Category: شوبز

کوک سٹوڈیو پاکستان کا ایک ایسا پلیٹ فارم ہے جہاں نئے اور پرانے گلوکاروں کو یکساں گانے کا موقع میسر آتا ہے اس پلیٹ فارم سے بہت سارے نئے گلوکار آج شہرت کی بلندیوں کو چھو رہے ہیں. کوک سٹوڈیو کا کریز پاکستان سمیت بھارت میں بھی پایا جاتا ہے. حالیہ مثال علی سیٹھی کا گانا پسوڑی ہے جسے دنیا بھر میں پذیرائی ملی ہے یہاں تک کہ انگریز آرٹسٹوں نے بھی اس گانے کو گایا اور وڈیو بنا کر سوشل میڈیا پر جاری کی. اب اطلاعات ہیں کہ کوک سٹوڈیو متحدہ عرب امارات میں لائیو شو پیش کریگا. جو گلوکار اس میں حصہ لے رہے ہیں ان کے ناموں کی

فہرست بھی جاری کر دی گئی ہے. کوک اسٹوڈیو کے اس لائیو شو میں ینگ اسٹنرز، شئے گل، علی سیٹھی، فیصل کپاڈیہ، حسن رحیم، میوزِک بینڈ قراقرم اور جسٹن بیبس پرفارم کریں گے۔ یہ کنسرٹ 14 اکتوبر 2022 کو منعقد ہوگا اور اس کے ٹکٹس کوکا کولا ایرینا دبئی سے آن لائن بک کروائے جا سکتے ہیں۔متحدہ عرب امارات کے کوک سٹوڈیو شائقین خاصے پرجوش ہیں اور منتظر ہیں اس دن کا کہ جب کوک سٹوڈیو کا لائیو شو ان کے ملک میں ہو گا اور وہ اپنے پسندیدہ گلوکاروں کو لائیو دیکھ سکیں گے اور سن سکیں گے.

پاکستان کے نامور گلوکار عاطف اسلم جنہیں بھارت میں بھی بہت زیادہ سراہا جاتا ہے انہوں نے حال ہی میں ایک انٹرویو دیا ہے اس میں انہوں نے کہا ہے کہ مجھے خدا نے سب کچھ دیا ہے لیکن میری پھر بھی ایک ایسی خواہش ہے جس کا میں پورے ہونے کا منتظر ہوں. عاطف اسلم نے اپنی خواہش کے بارے میں بتاتے ہوئے کہا ہے کہ میں چاہتا ہوں کہ میں مدینہ میں اذان دوں . مجھے امید ہے کہ میری یہ خواہش ضرور پوری ہو گی اور اللہ تعالی میری ضرور سنے گا. عاطف اسلم نے کہا کہ میں بہت زیادہ فضول خرچ نہیں ہوں میں ایک بار جو کپڑے پہنتا ہوں وہ دوبارہ بھی پہنتا ہوں

کبھی یہ نہیں سوچا کہ میں نے ایک بار کپڑے پہن لئے ہیں دوبارہ کیوں پہنوں . انہوں نے کہا کہ ہم حلال کماتے ہیں اور اسی حلال کی کمائی سے کپڑے خریدتے ہیں تو پھر کیوں ہم اپنے پیسوں کو ضائع کریں بھئی اپنے ہی کپڑے دوبارہ پہننے میں کیا حرج ہے. عاطف اسلم نے کہا کہ زندگی میں سادگی ہونی چاہیے اور پیسہ ہی سب کچھ نہیں زندگی میں سکون سب سے زیادہ اہمیت کا حامل ہوتا ہے کوشش کریں کہ زندگی پر سکون ہو اور اللہ تعالی کے احکامات کے مطابق زندگی گزاریں. خدا اور خدا کے بندوں کو ناراں نہ کریں.

