Category: شوبز

مہرب معزاعوان کے آج کل سوشل میڈیا پر کافی چرچے ہیں۔فیشن ڈیزائنر ماریہ بی نے ان کے بارے میں دعوی کیا ہے وہ ٹرانس جینڈر نہیں ہیں بلکہ مرد ہیں۔ ماریہ بی نے سوشل میڈیا پر اس حوالے سے ایک لمبی چوڑی پوسٹ بھی لگائی۔ اس پوسٹ پر رد عمل دیتے ہوئے اب مہرب معز اعوان بھی آگئے ہیں میدان میں۔ انہوں نے معروف فیشن ڈیزائنر ماریہ بی کو چیلنج دیدیا ہے اور اپنے ایک وڈیو پیغام میں کہا ہے کہ ماریہ بی میرے بارے میں جتنے اور جو بھی دعوے کررہی ہیں وہ سب کے سب غلط ہیں۔ان کا یہ کہنا کہ میرا تعلق ٹرانس جینڈر کمیونٹی سے نہیں ہے تو وہ بالکل غلط کہہ رہی ہیں۔مہرب معز اعوان نے مزید کہا کہ ماریہ آپ قانون کھول کر پڑھ لیں ٹرانس جینڈر کی تعریف کیا ہے آپ کو معلوم پڑ جائیگا۔انہوں نے ماریہ بی کو

پاکستان کا ٹرانس جینڈر پروٹیکشن ایکٹ پڑھنے کا مشورہ بھی دیا۔انہوں نے مزید یہ بھی کہا کہ ہم سب جانتے ہیں کہ آپ کا برینڈ فیل ہو رہا ہے اس لئے آپ کو اس طرح کی حرکتیں کرنا پڑتی ہیں خود کو زندہ رکھنے کے لئے آپ کو یہ سب کرنا پڑ رہا ہے آپ کی شاید یہ مجبوری ہے لیکن اگر آپ نے یہ سلسلہ جاری رکھاتو یقینا میرا وکیل آپ کے وکیل سے گفتگو کرے گا تو کیا خیال ہے اس بارے میں ، ہوجائے پھر؟

بھارتی کامیڈین راجو شری واستو جن کے بارے میں ڈاکٹروں نے کہا تھا کہ وہ صحتیاب ہو رہے ہیں لیکن ایک بار پھر سے ان کی حالت بگڑ گئی ہے ، ان کے دماغ میں سوجن ہوگئی ہے اور اس سوجن کی وجہ سے ان کا دماغ ٹھیک طرح سے کام نہیں کررہا۔کہا جا رہا ہے کہ ان کی فیملی نے سکھ کا سانس لیا تھا جب ڈاکٹرز نے انہیں کہا کہ کامیڈین پہلے سے بہتر ہو رہا ہے۔تازہ اطلاعات یہ ہیں کہ راجو شری واستو کے دماغ میں سوجن ہو گئی ہے جو کہ ڈاکٹرز کے مطابق الارمنگ ہے۔ راجو کے پرسنل سیکرٹری گاروت نارنگ نے انڈیا ٹوڈے سے بات کرتے ہوئے کہا ہے کہ ڈاکٹروں کو راجو کے دماغ میں اس وقت سوجن

محسوس ہوئی جب وہ راجو شری واستو کو انجیکشن دے رہے تھے۔ نارنگ نے کہا کہ ڈاکٹروں کو امید ہے کہ راجو کی حالت بہتر ہو جائے گی، اور سوجن کم ہونے کے بعد ان کا دماغ دوبارہ کام کرنا شروع کر دے گا۔یاد رہے کہ راجو شری واستو کو رواں ماہ 10 اگست کو ورزش کے سیشن کے دوران دل کا دورہ پڑا اور وہ گر پڑے انہیں اس کے بعد فورا ہسپتال لیجایا گیا جہاں ڈاکٹروں نے ان کے سانس کی بحالی کو یقینی بنایا ۔راجو شری واستو ایک معروف کامیڈین ہیں ان کے مداح ان کی طبیعت کی خرابی کا سن کر کافی پریشان اور دعا گو ہیں۔

