Category: شوبز

عالیہ بھٹ کی ماں بننے کی خبر نے جہاں ان کے پرستاروں کو خوش کیا وہیں ان دونوں میاں بیوی کے خاندانوں کو پرجوش کر دیا۔ مہیش بھٹ، جو عالیہ اور رنبیر کے بچے کے نانا بننے کے لیے تیار ہیں وہ اپنے نئے کردار کو لیکر بہت خوش ہیں.عالیہ بھٹ کے والد مشہور فلم میکر مہش بھٹ نے اپنے حالیہ انٹرویو میں ہونے والے ایک سوال کے جواب میں‌کہا ہے کہ میں تو ابھی تک عالیہ کے والد کا کردار نبھا رہا ہوں سوچتا ہوں کہ عالیہ اب ماں بننے والی ہے. مجھے بہت خوشی ہے لیکن نانا کا کردار نبھانا تھوڑا مشکل کام ہوگا.
یاد رہے کہ اس خوبصورت جوڑے کی شادی رواں برس 14 اپریل کو ان کے تمام قریبی رشتہ داروں اور دوستوں کی موجودگی میں ہوئی.محبت کی اس شادی میں دونوں خاندان کافی خوش ہیں. عالیہ

بھٹ جو اپنی پہلی ہالی وڈ کی فلم کی شوٹنگ کی غرض‌سے شادی کے بعد لندن مقیم تھیں انہوں نے 27 جون کو انسٹاگرام پر ایک تصویرشئیر کرکے مداحوں کو بتایا کہ وہ جلد ہی ماں بننے جا رہی ہیں.اس خبر نے انٹرنیٹ پر ایک طوفان بپا کر دیا.ہر طرف اس خبر کے کئی دن تک چرچے رہے. عالیہ بھٹ اور رنبیر کپور کی پہلی بار ایک ساتھ فلم سینما گھروں کی زینت بننے جا رہی ہے فلم کا نام ہے شمشیرا جس میں سنجے دت بھی ایک پاور فل کردار کرتے دکھائی دے رہے ہیں.

وحید مراد پاکستان کے واحد ایسے ہیرو ہیں جن کو چاکلیٹی ہیرو ہونے کا اعزاز حآصل ہے. کہا جا رہا ہے کہ ان کا مجسمہ مادام تسائو میوزیم میں نصب کروانے کے لئے ایک مہم چلائی جا رہی ہے.ایسڑداس نامی ایک شخص کے مطابق آج کل وحید مراد کا مجسمہ مادام تسائو میوزیم میں‌نصب کروانے کے حوالے مہم چلائی جا رہی ہے. کسی بھی شخصیت کا مجسمہ اس میوزیم میں‌نصب کروانے کا طریقہ کار یہ ہے کہ میوزیم کی انتظامیہ کو ایک سال کے اندر بیس ہزار سے زائد درخواستیں‌موصول ہونا ضروری ہوتا ہے اس کے بعد وہ اپنی کاروائی کا آغاز کرتے ہیں. وحید مراد کا مجسمہ اس میوزیم میں رکھوانے کےلئے مہم جو چلائی جا رہی ہے اس میں آن لائن فارم فل کر کے سب مٹ کرنا ہے جو کہ میوزیم کی انتظامیہ تک پہنچ جائے گا. یاد رہے

کہ وحید مراد کا اگر مادام تسائو میوزیم میں‌مجسمہ نصب ہوتا ہے تو یہ پہلے پاکستانی فنکار ہوں گے. ان سے پہلے یہ اعزاز کسی پاکستانی فنکار کے پاس نہیں ہے.جبکہ بالی وڈ کے بہت سارے فنکاروں‌کے کے مجسمے اس میوزیم میں‌نصب ہیں. وحید مراد کو دنیا سے رخصت ہوئے چالیس برس ہونے کو ہیں لیکن انکی مقبولیت میں‌کمی واقع نہیں‌ہوئی آج بھی ان کے گانے سنے جاتے ہیں اور فلمیں دیکھی جاتی ہیں .وحید مراد واحد پاکستان کے وہ فنکار ہیں جن کو ان کی وفات کے چالیس سال کے بعد بھی نوجوان نسل پسند کرتی ہے.ان کا منفرد ہئیر سٹائل اور جذباتی اداکاری کے ساتھ گانے پکچرائز کروانے کا انداز نہ کسی ہیرو کا ہو سکا نہ ہو سکے گا.

