Category: شوبز

سیلاب نے بلوچستان میں تباہی پھیر کر رکھ دی ہے ، سینکڑوں لوگ بے گھر ہیں، سیلاب متاثرین خوراک ، ٹینٹ ، میڈیکل کی سہولیات سے محروم ہیں اور کھلے آسمان تلے پڑے ہوئے ہیں. بلوچستان کے لوگوں کا کوئی پرسان حال نہیں ہے. معصوم ننھی جانیں جان سے جا رہی ہیں. ایسی صورتحال دیکھ کر ہر کوئی پریشان ہے لیکن ہمارے سیاستدانوں کو شاید آپسی لڑائی جھگڑوں سے فرصت ہی نہیں ہے. حال ہی میں اداکارہ ثمینہ پیرزادہ نے بلوچستان والوں سے اظہار ہمدردی دکھاتے ہوئے سیاستدانوں پر تنقید کی ہے انہوں نے کہا کہ ”ہمارے بڑے ایک دوسرے کو سبق سکھانے میں لگے ہیں اور ملک ڈوب رہا ہے”. انہوں نے تحریک انصاف کے سربراہ عمران خان سے بھی ٹویٹ کے زریعے درخواست کی کہ ”سیلاب

میں گھرے انسانوں کی مدد کرنے کا پلان شیر کریں خدارا” . ثمینہ پیرزادہ نے ایک اور ٹویٹ میں لکھا کہ ” آفتیں یہ نہیں دیکھتیں یہ کس کا صوبہ ہے کس کا گھر ہے انسانوں نے انسانوں کو بچانا ہوتا ہے حکومتوں نے ڈزاسٹر مینجمنٹ کرنی ہوتی ہے۔ یہ وقت سیاست کرنے کا نہیں ہے اور نہ ہی الظام تراشی کا اور نہ ہی پوائنٹ سکورنگ کا ۔اس وقت صرف مدد کی جانی چاہیے”. پاکستانیو پر ایک قیامت ٹوٹ پڑی ہے سیلاب کی صورت میں اور میڈیا بتا ہی نہیں رہا۔ خدارا لوگوں کو سر چھپانے کے لئیے ٹینٹ چاہئیں راشن صاف پانی پینے کے لیئے۔ مدد کریں خدارا.

پاکستان کے معروف گلوکار، موسیقار، کمپوزر فراز حیدر نے 8سال بعد اپنا نیا میوزک ویڈیو ’ڈوب گئے‘ ریلیز کر دیا۔ میوزک ویڈیو میں جادوئی موسیقی کے ساتھ مشہور ماڈل و اداکارہ سبرینا نقوی بھی نظر آرہی ہیں۔ڈوب گئے کی کمپوزیشن،ڈائریکشن اور پروڈکشن فراز حیدر کی خود کی ہے۔ ویڈیو میں دوستی اور محبت سمیت رشتوں میں موجود معمولی فرق اور پیچیدگیوں کو ظاہر کیاگیا ہے۔ یہ گیت دو بہترین دوستوں کے درمیان یک طرفہ محبت اور پالتو کتے اور اس کی انسان سے مضبوط بندھن کی کہانی ہے۔ میوزک ویڈیو ایک مرد اور عورت کے درمیان، دوسری ایک انسان کی اس کے پالتو جانور کے درمیان رشتوں کے گہرے تضاد کو خوبصورتی سے پیش کرتی ہے، جو تقدیر کے ہاتھوں، ترجیحات اور سمجھوتوں

کا ایک کڑوا اور میٹھا سبق سکھاتی ہے۔ اس وڈیو کے حوالے سے فراز حیدر کہتے ہیں کہ گزشتہ آٹھ سالوں میں پاکستان کی میوزک انڈسٹری میں بہت جدت اور تبدیلی آئی ہے۔ لیکن ہمارے مداح اور سامعین آج بھی ویسے ہی، کسی جوہری کی طرح موسیقی ، بہترین آواز کو پرکھنے والے ، اور ہمیشہ اپنے فنکاروں کی قدر کرتے ہیں۔ڈوب گئے بنانے کا سفر متاثر کن اور اعصاب شکن رہا ہے۔ لیکن اب انڈسٹری میں واپسی کے بعد اپنے مداحوں کیلئے زیادہ سے زیادہ خوبصورت دھنیں بنانے کیلئے بے تاب ہوں۔خوشی اس بات کی ہےکہ میرے مداح مجھے پسند کرتے ہیں اور میرے ہر گیت کو پذیرائی دیتے ہیں.

