Category: شوبز

اداکارہ زویا ناصر جو انسٹاگرام پر کافی متحرک ہیں وہ اکثر و بیش تر اپنی خوبصورت تصاویر اپنے سوشل میڈیا اکائونٹس سے جاری کرتی رہتی ہیں. انہوں‌ نے گزشتہ برس اداکارہ بشری انصاری کا لکھا ہوا ڈرامہ ذیبائش میں مرکزی کردر ادا کیا. زویا ناصر ایک بہترین اداکارہ ہیں وہ کم مگر معیاری کام کرنے کو ترجیح دیتی ہیں. جہاں بہت سارے فنکار پی ٹی آئی کے سربراہ عمران خان کو سپورٹ‌ کرتے ہیں وہیں زویا ناصر بھی کسی سے پیچھے نہیں‌ہیں انہوں نے بھی عمران خان کی حمایت کر دی ہے. وہ پنجاب اسمبلی میں وزیراعلی کے چنائو کے بعد عمران خان کے حق میں بولی ہیں.ان کا کہنا ہےکہ ” اب تو یقین ہو گیا ہےکہ سازش میں سارا جہان

شامل ہے. زویا کی اس پوسٹ کا مطلب ہے کہ عمران خان کی جو حکومت گئی ہے وہ یقینا کسی سازش کے نتیجے میں‌ گئی ہے اور اس میں تمام سیاستدان بھی شامل تھے. یاد رہے کہ زویا ناصر اپنے بولڈ فوٹو شوٹس اور تصاویر کے لئے جانی جاتی ہیں.وہ فیشن آئی کون کے طور پر بھی مشہور ہیں.وہ کسی کے ساتھ بھی اپنے تعلق کا نہ صرف اعتراف کرتی ہیں بلکہ کھلے عام اس تعلق کو جیتی بھی ہیں. زویا نے کچھ عرصہ قبل منگنی ایک غیر ملکی شہری سے کی لیکن چند ماہ کے بعد اس منگنی کے ٹوٹنے کا اعلان کر دیا.

ڈرامہ سیریل ”کالا ڈوریا” کا ہیرو ایک بار پھر تبدیل کر دیا ہے. اب اداکار عثمان بٹ اور ثناء جاوید ایک ساتھ نظر آئیں گے.کہا جا رہا ہےکہ عثمان بٹ سے قبل یہ کردار اداکار علی رحمان خان کررہے تھے اس سے پہلے فرحان سعید اور ان سے بھی پہلے عثمان مختار کررہے تھے. لیکن کسی بھی ہیرو کے ساتھ بات نہ بن چکی انائونسمنٹ تو کر دی گئی لیکن بعد اذاں اعلان کیا گیا کہ یہ کردار فلاں‌نہیں‌فلاں‌ہیرو کر رہا ہے. کہا جا رہا ہے کہ ڈرامہ پرڈیوسر نے اب ثناء جاوید کے ساتھ عثمان خالد بٹ کا نام فائنل کر لیا ہے اور وہ اب ان دونوں کے ساتھ ہی ڈرامہ بنائیں گے. کال ڈوریا کو دور حاضر کی معروف اور ہر دلعزیز مصنفہ صائمہ اکرم چوہدری لکھ رہی

ہیں. ڈرامے کی شوٹنگ جلد کی شروع ہوجائیگی. ڈائریکٹر کون ہو گا اور کاسٹ میں باقی کون کون شامل ہیں اس حوالے سے ابھی تفصیلات آنا باقی ہیں. یاد رہے کہ صائمہ اکرم چوہدری کے لکھے ہوئے ہلکے پھلکے طنزو مزاح کے سکرپٹس بہت پسند کئے جاتے ہیں . ادھر ثناء جاوید بھی کافی وقت کے بعد سکرین پر نظر آئیں گی.کالا ڈوریا سے قبل ثناء جاوید اور عثمان خالد بٹ کو پہلے کبھی ایکساتھ نہیں دیکھا گیا، شائقین ان دونوں کو ایک ساتھ دیکھنے کےلئے بے تاب ہیں اور ثناء جاوید کے مداح خوش ہیں کہ ان کو ایک بار پھر ان کی پسندیدہ اداکارہ سکرین پر دیکھنے کو ملے گی.

