Category: شوبز

اداکارہ ایمن خان کے مداحوں کے لئے ایک بڑی خوشخبری ہے کیونکہ انہوں‌نے اشارہ دیدیا ہے کہ وہ ڈراموں میں واپسی کریں گی. اداکارہ نے حال ہی میں ایک مختصر انٹرویو دیتے ہوئے کہا کہ مجھے اگر اچھا سکرپٹ ملا تو میں ڈراموں میں واپسی ضرور کروں‌گی لیکن ابھی میری بیٹی بہت چھوٹی ہے اسکو میری ضرورت ہے، جب تک یہ تھوڑی سمجھدار نہ ہوجائے مجھے ڈراموں‌سے وقفہ برقرار رکھنا ہو گا لیکن یہ بات بھی ساتھ ہے کہ کوئی بہت اچھا پراجیکٹ ملا

تو کر بھی سکتی ہوں. یوں ایمن خان کے بارے میں جو ایک عرصہ سے کہا جا رہا تھا کہ ان کے شوہر منیب بٹ نے ان کو منع کر رکھا ہے کہ ڈراموں‌میں اب کام نہیں‌کریں گی یہ تاثر بھی ختم ہو گیا کہ منیب بٹ نے ان کوکام کرنے سے منع کیا تھا. یاد رہے کہ اداکار منیب بٹ کے ساتھ شادی کے بندھن میں بندھنے کے بعد ایمن خان نے اداکاری سے دوری اختیار کر لی اور گمان یہ ہی کیا جاتا رہا ہے کہ منیب نے منع کیا ہے جبکہ منیب کا یہ کہنا ہے کہ میں نے ایمن کو منع نہیں‌کیا لیکن انہیں کچھ چیزیں سمجھا دی ہیں آگے ان کی مرضی ہے جو ان کا فیصلہ ہو مجھے قبول ہے اور کوئی اعتراض نہیں. منیب بٹ نے بھی اس تاثر کو غلط قرار دیا کہ انہوں‌ نے ایمن خان کو کام کرنے سے منع کیا ہے.

نوے کی دہائی کی سپر ہٹ اداکارہ ریما جنہوں نے پہلی فلم بلندی سے ہی اپنی صلاحیتوں کا لوہا منوایا. انہوں نے پاکستان فلم انڈسٹری میں فلموں‌کے تصور کو ہی تبدیل کر دیا ان سے قبل فلموں میں جو ہیروئینزتھیں وہ زرا بلکی سی ہوتی تھیں لیکن ریما خان دبلی پتلی تھیں ان کو اس قدر پسند یا گیا کہ فلم انڈسٹری میں دبلی پتلی ہیروئنز کا دور دورہ شروع ہو گیا. اداکارہ ریما نے وقت کے ساتھ ساتھ خود پر بہت توجہ دی اپنی بول چال ، لباس وغیرہ میں اپنا ایک انداز بنایا. ادب کا مطالعہ کیا. ریما بھی دوسرے اداکاروں کی طرح سوشل میڈیا پر کافی متحرک رہتی ہیں چاہے وہ فیس بک ہو یا انسٹاگرام وہ ہر جگہ

اپنی تصاویر اور وڈیوز تواتر سے شئیر کرتی رہتی ہیں. حال ہی میں انہوں نے ایک انسٹاگرام پر ایک پوسٹ شئیر کی ہے جس میں انہوں نے اپنے پرستاروں‌کو ایک پیغام دیا ہے اور پیغام بھی بہت خوبصورت ہے انہوں نے کہا کہ جب بھی بولیں اپنی زبان کو دماغ کے ساتھ جوڑ لیں کیونکہ آپ جو بھی بو ل رہے ہوں گے اس سے آپ کی تربیت جھلکے گی اور اندازہ لگایا جائیگا کہ آپ کی تربیت کس انداز سے کی گئی ہے. اداکارہ نے کہا کہ بولنے سے ہی پتہ چلتا ہے کون کیسا ہے یا کس نے اخلاقیات کا دامن پکڑ رکھا ہے. اداکارہ ریما خان اس طرح کے اصلاحی پیغامات اکثر سوشل میڈیا پر وڈیوز کے زریعے جاری کرتی رہتی ہیں.

