Category: شوبز

انڈین ڈراموں کے نامور فنکار سنجیدہ شیخ اور عامر علی نے محبت کی شادی کی.دونوں ہی انڈین چھوٹی سکرین کے بڑے اداکار ہیں ان کو عوام میں کافی پذیرائی ملتی ہے.ان دونوں کی ایک بیٹی بھی ہے لیکن دونوں کی رواں برس کے آغاز میں طلاق ہو گئی تھی.جوڑے نے گریس کے ساتھ ایک دوسرے سے علیحدگی کی لیکن اب معاملہ کچھ خراب ہونے کی طرف جا رہا ہے کیونکہ اداکار عامر علی نے دعوی کیا ہے کہ ان کی بیٹی کو انکے ساتھ ملنے نہیں دیا جا رہا اور گزشتہ دس مہینوں سے وہ اپنی بیٹی کی شکل نہیں‌دیکھ سکے کیونکہ ان کی سابقہ اہلیہ ان کو ملنے نہیں دے رہی. عامر کے مطابق وہ کوئی ہمدردی کا کارڈ‌ نہیں کھیلنے میں دلچپسی نہیں‌رکھتے، ہمیشہ یہ کہا جاتا ہے کہ

مرد زیادتی کرتا ہے اور اسی کو ہی قصور وار ٹھہرایا جاتا ہے. سنجیدہ میرے ساتھ جو بھی کررہی ہے میں پھر بھی اسکی عزت کرتا ہوں کیونکہ ہم دونوں نے زندگی کے کئی سال ایک ساتھ گزارے ہیں وہ میری بیوی رہی ہے اور میری بیٹی کی ماں ہے میں اسکی عزت اور احترام کا خیال رکھتا ہوں.میرا ایمان ہے کہ جس کے ساتھ زندگی کے کئی سال گزارے ہوں اسکو بےعزت کرنا یا اس کے بارے میں علیحدگی ہونے کے بعد برا بھلا بولنا مجھے مناسب نہیں‌لگتا.

بھارت کے سب بڑے کامیڈی شو کو ہوسٹ کرنے والے کپل شرما جو کہ عوام میں کافی مقبولیت رکھتے ہیں ان کے مداح انڈیا سمیت پاکستان بلکہ پوری دنیا میں پائے جاتے ہیں. انہوں‌ نے سٹیج پر ہلکے پھلکے مزاح کا ایک نیا رواج ڈالا ہے جسے ہر کوئی بہت پسند کررہا ہے اور کپل شرما شو کی بڑے پیمانے پر نقل بھی کی جا رہی ہے ہر کوئی چاہتا ہے کہ وہ کپل جیسا ہوسٹ بن جائے. آج کل جیسا کہ بالی وڈ کی فلموں‌ کے بائیکاٹ کا ٹرینڈ چل رہا ہے ایسے میں بالی وڈ سے جڑی ہر شخصیت پریشان ہے بلکہ عالم یہ ہے کہ کوئی بھی اس ٹرینڈ کے خلاف یا حق میں بات کرنے سے

گھبرا رہا ہے کیونکہ ہر کوئی ڈر رہا ہے کہ کل کو اسکی فلم یا اس کے خلاف ہی بائیکاٹ کا ٹرینڈ نہ چل جائے. حال ہی میں کپل شرما سے جب اس ٹرینڈ کے بارے میں بات کی گئی تو انہوں نے صرف اتنا کہا کہ یہ ٹرینڈ وقتی ہے اس کے علاوہ انہوں‌نے کچھ بھی کہنے سے منع کیا اور کہا کہ مجھے ٹویٹر کی دنیا سے دور رکھا جائے.یوں‌کپل نے خود کو بچا لیا. کپل شرما نے تو یہاں تک کہہ دیا کہ میں تو نہیں سنا کہ اکشے کمار کی فلم کا بائیکاٹ ٹرینڈ چلا ہے. یاد رہے کہ بالی وڈ کی فلموں کے بائیکاٹ کا ٹرینڈ زور پکڑ رہا ہے اور بڑی سے بڑی بجٹ کی فلم کو یہ ٹرینڈ کھا گیا ہے.