ٹک ٹاکر دانیہ شاہ انسٹاگرام پر تو موجود تھیں لیکن اب وہ ٹویٹر اکائونٹ پر بھی آگئی ہیں. انہوں نے اپنا ٹویٹر اکائونٹ رواں برس جنوری میں‌بنایا تھا لیکن ایکٹیو نہیں تھا لیکن اب دانیہ شاہ نے اپنا ٹویٹر اکائونٹ جو کہ دانیہ ملک کے نام سے بنا رکھا ہے اسکو ایکٹیو کر لیا ہے. دانیہ شاہ نے اکائونٹ کی بائیو میں لکھا ہے کہ اللہ سے ڈرو اور توبہ کرو. اس کے علاوہ انہوں نے اکائونٹ پر جو پروفائل پکچر لگائی ہے اس میں وہ عامر لیاقت حسین کے ساتھ ہیں. دانیہ شاہ نے ٹویٹر پر اپنا اکائونٹ ایکٹیو کرنے کی خبر اپنے مداحوں کے ساتھ اپنے انسٹاگرام کی سٹوری میں شئیر کی. یاد رہے کہ دانیہ شاہ ڈاکٹر عامر لیاقت حسین کی اہلیہ ہیں انہوں نے ڈاکٹر عامر لیاقت

حیسن کی زندگی میں ہی ان سے علیحدگی کے لئے عدالت سے رجوع کر لیا تھا اور ان کے درمیان کسی قسم کی صلح صفائی نہیں ہوئی تھی. دانیہ شاہ نے عامر لیاقت حیسن کی کچھ پرائیویٹ وڈیوز سوشل میڈیا پر جاری کر دیں تھیں جس کے بعد وہ آخری دنوں میں اپنے گھر سے باہر نہیں نکلتے تھے اور نہ ہی کسی سے ملتے تھے. عامر لیاقت حسین کی بیوی اور بیٹی نے ایف آئی اے سائبر کرائم میں دانیہ شاہ کے خلاف درخواست دے رکھی ہے.لوگوں‌کی ایک بڑی تعداد کا یہی مطالبہ ہے کہ ٹک ٹاکر کو گرفتار کیا جائے کیونکہ اسکی وجہ سے عامر لیاقت نہایت ہی مایوس کن حالات میں دنیا سے گئے .

سید نور پاکستان فلم انڈسٹری کے منجھے ہوئے ہدایتکار ہیں ان کے کریڈٹ پر زبردست فلمیں ہیں ان کی بنائی ہوئی فلمیں نوے کی دہائی میں فیملیز سینما جا کر دیکھا کرتی تھیں. سید نور کی فلم چوڑیاں نے ریکارڈ توڑ‌بزنس کیا پنجابی اس فلم کا ہر گیت بھی فلم جتنا ہی مقبول ہوا. فلم میں صائمہ اور معمر رانا کی جوڑی شائقین کو اپنی طرف متوجہ کرنے میں بہت کامیاب رہی. رواں برس سید نور کی فلم تیرے باجرے دی راکھی ریلیز ہوئی اس میں انہوں‌نے معروف ٹک ٹاکر جنت مرزا کو متعارف کروایا.جیسا کہ سید نور نے اپنی بہت ساری فلموں میں ہیروئنز کو

متعارف کروایا. فلم قائداعظم زندہ باد کی پرموشنز کے دوران ماہرہ خان نے سید نور کے ساتھ کام کرنے کی خواہش کا اظہار کیا اس حوالے سےحال ہی میں سید نور سے سوال ہوا تو انہوں نے کہا کہ ماہرہ خان حالیہ دور کی بہترین اداکارہ ہیں ان کے ساتھ کام کرنا فخر کی بات ہے اور میں شکر گزار ہوں کہ انہوں نے میرے کام کی تعریف کی، میرے پاس جیسے ہی کوئی اچھا سکرپٹ آئیگا میں یقینا ماہرہ خان کے ساتھ کام کرنا چاہوں گا. سید نور نے مزید کہا کہ ماہرہ خان نے ابھی تک جتنا کام کیا ہے بہت اچھا کیا ہے وہ ہیروئین میٹریل ہیں لوگ انہیں پسند کرتے ہیں لہذا ماہرہ خان کے ساتھ کام کرنا میرے لئے بھی فخر کی بات ہو گی.

