Category: شوبز

ماضی کے نامور فنکار طلعت حسین جنہوں جو آج کل ٹی وی ڈرامے سے دوری بنائے ہوئے ہیں ان کا کہنا ہے کہ پاکستان کو سیاستدانوں نے ان حالات میں پہنچا دیا ہے کہ جہاں‌ہر کوئی پریشان ہے اور یہ لوگ خوش ہیں.کراچی کی جو صورتحال ہے یا لاہور کے علاوہ دیگر شہروں کی اس کے ذمہ دار صرف سیاستدان ہیں. کیا پاکستان اس دن کے لئے بنایا گیا تھاکہ عوام پریشان رہیں اور سیاستدان آپسی سیاسی لڑائیاں‌لڑتے رہیں. ان کا مزید کہنا ہے کہ میں بہت مایوس ہوں اپنے ملک کے حالات دیکھ کر جو کچھ ہو رہا ہےیہ سب سیاستدانوں‌کے آپسی مفادات کی خاطر ہو رہا ہے.مفادات کی جنگ لڑی جا رہی ہے اس میں عوام کہاں‌ہے؟

یاد رہے کہ طلعت حسین نے کچھ عرصہ قبل ایک ویب سائٹ کو انٹرویو دیتے ہوئے کہا تھا کہ ان کا دل کرتا ہے کہ وہ ڈرامے لکھیں انہوں‌نے لکھا بھی لیکن آگے سے جواب ملا کے آپ کی کہانیاں بہت مشکل ہیں ہمیں سمجھ نہیں آرہی تو لوگوں‌کو کیسے سمجھ آئے گی اس کے علاوہ اسی انٹرویو میں ان سے جب پوچھا گیا کہ آپ ڈراموں میں اداکاری کیوں نہیں کررہے تو انہوں نے کہا تھا کہ مجھے اداکاری کی آفرز ہی نہیں آتیں.طلعت حسین کا یہ بھی ماننا ہے کہ ڈرامہ ادب کی قسم ہے اور آج کے ڈرامے میں انہیں‌ڈرامے کی کمی نظر آتی ہے.طلعت حسین کے مطابق ڈرامہ لکھنا آسان کام نہیں‌ہے پہلے جو لکھا کرتے تھے ان کو بہت ہی ذہین کہا جاتا تھا.

بادشاہ آف بالی وڈ شاہ رخ خان کے بیٹے آریان خان گزشتہ برس ممبئی کے ساحل سے دور ایک کروز یعنی ایک قسم کے بحری جہاز پر ’ریو پارٹی‘ میں منشیات کے استعمال کے شبہ میں گرفتار کر لئے گئے تھے کیس چلتا رہا کچھ ثابت نہ ہو سکاتو آریان خان کی رہائی کے احکامات جاری کر دئیے گئے۔حال ہی میں ایک بار پھر آریان خان پر الزام ہے کہ وہ شراب پی رہے ہیں. ایک وڈیو وائرل ہوئی ہے جس کے دیکھا جا سکتا ہے کہ آریان خان کسی کلب میں موجود ہیں اور شراب نوشی کررہے ہیں. یہ وڈیو جب سے

وائرل ہوئی ہے آریان خان تنقید کا نشانہ بنے ہوئے ہیں.کوئی شاہ رخ خان پر بھی تنقید کر رہا ہے تو کوئی آریان کو آڑھے ہاتھوں لے رہا ہے. آریان خان کے بارے میں کہا جا رہا ہے کہ ابھی ابھی تو ان کی کیس سے جان چھٹی تھی اور اب پھر سے یہ شراب نوشی کے چکر میں پڑ گئے ہیں.سوشل میڈیا صارفین میں سے بہت سارے صارفین کا کہنا ہےکہ مال و دولت کی جب بہتات ہو تو پھر بچے ایسے ہی نکلتے ہیں. شاہ رخ خان اور آریان خان اس وائرل وڈیو کے حوالے سے خاموشی اختیار کئے ہوئے ہیں دونوں نے ابھی تک اس پر کسی قسم کا رد عمل ظاہر نہیں کیا. شاہ رخ کی بیٹی سہانا بھی اس سلسلے میں بالکل خاموش ہیں.