بگ بی امیتابھ بچن بھی ہوگئے ہیں کورونا کا شکار.امیتابھ بچن نے یہ خبر اپنے مداحوں کو ایک ٹویٹ کے زریعے دی انہوں نے کہا کہ مجھے کچھ علامات ظاہر ہوئیں تھیں جن کے بعد میں نے اپنا ٹیسٹ کروایا اور کورونا کی تشخصٰ ہوئی ہے. انہوں نے ساتھ میں یہ بھی کہا کہ جو لوگ پچھلے کچھ دنوں سے مجھے ملے وہ اپنا ٹیسٹ کروائیں اور خیال رکھیں.امتیابھ بچن اس سے پہلے بھی کورونا میں مبتلا ہو گئے تھے انہوں نے کامیابی سے اس مرض‌کو شکست دی تھی امیتابھ بچن کے چاہنے والے یہ خبر سننے کے بعد جہاں اداس ہیں وہیں اپنے پسندیدہ اداکار کی صحتیابی کے لئے بھی دعا گو ہیں. امیتابھ بچن سے قبل اداکارہ شفالی شاہ بھی کورونا میں مبتلا ہوگئیں تھیں انہوں نے

بھی یہ خبر اپنے مداحوں کے ساتھ ایک انسٹاگرام پوسٹ کے ذریعے شئیر کی تھی. تاہم گزشتہ روز انہوں نے اپنی ایک سوشل میڈیا پوسٹ کے زریعے بتایا کہ انہوں نے تنہائی اختیار اور تمام ایس او پیز کو فالو کرنے بعد اپنا ٹسیٹ کروایا جو کہ نیگیٹیو آیا ہے لہذا وہ کورونا فری ہو چکی ہیں .بتایا جا رہا ہے کہ امیتابھ بچن کورونا پازیٹیو آنے کے بعد تنہائی میں چلےگئے ہیں اور کسی سے مل نہیں رہے ان کے ڈاکٹروں‌نے ان کو تجویز کیا ہے کہ وہ مکمل طور پر تنہائی میں رہیں کیونکہ وہ عمر کے اس حصے میں‌جہاں ان کے لئے کورونا جیسی بیماری مشکل کھڑی کر سکتی ہے .

اداکارہ نادیہ جمیل جو ایک لمبا عرصہ بیمار رہی ہیں انہوں نے بہت بہادری کے ساتھ کینسر جیسے مرض‌ کو شکست دی. نادیہ نے حال ہی میں ایک انٹرویو دیا ہے اس میں انہوں‌نے کچھ دل کو چھو جانے والی باتیں کیں، نادیہ جمیل نے کہا کہ جب میری کیمو ہوئی تو میرے سر کے بال ،بھنویں ،ناخن سب ختم ہو گئے تو تب میرا تکبر ٹوٹا کہ یہ ہے اصل نادیہ جمیل. تب مجھے احساس ہوا کہ انسان تو کچھ بھی نہیں ہے. نادیہ نے کہا کہ اس بیماری کے دوران میں نے بہت کچھ سیکھا اللہ کے قریب ہوئی اسکے کرشموں کو پہچانا. مجھے صحیح معنوں میں سمجھ آئی کہ ہر انسان جو دنیا میں آیا ہے اسکو اپنی زندگی خود لیکر چلنا ہے اپنی زندگی کی گاڑی کو خود کھینچنا ہے. نادیہ نے یہ بھی کہا کہ اگر

مجھے یہ بیماری نہ آتی تو شاید میں اتنا کچھ نہ سیکھ پاتی. نادیہ نے کہا کہ جب مجھے کینسر ہوا تب کورونا کے دن تھے کوئی میرے پاس آ جا نہ سکتا تھا میری والدہ اور دو بچوں کے علاوہ میرے پاس کوئی نہ تھا. سوچیں تنہائی اور بیماری ہو تو انسان کی ذہنی حالت کیسی ہو سکتی ہے. نادیہ جمیل نے کہا کہ جیسے وقت سے بڑا استاد کوئی نہیں اسی طرح سے بیماری سے بڑا کوئی استاد نہیں‌. یہ وہ وقت ہوتا ہے جب آپ کو سمجھ میں آتی ہے کہ کون آپ کا اپنا ہے اور کون نہیں. میں‌ نے ھوصلے اورہمت سے وقت گزارا اللہ نے اس سخت بیماری سے میری جان چھڑوا دی جس کے لئے میں اسکی شکر گزار ہوں.

