے پاس آئیں ہی تھیں کہ کسی بات کی تلخی پر شاہنواز نے سارا کو موت کے گھاٹ اتار دیا اس قتل کو دیکھ کر نور مقدم کے قتل کے زخم تازہ ہو گئے ہیں. ظاہر جعفری اعتراف جرم کر چکا ہے لیکن ابھی تک کیا ہوا ہے ؟ ہمارے ملک میں لڑکیاں عورتیں بچیاں قتل کر دی جاتی ہیں چند دن افسوس کیا جاتا ہے بعد میں بات ہو ا ہوجاتی ہے مجرم بھی چھٹ جاتے ہیں.

ہم ایوارڈز جو کہ آج کے دن کینڈا میں ہو رہے ہیں ان پر بے حد تنقید ہوئی ہے. سوشل میڈیا پر تو ہم ایوارڈز کو اٹینڈ کرنے والے تمام فنکاروں اور سلطانہ صدیقی سمیت ہم ٹی وی کی مکمل مینجمنٹ پر تنقید کی جا رہی ہے. کہا جا رہا ہے کہ ملک جب سیلاب اور پانی میں ڈوب رہا ہے ایسے میں فنکاروں کا ایوارڈز میں جانا ناچ گانے کے ریہرسلز کی وڈیو جاری کرنا باعث شرم ہے. ایسے میں بہت سارے فنکاروں کو وضاحت بھی دینا پڑی کہ ہم کینڈا میں سیلاب زدگان کے لئے فنڈ ریزنگ کررہے ہیں. لیکن اب تو شوبز انڈسٹری سے ہی ہم ایوارڈ کے اس سال انعقاد پر آوازیں اٹھ رہی ہیں. سینئر اداکارہ دیبا بیگم کی بیٹی مدیحہ رضوی نے حال ہی میں کہا ہے کہ ہم ایوارڈز اس سال کینسل بھی کئے جا سکتےتھے لیکن یہ ایوارڈز کے

نام پر ڈرامہ کیوں کہ جی ملک کا بہت نقصان ہوا ہے لوگوں کا نقصان بہت ہوا ہے اور ہم کینڈا فنڈ ریزنگ کے لئے جا رہے ہیں. مدیحہ رضوی کی اس پوسٹ سے بہت سارے سوشل میڈیا صارفین نے اتفاق کیا ہے. سب کا کہنا ہے کہ ہم ایوارڈز کو اس برس کینسل کر دینا چاہیے تھا جبکہ بشری انصاری نے کہا ہے کہ اس قسم کا کوئی بھی ایونٹ کرنے کےلئے بہت پیسہ لگتا ہے پوری پلاننگ ہوئی ہوتی ہے ایکدم سے کینسل کرنا آسان نہیں ہوتا.

جب سے برطانوی ماڈل طیلولہ مائر نے پاکستانی گلوکارہ آئمہ بیگ اور قیس احمد کی چیٹنگ اور آڈیو کال سوشل میڈیا پر جاری کی ہے تب سے آئمہ بیگ ہیں تنقید کی زد میں . برطانوی ماڈل نے آئمہ بیگ پر یہ بھی الزام لگایا کہ وہ شہباز شگری سے منگنی کے دوران انہیں دھوکہ دیتی رہیں اور میرے بوائے فرینڈ کے ساتھ تعلقات استوار کرنے میں لگی رہیں. اس کے بعد آئمہ بیگ آ گئی ہیں شدید تنقید کی زد میں گلوکارہ کافی پریشان ہیں کیونکہ ان کو دھوکے باز کہا جا رہا ہے ان پر بےوفائی کا الزام لگایا جا رہا ہے. لیکن آئمہ بیگ نے اپنی خاموشی توڑتے ہوئے اپنی طرف سے سب کلئیر کرنے کی کوشش کی ہے انہوں نے کہا ہے کہ میری اور قیس احمد کی ملاقات جب ہوئی اور ہماری دوستی جب ہوئی اس وقت میرا شہباز

