Category: شوبز

ٹک ٹاک سے شہرت کی بلندیوں کو چھونے والی ٹک ٹاکر جنت مرزا کہتی ہیں کہ میرے منگیتر کی خواہش ہے کہ ہم دونوں جلد شادی کے بندھن میں بندھ جائیں اور یہ خواہش صرف ان کی نہیں‌ ہے بلکہ میری بھی ہے میں بھی چاہتی ہوں کہ میں بہت جلد شادی کرکے اپنا گھر بسا لوں. جنت مرزا نے کہا کہ میرا رشتہ پکا ہو چکا ہے اور ہم بہت جلد شادی کا ارادہ رکھتے ہیں. جنت مرزا نے کہا کہ میں نے پنجابی فلم میں کام تو کر لیا ہے لیکن اب میری خواہش ہے کہ میں اردو فلموں اور ڈراموں میں کام کروں. جنت نے کہا کہ مجھے کام کی آفرز کافی آتی رہتی ہیں لیکن میں سوچ سمجھ کر کسی بھی پراجیکٹ کے لئے ہاں کروں گی. ایک سوال کے جواب میں جنت مرزا نے کہا کہ یہ تاثر بالکل غلط ہے کہ میں مغرور ہوں میں بالکل

بھی مغرور نہیں‌ ہوں میں اپنے مداحوں کے ساتھ بہت عاجزی سے ملتی ہوں. یاد رہے کہ جنت مرزا ٹک ٹاک پر پاکستان میں سب سے زیادہ پسند کی جانے والی لڑکی ہیں. انہوں نے سید نور کی فلم تیرے باجرے دی راکھی میں کام بھی کیا. ان پرستار ان کو اداکاری کے مزید پراجیکٹس میں دیکھنا چاہتے ہیں. جنت اکثر سوشل میڈیا پر اپنی وڈیوز شئیر کرتی رہتی ہیں جسے ان کے مداح بہت پسند کرتے ہیں.

پاکستانی اداکارہ میرا جو کافی عرصے سے چھوٹی اور بڑی سکرین سے غائب ہیں . انہیں آخری بار فلم باجی میں دیکھا گیا تھا. میرا اکثر یہ شکایت کرتی نظر آتی ہیں کہ ان کے خلاف مسلسل سازش ہورہی ہے تاکہ ان کو کام نہ مل سکے. میرا کہتی ہیں کہ مجھے شوبز سے آئوٹ کرنے میں بہت ساری ہیروئینز کا نام ہے وہ ہیروئنز کون ہے اس بارے میں میرا نے آج تک بات نہیں کی. ھال ہی میں میرا کا ایک انٹرویو ہوا ہے اس میں انہوں نے کہا کہ سوشل میڈیا اسٹارز کو اٹھا کر فلموں میں لایا جا رہا ہے بھلا ان کو فلموں میں کام کرنے کا کیا اندازہ ہو سکتاہے اور کیسے وہ بڑی سکرین کی ڈیمانڈ کے مطابق کام کر سکتے ہیں. اسی طرح سے ڈراموں میں آنے والی لڑکیوں اور لڑکوں کو فلموں میں کاسٹ کیا جا رہا ہے یہ چھوٹی سکرین کے لوگ ہیں ان کی فلموں کے لئے تربیت ہی نہیں ہے یہ کیا

کام کریں گے. انہوں نے تشویش کا اظہار کرتے ہوئے کہا کہ لوگ سینما گھروں سے مایوس لوٹ رہے ہیں جو فلمیں بن رہی ہیں وہ ڈرامہ لگتی ہیں. فلم بنانے والوں کو کیوں سمجھ نہیں آرہی کہ بڑی اور چھوٹی سکرین میں فرق ہے وہ اس فرق کو سمجھیں اور ان کو کام دیں جو بڑی سکرین کے کام کو جانتے ہیں ورنہ تو فلمیں چاہے جتنی بھی بنتی رہیں فلمی صنعت کی بحالی میں مددگار نہیں ہو سکیں گی.

مشہور فلم ساز ساون کمار 25 اگست کو ممبئی میں 86 سال کی عمر میں انتقال کر گئے ہیں۔ وہ پانچ دہائیوں سے زیادہ عرصے تک ہندی فلم انڈسٹری کا حصہ تھے۔ انہیں کچھ دن پہلے پھیپھڑوں کے مسائل کی وجہ سے ممبئی کے کوکیلا بین دھیرو بھائی امبانی اسپتال میں داخل کرایا گیا تھا۔ ان کے انتقال پر فلم انڈسٹری سوگوار ہیں. ان کے انتقال پر جہاں پورا بالی وڈ ڈوبا ہوا ہے سوگ میں وہیں پدمنی کولہا پوری بھی ہیں اداس انہوں نے ان کو کیا یاد اور اپنے ساتھ ان کی ایک تصویرسوشل میڈیا پر شئیر کی اورلکھا ” "زندگی غم کا ساگر بھی ہے… ہنس کے اس پار جانا پڑے گا… ساون کمار آج زندگی نما ساگر کو پار کرکے اس پار چلے گئے ہیں… اوم شانتی” . دوسری جانب راکیش روشن نے بھی ساون کمار کی تصویر شیئر کرتے ہوئے ایک دلکش نوٹ لکھا۔ نوٹ میں لکھا "ساون جی آپ ہمیشہ یاد آئو گے دعا ہے آپ کی روح کو سکون ملے”۔