نوے کی دہائی کی سپر ہٹ اداکارہ ریشم نے معروف مصنف خلیل الرحمان قمر کو کھری کھری سنا دیں اور کہا کہ نوجوان نسل کی نمائندہ فنکاری کے خلاف ہر وقت بولتے رہنے کا کوئی مقصد نہیں ہے اور میں اس طرح کی بے جا تنقید کو پسند نہیں کرتی. اداکارہ نے حال ہی میں ایک انٹرویو کے دوران یہ بھی کہا کہ خلیل الرحمان قمر سوشل میڈیا پر خبروں میں رہنے کے لئے خوبصورت خواتین کے ساتھ اپنا نام جوڑنے کو پسند کرتے ہیں. اداکارہ ریشم نے کہا کہ ماہرہ خان ایک اچھی اداکارہ ہے بہت

سارے لوگ انہیں پسند کرتےہیں. ریشم نے یہ بھی کہا کہ خلیل الرحمان بہت اچھا لکھتے ہیں ہم سب ان کا لکھا ہوا بے ھد پسند کرتے ہیں ان کے کام کی تعریف تو ہر کوئی کرتا ہے لیکن انہیں ماہرہ خان پر ہر وقت تنقید نہیں‌کرتے رہنا چاہیے. یوں ریشم نے ماہرہ خان کا کھل کر دیا ساتھ اور ان پر تنقید کرنے والوں‌کو کئے منہ بند. یاد رہےکہ ریشم ایک باصلاحیت اداکارہ ہیں انکی پہلی فلم جس کو سید نور کی ڈائریکشن میں تیار ہوئی تھی اس نے فلم انڈسٹری کو ہر حوالے سے ایک نیا ٹرینڈ دیا اس میں انہوں نے جو ملبوسات زیب تن کئے تھے وہ عام لڑکیوں میں بہت مقبول ہو ئے تھے.ریشم نے زیادہ تر اردو فلموں‌میں کام کیا لیکن کیرئر کی شروعات ٹی وی سے کی تھی. ریشم کا کہنا ہے کہ اگر انہیں اچھے کردار ملے تو وہ ضرور کریں گی.

بالی وڈ انڈسٹری کے پہلے سپر سٹار کہلائے جانے والے اداکار راجیش کھنہ کے بارے میں‌کہا جا تا ہے کہ وہ جس کے ساتھ دوستی رکھتے تھے تو بہت آگے تک جاتے تھے کبھی کسی سے ان کی بگڑ جاتی تھی تو بھی بہت دور تک جاتے تھے. وہ بہت زیادہ منہ پھٹ بھی تھے جو دل اور زبان پہ آتا تھا بول دیتے تھے. ایک بار وہ جیا بہادری جو کہ اب جیا بچن بھی ہیں ان کے ساتھ فلم باورچی کی شوٹنگ کررہے تھے اس شوٹنگ کے دوران سیٹ پر اکثر امیتابھ اپنے دوستوں سے ملنے آتے تھے. اُن دنوں میں

امتیابھ بچن نئے نئے تھے انہوں نے ابھی بالی وڈ میں قدم رکھا ہی تھا ان کی کوئی پہچان نہیں تھی.اسی فلم کی شوٹنگ کے دوران امیتابھ بچن سیٹ پر آئے تو جیا بچن کو کہنے لگے کیا رش لگا رکھا ہے سیٹ کو خالی کرو رش کم کرو اور یہ جو لڑکا آتا ہے نا یہاں اسکا فلم انڈسٹری میں کوئی مستقبل نہیں ہے. یہ سن کر جیا بچن نے راجیش کھنہ کو کھری کھری سنا دیں اور کہا کہ آپ ایسا کیسے کہہ سکتے ہیں ایک دن آئیگا کہ یہ بالی وڈ کا بڑا سٹار ہو گا اسکا بھی نام ہو گا. اور ایسا ہی ہوا کہ امیتابھ بچن نے راجیش کھنہ کی مقبولیت کو کم کیا.دونوں نے ایک ساتھ فلم آنند میں بھی کام کیاانکی جوڑی کو کافی سراہا گیا اور راجیش کھنہ کی بات غلط ثابت ہو گئی کیونکہ امتیابھ بچن نے بالی وڈ میں اپنا نام اور مقام بنایا.

