Category: شوبز

سید جبران جو کہ عموما سنیجدہ کردار کرتے ہوئے ہی دکھائی دیتے ہیں انہوں نے فلم گھبرانا نہیں‌ہے سے فلمی کیرئیر کا آغاز کیا، اس میں انہوں‌نے ہلکی پھلکی کامیڈی کی جسے شائقین کی جانب سے بہت سراہا گیا. سید جبران بہت کم انٹرویوز دیتے ہیں انہوں نے حال ہی میں ایک انٹرویو دیا ہے اس میں انہوں‌نے بتایا کہ انہوں نے اداکارہ سجل علی کے ساتھ کام کیا ہے اور ان کے ساتھ کام کرنے کا تجربہ بہت اچھا رہا. اس انٹرویو میں‌سید جبران نے یہ بھی انکشاف کیا کہ

سجل علی نے ان کو ایک زور دار تھپڑ مارا تھا. اس تھپڑ کی حقیقت بتاتے ہوئے انہوں نے کہا کہ ایک سین میں‌مجھے سجل علی نے تھپڑ مارنا تھا جیسے ہی سین شروع ہوا تو مجھے تھا کہ سجل ہلکے ہاتھ سے ہی تھپٹر مارے گی لیکن سجل نے ایسا تھپڑ مارا کہ میں ہل کر رہ گیا. سید جبران نے کہا کہ سجل علی صرف چھوٹی نظر آتی ہیں ہے بہت مضبوط اس نے جس طرح‌سے مجھے تھپڑ مارا تھا میں توحیران ہو گیا تھا کہ چھوٹی سی لڑکی میں اتنی جان.
ید رہے کہ سجل علی اور سید جبران نے ایک ساتھ ڈرامہ سیریل چپ رہو میں کام کیا تھا اس ڈرامے میں ان دونوں کو خاصا سراہا گیا تھا.

گزشتہ برس پاکستان اور ترکی کی ڈراما و فلم ساز پروڈکشن کمپنیز نے سلطان صلاح الدین ایوبی کی زندگی پر ٹی وی سیریز بنانے کا اعلان کیا تھا رپورٹس ہیں کہ اب اس فلم کی شوٹنگ کا آغاز ترکی میں ہو گیا ہے۔شوٹنگ کے دوران کی تصاویر سوشل میڈیا پر وائرل ہو رہی ہیں، فلم کے سیٹ پر ہمایوں سعید ،عائشہ عمر عدنان صدیقی ، اشنا شاہ و دیگر کو دیکھا جا سکتا ہے. گزشتہ برس جب یہ معاہدہ سربیا میں طے پایا تھا اس وقت اس جگہ پاکستانی اداکار عدنان

صدیقی بھی موجود تھے۔اس کے بعداداکار عدنان صدیقی نے اس معاہدے کے حوالے سے سوشل میڈیا پر مداحوں کو آگاہی دی تھی.اور لکھا تھا کہ ‘ترکی کے ساتھ تعلقات کو مزید مضبوط بنانے کے اپنے عزم کو آگے بڑھاتے ہوئے، ہم نے اس دوستی کے ایک نئے باب کا آغاز کردیا ہے ہمیں اُمید ہے کہ یہ خیالات اور صلاحیتوں کے تبادلے کا باعث بنے گا’۔ ہمایوں سعید بھی اس پراجیکٹ کو لیکر کافی خوش ہیں ان کا کہنا ہے کہ اس پراجیکٹ کے زریعے ترکی اور پاکستان کے درمیان مزید اچھے کام کا باب کھلنے جا رہا ہے. اس فلم کے سیٹ سے جو تصاویرسوشل میڈیا پر گردش کررہی ہیں ان سے اندازہ لگایا جا سکتا ہے کہ فلم یقینا کچھ الگ اور مختلف ہو گی اور پاکستانی فنکار اپنی کیرئیر کے بہترین کردار کرنے جا رہے ہیں.