سشمیتا سین اور للت مودی کے رشتے کے بارے میں پتہ چلتے ہی سابقہ مس یونیورس پر تنقید ہوئی انہیں‌ تو لالچی عورت تک کہہ دیا گیا اس کڑے اور برے وقت میں مہیش بھٹ نے ان کا ساتھ دیا اور کھل کر ان کی حمایت کی. مہش بھٹ نے حال ہی میں ایک انٹرویو کے دوران کہا ہےکہ سشمیتا سین ان کے بھائی وکرم بھٹ کی محبت میں گرفتار رہی ہیں دونوں ایک دوسرے کے ساتھ وقت بھی گزارتے تھے. مہیش بھٹ نے کہا کہ میں نے سشمیتا سین کو جب فلم دستک میں‌کام کرنے کی آفر کی تو انہوں‌نے فورا ہاں کردی، ورکرم بھٹ میرا دایاں ہاتھ ہوا کرتا تھا وہ کام میں‌میرے ساتھ ساتھ رہتا تھا یوں اس فلم کے سیٹ پر دونوں کا کافی انٹریکشن رہا اور دونوں اُن وقتوں‌میں ایک دوسرے کو پسند کرنے لگے تھے. مہیش بھٹ نے سشمیتا سین کی تعریف کرتے ہوئے کہا کہ میں اس کو بہت سراہتا ہوں کیونکہ یہ وہ لڑکی ہے جو اپنی شرائط پر زندگی گزارتی ہے حالانکہ یہاں لوگ دوسروں کے اصولوں کے مطابق زندگی گزارتے ہیں لیکن سشمیتا من موجی ہے. میں سشمیتا کے حوصلے اور اسکی فیصلہ سازی کو سلام کرتا ہوں‌کہ وہ اپنی شرائط پر زندگی گزارنے کی عادی ہے اور میں یہ سمجھتا ہوں‌کہ جس صدی میں ہم رہ رہے ہیں اس میں‌ہم دوسروں پر پابندی نہیں‌لگا سکتے نہ ہی ایسا ہونا چاہیے. یوں‌مہیش بھٹ نے اپنی مکمل سپورٹ‌سشمیتا سین کے پلڑے میں ڈال دی.

بالی وڈ کے دبنگ خان جن کا نام ہی فلموں‌کی کامیابی کی ضمانت بن چکا ہے.ان کی فلم بجرنگی بھائی جان کو شائقین نے بے حد پسند کیا فلم 2015 میں‌ریلیز ہوئی. اس فلم کے سیکوئل بنائے جانے کی خبریں کافی عرصے سے گردش کررہی ہیں فلم کے مصنف کے وی وجیاندرا پراساد نے ان خبروں‌ کی تصدیق کرتے ہوئے کہہ دیا ہے کہ بجرنگی بھائی جان کا سیکوئل بنائے جانے کی تیاریاں کی جا رہی ہیں اور سکرپٹ بھی تیار ہے. وی وجیاندرا پراساد نے ایک انٹرویو کے دوران پوچھے گئے سوال کے جواب میں

بتایا کہ سلمان خان کو فلم کے سیکوئل کی سٹوری سنا دی گئی ہے انہوں‌نے پسند بھی کی ہے جیسے ہی ان کی طرف سے فلم کی شوٹنگ کا اشارہ ملے گا یقینا عملی طور پر کام شروع ہوجائیگا. وی وجیاندرا پراساد نے کہا کہ یہ فلم اپنے پہلے حصے کا تسلسل ہوگا اور اس میں آٹھ سے 10 برس کے دورانیے کو آگے جا کر دکھایا جائیگا۔ یاد رہے کہ بجرنگی بھائی جان میں سلمان خان کے ساتھ کرینہ کپور، ہرشالی ملہوترہ اور نوز الدین صدیقی نے اہم کردار ادا کئے .فلم کا میوزک بھی بے حد پسند کیا گیا. بالی وڈ میں آج کل ری میک بننے کا سلسلہ زوروں سے جاری ہے . بجرنگی بھائی جان کے سیکوئل میں سلمان خان کے علاوہ کون کون ہوگا اس حوالے سے تفصیلات آنا ابھی باقی ہیں.

