Category: شوبز

جواد احمد جو کہ پیشے کے اعتبار سے گلوکار ہیں لیکن وہ اب ایک سیاسی جماعت کے سربراہ بھی ہیں ان کی سیاسی جماعت کا نام برابری پارٹی ہے، جواد احمد ملک کا درد رکھنے والے انسان ہیں وہ اکثر و بیش تر عمران خان ،مسلم لیگ ن پیپلز پارٹی پر تیقند کرتے ہوئے دکھائی دیتے ہیں کہتے ہیں کہ ان جماعتوں نے پاکستان کو لوٹا ہے. لیکن آج کل جواد احمد تحریک انصاف کے چئیر مین جناب عمران خان کو آڑھے ہاتھوں لیتے ہیں. گزشتہ روز پنجاب اسمبلی میں وزیراعلی کے انتخاب کے نتائج کے اعلان کے بعد ایک ٹویٹ کیا اس ٹویٹ میں انہوں نے پی ٹی آئی کا مذاق اڑایا یعنی پلکے پھلکے اس ٹویٹ میں انہوں نے

بھاری تنقید بھی کر ڈالی جواد احمد نے لکھا ”کہنےکوتوچوہدری شجاعت مونس الہی کاماموں ہےمگراسوقت چوہدری شجاعت نےPTIاورPMLQدونوں کوماموں بنادیا۔ (نوٹ: ماموں بنانےکامطلب عوامی زبان میں کسی کوبےوقوف بناناہوتا ہے)۔
جواد احمد کے اس ٹویٹ کے بعد پی ٹی آئی کے سپورٹرز نےگلوکار کو آڑھے ہاتھوں لیا تو دیگر سیاسی جماعتوں کے سپورٹرز نے اس ٹویٹ کو سراہا. ایک صارف نے لکھا ” بے وقوف نہیں بنایا یہ ٹولہ پہلے سے ہی بے وقوف ہے۔سپریم کورٹ سے تشریح کروائی مرضی کا فیصلہ لیا مٹھائیاں کھائی اور اب وہی فیصلہ انہی کے کلیجہ کو چیرتا ہوا نکلا”. جبکہ پی ٹی آئی سپورٹرز نے جواد احمد کو خوب سنائیں اور انہیں گالیاں تک دیں.

وینا ملک جن کا ٹویٹر اکائونٹ متنازعہ ہے اس کے بارے میں کہا جا تا ہے اداکارہ اس اکائونٹ کو نہیں‌چلاتیں لیکن اداکارہ کا کہنا ہے کہ وہ ہی اس اکائونٹ کو چلاتی ہیں. پیشے کے لحاظ سے وہ اداکارہ ہیں لیکن پچھلے کچھ عرصے سے وہ بالکل سیاسی بن چکی ہیں. وہ تمام دن سیاست پر ٹویٹس کرتی رہتی ہیں اور عمران خان کے علاوہ دیگر سیاسی جماعتوں کے لیڈر کے الٹے سیدھے نام رکھنے کےلئے ساتھ ان کے لئے غلیظ زبان استمعال کرتی رہتی ہیں. وینا ملک نے پنجاب اسمبلی میں ہونے والے انتخاب کے بعد خفگی کا اظہار تو کیا ہی ہے لیکن ساتھ ہی ساتھ ٹویٹ کیا
‏جنگ کبھی ھم نے جیتی نہیں الیکشن ھم کبھی ھارے نہیں
اس دفعہ عوام تمھارے اندر گُھس کے پھٹے گی
اور الیکشن بھی جیتے گی۰۰۰انشاءاللہ
صدرِپاکستان ۰۰۰۰عمران خان✌️
لکھ کر خط سنبھال کر رکھنا ✌️
اس کے علاوہ بھی وینا ملک نے اپنے اکائونٹ پر انتخاب کے نتائج کے خلاف احتجاج کرنے والوں کی وڈیوز شئیر کی ہیں.انہوں نے ابھی یہ بھی ٹویٹ کیا
وینا ملک اداکاری کے پراجیکٹس میں تو نظر نہیں آرہیں، نہ ہی وہ پی ٹی آئی کے کسی احتجاج میں شریک ہوتی ہیں لیکن ٹویٹر پر تمام دن پی ٹی آئی کے حق میں ٹویٹس ضرور کرتی رہتی ہیں جس پر انہیں کافی زیادہ تنقید کا نشانہ بھی بنایا جاتا ہے.