لالی وڈ کی اداکارہ زارا شیخ بڑی اور چھوٹی سکرین پر کم کم نظر آتی ہیں. بڑی سکرین پر تو ایک عرصے سے نظر ہی نہیں آرہیں .ماضی قریب میں وہ عمران اشرف اور سارا خان کے ساتھ ڈرامہ سیریل رقص بسمل میں نظر آئیں ان کے کردار کو کافی سراہا گیا. انہوں نے حال ہی میں ایک انٹرویو دیا ہے اور کہا ہے کہ میں اپنی مرضی اور مزاج کے مطابق کام کرتی ہوں. میں نے ہمیشہ پاور فل کرداروں کو ترجیح دی ہے اگر کردار پاور فل نہ ہو تو میں کسی صورت پراجیکٹ سائن نہیں کرتی یہی وجہ ہے کہ میں شائقین کو ٹی وی پر کم دکھائی دیتی ہوں. زارا شیخ نے کہا کہ میں نے بہت شہرت سمیٹی اور بہت کام کیا اور

مرضی کاکام کیا، میں نے شہرت حاصل کرنے کے لئے اوچھے ہتھکنڈوں کا استعمال نہیں کیا. میں یہ بھی جانتی ہوں کہ خبروں میں رہنے کےلئے جان بوجھ کر جھوٹے سچے سکینڈلز بنوائے جاتے ہیں، میں ایسی باتوں پر یقین نہیں رکھتی. میں اچھا اور بہتر کام کرنے پر یقین رکھتی ہوں یہی وجہ ہے میں جب اور جتنی ضرورت ہو سامنے آجاتی ہوں. زارا شیخ نے مزید کہا کہ کام کا مزہ تب آتا ہے جب آپ کی مرضی کے مطابق ملے اور میں نے ہمیشہ اپنے کام کو انجوائے کیا.مجھے لگتا ہے کہ اگر آرٹسٹ اپنے کام کو انجوائے کرے تو شائقین بھی انجوائے کرتے ہیں.

راحت فتح علی خان ایسے قوال / گلوکار ہیں کہ جن کی پرستار وہ شخصیات ہیں جن کی دنیا دیوانی ہے. بالی وڈ کے تینوں خانز شاہ رخ خان، عامر خان اور سلمان خان راحت فتح علیخان کے فن کے دیوانے ہیں اور سلمان خان کی تو کوشش ہوتی ہےکہ اپنی فلم میں راحت فتح علی خان سے ایک گانا ضرور گوائیں. سلمان خان راحت فتح علی خان کو بے انتہا پسند کرتے ہیں اسی طرح سے راحت نے متعدد مرتبہ بالی وڈ کی فلموں کے لیے گایا اور ہر گانے نے ریکارڈ بنایا. راحت نے حال ہی میں ایک انٹرویو دیا ہے اس میں انہوں نے کہا کہ نصرت فتح علیخان نے پوری دنیا میں قوالی کو نئی جہتوں سے متعارف کروایا، ان کا

قوالی گانے کا جو انداز تھا وہ مجھ جیسا موسیقی کا ادنی سا طلب علم بھی نہیں اپنا سکتا. انہوں نے مزید کہا کہ قوالی ہمارے خاندان کی روایت ہے لہذا نصرت فتح علیخان کے انتقال کے بعد مجھے اس روایت کو آگے لیکر چلنا پڑا اور میں پوری کوشش کررہا ہوں کہ اس روایت کا امین بنا رہوں. ایک سوال کے جواب میں انہوں نے کہا کہ لوگ تعریف کرتے ہیں تو اچھا لگتا ہے ، کچھ لوگ تو مجھے موسیقی کے استاد کا درجہ دیتے ہیں لیکن میں خود کو موسیقی کے فن کا بہت ہی معمولی طالب علم سمجھتا ہوں. یاد رہے کہ راحت فتح علیخان نے ایک انٹرویو میں کہا تھا کہ مجھے گلوکار کی بجائے قوال کہا جائے تو زیادہ اچھا لگتا ہے.

