Category: شوبز

اداکارہ عروہ حسین جنہوں نے منفی کرداروں سے کیرئیر کی شروعات کی لیکن بعد میں انہوں نے بطور ہیروئین کردار ادا کئے. ڈرامہ سیریل اڈاری میں ان کا کردار آج تک لوگوں‌کو یاد ہے. عروہ نے چھوٹی سکرین کے ساتھ ساتھ بڑی سکرین پر بھی کام کیا. ان کا شمار آج کے دور کی کامیاب اداکارائوں میں ہوتاہے. اداکارہ نے محبت کی شادی فرحان سعید سے کی. کافی عرصے سے ان کی علیحدگی کی خبریں چل رہی ہیں عروہ نے ابھی تک ایسی خبروں پر ری ایکشن نہیں دیا لیکن انہوں نے حال ہی میں جو انٹرویو دیا ہے وہ کافی جذباتی ہے اس میں انہوں نے کہا ہے کہ مرد زندگی کی ضرورت نہیں ہیں، ہمارے معاشرے میں یہ جو سوچ پائی جاتی ہے کہ مرد کے بغیر زندگی نہیں گزاری جا سکتی ہے میں اس سے اتفاق نہیں کرتی اگر کوئی مرد

کے ساتھ رہنا چاہے تو کوئی بری بات نہیں بہت اچھی بات ہے لیکن مرد زندگی کی ضرورت نہیں ہے. عروہ حسین کے انٹرویو کا یہ کلپ جس میں انہوں نے مردوں پر بات کی ہے وہ سوشل میڈیا پر کافی وائرل ہو رہا ہے اور بہت سارے لوگ اس انٹرویو میں کہی ہوئی باتوں‌کو فرحان سعید کی طرف اشارہ قرار دے رہے ہیں. تاہم اس انٹرویو میں انہوں نے اپنی ذاتی زندگی کا کوئی ایسا تجربہ شئیر نہیں کیا یا کوئی واضح اشارہ نہیں دیا کہ جس سے لوگوں‌کی اس بات کو تقویت ملے کہ ان کا رشتہ ختم ہو چکا ہے لیکن یہ بات ضرور ہے کہ اس انٹرویو کے بعد ان کو انکے مداحوں کی طرف سے جذباتی سپورٹ ضرور مل رہی ہے.

اداکارہ ثمینہ پیرزادہ جو کہ عمران خان کی سپورٹ میں آج کل کافی سیاسی بیانات دیتی رہتی ہیں. انہوں نے حال ہی میں ایک انٹرویو دیا ہے اور کہا ہے کہ ہمارے ہاں آج بھی بننے والا ڈرامہ ہمسایہ ملک میں بننے والے ڈرامے سے بہتر ہے. ہمارا ڈرامہ آج بھی ہمسایہ ملک میں پسند کیا جاتا ہے. ہمیں ایسی کہانیوں کو موضوع بنانا چاہیے جس سے معاشرے میں بگاڑ پیدا نہ ہو بلکہ اصلاح کا پہلو نکلے، ہمیں اصلاحی کہانیوں پر بہت زیادہ توجہ دینے کی ضرورت ہے. ثمینہ پیرزادہ نے مزید کہا کہ ہم نے ایک وقت ایسا بھی دیکھا ہے کہ جب رات کو ٹی وی پر ڈرامہ لگتا تھا تو سڑکیں سنسان ہوجایا کرتی تھیں لوگ اپنی ساری

مصروفیات ترک کرکے ڈرامہ دیکھتے تھے بلکہ تقریبات کا شیڈیول اور وقت ڈرامہ کے ٹائم کو مد نظر رکھ کر ترتیب دیا جاتا تھا. ثمینہ پیرزادہ نے کہا کہ نئے فنکار بہت اچھا کام کررہے ہیں ہماری ڈرامہ انڈسٹری درست سمت کی طرف جا رہی ہے کوئی شک نہیں لیکن پھر بھی ہمیں اپنے سکرپٹس کا رخ تبدیل کرنے اور معاشرے کے مسائل کے مطابق ڈھالنے کی ضرورت ہے. انہوں نے نئے لڑکے لڑکیوں کی ھوصلہ افزائی کرتے ہوئے یہ بھی کہا کہ پڑھے لکھے لڑکے لڑکیوں کا شوبز انڈسٹری میں آنا حوصلہ افزا ہے میں آج کے فنکاروں‌ کا کام پسند کرتی ہوں آج ہر فنکار اپنی جگہ بہترین کام کررہا ہے.