بالی کے مسٹر پرفیکشنسٹ کہلائے جانے والی عامر خان نے حالیہ انٹرویو میں بتایا ہے کہ فلم لال سنگھ چڈھا کے لئے ان کے بیٹے جنید خان کا سکرین ٹیسٹ ہوا تھا اور سکرین ٹیسٹ کو انہوں‌نے اپنے قریبی دوستوں کے ساتھ شئیر کیا سب نے اسے بے حد پسند کیا. عام خان نے کہا کہ جب میں نے اپنے بیٹے کا سکرین ٹیسٹ دیکھا تو میں‌ نے کہا کہ” میرا تو چانس گیا”. یعنی جنید نے اتنا بہترین سکرین ٹیسٹ دیا تھا. عامر خان کہتے ہیں‌ کہ اتل کلکرنی جو کہ لال سنگھ چڈھا

کے پرڈیوسر ہیں انہوں نے کہ جو کہانی کی ڈیمانڈ ہے اس کے مطابق آپ کو ہی یہ کردار کرنا چاہیے لہذا انہوں‌نے جنید خان کا سکرین ٹیسٹ رد کر دیا. لال سنگھ چڈھا ہالی ووڈ کی 1994 کی فلم فاریسٹ گمپ کا آفیشل ہندی ری میک ہے، عامر خان کی اس فلم میں بھارتی تاریخ کے چند مناظر بھی عکس بند کیے گئے ہیں۔اس فلم کی ریلیز پر بھارتی لوگوں کو کچھ تحفظات ہیں اور اسی وجہ سے اس فلم کا بائیکاٹ کرنے کی مہم چلائی جا رہی ہے اس مہم کی وجہ سے عامر خان کافی افسردہ بھی ہیں. انہوں‌نے اپیل کی ہے کہ بائیکاٹ کرنے کی بجائے فلم کو دیکھا جائے اس کے بعد فیصلہ کیا جائے کہ اس فلم کا بائیکاٹ کرنا بنتا ہے؟

کہا جاتا ہے کہ شوبز انڈسٹری میں جو سٹار کڈز ہوتے ہیں ان کو اس شعبے میں کسی قسم کے مسائل کا سامنے نہیں‌کرنا پڑتا ان کے لئے سب اچھا ہی ہوتا ہے. جیسے ہی کوئی سٹار کڈ فلموں میں‌قدم رکھتا ہے توگمان کیا جاتا ہے کہ چونکہ اس کا بیک گرائونڈ فلمی ہے تو اسکو تو کام بھی ملے گا اور شہرت کے ساتھ اچھے پیسے بھی لیکن بہت بار ایسا ہو چکا ہے کہ بالی وڈ کے سٹار کڈز اپنے مختلف مسائل کا زکر کر چکے ہیں. معروف بالی ووڈ پروڈیوسر ایکتا کپور اورریہا کپورنے بھی صنف کی بنیاد پرامتیازی سلوک ہونے کا انکشاف کیا تھا ان کی اس بات کو مختلف

حلقوں میں ڈسکس کیا گیا. اسی طرح‌ سے اب معروف اداکارہ عالیہ بھٹ نے بھی کہا ہے کہ انہیں فلم انڈسٹری میں امتیازی سلوک کا سامنا رہا ہے. عالیہ بھٹ کا مزید کہنا ہے کہ ان پر صنف کی بنیاد پر جملے کسے گئے برا بھلا کہا گیا ھوصلہ توڑنے کی کوشش کی گئی یہاں تک کہ ایسا رویہ اپنایا گیا کہ جس سے احساس کمتری کا شکار ہوجائوں، اداکارہ نے کہا کہ میں نے کسی بھی ایسے بات اور رویے کو سنجیدگی سے نہیں لیا کیونکہ میں‌کام کرنے پر یقین رکھتی ہوں اور میں نے وہی کیا اور وقت کے ساتھ ساتھ بہتری آتی گئی اور تنقید کرنے والے اب اھترام سے ملنے لگ گئے ہیں.

