Category: شوبز

امجد اسلام امجد کہتے ہیں‌ کہ آج کل جو کچھ ٹی وی پر دکھایا جا رہا ہے میں وہ نہیں لکھ سکتا اور نہ ہی اسکو فیملی ڈرامہ کہہ سکتا ہوں. اپنے حالیہ انٹرویو میں‌انہوں نے کہا کہ مجھے آج بھی لکھنے کی پیشکش ہوتی تو ہے لیکن مجھے پتہ کہ میں‌ جیسا لکھوں گا وہ ویسا دکھایا نہیں‌جائیگا جب مجھے یقین ہوجائیگا کہ جو میں‌لکھ رہا ہوں ویسا ہی دکھایا جائیگا تو یقینا لکھوں گا. ایک سوال کے جواب میں‌ انہوں نے کہا صرف پاکستان میں‌ ہی نہیں‌پوری دنیا میں‌ادب پر زوال آیا ہے لیکن یہ مستقل نہیں‌رہے گا اچھا وقت آئیگا ہمارے بعد میں آنے والے بچے اچھا لکھ رہے ہیں مجھے یقین ہے کہ اچھا ادب ہمارا منتظر ہے.امجد اسلام امجد کہتے ہیں کہ آج ڈائریکٹرز بھی اچھے ہیں اور ایکٹرز بھی لیکن پرڈیوسر اور لکھنے والوں مںٰ مسئلہ ہے ان کو ٹھیک ہونا پڑے گا. اور جو ڈرامہ اس وقت بن رہا ہے کم از کم میرا ضمیر اسکو اپنی فیملی کے

ساتھ بیٹھ کر دیکھنے کی اجازت نہیں دے گا .اس وقت ڈراموں میں‌پاکستان کی جو تصویر دکھائی جا رہی ہے وہ ٹھیک نہیں ہے یہ جواز بالکل غلط ہے کہ سوسائٹی میں‌جو کچھ ہو رہا ہے ہم وہی دکھا رہے ہیں.امجد اسلام امجد نے چونکہ لقمان ولا کی تقریب میں‌شریک تھے اور انورمقصود کے لئے خاص کر آئے تھے انہوں‌ نے ان کے حوالے سے کہا کہ ٹی وی کی ہسٹری میں بہت سارے لکھنے والے رہے ہیں سب نے اچھا کام کیا لیکن جتنا اچھا کام انور مقصود نے کیا ہے اس پہ ہمیں فخر ہے اور جتنا لمبا عرصہ انہوں‌ نے کام کیا ہے اس اعتبار سے دیکھا جائے تو نسلوں کو باشعور بنانے میں انور مقصود کی تحریروں کا بہت بڑا حصہ ہے.

آج شام لقمان ولا میں انور مقصود کی آنر میں ایک تقریب کا اہتمام کیا گیا تقریب مختلف شعبہ ہائے زندگی سے تعلق رکھنے والے سرکردہ افراد نے بھرپورشرکت کی۔ شوبز سے جڑی جو شخصیات وہاں موجود تھیں ان میں اداکار سلمان شاہد ، اداکار فیصل رحمان، امجد اسلام امجد و دیگر کے نام قابل زکر ہیں۔ انکے علاوہ وہاں حاجی اقبال اور عبدرئوف خصوصی طور پرتشریف فرما تھے. تین گھنٹے سے زائد جاری رہنے والی اس اس تقریب میں انور مقصود نے وہاں موجود مہمانوں سے اپنے روایتی مگر ہلکے پھلکے انداز میں گفتگو کی. انور مقصود باتوں ہی باتوں میں‌چٹکلے بھی سناتے رہے اور وہاں موجود لوگ ان کی پیار بھری اور سوال اٹھانے والی گفتگو سے محظوظ ہوتے رہے. انور مقصود نے اداکار سلمان شاہد کو اپنے برابر کھڑا کرکے سوال پوچھا کہ بلدیاتی الیکشن ہونے والے ہیں آپ کس کے خیمے میں‌ نظر آئیں گے تو سلمان شاہد بولے پچھلی بار خیموں میں گیا تھا نتیجہ اچھا اخذ نہیں ہوا تھا.اسی طرح سے انور مقصود نے آج اپنے آنر میں‌ہونے والی تقریب میں کہا ہے کہ وہ چھیاسٹھ برس سے کام کررہے ہیں اور