باصلاحیت اداکارہ ہانیہ عامر جو ہر وقت کسی نہ کسی کنٹرورسی میں گھری ہوتی ہیں. انہوں نے حال ہی میں ایک انٹرویو دیا ہے اس میں انہوں نے کہا ہے کہ وہ بہت چھوٹی تھیں جب ان کے والدین میں علیحدگی ہو گئی تھی یوں ان کی ماں کو انہیں اکیلے پالنا پڑا .ان کی علیحدگی کا سب سے زیادہ اثر ہانیہ عامر پر پڑا. ہانیہ عامر کہتی ہیں کہ میں نے جب گھر کے ھالات دیکھے تو نہایت ہی کم عمر میں ساری ذمہ داریاں سنبھال لیں، بہت محنت کی. بہت مشکل اور کڑے وقت بھی آئے ابھی آتے ہیں لیکن میں ہنسی خوشی ان کا مقابلہ کرتی ہوں. ہانیہ عامر نے مزید یہ بھی کہا کہ شہرت نے نہ میرا نہ ہی میرے گھر والوں‌کا دماغ خراب کیا ہے بلکہ میرے گھر والے تو بھار ہی نہیں اٹھاتے کہ میں ایک آرٹسٹ ہوں مشہور ہوں یا لوگ

مجھے پسند کرتے ہیں . ان کا ری ایکشن بس یہی ہوتا ہے اچھا کوئی ڈرامہ چل رہا ہے لوگ دیکھ رہے ہیں اوکے. اس سے زیادہ کچھ نہیں سمجھتے وہ مجھے. اداکارہ نے اپنی پوزیشن کلئیر کرنے کے لئے یہ بھی کہا کہ سوشل میڈیا پر میرے خلاف بہت زیادہ پراپگینڈا ہوتا رہا ہے جس کے بعد میں کافی پریشان ہوئی لیکن اس پراپگینڈے سے میں نے بہت کچھ سیکھا اور جو غلطیاں انجانے میں مجھ سے ہوئیں کوشش کی کہ آئندہ نہ ہوں.، سوشل میڈیا پر ہونے والی تنقید سے میں نے بہت کچھ سیکھا ہے. یاد رہے کہ ہانیہ عامر کا نام ہر دوسری کنٹرورسی میں‌ہوتا ہے تبہی انہیں اپنی پوزیشن کلئیر کرنے کےلئے سوشل میڈیا پر ہونے والی تنقید کی بات کرنا پڑی .

اداکارہ خوشبو نے فلموں کے بعد سٹیج کا رخ کیا جب وہ سٹیج کی طرف آئیں تو پھر فلموں میں کم ہی دکھائی دیں، بہت برسوں کے بعد اداکارہ سید نور کی فلم ”تیرے باجرے دی راکھی ”میں‌نظر آئیں. خوشبو نے بہت کم عرصے میں سٹیج پر اپنا الگ مقام بنا لیا. اداکارہ خوشبو نے حال میں ایک انٹرویو دیا اس میں وہ برس پڑیں سٹیج ڈراموں پر تنقید کرنے والوں پر انہوں نے کہا کہ مجھے سمجھ نہیں آتی کہ کیوں سٹیج ڈراموں کو اتنا ٹارگٹ کیا جاتا ہے.جس طرح کا منفی پراپگینڈا کیا جاتا ہے اس طرح کی کوئی بھی بات نہیں ہے. خوشبو نے کہا کہ جس طرح سے وقت کے ساتھ ساتھ چیزیں بدلتی ہیں اسی طرح سے سٹیج ڈرامے میں بھی تبدیلی آئی لیکن اس طرح کی تبدیلی نہیں آئی کہ طوفان ہی اٹھا دیا جائے. انہوں نے کہا کہ میں سٹیج ڈرامے کے خلاف ہونے والے منفی پراپگینڈے سے بہت پریشان ہوں ایسی ایسی باتیں