کون جانتا تھا کہ ڈرامہ سیریل ہمسفر میں کام کرنے والی لڑکی ایک دن آئیگا لالی وڈ کی نمبر ون ہیروئین ہوگی. ماہرہ خان نے کیرئیر کی ابتداء میں بہترین ڈراموں میں کام کیا ان کو شناخت بھی ملی لیکن ڈرامہ سیریل ہمسفر نے انہیں‌راتوں رات شہرت کی بلندیوں پر پہنچا دیا. ماہرہ خان نے حال ہی میں ایک انٹرویو دیا ہے اس میں انہوں نے کہا کہ میں‌محنت پر بہت زیادہ یقین رکھتی ہوں اگر کوئی یہ کہے ہ شوبز میں کامیابی کی ضمانت خوبصورتی اور حسن ہے تو میں اس سے اتفاق نہیں‌کرتی کیونکہ میرا ماننا ہے کہ کامیابی کے لئے خوبصورتی کے ساتھ ٹیلنٹ کا ہونا بھی بہت ضروری ہے. اداکارہ نے کہا کہ

میں سارا دن کام کرتی ہوں یہاں تک کہ اگر رات کی شفٹ بھی ہو تو تمام رات بھی کام کرنا پڑے تو کرتی ہوں. ماہرہ خان نے ایک سوال کے جواب میں‌کہا کہ میں دوسروں کے جھگڑوں میں نہیں‌ پڑتی نہ ہی کسی کی باتوں میں آکر کسی سے کوئی جواب سوال کرتی ہوں. کسی کو میری ذات سے اختلاف ہو سکتا ہے لیکن میں کسی کی ذات سے اختلاف کرنے کی بجائے اصولوں پر اختلاف کرتی ہوں. یاد رہے کہ ماہرہ خان کے ھوالے سے چاہے خلیل الرحمان قمر ہو یا فردوس جمال یا کوئی بھی کچھ کہے تو وہ جواب نہیں‌ دیتیں نہ ہی کسی کی تنقیدکو سر پر سوار کرتی ہیں وہ اپنی ذات میں گم رہتی ہیں اور کام کرتی رہتی ہیں.

جیسے ہی کورونا کے بادل چھٹے ہیں تو پاکستانی فلمیں ریلیز کی جا رہی ہیں رواں برس ابھی تک آٹھ نو فلمیں ریلیز ہو چکی ہیں وہ الگ بات ہے کہ عید الفطر پر ریلیز ہونے والی فلموں‌کا کیا بزنس رہا اور عید الاضحی پر ریلیز ہونے والی فلموں کا بزنس کتنا ہے یہ الگ بحث ہے. کہا جا رہا ہے رواں برس ستمبر میں دو بڑی فلموں کا ٹاکر ہونے جا رہا ہے. ایک فلم ہے دا لیجنڈ آف مولا جٹ اور ضرار. دا لیجنڈ‌آف مولا جٹ کے ہدایتکار بلال لاشاری ہیں اور اس میں ماہرہ خان، فواد خان ، گوہر خان ، عمائمہ ملک اور حمزہ عباسی اہم اور مرکزی کرداروں‌میں‌نظر آرہے ہیں. اس فلم میں‌ماہرہ خان کا بولا گیا ایک ڈائیلاگ کافی مشہور ہے ” وے

مولیا دسدے ایناں سب نوں کہ میں تیری پکی پکی مشوق آں” . فلم کافی عرصے سے تیار ہے لیکن کورونا کی وجہ سے تاخیر کا شکار ہوتی چلی گئی. اس فلم کے ساتھ شان شاہد کی فلم ضرار ریلیز ہونے جا رہی ہے. دونوں بڑے بجٹ کی بننے والی بڑی فلمیں ہیں جن میں‌کاسٹ کافی ہیوی ہے کہا جا رہا ہے کہ دونوں فلمیں‌ ایک دوسرے کو باکس آفس پر ٹکر دیں گی. ستمبر کے مہینے میں‌ریلیز ہونے والی یہ دونوں‌فلمیں‌ہر حوالے سے تیار ہیں صرف ریلیز کی تاریخ کا انتظار کیا جا رہا ہے . فی الحال تو سینما گھروں میں ہمایوں سعید کی فلم لندن نہیں جائونگا اور ماہرہ خان اور فہد مصطفی کی فلم قائداعظم زندہ باد کامیابی سے جاری ہیں. امید کی جا رہی ہے کہ مزید بھی جو فلمیں ریلیز ہوں گی وہ اچھا بزنس کریں گی اور شائقین کو سینما گھروں میں لانے میں‌کامیاب ہوں گی.

