Category: شوبز

آج کل ٹک ٹاک پر چھائی رہنے والی سینئر اداکارہ شگفتہ اعجاز کا حال ہی میں عاکف الیاس نے ایک شوٹ کیا ہے، اس شوٹ میں شگفتہ اعجاز بہت زیادہ بدلی ہوئی لگ رہی ہیں. ان کا میک اپ اور لباس اس قسم کا ہے کہ وہ لگ ہی نہیں رہیں کہ ایک عمر رسیدہ خاتون ہیں. عاکف الیاس کے میک اپ کی یہی خوبی ہے کہ وہ چہرے بدل کر رکھ دیتے ہیں اور دیکھنے والے حیران رہ جاتے ہیں . میک اپ میں تجربات کرتے رہنے والے عاکف الیاس کا میک اپ ہمیشہ سے ہی الگ اور منفرد رہا ہے. عاکف الیاس شگتفہ اعجاز سے قبل بھی بہت ساری اداکارائوں کے میک اپ کر چکے

ہیں اور ان شوٹس کو دیکھا جائے تو دیکھنے والی آنکھ دنگ رہ جاتی ہے. شگفتہ اعجاز کا میک اپ ،شوٹ اور لباس مداح بہت زیادہ پسند کررہے ہیں، عاکف الیاس کی شوٹس کی یہ خوبی ہے کہ یہ عریانی پر یقین نہیں رکھتے نہ ہی بولڈ ڈریسز پر یقین رکھتے ہیں. شگفتہ اعجاز کے حالیہ شوٹس کی تصاویر انٹرنیٹ پر وائرل ہو رہی ہیں ہر کوئی ان کی تعریف کررہا ہے، مداحوں نے تو اداکارہ کی وائٹ شرٹ میں تصاویر کوبھارتی اداکارہ ٹوئنکل کھنہ سے ملا دیا ہے اور کہا ہے کہ سفید رنگ کی شرٹ کی تصاویر میں شگفتہ اعجاز بالکل ٹونکل کھنہ کی طرح لگ رہی ہیں.

گلوکارہ آئمہ بیگ جن کی حال ہی میں شہباز شگری کے ساتھ منگنی ختم ہوئی ہے، کہتی ہیں کہ مجھے اداکاری کی متعدد مرتبہ آفرز آچکی ہیں‌لیکن اداکاری میری ترجیحات میں نہیں ہے میری ترجیحات میں گلوکاری ہے، اس لئے میری پہلی توجہ گلوکاری ہے. لیکن اسکا مطلب یہ نہیں ہے کہ میں کبھی اداکاری کروں گی ہی نہیں، ہو سکتا ہے کبھی اداکاری کر ہی لوں لیکن ابھی ایسا کوئی ارادہ نہیں ہے. آئمہ بیگ نے مزید کہا کہ زندگی میں انسان کو وہی کرنا چاہیے جس میں اسکو اطمینان محسوس ہو، وہ کام کبھی نہ کریں جس سے آپ اطمینان محسوس نہیں کرتے. میں‌نے

ہمیشہ زندگی میں وہ کیا ہے جس سے میں مطمئن رہوں. یاد رہے کہ آئمہ بیگ کی ماڈل و اداکار شہباز شگری کے ساتھ منگنی ہوئی تھی دونوں شادی کے بندھن میں بندھنا چاہتے تھے ، بظاہر تو ایک دوسرے کے ساتھ کافی خوش دکھائی دیتے تھے لیکن ایسا ہو نہ سکا ، تاہم اب دونوں کے راستے جدا ہو چکے ہیں. اس حوالے سے دونوں نے کھل کو کوئی بیان نہیں دیا نہ ہی ایسا کرنے کی وجوہات بیان کی ہیں. آئمہ بیگ کی آواز میں گائے ہوئے گیت مہوش حیات سمیت سوہائے علی آبرو پر پکچرائز ہو چکے ہیں. آئمہ نے ساحر علی بگا جیسے میوزیشنز کے ساتھ بھی گایا ہے.