سٹیج سے منسوب کر دی جاتی ہیں کہ بندہ سن کر سر پکڑ کر ہی بیٹھ جائے. اداکارہ نے مزید کہا کہ میں آج جس بھی مقام پر ہوں اس کو ھاصل کرنے کےلئے بہت محنت کی. زندگی کے کئی سال شوبز کو دینے کے بعد اس کام کے رموز و اوقاف سمجھ میں آئے ہیں. میں نے ہمیشہ دوسروں کے کام کو سراہا ان کی حوصلہ افزائی کی یہی توقع میں دوسروں سے اپنے لئے بھی کرتی ہوں. میں نے کام کے لئے چور راستے نہیں ڈھونڈے بلکہ مجھے میری قابلیت کی بنا پر کام ملا میرا یقین ہے کہ شارٹ کٹ ڈھونڈنے والوں کو ملنے والی کامیابی بھی شارٹ ہی ہوتی ہے.

مدھوبالا ہندوستان فلم انڈسٹری کی ابھی تک کی خوبصورت ترین اداکارہ سمجھی جاتی ہیں ان کی خوبصورتی کی دیوانی بہت ساری اداکارائیں ہیں سوناکشی سنہا بھی ان کے حسن کی ہیں‌ معترف. ان کا ماننا ہے کہ مدھوبالا جتنی خوبصورت تھیں اتنی ہی باصلاحیت اداکارہ بھی تھیں.سوناکشی سنہا کا حال ہی میں ایک انٹرویو ہوا اس میں ان سے ان کی خواہش پوچھی گئ تو اداکارہ نے کہا کہ میری خواہش ہے کہ میں مدھوبالا کا کردار کروں اور میں چاہتی ہوں کہ مجھے مدھوبالا کی زندگی پر بننے والی فلم میں شامل کیا جائے. اداکارہ نے جم کر مدھوبالا کی خوبصورتی اور اداکاری کی تعریف کی.واضح رہے کہ مدھوبالا کی زندگی پر فلم ان کی بہن مدھر بھوشن بنا رہی ہیں ان کا کہنا ہے کہ ہم اپنی بہن کو اپنی یادوں میں زندہ رکھنا

چاہتے ہیں اسی لئے فلم بنانے کاسوچا ہے .مدھر بھوشن مزید یہ بھی کہتی ہیں کہ اس فلم میں مدھو بالا کے معاشقوں کا زکر نہیں کیا جائیگا. مدھور بھوشن نے بائیو پیک بنانے کا اعلان 2018 میں کیا تھا. فلم میں مدھوبالا کا کردار کونسی ہیروئین کریگی اور اس کی شوٹنگ کب شروع کی جائیگی اس حوالے سے ابھی تفصیلات سامنے نہیں آئیں. مدھوبالا کے حصے میں جو شہرت آئی وہ کسی دوسری ہیروئین کی قسمت نہ بن سکی، محض 36 برس کی عمر میں وہ دنیا چھوڑ گئیں ان کے انتقال کے پانچ دہائیوں کے بعد بھی ان کے مداحوں میں کمی نہیں آئی نوجوان نسل بھی ان کے حسن اور اداکاری کی معترف ہے.