شگری سے تعلق ختم ہو چکا تھا لہذا مجھ پر بےوفائی کا الزام غلط لگایا جا رہا ہے میں اپنے رشتے میں مخلص رہی لیکن جب میری ملاقات قیس سے ہوئی میری شہباز شگری سے منگنی ختم ہو چکی تھی. یاد رہے کہ شہباز شگری پہلے سے شادی شدہ تھے لیکن ان کی طلاق ہو چکی تھی اس کے بعد انہوں نے آئمہ بیگ کے ساتھ منگنی کی. آئمہ بیگ کے ساتھ بظاہر تو ان کا تعلق ٹھیک چل رہا تھا لیکن معاملات اس وقت خراب ہوئے جب آئمہ کی دوستی قیس کے ساتھ ہوئی .

گلوکار و اداکار علی ظفر جو کہ اکثر و بیش تر اپنی اہلیہ عائشہ فاضلی کی تعریفیں کرتے ہوئے دکھائی دیتے ہیں انہوں نے حال ہی میں بالی وڈ ہنگامہ کو انٹرویو دیتے ہوئے کہا ہے کہ ان کی ماں نے انہیں بہت سپورٹ کیا انہیں اچھا انسان بنایاسب کی مائیں یہ سب کرتی ہیں میری ماں نے بھی کیا لیکن میری ماں کے بعد اگر مجھے کسی نے سنبھالا، مجھے اچھا انسان بنانے میں مدد کی تو وہ میری اہلیہ عائشہ فاضلی ہیں. انہوں نے زندگی کے مشکل ترین وقت میں میرا ساتھ دیا انہوں نے مجھے بہت کچھ سکھایا بتایا. علی ظفر نے مزید کہا کہ عائشہ فاضلی کے ساتھ گزرنے والا

ہر دن ہر لمحہ کسی نعمت اور رحمت سے کم نہیں ہے. یاد رہے کہ یہ پہلا موقع نہیں ہے کہ جب علی ظفر نے اپنی اہلیہ عائشہ فاضلی کی تعریف کی ہے اس سے پہلے بھی وہ شادی کی سالگرہ پر کئی بار اپنی اہلیہ کے ساتھ شادی کو اپنی زندگی کا بہترین فیصلہ قرار دے چکے ہیں. عائشہ فاضلی اور علی ظفر نے 2009 میں شادی کی علی ظفر سکینڈلز کی زد میں بھی آئے لیکن عائشہ نے اپنا گھر خراب نہیں کیا اور اپنے شوہر کے قدم کے ساتھ قدم ملا کر کھڑی رہیں. عائشہ نے واقعتا ثابت کیا ہے کہ وہ بہترین بیوی اور بہترین بہو ہیں.

گزشتہ روز سارا نامی ایک لڑکی اپنے شوہر کے ہاتھوں موت کے گھاٹ اتار دی گئی. معروف کالمسٹ ایاز امیر کے بیٹے شاہنواز جن کے بارے میں کہا جا تا ہے کہ وہ نشے کا عادی ہے اور اس نے نشے کی حالت میں اپنی اہلیہ کو قتل کر دیا لیکن ملزم نے پولسی کو بیان دیا ہے کہ اسکی اہلیہ کا افئیر تھا. اب اس شک کی بنیاد پر شاہنواز نے اپنی اہلیہ کو بے دردی سے قتل کرکے اسکی لاش کو باتھ روم ٹب میں ڈال دیا. اس واقعہ پر ہر آنکھ اشکبار ہے. ہر کوئی اس واقعہ کی مذمت کر رہا ہے. اداکارہ ماہرہ خان نے بھی اس واقعہ کی شدید مذمت کی ہے انہوں نے کہا کہ کب عورتوں کو انصاف ملے گا جو غصے کی حالت میں مار دی گئی . انہوں نے لکھا کہ کہ ایک اور ہیش ٹیگ ، انصاف کا ایک طویل انتظار . ” انصاف میں تاخیر