سلمان خان نے بھی ساون کے ساتھ ایک تصویر سوشل میڈیا پر شئیر کرکے لکھا ” آپ سکون سے رہیں میرے پیارے ساون جی۔ ہمیشہ آپ سے پیار کیا اور احترام کیا۔یاد رہے کہ ساون کمار نے فلمی صنعت میں اپنے کیریئر کا آغاز بطور پروڈیوسر 1967 کی فلم نونہال سے کیا جس میں سنجیو کمار، بلراج ساہنی، اور اندرانی مکھرجی نے مرکزی کردار ادا کیے تھے۔ فلم کو ناظرین اور ناقدین کی جانب سے بھی بے پناہ داد ملی۔ تاہم ساون کمار نے گزشتہ 16 سالوں میں کوئی فلم ڈائریکٹ نہیں کی تھی”

انوپم کھیر کسی تعارف کے محتاج نہیں ہیں، تجربہ کار اداکار نے اپنے مداحوں کو اپنی فلموں کے انتخاب کے ساتھ اپنی پرفارمنس کو پسند کرنے کی متعدد وجوہات دیں ۔ کھیر نے بے بی، اسپیشل 26، اے وینڈے، ویواہ، اور دیگر جیسی فلموں میں اپنی اداکاری کے جوہر دکھائے۔کیرئیر کے اوائل میں کچھ فلموں میں نیگیٹو کرادر بھی کئے ، کامیڈی بھی کئے اور سنجیدہ کردار بھی کئے ان کو ہر روپ میں ان کے پرستاروں نے خوب سراہا. انوپم کھیر سوشل میڈیا پر فالورز کی ایک بڑی تعداد رکھتے ہیں اور سوشل میڈیا پر بہت زیادہ متحرک بھی رہتے ہیں.ان کی اس سال ریلیز ہوئی فلم دا کشمیر فائلز نے کامیابی کے ریکارڈز توڑے ہیں. حال ہی میں انہوں نے ایک انٹرویو دیا ہے اس میں وہ سائوتھ بمقابلہ بالی ووڈ فلموں کی جاری بحث پر بولے

انہوں نے کہا کہ میرے لئے سائوتھ اور بالی وڈ ایک جیسا ہی ہے میں بالکل بھی اس میں فرق نہیں کرتا نہ ہی اس وقت یہ بات کہہ کر رہا ہوں لیکن میں جو سوچتا ہوں اسے مجھے کہہ دینا چاہیے، مجھے لگتا ہے کہ ” سائوتھ والے کہانیاں سنا رہے ہیں، یہاں ہم (بالی وڈ)ستارے بیچ رہے ہیں۔”
انہوں نے کہا کہ ایک اچھی فلم اجتماعی کوشش سے بنتی ہے میں نے تیلگو فلموں میں کام کرکے بہت کچھ سیکھا ہے، انہوں نے بتایا کہ میں بہت جلد ملیالم فلم کرنے جا رہا ہوں.

انوشکا شرما بالی ووڈ کی سب سے زیادہ ورسٹائل اداکاراؤں میں سے ایک ہیں۔ انہوں نے اداکاری کا آغاز 2008 کی کامیاب رومانوی فلم، رب نے بنا دی جوڑی میں شاہ رخ خان کے ساتھ کیا اور 2010 کی فلم، بینڈ باجا بارات سے شہرت حاصل کی۔ انہوں نے پی کے، سنجو، سوئی دھاگا، سنجو، دل دھڑکنے دو، این ایچ 10، اور فلوری جیسی مشہور بھارتی فلموں میں اپنی اداکاری کے جوہر دکھائے۔ طویل عرصے سے سلور اسکرین سے دور رہنے والی اداکارہ اب ‘چکدا ایکسپریس’ کے ساتھ اسکرین پر واپسی کر رہی ہیں۔اس کے لئے انہوں نے تیاری بھی شروع کر دی ہے اور وہ انگلینڈ میں اس فلم میں اپنے کردار کے حوالے سے تربیت بھی لے رہی ہیں. اس ھوالے سے وہ کافی پرجوش بھی ہیں ان کا کہنا ہے کہ وہ دوبارہ فلموں میں واپسی کے

لئے بہت خوش ہیں. یاد رہے کہ انوشکا آخری بار 2018 میں ریلیز ہوئی آنند ایل رائے کی فلم زیرو میں دیکھی گئیں تھیں.انوشکا آج کل انگلینڈ میں ہیں جہاں وہ اس فلم کی شوٹنگ کریں گی یہ فلم او ٹی ٹی پلیٹ فارم پر ریلیز ہوگی.