کامیڈی میں اپنی الگ پہچان رکھنے والے اداکار افتخار ٹھاکر نے حال ہی میں ایک انٹرویو دیا ہے اس میں انہوں نے کہا ہے کہ میں اپنے مداحوں کا بے حد شکر گزار ہوں کیونکہ انہوں نے ہر قدم پر مجھے بہت زیادہ محبت دی ہے.آج جس بھی مقام پر ہوں انہی کی محبت کے بدولت ہوں. میں جب سے شوبز میں آیا ہوں پہلے ہی دن سے بہت زیادہ محنت کی ہے اور خدا نے میری محنت کا صلہ بھی مجھے خوب دیا ہے. خدا کسی کی محنت کو ضائع نہیں جانے دیتا اگر نیک نیتی سے محنت کرتے رہیں اور کوششیں کبھی نہ روکیں تو یقینا اللہ تعالی آپ کے لئے آسانیاں پیدا کرتا ہے. انہوں نے کہا سچے دل سے نکلی ہوئی دعا کبھی بھی رائگاں نہیں جاتی اسلئے جب بھی دعا مانگیں پورے دل سے مانگیں. یاد رہے کہ افتخار ٹھاکر کی انڈین

پنجابی فلم ”ماں دا لاڈلا ” حال ہی میں پاکستانی سینما گھروں میں ریلیز ہوئی ہے. اس فلم کے مرکزی کرداروں میں افتخار ٹھاکر کے علاوہ نسیم وکی ، قیصر پیا اور نیرو باجوہ ہیں. فلم میں افتخار ٹھاکر نے ایک اہم کردار ادا کیا ہے. شائقین ان کی اس فلم کو کافی پسند کررہے ہیں. افتخار ٹھاکر کامیڈی پروگرام مذاکرات میں بھی کام کرتے ہیں اس میں وہ ہمیں مختلف روپ میں دکھائی دیتے ہیں،افتخار ٹھاکر وہ اداکار ہیں جن کو ہر سطح پر پذیرائی ملتی ہے.

بالی وڈ اداکار جیکی شروف اور انیل کپور نے کئی فلموں میں ایک ساتھ کام کیا ہے جن میں رام لکھن اور پرندا کے نام قابل زکر ہیں. انیل کپور نے کافی ود کرن میں جیکی شروف کے حوالے سے کہا تھا کہ وہ جیکی شروف کے سٹار ڈم کی وجہ سے خود کو غیر محفوظ سمجھتے تھے اور ساتھ ہی یہ بھی بتایا کہ وہ کتنے شائستہ تھے اور ان کے ساتھ کتنے ادب احترام کے ساتھ پیش آتے تھے. اداکار جیکی شروع نے اپنے فلمی کیرئیر کا آغاز 1983 کی فلم ہیرو سے کیا تھا،جس میں ان کے ساتھ میناکشی ششادری تھیں. ان کو پہلی ہی فلم سے بریک تھرو ملا . انیل کپور کہتے ہیں کہ جیکی شروف آتے ہی اے کلاس ایکٹرز کی لسٹ میں شامل ہو گئے ، اسی شو میں انہوں نے وہ وقت بھی یاد کیا جب وہ جیکی شروف کے ساتھ سیٹ پر بیٹھے

ہوتے تھے اور لوگوں کی ایک بڑی تعداد ان سے آٹو گراف لینے کے لئے آتی تھی انیل نے کہا کہ میں لوگوں‌کو سیٹ پر دیکھ کر خوش ہوجایا کرتا تھا لیکن جلدی ہی احساس ہوجایا کرتا تھا کہ یہ لوگ تو جیکی کے لئے سیٹ پر اکٹھے ہوئے ہیں. انیل کپور کی ان باتوں کا جواب دیتے ہوئے جیکی شروف نے کہا ہے کہ انیل کپور ایک ایسا انسان ہے جو دل کی گہرائیوں سے میرا خیال رکھتا ہ، میری عزت کرتا ہے اور جب انیل کپور کے پائے کا اداکار میرے بارے میں اتنا اچھا بولے تو یقینا میری عزت میں مزید اضافہ ہوجاتا ہے. اانہوں نے مزید کہا کہ انیل کا دل بالکل صاف ہے اور وہ وہی کہتا ہے جو وہ محسوس کرتا ہے اور ہمیشہ سے ہی مجھے بہت زیادہ کریڈٹ دیتا ہے۔

