Category: شوبز

ماڈل و اداکار شہریار منور جن کا حال ہی میں سجل علی کے ساتھ ہوا ایک فوٹو شوٹ ، اس فوٹو شوٹ کی جب سوشل میڈیا پر تصاویر جاری کی گئیں تو سوشل میڈیا صارفین نے لیا دونوں کو آڑھے ہاتھوں اور کہا کہ اس شوٹ نے ہماری اقدار کی دھجیاں اڑا کر رکھ دی ہیں. سجل علی تو ابھی تک اس حوالے سے بالکل خاموشی اختیار کئے ہوئے ہیں لیکن شہریار منور نے لے لیا ہے اپنے ناقدین کو آڑھے ہاتھوں. شہریار منور نے کہا کہ لوگ اس چیز کا خیال رکھیں کہ ہم مختلف کردار نبھانے والے

اداکار ہیں ہمارے مداح ہمارے کرداروں سے محظوظ ہوں، یہ ہی آرٹ ہے۔شہریار منور نے کہا کہ ہم نے جو شوٹ کیا ہے وہ امریکی مصنف آرتھر ملر اور اداکارہ مارلن منرو کے رومانوی تعلقات سے لے کر ہندوستانی ہدایت کار کمال امروہی اور اداکارہ مینا کماری کی محبت ، شادی اور پھر اختلافات جیسی حقیقی کہانیوں سے ماخوذ کیا گیا ہے۔انہوں نے یہ بھی کہا کہ یہ ہی آرٹ ہے اس سے لطف اندوز ہو. واضح رہے کہ شہریار منور اور سجل علی کا یہ شوٹ خاصا خوبصورت اور کلاسک ہے جہاں اس شوٹ کی تصاویر پر تنقید کی جا رہی ہے وہیں اس کو بے حد سراہا بھی جا رہا ہے. سجل اور شہریار منور ان تصاویر میں بہت خوبصورت لگ رہے ہیں.تنقید اور لوگوں کا شور اپنی جگہ لیکن دونوں کو ایک ساتھ پسند کرنے والوں‌کی تعداد بھی کم نہیں ہے.

معروف اداکارہ جو احد رضا میر کے ساتھ اپنے تعلق کو لیکر پچھلے کچھ عرصے سے خاصی خبروں میں ہیں. حال ہی میں ان کی ایک تصویر سوشل میڈیا پر کافی وائرل ہوئی ہے جس میں وہ کافی خوبصورت تو لگ رہی ہیں‌لیکن ہاتھ میں ڈیجیٹل کائونٹر پکڑے ہوئے ہیں جو کہ اکثر تلاوت کے لئے استعمال ہوتا ہے. سوشل میڈیا صارفین نے سجل علی کو بنایا تنقید کا نشانہ اور کہا کہ ایک طرف تو مغربی لباس زیب تن کرکے کھڑی ہیں دوسری طرف ہاتھ میں ڈیجیٹل کائونٹر پکڑ رکھا ہے جو کہ غلط ہے اور

عبادت کی توہین ہے. سوشل میڈیا صارفین کا کہنا تھا کہ اللہ کا زکر کم زکم سر کو ڈھانپ کر کیا جانا چاہیے.سجل علی کی تصویر پر یوں ہوتی رہی کافی تنقید. سجل کواس وقت شدید تنقید کا سامنا ہے وہ ابھی تک اس حوالے سے خاموشی اختیار کئے ہوئے ہیں کیونکہ ابھی حال ہی میں وہ شہریار منور کے ساتھ ایک بولڈ فوٹو شوٹ کی وجہ سے سوشل میڈیا صارفین کی تنقید کا نشانہ بنی تھیں .اداکارہ نے اس شوٹ کے حوالے سے بھی خاموشی اخیتار کئے رکھی. واضح رہے کہ سجل علی اور احد رضا میردونوں کے درمیان طلاق ہوجانے کی افواہیں کافی عرصے سے گردش کررہی ہیں لیکن ابھی تک دونوں نے اس ھوالے سے کسی قسم کی کوئی بات نہیں کی نہ ہی تردید کی ہے نہ ہی تصدیق کی ہے.