بالی وڈ انڈسٹری کی ورسٹائل اداکارہ کاجول کے بالی وڈ میں 30 سال مکمل ہو گئے ہیں. اس موقع پر اداکارہ نے اپنے انسٹاگرام پر ایک پوسٹ لگائی اور اپنے مداحوں کا شکریہ ادا کیا اور اپنی مقبول فلموں کا ایک ویڈیو مونٹیج شیئر کیا.اداکارہ نے ایک پوسٹ شئیر کی اور لکھا کہ کل کسی نے مجھ سے پوچھا کہ اس موقع پر میں کیا محسوس کر رہی ہوں؟ تو میں‌ یہ کہوں‌گی کہ میں جو بھی محسوس کر رہی ہوں وہ الفاظ میں بیان نہیں‌کر سکتی سوائے یہ کہنے کے سوا کے مجھے میرے پرستاروں نے ان تیس برسوں میں جو محبت اور پیار دیا میں اس کے لئے ان کی شکر گزار ہوں، میں ان کی اس غیر مشروط محبت کی قرضدار

ہوں.کاجول کو ان کے شوہر اجے دیوگن نے بھی سوشل میڈیا پر مبارکباد دی اور ان کے ساتھ اپنی ایک فلم کی تصیور شئیر کی اور ایک خوبصورت نوٹ لکھا. یاد رہے کہ کاجول کا شمار بالی وڈ کی سب سے زیادہ پر کشش اور باصلاحیت اداکاروں میں ہوتا ہے. اداکارہ نے اپنے کریئر کا آغاز 1992 میں فلم بے خودی سے کیا۔ اس کے بعد انہوں نے بازیگر، پیار کیا تو ڈرنا کیا، دل والے دلہنیا لے جائیں گے، کچھ کچھ ہوتا ہے، کبھی خوشی کبھی غم، گپت: دی پوشیدہ سچ، اور مائی نیم از خان جیسی فلموں میں اپنی اداکاری کے جوہر دکھائے. کاجول نے اپنی ہر دوسری فلم سے اپنی صلاحیتوں کو ثابت کیااس دوران انہیں مداحوں کی طرف سے بہت محبتیں ملیں.

کافی عرصے سے بالی وڈ کی فلمیں ناکامی کا شکار ہیں، فلموں‌کی ناکامی کی تعداد زیادہ اور کامیابی کا تناسب کم جا رہا ہے. بالی وڈ کے حوالے سے کہا جا رہا ہے کہ شاید یہ ختم ہو رہا ہے ایسے دعوئوں پر کرن جوہر بول پڑے اور بولے بھی کھل کر انہوں نے کہا کہ یہ سب بکواس ہے ، اچھی فلمیں بن رہی ہیں اور بنتی رہیں گی اور کامیاب بھی ہوتی رہیں گی، گنگوبائی کاٹھیاواڑی اور بھول بھولیا 2 نے بہت حالیہ وقتوں میں بھی بہت زیادہ بزنس کیا ہے۔یہاں تک کہ میری فلم جگ جگ جیو نے بھی اچھا بزنس کیا ہے.کرن جوہر نے یہ بھی کہا کہ جو فلمیں اچھی نہ ہوں وہ نہیں چلتیں.مزید کہا کہ لال سنگھ

چڈھا، رکشا بندھن، برہماسترا جیسی فلمیں آرہی ہیں ان سے اچھی امیدیں ہیں. کرن جوہر نے اس بات کا بھی اعتراف کیا کہ ان دنوں میں شائقین کو سینما گھروں کی طرف راغب کرنا مشکل ہے، سینما ہال کے اندر شائقین کو پہنچانا اب آسان نہیں رہا۔ آپ کو یہ یقینی بنانا ہوگا کہ آپ کی فلم اسکا ٹریلر اچھا ہے تبہی شائقین متوجہ ہوں گے. یا درہے کہ کرن جوہر ان دنوں اپنے مقبول ٹاک شو کافی ود کرن کے ساتویں سیزن کی میزبانی کر رہے ہیں اس کے علاوہ ان کی فلم راکی اور رانی کی پریم کہانی بھی اگلے سال ریلیز ہونے جا رہی ہے.کرن جوہر نے کچھ کچھ ہوتا ہے سے ہدایتکاری کا آغاز کیا تھا. اس کے بعد انہوں نے کبھی خوشی کبھی غم، کل ہو نا ہو کبھی الوداع نا کہنا)، مائی نیم از خان بنائیں.