سپر ہٹ فلم ” ڈرٹی پکچر ” کا سیکوئل بننے جا رہا ہے کہا جا رہا ہے کہ اس فلم میں اداکارہ ودیا بالن نظر نہیں آئیں گی. رائٹر کنیکا ڈھلون اس وقت سیکوئل، دی ڈرٹی پکچر 2 پر کام کر رہی ہیں کہا جا رہا ہے کہ ودیا بالن کے کردار کو حاصل کرنے کےلئے کریتی سینن، تاپسی پنو میں دوڑ لگی ہوئی ہے یہ کردار کس کے حصے میں آئیگا یہ ابھی تک طے نہیں ہوا. بالی وڈ کی بولڈ کمرشل اس فلم کا سیکول مختلف پلاٹ، لائن اور اداکاروں پر مبنی ہو گا. کہا جا رہا ہے پرڈیوسر ایکتا کپور کافی عرصے سے ڈرٹی پکچر کا سیکول بنانے کی منصوبہ بندی کررہی تھیں. کہا یہ بھی جا رہا ہے کہ اگلے برس اس فلم کی شوٹنگ کا آغاز کیا جائیگا. رپورٹس یہ بھی ہیں کہ ایکتا کپور ڈرٹی پکچر کے لئے پہلے کنگنا رناوت کو کاسٹ کرنا چاہتی تھیں لیکن

کنگنا نے اس فلم کو کرنے سے منع کر دیا تاہم کریتی سینن اور تاپسی دونوں ہی ایکتا کپور کے ساتھ رابطے میں ہیں لیکن ایکتا نے دونوں میں سے کسی ایک کو بھی ابھی تک فائنل نہیں‌کیا. یاد رہے کہ بالی وڈ میں ایک عرصے سے تامل اور تیلگو فلموں کے ساتھ ہندی فلموں کے سیکول بنائے جا رہے ہیں لیکن اہم بات یہ ہے کہ بالی وڈ کی فلمیں باکس آفس پر کوئی کمال نہیں دکھا پا رہی ہیں بڑے سے بڑے آرٹسٹ کی فلم بھی مشکل سے ہی چلتی ہوئی دکھائی دے رہی ہے. ہر گزرتے سال کے ساتھ کامیاب فلموں کا تناسب کم ہوتا جا رہا ہے جس پر بالی وڈ کے ستارے کافی پریشان ہیں.

اداکارہ کرینہ کپور نے اپنے ایک انٹرویو میں انکشاف کیا ہے کہ ان کے شوہر سیف علی خان اپنے والدین کو ”اماں اور ابا ”کہہ کر بلاتے ہیں.ان کو دیکھتے ہوئے ان کے بیٹے بھی ہمیں اماں اور ابا کہتے ہیں. کرینہ نے کہا کہ میرا بڑا بیٹا باقاعدہ مجھ سے دن میں دس بار پوچھتا ہے کہ اماں ابا کدھر گئے. کرینہ نے کہا کہ اگر وہ ہمیں اماں ابا کہتے ہیں کہ تو مجھے کوئی مسئلہ نہیں ہے. کرینہ کپور نے اپنے شوہر سیف علی خان کو ان کی سالگرہ کے موقع پر دنیا کا بہترین انسان قرار دیدیا ہے. انہوں نے اس موقع پر سوشل میڈیا پر کچھ تصاویر شئیر کیں اور اور انہیں اپنے انداز میں سالگرہ کی مبارکباد دی. کرینہ کی جانب سے سیف کی

تصاویر شئیر کرکے مبارکباد لکھنے کے بعد بالی وڈ کی کئی شخصیات نے اداکار کو سالگرہ کی مبارکباد دی،جن شخصیات نے سیف کو سالگرہ کی مبارکباد ان میں امریتا اروڑا، صبا پٹودی، ذہان کپور، سوفی چودھری اور انیتہ شراف اداجانیہ کے نام قابل زکر ہیں. ملائکہ اورڑا نے لکھا، ’’ہیپی برتھ ڈے سیفو۔ رتیش دیش مکھ نے لکھا، "ہیپی برتھ ڈے سیف، وہ آدمی جو آرٹ کی تاریخ، یونانی افسانہ، سنیما، ہندوستانی ثقافت پر لامتناہی بات چیت کر سکتا ہے آپ میرے ایک بہترین دوست ہیں۔” کرینہ کی اس پوسٹ کے نیچے ان کے مداحوں نے بھی اپنے پسندیدہ اداکار کو سالگرہ کی مبارکباد دی.