اس دوران مجھے چار بڑے ایوارڈز ملے پہلا ایوارڈ پرائیڈ آف پرفارمنس،بے نظیر کے دور میں، دوسرا ایوارڈ ستارہ امتیاز بے نظیر کی دور میں، تیسرا ایوارڈ ہلال امتیاز زرداری کے دور میں، چوتھا ایوارڈ ملا قائداعظم گولڈ میڈل زرداری کے دور میں. انہوں‌نے کہا کہ پاکستان وہ واحد ملک ہے جس کے ماضی کے بارے میں تو بات کی جا سکتی ہے لیکن حال کے بارے میں کچھ نہیں‌ کیا جا سکتا.آرٹسٹ بہت سچے لوگ ہوتے ہیں وہ جس کو بھی چاہتے ہیں دل سے چاہتے ہیں یہ جو بھی کام کرتے ہیں ایمانداری سے کرتے ہیں. کس بات کے رد عمل میں بولے بائیس کروڑ کی آبادی میں اکیس کروڑ بے ایمان ہیں اس لئے مجبورا کسی نہ کسی کو تو ووٹ دینا ہی پڑتاہے.

معروف ماڈل فیا خان نے سوشل میڈیا پر اپنی حالیہ تصاویر جاری کی ہیں جس کی وجہ سے وہ شدید تنقید کی زد میں ہیں.ان کی تصاویر کافی بولڈ ہیں ان تصاویر کو لگا کر انہوں نے اپنے مداحوں اور دوستوں کے ساتھ اپنے حاملہ ہونے کی خبر شئیر کی ہے. فیا خان پہلی ایسی ماڈل ہیں جنہوں اپنے حاملہ ہونے کی خبر اس انداز میں لوگوں کے ساتھ شئیر کی ہے.فیا خان کی بہت ساری دوستیں ان کو سوشل میڈیا پر مبارکباد دے رہی ہیں لیکن بہت سارے لوگ ان کے اس انداز پر انہیں شدید نشانہ بھی بنا رہے ہیں.فیا خان پر جو تنقید کررہا ہے وہ اس کو لاجواب کررہی ہیں اور کہہ رہی ہیں کہ ان کی مرضی ہے ان کی زندگی ہےوہ

جو چاہیں کریں. یاد رہے کہ فیا خان چند ماہ کی حاملہ ہیں اور انہوں نے اسی ھالت میں ایک شوٹ کروایا ہے شوٹ خاصا بولڈ ہے ایسا شوٹ کم از کم ہماری شوبز انڈسٹری کی تاریخ میں شاید ہی پہلے کسی نے دیکھا ہو. فیا خان پہلے بھی اپنے بولڈ ڈریسز اور شوٹس کی وجہ سے ہی جانی جاتی ہیں. فیا خان کی پہلی شادی لاہور سے تعلق رکھنے والے کیمرہ مین قام علی مرید سے ہوئی تھی جو کچھ ہی عرصہ رہی اس کے بعد ان کی شادی ایک ترکش شہری سے ہوئی ہے اس کے ساتھ وہ کافی خوش بھی دکھائی دیتی ہیں اکثر اپنی اور اپنے شوہر کی تصاویر خوبصورت کیپشنز کے ساتھ شئیر کرتی ہوئی دکھائی دیتی ہیں.

