Category: شوبز

عامر خان اور کرینہ کپور جو آج کل اپنی فلم لال سنگھ چڈھا کی پرموشن میں‌مصروف ہیں وہ اب کافی ود کرن کے سیزن 7 میں‌ بطور مہمان نظر آئیں گے. کافی ود کرن میں عامر خان نے اپنی سابقہ دونوں اہلیہ کے بارے میں کہا ہے کہ ہمارے درمیان ایک تو اختلافات کی خبروں میں کوئی صداقت نہیں ہے دوسرا ہم سب ایک خاندان کی طرح ہیں اور خاندان کی طرح ہی ہمیشہ رہیں گے. عامر خان کا کہنا ہےکہ وہ اپنی دونوں بیویوں کی بہت عزت کرتے ہیں ان کا بہت زیادہ احترام کرتے ہیں.انہوں نے یہ بھی کہا کہ ہم سب ہفتے میں ایک بار ضرور اکٹھے ہوا

کریں گے چاہے ہم جتنے مرضی مصروف ہوں ہم ایک دوسرے کےلئے وقت نکالا کریں گے. یاد رہے کہ عامر خان نے رینا دتہ کے ساتھ کیرئیر کے آغاز میں شادی کی تھی ان سے ان کے دو بچے جنید اور ایرا ہیں جب کہ کرن راؤ سے ان کا بیٹا آزاد ہے جس کی پرورش علیحدگی کے بعد بھی دونوں مل کر رہے ہیں.عامر خان ایک کامیاب اداکار ضرور ہیں لیکن اذواجی زندگی میں وہ شاید اتنے کامیاب نہیں‌ ہیں‌کیونکہ دو بار ان کا گھر ٹوٹ چکا ہے لیکن عامر خان نے کبھی اپنی ذات اور فیملی کے متعلق صحافیوں سے بات چیت نہیں‌ کی نہ ہی ان کے کسی ایسے سوال کا جواب دیا ہے. انہوں نے اپنی ذاتی زندگی کو کام سے ہمیشہ الگ رکھا ہے. عامر خان اور کرینہ کپور کا یہ شو ابھی آن ائیر جانا ہے.

1988 میں‌ ریلیز ہونے والی فلم تیزاب کا ریمیک بننے جا رہا ہے اطلاعات ہیں کہ اس ریمیک میں اداکارہ شردھا کپور اور کارتیک آریان کو مرکزی کرداروں میں لیا جا رہا ہے اور اس حوالے سے دونوں سے رابطہ بھی کیا گیا ہے۔ پروڈیوسر مراد کھیتانی فلم تیزاب کا ریمیک بنانے کی تصدیق بھی کر چکے ہیں. اس فلم کو بنانے والوں‌ کا خیال ہے کہ مرکزی کرداروں میں‌ فریش چہرے ہونے چاہیں اور ایسا جوڑا ہونا چاہیے جو پہلے ایک ساتھ نظر نہ آیا ہو اور شردھا کپور اور کارتیک آریان نے تاحال ایک ساتھ سکرین شئیر نہیں‌ کی. کہا جا رہا ہے کہ شردھا مادھوری کے کردار کو کرنے کےلئے ابھی غور کررہی ہیں انہوں نے ابھی تک ہاں نہیں‌ کی ادھر آریان کو انیل کپور کے کردار میں فائنل کئے جانے کی ابھی تصدیق نہیں ہوئی.

یاد رہے کہ فلم تیزاب 1988 میں ریلیز ہوئی تھی اور اس میں مادھوری ڈکشٹ اور انیل کپور نے مرکزی کردار ادا کیے تھے۔ فلم سپر ہٹ ہوئی تھی اور کئی ہفتے تک نمبر ون کی پوزیشن پر رہی تھی فلم کا میوزک اور مادھوری کے ڈانس نمبر نے لوگوں کو دیوانہ بنا دیا تھا. اس دور میں انیل کپور اور مادھوری ڈکشٹ کی جوڑی کو فلموں کی کامیابی کی ضمانت سمجھا جانے لگا تھا. ایک انٹرویو میں مادھوری نے تیزاب کے ریمیک کے بارے میں خبروں پر ردعمل ظاہر کرتے ہوئے کہا تھا کہ "میرے پاس واقعی ردعمل کا وقت نہیں ہے لیکن اگر پرڈیوسر بنانا چاہ رہے ہیں تو ٹھیک ہے ان کی مرضی ہے .

