Category: شوبز

بالی وڈ اداکارہ جیکولین فرنینڈس 200 کروڑ روپے کی منی لانڈرنگ اور بھتہ خوری کیس کے بعد ہیں شدید مشکل میں کیونکہ ان سے مسلسل پوچھ گچھ کی جا رہی ہے. انہیں اکثر دہلی پولیس کے اقتصادی جرائم ونگ (EOW) کے دفتر میں پیش ہونے کے لیے بلایا جا رہا ہے۔ ان سے مبینہ مجرم سکیش چندر شیکھرسے تعلق کے حوالے سے گھنٹوں سوالات ہو رہے ہیں. اداکارہ اپنے بیانات ریکارڈ‌کروا چکی ہیں لیکن ایسا محسوس ہوتا ہے کہ پولیس اداکارہ کے بیانات سے خوش نہیں ہیں۔ ٹائمز آف انڈیا کی ایک تازہ رپورٹ میں بتایا گیا ہے کہ دہلی پولیس کے اقتصادی جرائم ونگ کو اداکارہ کے بیانات میں تجاد محسوس ہو رہا ہے. کہا جا رہا ہے کہ جیکولین کی ملاقات سکیش کمار

کی قریبی ساتھ ینکی کے ساتھ بھی کروائی گئی ہے اس حوالے سے بھی جو بیانات دئیے گئے ہیں اس پہ بھی پولیس جیکولین سے مطمئن نہیں ہے. آج ایکبار پھر جیکولین کو بلایا گیا اور اداکارہ دہلی پولیس کے اقتصادی جرائم ونگ کے افس پہنچیں. واضح رہے کہ جیکولین فرنینڈینس کو سکیش کی جانب سے کئی مہنگے تحائف ملے ہیں۔ نہ صرف جیکولین بلکہ نورا فتحی کو بھی قیمتی تحائف دئیے گئے ۔ پولیس نے دعویٰ کیا ہے کِہ اداکارہ سُکیش چندر شیکھر کی مجرمانہ سرگرمیوں کے بارے میں جانتی تھی اس کے باوجود ساتھ مسلسل تعلق رکھے ہوئے تھیں. سکیش چندر شیکھرآج کل دہلی کی تہاڑ جیل میں قید ہیں.

اداکارہ صبا قمر اکثر و بیش تر اپنے سوشل میڈیا اکائونٹس پر پھولوں کی تصویریں پیار بھرے کیپشنز کے ساتھ شئیر کرتی رہتی ہیں، انہوں نے ایک ٹی وی انٹرویو میں کہا تھا کہ ان کو پھول دینے والا کوئی ہے اور بہت پیار سے وہ پھول بھیجتا ہے. انہوں نے یہ بھی کہا تھا کہ یہ پھول دینے والا کوئی ملکی نہیں‌ہے بلکہ غیر ملکی ہے. انہوں نے یہ بات کہتے ساتھ ہی یہ بھی کہا تھا کہ پھول بھیجنے والا مسلمان ہے. صبا قمر نے حال ہی میں انسٹاگرام پر مختصر دورانیے کی ایک وڈیو جاری کی ہے جس میں انہوں نے سال کے 365 دن مکمل ہونے کی خوشی منائی ہے. صبا

قمر نے پہلے اپنے سامنے رکھے گلدستے ویڈیو میں دکھائے جن پر 365 کا ہندسہ درج تھا بعد میں خود کیمرے میں آئیں جس میں انہیں مسکراتے ہوئے دیکھا گیا۔ گلدستوں کے ساتھ اداکارہ نے لکھا کہ ساتھ نبھانے کے لیے ایک لمبا سفر طے کرنا ہے۔ صبا قمر کی اس قسم کی پوسٹ کے بعد گمان کیا جا رہا ہے کہ شاید ان کو انکا جیون ساتھی مل گیا ہے اور وہ بہت جلد شادی کے بندھن میں‌بندھنے والی ہیں. ان کے مداح یہ بھی سوچ رہے ہیں کہ شاید پھول بھیجنے والے کے ساتھ دوستی کو صبا کا ایک سال مکمل ہو گیا ہے تبہی صبا نے اس قسم کی وڈیو شئیر کی ہے. تاہم اس قسم کی قیار آرائیوں کے باوجود صبا قمر نے تاحال خاموشی اخیتار کی ہوئی ہے.