سینئر اداکار دھرمیندر نے کرن جوہر کی فلم راکی اور رانی کی پریم کہانی کے آخری دن کی شوٹنگ مکمل کروا لی ہے رپورٹس کے مطابق شوٹنگ کے آخری دن دھرمیندر کے بیٹے بوبی دیول اور ان کے پوتے آریمان نے سیٹ کا وزٹ کیا. اپنے والد کی حوصلہ افزائی کے لئے بو بی دیول نے سیٹ پر حاضری دی اور وہاں والد سمیت دیگر شخصیات کے ساتھ ملے. بوبی دیول نے انسٹاگرام ہینڈل پر سیٹ کے وزٹ کے دوران لی گئ اپنے والد اور بیٹے کے ساتھ تصاویر شیئر کیں. بوبی کا کہنا تھا کہ راکی اور رانی کی پریم

کہانی کے سیٹ کے آخری دن کی شوٹنگ پر جا کرر بہت اچھا لگا خصوصی طور پر پاپا سے مل کر بہت اچھا لگا. کرن جوہر نے بھی اپنے انسٹاگرام اسٹوری پر ایک تصویر شیئر کی، جس میں لکھا تھا، ’’ریپ ڈے‘‘۔ یاد رہے کہ بوبی دیول اپنے والد دھرمیندر سے بہت پیار کرتے ہیں پیار سے بڑھ کر عزت بہت زیادہ کرتے ہیں. پچاس سالہ اداکار کی اپنے والد کے بارے میں بات کرتے ہوئے اکثر آنکھیں نم ہوجاتی ہیں.فلم میں عالیہ بھٹ اور رنویر سنگھ مرکزی کردار ادا کررہے ہیں ان کے ساتھ دھرمیندر، شبانہ اعظمی اور جیا بچن بھی نظر آرہے ہیں. تینوں یہ سینئر اداکار ایک لمبے عرصے کے بعد ایکساتھ نظر آرہے ہیں. سیف علی خان کے بیٹے ابراہیم علی خان بھی اس فلم میں بطور اسسٹنٹ ڈائریکٹر کام کر رہے ہیں۔

بالی وڈ کے سینئر اداکار دھرمیندر نے کرن جوہر کی فلم ’’راکی اور رانی کی پریم کہانی‘‘ کی شوٹنگ کو سمیٹ لیا ہے کہا جا رہا ہے کہ انہوں نے اپنے حصے کا کام مکمل کروا دیا ہے. رنویر سنگھ اور عالیہ بھٹ اس فلم میں مرکزی کردار ادا کررہے ہیں رنویر سنگھ نے دھرمیندر کی تعریف کرتے ہوئے کہا کہ آپ بہت پیارے ہیں. فلم راکی اور رانی کی پریم کہانی میں اور رنویر کے ساتھ دھرمیندر، شبانہ اعظمی اور جیا بچن نے اہم کردار ادا کیے ہیں۔ سیف علی خان کے بیٹے ابراہیم علی خان بھی اس فلم

میں بطور اسسٹنٹ ڈائریکٹر کام کر رہے ہیں۔ 86 سالہ اداکار دھرمیندر نےسوشل میڈیا پر اپنی ایک تصویر شیئر کی اور اپنے مداحوں کے لئے لکھا، دوستو آپ کے اشیر واد سے اور نیک خواہشات سے اپنے کام پر واپس آ گیا ہوں. دھرمیندر کی اس پوسٹ کے نیچے ان کے دوستوں فیملی ممبرز اور مداحوں نے کئے ڈھیر سارے کمنٹس. رنویر سنگھ نے لکھا "سب سے پیارا”۔ جبکہ بیٹی ایشا دیول نے لکھا ’’لو یو پاپا‘‘۔ بیٹے بوبی دیول نے "لو یو پاپا” لکھا جبکہ کرن جوہر نے بھی اپنے انسٹاگرام اسٹوری پر ایک تصویر شیئر کی، جس میں لکھا تھا، ’’ریپ ڈے‘‘۔ یا درہے کہ عالیہ بھٹ کی وجہ سے فلم کی شوٹنگ تاخیر کا شکار تھی کیونکہ وہ اپنی ہالی وڈ فلم کی شوٹنگ میں‌مصروف تھیں.’راکی اور رانی کی پریم کہانی’ اگلے سال ریلیز ہوگی.