تبو بی ٹاؤن کی بہترین اداکارہ مانی جاتی ہیں انہوں نے دریشیام، اندھادھون، ہیرا پھیری، حیدر، فنا، دے دے پیار دے، چاچی 420، گول مال اگین، ہم ساتھ ساتھ ہیں جیسی دیگر بے شمار یادگار فلموں میں کام کیا. حال ہی میں بلاک بسٹر بھول بھولیا 2 میں بھی کام کیا۔ اداکارہ تقریباً تین دہائیوں سے فلم انڈسٹری میں‌ہیں اور کامیابی سے اپنا سفر جاری رکھے ہوئے ہیں. 2007 میں کافی ود کرن کے ایک شو میں اداکارہ تبو کو بطور مہمان بلایا گیا وہاں کرن جوہر نے ان سے کچھ سوالات کئے. کرن جوہر نے کہا کہ کیا آپ کو نہیں لگتا کہ بڑے بینرز آپ کے کام کی تعریف کرتے ہیں لیکن اپنی فلموں میں‌کاسٹ نہیں‌کرتے اس پر تبو نے کہا تھا کہ مجھے کیا کرنا چاہیے؟ کیا مجھے ان کو کال کرنی چاہیے؟اداکارہ نے کہا کہ یقینا مجھے بڑے بینرز کے لوگ میری فلموں میں اچھی اداکاری پر کالز کرتے ہیں لیکن فلموں میں نہیں‌ لیتے میں سوچتی

ہوں‌کہ شاید وہ کاسٹ کریں گے لیکن ایسا نہیں ہوتا. اداکارہ تبو نے عامر خان اور کاجول کی فلم فنا میں‌بھی کام کیا تھا اس حوالے سے کرن نے سوال کیا اور پوچھا کہ کیا آپ کو نہیں‌لگتا کہ فنا میں آپ کا جس طرح‌کا کردار ہے اس میں آپ کو ضائع کیا گیا ہے جبکہ آپ ایک بہترین اداکارہ ہیں.اس پر اداکارہ نے کہا کہ میں نہیں‌سمجھتی کہ مجھے اس فلم میں‌ضائع کیا گیا ہے، میں بہت اچھی طرح جانتی تھی کہ میں کیا کررہی ہوں، مجھے یہ نہیں تھا کہ میں فلم کا کریڈٹ سارا کا سارا خود لیجائوں گی. اداکارہ تبو کے اس جواب کو بہت سراہا گیا اور محسوس کیا گیا کہ وہ واقعتا ایک مضبوط اعصاب کی مالک ہونے کے ساتھ جو ہیں‌جس پوزیشن پر ہیں اس پر خوش اور سیکیور ہیں.یاد رہے کہ اداکارہ تبو نے ہمیشہ فلم اور سکرپٹ کو ترجیح دی یہ نہیں دیکھا کہ فلم میں ان کا کردار بڑا ہے یا چھوٹا.

چھوٹے نواب سیف علی خان کا شمار بالی ووڈ کےباصلاحیت اداکاروں میں ہوتا ہے۔ انہوں نے کاک ٹیل، گو گوا گون، دل چاہتا ہے جیسی دیگر فلموں میں اپنی اداکاری کا لوہا منوایا ہے۔سیف علی خان جتنا مرضی اپنے کام میں‌مصروف رہیں لیکن اپنی فیملی کو پورا وقت دیتے ہیں وہ اکثر اپنے بچوں‌کے ساتھ وقت گزارتے ہیں. سیف علی خان نے ہمیشہ جو بھی کیا ہے وہ اس کے بارے میں‌بہت کلئیر رہے انہوں نے بڑے بڑے فنکاروں‌کے ساتھ کام کیا وہ اتنا کام کر چکے ہیں اور ان کا کام کا اتنا تجربہ ہے کہ وہ آج بہت سارے معاملات پر کھل کر بات کر سکتے ہیں.سیف علی خان مانتے ہیں‌کہ وہ جب انڈسٹری میں آئے تھے تو ان کا جو رویہ