ہالی وڈ اداکارہ اور جونی ڈیپ کی سابقہ اہلیہ ایمبر ہرڈ جنہوں نے ہتک عزت کیس کے فیصلے کے خلاف دوبارہ عدالت جانے کا فیصلہ کا تھا عدالت نے انہیں چلتا کر دیا اور ان کی درخواست کو مسترد کر دیا تھا. ایمبر ہرڈ چونکہ اس فیصلے سے مطمئن ہی نہیں ہیں اس لئے انہوں نے دوبارہ ہتک عزت کیس کے فیصلے کے خلاف نظرثانی کی درخواست عدالت میں دی ہے. رپورٹس کے

مطابق امبر ہرڈ کے وکلاء نے دوسری بار 21 جولائی کو ریاست ورجینیا کی اپیل کورٹ میں درخواست دائر کی۔اداکارہ کے وکلا ءکی جانب سے درخواست میں عدالت سے جون میں جیوری کی جانب سے دیئے گئے فیصلے کو مسترد کرنے کی استدعا کی گئی ہے۔درخواست میں کہا گیا کہ اداکارہ کو لگتا ہے کہ ان کےخلاف دیئے گئے فیصلے میں جیوری نے تمام شواہد اور بیانات پر مکمل توجہ نہیں دی اور دیئے گئے فیصلے میں غلطیاں دہرائی گئیں۔ ایمبر ہرڈ کی جانب سے دی گئی درخواست میں کہا گیا ہے کہ کیس کے فریقین کو اپنی بے گناہی ثابت کرنے کے یکساں‌موقع دئیے جائیں اور مجھے یکساں مواقع نہیں ملے. یاد رہے کہ ایمبر ہرڈ نے ججوں پر بھی الزامات لگائے تھے اور کہا تھا کہ جونی ڈیپ کے حق میں حقائق کو ایک سائیڈپر رکھ کر فیصلہ دیا گیا ہے جس سے میں مطمئن نہیں ہوں.

پاکستان فلم انڈسٹری کا جانا مانا چہرہ صائمہ نور جو انٹرویو بہت کم دیتی ہیں اور بہت کم بولتی ہیں لیکن حال ہی میں انہوں نے ایک انٹرویو دیا ہے اس میں انہوں نے کہا کہ میں‌نے اردو فلموں میں بھی اداکاری کی لیکن میری شخصیت شاید ایسی ہے کہ میرے مداح مجھے صرف پنجابی فلموں میں‌دیکھنا چاہتے ہیں. صائمہ نور نے کہا کہ ایک آرٹسٹ اپنے چاہنے والوں کے لئے کام کرتا ہے اور میں نے بھی ایسا کیا وہ مجھے پنجابی فلموں میں زیادہ دیکھنا چاہتے تھے لہذا میں نے پنجابی فلموں‌ میںزیادہ کام

کیا یہی وجہ ہے کہ مجموعی طور پر دیکھیں تو میری پنجابی فلموں کی تعداد زیادہ نظر آتی ہے. صائمہ نور نے مزید کہا کہ میں کبھی بھی کام حاصل کرنے یا کسی پراجیکٹ میں اپنا نام شامل کروانے کےلئے کسی کے پیچھے نہیں بھاگی، میرے پاس جو کام آیا میں نے صرف اس میں سے انتخاب کیا.میں نے ٹی وی پر بھی کام کیا اور فلموں میں بھی چاہے میڈیم کوئی بھی رہا ہو میں نے ہمیشہ محنت اور لگن کے ساتھ کام کیا ہے اور تب تک کام کرتی رہوں گی جب تک میرے مداح مجھے دیکھنا چاہتے ہیں. میں نے ہمیشہ ان پراجیکٹس کو ترجیح دی جن میں میرا کردار جاندار تھا آئندہ بھی ایسا ہی کروں گی.یاد رہے کہ صائمہ نور اپنے پورے کیرئیر میں مقابلے کی فضا سے دور رہیں بس اچھا کام کرنے پر کاربند رہیں.