نوے کی دہائی میں‌پاکستان فلم انڈسٹری میں قدم رکھنے والی اداکارہ نرما اڑتالیس برس کی ہو گئی ہیں.گزشتہ روز انہوں‌ نے اپنی اڑتالیسویں سالگرہ منائی. اداکارہ نے بطور ماڈل اپنے کیرئیر کی شروعات کی بعد ازاں ٹی وی ڈراموں میں بھی اپنی اداکاری کے جوہر دکھائے. نرما کو بڑی اور چھوٹی سکرین پر یکساں سراہا گیا. نرما کا شمار نوے کی دہائی کی ان اداکارائوں میں‌ہوتا ہے جن کو بہت زیادہ پسند کیا جاتاتھا.نرما کا بولڈ انداز اور ہہترین اداکاری شائقین کا دل جیت لیتی تھی. نرما نے سٹیج ڈراموں‌میں بھی کام کیا لیکن کافی برسوں سے وہ شوبز سے کنارہ کر

چکی تھیں لیکن چند ماہ پہلے انہوں‌نے شوبز میں دوبارہ واپسی کی اور اس بار انہوں‌نے فلم یا ٹی وی کے کسی پراجیکٹ سے واپسی نہیں‌کی بلکہ انہوں‌نے سٹیج پر واپسی کی ہے ان کا اس وقت ایک سٹیج ڈرامہ چل رہا ہے. ان کے سٹیج کے مداح کافی خوش ہیں کہ انہوں‌نے شوبز میں واپسی کر لی ہے. یاد رہے کہ ان کی پہلی فلم بازیگر تھی اس کے بعد انہوں‌نے ڈریم گرل جیسی سپر ہٹ فلموں‌میں‌کام کیا. ان کا پہلا ڈرامہ رنجش تھا اس کے بعدانہوں دو چاند اور سرکار صاحب و دیگر ڈراموں‌میں کام کیا.نرما نے اپنے وقت کے بہترین ڈائریکٹرز اور ہیروز کے ساتھ کام کیا.نرما کا اصل نام عائشہ جہانگیر تھا اداکار اعجاز درانی نے ان کا نام عائشہ جہانگیر سے تبدیل کرکے نرما رکھ دیا تھا پھر نرما نام ہی شوبز میں ان کی پہچان بنا

بالی وڈ اداکار رنبیر کپور کا حال ہی میں ایک انٹرویو ہوا ہے اس میں ان سے سوال ہوا کہ وہ اپنے بے بی کی آمد کی تیاری کیسے کررہے ہیں تو انہوں‌نے کہا کہ میں ایک نرسری تیار کر رہا ہوں اور اپنی اہلیہ کے ساتھ ہر آنے والے دن کے صرف خواب دیکھ رہا ہوں.ہم دونوں دوسرے والدین کی طرح پر جوش ہیں.اس سے قبل بھی رنبیر کپور کہہ چکے ہیں‌کہ وہ اپنے آنے والے بے بی کی آمد پر بہت خوش ہیں اور وہ چاہتے ہیں‌کہ وہ اس پر بہت توجہ دیں.رنبیر کپور کہتے ہیں‌کہ

وہ اہلیہ عالی بھٹ کو بالکل بھی کام سے منع نہیں‌کریں گے یا بچے کی پرورش کےلئے انکو کیرئیر کی قربانی نہیں دینے دیں گے بلکہ اگر مجھے کام سے چھٹی لیکر بچے کی دیکھ بھال کرنی پڑی تو کروں گا. یاد رہے کہ رواں برس اپریل کے مہینے میں‌رنبیر کپور اور عالیہ بھٹ شادی کے بندھن میں بندھے ، عالیہ بھٹ نے انسٹاگرام پر تصویر کے زریعے دونوں کے والدین بننے کی خبر مداحوں کے ساتھ شئیر کی. تب سے اب تک رنبیر اپنے مختلف انٹرویوز میں اس حوالے سے بے حد خوشی کا اظہار کرچکے ہیں جبکہ عالیہ اور رنبیر دونوں کی فیملیوں کی طرف سے بھی بے حد خوشی کا اظہار کیا گیا ہے. رنبیر کپور کی فلم شمشیرا آج کے دن سینما گھرں‌کی زینت بن گئی ہے جبکہ براہمسٹرا رواں برس ہی ستمبر میں ریلیز ہوگی.