انصاف سے انکار ہے. انہوں نے اپنی ٹویٹر پوسٹ پر جسٹس فار سارا کا ہیش ٹیگ بھی لگایا .یوں ماہرہ خان نے بھی اپنے ٹویٹ کے زریعے ملک کے انصاف کے نظام پر سوالات اٹھا دئیے. ماہرہ خان کے اس ٹویٹ سے بہت سارے لوگوں نے اتفاق کیا اور کہا کہ ہمارے ملک میں انصاف مشکل سے ملتا ہے اور عورت اگر قتل کر بھی دی جائے تو اسکو آنر کلنگ کا رنگ دیدیا جاتا ہے اور اکثر و بیش تر مجرم قتل کو آنر کلنگ کا رنگ دیکر بچ بھی جاتے ہیں یہی وجہ ہے کہ آئے دن عورتیں قتل ہوتی ہیں اور قتل کرنے والے بے کوف و خطر پھرتے ہیں.

پاکستان اور بھارت میں یکساں‌مقبولیت رکھنے والے فواد خان جن کی فلم دا لیجنڈ آف مولا جٹ اگلے ماہ ریلیز ہونے جا رہی ہےاس ھوالے سے فواد خان نے حال ہی میں ایک انٹرویو دیا ہے جس میں انہوں نے بتایا ہے کہ دا لیجنڈ آف مولا جٹ کا کردار مولا جٹ کرنے کے لئے ان کو اپنا کتنا وزن بڑھانا پڑا. انہوں نے کہا کہ اس کردار کےلئے میں نے اپنا پچیس تیس کلو وزن بڑھایا .اسی چکر میں میں ہسپتال جا پہنچا اور میرے گردے صحیح سے کام کرنا بند ہو گئے تھے پھر ڈاکٹروں کی ہدایات پر عمل کیا اور خود پر توجہ دی. فواد خان نے کہا کہ اپنی جسامت میں تبدیلی کرنا اتنا آسان نہیں ہوتا آپ اپنا وزن کم زیادہ تو کر لیتے ہیں لیکن اسکا صحت پر بہت

زیادہ نقصان ہوتا ہے. میں نے دا لیجنڈ آف مولا جٹ کا کردار کرنے کےلئے خود کا وزن تو بڑھا لیا لیکن جو میری صحت پر اثر پڑا اور جو میرا حال
ہوا وہ مجھے ہی پتہ ہے اور میرا خیال ہے کہ میں آئندہ ایسی کوئی حرکت اپنے ساتھ نہیں کروں گا. ایک سوال کے جواب میں فواد خان نے کہا کہ میرا وزن 75 کلو تھا لیکن مجھے سو کلو تک وزن لیجانا تھا. فلم کے لئے پہلے وزن بڑھایا پھر کم کیا بس اسی دوران صحت کے حوالے سے کافی ڈسٹربڈ رہا. فواد خان نے زور دیا کہ کوئی بھی کام کرنے کےلئے خود کی صحت پر سمجھوتا نہ کریں. یاد رہے کہ دا لیجنڈ آف مولا جٹ 13 اکتوبر کو ریلیز ہو رہی ہے.

اداکارہ بشری انصاری نے حال ہی میں ایک وڈیو شئیر کی ہے جس میں انہوں نے کہا ہے کہ میں انڈس ہسپتال کی طرف سے سیلاب زدگان کےلئے فنڈ ریزنگ کرنے دبئی آئی ہوں، ہماری پوری توجہ سیلاب زدگان کی طرف ہے. میں سن رہی ہوں کہ کچھ لوگ ہم ایوارڈز پر تنقید کررہے ہیں، حالانکہ یہ تنقید بالکل ہی بےجا ہے کیونکہ یہ سمجھنا چاہیے کہ جب کسی ایونٹ کے انعقاد کا پلان کیا جاتا ہے تو اس ھوالے سے منصوبہ بندی مہینوں پہلے شروع کر دیاجاتی ہے،بھاری پیمانے پر پیسہ لگتا ہے یہ کوئی آسان نہیں ہوتا کہ ایکدم سے کسی بھی ایونٹ جس کی تیاریاں مہینوں پہلے کر لی گئی ہوں اسکو کینسل کر دیا جائے. سلطانہ صدیقی نے اعلان کیا ہے کہ ان ایوارڈز اور یہاں پر ہم جو تقاریب کررہے ہیں ان سے حاصل ہونے والی آمدنی