بالی وڈ اداکار دیپیکا پاڈوکون کے شوہر رنویر سنگھ آج کل ہیں تنقید کی زد میں. انہوں نے حال ہی میں ایک انٹرنیشنل میگزین کےلئے بولڈ فوٹو شوٹ کروایا ہے. اس بولڈ فوٹو شوٹ کی تصاویر جیسے ہی سوشل میڈیا پر آئیں تو ایک طوفان سا اٹھ گیا کسی نے تصاویر کو سراہا تو کسی نے تنقید کی.تنقید کرنے والوں کی تعداد شاید زیادہ تھی. دیپیکا پاڈوکون نے رنویر سنگھ کی تصاویر دیکھ کر انہیں بے حد سراہا. ارجن کپور جو کہ آج کل اپنی فلم ایک تھا ولن کی پرموشن کے لئے بھارت کے شہر شہر جا رہے ہیں ان سے اسی دوران رنویر سنگھ کے بولڈ فوٹو شوٹ پر بات کرنے کو کہا گیا تو انہوں نے کہا کہ میں صرف

اتنا کہوں گا کہ رنویر کا سوشل میڈیا ، ان کی مرضی ،جو انہیں ٹھیک اور بہتر لگتا ہے وہ کر سکتے ہیں ہمیں ان کے فیصلوں کا احترام کرنا چاہیے.ارجن نے کہا کہ میرے حساب سے ٹرولز کو تو بالکل بھی اہمیت نہیں دی جانی چاہیے کیونکہ ” کچھ تو لوگ کہیں گے ان کا کام ہے کہنا ” لہذا آپ کو جو ٹھیک لگتا ہے آپ کو کرنا چاہیے. ارجن نے کہا کہ رنویر سنگھ اپنی مرضی کے مالک ہیں اور وہ جو کررہے ہیں اگر اس میں خوش ہیں تو ہمیں بھی ان کی خوشی میں خوش ہونا چاہیے. یاد رہے کہ رنویر سنگھ نے جب سے یہ بولڈ فوٹو شوٹ کروایا ہے لوگوں کی ایک بڑی تعداد ان کو تنقید کا نشانہ بنائے ہوئے ہے.

بالی وڈ کے منجھے ہوئے اداکار متھن چکرورتی نے اپنے حالیہ انٹرویو میں انکشاف کیا ہے کہ جب وہ اپنے کیرئیر کی شروعات میں جدودجہد کررہے تھے تو بہت بار دل شکستہ ہوئے. کیرئیر بنانے کےلئے جدوجہد کے دوران اس قدر دل شکستہ ہوئے کہ انہوں نے اپنی زندگی ختم کرنے یقینی خود کشی کرنے کا سوچا، انہیں‌لگ رہا تھا کہ وہ اپنے خواب پورے نہیں کر پائیں گے.ساتھ ہی ساتھ متھن چکرورتی نے یہ بھی کہا کہ میں اپنی زندگی سے جڑے اس طرح کے واقعات کے بارے میں بات نہیں کرنا چاہتا اور نہ ہی کرنی چاہیے کیونکہ اس طرح سے نوجوانوں کی حوصلہ شکنی ہوتی ہے اور وہ کیرئیر بنانے کےلئے جدوجہد کرتے ہوئے دل شکستہ ہوسکتے ہیں .متھن چکرورتی نے کہا کہ کبھی بھی اپنی زندگی ختم کرنےکا نہیں سوچنا چاہیے انہوں نے نیو

