Category: شوبز

اداکارہ مشی خان جو کہ سوشل میڈیا پر کافی ایکٹیو رہتی ہیں انہوں نے اپنے انسٹاگرام پر اپنی ایک وڈیو جاری کی ہے جس میں انہوں نے لاہور میں کتوں پر ہونے والے ظلم پر افسوس کا اظہار کیا ہے. مشی خان اس وڈیو میں کہہ رہی ہیں کہ ” میں اس وقت جس طرح سے خاموش بیٹھی ہوئی اور اپنے غصے کو دبا کر بیٹھی ہوئی ہوں اس کا اندازہ کوئی نہیں لگا سکتا. لاہور میں نوری بٹ صاحبہ کے ڈاگ شیلٹر ہوم میں کچھ لوگ گھسے اورشیلٹر ہوم کی دیوار توڑ دی . اندر موجود کتے اور کتے کے چھوٹے چھوٹے بچوں کو ڈنڈے اور پتھر دیکر مار دیا یہاں تک کہ ان کو پھانسی بھی دی گئی یہ کتے یہاں خاموشی سے رہتے تھے کسی کو کچھ نہیں تھے لیکن ان پر اتنا ظلم کیا گیا. کاش مجھے وہ لوگ مل جائیں جنہوں نے بے زبان جانوروں پر

اس قدر ظلم کیا ہے مجھے یہ لوگ ایک بار مل جائیں سہی میں ان کو رسیوں سے باندھ کر ماروں ان کو پھانسی دوں.میرا خون بہت زیادہ خول رہا ہے ایسا ظلم کرنے والوں کو اللہ موت دے اور سسکیوں والی موت دے. جس ملک میں اتنا ظلم ہوتا ہو وہاں کیا کسی کا اچھا ہو گا. مت کریں ایسا، ایسا کرنے والوں پر اللہ کا عذاب آئیگا خدا کا خوف کھائیں. یوں مشی خان نے کتوں کو بے ردردی سے موت کے گھاٹ اتارنے پر غصے کا کیا اظہار.

سوشل میڈیا کی وجہ سے کوئی بھی معاملہ منٹوں اور سکینڈوں میں وائرل ہو جاتا ہے. گزشتہ روز آئمہ بیگ کی آڈیو کال اور پھر فیروز خان اور انکی اہلیہ کی پوسٹیں اور عدالتی کاروائی سوشل میڈیا کی زینت بنی رہی. ارسلان نصیر ایسے معاملات پر بول پڑے ہیں ان کا کہنا ہے کہ ” لڑکی لڑکے کو ایکسپوز کررہی ہے، لڑکے کے دوست لڑکی کو ایکسپوز کررہے ہیں، بیوی شوہر کو ایکسپوز کررہی ہےشوہر کے دوست بیوی کو ایکسپوز کررہے ہیں اور ہم سب بیٹھ کر مزے لے رہے ہیں، اوروں کے پردے قائم رکھو تاکہ اللہ تمہارے پردے قائم رکھے” ارسلان نصیر سوشل میڈیا پر چلنے والی کنٹرورسیز کے بعد

لوگوں کا رویہ دیکھ کر ہیں کافی دل شکستہ اسی لئے انہوں نے اس قسم کی پوسٹ لگائی ہے اور لوگوں سے التجاء کی ہے کہ ایک دوسرے کے راز مت کھولیں اور بلکہ ایک دوسرے کےلئے آسانیاں پیدا کریں آپ کسی کے راز رکھیں گے تو خدا آپ کے رازوں پر پردہ رکھے گا. یاد رہے کہ آئمہ بیگ کی قیس احمد کے ساتھ آڈیو کال بھی منظم انداز میں لیک کی گئی جو کہ سوشل میڈیا کی زینت بن گئی اسی طرح سے فیروز خان اور ان کی اہلیہ کے درمیانی اختلافات طلاق تک کیوں پہنچے اس کا فیروز خان کی اہلیہ علیزے فاطمہ نے سوشل میڈیا پر خلاصہ کر ڈالا. سوشل میڈیا صارفین کو جیسے پہلے ہی کوئی بہانہ چاہیے کسی پر تنقید کرنے کا.