لال سنگھ چڈھا کیخلاف بائیکاٹ مہم پر کرینہ کپور اور عامر خان دونوں شدید مایوسی کا شکار ہیں. دونوں اداکاروں نے اپنے مداحوں سے اس بائیکاٹ مہم کا حصہ نہ بننے کی بارہا اپیل کی ہے. رپورٹس کے مطابق کرینہ کپور نے اس فلم کے بائیکاٹ کی چلنے والے مہم کے حوالے سے انٹرویودیا ہے اور کہا ہے کہ اس میں ایسی کوئی بات نہیں‌کہ اس کا بائیکاٹ کیا جائے. فلم جب ریلیز ہو گی تو یقینا شائقین پسند کریں گے فلم کی کہانی ہو یا کردار سب پر بہت محنت کی گئی ہے فلم کی پوری ٹیم نے جو دن رات محنت کی ہے یقینا وہ رنگ لائیگی مجموعی طور پر دیکھیں تو فلم بہت اچھی ہے. کرینہ کپور نے مزید کہا کہ میں مانتی ہوں‌ کہ سوشل میڈیا ایک بہت بڑی آواز بن چکی ہے ہر کسی کواس پلیٹ فارم پر

باآسانی رسائی ہے. اب تو بہت سارے ایسے پلیٹ فارم ہیں جن پر ہر وقت لوگوں کی ایک بڑی تعداد موجود ہوتی ہے ہمیں ان کو نظر انداز کرنا چاہیے ورنہ تو زندگی بہت پریشان ہو جائیگی بلکہ زندگی گزارنا مشکل ہوجائیگی. ایک سوال کے جواب میں اداکارہ نے کہا کہ میں ان تمام چیزوں‌کو سنجیدگی سے نہیں لیتی اگر سنجیدگی سے لینا شروع کردوں تو میں تو گھر سے باہر ہی نہ نکلوں بلکہ ڈپریشن کا شکار ہو جائوں .

معروف ٹک ٹاکر جنت مرزا نے بھی سیلون کھول لیا ہے اور انہوں نے یہ سیلون اپنی بہن علشبہ انجم کے ساتھ مل کر آبائی شہر فیصل آباد میں “SJA Salon and Spa” کے نام سے کھولا ہے. سیلون کا افتتاح گزشتہ روز ہوا جس میں ان کے قریبی لوگوں نے شرکت کی. اس موقع پران کے ساتھی ٹک ٹاک اسٹارز ڈاکٹر مدیحہ ، کنول آفتاب اور چوہدری ذوالقرنن خصوصی طور موجود تھے. تقریب کی چند تصاویر جنت مرزا نے اپنے انسٹاگرام اکاﺅنٹ پر شیئر کر کے لکھا کہ لڑکیاں صرف موج مستیاں چاہتی ہیں۔جنت مرزا اس موقع

پر کافی خوش دکھائی دے رہی تھیں. یاد رہے کہ جنت مرزا اس سے قبل اداکاری کے میدان میں بھی قدم رکھ چکی ہیں. رواں برس سید نور کی ہدایتکاری میں‌بننے والی فلم تیرے باجرے دی راکھی ریلیز ہوئی اس میں جنت مرزا پنجابی اداکارہ صائمہ کے مقابل نظر آئیں. اس فلم کے ناقدین کا کہنا ہے کہ جنت مزرا بہت اچھی اداکارہ ثابت نہیں‌ ہوئیں ان کے چہرے کے تاثرات اور ڈائیلاگ ڈلیوری کافی کمزر ہے. رپورٹس یہ بھی ہیں کہ جنت مرزا نے حال ہی میں ایک ڈرامہ سائن کیا ہے اس ڈرامے کے ہدایتکار کون ہیں باقی کاسٹ کیا ہے یہ تفصیلات ابھی آنا باقی ہیں. جنت مرزا معروف ٹک ٹاکر ہیں انہیں ٹک ٹاک سے مشہوری ملی.