اداکار شاہ رخ خان کے بیٹے آریان خان جن کو نارکوٹکس کنٹرول بیورو نے کروز کیس میں گرفتار کر لیا تھا اب وہ اس کیس میں بری ہوتے دکھائی دے رہے ہیں عدالت نے آریان کا پاسپورٹ انہیں واپس دینے کی اجازت دے دی ہے جو کہ این سی بی کے قبضے میں تھا. آریان خان اب ہندوستان سے باہر بھی سفر کر سکیں گے جبکہ اس سے قبل ان کو ملک چھوڑنے کی اجازت نہیں تھی.آریان خان کے وکیل کا کہنا ہے کہ نارکوٹکس کنٹرول بیورو نے بھی کروز کیس میں آریان خان اور دیگر چھ افراد کو کلین چٹ دے دی ہے۔وکیل نے مزید کہا کہ عدالت نے ایک لاکھ روپے کے ضمانتی بانڈ کو بھی منسوخ کر دیا ہے جس پر اداکارہ جوہی چاولہ نے دستخط کیے تھے۔آریان خان کے پاسپورٹ کی واپسی اور ضمانتی بانڈ کی منسوخی کا مطلب ہے کہ وہ اب آزاد ہیں۔

یاد رہے کہ گزشتہ برس آریان کو ممبئی کے ساحل سے دور کروز جہاز پر منعقد ہونے والی پارٹی پر چھاپہ مارنے کے بعد این سی بی نے تحویل میں لیا تھا ان کے ساتھ مزید دس افراد کو بھی گرفتار کیا گیا تھا۔آریان خان کا موبائل فون ضبط کر لیا گیا تھا اور اسکی اسکینننگ بھی کی گئی تاکہ معلوم ہو سکے کہ آریان منشیات کے استعمال میں کس حد تک ملوث ہیں.شاہ رخ خان اس سارے عرصے میں بیان بازی کرتے نظر نہیں آئے تھے.

بالی وڈ اداکار رنبیر کپور عالیہ بھٹ کے ساتھ شادی کے بعد سے ہیں کافی چرچہ میں. حال ہی میں انہوں نے ایک انٹرویو دیا ہے اس میں انہوں نے کہا ہے کہ میرے والد رشی کپور کے ساتھ میں نے اور عالیہ بھٹ نے نیویارک میں بہت سارا وقت ہسپتال میں گزارا ان کی طبیعت کافی خراب تھی لیکن وہ دیکھتے تھے کہ ہم ان کے پاس ہسپتال میں سارا وقت بیٹھے ہوتے تھے. ان کی جب بھی آنکھ کھلتی وہ ہمیں دیکھتے کہ ہم ان کے پاس بیٹھے ہوئے ہیں وہ کہتے جائو یار تم لوگوں‌کو کوئی کام نہیں‌ہے جو یہاں بیٹھے رہتے ہو جائو جا کر شادی ہی کر لو. ان کی بہت خواہش تھی کہ ہم دونوں شادی کر لیں.وہ اگر زندہ ہوتے تو

یقینا ہماری شادی سے نہ صرف خوش ہوتے بلکہ ہمیں ڈھیروں ڈھیر دعائیں دے رہے ہوتے. یاد رہے کہ رنبیر کپور اپنی شادی کی تقریبات میں رشی کپور کی تصویر اٹھائے پھرتے رہے اور ان کی تمام تصاویر میں رشی کپور کی تصویر نظر آتی رہی.رنبیر کپور سے قبل نیتو کپور نے بھی اپنے ایک انٹرویو میں کہا تھا کہ رشی کپور کی خواہش تھی کہ عالیہ اور رنبیر جلد از جلد شادی کے بندھن میں‌بندھ جائیں لیکن بھگوان نے ان کو اس خوشی کو دیکھنے کا موقع ہی ہی نہیں‌دیا.رنبیر کپور کی 22 جولائی کو سنجے دت اور وانی کپور کے ساتھ فلم شمشیرا ریلیز ہو رہی ہے اس کےلئے آج کل وہ پرموشنز کررہے ہیں.