نوجوان نسل کی نمائندہ گلوکارہ آئمہ بیگ کی حال ہی میں ایک آڈیو جاری ہوئی ہے جس میں وہ کسی سے بات کررہی ہیں. رپورٹس کے مطابق جب سے برطانوی ماڈل طلولہ مایر کی جانب سے دعویٰ کیا گیا ہے کہ پاکستانی گلوکارہ آئمہ بیگ نے شہباز شگری سے منگنی کے باوجود میرے سابق بوائے فرینڈ قیس احمد سے تعلقات بنا کر اپنے منگیتر کو دھوکا دیا ہے تب سے سوشل میڈپا پر ایک ہلچل دیکھنے کو مل رہی ہے طوفان اُس وقت اٹھا جب برطانوی گلوکارہ نے آئمہ بیگ کی آڈیو لیک کر دی اس میں آئمہ اور قیس احمد بات کررہے ہیں. آئمہ بیگ کی آڈیو لیک کے بعد گزشتہ روز وہ ٹویٹر پر ٹرینڈ کرتی رہیں. سوشل میڈیا صارفین نے اپنے اپنے انداز میں کمنٹس کئے کسی نے آئمہ کو برا بھلا کہا تو کسی نے ان کو بےوفا کہا. آئمہ بیگ نے خاموشی توڑتے ہوئے اپنے انسٹاگرام اکائونٹ پر تنقید کرنے والوں‌کو جواب دیا اور کہا کہ مخصوص الفاظ کے ساتھ میری آدھی آڈیو جاری کی گئی

ہے. مجھ پر تیقند کرنے والوں‌کو پورا سچ تو پہلے جان لینا چاہیےتھا. میں نے تو کوشش کی کہ یہ معاملہ عزت کے ساتھ نمٹ جائے لیکن کچھ لوگ یہ نہیں چاہتے اگر میں نے منہ کھول دیا تو بہت سارے عزت دار لوگوں اور ان کی فیملیوں کے نام بھی اس میں آئیں گے اسلئے میری اب بھی کوشش ہے کہ میں خاموشی اختیار کروں. آئمہ بیگ نے کہا کہ سستی شہرت اور چند فالورز کے لئے میرے خلاف گندی مہم چلائی گئی ہے. اس مہم کی وجہ سے میں شدید ڈپریشن سے گزر رہی ہوں. انہوں نے یہ بھی کہا کہ میرے ساتھ جو کچھ بھی ہوا ہے اس کے بعد مجھے لگتا ہے کہ اپنی محبت کے بارے میں کسی کو نہ بتائیں چاہے وہ آپ کے سگے ماں باپ ہی کیوں نہ ہو.

پاکستان کے نامور اور نمبر ون فیشن ڈیزائنر دیپک پروانی جو کہ ڈیزائنر ہونے کے ساتھ ساتھ ایکٹر بھی ہیں اور کبھی کبھی اداکاری بھی کرلیتے ہیں. وہ اب ایک بار پھر ہمیں چھوٹی سکرین پر دکھائی دیں گے. دیپک پروانی نے ڈرامہ سیریل ” یونہی ” سائن کر لیا ہے ڈرامے کی شوٹنگ بھی جاری ہے. ڈرامے میں بلال اشرف اور مایا علی مرکزی کردارں میں دکھائی دے رہے ہیں. اور دیپک پروانی مایا علی کے باپ کا کردار ادا کررہے ہیں جبکہ بلال اشرف کا یہ پہلا ٹی وی ڈرامہ ہے. یونہی ڈرامہ کی ڈائریکشن معروف فلمسازاور ڈرامہ نگار محمد احتشام الدین دے رہے ہیں ۔ احتشام الدین

کا شمار منجھے ہوئے ڈائریکٹرز میں ہوتا ہے. احتشام الدین کی فلم دم مستم اس برس ریلیز ہوئی. یاد رہے کہ دیپک پروانی اس سے پہلے بھی ڈراموں میں کام کر چکے ہیں جن میں ڈرامہ سیریل کدورت اور سوتیلی قابل ذکر ہیں. ڈرامہ سیریل کدورت میں انہوں نے انجلین ملک کے مقابلے میں کام کیا تھا ان کے کام کو بے حد سراہا گیا.دیپک پروانی کہتے ہیں کہ جب انکا ریلیکس کرنے کو دل کررہا ہوتا ہے اس وقت وہ ڈرامہ کرلیتے ہیں. دیپک پروانی کے علاوہ بھی دیکھیں تو فیشن ڈیزائنر ایچ ایس وائے (حسن شہریار ) بھی اداکاری کے میدان میں قدم رکھ چکے ہیں انہوں نے بھی مایا علی کے ساتھ ڈرامہ سیریل پہلی سی محبت میں کام کیا تھا.