کائنات کی حسین لڑکی سشمیتا سین جو اپنے تعلقات کی وجہ سے ہمیشہ ہی خبروں میں‌رہتی ہیں. ہر چند ماہ کے بعد وہ کسی ایک نئے رشتے میں بندھ جاتی ہیں جس کے بعد ہر طرف انہی کے چرچے ہوتے ہیں . حال ہی میں سشمیتا سین اس وقت بہت زیادہ خبروں میں آئیں جب انہوں نے اپنے رشتے کا اعلان آئی پی ایل کے سابق چیئرمین للت مودی کے ساتھ کیا. سوشل میڈیا پر تنقید کے بعد سشمیتا اور للت مودی کو بتایا پڑا کہ ہم صرف اچھے دوست ہیں. سشمیتا سین کے بارے میں کہا جا تا ہے کہ وہ من موجی ہیں اور جو ان کا دل کرتا ہے وہ کرتی ہیں. وہ کسی بھی نئے رشتے کو بنانے کے لئے پرانے رشتے کو ختم کرنے میں

گھبراہٹ کا شکار نہیں ہوتیں. سشمیتا سوشل میڈیا پر کافی متحرک ہیں ھال ہی میں انہوں نے اپنی نہایت ہی ایک خوبصورت تصویر شئیر کی اور اس تصویر میں دیکھا جا سکتا ہے کہ سشمیتا سین اپنی گاڑی کے سائیڈ والے شیشے کو دیکھ رہی ہیں ”یہ کہہ رہی ہیں یہ لڑکی بارش سے پیار کرتی ہے اور یہ لڑکی ممبئی سے بھی پیار کرتی ہے” . سشمیتا سین کی اس تصویر اور اس کے کیپشن کے کمنٹس باکس میں صارفین نے لکھا کہ ہم بھی آپ سے بہت پیار کرتے ہیں کسی نے لکھاکہ آپ بہت خوبصورت ہیں تو کسی نے لکھاکہ اپ جیسا کوئی نہیں.

بونی کپور کے بیٹے اور بالی وڈ اداکار ارجن کپور نے کر لیا ہے اپنی غلطی کا اعتراف ان کا کہنا ہے کہ جب عامر خان کی فلم لال سنگھ چڈھا کے بائیکاٹ کی مہم چل رہی تھی اس وقت ہمیں بولنا چاہیے تھے مجھے افسوس ہے کہ میں کیوں نہیں بولا. ہمارے نہ بولنے کی وجہ سے فلم ناکامی کا شکار ہو گئی اور ایک بڑے طبقے نے فلم نہیں دیکھی. انہوں نے کہا کہ صرف مجھ سے نہیں ہم سب سے غلطی ہوئی ہے کہ ہم بائیکاٹ کے ٹرینڈ پر بولے نہیں. ہم سب بالی وڈ والوں کو چاہیے کہ متحد ہوجائیں اور بائیکاٹ کے ٹرینڈز کی حوصلہ شکنی کریں. کہا جا رہا ہے کہ اکشے کمار بائیکاٹ کے ٹرینڈ پر بولے تھے اس لئے وہ

بھی بائیکاٹ کی مہم کا شکار ہو گئے اور نتیجہ یہ نکلا کہ عامر خان کی فلم لال سنگھ چڈھا کے ساتھ ریلیز ہونے والی فلم رکشہ بندھن بھی بری طرح فلاپ گئی لوگ دیکھنے گئے لیکن ایک بڑے طبقے نے فلم نہ دیکھی. کہا جا رہا ہے کہ جو بھی آرٹسٹ بائیکاٹ جیسی مہم کے خلاف آواز اٹھا رہا ہے اس کی فلم بری طرح ناکامی سے دوچار ہو رہی ہے. ارجن کپور نے جہاں غلطی کا اعتراف کیا وہیں انہوں نے تشویش کا اظہار کیا انہوں نے کہا کہ یہ رجحان بالی وڈ کی فلموں کے لئے زہر قاتل ہو گا ہم سب کو مل کر اس پر بات کرنی چاہیے اور اس ھوالے سے ایک پلیٹ فارم پر اکٹھا ہوجانا چاہیے.