بالی وڈ کی اداکارہ تاپسی پنو جنہوں نے بالی وڈ میں فلم چشمے بدور سے اپنے کیرئیر کا آغاز کی اس فلم کی ریلیز کے بعد انہیں بہت اچھا ریسپانس ملا. تاپسی نے اپنے حالیہ انٹرویو میں کہا ہے کہ نو سال پہلے جب ان کی بالی وڈ فلم چشمے بدور ریلیز ہو رہی تھی تو انہیں کہا گیا کہ وہ لوگوں سے یہ مت کہیں کہ سائوتھ سے ہیں کیونکہ اگر وہ ایسا کہیں گی تو لوگ انہیں اسی نظر سے دیکھنا شروع ہوجائیں گے. تاپسی بتاتی ہیں کہ سائوتھ میں وہ نو دس فلموں میں کام کر چکی تھیں اور جتنی بھی فلموں میں کام کیا ان میں بڑے ہیروز تھے. یوں سائوتھ کی فلموں میں ان کا نام بن چکا تھا لیکن بالی وڈ میں آکر انہیں نئے

سرے سے اپنی پہچان بنانی پڑی. اس انٹرویو میں تاپسی نے کہا کہ میری پہلی فلم میں‌میرے ساتھ رشی کپور، علی ظفر، سدھارتھ اور دیویندو شرما و دیگر شامل تھے. رشی کپور اس وقت حیران رہ گئے جب انہیں پتہ چلا کہ میں نے سائوتھ کی بہت ساری فلموں میں‌بڑے ہیروز کے ساتھ کام کیا ہے. تاپسی نے مزید کہا کہ مجھے یاد ہے کہ چشمے بدور کے سیٹ پر رشی کپور نے مجھ سے ایک بار پوچھا کہ آپ نے ساؤتھ میں کتنی فلمیں کی ہیں تو میں نے کہا 10 اور میں 11ویں پر کام کر رہی ہوں۔ یہ سن کر رشی کپور بولے کہ باپ رے تُو تو بہت ہی تجربہ کار ہے رے.یاد رہے کہ تاپسی کی فلم شاباش مٹھو آج ہی کے دن ریلیز ہو رہی ہے.

بالی وڈ کی خوبصورت اداکارہ جو کہ 16 جولائی کو 39 سال کی ہونے جا رہی ہیں انہوں نے اپنی سالگرہ منانے کےلئے اس بار مالدیپ کا انتخاب کیا ہے. کترینہ مالدیپ اپنے شوہر وکی کوشل کے ہمراہ گئی ہیں آج صبح دونوں ممبئی ائیر پورٹ پر مالدیب کے لئے روانہ ہوتے دیکھے گئے. کترینہ کیف نارنجی رنگ کی شرٹ اور بلیو رنگ کی پینٹ زیب تن کئے ہوئے ہیں اور وکی کوشل جو عموما داڑھی میں نظر آتے ہیں وہ کلیشن شیو نظر آئے. ان کے ساتھ فلمساز کبیر خان ، منی ماتھر ، سنی کوشل اور اداکارہ شروری واگھ بھی تھے. کہا جا رہا ہےکہ کترینہ مالدیب میں اپنی سالگرہ اپنے دوستوں اور قریبی رشتہ داروں کے ساتھ

منائیں گی. یاد رہے کہ کترینہ کیف اور وکی کوشل نے دسمبر 2021 کو شادی کی تھی دونوں کی شادی میں کترینہ کیف کے قریبی دوست سلمان خان آگے آگے تھے انہوں‌نے شادی کی تقریب کے کافی انتظامات اپنے ہاتھ میں رکھے ہوئے تھے. سلمان خان کی ایشورائے کے ساتھ علیحدگی کے بعد ایک وقت ایسا بھی آیا کہ کہا جانے لگا کہ کترینہ کیف اور سلمان خان شادی کر لیں گے لیکن ان دونوں کے درمیان ایسا کچھ نہ تھا نہ ہوا اور کترینہ کیف نے وکی کوشل کو اپنا ہمسفر بنا لیا دونوں‌ایک دوسرے کے ساتھ کافی خوش ہیں. وکی اور کترینہ ایک دوسرے ساتھ بنائی گئی تصاویر سوشل میڈیا پر شئیر کرتے رہتے ہیں.