انوشکا شرما نے یش راج کے بینر تلے پانچ سال مسلسل ایک معاہدے کے تحت کام کیا ان کا شمار ان اداکارائوں میں ہوتا ہے جنہوں نے شاہ رخ خان ، عامر خان اور سلمان خان کے ساتھ کام کیا. شائقین ان کی خوبصورت اداکاری کو بے حد پسند کرتے ہیں.

منیب بٹ کہنے کو تو اداکار ہیں لیکن وہ سیاست میں اس طرح سے دلچپسی لیتے ہیں جیسے ان کے پاس سیاست کا بہت زیادہ تجربہ ہے وہ ہر سیاسی معاملے پر ٹویٹ کرتے ہیں. ھال ہی میں ایک اخبار کو انٹرویو دیتے ہوئے انہوں نے کہا کہ عمران خان کا میں حمایتی اس لئے ہوں کیونکہ وہ سچ بولتے ہیں اور ایماندار لیڈر ہیں، ان کی حکومت کے خلاف یقینا سزش ہوئی ہے کنفرم ہے یہ بات تو لیکن اس میں ہمارے دیگر سیاستدان شامل تھے یا نہیں یہ دیکھنا باقی ہے اس بارے میں ، میں کچھ بھی کنفرم نہیں کہہ سکتا. لیکن اتنا ضرور کہوں گا کہ سپریم کورٹ‌کو چاہیے کہ وہ جیوڈیشل کمیشن تشکیل دے تاکہ اس معاملے کی انکوائری ہو سکے. منیب بٹ نے مزید کہا کہ عمران خان کی حکومت کے چار سال

نہ بہت برے تھے نہ ہی بہت اچھے تھے لیکن اتنے اچھے ضرور تھے کہ لوگوں کو مالی طور پر فائدہ ہوا انکے دور میں انویسٹرز پاکستان آئے ،لیکن جیسے ہی ان کی حکومت کو گرایا گیا انویسٹرز نے اپنا پیسہ باہر لیجانا شروع کر دیا اب یہاں پر کوئی سرمایہ کاری کرنے کو تیار نہیں ہے. انہوں نے انٹرویو کے دوران ایک سوال کے جواب میں کہا کہ نوازشریف کو میرا یہ مشورہ ہے کہ وہ جلد از جلد پاکستان آئیں اور عوام کا سامنا کریں عوام انکی منتظر ہے جبکہ بلاول کو انہوں نے پاکستانی سیاست کا مستقبل کہہ ڈالا .

مشی خان عفت عمر پر تنقید کرنے کا کوئی موقع ہاتھ سے جانے نہیں‌دیتیں. مشی خان کو عفت عمر پر یہ غصہ ہے کہ وہ پہلے عمران خان کی اگر حمایتی تھیں تو اب وہ کیوں ان کے خلاف بولتی ہیں دوسری طرف عفت عمر کہتی ہیں کہ عمران خان nے جس طرح کے دعوے کئے تھے وہ ویسے نہیں‌نکلے ان کے دعوے اور ان کی شخصیت دونوں مختلف ہیں. عفت عمر ادھر کوئی ٹویٹ کرتی ہیں ادھر مشی خان تنقید کرنے پہنچ جاتی ہیں. حال ہی میں جب عفت عمر نے اپنے شوہر کے ساتھ ٹویٹر پر تصویر لگائی اور کیپشن میں لکھا ” میں‌ ہوں اپنے صنم کی بانہوں میں ، تم جلو اور مرو یوتھیو” . اس تصویر پر مشی خان نے قوٹ ری ٹویٹ کر کے

لکھا کہ ”کیوں یہ کوئی بریڈ پٹ ہے جو ہمیں جلنا ہے ، ہمارا ٹیسٹ تم سے بہتر ہے ،ایسا صنم تمہیں مبارک ہمیں کیا ” .