چھوٹی اور بڑی سکرین کی بہت ہی پیاری اداکارہ مایا علی بھی گزشتہ روز ہونے والے پنجاب اسمبلی کے انتخاب کے نتائج سے ہیں خفا، انہوں نے بھی سوشل میڈیا پر اپنے غصے کا اظہارکیا. اداکارہ نے کہاکہ لیٹرے ہمارے لیڈرز نہیں‌ہو سکتے. اپنے انسٹاگرام اکائونٹ پر انہوں نے ایک سٹوری لگائی اس میں لکھا کہ میرا دل انصاف اور سسٹم سے اٹھ گیا ہے. اسی طرح سے اداکارہ منال خان نے کہا کہ پاکستان کی تاریخ کا یہ مایوس کن دن ہے. اداکار احسن محسن اکرم نے بھی کہا کہ برائے

مہربانی سپریم کورٹ کے دروازے بھی اسی طرح سے کھولے جائیں جس طرح سے آپ نے عدم اعتماد کی ووٹنگ کے دوران کھولے تھے.آج سپریم کورٹ دیکھے گی کہ عدالتیں نیوٹرل ہیں یا نہیں.پنجاب اسمبلی میں کل ہونے والے انتخاب پر پورے پاکستان کی نظریں تھیں جس جس کی جس جس سیاسی جماعت سے وابستگی تھی انہوں نے اس حساب سے نتائج کو دیکھا.اس وقت ق لیگ اور پی ٹی آئی کے سپورٹرز نہایت ہی غم و غصہ میں ہیں یہاں تک کہ گزشتہ رات ق لیگ کے سپورٹرز نے چوہدری شجاعت کے گھر کا گھیرائو کر کے ان کے خلاف نعرے بازی کی. اسی طرح سے پی ٹی آئی کے سپورٹرز کی بڑی تعداد سپریم کورٹ کے باہر جا کر نعرے بازی کرتی رہی.اب دیکھنا یہ ہے کہ اونٹ کس کروٹ بیٹھتا ہے اور عدالت ان نتائج پر کیا فیصلہ دیتی ہے.

تیکھا بولنے والے خلیل الرحمان قمر جن کی لکھی ہوئی کہانیاں سب کو ہی بہت پسند ہیں لیکن وہ روٹین میں جو باتیں کرتے ہیں ان سے بہت سارے لوگ اختلاف بھی رکھتے ہیں. ان کی حال ہی میں لکھی ہوئی فلم لندن نہیں جائونگا نے عوام میں کامیابی حاصل کی ہے. فلم میں ایک سوشل ایشو کو ہائی لائٹ کیا گیاہے. جہاں ہر کوئی کل کے پنجاب اسمبلی میں‌ہونے والے انتخابات پر بات کر رہا ہے وہیں خلیل الرحمان قمر بھی پیچھے نہیں رہے انہوں نے انتخاب نے نتائج کے بعد ایک ٹویٹ کیا اور اس میں لکھا کہ پاکستانی عوام تمہارے ووٹ کی دو ٹکے کی اہمیت نہیں ہے. خلیل الرحمان قمر کہتے ہیں کہ میں سیاسی

آدمی نہیں‌ہوں نہ ہی میری کوئی سیاسی وابستگی ہے، میں کسی سیاسی لیڈر کا مداح نہیں ہوں میں‌پاکستان سے محبت کرنے والا انسان ہوں. پاکستان ہی میرے لئے سب کچھ ہے اس کے ساتھ کچھ غلط ہوگا تو میں بولوں گا. اور کل جو کچھ ہو اہے کہ وہ جمہوریت کے خلاف ہے پاکستانی عوام کے ووٹ اور مینڈیٹ کے خلاف ہے. جو کچھ پاکستان میں ہورہا ہے میں نہایت ہی افسردہ ہوں. یاد رہے کہ خلیل الرحمان قمر کے بیانات اکثر و بیش تر متنازعہ بن جات ہیں وہ عورتوں کی حمایت بھی بہت کرتے ہیں لیکن ماہرہ خان ہو یا کوئی اور جب کسی خاتون پر غصہ ہوتے ہیں تو وہ کچھ بول جاتے ہیں جو شاید انہیں‌ نہیں بولنا چاہیے.