سوشل میڈیا پر بہت ساری ویب سائٹس ہیں اور بہت سارے یوٹیوب چینلز ہیں جو کسی کے بارے میں کوئی بھی جھوٹی خبر اڑا دیتے ہیں اور وہ خبر اتنی وائرل ہوتی ہے کہ لوگوں کو حقیقت کا گمان ہونے لگتا ہے یہاں تک کہ متعلقہ سلیبرٹی کو وضاحت دینی پڑ جاتی ہے. اور یہ تو اب معمول کا کام بن گیا ہے جیسے. حال ہی میں سرمد کھوسٹ کے بارے میں سوشل میڈیا پر ایک خبر اڑائی گئی کہ وہ اور شان شاہد ، خلیل الرحمان قمر ایک پراجیکٹ کے لئے اکٹھے ہورہے ہیں اس پر سرمد کھوسٹ نے کی ایک پوسٹ کی اور جس اکائونٹ سے یہ خبر جاری کی گئی ان کو ٹیگ کرکے لکھا کہ کیا میں جان سکتا ہوں کہ اس خبر کا سورس کیا ہے یا یہ کوئی اور سرمد کھوسٹ ہے جو فلم

میکر بھی ہے اور میری طرح دِکھتا بھی ہے. سرمد کی اس قسم کی طنز کو بہت زیادہ پسند کیا جا رہا ہے. اور ساتھ ہی ساتھ سوشل میڈیا صارفین کی جانب سے کہا جا رہا ہے کہ ویب سائٹس کو ذمہ داری کا مظاہرہ کرنا چاہیے. یاد رہے کہ سرمد سلطان کھوسٹ کی اس برس فلم کملی ریلیز ہوئی جسے شائقین نے بہت پسند کیا، ان کی پرڈیوس کی فلم جوائے لینڈ نے فرانس فلمی میلے میں ایوارڈ جیتا اور اب یہ پاکستان میں بھی ریلیز ہونے جا رہی ہے.

سینئر اداکارہ فردوس جمال تنقید کرنے کا کوئی بھی موقع ہاتھ سے نہیں جانے دیتے انہوں نے گزشتہ دنوں ہمایوں سعید کو لیا آڑھے ہاتھوں بولے یہ تو اداکار ہی نہیں ہے نہ اسکی باڈلی لینگوئج ہے نہ ہی آواز. ان کے اس بیان پر ہمایوں سعید سے جب سوال کیا گیا تو انہوں نے کہا کہ فردوس جمال سے میں بالکل بھی ناراض نہیں ہوں بلکہ میں نے ان کو معاف کر دیا انہوں نے جو بھی کہا ہے. فردوس جمال تو وہ اداکار ہیں جنہوں نے ایک بار مجھے کہا کہ گاڈ فاردر میں مارلن برانڈو نے اچھی اداکاری نہیں کی میں حیران رہ گیا اور اب آپ اندازہ کر لیں ان کی ججمنٹ کا ، لہذا اگر یہ میرے بارے میں

کہہ دیں کہ میں اداکاری اچھی نہیں کرتا یا اداکار نہیں ہوں تو کوئی بات نہیں. اصل میں ان کو وہ مقام نہیں ملا جو ندیم اور جاوید شیخ کو ملا بس اسی مایوسی میں وہ ہر ایک کی اداکاری پر سوال اٹھا دیتے ہیں .یاد رہے فردوس جمال نے اداکارہ ماہرہ خان کی اداکاری کے بارے میں بھی کہا تھا کہ ان کو اداکاری نہیں آتی نہ ہی ان کو اب ہیروئینز کے کردار ادا کرنے چاہیں اس کے بعد ان پر کافی تنقید ہوئی لیکن انہوں نے اس تنقید سے بالکل بھی نہیں سیکھا اور ایک بار پھر انہوں نے سپر سٹار ہمایوں سعید کی اداکاری پر سوال اٹھا دئیے ہیں.

سینئر اداکارہ شگفتہ اعجاز جو آج کل ٹک ٹاک پر چھائی ہوئی ہیں انہوں نے حال ہی میں ایک انٹرویو دیا ہے اس میں انہوں نے کہا ہے کہ ہماری سوسائٹی میں آج بھی ایسے رویے پائے جاتے ہیں کہ عورت ہے تو اسکو جوتی کی نوک پر رکھو ، عورت ہے تو اسکو دبا کر رکھو. میزبان نے ان سے سوال کیا کہ سنگل مدرز سے کیا کہنا چاہیں گی تو انہوں نے کہا کہ میں سنگل مدرز کیا سب عورتوں سے کہنا چاہوں گی کہ بری شادی ہونے سے بہتر ہے کہ بندہ سنگل ہی رہے . اور عورت کو یقینا شادی کرنی چاہیے اور اس معاملے میں بالکل بھی جلدی نہیں کرنی چاہیے، لیکن انتظار کرنا چاہیے خدا کی طرف سے اشارہ ملنے کا اور آپ کے دل میں گھنٹی بجے کا . جب خدا کی طرف سے ایسا ہوتا ہے تو سمجھ آجاتی ہے کہ اگلہ انسان