سری دیوی اور بونی کپور کی بیٹی جھانوی کپور کو معروف فیشن ڈیزائنر منیش ملہوترا نے ان کی فلم گڈ لک جیری کی ریلیز پر مبارکباد دیتے ہوئے کہا ہے کہ آپ نے یقینا فلم میں اچھا کام کیا ہے. منیش نے اپنے انسٹاگرام سٹوری پر جھانوی کے ساتھ ایک دلکش تصویر بھی شئیر کی.
جھانوی کپور کی گڈ لک جیری سینما گھروں کی زینت بن چکی ہے اداکارہ جھانوی کپور فلم کی کامیابی کے لئے پر امید ہیں. گڈ لک جیری تامل فلم کولامااوو کوکیلا کا آفیشل ریمیک ہے جس میں نینتھارا مرکزی کردار ادا کیے تھے۔ فلم کی ریلیز کے بعد سے ابھی تک جو رپورٹس آرہی ہیں وہ کافی اچھی ہیں‌ فلم میں جھانوی کی اداکاری کی کافی تعریف کی جا رہی ہے.

یاد رہے کہ جھانوی کپور آخری بار ہارر کامیڈی فلم روحی میں راجکمار راؤ اور ورون شرما کے ساتھ نظر آئی تھیں۔جھانوی کپور اپنے والد کی پروڈکشن میں بھی کام کررہی ہیں یہ فلم ملیالم فلم ہیلن کا ریمیک ہو گی۔ اس کے علاوہ اداکارہ ورون دھون کے ساتھ نتیش تیواری کی باوال میں بھی کام کر رہی ہیں باوال کی شوٹنگ مکمل ہو چکی ہے اور اگلے برس 7 اپریل کو ریلیز ہونے جا رہی ہے. جھانوی کپور کی ابھی تک جتنی بھی فلمیں ریلیز ہوئی ہیں ان میں سے شاید ہی کوئی ایسی فلم ہے جس نے غیر معمولی کامیابی حاصل کی ہو لیکن اداکارہ کے حوصلے بلند ہیں وہ کہتی ہیں کہ اداکاری ان کا جنون ہے وہ اچھا کام کرتی رہیں گی.

بالی وڈ اداکار دیا مرزا جن کے کریڈٹ پر بہترین فلمیں‌ انہوں‌نے کم مگر معیاری کام کیا. دیا مرزا ہیں نہایت ہی سوگوار. دیا مرزا نے چند گھنٹے پہلے سوشل میڈیا پر ایک پوسٹ شئیر کی اور اپنے مداحوں کے ساتھ دل کو پریشان کر دینے والی خبر شئیر کی. دیا مرزا کی بھانجی کا انتقال ہو گیا ہے اس حوالے سے انہوں نے نہ صرف ایک پریشان کن پوسٹ لکھی بلکہ اپنی بھانجی کی تصویر بھی شئیر کی. انہوں نے اپنی بھانجی تانیا کاکڑے کے لئے لکھا کہ میری بھانجی، میرا بچہ. میری جان میری روشنیوں میں چلی گئی، آپ جہاں کہیں بھی ہومیری دعا ہے کہ آپ کو امن اور محبت ملے، آپ ہمیشہ مسکراہٹ کا سبب بنی. دیا مرزا نے جب یہ جذباتی پوسٹ شئیر کی تو ان کے مداحوں اور بالی وڈ کے دوستوں نے کمنٹس کرنا شروع کر دئیے. بومن ایرانی نے لکھا ’’میرے پاس دیا آپ کو تسلی دینے کے لیے الفاظ نہیں ہیں۔ یہ دل دہلا دینے والا صدمہ ہے۔

ارجن رامپال نے بھی تعزیت کا اظہار کرتے ہوئے لکھا ’’یہ سن کر بہت افسوس ہوا۔ آپ سب کے لیے اس کی فیملی اور اس کی روح کے لیے دعائیں۔ اوم شانتی . سنیل شیٹی، گورو کپور، ایشا گپتا، سدھانت چترویدی، ردھیما کپور ساہنی، اور دیگر نے بھی دیا کی پوسٹ پر تعزیتی کمنٹس لکھے.
سیاست ڈاٹ کام کے مطابق۔ کانگریس لیڈر فیروز خان کی سوتیلی بیٹی تانیا کار ایکسیڈینٹ کے سبب موت کے منہ میں‌ چلی گئیں اس وقت ان کے چند دوست بھی انکی کار میں تھے سب مل کر کہیں جا رہے تھے.