بالی وڈ کے ابھرتے ہوئے اداکار کارتیک آریان نے حال ہی میں ایک انٹرویو دیا ہے اس میں انہوں‌ نے کہا ہے کہ مجھے جو کردار ملتا ہے میری پوری کوشش ہوتی ہےکہ اسے اچھے نبھائوں میں‌اپنی پوری جان لگا دیتا ہوں باقی آڈینز پر ہوتا ہے کہ وہ اس کوشش کو کتنا سراہتے ہیں اور اس میں ہمارا عمل دخل نہیں‌ہوتا انہیں‌کیا پسند آئے کیا نہیں‌یہ ان کی چوائس ہے اس پر ہمارا اختیار نہیں‌ہوتا. کارتیک آریان نے مزید کہا کہ تنقید اگر مثبت اور تعمیری ہو تو میں اس سے یقینا سیکھتا ہوں لیکن اگر مجھے پریشان کرنے کےلئے تنقید کی جائے تو میں اس پر توجہ

نہیں‌دیتا. کارتیک نے مزید کہا کہ افواہوں اور بلاوجہ کے تنازعات کسی بھی مشہور شخصیت کی زندگی کا حصہ ہوتی ہیں مجھے بھی افواہوں‌نے شروع میں بہت پریشان کیا بلکہ مجھے ذہنی طور پر پریشان کیا لیکن وقت کے ساتھ ساتھ میں‌نے اسکو اگنور کرنا سیکھ لیا ہے . کارتیک نے کہا کہ افواہوں نے مجھے ہی نہیں‌میرے والدین کو بھی پریشان کیا لیکن میں‌نے صرف اپنے کام پر توجہ دینے اور پیار اور محبت جو شائقین کی طرف سے مل رہی ہے اسکو سیمٹنے کا فیصلہ کیا ہے .افواہیں آئیں گی اور چلی جائیں گی بلکہ دم توڑ جائیں گی لہذا اہم چیز کیرئیر ہے اس پر توجہ دینا زیادہ ضروری ہے.یاد رہے کہ کارتیک آریان اس وقت بالی وڈ کے سپر سٹار ہیں ان کی فلمیں‌ریکارڈ توڑ‌بزنس کررہی ہیں. بھول بھلیاں ٹو اس کی بڑی مثال ہے.

بالی وڈ کے کھلاڑی اکشے کمار نے حال ہی میں کافی ود کرن میں اداکارہ سمانتھا کے ساتھ شرکت کی.شو میں کافی دلچپسپ سوالات کئے گئے.اکشے کمار نے کہا کہ میں‌ آن لائن جا کر نہیں‌دیکھتا کہ کون کیا کہہ رہا ہے، جسکو جو کہنا ہے کہتا رہے. مسئلہ یہ ہےکہ جب صحافی لکھیں گے تو یقینا لوگ بھی باتیں کریں گے اور میں ان چیزوں‌کی پرواہ بالکل بھی نہیں‌کرتا. اکشے کمار سے جب کرن جوہر نے کہا کہ آپ کی عمر کے اداکاروں‌کو چھوٹی عمر کی لڑکی کے ساتھ کام کرنے پر تنقید کا سامنا کرنا پڑتا ہے اس پر کیا کہیں گے؟ تو اکشے کمار نے کہا کہ جو ایسا کرتے ہیں وہ حسد اور جلن میں ایسا کرتے ہیں اب وہ جلتے ہیں تو جلتے رہیں، ویسے بھی کیا میں‌55 سال کا لگتا ہوں؟ مجھے ویسے اس قسم کی تنقید کی سمجھ نہیں آتی. اداکارہ سمانتھا جو

اکشے کمار کے ساتھ وہیں پر موجود تھیں انہوں‌نے بھی اکشے کمار کی بات کے ساتھ اتفاق کیا انہوں‌نے کہا کہ میں بالکل اکشے کی بات سے سہمت ہوں. سمانتھا نے یہ بھی کہا کہ میں سوشل میڈیا پر ہونے والی ٹرولنگ مقابلہ نہیں‌کر پاتی. یاد رہے کہ اکشے کمار بالی وڈ کے وہ اداکار ہیں جن کا کیرئیر بہت متاثر کن رہا ہے انہوں‌نے جب سے کیرئیر کا آغاز کیا تب سے لیکر اب تک مسلسل مصروف ہیں اور ان کے کریڈٹ پر آج تک ہٹ فلموں‌کی تعداد زیادہ ہے.وہ واحد وہ اداکار ہیں جو تیس سال کے بعد بھی بے حد مصروف ہیں.

