Category: شوبز

آج کل ڈرامہ سیریل فراڈ چل رہا ہے ڈرامے کی منفرد کہانی اور احسن خان، میکال ذوالفقار صباقمر کی جاندار اداکاری شائقین کے دل جیت رہی ہے. اس ڈرامے کی ہر قسط پچھلی قسط سے زیادہ دلچسپ ہوتی ہے. ڈرامے کی شوٹنگ لاہور اور کراچی میں‌ ہوئی ہے.شوٹنگ کا بڑا حصہ لاہور میں ہی رہا ہے. تاہم اب فراڈ ڈارمے کی شوٹنگ مکمل ہو گئی ہے تمام آرٹسٹوں نے اپنے اپنے گھر کی راہ لے لی ہے. اسماء عباس اور احسن خان نے ایک وڈیو بنا کر انسٹاگرام پر لگائی اس میں دونوں‌ کہتے ہوئے نظر آرہے ہیں کہ ہم دونوں فراڈئیے ہیں اور آج فراڈ ڈرامے کے سیٹ پر ہمارا آخری دن ہے شوٹنگ مکمل ہو چکی ہے ، ڈائریکٹر ثاقب خان کراچی جا چکے ہیں، باقی کاسٹ بھی

کراچی جا چکی ہے آج سیٹ پر صرف ہم دونوں ہیں اور ہمارے ساتھ ہماری پوری ٹیم ہے جس نے اس ڈرامے کی شوٹنگ کو ممکن بنایا . احسن خان اور اسماء عباس نے کہا کہ ہمیں‌امید ہے کہ ہمارا ڈرامہ آپ سب کو بہت پسند آیا ہو گا. ہم اپنے مداحوں کے بہت شکر گزار ہیں جو ہمیں‌اتنا پیار دیتے ہیں اور ہم دونوں یہ درخواست کرتے ہیں کہ لاہور میں بھی ڈرامے شوٹ کئے جائیں جیسا کہ فراڈ ڈرامہ شوٹ ہوا ہے. یاد رہے کہ فراڈ ڈرامے میں‌احسن خان نے ایک فراڈے کا کردار ادا کیا ہے جسے شائقین بے حد سراہ رہے ہیں.

باصلاحیت اداکار زاہد احمد اور اداکارہ ثناء جاوید ایک ساتھ نظر آئیں گے. دونوں اس بار ثمینہ ہمایوں سعید اور ثنا شاہنواز کی نیکسٹ لیول انٹرٹینمنٹ پروڈکشن "محبت ایک سزا” میں کام کررہے ہیں. زاہد احمد اور ثناء جاوید کے مداح اس خبر کو سن کر کافی ہیں خوش. ڈرامے کی دیگر کاسٹ میں‌کون کون ہو گا اس کی تفصیلات آنا ابھی باقی ہیں. زاہد احمد نے فلمی کیرئیر کا آغاز بھی رواں برس شروع کر دیا ہے ان کی پہلی فلم اسی برس عید الفطر پر ریلیز ہوئی اس میں ان کے ساتھ صبا قمر دکھائی دیں فلم نے کامیابی حاصل کی اور یوں زاہد احمد کی بڑی سکرین پر بھی اینٹری دھماکے دار رہی . اسی طرح‌ سے ثناء جاوید بھی فلمیں کر چکی ہیں‌ لیکن انہیں‌بڑی سکرین پر اتنی کامیابی نہیں‌ملی

لیکن یہ دونوں‌اداکار ٹی وی کے بڑے فنکار ہیں ان دونو‌ں کے کریڈٹ پر بڑے اور نامور ڈرامے ہیں. زاہد احمد اور ثناء جاوید نے اس سے پہلے بھی ڈرامہ سیریل زرا یاد کر میں ایک ساتھ کام کیا تھا ڈرامہ کامیابی سے ہمکنار ہوا اور لوگوں نے ان کی جوڑی کو بھی کافی سراہا شائقین ان کو ایک ساتھ دیکھنے کےلئے کافی پرجوش ہیں. محبت ایک سزا ڈرامے کی شوٹنگ ابھی شروع نہیں‌ہوئی لیکن مرکزی کاسٹ فائنل کر لی گئی ہے اور اسکے مطابق زاہد احمد اور ثناء جاوید ایک ساتھ دکھائی دیں گے .