کا پانچ فیصد ہم سیلاب زدگان کو دیں گے جو کہ اچھی خاصی امائونٹ بنتی ہے.بشری انصاری نے یہ بھی کہا کہ جس طرح سے کرکٹرز کھیل کے زریعے فنڈز اکٹھے کر کے سیلاب زدگان کو دے رہے ہیں اسی طرح سے فنکار بھی کررہے ہیں. جو لوگ فنکاروں پر تنقید کررہے ہیں کیا وہ سیلاب زدہ علاقوں میں کشتیاں چلا رہے ہیں؟ نہیں نا .اسلئے ہم سب اپنی طرف سے جو جو کرسکتے ہیں کر رہے ہیں ایک دوسرے پر تنقید کرنے کی بجائے اپنا اپنا کام کرنا چاہیے. اور یقین رکھیے کہ سب ٹھیک ہوجائیگا.

ایاز امیر کے بیٹے شاہنواز امیر نے جس بے دردی سے اپنی اہلیہ کا قتل کیا ہے اس پر درد دل رکھنے والے تڑپ اٹھے ہیں. برابری پارٹی پارٹی کے چئیرمین جواد احمد نے کہا ہے کہ ہم منافق ہیں اپنی عورت کو تو ہم بچا کر رکھنا چاہتا ہے لیکن دوسرے کی عورت پر ایسے نظر رکھتے ہیں جیسے کہ ہم بازار میں کھڑے ہیں اور اسکے ساتھ جیسا مرضی سلوک کریں لیکن جب ان کی اپنے گھر کی عورت ان کی باتوں سے اتفاق نہ کرے تو ایسے میں وہ اپنی عورتوں کو بھی ایسی عورتوں کی صف میں لا کھڑا کرتے ہیں جن کے ساتھ جیسا مرضی سلوک کیا جائے. خصوصی طور پر اگر وہ بات نہیں مان رہی اپنے ذہن کے مطابق چلنا چاہتی ہے تو اسکو مار دیا جائے یا قتل کر دیا جائے بیچ کا کوئی راستہ انہیں سمجھ نہیں آتا. انڈیپینڈینٹ ہے تو بدکرادری کا الزام لگا دیا جائے. ایسی سوچ

بڑے خاندانوں سے لیکر چھوٹے خاندانوں تک پائی جاتی ہے. ہمارے ہاں جو ادیب اور دانشور ہیں وہ عورتوں کے بارے میں ایسی باتیں کرتے ہیں یا سوچ رکھتے ہیں کہ انسان پریشان ہوجاتا ہے. جیوڈشری میں بھی ایسی ہی سوچ کے مرد ہیں ورنہ عورتوں کو قتل کرنے والوں کو ضرور سزائیں ملیں. پدرسری نظام میں ایسا ہی ہوتا ہے. انصاف کا نظام تب بدلے گا جب عورت کو اس کا اصل مقام دیاجائے گا اسکو انسان سمجھ کر ٹریٹ کیا جائےگا جب سوسائٹی کی سوچ بدلے گی. کل جو واقعہ رونما ہوا ہے اسکے بارے سن کر دل بہت پریشان ہوا ہے اور اس سے پتہ چلتا ہے کہ ہم عورتوں کے بارے میں کیا سوچ رکھتے ہیں.