کمرز کو مشورہ دیتے ہوئے کہا کہ لڑے بغیر کبھی بھی زندگی ختم کرنے کا نہ سوچیں. میں نے بہت محنت کی بے شک بہت برے وقت بھی دیکھے لیکن یہ بھی تو دیکھیں کہ میری محنت رنگ لائی اور میں آج کہاں ہوں؟ انٹرویو میں ایک سوال کے جواب میں متھن چکرورتی نے کہا کہ فلم انڈسٹری میں کچھ تبدیلیاں آئی ہیں لیکن جیسے جیسے ہم آگے بڑھ رہے ہیں انسانی قدریں کم ہوتی جا رہی ہیں اور سوشل میڈیا کو میں اس کا ذمہ ٹھہرائوں گا.سوشل میڈیا کا مثبت استعمال بھی ہو سکتا ہے لیکن ہمارے ہاں‌اس کا منفی استعمال کیا جا رہا ہے جو کہ بہت ہی غلط ہے ایسا نہیں‌ہونا چاہیے. انہوں نے مزید کہا کہ پہلے ہم سیٹ پر جاتے تھے ایک دوسرے سے ملتے تھے لیکن اب ہم سیٹ پر پہنچتے ہیں تو فارغ وقت میں فون پر لگ جاتے ہیں ہر کوئی اسی قسم کی سرگرمی میں‌مصروف نظر آتاہے .

سنجے لیلا بھنسالی کی ہیرا منڈی میں اداکار فردین خان بھی شامل ہو گئے ہیں کہا جا رہا ہے کہ فردین خان کی اس ٹیم کا حصہ بننے کی خبر کنفرم کر دی گئی ہے. ہیرامنڈی کوئی فلم نہیں‌ہے بلکہ آٹھ اقساط پر مشتمل ویب سیریز ہے اسکی شوٹنگ آج کل جاری ہے.اداکار فردین خان کو آدیتی رائو حیدری کے مدمقابل کاسٹ کیا گیا ہے. فردین خان سے قبل ماضی کی معروف اداکارہ ممتاز جو کہ فردین خان کی ساس بھی ہیں ان کے بارے میں کہا جا رہا تھا کہ وہ اس ویب سیریز کا حصہ بنیں گی لیکن جب ان سے گزشتہ دنوں میڈیا نے پوچھا تو انہوں نے کہا کہ سنجے لیلا بھنسالی کی ہیرا منڈی میں میری شرکت کے حوالے

سے اڑائی جانے والی خبروں میں بالکل بھی صداقت نہیں ہے. یاد رہے کہ سنجے لیلا بھنسانی نے گزشتہ برس اگست میں ہیرا منڈی بنانے کا اعلان کیا تھا سنجے لیلا بھنسالی نے کہا کہ تھا کہ میں اس ویب سیریز کو بنانے کے لئے بہت پرجوش ہوں اور اس سے بھی زیادہ پرجوش اس لئے ہوں کہ اسے نیٹ فلیکس پر ریلیز کیا جائیگا. سنجے لیلا بھنسالی کا شمار بالی وڈ کے ایسے ہدایتکاروں میں‌ہوتا ہے جن کا ہر پراجیکٹ ہاتھوں ہاتھ لیا جاتا ہے ان کے مداح ان کے ہر پراجیکٹ کا بے چینی سے انتظار کررہے ہوتے ہیں.انہوں نے اب تک جتنی بھی فلمیں بنائیں وہ کلاسک کا درجہ رکھتی ہیں یقینا ہیرا منڈی بھی ایسی ہی ثابت ہو گی.

رنبیر کپور اور عالیہ بھٹ کی جوڑی تب سے خبروں میں ہے جب سے یہ دونوں شادی کے بندھن میں بندھے ہیں. جب سے اس جوڑے نے والدین بننے کی خبر مداحوں کے ساتھ شئیر کی ہے تب سے لیکر اب کوئی دن ایسا نہیں‌جاتا کہ جب دونوں خبروں میں‌نہ ہوں. رنبیر کپور نے حال ہی میں ایک انٹرویو دیا ہے اس میں انہوں نے کہا کہ میں سنتا ہوں اکثر لوگ کہہ رہے ہوتے ہیں کہ عالیہ بھٹ کیرئیر کے عروج پر ماں بننے جا رہی ہیں حالانکہ عالیہ کے زہن میں ایسی کوئی بات نہیں ہے اور وہ تو بلکہ