سٹیج کے منجھے ہوئے اداکار افتخار ٹھاکر کہتے ہیں‌کہ مجھے فخر ہے کہ میں کامیڈی اداکار ہوں انہوں نے اپنے حال ہی میں ایک دئیے گئے انٹرویو میں کہا کہ مجھے خوشی ہے کہ میری وجہ سے لوگوں کے چہرے پر مسکراہٹیں آتی ہیں اور میں ان کا سبب بنتا ہوں.لوگوں کے چہرے پر مسکراہٹیں بکھیر کو جو خوشی حاصل ہوتی ہے اسکو الفاظ میں بیان کرنا مشکل ہی نہیں نہ ممکن ہے. افتخار ٹھاکر نے مزید کہا کہ سٹیج معاشرے کی اصلاح کا زریعہ بن سکتا ہے اور اس کے لئے ہمیں کوشش بھی کرنی چاہیے اچھے سکرپٹ پر مبنی کھیل یہاں‌پیش کئے جانے چاہیں. جو سکرپٹ لکھتے ہیں ان کو خاص کر ذمہ داری کا

مظاہرہ کرنا چاہیے لیکن مسئلہ یہ ہے کہ ایسا ہو نہیں رہا جس کی وجہ سے سٹیج اپنے اصل سے ہٹ گیا ہے. افتخار ٹھاکر یہ بات ایک بار نہیں بار بار کہہ چکے ہیں کہ سٹیج پر باقاعدہ طور پر ہدایتکار ہونا چاہیے جو ڈرامہ کو ڈائریکٹ کرے ایک اچھا سکرپٹ ہو صرف اداکاروں پر ہی نہیں چھوڑ دینا چاہیے کہ وہ جو دل میں آئے خود ہی بول لیں اسی رویے نے سٹیج کو زوال پذیر کیا ہے تاہم ہم کوششش میں ہیں کہ سٹیج کی صورتحال کو بہتر بنایا جائے تاکہ ماضی کی طرح اب بھی فیملیاں یہاں کا رخ کریں. یار ہے کہ سہیل احمد جیسے فنکاروں نے سٹیج کو خیرباد اسی لئے کہا تھا کیونکہ وہ سمجھتے تھے کہ یہاں جو کچھ ہو رہا ہے وہ نہیں کر سکتے.

بالی وڈ کے دبنگ خان جن کو پنجابی گلوکار سدھو موسے والا کے قتل کے بعد سنگین دھمکیاں دی گئیں اور کہا گیا کہ تمہارا حال بھی سدھو موسے والا کر دیں گے دھمکیاں صرف سلمان خان کو ہی نہیں بلکہ ان کے والد سلیم خان کو بھی دی گئیں تب سے سلمان خان کے گھر کے باہر سیکیورٹی بڑھا دی گئی ہے تاکہ اداکار اور ان کی فیملی کی حفاظت کو یقینی بنایا جائے.سلمان خان سیکیورٹی کے ہمراہ باہر نکلتے ہیں یہی وجہ ہے کہ اس عید پر انہوں نے اپنے چاہنے والوں کو اپنے گھر کی بالکونی میں

کھڑے ہو کر ایک جھلک بھی نہیں دکھائی.سلمان خان اپنی اور اپنے گھر والوں‌کی سیکیورٹی کو یقینی بنانے کےلئے کوششوں میں لگے ہوئے ہیں اسی غرض سے وہ گزشتہ روز ممبئی پولیس ہیڈ کوارٹر میں بھی دیکھے گئے.انہوں نے ممبئی پولیس کمشنر وویک پھنسالکر سے ملاقات بھی کی اور ساتھ ہی اپنے تحفظ کے لئے اسلحہ کا لائسنس رکھنے کےلئے ممبئ پولیس کو درخواست دی سلمان خان کو ممبئی پولیس ہیڈکوراٹر سے نکلتے ہوئے ایک وڈیو میں دیکھا جا سکتا ہے جو گزشتہ روز سے کافی وائرل ہو رہی ہے. یادرہے کہ سلمان خان کا شمار بالی وڈ کے صف اول کے اداکاروں میں ہوتا ہے ان کے نہ صرف ہندوستان بلکہ پاکستان سمیت دنیا بھر میں پرستار پائے جاتے ہیں. ان کے پرستار ان کی سیکیورٹی کو لیکر کافی پریشان ہیںان کا کہنا ہے کہ اداکاری کی سیکیورٹی کو ہر ممکن حد تک یقینی بنایا جائے.