بگ باس 13 سے شہرت کی بلندیوں کو چھونے والی اور خود کو پنجاب کی کترینہ کیف کہنے والی شہناز گل نے حال ہی میں ایک انٹرویو دیا ہے اس میں انہوں نے کہا کہ میں سلمان خان کی شکرگزار ہوں‌ کہ انہوں نے مجھے پہلا چانس اپنی فلم میں دیا، اس کے بعد مجھے جان ابراہیم اور رتیش دیشن مکھ ،نورا فتحی کے ساتھ کاسٹ کیا گیا ہے. میرا سفر ابھی شروع ہوا ہے مجھے ابھی بہت زیادہ کام کرنا ہے. میری خواہش ہے کہ میں بہت آگے تک جائوں اور ہر انسان کی یہ خواہش ہوتی ہے کہ وہ آگے بڑھتا رہے. شہناز گل نے ایک سوال کے جواب میں کہا کہ کترینہ کترینہ ہے میں میں ہوں‌، میں‌کترینہ کیف کو بہت پسند کرتی ہوں‌ لیکن میں چاہتی ہوں کہ لوگ مجھے شہناز گل کے نام سے جانیں اور پہچانیں‌ .مجھے خود کی شناخت بنانی ہے اور اسکے لیے میں بہت زیادہ محنت کررہی ہوں. میں‌بناوٹی نہیں‌ ہوں نہ

مجھے ایسا بننا ہے مجھے نیچرل رہنا پسند ہے اسی لئے جو میں ہوں‌ وہی دوسروں‌ کو دکھاتی ہوں‌ وہی بولتی ہوں. شہناز گل نے یہ بھی کہا کہ کب کس کی قسمت بدل جائے اور وہ کہاں سے کہاں پہنچ جائے کسی کو نہیں پتہ اسلئے کبھی کسی کو جج نہیں‌ کرناچاہیے کیا پتہ کل وہ کسی ایسی جگہ پہنچ جائے کہ آپ نے جو بولا وہ بیک فائر ہو جائے. شہناز گل نے کہا کہ انسان کبھی بھی کسی حال میں خوش نہیں‌ ہوتا اسکے پاس جتنا بھی آجائے اسکو مزید کی خواہش ہوتی ہے. میں اپنی موجودہ زندگی سے بہت خوش اور مطمئن ہوں لیکن مجھے ابھی بہت آگے جانا ہے کام کرنا ہے.ایک سوال کے جواب میں‌ شہناز نے کہا کہ مجھے راجکمار رائو کے ساتھ کام کرنا ہے.

بالی وڈ کی معروف اداکارہ مادھوری ڈکشٹ نے ایک عہد جیا ہے، ایسا عہد کے جس میں‌ مادھوری نمبر ون کی پوزیشن پر رہیں وہ بہت اچھی اداکارہ تو ہیں ہی بہترین رقاصہ بھی ہیں. ان کے کریڈٹ پر سپر ہٹ گانے ہیں اور ہر گانے پر ڈانس اپنی مثال آپ ہے. آج بھی مادھوری کے گانوں‌ پر ڈانس کیا جاتا ہے اور نوجوان نسل مادھوری ڈکشٹ کے ڈانس سٹیپسس فالو کرتی ہے. نوے کی دہائی میں ایک فلم آئی پکار ، اس فلم میں مادھوری ڈکشٹ کے ساتھ انیل کپور بھی تھے. فلم کے گانے کافی ہٹ ہوئے، اس میں ایک گانا تھا کے سرا سرا اس گانے کا ڈانس آج بھی مقبول ہے ، مشکل ڈانس سٹیپس تھے لیکن مادھوری نے مہارت کے ساتھ اٹھائے. اس گانے کے کوریو گرافر پرابھو دیوا تھے، مادھوری کہتی ہیں‌ کہ جب مجھے کہا گیا کہ ایک گانا ہے آپ نے اس پر ڈاانس کرنا ہے میں‌نے کہا کہ ٹھیک ہے لیکن یہ تو بتائو کہ کوریوگرافر ہے کون جب مجھے بتایا گیا کہ کوریوگرافر پرابھو دیوا ہے تو