امین اقبال کی ڈائریکشن میں بننے والا ڈرامہ سیریل وبال جو کہ رواں ماہ ہی آن ائیر گیا ہے اسکی شوٹنگ کراچی میں جاری ہے. ڈرامے میں اداکارہ سارا خان کو ان کے منفرد ہئیر سٹائل کی وجہ سے بہت زیادہ سراہا جا رہا ہے. کاسٹ بہترین اداکاروں کا مجموعہ ہے اور کہانی ایسی ہے کہ یقینا ناظرین کو آخر تک اپنے سحر میں جکڑ کر رکھے گی. ڈرامے میں سارہ خان بطور انعم،طلحہ چہور بطور فراز،میرب علی بطور ماہم نظر آرہے ہیں جبکہ باقی کاسٹ میں محمد حنبل، حریم سہیل، تارا محمود، شگفتہ اعجاز، سلیم شیخ و دیگر شامل ہیں.یاد رہے کہ ڈائریکٹر امین اقبال کا ڈرامہ عشق لاء ماضی قریب میں اختتام پذیر ہوا اس میں انہوں نے سجل علی ، اذان سمیع خان اور یمنہ زیدی سے بہترین اداکاری کروائی تھی. اسی سال ان کی

ڈائریکشن میں بننے والی پہلی فلم رہبرا بھی ریلیز ہوئی اس فلم نے باکس آفس پر اچھا بزنس نہ کیا بلکہ سپر فلاپ ہو گئی. فلم میں احسن خان اور عائشہ عمر نے مرکزی کردار ادا کئےتھے. امین اقبال ابھی تک ٹی وی کے بہترین ڈائریکٹر ثابت ہوئے ہیں لیکن بڑی سکرین پر ان کا پہلا تجربہ ہی ناکام ہو گیا ہے. تاہم ان کے ڈرامے شائقین یقینا شوق سے دیکھتے ہیں. وبال ڈرامے میں امین اقبال سارا خان کو ایک الگ اور نئے روپ میں سامنے لائے ہیں جو یقینا دیکھنے والوں کے لئے کسی ٹریٹ سے کم نہیں ہے.

بالی وڈ کے معروف فلم میکر مدھر بھنڈاریکر جن کے کریڈٹ پر کافی ہٹ فلمیں ہیں. انہیں ان کی خدمات کے اعتراف میں پدما شری ایوارڈ سے بھی نوازا جا چکا ہے. حال ہی میں ایک انٹرویو میں انہوں نے اپنی جدوجہد کے دِنوں کو کیا یاد اور یہ بھی یاد کیا کہ کس طرح سے بالی وڈ اداکارہ تبو نے ان کا ساتھ دیا یا کس طرح سے ان کی صلاحیتوں پر اعتبار کیا انہیں موٹیویشن دی. انہوں نے کہا کہ میں کیرئیر کے مشکل ترین وقت سے گزر رہا تھا اور کوئی بھی پرڈیوسر میرے ساتھ کام کرنے کا تیار نہیں تھا کیونکہ میری فلم تری شکتی بری طرح سے باکس آفس پر پٹ گئی تھی. میں فلم چاندنی بار بنانا چاہتا تھا لیکن کوئی پرڈیوسر نہیں مل رہا تھا ،میں سات آٹھ پرڈیوسرز کے پاس گیا لیکن انہوں نے اپنی شرائط رکھ دیں بولے فلم