یا طرز عمل تھا اس کے نتیجے میں ان کو ناکامی کا سامنا بھی کرنا پڑا. سیف کا خیال تھا کہ سیٹ پر بس اچھا وقت گزارنا ہے اسکے علاوہ انکو کسی چیز کی پرواہ نہیں تھی. اداکار کو جب ہرتیک روشن کے ساتھ فلم ”نہ تم جانو نہ ہم” میں کرنے کی آفر ہوئی تو انہوں نے 2001 کے ایک انٹرویو میں کچھ یہ باتیں کہیں تھیں.انہوں نے اس وقت کہا تھا کہ ہرتیک بہت بڑے سٹار ہیں جو کامیابی اور رتبہ ان کو ملا ہے وہ اتنا آسان نہیں ہوتا اور سٹار بننا ویسے بھی آسان نہیں ہوتا .اداکار نے یہ بھی کہا تھا کہ لاکھوں لوگوں کو متاثر کرنا بھی ایک بات ہوتی ہے. اداکار نے اُس وقت یہ بھی کہا کہ میں جانتا ہو‌ں کہ میک اپ وین میں مجھ سے بڑے اداکار بیٹھے ہیں اور مجھے ابھی بہت طویل سفر طے کرنا ہے. میں ہرتیک کے ساتھ کام کرنے کے حوالے سے اوکے ہوں میرا اس حوالے سے کوئی انا کا مسئلہ نہیں ہے. اس حقیقت سے انکار ممکن نہیں کہ ہرتیک آج ایک بہترین سٹار ہیں اور میں اس بہترین سٹار کے ساتھ کام کرنا چاہوں گا. یاد رہے کہ سیف علی خان آخری بار فلم بھوت پولیس میں نظر آئے تھے.اداکاراب وکرم ویدھا میں ہریتک روشن اور رادھیکا آپٹے کے ساتھ نظر آئیں گے۔ یہ فلم 30 ستمبر 2022 کو ریلیز ہو رہی ہے۔

تنیشا مکھرجی نے 2003 میں ڈینو موریا اور کرن ناتھ کے ساتھ فلم Sssshhh سے بالی ووڈ میں اپنے کیرئیر کی شروعات کی۔ اس کے بعد انہوں‌نے نیل اینڈ نکی، پاپ کارن کھاؤ ودیگرفلمیں کیں. تنیشا نے بگ باس 7 اور فیئر فیکٹر،خطروں کے کھلاڑی 7 جیسے ریئلٹی شوز میں بھی حصہ لیا ہے۔ تنیشا اداکارہ کاجول کی چھوٹی بہن اور سینئر اداکارہ تنوجا کی بیٹی ہیں۔ حال ہی میں انہوں نے بالی وڈ ہنگامہ کو ایک انٹرویو دیتے ہوئے کہا ہے کہ ان کی بڑی بہن کاجول کا سفر ان سے بالکل مختلف تھا لیکن ہمارا ایک دوسرے کے ساتھ موازنہ کیا گیا جو کہ بنتا نہیں‌. انہوں‌نے کہا کہ پتہ نہیں‌کیوں لوگوں‌کے ذہنوں میں ہم دونوں کو لیکر موازنہ رہا.تنیشا نے

مزید کہا کہ جب آپ ایسے بیک گرائونڈ سے آتے ہیں کہ جب آپ کے پاس بہت سارے مواقع اور مراعات ہوتی ہیں تو پھر آپ کے پاس غلطیاں‌کرنے کے زیادہ مواقع نہیں ہوتے. ایسی صورتحال میں زیادہ سیکھنے کا موقع بھی میسر نہیں آتا. انہوں نے مزید کہا ہےکہ آپ کی والدہ اگر ایک کامیاب عورت ہوں تو آپ کی زندگی خاصی سہل ہوجاتی ہے.آپ کے پاس وہ سارے مواقع ہوتے ہیں جو کسی دوسرے نیو کمر کے پاس نہیں‌ہوتے ، پھر آپ کی بہن بھی ایک کامیاب سٹار ہو تو پھر چیزیں آپ کے لئے مشکل ہوجاتی ہیں. میں خوش قسمت ہوں کہ ایک ایسی جگہ سے آئی جہاں میرے لئے زیادہ مشکلات نہیں تھیں. تنیشا نے کہا کہ جو بھی اس انڈسٹری میں آتا ہے اس کے لئے نیا سفر اور اس سفر کی مشکلات بھی نئی ہوتی ہیں کچھ بیرئیرز ایسے ہوتے ہیں جو انہیں‌ہر حال میں عبور کرنے پڑتے ہیں.اداکارہ نے مزید کہا کہ اس انٍڈسٹری میں رہنے کےلئے ذہنی طور پر آپ کو مضبوط ہونا چاہیے.