عفت عمر نے اپنی ایک اور تصویر شئیر کرکے اسکا کیپشن لکھا ” برن ( جلو) . اس رپر بھی مشی خان پہنچ گئیں اور قوٹ ری ٹویٹ کرکے لکھا ” اس میں‌جلنے والی کیا بات ہے ڈارلنگ، بورنگ اور لنڈے کے ڈریس جیسی لک ہے ، خوش فہمی سے نکلو بہن” یاد رہے کہ مشی خان ہر اس انسان کو آڑھے ہاتھوں لیتی ہیں جو عمرا ن خان کا حمایتی نہیں ہے ان کے رویے میں اس حوالے رتی برابر بھی لچک نہیں ہے۔

سینئر اداکارہ ایوب کھوسہ نے سوشل میڈیا پر ایک مختصر سا وڈیو پیغام جاری کیا ہے اس میں انہوں نے کہا ہے کہ ”میں اس وقت بلوچستان کے ڈسٹرکٹ لسبیلہ میں ہوں اور یہاں یہ صورت حال ہےکہ ہر طرف پانی ہی پانی ہے اس وجہ سے مین ہائی وے کے تمام راستے کٹ گئے ہیں ، اس کے علاوہ بھی دیکھیں تو آس پاس کے جتنے بھی راستے تھے وہ سب کٹ چکے ہیں. میں بار بار ریکویسٹ کر چکا ہوں پھر ریکویسٹ کررہا ہوں کہ خدا کے واسطے آگے بڑھیں، آپ جہاں اتنے کام کرتے ہیں وہیں یہ بھی کریں. یہاں کے لوگوں کی مدد کریں . ان کے گائوں پہنچیں ان کے علاقوں میں پہنچیں ان کے مال مویشیوں کے لئے ان کی مدد کریں ان کے گھروں کی دوبارہ تعمیر میں ان کی مدد کریں ان کا سب کچھ پانی کا ریلہ بہا کر لے گیا وہ بے یارو مددگار ہیں خدارا ان کی زندگیوں کو آسان بنائیں اللہ آپ کی زندگی آسان بنائے گا اور اللہ آپ کو اس کا اجر دے گا.

ایوب کھوسہ نے یہ وڈیو اپنے ٹویٹر اکائونٹ سے جاری کی اور اس کا کیپشن یہ لکھا ” میری آپ سے ریکویسٹ ہے خُدا کے واسطے آگئے بڑھیں اور بلوچستان میں کھانا پانی پہنچائیں میرا بلوچستان ڈھوب گیا ہے”.
ایوب کھوسہ کے علاوہ بھی درد دل رکھنے والے تمام فنکار لوگوں سے مدد کی اپیل کررہے ہیں اور کہہ رہے ہیں کہ بلوچستان اور اسکے عوام کو بچائیں.

لالی وڈ کے سپر سٹار شان شاہد عمران خان کے بہت بڑے حمایتی ہیں وہ ہر صورت عمران خان کے ساتھ کھڑے رہنے کو ترجیح دیتے ہیں . شان ٹویٹر پر کافی متحرک ہیں اور عمران خان کے علاوہ دیگر سیاسی لیڈران کو شائستہ الفاظ میں سناتے بھی رہتے ہیں. شان شاہد نے حال ہی میں ایک ٹویٹ کیا ہے جس میں انہوں نے عمرا ن خان کی ایک تصویر لگائی اور کیپشن لکھا ” ایسٹ کا سچا شیر لیڈر جو اپنے عوام کے درمیان کھڑا ہوتا ہے عوام اسے کبھی نہیں بھولے گی” . شان کے اس ٹویٹ کے نیچے تحریک انصاف کے حامیوں نے تو کافی اچھے کمنٹس کئے لیکن دیگر سیاسی جماعتوں کے سپورٹرز نے اپنے غصہ نکالا، ایک صارف نے لکھا ”انسداد دہشت گردی کی عدالت میں ملزم ہے۔توہین عدالت کے کیس میں ملزم ہے۔فارن فنڈنگ کیس میں مجرم ہے۔ایسے شخص کو تم لوگ لیڈر بول کیسے لیتے ہو؟”

تحریک انصاف کے حامی نے لکھا ” قائد اعظم کے بعد برصغیر کے مسلمانوں کو اللہ تعالی نے عمران خان کی صورت میں ایک اصل لیڈر عطا فرمایا
مجھے خوشی اس چیز کی ہےکہ آپ جیسا اداکارجس کوموجودہ حکومت مالی نقصان پہنچا سکتی ہے لیکن پھر بھی آپ عمران خان کے ساتھ کھڑے ہیں.حق کے ساتھ کھڑے ہیں.اس کا اجر اللہ تعالی ہی دینے والا ہے” .
شان شاہد نے عمران خان سے ایک ٹویٹ میں یہ بھی اپیل کی کہ ”براہ کرم ایک اکاؤنٹ بنائیں جہاں لوگ سیلاب متاثرین کے لیے رقم عطیہ کر سکیں، ہم سب اپنے عطیات کے لئے آپ پر بھروسہ کرتے ہیں”.