میں‌ نے کہا کہ او مائی گاڈ اتنا بڑا ڈانسر، پھر جب یہ بتایا گیا کہ تمہارے ساتھ وہ خود بھی ڈانس کریں گے تو میرے تو جیسے چھکے ہی چھوٹ گئے کیونکہ پرابھو دیوا بہت بڑا ڈانسر تھا . میں نے اتنی ٹینشن لی کہ مجھے بخار چڑھ گیا اور تین دن تک شوٹنگ ہی نہیں‌ ہوئی رک گئی، میں گھر میں بخار سے پڑی ہوئی تھی اب کتنے دن کام رک سکتا تھا سیٹ پر آنا پڑا جس میں‌سیٹ پر آئی تو پرابھو دیوا نے مجھے کہا میڈم آپ بہت اچھا ڈانس کرتی ہیں یہ مشکل ڈانس نہیں‌ ہے یہ ایسے ایسے کرنا ہے بس کر تو لیا لیکن بہت نروس رہی میں سارا وقت.

سوشل میڈیا سٹار عرفی جاوید اپنی بولڈ ڈریسنگ کی وجہ سے عموما رہتی ہیں تنقید کی زد میں. بھارت میں ایک طبقہ ایسا بھی ہے جو عرفی جاوید پر پابندی عائد کرنا چاہتا ہے.عرفی جاوید نہایت واحیات قسم کی ڈریسنگ کرتی ہیں. وہ راکھی ساونت سے کافی انسپائر ہیں اور راکھی کہتی ہیں کہ عرفی میری چیلی ہے. عرفی جاوید نے میڈیا سے کہا کہ ان کو میڈیا سے شکایت ہے کیونکہ کچھ میڈیا ہائوسز میرے خلاف لکھتے ہیں اور میرے لباس پر تنقید کرتے ہیں، حالانکہ لوگ مجھ سے پیار کرتے ہیں لیکن پتہ نہیں کیوں‌ کچھ میڈیا ہائوسسز کو میرے سے مسئلہ ہو رہا ہے. عرفی نے

اپنے سامنے کھڑے میڈیا سے کہا کہ آپ لوگ میرا ساتھ دیں اور جس کی جو مرضی ہے پہننے دیں. ایک سوال کے جواب میں‌عرفی نے یہ بھی کہا کہ میں‌اسلام کیا کسی بھی مذہب پر یقین نہیں رکھتی کیونکہ یہ مذہب انسانوں‌ کے بنائے ہوئے ہیں. میں‌جو ہوں جیسی ہوں ایسی ہی رہوں گی جسکو جو بھی مسئلہ ہے وہ اسکا مسئلہ ہے میرا نہیں‌. عرفی نے کنٹرورشل فلم دا کشمیر فائلز کا بھی زکر کیا اور کہا کہ کشمیری پنڈتوں کے ساتھ غلط ہوا تھا اگر وہ فلم کے زریعے اسکا اظہار کررہے ہیں تو اس میں برا کیوں‌ منایا جا رہا ہے بلکہ قبول کیا جانا چاہیے کہ ان کے ساتھ برا ہوا ، میں نے فلم دیکھی مجھے بہت اچھی لگی.

اداکار و پرڈیوسر ہمایوں سعید کی فنی صلاحیتوں کا قائل کون نہیں‌ ہے؟ ہر دلعزیز ہیں ان کو بہت پسند کیا جاتا ہے. شوبز انڈسٹری میں ان کو تین دہائیاں مکمل ہونے والی ہیں. اس دوروان انہوں نے فلموں ڈراموں میں‌کام کیا ، ڈرامے پرڈیوس بھی کئے اور کر بھی رہے ہیں، انہیں ہر پراجیکٹ کے ساتھ مزید پذیرائی ملی. ہمایوں سعید کے کیرئیر کے دوران ان کا نام کئی ہیروئینز کے ساتھ جڑا لیکن سب کچھ افواہوں کی حد تک ہی رہا ، ایکبار تو یہاں تک کہہ دیا گیا کہ اداکارہ عائشہ خان کے ساتھ ہمایوں سعید نے شادی بھی کرلی ہے لیکن ایسا کچھ نہ تھا. کون نہیں‌جانتا کہ ہمایوں سعید نے ثمینہ کے ساتھ محبت کی شادی کی اورگھر والوں کی نارضگی مول لیکر کی. اس حوالے سے بات کرتے