میں آئٹم سانگ رکھو لیکن میں اپنے موضوع سے ہٹنا نہیں چاہتا تھا اس لئے میں نے ان کی ایسی شرائط ماننے سے انکار کر دیا . ایسے میں پروڈیوسر مسٹر لتا موہن اور تبو کا شکر گزار ہوں جنہوں نے مجھ پر اعتبار کیا. انہوں نے مزید کہا، تبو ایک ایسی انسان ہے جس نے واقعی میرا ساتھ دیا۔ وہ مجھ پر یقین کرتی تھی حالانکہ اسکو پتہ تھا کہ میری فلم تری شکتی پِٹ گئی ہے لیکن اس نے میرا ساتھ دیا جس کے لئے میں اسکا شکر گزار ہوں. یاد رہے کہ مدھر بھنڈاریکر نے فیشن اور ٹریفک سنگل جیسی فلمیں بنائیں ہیں ان کا بالی وڈ کیرئیر بس سال پر محیط ہے. مدھر بھنڈاریکر کو اپنی نئی آنے والی فلم ”ببلی باؤنسر”سے کافی امیدیں وابستہ ہیں اس میں ان کی ہیروئین تمنا بھاٹیہ ہیں.

عامر خان بالی ووڈ کے سب سے زیادہ پسند کیے جانے والے اداکاروں میں سے ایک ہیں۔ ان کی اداکاری ہو یا ان کی فلمیں مداح ان کے بارے میں ہر چیز کو پسند کرتے ہیں اور ہمیشہ ان کی اگلی ریلیز کے منتظر رہتے ہیں۔ عامر خان کی اس سال فلم ریلیز ہوئی لال سنگھ چڈھا جو باکس آفس پر کمال نہ دکھا سکی اس چیز نے لگایا عامر خان کو ایک بہت بڑا دھچکا. عامر خان کو ان کے بھائی فیصل خان نے بھی لگایا ہے ایک دھچکا یہ کہہ کر کہ فلم لال سنگھ چڈھا اچھی نہیں تھی عامر خان کو کوئی بہتر سکرپٹ انتخاب کرنا چاہیے تھا. فیصل خان نے حال ہی میں ایک انٹرویو دیا ہے اس

میں انہوں نے ہا کہ انہوں نے لال سنگھ چڈھا کو فوری طور پر نہیں دیکھا تھا لیکن انہوں نے اس فلم کو دیکھا ضرور ، جب دیکھا تو انہیں فلم پوری طرح سے اچھی نہیں لگی بلکہ کچھ کچھ حصے پسند آئے . فیصل خان نے کہا کہ عامر کو ایک بہتر اسکرپٹ کا انتخاب کرنا چاہیے تھا کیونکہ وہ 4 سال بعد کوئی فلم لے کر آرہے تھے۔ انہوں نے مزید کہا کہ عامر خان سے ان کے مداح اچھے کام اور اچھے سکرپٹ کی توقع کرتے ہیں اسلئے سکرپٹ بہتر ہونا چاہیے. ا نہوں نے ایک سوال کے جواب میں کہا کہ ہم دونوں بھائی مختلف مواقعوں پر ایک دوسرے کے ساتھ ملتے ملاتے ہیں مبارکباد بھی دیتے ہیں تاہم ہم دونوں ہی اپنی زندگیوں میں بہت مصروف ہیں.

بالی وڈ اداکار رنبیر کپور اپنی اہلیہ عالیہ بھٹ کے ہیں دیوانے، وہ اپنی بیوی سے بے حد متاثر ہیں. حال ہی میں رنبیر کپور نے ایک انٹرویو دیا ہے اس میں انہوں نے کہا ہے کہ عالیہ کا اس حالت میں کام کرنا دوسروں کے لیے موٹیویشن ہے۔ انہوں نے اپنی اہلیہ کی تعریف کرتے ہوئے کہا کہ عالیہ پر کسی بھی قسم کی تنقید صرف حسد ہے۔ حال ہی میں اداکار نے یہ بھی کہا تھا کہ وہ عالیہ پر بہت زیادہ انحصار کرتے ہیں۔ واضح رہے کہ رنبیر اور عالیہ بالی وڈ میں سب سے زیادہ پسند کیے جانے والے جوڑوں میں سے ایک ہیں۔ رواں برس اپریل میں دونوں شادی کے بندھن میں بندھےتھے۔عالیہ نے اپنی پریگنینسی کی خبر خود سوشل میڈیا پر ایک پوسٹ کے ساتھ شئیر کی تھی. عالیہ اور رنبیر کافی خوش ہیں ان کے ساتھ ساتھ بھٹ اور کپور