ہالی وڈ کی نامور اداکارہ اور جونی ڈیپ کی سابقہ اہلیہ ایمبر ہرڈ نے جب سے اپنے شوہر پر مار پیٹ کا الزام لگا کر عدالت کا دروازہ کھٹکھٹایا اس کے بعد ذلت نے جیسے ان کے گھر کا راستہ دیکھ لیا ہو. اس کھیل میں ہارنے والی ایمبر ہرڈ مسلسل پریشانیوں کا شکار ہیں ان کی مقبولیت یں تیزی سے کمی آرہی ہے. یہاں تک کہ اپنی ہی شوبز فیلڈ میں ان کو کافی سخت رویوں کا سامنا ہے. ایمبر ہرڈ کی مقبولیت کا مسلسل گرتا گراف دوبارہ اوپر لانے کےلئے ایک جھوٹی خبر کا سہارا لیا گیا اس کے مطابق ایمبرہرڈ دنیا کی خوبصورت خاتون قرار دی گئیں.اس خبر کے بعد دنیا بھر کی بڑی ویب سائٹس پر ایمبر ہرڈ کو

مثبت انداز میں کوریج ملی اور انہیں دنیا کی خوبصورت ترین خاتون کہا لیکن اس جھوٹی خبر اور اس کے نیتجے میں ملنے والی کوریج دھڑام سے نیچے آکر گر گئی ہے کیونکہ متعدد بین الاقوامی میڈیا سائٹس کے مطابق ایمبر ہرڈ دنیا کی تیسری خوبصورت ترین خاتون ہیں جبکہ پہلا نمبر سپر ماڈل بیلا حدید اور دوسرا گلوکارہ بیونسے کا ہے۔اس درجہ بندی میں ڈاکٹر جولین ڈی سلوا نے کردار ادا کیا ہے، ڈاکٹر جولین ڈی سلوا ایک برطانوی پلاسٹک سرجن ہیں جو لندن میں سینٹر فار ایڈوانسڈ فیشل کاسمیٹک اینڈ پلاسٹک سرجری کی سربراہ ہیں۔یاد رہے کہ ایمبر ہرڈ نے جس طرح سے جونی ڈیپ کے معاملے کو ہینڈل کرنے کی کوشش کی ہے اس کے بعد ان کی ساکھ بری طرح متاثر ہوئی ہے.یاد رہے کہ فیک نیوز کے مطابق یہ کہا گیا تھا کہ سائنسدانوں نے ایمبر ہرڈ کی خوبصورتی کو ناپنے کے لیے یونانی فارمولے کا استعمال کرتے ہوئےان کی آنکھیں، بھنویں، ناک، ہونٹ، ٹھوڑی، جبڑے اور چہرے کی پیمائش کی ہے۔ اس پیمائش کے مطابق اداکار کا چہرہ 91.85 فیصد یونائی فارمولے کے مطابق ہے اور وہ ان کا چہرہ سائنسی اعتبار سے دنیا کا خوبصورت ترین چہرہ ہے.

مہیش بھٹ نے حال ہی میں کہا ہے کہ وہ اپنے گھر کی عورتوں سے ڈرتے ہیں مہیش بھٹ کے اس بیان کے بعد وہ کافی چرچا میں ہیں. تفصیلات کے مطابق فلم جلیبی کی تشہر کے دوران انہوں نے ایک انٹرویو میں کہا کہ وہ اپنے گھر کی عورتوں سے ڈرتے ہیں ساتھ ہی انہوں نے یہ بھی کہا کہ عورتیں نہ صرف ذہین ہوتی ہیں بلکہ بہترین فیصلہ ساز بھی ہوتی ہیں.مہیش بھٹ کے ساتھ اس فلم کی تشہیر میں اداکارہ ریا چکرورتی بھی تھیں انہوں نے کسی صحافی کے سوال کے جواب میں کہا کہ اگر مرد خوش رہنا چاہتے ہیں اور یہ بھی چاہتے ہیں کہ عورتوں کے ساتھ ان رشتے میں تنائو نہ آئے تو وہ میرے اس مشورے کو عمل کریں کہ وہ

عورتوں کی بات سنیں انہیں اہمیت دیں اور جو مرد ایسا نہیں کرتے وہ یقینا نقصان اٹھاتے ہیں. ریا کی اس بات سے اتفاق کرتے ہوئے مہیش بھٹ نے بھی کہا میں عورتوں سے بھرے گھر میں رہتا ہوں ان کی بہت سنتا ہوں ان کے فیصلوں کو اہمیت دیتا ہوں. انہوں نے کہا کہ میں تو خواتین کی ذہانت کا قائل ہوں.انہوں نے اعتراف کیا کہ میں ایک خوشگوار زندگی گزار رہا ہوں حالانکہ عورتوں سے بھرے گھر میں رہتا ہوں لیکن بہت خوش ہوں ان کی سنتا ہوں ان کی مانتا ہوں.
فلم کی تشہیر کے دوران مہیش بھٹ کی کہی ہوئی یہ باتیں خاصی پسند کی جا رہی ہیں اورسوشل میڈیا پر ان کے بیانات پر مختلف قسم کے تبصرے کئے جا رہے ہیں.