کافی ون کرن جو کہ بھارت کا کافی مقبول پروگرام ہے. اس کے ہوسٹ کرن جوہر جن کو بھی بطور مہمان بلاتے ہیں ان کے سامنے وہ ایسے سوال رکھ دیتے ہیں کہ جن کا جواب یقینی طور پر کنٹرورشل بن جاتا ہے. حال ہی میں کرن جوہر نے شاہ رخ خان خان کی اہلیہ گوری خان کو بطور مہمان اپنے پروگرام میں مدعو کیا. کرن جوہر نے گوری سے ایک سوال کیا کہ اپنی بیٹی سہانا خان کو کیا اور کس قسم کا مشورہ دیں گی تو گوری خان نے کہا کہ میں اپنی بیٹی سے کہوں گی کہ ” ایک ہی وقت میں دو لڑکوں کو کبھی بھی نہ ڈیٹ کرے” . گوری خان کے ساتھ اس پروگرام میں مہیپ کپور اور بھاونا پانڈے بھی بطور مہمان شریک تھیں.گوری نے یہاں تک کہا کہ اگر شاہ رخ خان کے ساتھ ان کی محبت کی کہانی کو عنوان دیا جائے تو وہ ہو

گا ”دل والے دلہنیا لے جائیں گے” ۔کرن جوہر اس سوال کے جواب میں کافی مسکرائے. یاد رہے کہ گوری خان بہت جلد ایک پروگرام ہوسٹ کرنے جا رہی ہیں جس میں وہ بالی وڈ کے معروف سٹارز کے گھر سجاتی ہوئی دکھائی دیں گی.شاہ رخ خان اپنی اہلیہ کے پروگرام کے لئے کافی پرجوش ہیں دوسری طرف گوری خان کی بیٹی سہانا خان فرحان اختر کی فلم سے اپنا ڈیبیو کررہی ہیں اسکی شوٹنگ تقریبا مکمل ہو چکی ہے. اب دیکھنا یہ ہے کہ کنگ خان کی بیٹی سکرین پر کیا رنگ جماتی ہے.

حال ہی میں ریلیز ہوئی فلم براہمسٹرا میں شاہ رخ خان نے ایک چھوٹا سا کردار ادا کیا. اس کردار کے حوالے سے رنبیر کپور اور عالیہ بھٹ نے اپنے حالیہ انٹرویو میں بات کرتے ہوئے بتایا ہے کہ جب شاہ رخ خان کو اس فلم میں کردار آفر کیا گیا تو ان کا پہلا ری ایکشن کیا تھا.انہوں نے بتایا کہ
ہم دونوں ہدایتکار آیان مکھر جی کے ساتھ کنگ خان کی رہائش گاہ پر گئے. اور ان کو بتایا کہ وہ ایک فلم بنا رہے ہیں اور ہم چاہتے ہیں کہ آپ ہماری اس فلم میں ایک کردار کریں. تو شاہ رخ خان نے بغیر سوچے سمجھے اس کردار کو ادا کرنے پر رضامندی ظاہر کر دی اور کہا کہ

کہانی جو بھی ہے جیسی بھی ہے اور میرا کردار جیسا بھی ہے میں کرنے کو تیار ہوں. یاد رہے کہ برہمسٹرا 9 ستمبر 2022 کو پانچ زبانوں ہندی، تامل، تیلگو، کنڑ اور ملیالم میں بھارت سمیت دنیا کے دیگر ممالک میں ریلیز کی گئی۔ فلم میں عالیہ بھٹ اور رنبیر کپور کے علاوہ ناگارجن اکینینی، امیتابھ بچن اور مونی رائے نے بھی اہم کردار نبھائے۔ فلم میں عالیہ رنبیر پہلی بار ایک ساتھ اکٹھے ہوئے ہیں. اس میں شاہ ر‌خ خان کے مختصر کردار کو بھی کافی پسند کیا گیاہے. فلم نے ریلیز ہوتے ہی دھوم مچا دی اس سے قبل اس فلم کے ٹریلر نے شائقین کے دل جیت لئے تھے. کہا جا رہا ہے کہ فلم چار سو کروڑ کی لاگت سے تیار کی گئی ہے.