بالی وڈ کے مسٹر پرفیکشنسٹ عامر خان کی فلم لال سنگھ چڈھا جس کی ریلیز سے قبل بھرپور پرموشن کی گئی. فلم کے بائیکاٹ کے ٹرینڈز تک چلائے گئے. عامر خان کو اس فلم سے کافی امیدیں وابستہ تھیں کہا جا رہا ہے کہ فلم نے شائقین کو مایوس کیا ہے. فلم 11 اگست کو سینما گھروں کی زینت بنی اور کہا جا رہا ہے ابھی تک فلم صرف 37 کروڑ روپے کما پائی ہے. کہا جا رہا ہے فلم لال سنگھ چڈھا عامر خان کے کیرئیر کی ان فلموں میں سے ایک ہے جس نے بہت ہی کم بزنس کیا ہے. خبریں یہی ہیں کہ فلم مکمل طور پر فلاپ ہو چکی ہے کہا یہ بھی جا رہا ہے کہ اس فلم کے ڈسٹری بیوٹرز کو بہت زیادہ نقصان بھی ہوا ہے لیکن اس فلم کے ڈسٹری بیوٹر نے ڈسٹری بیوٹرز کے نقصانات سے دوچار ہونے کی افواہوں کو مسترد کردیا

ہے ای ٹائمز کو دئیے گئے انٹرویو میں انہوں نے کہا کہ اس میں کوئی شک نہیں ہے کہ فلم اس طرح سے نہیں چلی جس طر‌ح سے سوچا جا رہا تھا لیکن اس سے اس طرح کے اندازے لگانا کہ ڈسٹری بیوٹرز کو بہت بڑا نقصان ہو گیا ہے یہ غلط ہے.یوں لال سنگھ چڈھا کے ڈسٹری بیوٹر نے ایسی خبروں کو رد کر دیا ہے جن کے مطابق فلم فلاپ گئی ہے یا بہت زیادہ بزنس نہیں‌کر سکی. رپورٹس یہ بھی ہیں کہ عامر خان فلم کے حوصلہ افزا بزنس نہ ہونے پر صدمے کا شکار ہیں اور انہیں ایک بڑا دھچکا بھی لگا ہے جیسا کہ انہوں نے اس فلم کی ریلیز سے قبل ہی کہہ دیا تھا کہ اگر شائقین نے فلم کو پسند نہ کیا تو انہیں بہت برا لگے گا.

بالی وڈ کے اداکار سیف علی خان آج اپنی 51 ویں سالگرہ منا رہے ہیں. سیف علی خان نے مثبت اور منفی ہر قسم کے کردار کئے اور انہیں ہر روپ میں شائقین نے بے حد پیار اور محبت دیا. ان کی 51 ویں سالگرہ کے موقع پرہم ان کی پانچ بہترین فلموں کے پانچ بہترین کرداروں پر بات کریں گے. 2006 میں ریلیز ہونے والی فلم اومکارہ نے ان کی کیرئیر کی ڈگر ہی بدل ڈالی اس میں ان کے ساتھ اجے دیوگن، سیف علی خان، وویک اوبرائے، کرینہ کپور خان، کونکنا سین شرما، اور بپاشا باسو جیسے اداکاروں کی ایک بڑی سٹار کاسٹ تھی۔ وشال بھردواج کی ہدایت کاری میں بننے والی اس فلم میں سیف نے لنگڑا تیاگی کا کردار ادا کیا اور شائقین کا دل جیت لیا یہ کردار ان کے کیرئیر کا بہترین کردار سمجھا جاتا ہے اس کردار کو کرنے پر انہیں فلم فیئر ایوارڈ بھی ملا.” لال کپتان” میں ناگا سادھو کا کردار ادا کیا 2019 میں ریلیز ہوئی اس فلم میں سیف نے اپنے مداحوں کو حیران کر دیا اتنی خوبصورتی سے اس کردار کو نبھایا.فلم ” تانہاجی ” میں سیف علی خان نے ایک ولن ادے بھان سنگھ راٹھور کا کردار ادا