برابری پارٹی کے سربراہ جواد احمد ایک بار پھر تحریک انصاف کے چئیر مین عمران خان پر برس پڑے ہیں انہوں نے اپنے ایک ٹویٹ میں لکھا ہے کہ ” انبیاء کےعلاوہ کسی کوبھی صادق اور امین نہیں کہناچاہیے۔ آج سےصادق اورامین صرف انہیں کہاجاۓجنکانام انکےوالدین نےصادق اورامین رکھاتھا۔البتہ اگرعمران خان چوری ثابت ہوجانےکےبعدبھی اپنی الزامات کی جھوٹی سیاست سےبازنہ آۓتواسےکاذب اورکرپٹین بولاجاسکتاہے”.
اپنے دوسرے ٹویٹ میں انہوں نے کہا کہ ”اب یاتوعمران خان قوم سےچورڈاکوکھیلنابندکرےاوریہ بتائے کہ اسکےپاس اقتدارمیں آکرلوگوں کودینےکےلۓکیاہے۔اپنی الزامات کی منفی سیاست ختم کرےاورعوام کوسیاسی پارٹیوں کےمنشورپرانکوووٹ دینےکافیصلہ کرنےدےورنہ اب عمران جہاں بھی جائےاسےچوربولاجائے۔اسکےجلسوں،تقریروں میں عمران چورکےنعرےلگنےچاہیں”.

جواد احمد نے اسد عمر کے ٹویٹ کو قوٹ ری ٹویٹ کر کے لکھا ”ایمانداربھی توعمران خان بنتاتھانا۔پہلےوالوں کوتویہ خودہی کرپٹ اورچورکہتاتھا۔اچھی بات یہ ہےکہ اب یہ بھی کرپٹ اورچورثابت ہوگیاہے۔اب پاکستان کی سیاست چورڈاکوکےالزامات پرنہیں بلکہ پارٹی منشورپرہوگی کہ کوئی اقتدارمیں آکراس غریب ملک کےکروڑوں بدںصیب بمشکل کھاناکھانےوالوں کےلۓکیاکرےگا” .
برابری پارٹی کے چئیرمین جواد احمد عمران خان کی پالیسیوں اور ان کے بیانات کو آڑھے ہاتھوں لیتے ہیں وہ شروع سے کہتے ارہے ہیں کہ عمران خان کو صادق اور امین کہنا جائز نہیں‌ہے آج تو انہوں نے یہ بھی ٹویٹ کے زریعے کہ دیا ہے ”عمران خان آج صادق کےبجاۓمیرصادق بن گیا”
جواد احمد کے ان ٹویٹس پر کافی لوگوں کے کمنٹس آرہے ہیں‌ جبکہ تحریک انصاف کے فالورز جواد احمد کو آڑھے ہاتھوں لے رہے ہیں.

فلم دا لیجنڈ آف مولا جٹ کا نیا ٹریلر ریلیز کر دیا گیا ہے. ٹریلر کے ریلیز ہوتے ہی اس نے مقبولیت حاصل کر لی ہے. شائقین تو فلم کا ٹریلر پسند کر ہی رہے ہیں لیکن سنسر بورڈ اورڈسٹریبیوٹرز حیران ہیں ان کا کہنا ہے کہ فلم کا لیول ہالی وڈ کی فلموں جیسا ہے.فلم کے بارے میں اطلاعات ہیں اسے رواں برس ستمبر میں ریلیز کیا جا رہا ہے. بڑی لاگت سے تیار ہونے والی اس فلم کو بڑے بجٹ کے ساتھ تیار کیا گیا ہے. اس فلم کے حوالے سے سینئر اداکار مصطفی قریشی نے کہا تھا کہ ہماری فلم چار سال تک مسلسل چلی تھی. اُس دور میں ہماری مولا

جٹ نے کروڑوں روپے کی آمدنی حکومتی خزانے میں دی اور مجھے امید ہے کہ یہ مولا جٹ بھی اس سے کئی سو گنا ذیادہ آمدنی پر ٹیکس حکومتی خزانے میں دے گی۔یاد رہے کہ دی لیجنڈ آف مولا جٹ ایکشن ڈرامہ فلم ہے، بلال لاشاری کی ہدایتکاری میں‌بننے والی اس فلم کی ایگزیکٹیو پرڈیوسر عمارا حکمت ہیں. یہ فلم 1979 میں بننے والی مولا جٹ کا ری میک ہے اس میں فواد خان ، حمزہ علی عباسی ، ماہرہ خان اور حمائمہ ملک نے اہم کردار ادا کئے ہیں.شائقین اس فلم کو دیکھنے کےلئے بےتاب ہیں کیونکہ اس فلم کے زریعے ماہرہ خان اور فواد خان کئی برسوں‌کے بعد ایک ساتھ نظر آئیں گے.