گلوکار و سیاستدان ابرار الحق پنجاب اسمبلی کے الیکشن کے نتائج کے بعد کافی غصے میں نظر آرہے ہیں وہ بخار کی حالت میں پنجاب اسمبلی کے نتائج کے خلاف احتجاج میں شرکت کرنے کےلئے گھر سے نکل آئے. اس موقع پر انہوں نے میڈیا سے گفتگو کرتے ہوئے کہا کہ حضرت علی کا قول ہے کہ کفر کا نظام چل سکتا ہے لیکن ناانصافی کا نظام نہیں چل سکتا. اور یہ ہم سب کے لئے لمحہ فکریہ ہے. پوری قوم کو پتہ ہے کہ مینڈیٹ چوری کیا گیا ہے گھس بیٹھیے یہ چاہتے ہیں کہ عوام ان کو گھسیٹ کر باہر نکالیں؟ . اس وقت سپریم کورٹ ،اداروں اور سیاستدانوں کا امتحان ہے . گزرنے والا ایک ایک لمحہ تاریخ بن

رہا ہے ہمارے بچوں نے یہ تاریخ پڑھنی ہے خدا کے لئے ایسی تاریخ لکھیں کہ جس کو پڑھ کر ہمارے بچوں کے سر شرم سے نہ جھک جائیں. ایک سوال کے جواب میں ابرار الحق نے کہا کہ کپتان سیاسی کارکن ہے عالم اسلام کا لیڈر ہے وہ اس ظلم و زیادتی کے خلاف اھتجاج ہی کر سکتا ہے. یہ کیسی جمہوریت ہوئی کہ جس میں فرد واحد اہم ہوجاتا ہے. انتخابات کی سپرٹ تو دیکھیں کہ عوام نے محبت کیساتھ پی ٹی آئی کو ووٹ دیااور اس مینڈیٹ کو باہر اٹھا کر پھینک دیا گیا ہے شرم آنی چاہیے . ابرار نے مزید کہا کہ پوری قوم کی نظریں شرم سے جھک گئیں ہیں اور مسلم لیگ ن پیپیلز پارٹی اور گھس بیٹھیے خود کو بچانا چاہتے ہیں تو یہ آئیڈیل موقع ہے.

شان شاہد کی عمران خان کے لئے سپورٹ کسی سے بھی ڈھکی چھپی نہیں ہے وہ ضمنی انتخابات میں ووٹ کاسٹ نہ کر سکنے پر نہایت ہی سیخ پا تھے انہوں نے اس حوالے سے ٹویٹس بھی کئے. ہر دم ٹویٹر پر رہنے والے شان شاہد کل سے بالکل خاموش ہیں ان کے ٹویٹر اکائونٹ پر تاحال کل کے الیکشن کے حوالے سے کچھ لکھا نظر نہیں آرہا. اسی طرح سے پرڈیوسر و اداکار ہمایوں سعید بھی عمران خان کے بہت بڑے حامی ہیں ان کا ٹویٹر اکائونٹ بھی خاموش ہے. شان شاہد نے باقاعدہ جو ٹویٹ عمران خان کے حق میں کی وہ پانچ دن پہلے کی ہے جب عمران خان ضمنی انتخابات جیتے تھے اس وقت شان شاہد نے عمران

خان کی تصویر لگا کر ٹویٹ کیا تھا لوگوں نے آپ پر یقین کا اظہار پاکستان کی بہتری کے لئے کیا ہے. لیکن جب سے وزیراعلی پنجاب کا الیکشن پی ٹی آئی کے ہاتھوں سے نکلا ہے بے شک انہوں نے سپریم کورٹ کا رخ کر لیا ہے شان شاہد بالکل خاموش ہیں انہوں نے کل تمام دن جب الیکشن کی ہر طرف ہلچل تھی خاموشی اختیار کئے ہوئے ہیں.شان شاہد بھی کوئی ایسا موقع ہاتھ سے نہیں جانے دیتے جب وہ عمران خان کی تعریف نہ کریں اور دیگر جماعتوں کے حامیوں پر تنقید نہ کریں .