کیا، 2020 میں ریلیز ہوئی اس فلم کے کردار نے سیف علی خان کو مزید شہرت دی اس فلم میں ان کے ساتھ اجے دیوگن اور کاجول بھی شامل تھے .سیف علی خان کی شاندار اداکاری نے شائقین کے دل موہ لئے. سال 2000 میں ریلیز ہونے والی فلم ” کیا کہنا” میں سیف نے پریتی زنٹا اور چندرچور سنگھ کے ساتھ کام کیا یہ ایک فیملی ڈرامہ فلم تھی، فلم میں سیف علی خان نے ایک ایسے مرد کا کردار ادا کیا تھا جو پریٹی زنٹا کو اس وقت چھوڑ دیتا ہے جب اسے پتہ چلتا ہے کہ وہ شادی کے بغیر ہی حاملہ ہو گئی ہے اس فلم کی کہانی پر اُن وقتوں میں کافی تنقید ہوئی تھی لیکن سیف علی خان کے کردار کو بہت سراہا گیا تھا. ” دل چاہتا ہے” 2001 میں ریلیز ہونے والی اس فلم میں سیف علی خان نے اس لڑکے کا کردار کیا جو بہت چلبلا ہوتا ہے اور دوستوں کے ساتھ زندگی انجوائے کرنے پر یقین رکھتا ہے لیکن جب وہ گریجوایشن کر لیتا ہے تو کس طرح سے اسکی زندگی تبدیل ہوتی ہے سیف علی خان نے سمیر کے کردار کے ساتھ بھی انصاف کیا یہی وجہ ہے کہ یہ کردار آج تک لوگوں‌کو یاد ہے.

بالی وڈ کے اداکار اور چھوٹے نواب کہلائے جانے والے سیف علی خان آج 51 سال کے ہو گئے ہیں. سیف علی خان کی والدہ ایک بڑی اداکارہ تھیں لہذا ان پر ایک پریشر تو تھا جب وہ فلم انڈسٹری میں آئےلیکن سیف علی خان نے آہستہ آہستہ اپنی صلاحیتوں کا لوہا منوایا. انہوں نے 1993 میں فلم پرمپرا سے اپنے فلمی کیرئیر کا آغاز کیا. اس میں ان کی اداکاری کو نوٹس کیا گیا . سیف علی خان نے دل چاہتا ہے جیسی فلموں میں کام کرکے ثابت کیا کہ ان کی صلاحیتیں کسی سے کم نہیں‌ہیں. سیف علی خان ورسٹائل اداکار ہیں انہوں اپنے کیرئیر میں بہت سارے چیلجنگ کردار بھی کئے فلم اومکارا اس کی بڑی مثال ہے. سیف علی خان کا شمار ان اداکاروں میں ہوتا ہے جنہوں نے ہیرو کے ساتھ ساتھ ولن کے کردار بھی کئے. سیف علی خان کی

مشہور فلموں میں یہ دل لگی ، میں کھلاڑی تو اناڑی ، کچے دھاگے ، ہم ساتھ ساتھ ہیں ، کیا کہنا ، ہم تم ، پرینیتا ، سلام نمستے ، لو آج کل ، کوک ٹیل ، ریس ٹو کے نام شامل ہیں. سیف علی خان کو چھ بار فلم فئیر ملا . اس کے علاوہ انہیں‌پدما شری ایوارڈ بھی ملا. فلم ٹشن کے دوران ان کی ملاقات کرینہ کپور سے ہوئی اور اس کے بعد ان کی نزدیکیاں‌بڑھیں اور دونوں نے شادی کا فیصلہ کر لیا کرینہ اور سیف کےدو بیٹے ہیں. سیف علی خان کی کرینہ سے دوسری شادی ہے ان کی پہلی شادی امرتا سنگھ کے ساتھ ہوئی ان میں سے انکا ایک بیٹا ابراہیم اور بیٹی سارا علی خان ہے. سارا بالی وڈ میں بطور ہیروئین کام کررہی ہیں اور اپنی پہچان بنا چکی ہیں.