اداکار جان ریمبو اور صاحبہ کے بیٹے احسن خان نے لمز یونیورسٹی سے گریجوایشن کی حال ہی میں ڈگری حاصل کی ہے جس پر دونوں فنکار کافی خوش ہیں.اس حوالے سے لمز یونیورسٹی میں‌ ایک تقریب کا اہتمام کیا گیاجس میں ریمبو اور صاھبہ نے شرکت کی. سوشل میڈیا پر جب یہ تصاویر جاری کی گئیں تو دونوں فنکاروں کو مبارکبادیں ملنے کا بڑی تعداد میں سلسلہ شروع ہوا.گریجوایشن کی ڈگری جاری کرنےکےلئے جس تقریب کا یونیورسٹی میں اہتمام کیا گیا اس کے ختم ہونے کے بعد صاحبہ اور ریمبو نے خوشی بھرے انداز میں اپنے بیٹے کے ساتھ یونیورسٹی میں تصاویر بنوائیں،تصاویر میں تینوں کی خوشی دیدنی ہے.سوشل میڈیا پر جان ریمبو اور صاحبہ کے دوست جہاں انہیں ٹیگ کرکے

مبارکباد دے رہے ہیں وہیں ان کے مداح بھی خوشی کا اظہار کررہے ہیں اور اپنے پسندیدہ سٹارز کی خوشی میں خوش ہو رہے ہیں.یاد رہے کہ صاحبہ کافی برسوں سے اداکاری کم کرتی دکھای دے رہی ہیں وہ اب اپنا ایک بیوٹی سیلون چلا رہی ہیں اس کے ساتھ ساتھ وہ ایک یوٹیوب چینل بھی چلا رہی ہیں. جبکہ جان ریمبو ڈراموں میں تو نظر نہیں آرہے لیکن کافی برسوں کے بعد حال ہی میں فلم گھبرانا نہیں ہے میں ایک اہم کردار کرتے دکھائی دئیے ہیں.ریمبو کہتے ہیں کہ ان کو ڈرامے آفر نہیں کئے جاتے ورنہ وہ ڈراموں میں ضرور کام کریں ان کا یہ بھی کہنا ہے کہ مجھے صرف کامیڈین ہی نہ سمجھا جائے میں ورسٹائل اداکار ہوں مجھے مختلف قسم کے کردار بھی دئیے جائیں.

فوک گلوکار عالم لوہار کی کل 43 ویں برسی منائی جائیگی، صوفی کلام کو منفرد انداز میں گانے اور شیر پنجاب کہلائے جانے والے عالم لوہار کی فیملی میں ان سے پہلے کوئی نہیں گاتا بجاتا تھا. عالم لوہار نے کم عمری میں ہی پنجابی کہانیاں اور شاعری پڑھنا شروع کر دیں تھیں اس کے بعد صوفیا کے کلام کو گانے لگے، ان کے کلام کو سننے کےلئے ان کے گائوں میں دود دور سے لوگ آنے لگے.عالم لوہار نے گائیکی میں چمٹا بجانے کے انداز کو متعارف کروایا ان سے پہلے کسی گلوکار نے چمٹا نہیں بجایا تھا.سریلی آواز کے مالک اس فوک گلوکار نے کبھی بھی کسی استاد کی شاگردی اختیار نہیں کی تھی ان کی آواز انہیں‌قدرت کا عطا کردہ انمول تحفہ تھی. عالم لوہار کی شہرت جب ان کے گائوں سے نکل کر ملک بھر میں پہنچی تو پاکستان فلم انڈسٹری نے بھی ان کو