ہمارے لئے کتنا اچھا ہے یا بہتر ہے. شگفتہ اعجاز نے زور دیکر کہا کہ ہر لڑکی کو انڈیپینڈینٹ ہونا چاہیے اگر لڑکی انڈیپینڈینٹ ہو گی تو سسرال والوں کے رویے بھی مختلف ہوں گے اور شوہر بھی سوچ سمجھ کر سلوک کرے گا کیونکہ وہ بھی جانتا ہوگا کہ یہ بھی فیلڈ میں ہے اور شعور رکھتی ہے کہ اپنے حقوق کس طرح سے لینے ہیں. یاد رہے کہ شگفتہ اعجاز ٹک ٹاک کا نہایت ہی مثبت استعمال کرتی ہیں عموما وہ سبق آموز وڈیوز بناتی ہیں.

اداکار سہیل احمد پاکستان کے نہایت ہی منجھے ہوئے فنکار ہیں ، انہوں نے بہترین سٹیج پلیز کئے پاکستانی فلموں میں بھی انہوں نے اپنی صلاحیتوں کا لوہا منوایا. ٹی وی شوز بھی کرتے ہیں. اب ان کے پرستاروں کے لئے خوشخبری ہے کیونکہ ان کے پسندیدہ فنکار سہیل احمد کی پہلی فلم بابے پنگڑا پائوندے نے ریلیز ہو رہی ہے. فلم بابے پنگڑا پاندے انڈو پاک کے اشتراک سے بنائی گئی فلم ہے اور یہ مکمل طور پر پنجابی فلم ہے اور سہیل احمد کی یہ پہلی پنجابی فلم ہو گی گو کہ انہوں نے طویل عرصہ تک پنجابی سٹیج ڈراموں میں کام کیا ہے. لیکن ان کے مداح ان کو بڑی سکرین پر پہلی بار پنجابی بولتے ہوئے دیکھیں گے. فلم 5 اکتوبر کو پوری دنیا سمیت پاکستان میں بھی ریلیز ہو رہی ہے. اس ھوالے سے اداکار سہیل

احمد نے ایک وڈیو بنا کر اپنے مداحوں کو بتایا ہے کہ ان کی پہلی پنجابی فلم بابے پنگڑا پاندے ریلیز ہو رہی ہے یہ آپ سب کو یقینا پسند آئیگی . سہیل احمد نے کہا کہ اس فلم میں آپ کو دو پاکستانی لوگ نظر آئیں گے ایک تو میں خود اور دوسرا حماد چوہدری جو کہ ایگزیکٹیو پرڈیوسر ہیں. فلم کا ٹریلر جاری کر دیا گیا ہے ٹریلر کو تو خاصا پسند کیا جا رہا ہے کہ اب دیکھنا یہ ہے کہ فلم شائقین کو کتنا متاثر کرتی ہے.

گزشتہ ماہ پاکستان کو سیلاب کی آفت نے آن گھیرا ہر حوالے سے بڑے پیمانے پر نقصان ہوا ہے. پوری دنیا میں اس سیلاب کی وجہ سے تشویش کی لہر دوڑ گئی.یہی وجہ ہے کہ ہالی وڈ اداکارہ انجلینا جولی پاکستان تشریف لائی ہیں اور سیلاب زدہ علاقوں کا دورہ کررہی ہیں. ہم ایوارڈز جو کہ پہلے سے ہی طے کئے جا چکے تھے کہ کینڈا میں 24 ستمبر کو انجام پائیں گے. یوں ایوارڈز کے انعقاد کی تاریخ اور تیاریاں پہلے سے ہی چل رہیں تھیں ٹکٹیں بھی آرٹسٹوں کو موصول ہو چکی تھیں. اسلئے ان ایوارڈز کا رکنا ناممکن تھا ورنہ بہت بڑے پیمانے پر نقصان ہوجاتا. لیکن ہم ٹی وی پر اس موقع پر ایوارڈز کا انعقاد کروانے پر بہت زیادہ تنقید ہو رہی ہے. ایسے میں ہم ٹی وی کو وضاحت دینی پڑ گئی ہے اس نے ایک نوٹ