خاندان بھی آنے والے بچے کےلئے منتظر ہیں. عالیہ اور رنبیر کی فلم براہمسٹرا جو رواں ماہ ہی ریلیز ہوئی ہے اس کے بارے میں کہا جا رہا ہےکہ باکس آفس پر فلم نے کمال بزنس کیا ہے گو کہ یہ فلم بھی بائیکاٹ ٹرینڈ کی زد میں تھی لیکن باکس آفس فیگرز بتاتے ہیں کہ بائیکاٹ ٹرینڈ اس فلم پر اثر انداز نہیں‌ہوسکا. عالیہ بھٹ اب کرن جوہر کی فلم ” راکی ​​اور رانی کی پریم کہانی” میں رنویر سنگھ کے ساتھ نظر آئیں گی۔ عالیہ فرحان اختر کی فلم ”جی لے زرا ”میں بھی کام کر رہی ہیں۔دوسری طرف وہ فلم ہارٹ آف سٹون سے ہالی ووڈ میں بھی ڈیبیو کررہی ہیں، جبکہ رنبیر کپور کے پاس جانورجیسی فلمیں ہیں.

کافی ود کرن میں اس بار مہمان تھیں بالی وڈ کے بادشاہ شاہ رخ خان کی اہلیہ گوری خان ان کے ساتھ ان کی قریبی فرینڈز مہیپ کپور اور بھاونا پانڈے بھی شریک تھیں. کرن جوہر کے ایک سوال کے جواب میں گوری خان نے کہا کہ شاہ رخ خان نہ صرف اسکرین پر بلکہ آف اسکرین بھی ہمیشہ ایک شریف آدمی رہے ہیں، وہ اپنے گھر پارٹی میں آنے والوں کو بہت عزت دیتے ہیں اچھی بات ہے لیکن جب کوئی جانے لگتا ہے تو اسکو گاڑی تک چھوڑنے جاتے ہیں یہ بھی اچھی بات ہے لیکن جب تک وہ مہمان ان کی آنکھوں سے دور نہ چلا جائے وہ اسکو دیکھتے رہتے ہیں. مجھے کبھی کبھی ایسا لگتا ہے کہ شاہ رخ خان پارٹی کی بجائے زیادہ وقت باہر لوگوں کو سی آف کرنے میں گزارتے ہیں. گوری نے کہا کہ مجھ سمیت ان کو لوگ پارٹی میں

ڈھوننڈنے لگتے ہیں اور پھر مجھے ایسا محسوس ہوتا ہے کہ ہم گھر کے اندر کی بجائے باہر سڑک پر پارٹی کر رہے ہیں. یاد رہے کہ گوری خان اور شاہ رخ خان نے نوے کی دہائی میں شادی کی اور گوری خان نے شاہ رخ خان کو ان کے پورے کیرئیر میں بہت زیادہ سپورٹ کیا. دوسری طرف شاہ رخ خان کو تیس سال سے زائد کا عرصہ فلم انڈسٹری میں ہو چلا ہے لیکن ان کے کسی کے ساتھ بھی افئیر کی خبریں سامنے نہیں آئیں. شاہ رخ خان کام سے کام رکھنے والے انسان ہیں لیکن ان کی مادھوری ڈکشٹ‌اور جوہی چاولہ کے ساتھ خاصی دوستی ہے.