گزشتہ روز نسیم وکی کی انڈین پنجابی فلم ”ماں دا لاڈلا” کی لاہور میں سکریننگ ہوئی، سکریینگ میں انہوں نے صحافیوں سے بات کرتے ہوئے کہا کہ ایسی بات بالکل نہیں ہے کہ ڈرامہ شائقین سٹیج سے خفا ہو کر گھر بیٹھ گئے ہیں. ایک وقت تھا جب لاہور میں دو تین تھیٹر ہوا کرتے تھے آج ان کی تعداد کافی بڑھ چکی ہے. ایک سوال کے جواب میں انہوں نے کہا کہ جب کوئی چیز اچھی چل رہی ہو تو لوگ اس کا حصہ بنتے جاتے ہیں جب نہ اچھی چل رہی ہو تو لوگ اس میں سے نکلتے جاتے ہیں. تو بہت سارے آرٹسٹ سٹیج کرتے رہے اور بہت ساروں نے چھوڑ بھی دیا لیکن سٹیج آج

تک چل رہا ہے اور لوگ اسے پسند کررہے ہیں. فیملیاں بھی بڑی تعداد میں آتی ہیں لہذا میں اس تاثر کی نفی کرتا ہوں کہ فیملیاں سٹیج کا رخ کرنا چھوڑ گئی ہیں. نسیم وکی نے ماں دا لاڈلا فلم کے حوالے سے کہا کہ اس فلم میں کام کرنے کا بہت مزہ آیا . میں‌نے ہمیشہ کوشش کی ہے کہ میں ایسا کام کروں کہ جس سے پاکستانیوں کا سر فخر سے بلند ہو، میرے مداح اس فلم کو دیکھ کر یقینا بہت زیادہ خوش ہوں گے. قیصر پیا کی یقینا یہ پہلی انڈین پنجابی فلم ہے انہوں نے بھی فلم میں بہت اچھا کردار ادا کیا ہے.

انڈین پنجابی فلم ”ماں دا لاڈلا” جس میں ترسیم سنگھ جسڑ اور نیروباجوہ کے علاوہ پاکستانی فنکار نسیم وکی ، افتخار ٹھاکر اور قیصر پیا نے اہم کردار ادا کئے ہیں. گزشتہ روز اس فلم کی لاہور میں سکریننگ کی گئی. اس موقع پر نسیم وکی موجود تھے انہیں فلم میں ہیرو کا کردار کرنے والے ترسیم سنگھ جسڑ نے وڈیو کال کی اور بے حد خوشی کا اظہار کیا پنجابی میں بولے” مینوں بوہت خوشی اے کے میری فلم پاکستان اچ ریلیز ہو رئی اے” . فلم میں پنجابی کلچر کو دکھایا گیا ہے بیرون ملک میں شوٹ ہونے والی اس فلم میں پاکستانی فنکاروں کے کردار نمایاں ہیں. ماں دا لاڈلا فلم کی ریلیز کو خوش آئند قرار دیا جا رہا ہے کہا جا رہا ہےکہ اس فلم کے بعد دیگر انڈین فلموں کی ریلیز کے راستے کھلیں گے. فلم میں نیروباجوہ کافی

خوبصورت لگ رہی ہیں کہانی میں ایک سوشل ایشو کو ہائی لائٹ کیا گیا ہے. نسیم وکی اور افتخار ٹھاکر کے فلم میں ڈائیلاگز نے شائقین کو خوب محظوظ کیا. یا درہے کہ فلم میں نسیم وکی ، افتخار ٹھاکر اور قیصر پیا کے علاوہ نرمل رشی، روپی گل نے بھی اہم کردار ادا کئے ہیں. دو گھنٹے پر محیط یہ فلم کامیڈی ڈرامہ ہے. فلم کی سکریننگ پر افتخار ٹھار اور قیصر پیا اپنی نجی مصروفیات کی وجہ سے نہیں پہنچ سکے یوں سکریننگ میں‌نسیم وکی پر تمام نظریں جمی رہیں.