جاری کرتے ہوئے کہا ہے کہ ہم پہلے بھی اعلان کر چکے ہیں کہ ہم ایوارٍڈز کے پلیٹ فارم کو ہم سیلاب متاثرین کے لئے فنڈز اکٹھے کرنے کے لئے استعمال کررہے ہیں. ہم ٹی وی نے یہ بھی کہا ہے کہ ہم گالا نائٹ بھی کروا رہے ہیں اور اس سے حاصل ہونے والی رقم کو سیلاب زدگان کے نام کر دیا جائیگا. یوں ہر طرف سے بے انتہا تنقید کے بعد ہم ٹی وی کو اپنا موقف دینا پڑا یوں انہوں نے کلئیر کر دیا ہے کہ وہ وہاں سیلاب زدگان کو نہیں بھولے ان کے لئے فنڈز اکٹھے کررہے ہیں.

24 ستمبر کو کینڈا میں ہم ایوارڈز کی تقریب بڑے پیمانے پر منعقد ہونے جا رہی ہے اس کے لئے تقریبا آرٹسٹ کینڈا پہنچے ہوئے ہیں. جن آرٹسٹوں نے ایوارڈز میں‌ پرفارمنس دینی ہے ان کی ڈانس ریہرسلز کی وڈیوز بھی سوشل میڈیا پر وائرل ہو رہی ہیں . اُدھر ان سب کا مقابلہ انجلینا جولی سے کیا جا رہا ہے اور کہا جا رہا ہےکہ ایک انگریز آرٹسٹ پاکستان آکر سیلاب زدگان کے ساتھ کھڑی ہے اور ہمارے فنکار کینڈا پہنچے ہوئے ہیں. اداکارہ اشنا شاہ نے اپنی انسٹاگرام سٹوری میں لکھاکہ ہم سب کینڈا ایوارڈز کے لئے آئے ہوئے ہیں ہم سب پر جو تنقید ہو رہی ہے وہ خاصی پریشان کن ہے. ایسا نہیں ہے کہ ہم سیلاب زدگان کو بھولے بیٹھے ہیں ، ہم سب ان کے ساتھ اس دکھ کی گھڑی میں کھڑے ہیں اور ہم

یہاں سکون سے نہیں بیٹھے بلکہ ان کے لئے فنڈز جمع کرتے پھر رہے ہیں. اشنا شاہ نے یہ بھی بتایا کہ لوگوں نے رات کے کھانے کے ٹکٹ کے لیے 1500 ڈالر تک کے ٹکٹ خریدے، نیلامی میں اشیا ہزاروں ڈالر میں فروخت ہوئیں۔ تمام فنڈز سیلاب کی امداد کے لیے دیا جا رہا ہے اور اسی لیے ہم یہاں آئے ہیں۔اشنا شاہ کے ساتھ ساتھ بہت سارے فنکار کینڈا جانے کو جسٹیفائی کررہے ہیں اور ان کا کہنا ہےکہ ہم یہاں سیلاب زدگان کی مدد کے لئےفنڈز اکٹھے کررہے ہیں ان سب کا کہنا ہے کہ ہم بالکل بھی نہیں بھولے کہ ہمارے بہن بھائی مشکل میں ہیں اور ہماری مدد کے منتظر ہیں.

انجلینا جولی جب سے پاکستان آئیں ہیں تب سے کچھ لوگ پاکستانی فنکاروں کو ذلیل کرنے میں لگے ہوئے ہیں ان کا کہنا ہےکہ اگر انجلینا جولی پاکستان آکر سیلاب زدگان سے مل سکتی ہیں ان کی خیریت معلوم کر سکتی ہیں تو ہمارے فنکار ایسا کیوں نہیں کر سکتے. ایسے میں آیان علی برس پڑی ہیں ان پر جو ایسی بات کررہے ہیں. ایان علی نے ٹویٹر پر ایک لمبی چوڑی پوسٹ لگائی اور لکھا کہ ”انجلینا جولی بطور نمائندہ خصوصی اقوامِ متحدہ اپنے فرائض ادا کررہی ہیں جبکہ پاکستانی فنکار کینڈا روزی کےلئے جا رہے ہیں.کسی ایک کی تعریف کرنے کے لیے کسی دوسرے کی تضحیک ضروری نہیں. ان میں سے بیشتر آرٹسٹ یہ ایورڈ شو اٹینڈ کرنے کے پابند ہیں کیونکہ انہوں نے کئی ماہ پہلے اس سلسلے میں کنٹریکٹ سائن کیے ہیں.اس کنٹریکٹ سے حاصل شدہ رقم کا کچھ حصہ شاید یہ سیلاب زدگان کی مدد میں بھی استعمال کریں.پاکستانی آرٹسٹس انسانیت