بالی وڈ اداکار وویک اوبرائے کا ایک انٹرویو کلپ ہو رہا ہے بہت وائرل اس میں انہوں نے بتایا کہ وہ شادی کےلئے کیسے راضی ہوئے. وویک نے کہا میری زندگی میں ایک ایسا وقت آیا جب میں بہت پریشان تھا اور میری فلمیں بھی خراب جا رہی تھیں. میں‌اپنی امی کی گود میں سر رکھ کر رویا کرتا تھا اور پوچھا کرتا تھا امی یہ سب میرے ساتھ کیوں ہو رہا ہے میں ڈپریشن میں جا رہا ہوں. تو میری والدہ مجھے کہا کرتی تھیں شادی کر لو سب ٹھیک ہو جائیگا .میں نہیں‌ مانتا تھا .میری والدہ کوششیں کرتی رہیں میں نے کہا میں نے نہیں‌ کرنی شادی. میں کسی فلم کی شوٹنگ کےلئے لندن گیا تھا وہاں سے واپسی پہ ماں کو کال کی اور بتایا واپس آرہا ہوں. تو ماں نے کہاکہ میں نے ایک لڑکی پسند کی ہے وہ آسٹریلیا میں

اپنے والدین کے ساتھ چھٹیاں‌ منانے گئی ہے مل لو اس سے جا کے، اس کے بعد میں‌کبھی شادی کا نہیں‌کہوں‌گی. میں گیا وہاں اور اس سے ملا میں بہت امپریس ہوا، وہ بالکل سادے کپڑوں میں‌آئی سادے بال بنائے ہوئے تھے بغیر میک اپ کے تھی. میں ہیرو گیری کررہا تھا اس نے مجھے پوچھا کیا کرتے ہو میں نے کہا ایکٹر ہوں‌بولی وہ تو آپکا کام ہے آپ ہیں کون کیسے ہو اس سوال کے بعد مجھے لگا کہ بس اسی سے شادی کرنی ہے لہذا میں نے اس سے شادی کا فیصلہ کر لیا ماں کو کال کی تو شرمندہ ہو رہا تھا لیکن میں نے کہا کہ مجھے لڑکی پسند ہے. جولائی میں‌ ملا ، ستمبر میں منگنی اور اکتوبر میں شادی ہو گئی ہماری اور آج میں بہت خوش ہوں.

شیفالی شاہ بالی ووڈ کی مقبول اداکارہ ہیں انہوں نے حال ہی میں فلم ڈارلنگز میں عالیہ بھٹ کی ماں کا کردار ادا کیا ہے، انہوں نے اس میں ایسی خاتون کا کردار ادا کیا ہے جو نجی زندگی میں مسائل سے گزرتی ہے . شفالی شاہ نے ایک انٹرویو دیا ہے اس میں ان سے جب پوچھا گیا کہ رشتے میں خرابی کی سب سے بڑی وجہ کیا دیکھتی ہیں تو انہوں نے کہا کہ ” بے عزتی ” . اداکارہ نے کہا کہ بے عزتی مزاح کی بہت ہلکی سطح سے شروع ہو سکتی ہے اور آپ کو اس کا احساس نہیں ہوتا۔ یہ اس طرح شروع ہوتی ہے کہ ” آرے وہ تو ایسا ہی کرتا ہے… آرے وہ تو ویسا ہی کرتا ہے… آرے اسکو تھوڑی نہ سمجھ آئے گی”۔ لیکن مسلسل یہ چیز چلتی رہے اور آپ کو دبایا جائے اور ایک وقت ایسا آئے کہ آپ کو بھی لگے کہ اگر

میں نے کچھ کہا یا اپنے خیالات کا اظہار کیا تو اس کا ری ایکشن پتہ نہیں کیا ہو گا تو پھر یہ سیریس مسئلہ ہے جس کے بارے میں آپ کو سوچنا چاہیے. اگر آپ کسی کے سامنے اپنے آپ کو لیکر ہی فکر مند ہیں تو یقینا یہ ایک بہت ہی گھمبیر اور سیریس مسئلہ ہوتا ہے. یاد رہے کہ شیفالی شاہ آج کل اپنی انتہائی کامیاب سیریز دہلی کرائم کے دوسرے سیزن کی تیاری کر رہی ہیں۔ پہلے سیزن نے پچھلے سال بین الاقوامی ایمی ایوارڈ جیتنے والا پہلا ہندوستانی شو بن کر تاریخ رقم کی.