بہت خوش ہے کہ ہماری فیملی بڑھنے جا رہی ہے. رنبیر کپور نے کہا کہ عالیہ اگر ماں بننے جا رہی ہے تو اسکا مطلب یہ نہیں ہے کہ ان کا کیرئیر ختم ہو جائیگا یا ان کو اپنے کیرئیر کی قربانی دینی پڑے گی. رنبیر کپور نے مزید یہ بھی کہا کہ میری والدہ نتیو کپور کے ہاں جب بچوں‌کی پیدائش ہوئی تو ان کو مسائل کا سامنا تھا انہیں اپنے کیرئیر پر کمپرومائز کرنا پڑا کیونکہ بچوں کی دیکھ بھال ماں سے بڑھ کر کوئی نہیں کر سکتا. اداکار نے کہا کہ بچے پالنا صرف عورت کا کام نہیں ہوتا کیوں دے عورت اپنے کیرئیر کی قربانی ؟مرد کیوں نہیں بچوں‌کو سنبھال سکتا؟ رنبیر کپور نے مزید یہ بھی کہا کہ عالیہ بھٹ کو مکمل اجازت ہو گی کہ وہ اپنا کیرئیر دیکھیں میں بچے کی ذمہ داری اٹھائوں گا میں نہیں‌چاہتا کہ عالیہ کی راہ میں‌کوئی رکاوٹ آئے.

بگ باس 6 سے شہرت حاصل کرنے والی بالی وڈ کی اداکارہ ثناء خان نے گزشتہ روز سوشل میڈیا پر ایک وڈیو جاری کی جس میں وہ کافی جذباتی بھی ہوئیں اور بتایا کہ انہوں نے بالی وڈ کی چکا چوند کو کیوں چھوڑا. ثناء خان نے کہا کہ وہ مسلسل ایک خواب دیکھتی تھیں اس خواب میں ایک قبر ہوتی تھی جو جل رہی ہوتی تھی اور اس قبر میں خود کو دیکھتی تھی. ثناء کہتی ہیں‌کہ مجھے ایسا لگا کہ شاید یہ خدا کی طرف سے کوئی اشارہ ہے.لہذا میرا دل بدلنا شروع ہوا اور میں نے قرآن مجید کا مطالعہ شروع کیا حجاب پہننا شروع کی تو دل کو سکون ملنے لگا. میں نے محسوس کیا کہ اللہ کے زکر میں مجھے دلی سکون مل رہا تھا. ثناء خان

نے یہ بھی کہا کہ میرے پاس عزت دولت شہرت سب کچھ تھا لیکن دل کا سکون نہیں تھا یہ چیز مجھے سکون نہیں‌لینے دیتی تھی.ثناء خان بتاتی ہیں کہ 2019 کے رمضان المبارک کے مہینے میں ان کو جو مسلسل خواب آرہا تھا اس نے انہیں بدل دیا. ثناء خان کہتی ہیں کہ انہوں نے ترغیبی تقاریر سننا شروع کی تو ان کے اندر تبدیلیاں آنے لگیں.ثناء نے روتے ہوئے کہا کہ انہی دنوں میں‌میری سالگرہ تھی اسی سالگرہ کے دن میں نے اپنی کبرڈ سے سکارف نکالے اور سر پر ایک سکارف لیا اس کے بعد میں‌نے فیصلہ کر لیا کہ میں کبھی اب سکارف سر سے نہیں اتاروں گی. یاد رہے کہ ثناء خان اس کے بعد شادی کے بندھن میں بھی بندھیں اور اپنے شوہر کے ساتھ حج کا فریضہ بھی ادا کیا .