بالی وڈ میں چند ایک کامیڈین کافی مشہور ہیں علی اصغر ان میں سے ایک ہیں. علی اصغر بہترین کامیڈی کرتے ہیں کمال کی کامیڈی ٹائمنگ رکھتے ہیں. علی اصغر اداکار رشی کپور کی بہترین نقل اتارا کرتے تھے ایک بار رشی کپور نے کہا بھی تھا کہ اداکار علی اصغر میری بہت اچھی نقل اتارتے ہیں اور میں ان کے اس فن س بہت متاثر ہوں. علی اصغر نے کافی عرصہ تک کپل شرما شو میں کام کیا اس شو میں وہ ایک عورت کا کردار نبھاتے تھے لیکن اچانک سے انہوں نے 2017 میں اس شو سے علیحدگی اخیتار کر لی کہا جاتا ہے کہ علیحدگی شو میں کسی دوسرے کامیڈین کی وجہ سے اخیتار کی. لیکن علی اصغر نے حال ہی

میں ایک انٹرویو میں کپل شرما شو سے علیحدگی کی وجوہات پر بات کرتے ہوئے کہا ہے کہ میں ایک عرصے سے کامیڈی ہی کرتا آرہا ہوں سب مجھے کامیڈین کے طور پر ہی جانتے ہیں اور دیکھنا بھی صرف عورت کے روپ میں چاہتے ہیں. ٹھیک ہے یہ میرے چاہنے والوں کی محبت ہے لیکن میں عورتوں کے کردار کرکے تھک گیا ہوں اور مجھے ڈر لگنے لگا تھا کہ کہیں میری صلاحیتیں صرف ایک ہی طرح کا کردار کرنے سے دب کر نہ رہ جائیں اس لئے مجھے کپل شرما شو سے علیحدہ ہونا پڑا. لیکن میں یہ دیکھ رہا ہوں کہ میری صلاحیتوں کو کوئی آزمانے کو تیار ہی نہیں مجھے کوئی دوسرا رول دینے کو تیار ہی نہیں جو کہ میرے لئے مایوس کن بات ہے.

نوجوان نسل کی نمائندہ گلوکارہ آئمہ بیگ بہت پاپولر ہیں ان کی آواز میں گائے ہوئے گیت پاکستانی کی نامور ہیروئینز پر پکچرائز ہوتے ہیں. آئمہ بیگ نے گلوکاری کو باقاعدہ کیرئیر بنانے سے پہلے ٹی وی کے پروگرامز کئے. آئمہ بیگ چونکہ گلوکاری کے شعبے میں ہی جانا چاہتی تھیں لہذا انہوں نے گلوکاری کے کیرئیر کو اپنا لیا. آج آئمہ کا شمار پاکستان کی صف اول کی گلوکاروں میں ہوتا ہے. آئمہ ساحر علی بگا جیسے بڑے موسیقاروں کے ساتھ کام کر چکی ہیں. پی ایس ایل کا اینتھم بھی گا چکی ہیں. آئمہ بیگ نے بے شک اردو میں کافی پروگرامز کئے ہیں لیکن آج بھی وہ اردو بولنے میں ہچکچاہٹ کا شکار ہو جاتی ہیں. ان سے اگر کوئی مسلسل اردو میں بات کرنا چاہے تو وہ گھبرا جاتی ہیں.ایسا ہی حال ہی میں ہوا اس وقت جب

ایک صحافی نے ان سے انٹرویو کیا آئمہ مسلسل انگلش میں بات کررہی تھیں صحافی نے گلوکارہ کو بار ہا منع کیا اور کہا کہ آئمہ آپ اردو میں بات کریں. آئمہ ایک لمحے کو اردو میں بات کرتیں تو دوسرے ہی لمحے پھر انگلش میں بات کرنے لگ جاتیں جب صحافی نے بار بار ٹوکا تو ایک وقت میں وہ شرمندہ ہوکر کہنے لگیں اصل میں ارد گرد کا جیسا ماحول ہو آپ ویسی ہی زبان بولنے لگ جاتے ہو.مجھے اچھی اردو بولنی آتی ہے لیکن انگلش میں زرا روانی ہے اس لئے شاید بے اختیار انگلش منہ سے نکلنا شروع ہو جاتی ہے.