سب جانتے ہیں کہ اداکارہ مشی خان عمران خان کی بہت بڑی مداح ہیں اور انہی کو پاکستان کا ایماندار لیڈر مانتی ہیں وہ صبح سے لیکر شام تک سوشل میڈیا پر انہی کے گن گاتی رہتی ہیں. گزشتہ روز چونکہ پنجاب اسمبلی میں پنجاب کے ویزاعلی کا چنائو تھا تو اس دوران جس جس نے پی ٹی آئی کے خلاف معمولی بات بھی کردی مشی خان اسکو آڑھے ہاتھوں لیتی رہیں. عفت عمر جو کہ ماضی میں خود پی ٹی آئی کی بہت بڑی سپورٹر رہی ہیں انہوں‌نے جب ٹویٹ کیا کہ ” سن رہے ہو نہ تم رو رہا ہے عمران” اس پر مشی خان کو غصہ آیا اور انہوں نے لکھاکہ رونے کے دن تو تمہارےبھی آنے والے ہیں سن رہی ہو خفت اوہ سوری عفت . اسی طرح سے سینئیر سحافی سلیم صافی نے عمران خان کا بولا ہوا ایک جملہ قوٹ کرکے لکھا کہ اخلاقیات اور عمران خان قیامت کی نشانی تو مشی خان نے لکھا ”قیامت کی نشانی تو تم جیسے منافق اور کریکٹر لیس انسان ہیں تمہاری شکل دیکھ کر قیامت سامنے نظر آتی ہے خوشامدی. اینکر و تجزیہ کار ثناء بچہ نے لکھا کہ کیا پنجاب کے سب سے بڑے ڈاکو کو ووٹ دینا ضمیر فروشی ہو گی یا ضمیر کا جاگنا تحریک انصاف کا کیا کہنا ہے اس پر مشی خان نے قوٹ ری ٹویٹ کرکے لکھا کہ سمجھ میں نہیں آتی کہ تمہیں Breath mint دوں یا ٹوئلٹ پیپر. ریحام خان نے ٹویٹ کیا کہ پاکستان اس وقت فتنہ خان اور اس کے سپورٹرز کے ہاتھوں یرغمال ہے ان کو لگام ڈالی جائے تو مشی خان نے قوٹ ری ٹویٹ کرکے لکھا تم ایسی عورت ہو جسکی کوئی عزت نہیں، لگام کی تمہیں ضرورت ہے.

پورے ملک کی نظریں کل پنجاب اسمبلی میں‌ ہونے والے وزیراعلی کے چنائو پر تھیں. اسمبلی کا اجلاس کئی گھنٹے تاخیر سے شروع ہوا پی ٹی آئی والوں کو پوری امید تھی کہ ان کا امیدوار جیتے گا لیکن عین ٹائم پر چوہدری شجاعت نے بازی پلٹ دی اور یوں پی ٹی آئی کے امیدوار کے ہاتھ سے الیکشن پھسل گیا اور حمزہ شہباز وزیراعلی بن گئے. اب پی ٹی آئی نے سپریم کورٹ رجوع کر لیا ہے لیکن پی ٹی آئی والے اور اس جماعت کے سپورٹرز اور پرویز الہی کے پیروکار کافی غصے میں ہیں. اداکار و

گلوکار فرحان سعید بھی ان میں سے ایک ہیں جسے ہی وزیراعلی کے ووٹنگ کا سلسلہ ختم ہوا نتائج کا اعلان ہوا تو فرحان سعید نے ایک ٹویٹ کیا اور لکھا کہ جو کچھ بھی ہوا ہے میں حیران ہوں اور باعث شرم ہے. یہ کوئی صرف ایک پارٹی کو سپورٹ‌کرنے کی بات نہیں لیکن کیسے عوام کی چوائس کو بار بار چیلنج کیا جا سکتا ہے، آج جو بھی ہوا اس کا کریڈٹ لینے والوں کے لئے یہ کوئی فخر کی بات نہیں ہے.پنجاب اسمبلی میں وزیراعلی کے انتخاب کے بعد پی ڈی ایم نے اپنا آپ ختم کر لیا ہے.اسی طرح سے اداکارہ ماورا حسین بھی کافی غصے میں نظر آئیں انہوں نے لکھا کہ ”یہ کیسا سرکس ہے یہ”. اسی طرح‌سے باقی پی ٹی آئی کے حق میں بولنے والے آرٹسٹ اپنے غصے کا اظہار کرتے رہے.