بالی وڈ کے کھلاڑی اکشے کمار ہر کام سسٹم کے تحت کرتے ہیں ان کے بارے میں مشہور ہے کہ وہ قانون اور ضوابط کی بہت پاسداری کرتے ہیں.ان کا شمار بالی وڈ کے ایسے اداکاروں میں‌ہوتا ہے جو روٹین سے انکم ٹیکس کی ادائیگی کرتے ہیں. حالیہ رپورٹس کے مطابق اکشے کمار مسلسل انکم ٹیکس دینے کی روایت برقرار رکھتے ہوئے بالی وڈ کے سب سے زیادہ ٹیکس دینے والے فنکار بن گئے ہیں. محکمہ انکم ٹیکس نے اداکار کو سمن پترا یعنی اعزازی سرٹیفکیٹ بھی دیا ہے۔اکشے کمار نے یہ سرٹیفکیٹ خود وصول نہیں‌کیا بلکہ ان کی ٹیم نے انکے بحاف پر وصول کیا کیونکہ اکشے کمار بھارت سے باہر اپنی فلم کی

شوٹنگ میں‌مصروف ہیں وہ شوٹنگ ادھوری چھوڑ کر اس سرٹیفیکیٹ وصول نہیں‌کر سکتے تھے لہذا انہوں نے اپنی ٹیم سے کہا کہ وہ ان کے بحاف پر اس اعزازی سرٹیفیکٹ کو وصول کرے. سوشل میڈیا پر اکشے کمار کی بہت تعریف کی جا رہی ہے اور کہا جا رہا ہے کہ بہت کم اداکار اکشے کمار جیسے ہوتے ہیں جو باقاعدگی سے انکم ٹیکس کی ادائیگی کریں. یاد رہے کہ اکشے کمار پچھلے پانچ برسوں سے نمبر ون کی پوزیشن پر ہیں کیونکہ وہ سب سے زیادہ اور بروقت ٹیکس ادا کررہے ہیں. یاد رہے کہ کچھ عرصہ قبل اکشے کمار کی رکشہ بندھن فلم ریلیز ہوئی ہے بہن بھائیوں کی محبت پر مبنی اس فلم کو بہت زیادہ سراہا جا رہا ہے.

اداکارہ و ماڈل صوفیہ مرزا جو وقتا فوقتا سوشل میڈیا پر اپنی ذاتی زندگی ڈسکس کرتی رہتی ہیں اور وہ مسلسل اپنے سابق شوہر پر الزامات لگاتی رہتی ہیں حالانکہ دونوں کے کیسز عدالتوں میں چل رہے ہیں اس کے باوجود صوفیہ مرزا ذہر اگلنے سے باز نہیں آتیں. صوفیہ مرزا کی جانب سے مسلسل اپنے سابق شوہر عمر فاروق ظہور کی سوشل میڈیا پر کردار کشی سے تنگ آکر اداکارہ کے خلاف ہتک عزت کا پچاس کروڑ روپے کا دعوی دائر کر دیا ہے. عدالت نے صوفیہ مرزا کو نوٹس جا ری کر دیا ہے.عمر فاروق ظہور کے وکیل نے استدعا کی کہ عدالت صوفیہ مرزا کے خلاف 50کروڑ روپے کی ہتک عزت کی ڈگری جاری کرے سیشن عدالت نے صوفیہ مرزا کو نوٹس جاری کرتے ہوئے 7ستمبر تک جواب جمع کروانے کا حکم دے دیا۔

یاد رہے کہ اس سے قبل صوفیہ مرزا نےاپنے شوہر کے خلاف پریس کانفرنس کرتے ہوئے کہا تھا کہ میں اپنی بیٹیوں سے دس سال سے نہیں‌ملی کیونکہ میرا سابق شوہر مجھے ان سے ملنے نہیں دیتا، انہوں نے وزیراعظم شہباز شریف سے یہ بھی استدعا بھی کی تھی کہ وہ اس ضمن میں ان کی مدد کریں اور ان کی بیٹیاں ان کو واپس دلوا دیں .صوفیہ مرزا نے تو یہاں تک کہہ دیا تھا کہ ان کا سابق شوہر دھوکے سے ان کی بیٹیوں کو دبئی لیکر گیاہے.