بالی وڈ کے پرفیکشنسٹ عامر خان کی فلم لال سنگھ چڈھا جس کی ریلیز سے قبل یہ فلم ہر حوالے سے رہی چرچا میں .یہ فلم اس لئے بھی چرچا میں رہی کیونکہ یہ ہالی وڈ فلم فارسٹ گمپ کا ری میک ہے. 11 اگست کو ریلیز ہونے والی اس فلم کے بارے میں ڈائریکٹر اور اداکاروں کی طرف سے بڑے بڑے دعوے کئے گئے. عامر خان اس فلم کو لیکر کافی پرجوش تھے ان کا کہنا تھا کہ اگر اسکو شائقین کی طرف سے پسند نہ کیا گیا تو مجھے بہت برا لگے گا.فلم ریلیز ہونے کے بعد کے جو باکس آفس رزلٹس آئے ہیں وہ کافی مایوس کن ہیں.کہا جا رہا ہے کہ فلم اچھا بزنس نہ کر پانے کی وجہ سے عامر خان کو لگا ہے ایک بڑا دھچکا. لال سنگھ چڈھا کی اب تک کی کمائی ان کی پہلی فلموں کے بزنس سے کافی کم ہے. فلم نے پہلے چھ دن میں صرف

چھیالیس کروڑ کمائے. فلم کی ابھی تک کی کمائی کو دیکھتے ہوئے اسے ناکام ترین فلم کہا جا رہا ہے. بلکہ اس سال میں جتنی بھی فلمیں ریلیز ہوئی ہیں ان میں سب سے کم بزنس لال سنگھ چڈھا کا ہے یوں فلم بری طرح ناکامی سے دوچار ہو گئی ہے. دوسری طرف یہ بھی کہا جا رہا ہے کہ فلم کے بائیکاٹ کا جو ٹرینڈ چل رہا تھا اس نے بھی فلم کے بزنس کو کافی متاثر کیا ہے اور ایک بڑا طبقہ فلم دیکھنے ہی نہیں گیا.دوسری طرف فلم کے ڈسٹری بیوٹرز بھی کافی مایوس ہیں.

مادر ملت محترمہ فاطمہ جناح پر بننے والی سیریز ہے کافی چرچہ میں.شائقین کے لئے یہ سیریز اس لئے بھی زیادہ دلچپسی کا باعث بن رہی ہے کیونکہ اس میں سجل علی فاطمہ جناح کا کردار ادا کررہی ہیں. اس سیریز میں فاطمہ جناح کے لڑکپن اور جوانی کا کردار سندس فرحان جب کہ ان کی ادھیڑ عمری کا کردار سجل علی اور زائد العمری کا کردار سامعہ ممتاز کر رہی ہیں. ٹریلر کافی شاندار ہے اور دیکھ کر باقاعدہ محسوس ہو رہا ہے کہ ہم شاید قیام پاکستان کے وقتوں کو اپنی نظروں سے دیکھ رہے ہیں یا پاکستان بنتا ہوا دیکھ رہے ہیں. سوشل میڈیا سے راتوں رات شہرت حاصل کرنے والی دنا نیر مبین اس میں ایک صحافی کا کردار کررہی ہیں اس صحافی کے کردار کا نام انیتا پونا والا ہے. عمر عبداللہ نے فاطمہ جناح کے سیکرٹری جوزف کا کردار کیا ہے. اس

سیریز میں مفصل طریقے سے فاطمہ جناح کی زندگی کا احاطہ کیا گیا ہے. یہاں تک کہ اس میں فاطمہ جناح کو صدارتی امیدوار کا الیکشن لڑتے ہوئے بھی دکھایا گیاہے. ٹریلر سے محسوس ہو رہا ہے کہ تمام اداکاروں نے اپنے اپنے کردار ادا کرنے کےلئے جی جان لگا دی ہے. فاطمہ جناح پر بننے والی سیریز کو دانیال کے افضال نے ڈائریکٹ کیا ہے .سیریز قیام پاکستان اور قیام پاکستان سے پہلے کے حالات کے گرد گھومتی ہے جو یقینا دیکھنے سے تعلق رکھتے ہیں. سیریز کا ٹریلر شائقین نے بہت پسند کیا ہے اور یقینا وہ اس کی ریلیز کے منتظر ہیں تاہم اطلاعات یہی ہیں کہ اگلے برس فاطمہ جناح پر بننے والی سیریز ریلیز کی جائیگی.