اُشنا شاہ اور عفان وحید نئی مختصر فلم "جنکشن” میں نظر آئیں گے، ڈیجیٹل پلیٹ فارم سی پرائم کی نئی مختصر یہ فلم ان کے یو ٹیوب چینل پر ریلیز کی جائے گئی.محسن طلعت کی ڈائریکشن میں تیار کی گئی. تقسیم کے ہند کے وقت 1947کے پس منظر میں بننے والی فلم "جنکشن” کی کہانی دو محبت کرنے والوں جاوید اور نگار کے گرد گھومتی ہے جن کی ملاقات ایک تاریک اور طوفانی رات میں ریلوے اسٹیشن پر ہوتی ہے جہاں وہ اپنی منزل کی ٹرین کا انتظار کررہے ہیں اور غیر منقسم انڈیا میں اپنے بچپن سے بڑے ہونے کے گزرے دنوں کی یاد

تازہ کرتے ہیں۔ کہانی ردین شاہ کی لکھی ہوئی ہے اور مرکزی کردار اُشنا شاہ اور عفان وحید ادا کررہے ہیں.سی پرائم کی ایگزیکٹیو پروڈیوسرسیمیں نوید کہتی ہیں‌ کہ ہمارا مقصداور ارادہ ان فلموں کے ذریعے ایسا مواد پیش کرنا ہے جو انسان کو اپنے اند ر جھانکنے کی تحریک دے اور ہماری سوچ کے انداز کو مثبت رخ پر تبدیل کرے. یاد رہے کہ شارٹ فلم "جنکشن” جمعہ 29جولائی2022کو یوٹیوب پر ریلیز کی جائے گی.اشنا شاہ اور عفان وحید کا شمار آج کے ٹی وی کے اچھے اداکاروں میں ہوتا ہے دونوں کی اپنی اپنی فین فالونگ ہے. عفان وحیدعموما سنجیدہ کرداروں میں‌ ہی نظر آتے ہیں یقینا اس فلم میں بھی وہ ایک سنجیدہ کردار میں ہی دکھائی دیں گے.

رواں برس گیاراں اگست کو ریلیز ہونے والی فلم لال سنگھ چڈھا کے بارے میں‌کہا جا رہا کہ اس کی کہانی ہالی وڈ‌ کی فلم فارسٹ کمپ سے متاثر ہے فارسٹ گمپ میں ٹام ہینکس کے مرکزی کردار کیا تھا. تازہ اطلاعات کے مابق عامر خان نے لال سنگھ چڈھا دیکھنے کےلئے ٹام ہینکس کو ایک خط لکھا ہے اس میں ان کو دعوت دی ہے کہ وہ ان کی فلم دیکھیں. عامر خان کا کہنا ہےکہ ٹام ہینکس کی ٹیم کی جانب سے انہیں‌ ریسپانس ملا ہے ٹیم نے کہا ہے کہ وہ اداکار کی مصروفیت کو دیکھ رہے ہیں. عامر خان کی ٹام ہینکس کے ساتھ ایک بار پہلے بھی ملاقات ہو

چکی ہے یہ ملاقات اسٹیون سپیلبرگ سے ملاقات کے دوران ہوئی یہ وہ وقت تھا جب اسپیلبرگ جرمنی میں ٹام ہینکس کے ساتھ ایک فلم کی شوٹنگ کر رہے تھے۔ اسپیل برگ نے عامر خان کو ٹام ہینکس سے متعارف کرایا اور انہیں "جیمز کیمرون آف انڈیا” کہا۔ ٹام ہینکس نے س موقع یہ بھی کہا تھا کہ وہ عامر خان کو جانتے ہیں اور ان کے کام سے واقف ہیں۔ انہوں نے مزید کہا تھا کہ انہوں نے انکی ‘3 ایڈیٹس’ متعدد بار دیکھی ہے۔یاد رہے کہ عامر خآن کی فلم لال سنگھ چڈھا کے ٹریلر کو شائقین کی جانب سے بہت اچھا ریسپانس مل رہاہے. عامر خان نے اس فلم کی شوٹنگ کےلئے داڑھی کے بال بھی بڑھائے ہیں اور عامر خان ایک مختلف روپ میں نظر آرہے ہیں.