بالی وڈ اداکار رنویر سنگھ کہتے ہیں کہ وہ پچھلے دس برسوں سے سیکھ رہے ہیں اور اتنے برسوں میں‌انہوں‌ نے جن کرداروں‌ کا انتخاب کیا اس میں انہوں نے ورسٹیلٹی کا خیال رکھا اور سب سے زیادہ اہم بات یہ ہے کہ انہوں نے اپنے کرافٹ‌ پر بہت کام کیا. رنویر سنگھ نے کہا کہ میں‌نے اپنے کام میں‌مہارت حاصل کرنے کےلئے بہت کچھ اکٹھا کر لیا ہے اور اب میں صحیح معنوں میں‌ کام کرنے کے تیار ہوں. رنویر سنگھ ایک صلاحیت اداکار ہیں انہوں‌ نے باجی رائو مستانی اور پدماوت جیسی فلموں میں اداکاری کے جوہر دکھا کر اپنی صلاحیتوں کا لوہا منوایا. اداکار نے بینڈ باجا اور بارات سے کیرئیر کا آٍغاز کیا. یاد رہے کہ رنویر سنگھ او ٹی

ٹی پلیٹ‌فارم پر بھی قدم رکھ چکے ہیں اس پلیٹ فارم پر بھی ان کے نام کے ڈنکے بج رہے ہیں. رنویر اس وقت زیادہ خبروں میں آئے جب انہوں‌ نے ماضی قریب میں کنگ خان کے گھر کے پاس گھر خریدا. رنویر سنگھ کرن جوہر کی رومانوی ،ڈرامہ فلم روکی اور رانی کی پریم کہانی میں‌نظر آئیں گے اس میں ان کے ساتھ عالیہ بھٹ، دھرمیندر، جیا بچن، اور شبانہ اعظمی اہم کرداروں‌ میں‌نظر آئیں گے. رنویر سنگھ کے کیرئیر پر نظر ڈالیں تو محسوس ہوتا ہے کہ اداکار صرف اپنے کام سے کام رکھتے ہیں یہی وجہ ہے کہ وہ سکینڈلز کی زد میں کم ہی آئے ہیں.

اداکارہ صنم سعید جو ٹی وی کی بہترین اداکارہ ہیں انہوں‌ نے فلموں‌ میں بھی کام کیا ہے، ٹی وی پر تو انہیں‌ بہت پذیرائی ملی فلموں میں بھی انہیں‌پذیرائی ملی لیکن اُس طرح‌سے نہیں جس طرح‌ملنی چاہیے تھی. صنم بڑی سکرین پر ایک آدھ پراجیکٹ میں‌ ہی نظر آئیں. کافی عرصے سے صنم سکرین سے غائب ہیں حال ہی میں انہوں‌نے ایک انٹرویو دیا ہے اس میں انہوں نے کہا کہ جو بھی فلمیں بنائی جائیں یہ دیکھنا چاہیے کہ ان کا فلم انڈسڑی کو فائدہ ہو رہا ہے یا نہیں، ہاں ایک ہزار بھی غیر معیاری فلمیں‌بنا لی جائیں ان کا فلم انڈسٹری کو کسی طور فائدہ نہیں‌ہو گا.

انہوں نے یہ بھی کہا کہ ہمیشہ فلم کو اس حوالے سے دیکھیں‌ کہ اسکا معیار کیا ہے. اداکارہ نے مزید کہا کہ میں کبھی بھی کسی کے بارے میں‌بات نہیں‌ کرتی کون کیا کررہا ہے اس پر بھی توجہ نہیں دیتی یہی وجہ ہے کہ کوئی مجھ پر سوال نہیں اٹھاتا نہ ہی میرے بارے میں بات کرتاہے اور ویسے بھی میرے پاس اتنا وقت نہیں کہ میں اسکو اس چیز میں‌برباد کردوں‌کہ دوسرا کیا کررہا ہے. صنم سعید نے ایک سوال کے جواب میں‌کہا کہ وقت بہت بڑا استاد ہے یہ بہت کچھ سکھا دیتا ہے لیکن اگر کوئی سیکھنا چاہے تو، میں‌بھی وقت سے بہت کچھ سیکھا اور جو وقت سکھاتا ہے اسے انسان کبھی نہیں‌بھولتا. اگر آپ کامیابی حاصل کرنا چاہتے ہیں تو پھر جو کام کررہے ہیں اس بارے میں آگاہی حاصل کریں تجربے کریں.