بلایا.1948 میں انہوں نے اپنا پہلا فلمی گیت گایایہ گیت میاں محمد بخش کی شاعری پر مشتمل تھا. اس کے بعد انہوں نے جگنی گیت گایا اس گیت کے بعد تو شہرت جیسے ان کے گھر کی باندھی بن گئی انہیں وہ شہرت ملی جو آج تک کسی اور فوک گلوکار کے حصے میں نہیں آئی، جگنی ان کی اپنی کمپوزیشن تھی.قصہ یوسف ہو یا زلیخا عالم لوہار نے جس انداز سے سنایا لوگ ان کے دیوانے بن گئے.جگنی کو عالم لوہار کے بعد کئی گلوکاروں نے گانے کی کوشش کی لیکن جو انداز عالم لوہار کا رہا وہ کسی اور کا نہ تھا.انہوں نے برطانیہ امریکہ کینڈا میں اپنے فن کا مظاہرہ کیا.عالم لوہار نے لوک داستانیں سنانے کا جو رواج شروع کیا وہ ان سے پہلے کوئی نہ متعارف کروا سکا.عالم لوہار 3 جولائی 1979 میں ایک ٹریفک حادثے میں جاں بحق ہوگئے تھے.

ٹی وی ڈراموں سے شہرت پانے والی زرنش خان آج کل کافی چرچا میں ہیں اور چرچا میں ہیں وہ اپنی اس وڈیو کی وجہ سے جس میں انہوں نے بھارتی اداکارہ کرینہ کپور کی کاپی کی ہے.وڈیو میں دیکھا جا سکتا ہے کہ زرنش خان گاڑی میں جا رہی ہیں اور سفر بھی وہ وادی ہنزہ کی خوبصورت سڑک پر کررہی ہیں.انہوں نے سر کو ڈھانپ رکھا ہے اور کرینہ کے انداز میں انہی کی فلم کے جب وی میٹ کے گانے پر خوبصورت سما باندھ رہی ہیں. وڈیو میں وہ کرینہ کپور کے انداز کو بہت خوبصورتی سے کاپی کررہی ہیں.دیکھنے والے اس وڈیو سے کافی محظوظ ہورہے ہیں، زرنش خان نے کرینہ کپور کی کاپی بہت ہی دلکش انداز میں کی ہے بلاشبہ وہ نہ صرف اچھی اداکارہ ہیں بلکہ بہت خوبصورت بھی ہیں.ان کے پرستار ان کو اس روپ میں خاصا سراہ

رہے ہیں.زرنش نے یہ وڈیو خود سوشل میڈیا پر شئیر کی، اور اس کے کیپشن میں لکھا کہ ” ہمیشہ پہاڑوں میں ایسا کرنا چاہتی تھی لیکن اس چکر میں میرا فون ٹوٹ گیا ہے۔” اس وڈیو کو خاصی پذیرائی مل رہی ہے. یاد رہے کہ زرنش خان سوشل میڈیا سے دور رہتی ہیں ایک انٹرویو میں انہوں نے کہا تھا کہ میں اس لئے سوشل میڈیا سے زیادہ دور رہتی ہوں کیونکہ میں‌فضول قسم کی باتیں اپنے اور اپنی فیملی کے متعلق برداشت نہیں کرسکتی. انہوں نے کہا تھا کہ میری کوشش ہوتی ہے کہ میں خود کو اس ماحول سے دور رکھوں. لیکن آج کل سوشل میڈیا پر زرنش خان کی وڈیو کافی وائرل ہورہی ہے اور ان کے مداح انہیں کافی سراہ رہے ہیں.