بالی وڈ اداکار ابھیشیک بچن سے ایک انٹرویو میں پوچھا گیا کہ انہوں نے اپنی اہلیہ ایشوریا رائے سے ابھی تک کیا سیکھا ہے؟ ، اس کا جواب دیتے ہوئے جونیئر بچن نے انکشاف کیا کہ ایش نے وہ اعتماد دیا ہے جو انہیں شادی سے پہلے کبھی نہیں تھا۔ انہوں نے کہا ایشوریا رائے نے مجھے ایک ایسا اعتماد دیا ہے جو مجھ میں پہلے کبھی نہیں تھا۔ مجھے گھر میں کئی برسوں تک بچے کی طرح ٹریٹ کیا جاتا رہا میری بہن کی کافی برس پہلے شادی ہو گئی تھی وہ میری بہت کئیر کرتی تھی، مجھ پر کسی قسم کی ذمہ داری نہیں تھی مجھے پتہ بھی نہیں تھا کہ ذمہ داری کیا ہوتی ہے.لیکن شادی کے بعد میں نے اپنی ذمہ داریوں کو محسوس کیا مجھے لگا کہ مجھے اپنی بیوی کی ذمہ داری اٹھانی چاہیے ان کی حفاظت اور کئیر کرنی چاہیے. ابھیشیک بچن نے مزید کہا کہ ایشوریا رائے مجھے سکھایا کہ چیزوں کو نارمل اور حقیقی کیسے رکھنا ہے. یقینا میرے والدین نے

بھی مجھے یہ چیزیں سکھائیں لیکن ایشوریا رائے کو بھی اسکا کریڈٹ جاتاہے.ابھیشیک بچن نے مزید کہا کہ میں نے ایشوریا رائے کے ساتھ کچھ فلموں میں کام کیا ہے اور مزید میں کام کرنے کی خواہش رکھتا ہوں، لیکن اسکے لئے صحیح وقت اور صحیح سکرپٹ کا ہونا بہت ضروری ہے جب تک ایسا نہیں ہو گا ہم ایکساتھ کام نہیں کر سکیں گے. یاد رہے کہ ایشوریا رائے منی رتنم کی Ponniyin Selvan: I کے ساتھ سلور اسکرین پر واپس آنے والی ہیں فلم 30 ستمبر کو سینما گھروں میں ریلیز ہونے والی ہے۔ یہ کالکی کرشنامورتی کی 1955 میں بننے والی دو سنیماٹک حصوں میں سے پہلی ہے۔

پنجابی فلموں کے نامور اداکار اور سلطان راہی کے بیٹے حیدر سلطان نے اپنے حالیہ انٹرویو میں کہا ہے کہ فلم انڈسٹری کو چلانے کےلئے نئے اور جوان خون کی ضرورت ہے اسی میں فلم انڈسٹری کی بقاء ہے. ہمیں نئے لوگوں‌کو چانس دینا ہوگا تبہی انڈسٹری آگے بڑھ سکے گی. انہوں نے پرڈیوسرز اور ہدایتکاروں سے کہا کہ ان کو نئے لوگوں‌کو متعارف کروانے کا رسک لینا پڑے گا جیسا کہ کسی دور میں ہوتا آیا ہے. اگر ہم نئے لوگوں کو چانس نہیں دیں گے تو نئی کھیپ کیسے تیار ہو گی. حیدر سلطان نے مزید کہا کہ جو دنیا سے چلا جاتا ہے اس جیسا کوئی دوسرا نہیں آتا اسی طرح سے جو انڈسٹری کو چھوڑ جاتے

ہیں کسی بھی وجہ سے ان کا خلاء کبھی پورا نہیں ہوسکتا. حیدر سلطان مزید یہ بھی کہتے ہیں کہ کراچی ڈرامہ انڈسٹری میں جس طرح نئے لڑکے لڑکیاں آئے ہیں اسی طرح سے ہمیں فلم انڈسٹری میں بھی نئے لڑکے لڑکیاں لانی چاہیں. یاد رہے کہ حیدر سلطان راہی پنجابی فلموں میں ہی کام کرتے ہیں اور وہ آج تک گنڈاسہ کلچر سے باہر نہیں آئے رواں برس ان کی ایک فلم اشہتاری گجر ریلیز ہوئی اس میں بھی انکو گنڈاسہ پکڑے ہوئے دیکھا جا سکتا ہے. حیدر سلطان راہی کے دعوے کے مطابق ان کی فلم کو پنجاب کے سرکٹ میں بہت پسند کیا گیا اور سپر ہٹ ہوئی .