کپل شرما شو کو بھارت سمیت پاکستان میں بھی بہت پسند کیا جاتا ہے. اس شو میں بالی وڈ کی بڑی بڑی شخصیات شوق سے جاتی ہیں شاہ رخ خان اور امیتابھ بچن جیسے بڑے آرٹسٹ بھی اس شو میں جانے میں فخر محسوس کرتے ہیں. کپل شرما کا نیا سیزن 10 ستمبر سے شروع ہو رہا ہے جس میں ایک بار پھر ہمیں بالی وڈ کی شخصیات کے انٹرویوز دیکھنے کو ملیں گے. کہا جا رہا ہے اس شو کا سیٹ تیار ہو چکا ہے اور آج کل کپل شرما شو کی تیاری کررہے ہیں حال ہی میں‌ کپل شرما نے اپنی ٹیم کے ساتھ شو کا پرومو بھی ریکارڈ کروایا ہے. اطلاعات یہ بھی ہیں کہ نئے سیزن

میں بہت سارے نئے نوجوان کامیڈین کو متعارف کرایا جائے گا جبکہ شو کا طریقہ کار پہلے جیسا ہی ہوگا۔کپل شرما نے سیزن کے پروگرامز کی ریکارڈنگ بھی شروع کر دی ہے حالیہ دنوں میں جو ریکارڈنگ کی گئی ہے وہ بالی وڈ کے کھلاڑی اکشے کمار کے ساتھ کی ہے. کپل شرما شو میں پہلے جو ٹیم دکھائی دے رہی تھی کہا جا رہا ہے اس ٹیم سے بہت سارے لوگ ہمیں اس سیزن میں‌ نظر نہیں آئیں گے. پہلے تو نوجوت سنگھ سدھو کی جگہ ارچنا پورن سنگھ نے لے لی اب کی بار کون ہو گا یا وہی ہوں گی شو میں، اس ھوالے سے تفصیلات آنا باقی ہیں.

معروف بھارتی کامیڈین راجو شری واستو جن کو ایکسرائز کرتے ہوئے دل کا دورہ پڑا، انہیں ہسپتال منتقل کر دیا گیا تھا اس کے بعد ان کی طبیعت میں کافی خرابی آئی. کیونکہ راجو کے دماغ میں سوجن ہونا شروع ہو گئی تھی ڈاکٹروں نے ان کی طبیعت کی بحالی کی تمام تر کوشیں کیں طبیعت اس حد تک خراب ہوئی کہ ان کو وینٹی لیٹر پر منتقل کر دیا گیا. اب خبریں ہیں کہ راجو کی طبیعت میں بہتری آنے لگی ہے لیکن ان کو وینٹی لینٹر سے نہیں اتارا گیا. راجو کے بھائی نے میڈیا کو بتایا ہے کہ خبر وہی سچ ہے جو ہم بتارہے ہیں. راجو کے بھائی نے کہا کہ میں کل سے ایک خبر سن رہا ہوں جس کے مطابق راجو کو وینٹی لیٹر سے ہٹا دیا گیا ہے ایسا کچھ نہیں ہے . ہم تو دعا گو ہیں کہ ایسا ہو لیکن

تاحال ایسا نہیں ہوا لیکن خوشی کی بات یہ ہے کہ انکی طبیعت میں پہلے سے بہتری آرہی ہے لیکن وہ مسلسل وینٹی لیٹر پر ہی ہیں. راجو مسلسل بے ہوشی کی حالت میں ہیں ڈاکٹرز پوری کوشش کررہے ہیں انکی طبیعت کی بحالی کی. ہمارے لئے یقینا وہ خوشی کا دن ہو گا جب ان کو وینٹی لیٹر سے ہٹایا جائیگا اور وہ ہم سب سے بات کریں گے لیکن فی الحال اس حوالے سے ایسی کوئی بات نہیں ہے. راجو نے کہا کہ راجو کے پوری دنیا میں مداح موجود ہیں میں ان سے اپیل کرتا ہوں کہ ہمارے بھائی کی صحت یابی کے لئے دعا کی جائے.