شہزاد رائے جو کہ گلوکار ہونے کے ساتھ ساتھ سماجی کارکن بھی ہیں انہوں‌ نے وسائل نہ رکھنےوالے بچوں کی تعلیم و تربیت کا بیڑا بھی اٹھایا ہوا ہے. شہزاد رائے نے اپنے حالیہ انٹرویو میں کہا ہے کہ ہمیں دنیا کا مقابلہ کرنے کےلئے روایتی کے ساتھ جدید تعلیم کو اپنانا ہوگا. شہزاد رائے تعلیم کی اہمیت پر زور دیتے ہوئے کہا کہ تعلیم کاحصول ہر بچے کےلئے ضروری ہے اور اس کو سب بچوں کے لئے ممکن بنانا ہم سب کا فرض ہے. میں تعلیم دینے کی مہم کو اس لئے چلا رہا ہوں کیونکہ میں پوری دنیا میں دیکھ رہا ہوں کہ تعلیم کو بہت اہمیت دی

جا رہی ہے اور ہمارے ملک میں معاملات اس سے برعکس ہیں خصوصی طور پر ان بچوں کےلئے جو وسائل نہیں رکھتے. شہزاد رائے نے کہا کہ حکومت تعلیم کے شعبے میں ایمر جنسی کانفاذ کرے اور نصاب کو حقیقی معنوں میں یکساں ہونا چاہیے۔ میں سمجھتا ہوں‌کہ جن کے وسائل نہیں ہیں یا جو بچے بے آسرا ہیں ان کا حق ہے وہ تعلیم حاصل کریں حکومت کے ساتھ ساتھ صاھب ثروت لوگوں‌کو بھی چاہیے کہ وہ ایسے بچوں کے لئے آسانیاں کریں اور ان کی تعلیم کے لئے جو کر سکتے ہیں کریں. اگر ایسے بچوں‌کا ایک بڑا طبقہ ان پڑھ رہ جائیگا تو سوچیں پاکستان کا کتنا بڑا نقصان ہے.

سینئر اداکار بہروز سبزواری جن کے بیٹے شہروز کی شادی سائرہ یوسف سے ہوئی تھی دونوں کی ایک بیٹی بھی ہے، دونوں کے درمیان تلخیوں کی وجہ سے ان کا رشتہ ختم ہو گیا. شہروز نے شادی کر لی اب وہ ایک اور بیٹی کے باپ بھی ہیں لیکن سائرہ وہیں کی وہیں ہیں انہوں نے شادی نہیں کی وہ اپنی بیٹی پال رہی ہیں اور کام کررہی ہیں. بہروز سبزواری کا حال ہی میں ایک کلپ سوشل میڈیا پر وائرل ہو رہا ہےاس میں وہ کہہ رہے ہیں کہ سائرہ یوسف میری کل بھی بیٹی تھی آج بھی بیٹی ہے میں کل بھی اس کے ساتھ کھڑا تھا آج بھی اسکے ساتھ کھڑ ا ہوں. جب میرے بیٹے

شہروز اور سائرہ کے درمیان معاملات خراب ہو رہے تھے تو اس وقت ہم دونوں کی فیملیوں پر بہت مشکل وقت تھا، ہم بے حد پریشان تھے لیکن سوشل میڈیا پر ایک الگ ہی تماشا لگا ہوا تھا ہر کوئی سائرہ اور شہروز کے متعلق عجیب و غریب باتیں کررہا تھا. حالانکہ یہ ہمارا بہت پہ پرسنل معاملہ تھا لیکن سوشل میڈیا سمیت ہر جگہ اس پر بات ہو رہی تھی. اس سوشل میڈیا نے تو تباہ و برباد کرکے رکھ دی ہیں ہماری اخلاقیات . بہروز سبزواری نے یہ بھی کہا کہ میں‌نے سائرہ کو کئی بار یہ مشورہ دیا ہے کہ تم اپنی زندگی میں سیٹل ہوجائو ان کا اشارہ دوبارہ شادی کی طرف تھا.بہروز نے یہ بھی کہا کہ سائرہ اور شہروز کی بیٹی میں ہماری جان ہے.