ہالی وڈ کی ادا کارہ اور اقوام متحدہ کی خیرسگالی سفیر انجلینا جولی سیلاب متاثرین کے ساتھ اظہار یکجہتی کے لئے پاکستان پہنچیں ہوئی ہیں. انجلینا متاثرین کی امداد اور حالات کا جائزہ لینے کیلئے پاکستان آئیں ہیں. یہ پہلا موقع نہیں ہے کہ جب انجلینا نے پاکستان کا رخ کسی مشکل وقت میں کیا ہے اس سے پہلے بھی وہ 2005 میں آنے والے زلزلے اور 2010 میں آنے والے سیلاب کے دوران پاکستان آئیں. انجلینا انسانیت کا درد رکھتی ہیں یہی وجہ ہے کہ جب بھی خصوصی طور پر پاکستان میں کوئی قدرتی آفت آتی ہے اور اس کے نتیجے میں مالی جانی نقصان بڑے پیمانے پر ہوتا ہے تو انجلینا لازمی طور پر اپنے پاکستانی بہن بھائیوں کے ساتھ اظہار یکجہتی کرنے کےلئے پاکستان پہنچتی ہیں. ان کے اس روپ کو بہت سراہا جاتا ہے. انجلینا

جب بھی پاکستان آتی ہیں وہ پاکستان کے کلچر اور روایات کا خاص احترام کرتی ہوئی دکھائی دتی ہیں وہ شلوار قمیض زیب تن کرتی ہیں. اس بار بھی انہوں نے روایت قائم رکھی اور شلوار قمیض زیب تن کرنے کے ساتھ سر باقاعد دوپٹہ بھی لیا.سوشل میڈیا پر اسی ھوالے سے چند روز سے ایک بحث چل رہی ہے جس میں کہا جا رہا ہے کہ اگر انجلینا جولی پاکستان میں آ سکتی ہیں سیلاب زدہ علاقوں کا دورہ کر سکتی ہیں تو ہمارے فنکار کیوں نہیں؟. سوشل میڈیا صارفین کا کہنا ہے کہ ماہرہ خان، فواد خان ، راحت فتح علی خان ، ہمایوں سعید، عاطف اسلم ، آئزہ خان ، سجل علی، صبا قمر ، احد رضا میر، ریما ، کبرا خان ، فیصل قریشی، ندا یاسر، اقرا عزیز، احسن خان ، ساحر علی بگا ، ثنا جاوید، فہد مصطفی، شان کب سیلاب متاثرین کی داد رسی کریں گے ؟. یوں پاکستانی فنکار انجلینا جولی کی آمد کے بعد ہیں کافی زیادہ ترتنقید کی زد میں.

ڈرامہ سیریل ” میرے ہمسفر” سے مشہور ہونے والی جوڑی ہانیہ عامر اور فرحان سعید کی گزشتہ روز سے ایک وڈیو کافی وائرل ہے. گزشتہ رات ہانیہ عامر کے نام کا ٹرینڈ بھی اسی وڈیو کی وجہ سے چلتا رہا.وڈیو میں ہانیہ عامر اور فرحان سعید کو ڈانس کی ریہرسل کرتے ہوئے دیکھا جا سکتا ہے . یہ ڈانس ریہرسل کشمیر ہم ایوارڈز کے لئے ہے. ہم ایوارڈز 24 ستمبر کو کینڈا میں ہونے جا رہے ہیں جس کے لئے ایوارڈز میں نا مزد شخصیات کینڈا پہنچ چکی ہیں.ہم ایوارڈز کی تیاری زوروں پر ہے اور جس جس نے بھی ایوارڈز میں پرفارمنس دینی ہے وہ تیاری میں لگا ہوا ہے. ایسی ہی تیاری فرحان سعید اور ہانیہ عامر بھی کررہے ہیں. دونوں کی ڈانس ڈیہرسل وڈیو کافی وائرل ہے اور دونوں کو ایک ساتھ پسند بھی بہت کیا جاتا ہے.ہم ایوارڈز

میں ہمیشہ کی طرح اس بار بھی مزے مزے کی پرفارمنس دیکھنے کو ملیں گی اور لوگوں کے من پسند فنکاروں کو ایوارڈ سے نوازا جائیگا. یاد رہے کہ فرحان سعید اور ہانیہ عامر کی آن سکرین جوڑی کو ان کی بہترین کیمسٹری کی وجہ سے بے حد پسند کیا جاتا ہے دونوں کی جوڑی نے ڈرامہ سیریل میرے ہمسفر میں شائقین کے دل جیت لئے ہیں. شائقین دونوں کی ایکساتھ ہم ایوارڈز میں پرفارمنس دیکھنے کےلئے بیتاب ہیں. یہی وجہ ہے کہ گزشتہ رات ہانیہ عامر کا ٹرینڈ بھی چلتا رہا.