سب جانتے ہیں کہ فیصل قریشی دوستیاں نبھانے والے انسان ہیں . فیصل قریشی اپنی دوستی کو محفوظ رکھنے اور چلانے کےلئے ہر حد عبور کر جاتے ہیں. حال ہی میں انہوں نے ایک انٹرویو دیا ہے اس میں انہوں نے دوستی کے متعلق ہی بات کی ہے . ان کا کہنا ہے کہ میں بہت خوش قسمت ہوں کہ جس کو زندگی میں جو بھی دوست ملے مخلص ملے. میرے پاس بہترین دوست ہیں اور میں ان کو انمول تحفہ سمجھتا ہوں اسلئے میری کوشش ہوتی ہے کہ میں اپنی دوستی کو ایسے چلائوں اور نبھائوں کہ اگلے کو کبھی میری طرف سے کوئی شکایت نہ ہو. فیصل قریشی نے یہ بھی کہا کہ میں نے کام اور اچھا کام کرکے نیک نامی کمائی ہے. میں نے آج تک جو بھی کردار نبھائے میرے مداحوں نے مجھے بہت سراہا میں آج جو کچھ بھی

ہوں انہی کے پیار اور انکی محبت کی بدولت ہوں. فیصل قریشی نے مزید یہ بھی کہا کہ میں نے فلموں میں بھی کام کیا اس کے بعد ہی ٹی وی کی طرف آیا ، لاہور نے مجھے بہت عزت بخشی مجھے بہت شہرت دی اسکے بعد جب کراچی کام منتقل ہو گیا تو میں بھی کراچی چلا گیا لیکن لاہور کی خوبصورت یادیں میرے دل میں رہتی ہیں . فیصل قریشی نے مزید کہا کہ میں پراجیکٹس سائن کرنے میں جلدی نہیں کرتا اگر کچھ سمجھ آئے اور کردار و کہانی اچھی لگے تو ہی سائن کرتا ہوں.

جیکولین فرینینڈنس جو آج کل 200 کروڑ روپے کی بھتہ خوری اور منی لانڈرنگ میں ملوث تہاڑ جیل میں قید ملزم سکیش چندر شیکھر کیس میں شامل تفتیش ہیں. پولیس ان سے مسلسل تفتیش کررہی ہے. حال ہی میں سپیشل کمشنر آف پولیس رویندر یادو نے میڈیا کو بتایا ہے کہ ہم نے جیکولین فرنینڈنس سے کافی پوچھ گچھ کی ہے اور انہوں نے تفتیش کے دوران کافی باتوں کا اعتراف کیا ہے. انہوں نے کہا کہ جیکولین چندر شیکھر سکیش سے کافی متاثر تھیں ان کو اپنے خوابوں کا شہزادہ سمجھتی تھیں. سپیشل کمشنر آف پولیس رویندر یادو نے یہ بھی کہا کہ جیکولین چندر

شیکھر کے پیار میں بری طرح پھنس چکی تھیں یہاں تک کہ وہ جان چکی تھیں کہ وہ ایک مجرم ہیں اور کوئی اچھے کام نہیں کرتے پھر وہ مسلسل انکو اپنی زندگی میں شامل کئے ہوئےتھیں .انہوں نے بتایا کہ جیکولین اور چندر شیکھر کے درمیان دوستی سے بڑھ کر تعلق تھا. یاد رہے کہ اس کیس میں جیکولین فرینینڈنس کے ساتھ ساتھ معروف ڈانسر نورا فتحی سے بھی تفتیش کی جا رہی ہے کیونکہ وہ بھی چندر شیکھر سے رابطے میں تھیں اور ان سے انہوں نے قیمتی تحائف لئے. یاد رہے کہ جیکولین فرنینڈینس اور نورا فتحی دونوں ہی بالی وڈ میں کافی مقبول ہیں ان کے کافی مداح پائے جاتے ہیں لیکن اس کیس کے بعد ان کی مقبولیت میں تھوڑی بہت کمی ضرور آئی ہے.