گزشتہ روز ایک دل دہلا دینے والی خبر سامنے آئی جس کے مطابق معروف کالمسٹ ایاز امیر کے بیٹے شاہنواز امیر نے اپنی اہلیہ سارا کو تشدد کرکے مار ڈالا مارنے کی وجہ کریکٹر کا ٹھیک نہ ہونا بتایا جا رہا ہے. اس واقعہ پر ری ایکشن دیتے ہوئے اداکارہ انجمن نے کہا ہے کہ ہمارے ملک میں بہت آسان ہے کسی عورت کو بد کردار کہہ کر رسوا کرنا یا قتل کر دینا. اگر ہماری ریاست اور ہمارا قانون عورت کو تحفظ دے اور اسے غیرت کے نام پر قتل کرنے یا اسکو کسی بھی وجہ سے قتل کرنے والے کو کڑی سے کڑی سزا بلکہ موت کی سزا سنائے اور سر عام پھانسی دے تو کسی کی جرائت نہیں ہو گی کہ وہ اس طرح کا کام کرجائے. انجمن نے کہا کہ فلمسٹار نادرا کا بھی قتل کر دیا گیا آج تک اس کے قاتل پکڑے نہ گئے ، نور مقدم کے قاتل

نے اعتراف جرم بھی کر لیا لیکن کیا ہوا ؟کچھ بھی نہیں. قاتلوں کو جب سزا نہیں ملے گی تو ان کی حوصلہ افزائی ہو گی اور انہیں پتہ ہو گا کہ وہ جو بھی کرلیں انہیں کوئی کچھ نہیں‌کہہ سکتا اور اگر پکڑے بھی گئے تو چھٹ جائیں گے . کل کے واقعہ نے دل دہلا دیا ہے میں تو بار بار کہوں گی کہ ایسے قاتلوں کو سر عام پھانسی دی جائے تاکہ ان کی پھانسی کے عمل کو دیکھ کر دوسرے عبرت پکڑیں.

”دا لیجنڈ آف مولا جٹ” فلم ریلیز سے پہلے ہی بہت زیادہ چرچہ میں ہے۔ فلم کا ٹریلر ریلیز ہونے کے بعد پاکستان سمیت انڈیا میں بھی دھوم مچ گئی تھی۔ اب حال ہی میں ماہرہ خان اور حمائمہ ملک نے اپنے اپنے کرداروں کے پوسٹرز شئیر کئے ہیں۔ جیسے ہی انہوں نے پوسٹرز شئیر کئے تو ان کے بھارتی مداحوں نے بھی خوشی کا اظہار کرتے ہوئے بیسٹ وشز بھیجیں ۔ اداکار ہرتیک روشن نے ماہرہ خان کے پوسٹر کے نیچے لکھا لو اٹ اسی طرح سے عمران ہاشمی جنہوں نے اداکارہ حمائمہ ملک کے ساتھ ایک فلم بھی کی تھی انہوں نے اپنی دوست اور کو سٹار حمائمہ ملک کولکھا آپ پوسٹر میں بہت اچھی لگ رہی ہیں ہم فلم کی ریلیز کے منتظر ہیں۔ یوں فلم کا ٹریلر ریلیز ہونے پر بہت سارے انڈین فلم میکرز نے نیک تمنائوں کا اظہار کیا

تھا۔ یاد رہے کہ فلم دا لیجنڈ آف مولا جٹ 13 اکتوبر کو ریلیز ہونے جا رہی ہے اور کہا جا رہا ہے کہ پاکستان کی ابھی تک کی یہ سب سے بڑے بجٹ سے تیار کردہ فلم ہے۔ فلم میں فواد خان، حمزہ عباسی ، حمائمہ ملک اور ماہرہ خان اہم کردار ادا کررہے ہیں۔ فلم کو بلال لاشاری نے ڈائریکٹ کیا ہے۔ فواد خان اور ماہرہ خان کے فواد ان کو ایک ساتھ دیکھنے کےلئے بےتاب ہیں اور خصوصی طور پر انہیں پہنجابی بولتے ہوئے دیکھنے کے لئے پرجوش ہیں۔