ہوئے ہمایوں سعید نے فیشن آئی کون فریحہ الطاف کو بتایا کہ میری اور ثمینہ کی کافی وقت تک بات چلتی رہی، پھر ایک ایسا وقت آگیا کہ جب فیصلہ کرنا تھا کہ شادی کرنی یا نہیں، مجھے لگا کہ ثمینہ کی شادی کی کہیں اور نہ ہوجائے اس لئے رونا شروع کر دیا بس یہی وہ لمحہ تھا جب میں نے سوچ لیا کہ ثمینہ سے شادی کرنی ہے ، میرے گھر والوں‌کو جب اس فیصلے کے بارے میں پتا چلا تو یقینا انہوں نے اعتراض کیا، والدین کہتے تھے کہ ابھی تمہاری عمر نہیں ہے شادی کی ، لیکن میں‌ فیصلہ کر چکا تھا لہذا شادی کی اور ثمینہ سے کی یہ شادی الحمد اللہ آج تک چل رہی ہے.

فلم لندن نہیں‌ جائونگا کی ریلیز کے بعد ہمایوں سعید پر ان کی عمر کو لیکر کافی تنقید کی گئی کہا گیا کہ پچاس سال کا آدمی ہیرو کا کردار کیسے کر سکتا ہے، کسی نے کہا کہ جو کردار ہمایوں سعید نے کیا ہے وہ کسی نوجوان لڑکے کو کرنا چاہیے تھا، ایک بڑے طبقے کی تنقید کے باوجود فلم سپر ہٹ ہوئی اور لوگوں کی بڑی تعداد نے سینما گھروں‌ کا رخ کیا . دبئی اور لندن میں فلم نے ریکارڈ توڑ بزنس کیا. یوں لندن نہیں‌جائونگا اس سال کی سب سے بڑی ہٹ فلم بن گئی. اس کہانی کو خلیل الرحمان قمر نے لکھا ہے، خلیل الرحمان قمر اس سے پہلے بھی ہمایوں سعید کے

لئے پنجاب نہیں‌جائونگی لکھ چکے ہیں. وہ فلم بھی سپر ہٹ رہی. خلیل الرحمان پر تنقید ہوئی تو انہوں نے کہا کہ جب تک مجھ میں‌ دم ہے میں‌ ہمایوں سعید کے لئے لکھتا رہوں گا جس کو جو بولنا ہے بولتا رہے. خلیل الرحمان قمر نے کہا کہ ہمایوں سعید میرے اچھے دوست تو ہیں‌ ہی لیکن بہترین اداکار بھی ہیں. یاد رہے کہ خلیل الرحمان قمر نے ہمایوں سعید کے لئے ڈرامہ سیریل میرے پاس تم ہو بھی لکھا تھا اس کو بھی ندیم بیگ نے ہی ڈائریکٹ کیا تھا. یہ ڈرامہ اپنے پاور فلم ڈائیلاگز کی وجہ سے سپر ہٹ ہوا بلکہ اس کی کامیابی نے کئی سال کے ریکارڈ توڑے.

چھوٹی سکرین پر کامیابیاں سمیٹنے کے بعد اداکارعمران اشرف نے بڑی سکرین پر قسمت آزمانے کی کوشش کی. رواں برس عید الفطر پر ان کی فلم دم مستم ریلیز ہوئی، اس فلم میں ان کے ساتھ چھوٹی سکرین کی ہی اداکارہ امر خان تھیں امر کہانی کی مصفہ بھی تھیں. فلم کی جم کر پروموشنز کی گئی یہاں تک کہ ریلیز کے بعد بھی کئی مہینوں تک فلم کی پرموشنزجاری رہیں لیکن عوام کو فلم پسند نہ آئی اور بری طرح پٹ گئی، یوں عمران اشرف کے فلمی کیرئیر پر پہلی فلم نے ہی سوالیہ نشان چھوڑ دیا. عمران اشرف فلموں میں پٹنے کے بعد ڈرامہ سیریل سانول یار پیار کے ساتھ چھوٹی

سکرین پر واپسی کررہے ہیں. اس میں ان کے ساتھ اقرا عزیز ہوں گی. ڈرامے کو وجاہت رئوف ڈائریکٹ کررہے ہیں جبکہ شازیہ وجاہت پرڈیوسر ہیں، لکھاری ہاشم ندیم ہیں. اس ڈرامے میں‌ اداکار فیروز خان بھی نظر آئیں گے. عمران اشرف کی جوڑی اقرا عزیز کے ساتھ کافی پسند کی جاتی ہے دونوں نے ڈرامہ سیریل رانجھا رانجھا کر د ی میں ایک ساتھ کام کیا تھا دونوں‌ کی پرفارمنس نے شائقین کے دل جیت لئے تھے، رانجھا رانجھا کر دی کے بعد شائقین ان دونوں‌ کو ایک ساتھ دیکھنے کے لئے بے تاب تھے لیکن اب ان کے لئے خوشخبری ہے کہ ڈرامہ سیریل سانول یار پیار میں‌ایک ساتھ دیکھ سکیں گے.