نعمان اعجاز ویسے تو سنجیدہ اداکاری کرتے ہوئے دکھائی دیتے ہیں ان کو دیکھ کر لگتا ہے کہ جیسے وہ ہنستے مسکراتے بہت کم ہیں لیکن حقیقت یہ ہے کہ نعمان اعجاز حقیقی زندگی میں ہنستے مسکراتے رہتے ہیں اور سوشل میڈیا پر بھی اکثر ہلکی پھلکی طنز و مزاح کرتے رہتے ہیں. نعمان اعجاز کی سوشل میڈیا پوسٹیں دیکھ کر کسی بھی طبیعت خوش ہوجائے. انہوں‌ نے گزشتہ روز اپنی اور اپنی اہلیہ کی تصویر سوشل میڈیا پر شئیر کی اور کیپشن لکھا کہ محبت آپ کو احمقانہ کام کرنے پر مجبور کردیتی ہے اور یہ احمقانہ حرکت مجھ سے بھی ہو گئی اور میں نے بھی شادی کر لی انہوں‌نے مزید لکھا کہ میری بیوی کو تو آسکر ملناچاہیے. یاد رہے کہ نعمان اعجاز کی اہلیہ اکثر ان کے ساتھ مختلف فلمی تقریبات میں‌نظر آتی ہیں. نعمان اعجاز نےمحبت کی شادی کی تھی وہ اپنی اہلیہ سے بہت محبت کرتے ہیں.نعمان اعجاز کے

بیٹے زاویار بھی ٹی وی انڈسٹری میں قدم رکھ چکے ہیں اور وہ والد کی طرح‌سنجیدہ اداکاری کرتے ہوئے دکھائی دیتے ہیں یاد رہے کہ نعمان اعجاز کا شمار ٹی کے منجھے ہوئے اداکاروں میں‌ہوتا ہے وہ پاکستان کے وہ فنکار ہیں جن کی آنکھیں بھی اداکاری کرتے ہوئے ان کا بھرپور ساتھ دیتی ہیں.وہ مختلف اور روٹین سے ہٹ کر کام کرنے کے عادی ہیں یہی وجہ ہے کہ ان کے پرستار ان کو دیکھنے کےلئے بےتاب رہتے ہیں.

پی ٹی وی سے کیرئیر کا آغاز کرنے والی اداکارہ مرینہ خان آج کل ہیں شدید غصے میں. غصے میں ہیں وہ عدم ادائیگی کی وجہ. مرینہ خان نے سوشل میڈیا پراپنے مداحوں سے براہ راست کہا ہے کہ فلم یارا وے ریلیز ہونے کے قریب ہے اور مجھے ابھی تک اس فلم میں کام کرنے کا معاوضہ نہیں دیا گیا. معاوضے کے حوالے سے جو ڈیل کی گئی تھی وہ تاحال ادھوری ہے.انہوں نے کہا کہ اگر دیکھا جائے تو میں اس دھوکے پر پرڈیوسر کی فلم کے خلاف سٹے آڈر

لے سکتی ہوں اورفلم کی ریلیز تاخیر کا شکار ہو سکتی ہے لیکن میں‌ بہت سست ہوں. انہوں نے فلم یارا وے کے پرڈیوسر کو کہا کہ آپکو شرم آنی چاہیے کہ آپ نے ڈیل کو پورا نہیں‌کیا. فلم جو کہ ستمبر کے مہینے میں ریلیز ہونے جا رہی ہے اس میں سمیع خان مرکزی کردار ادا کررہے ہیں. فلم کی رائٹر مہوش اعجاز نے بھی ایک پوسٹ لگائی انہوں نے کہا کہ میں صرف فلم کی لکھاری ہوں میرا پرڈیوسر اور اس کے معاملات سے بالکل بھی کوئی تعلق نہیں‌ہے لہذا مجھے سوشل میڈیا پر ٹیگ نہ کیاجائے. میں اس معاملے سے دور ہوں یہ مرینہ خان اور پرڈیوسر کا معاملہ ہے میرا اس میں‌ اختیار نہیں ہے بہتر ہے یہ دونوں آپس میں مل کر حل کریں.