رمشا خان آج کل احد رضا میر کی تعریفیں کرتی ہوئی دکھائی دے رہی ہیں چند دن پہلے انہوں نے احد رضا میر کی تعریف ان الفاظ میں کی”احد رضا میرا حقیقی طور پر ایک شریف النفس انسان ہیں ان کے ساتھ کام کرنے بہت مزا آتا ہے” رمشا نے احد کی ان الفاظ میں تعریف کی تو سوشل میڈیا پر مچا شور اور اُن خبروں کو تقویت ملی جن پر آج تک دونوں بولے ہی نہیں. رمشا اور احد رضا میر کی قربتیں ڈرامہ سیریل ہم تم کی شوٹنگ کے دوران شروع ہوئیں وہاں یہ دونوں ایک دوسرے کے ساتھ کافی فرینک دکھائی دئیے ایک دوسرے کے کیساتھ آتے جاتے یہاں تک کہ سیٹ پر کھانا اور چاکلیٹ بھی ایک دوسرے کو کھلا رہے ہوتے تھے.اس وقت بھی یہ باتیں اڑیں کہ دونوں کے درمیان دوستی سے بڑھ کر تعلق ہے اور اب بھی یہی خبریں عام ہیں اور سوشل میڈیا

پرگمان کیا جا رہا ہے کہ دونوں میں‌ دوستی سے آگے کا تعلق ہے.یاد رہے کہ کچھ عرصہ پہلے سجل علی اور بلال عباس کی قربتوں‌ کی خبریں بھی عام ہوئیں لیکن ان دونوں کے قریبی ذرائع نے سختی سے اس خبروں‌ کی تردید کرتے ہوئے کہا کہ ان دونوں کا صرف کام کی حد تک تعلق ہے. کہا جا تا ہے کہ بلال عباس اور سجل علی کی دوستی کی خبروں کے پیچھے رمشا خان کا ہاتھ تھا تاکہ وہ احد رضا میر کے ساتھ اپنے تعلق کو جسٹیفائی کر سکیں.زرائع یہ بھی کہتے ہیں کہ رمشا خان کی دوستی پہلے بلال عباس کے ساتھ تھی انہوں‌ نے اس دوستی کے تعلق کو ختم کرکے احد رضا میر کی طرف دوستی کا ہاتھ بڑھا لیا ان دونوں کی قربتیں دیکھ کر بلال عباس نے ان دونوں کو انسٹاگرام پر ان فالو کر دیا تھا.

اداکار رنیبر کپور نے حال ہی میں ایک انٹرویو میں‌کہا ہے کہ وہ جب بڑے ہو رہے تھے تو شاہ رخ خان سے بہت زیادہ متاثر تھے.ان کی طرح‌چلتے تھے اٹھتے بیٹھے بولتے تھے ان سے بہت زیادہ متاثر تھے بس ہر حال میں ان جیسا ہی بننا چاہتے تھے.یہاں تک کہ کپڑے بھی شاہ رخ کے سٹائل کے پہنا کرتا تھا. لیکن بڑا ہوا تو مجھے لگا کہ نہیں مجھے تو رنیبر کپور ہی رہنا پڑے گا. انہوں نے یہ بھی کہا کہ جب میں‌ ہیرو بنا تو میں نے ویسے فلموں‌ کا انتخاب نہیں‌کیا جس طرح‌سے میرے ہیروز کیا کرتے تھے.یوں رنیبر کپور نے شاہ رخ خان کی کھل کر تعریف کی اور بتایا کہ وہ کس قدر ان سے متاثر تھے وہ تو ان جیسا بننا چاہتے تھے لیکن ایسا ممکن نہ تھا اپنی الگ

شناخت بنانے کےلئے ان کو رنیبر کپور کے خول میں ہی رہنا پڑا. یاد رہے کہ رنیبر کپور اپنے سے سینئرز کی کافی عزت کرتے ہیں حال ہی میں سنجے دت نے اپنے ایک بیان میں‌کہا تھا کہ رنیبر کپور انہیں اپنے باپ کی طرح عزت دیتے ہیں اور ان کا اس طرح سے عزت دینا انہیں بہت پسند ہے اور اس بات کی دلیل ہے کہ یہ اپنے سینرز کی کتنی عزت کرتے ہیں . یاد رہے کہ رنبیر کپور پاپا بننے جا رہے ہیں اور آج کل وہ سپین میں اپنی کسی فلم کی شوٹنگ میں‌مصروف ہیں اور وہاں وہ اپنے ہونے والے بے بی کے لئے خریداری بھی کررہے ہیں.