بالی وڈ اداکار رنبیر کپور اپنے والد رشی کپور کی طرح بولتےہوئے نہیں سوچتے یہ نہیں خیال کرتے کہ جو وہ آج بول رہے ہیں اس کے کل کیا اثرات ہوں گے. رنبیر کپور اور عالیہ بھٹ نے گزشتہ دنوں ایک انٹرویو دیا اس میں رنیبر سے ایک سوال ہوا تو انہوں نے عالیہ بھٹ کی طرف دیکھتے ہوئے کہا تھا ” کوئی پھیل گیا ہے” رنبیر کپور کو اپنے اس بیان پر کافی زیادہ مزاحمت کا سامنا کرنا پڑا. ان کے اس مذاق کو سوشل میڈیا پر بہت زیادہ تنقید کا نشانہ بنایا گیا یہاں تک کہ رنبیر کپور کی فلموں کے بائیکاٹ کا ٹرینڈ بھی چلایا گیا. رنبیر کپو ر نے جب دیکھا کہ بات ہاتھ سے نکل گئی ہے تو ان کو گھٹنے ٹیکنا پڑے اور معاف مانگ لی. رنبیر کپور نے کہا کہ میرا حس مزاح بہت اچھا نہیں ہیں مجھے محسوس نہیں‌ہواکہ میں کیا بول

رہا ہوں. میری بیوی میرے مزاج کو سمجھتی ہیں اور ان کو پتہ ہے کہ میں مزاق کررہا تھا اور میں ان کو مذاق میں چھیڑتا رہتا ہوں لیکن میرے مداحوں کو جو ذہنی اذیت ہوئی ہے میں اس پر ان سے معافی مانگتا ہوں یقینا سب ہم سے پیار کرتے ہیں اور ہمارے منہ سے نکلے الفاظوں کو غور سے سنتے ہیں اس لئے ہمیں سوچ سمجھ کر بولنا چاہیے. یوں رنیبر کپور نے معافی مانگ کر اپنے خلاف بڑھتی ہوئی نفرت اور تنقید کو بریک لگا دی.

لیجنڈ ڈائریکٹر شعیب منصور نے 2007 میں بنائی فلم خدا کے لئے اس فلم میں انہوں نے نوجوان فواد خان کو متعارف کروایا. فواد خان کا یہاں سے باقاعدہ طور پر اداکاری کا کیرئیر شروع ہوا. اس فلم میں گوکہ فواد خان کا کردار نہایت ہی مختصر تھا لیکن انہیں‌نوٹس ضرور کیا گیا. اس کے بعد فواد خان نے متعدد ڈرامے کئے ڈرامہ سیریل ہمسفر نے کامیابی کے نئے ریکارڈز قائم کئے اس ڈرامے کی دھوم ہمسایہ ملک بھارت میں بھی پہنچی وہاں کے بڑے بڑے فلمسازوں نے ماہرہ خان اور فواد خان کے کام کو نوٹس کیا اس کے بعد انہیں وہاں آنے کی دعوت دی اور بڑے بجٹ کی بڑی فلموں‌ میں کاسٹ کیا . اس کے بعدایسا محسوس ہواکہ فواد خان کی ترجیحات میں شاید بالی وڈ‌فلمیں ہی ہیں . فواد خان آخری بار 2007 میں پاکستانی فلم خدا کے لئے میں نظر

آئے اس کے پندرہ سال کے بعد وہ کسی پاکستانی فلم میں دکھائی دے رہے ہیں. دا لیجنڈ آف مولا جٹ میں فواد مولا جٹ کے کردار میں نظر آرہے ہیں ان کے مداح ان کو دیکھنےکےلئے کافی بے تاب دکھائی دے رہے ہیں . اہم بات یہ ہے کہ فواد خان ایک دہائی کے بعد ماہرہ خان کے ساتھ کسی پراجیکٹ میں‌نظر آرہے ہیںاس لئے بھی شائقین دا لیجنڈ آف مولا جٹ کو دیکھنے کےلئے بے تاب ہیں. یاد رہے کہ دا لینجنڈ آف مولا جٹ میں نہ ڈانس ہے نہ ہی کوئی گانا ہے. بلال لاشاری کی فلموں میں عموما گانے کم ہی ہوتے ہیں.