ماضی کی اداکارہ مشی خان جو سوشل میڈیا پر کافی متحرک رہتی ہیں وہ ہر وقت عمران خان کے حق میں پوسٹیں لگاتی رہتی ہیں. وہ اپنی آزادی رائے اور حق کو استعمال کرنے کا ہنر تو جانتی ہیں لیکن اگر کوئی دوسرا آزادی رائے یا اپنے حقوق کو استعمال کرنا چاہیے تو انکو لیتی ہیں آڑھے ہاتھوں. ایسا لگتا ہے کہ مشی خان کے نزدیک عزت والا یا والی صرف وہ ہے جو عمران خان کے حق میں بولتا یا بولتی ہے کسی دوسرےکے حق میں بولنے والا یا والی نہ عزت والی ہے نہ ہی اسکی اپنی کوئی رائے ہے بلکہ اسکو پیسے دیکر بلوایا یا لکھوایا جاتا ہے. مشی خان نے انسٹاگرام پر ایک

وڈیو شئیر کی اس میں انہوں نے کہا کہ تین خواتین ریحام خان ، عفت عمر اورانگینڈ میں گالیوں میں ڈگری ھاصل کرنے والی شمع جونیجو مشہور ہونے کےلئے عمران خان کا نام استعمال کررہی ہیں وہ جان بوجھ کر اور زندہ رہنے کےلئے عمران خان کو دن رات گالیاں دیتی ہیں اور ان کے خلاف لکھتی ہیں. اگر یہ تینوں ایسا نہیں کریں گی تو شاید ان کا نام نہیں ہو گا اور یہ گمنامی کا شکار ہوجائینگی. ان کی پہچان اب صرف عمران خان کو گالی دینا ہی رہ گئی ہے.عمران خان کروڑوں دلوں پر راج کرتے ہیں پوری دنیا میں مشہور ہیں لہذا کرائے پر ہائر کی ہوئی یہ تینوں خواتین ان کو گالیاں دے کر اپنا نام بنا رہی ہیں اسی سے ان کا گزر بسر ہو رہا ہے.

چھوٹی سکرین کی بہتری اداکارہ سائرہ یوسف کا سوشل میڈیا پر آج کل ایک کلپ بہت زیادہ وائرل ہو رہا ہے اس میں ان سے پوچھا گیا ہے کہ خوبصورتی کے لئے کوئی نصیحت جو آپ کو کسی نے دی ہو تو سائرہ نے کہا کہ یقینا مجھے خوبصورتی کو برقرار رکھنےکے لئے ایک ٹپ دی گئی تھی اور وہ ٹپ مجھے میری دادی نے دی تھی انہوں نے مجھے کہا تھا کہ چائے بہت زیادہ نہ پینا رنگت خراب ہوجائیگی سانولی ہو جائوگی. سائرہ نے کہا کہ میرا اس چیز پر بالکل بھی یقین نہیں ہے کہ چائے پینے سے رنگت خراب ہوتی ہے. میں یہ بھی جانتی ہوں کہ بہت سارے لوگوں کا اس بات پر یقین ہے کہ چائے پینے سے رنگ روپ خراب ہوتا ہے لیکن اصل میں ایسا کچھ بھی نہیں ہے. یاد رہے کہ سائرہ یوسف اپنی زاتی زندگی کو لیکر

کچھ عرصہ پہلے کافی زیادہ خبروں میں رہیں لیکن انہوں نے اپنی ذاتی زندگی پر ایک لفظ نہ کہا یہاں تک کہ ان کی شہروز سے علیحدگی بھی ہو گئی لوگوں نے کئی موقعوں پر ان سے بہت کچھ پوچھنے کی کوشش کی لیکن انہوں نے کبھی بھی کسی بات کا جواب نہیں دیا اور اسے ذاتی مسئلہ کہہ کر اس پر خاموشی اخیتار کئے رکھی.سائرہ کے اپنے نجی معاملے پر خاموشی کو ان کے مداحوں نے سراہا. سائرہ کی ایک بیٹی ہے جو ان کے ساتھ ہی رہتی ہے.