باصلاحیت اداکارہ وینا ملک کہتی ہیں کہ ان جو دل کرتا ہے وہ وہی کرتی ہیں، تنقید سے گھبراتی ہیں نہ ہی پریشان ہوتی ہیں. وینا کا مزید کہنا ہے کہ میں نے شوبز بالکل بھی نہیں چھوڑا جب بھی اچھی آفر آئی ضرور کام کروں گی. شوبز کو چھوڑنے کا سوچ بھی نہیں سکتی. اداکارہ نے مزید کہا کہ شوبز کا عروج بھی عجیب ہی چیز ہے جب تک آپ پر عروج ہوتا ہے ہر کوئی آپ کا دوست ہوتا ہے جیسے ہی آپ کا عروج ختم ہوتا ہے یا چلا جاتا ہے تو کوئی دوست باقی نہیں رہتا بلکہ تب تو آپ کا سایہ بھی آپکا ساتھ چھوڑ جاتاہے. وینا ملک مزید کہتی ہیں کہ جب امیدیں ٹوٹتی ہیں تو دل ٹوٹ جاتا ہے اور

امیدیں اسی سے جڑی ہوتی ہیں جن سے آپ کا قریبی تعلق ہوتا ہے. یاد رہے کہ وینا ملک آج کل اداکاری کے پراجیکٹس میں تو نظر نہیں آرہیں لیکن سوشل میڈیا خصوصی طور پر ٹویٹر پر بہت متحرک ہیں اکثر و بیش تر عمران خان اور پی ٹی آئی کے حق میں ٹویٹس کرتی رہتی ہیں یہاں تک کہ فوج کے حق میں بھی ٹویٹس کرتی رہتی ہیں. وینا ملک مسلم لیگ ن خصوصی طور پر مریم نواز کو آڑھے ہاتھوں لیتی ہیں ان کے بولنے پہننے اوڑھنے پر خاصی تنقید کرتی ہیں.وینا کا شمار ان میں ہوتا ہے جو صرف اپنے دل کی مانتے ہیں.

بالی وڈ کی اداکارہ تنوشری دتہ جنہوں نے 2018 میں بالی وڈ کی شمہور شخصیات کے ہاتھوں جنسی ہراسانی کا الزام لگایا تھا وہ ایک بار پھر اسی الزام کے ساتھ سامنے آئی ہیں ان کا کہنا ہے کہ جنسی ہراسانی کے خلاف آواز اٹھانے جانے کے بعد سے ان کو مسلسل ہراساں کیا جا رہا ہے اور بالی وڈ مافیا کے ساتھ ساتھ ممبئی کا سیاسی مافیا ان کو ہراساں کرہا ہے. انہوں نے یہ دعوی انسٹاگرام پر ایک پوسٹ لگا کر کیا ہے. کون کون انہیں‌ہراساں‌کررہا ہے اسکی تفصیلات انہوں نے نہیں لکھیں کسی ایک کا بھی نام اس پوسٹ می درج نہیں‌ہے.اداکارہ کہتی ہیں‌کہ 2018 میں‌می ٹو مہم شروع کرنے کے بعد سے انہیں ہراساں

کیا جا رہا ہے .ہراساں کرنے کے لئے مختلف ہتھکنڈوں کو آزمایا جا رہا ہے،ان کا یہ بھی دعوی ہے کہ ایک نوکرانی کو ان کے پیچھے لگا کر اس کے زریعے پانی اور کھانے میں زہریلی دوا ملا کر دی گئی ساتھ ساتھ انہوں نے یہ بھی کہا کہ ایکبار ان کی گاڑی کی بریکیں‌فیل کر دی گئیں تاکہ زندہ نہ بچیں لیکن میں بچ گئی اور میرے دشمنوں‌کی امیدوں پر پانی پھر گیا. تنوشری دتہ کا کہنا ہے کہ مجھے ہر حد تک جا کر ہراساں کیا جا رہا ہے.انہوں نے یہ بھی لکھا کہ میرے دشمن کان کھول کر سن لیں کہ میں‌خود کشی نہیں کروں گی اور اپنے کیرئیر کو ایکبار پھر اونچائی پر لیکر جائوں گی.