معروف ٹی وی اداکارہ آئزہ خان جن کا ماضی قریب میں ڈرامہ سیریل ”میرے پاس تم ہو” کو عوامی سطح پر بہت زیادہ پذیرائی ملی تھی ان کے بھائی احد خان کی سابقہ منگیتر عروبہ طارق نے اپنی منگنی ٹوٹنے کا سارا الزام آئزہ خان پر دھر دیا ہے. انہوں نے سوشل میڈیا پر دعوی کیا ہے کہ ان کی منگنی آئزہ خان کے بھائی احد خان سے ہوئی تھی، لیکن اداکارہ کی ان کی زندگی میں بہت زیادہ مداخلت کی وجہ سے اس رشتے میں دراڑ آئی ہے اور اسکے علاوہ انہوں نے یہ بھی کہا کہ ان کے گھر میں آئزہ خان کی

مرضی کے بغیر کوئی سانس بھی نہیں لے سکتا. یہاں تک کہ آئزہ خان تو نوکروں سے بھی بہت برا سلوک کرتی ہیں اتنا برا سلوک کہ کوئی بھی نوکر تین ماہ سے زیادہ ان کے گھر نہیں ٹھہرتا. عروبہ طارق نے یہ بھی کہا کہ آئزہ خان ہر فیصلہ خود کرنا چاہتی ہیں اور کرتی بھی ہیں ہر بات میں کہتی ہیں کہ میں سوچتی ہوں میں چاہتی ہوں وہ دوسروں کی رائے کو اہمیت نہیں دیتی ہیں. انہوں نے کہا کہ یہ فیملی بہت جھوٹی ہے ان کا بھائی احد خان بھی کچھ نہیں‌کرتا وہ صرف بہن کے ٹکڑوں پر پلتا ہے. عروبہ نے کہا کہ ہمیں کہا گیا کہ احد خان پڑھا لکھاپڑھا لکھا ہونا تو دور کی بات اس کے پاس تو بی اے کی بھی ڈگری نہیں ہے. نہ وہ کوئی کام کرتا ہے بس بہن جو دیتی ہے اس پر گزارہ کرتاہے. عروبہ طارق کی طرف سے اس قسم کے الزامات تو لگائے گئے ہیں لیکن آئزہ خان یا ان کی فیملی کی طرف سے ابھی تک کسی قسم کی تردید نہیں آئی .

ماڈلنگ سے اداکاری کی طرف اور اداکاری کے بعد سیاسی تجزیہ کاری کی طرف آنے والی عفت عمر آج کل سوشل میڈیا پر کافی متحرک ہیں وہ تمام دن ٹویٹر پر نظر آتی ہیں. یوٹیوب چینل کے لئے ایک پروگرام بھی کرتی ہیں جس میں سیاسی لیڈران پر ہلکی پھلکی طنز بھی کرتی ہیں لیکن آج کل ان کی تنقید کے نشانے پر عمران خان ہیں. عفت عمر گزشتہ روز پنجاب اسمبلی میں ہونے والے انتخاب کے نتائج سے کافی خوش ہیں اسی خوشی میں انہوں نے مریم نواز کو ٹیگ کرکے ایک ٹویٹ کیا اس میں انہوں نے لکھا ” سازشی جعلی خط سے شروع ہونے والا گیم اصلی خط پر ختم عفت عمر کی مریم نواز کو مبارکباد” . عفت

عمر کے اس ٹویٹ کے جواب میں کسی صارف نے لکھا کہ ” لیٹر کی بات آپ کیوں کررہی ہیں،سیاست کا میراثیوں سے کیا لینا دینا” اس پر عفت عمر نے اس صارف کو جواب دیتے ہوئے لکھا ” کیوں جی میراثی اس ملک کے شہری نہیں ہیں” . یاد رہے کہ مریم نواز نے عفت عمر کو اپنے جلسے میں شریک ہونے کی دعوت بھی دی تھی. عفت عمر نے عمران خان پر کڑی تنقید کرتے ہوئے یہ بھی ٹویٹ کیا ” پارٹی 1996 میں بنائی تھی لیکن "آزادی اور غلامی کا خیال پورے 26 سال بعد اسے تب آیا جب اسے کرسی سے اتارا گیا” . عفت عمر کو اس ٹویٹ کے بعد بھی خاصی تنقید کا سامنا کرنا پڑا. عفت عمر نے گزشتہ دنوں معروف صحافی عاصمہ شیرازی کے پروگرام میں بطور تجزیہ کار شرکت بھی کی.