بالی وڈ کی اداکارہ اور اکشے کمار کی اہلیہ ٹونکل کھنہ نے اپنے یوٹیوب چینل پر بات چیت کرتے ہوئے کہا ہے کہ میں نے اپنے بچوں کو پالنے کے لئے بھرپور ماں کا کردار ادا کیاہے. میں نے ہمیشہ پیسے جوڑے بجائے ان کو خرج کرنے کے ، میں جو پیسے جوڑتی تھی اس سے بچوں کی فیسوں کی ادائیگی کرتی تھی، میرا شروع سے ہی دل رہا ہے کہ میرے بچے بڑے ہو کر یہ نہ کہیں کہ ان کی ماں نے انکو صرف آلو پراٹھے کھلائے بلکہ یہ کہیں کہ ہمارے تعلیمی اخراجات بھی پورے کئے. ٹونکل کھنہ نے مزید کہا کہ میں‌نے بچوں کو پڑھانے لکھانے کے ساتھ ساتھ خود بھی مختم قسم کے کورسسز کئے. انہوں نے یہ بھی بتایا کہ جب انہیں ان کی پہلی فلم کا پہلا چیک ملا تو انہوں نے اس چیک سے اپنے لئے گاڑی خریدی تھی. ٹونکل ایک ذمہ دار ماں ہیں یہ

تو سب جانتے ہیں لیکن وہ ایک بھرپور گھرداری کرنے والی خاتون ہیں یہ شاید کم لوگ جانتے ہیں. اکشے کمار کا کہنا ہے کہ میرا گھر ٹونکل نے شروع سے ہی بہت اچھے سے سنبھالا ہوا ہے. یاد رہے کہ اداکارہ ٹونکل کھنہ نے بوبی دیول کے ساتھ 1995 میں فلم برسات سے اپنے فلمی کیرئیر کا آغاز کیا اس کے بعد متعدد فلموں میں کام کیا لیکن ٹونکل بہت بڑی اداکارہ نہ بن سکیں. ان کی فلموں نے اچھا بزنس کیا لیکن غیر معمولی بزنس کسی بھی فلم نے نہ کیا جس کی وجہ سے وہ ہمیشہ ایک ایورج اداکارہ ہی مانی گئیں. انہوں نے 2001 میں آخری فلم لو کے لئے کچھ بھی کرے گا میں کام کیا اس کے بعد وہ آج تک کسی فلم میں نظر نہیں آئیں.

پاکستانی گلوکارہ سائرہ نسیم نے لیا آڑھے ہاتھوں ان کو جو کہتے ہیں کہ ہم غزل سنگر ہیں،. گلوکارہ نے کہا کہ بہت سارے گلوکار کہہ دیتے ہیں کہ ہم غزل سنگر ہیں لیکن وہ ہوتے نہیں ہیں گاتے ہیں تو پتہ لگتا ہے کہ ان کو تو غزل گائیکی کی اے بی سی بھی نہیں پتا. سائرہ نسیم نے کہا کہ غزل گانا نہایت ہی مشکل کام ہے اس کے لئے یا کسی بھی قسم کی گلوکاری کے لئے ریاضت کی ضرورت ہوتی ہے. انہوں نے کہا کہ غزل گانے کےلئے کئی سال چاہیں، کئی سال کی ریاضت چاہیے یہ اتنا آسان کام نہیں ہے جتنا سمجھ لیا گیا ہے.گلوکارہ نے مزید کہ اچھی بات ہے فلمیں بن رہی ہیں فلمیں بنیں گی تو فلم انڈسٹری میںکام ہو گا کام ہو گا تو اس سے جڑے ہر فرد کو بھی روزگار ملے گا.

سائرہ نسیم نے کہا کہ میں فخر محسوس کرتی ہوں جب مجھے میڈم نورجہاں کو خرج عقیدت دینے کے لئے کسی پروگرام میں بلایا جاتا ہے. میڈم نور جہاں نے جتنے بھی گانے گائے وہ نہایت ہی مشکل تھے ان کو گا کر دل کو سکون ملتا ہے اور روح خوش ہوتی ہے کہ اپنی پسندیدہ گلوکارہ کو خراج عقیدت پیش کرنے کا موقع میسر آیا ہے. یاد رہے کہ گلوکارہ سائرہ نسیم نے نوے کی دہائی میں بننے والی فلموں میں اپنی گائیکی کے سر بکھیرے ان کے بہت سارے گیت سپر ہٹ ہوئے.