کی خدمت میں ویسے بھی کسی سے پیچھے نہیں مگر سوال یہ ہے کہ پاکستانی آرٹسٹس کا اپنے حقِ روزگار کو استعمال کرنا ہی عملِ معترضہ کیوں؟
کیا باقی کے پاکستانیوں نے سیلاب زدگان کی مدد کے لیے اپنے معمولاتِ زندگی روک دیے ہیں؟کیا اس وقت اہل سیاست، اہل صحافت، اہل سپاہ، اہل ملازمت، اہل طب وغیرہ وغیرہ میں سے کوئی بیرونِ ملک نہیں؟کیا سب ہمہ وقت کارِ انسانی میں ہی مصروفِ عمل ہیں؟باقی چھوڑیے کیا اہلیانِ دانش کدہ یعنی اہلیانِ ٹوئٹر نے اپنی سپیسس ہوسٹ کرنا چھوڑ دی ہیں، ٹوئیٹس میں فلسفہ بھگارنا چھوڑ دیا ہے یا تصویریں پوسٹ کرنی چھوڑ دی ہیں؟اگر نہیں، تو اہل فن اپنی زندگی و روزگار کیوں متروک کریں اتنے گورے نہ سہی یہ بھی انسان ہیں اور اپنے ملک و قوم سے شاید آپ سے زیادہ ہی محبت کرتے ہیں. انہیں OWN کرنا سیکھیں.کچھ قوموں میں ہیرو پیدا ہوتے ہیں اور کچھ قومیں اپنے ہیرو بناتی ہیں.

”دا لیجنڈ آف مولا جٹ” کے مولا جٹ فواد خان کی 13 نومبر کو فلم ریلیز ہونے جا رہی ہے فلم کی خاصیت یہ ہے کہ اس میں ماہرہ خان اور فواد خان کئی برس کے ساتھ ایک ساتھ نظر آرہے ہیں اور بلال لاشاری جیسے ڈائریکٹر نے اسے ڈائریکٹ کیا ہے. فواد خان نے حال ہی میں ایک انٹرویو دیا ہے اس میں انہوں نے کہا کہ آج کل بہت سارے نئے لوگ ٹی وی پر کام کررہے ہیں، اور میں دیکھ رہا ہوں کہ سب کے سب بہت ہی باصلاحیت ہیں. ایک سوال کے جواب میں فواد ہنستے ہوئے بولے کہ اب ینگ لوگوں کا دور ہے ایسے میں مجھ جیسا بڈھا ان کے درمیان کام کرتا کیسا لگے گا. فواد خان نے مزید کہا کہ میں نے حال ہی میں اپنی چالیسویں سالگرہ منائی ہے اور یہ بہت ہی یادگار سالگرہ تھی میری اہلیہ نے سوشل میڈیا پر

اس سالگرہ کی تصاویر جاری کیں. فواد خان نے یہ بھی کہا کہ میری خوش قسمتی رہی ہے کہ مجھے اچھے پراجیکٹس ملے اور میرے پاس جو کچھ بھی آیا اس میں سے ایک وقت میں ایک ہی پراجیکٹ چنا اور اسی پر کام کیا یہی وجہ ہے کہ لوگوں کو لگتا ہے کہ میری کام کے معاملے میں چوائسز سمارٹ رہی ہیں. فواد نے کہا کہ ہم کام کرتے تو دوسروں کو کام کرنے کا موقع ملتا ہے دوسرے کرتے ہیں تو ہمیں کام کرنے کا موقع ملتا ہے. زندگی میں اس چیز کا اس کام کا انتخاب کریں جو آپ کو خوشی دیتا ہے. فواد نے اس انٹرویو میں یہ بھی کہا کہ میں حقیقت پسند ہوں.