ملائکہ اروڑا بالی ووڈ کی سب سے زیادہ پسند کی جانے والی اداکارائوں میں سے ایک ہیں۔ بڑے پیمانے پر ان کے مداح ہیں اور وہ اپنی فین فالونگ سے یقینا لطف اندوز ہوتی ہیں.اداکارہ کو اکثر اپنے جم کے باہر دیکھا جاتا ہے اور ہم سب جانتے ہیں کہ وہ اپنی فٹنس کا کتنا خیال رکھتی ہیں۔ کل رات بھی ان کو دیکھا گیا لیکن وہ جم کے باہر نہیں تھیں بلکہ اپنے بیٹے ارہان خان کو الوداع کہنے کے لیے ممبئی ایئرپورٹ پر تھیں ان کا بیٹا پڑھائی کےلئے بیرون ملک جا رہا تھا.ان کے ساتھ ان کے سابق شوہر اور ارہان کے والد ارباز خان بھی تھے۔ یہ پہلا موقع نہیں تھا جب سابق جوڑا ائیرپورٹ پر اپنے بیٹے کو الوداع کہنے کے لیے اکٹھا ہوا تھا۔اس سے پہلے بھی ایک دوسرے کے ساتھ

ایسے ہی موقعوں پر دیکھے گئے ہیں. اس موقع پر ملائکہ اروڑ نے ہلکے نیلے رنگ کی اوور سائز کی قمیض پہنی تھی ،انہوں نے اپنے بالوں کوجوڑے کی صورت میں باندھ رکھا تھا. دوسری طرف ارباز خان نے سبز رنگ کی چیک شرٹ پہنی تھی. ارہان نے جانے سے پہلے اپنی ماں اور باپ دونوں کو گلے لگایا اس کے بعد ارباز خان اور ملائکہ کے درمیان مختصر بات چیت بھی ہوئی.یاد رہے کہ ملائکہ اروڑ اور ارباز خان علیحدگی کے بعد تاحال شادی کے بندھن میں دوبارہ نہیں بندھے تاہم ملائکہ ارجن کپور کو ڈیٹ کر رہی ہیں.

بی جے پی رہنما اور بگ باس سے شہرت پانے والی سونالی پھوگٹ کا گزشتہ روز انتقال ہو گیا تھاابتدائی رپورٹس کے مطابق ان کی موت دل کا دورپڑنے سے ہوئی لیکن سونالی کی بہن نے ایک ٹی وی انٹرویو میں‌کہا ہے کہ ہمیں شک ہے کہ اس کے کھانے میں‌ذہر ملایا گیا اور زہر کھانےسے اسکی موت ہوئی ہے. سونالی کی بہن نے مزید یہ بھی کہا کہ وہ بالکل ٹھیک تھی اور اس نے ہمیں بتایا تھا کہ وہ شوٹنگ کے لئے کہیں آئوٹ ڈور جا رہی ہے اور ستایس اگست کو واپس آجائے گی . سونالی کی بہن نے مزید کہا کہ جب سونالی نے کھانا کھایا تو اس نے ماں کو کال

کرکے کہ کہا میں کھانا کھانے کے بعد کچھ اچھا محسوس نہیں‌کررہی. سونالی نے اس شک کا بھی اظہار کیا تھا کہ میرے خلاف سازش ہو رہی ہے اور مجھے لگ رہا ہے کہ میرے کھانے میں‌شاید کچھ ملایا گیا ہے .سونالی کی بہن نے یہ بھی کہا کہ سونالی نے ان سے کہا تھا ” میرے خلاف کوئی سازش ہو رہی ہے”یاد رہے کہ گزشتہ روز ایک خبر آئی تھی کہ سونالی پھوگاٹ دل کا دورہ پڑنے سے انتقال کر گئی ہیں لیکن اب ان کی بہن نے انکو زہر دینے کے شک کا اظہار کر دیا ہے.رپورٹس کہتی کے مطابق جب سونالی کا انتقال ہوا وہ گوا میں تھیں.