سوشل میڈیا سے شہرت پانے والی اداکارہ دنانیر مبین نے متحدہ عرب امارات کا شکریہ ادا کیا ہے. انہوں نے ایک وڈیو پیغام میں کہا ہےکہ پاکستان اس وقت نہایت مشکل میں ہے اور اسکو ہم سب کی ضرورت ہے. یہ دیکھ کر میرےدل کو بے حد خوشی ہوئی ہے کہ متحدہ عرب امارات پاکستان کے مشکل وقت میں اسکے ساتھ کھڑا ہے اور امداد بھیج رہا ہے. مجھے اپنی مسلم کمیونٹیز کے درمیان اتحاد دیکھ کر بے حد خوشی ہے.دنانیر نے مزید کہا کہ کے پی کے سندھ جیسے دیگر علاقوں میں صورتحال اس وقت کافی خراب ہے.

دنانیر کے علاوہ بھی پاکستانی عوام اور نامومار شخصیات یو اے ای کی حکومت کی شکر گزار ہیں کیونکہ یو اے ای کی حکومت بڑے پیمانے پر پاکستان امداد بھیج رہی ہے. یو اے ای کے علاوہ بھی دنیا کے کئی ممالک اس مشکل وقت میں مدد کرے ہیں. پاکستان میں موجود این جی اوز اور عام لوگ اس وقت سیلاب زدگان کی جس طرح‌ مدد کررہے ہیں وہ اپنی مثال آپ ہے گو کہ چند ناخوشگوار واقعات بھی رونما ہو رہے ہیں جیسا کہ راشن کے جھانسا دیکر عصمت دری کی جا رہی ہے، دوکانداروں نے اشیائے ضروریہ کی قیمتیں دگنی کر دی ہیں. دوسری طرف الخدمت فائونڈیشن کی امدادی سرگرمیوں‌ کی پوری دنیا میں دھوم مچی ہوئی ہے.

اداکارہ سجل علی اور بلال عباس کی جوڑی کو بہت پسند کیا جاتا ہے ان دونوں نے فلم کھیل کھیل میں بھی ایکساتھ کام کیا تھا. فلم تو خاص نہ چل سکی لیکن ان دونوں کی جوڑی سراہا گیا۔ اس کے علاوہ ڈرامہ سیریل رنگریزا میں ایک ساتھ کام کر چکے ہیں۔ شائقین اس جوڑی کے سحر میں مبتلا ہیں اور ان کو ایک ساتھ دیکھنا چاہتے ہیں۔یہ دونوں ایک ساتھ جب بھی آتے ہیں وہ پراجیکٹ شائقین کی توجہ کا مرکز بن جاتا ہے ۔ سجل علی اور بلال عباس ایک بار پھر ساتھ دیکھے جائیں گے ان کے علاوہ ڈرامے کی دیگر کاسٹ میں محمد احمد،اسما عباس و دیگر شامل ہیں ڈرامے کے پرڈیوسر ہمایوں سعید ، شہزاد نصیب اور ڈائریکٹر ندیم بیگ ہیں جبکہ کہانی اداکار محمد احمدکی تحریر کردہ ہے۔ دونوں آج کل ڈرامہ سیریل

کشف کی شوٹنگ میں مصروف ہیں۔ کراچی میں جاری اس ڈرامے کی شوٹنگ تکمیل کے آخری مراحل میں داخل ہو رہی ہے۔شائقین اس جوڑی کو ایک بات پھر ساتھ دیکھنے کے لئے بےتاب ہیں ۔ ندیم بیگ کی حال ہی میں ریلیز ہوئی فلم لندن نہیں جائونگا نے ریکارڈ توڑ بزنس کیا ہے.اب ندیم بیگ ڈرامہ سیریل کشف ریکارڈ کررہے ہیں یقینا یہ ڈرامہ بھی ان کے مداحوں کو پسند آئیگا.