فلم قائداعظم زندہ باد جو کہ حال ہی میں ریلیز ہوئی ہے فلم بہت اچھا بزنس کررہی ہے شائقین ماہرہ خان اور فہد مصطفی کو دیکھنے کےلئے سینما گھروں کا رخ کررہے ہیں. اس فلم میں بہت ساری چیزیں نئی ہیں جیساکہ فہد مصطفی اور ماہرہ خان کا پہلی بار ایک ساتھ نظر آنا ، فلم میں ایسے ایفکیٹس کا استعمال جو ہم باہر کی فلموں میں دیکھتے ہیں، فہد مصطفی کے اسٹنٹس جو کہ انہوں نے خود کئے. شاید انہوں نے پہلی بار کسی فلم میں یہ چیز کی ہے. فلم کی پرڈیوسر اور مصنفہ فضا علی مرزا کہتی ہیں کہ فہد مصطفی نہایت ہی پروفیشنل اداکار ہیں انہوں نے فلم میں جتنے بھی اسٹنٹس تھے خود کئے ان کے پاس

چوائس تھی کہ ان کی جگہ ان اسٹنٹس کو ڈوپلیکیٹ کر لے لیکن انہوں نے منع کر دیا اور کہا کہ نہیں میں خود کروں گا. بعض سینز تو بہت مشکل تھے لیکن فہد نے مہارت کے ساتھ کئے. انہوں نے یہ بھی بتایاکہ ہم نے سپیشل ایفیکیٹس لگانے کےلئے اس کام میں مہارت رکھنے والی دو تین مختلف ٹیموں کو ہائر کیا. جہاز والے سین کے دوران فہد مصطفی کو کرین کے ساتھ اوپر لٹکایا گیا اور وہ تک لٹکے رہے انہوں نے یہ نہیں کہا کہ انہیں بہت دقت ہو رہی ہے انہیں نیچے اتار دیا جائے. فضا نے کہا کہ فہد مصطفی نے پروفیشنل ہونے کا مظاہرہ کیا.اسی طرح سے ماہرہ خان نے بھی دسمبر کی سردیوں میں ساڑھی پہن کر لوٹا رے گانا شوٹ کروایا.

ہمارے ہاں بہت کم ایسا ہوا ہے کہ ماڈلنگ سے کوئی اداکارہ آئے اور اداکاری میں اپنی صلاحیتوں کا لوہا منوائے اور ہر طرح سے ایک بہترین اداکارہ ثابت ہو، آمنہ الیاس کے پاس یہ اعزاز ھاصل ہے کہ انہوں نے خود کو بہترین ماڈل ثابت کرنے کے ساتھ بہترین اداکارہ بھی ثابت کیا۔آمنہ الیاس انسٹاگرام پر کافی متحرک رہتی ہیں اپنی تصاویر اور وڈیوز سوشل میڈیا پر اپ لوڈ کرتی رہتی ہیں۔ آمنہ الیاس تصاویر اور وڈیوز کے نیچے کمنٹس کرنے والوں کو جواب بھی دیتی رہتی ہیں۔ اسی طرح سے ہوا کچھ یوں کہ کچھ عرصہ قبل جب آمنہ الیاس نے اداکارہ ایمن خان کے ساتھ منال خان کے ویڈنگ ڈنر کی تصاویر

انسٹاگرام پر شئیر کیں تو جہاں بہت سارے مداحوں نے ان تصاویر کو پسند کیا وہیں نا پسند کرنے جیسے کمنٹس بھی آئے ایک صارف نے آمنہ الیاس کو لکھا کہ کیا ہی ہوتا کہ آپ منہ کے ساتھ اپنے پاﺅں پر بھی میک اپ کر لیتیں ،۔اس پر آمنہ الیاس نے جوابا کہا کہ فٹ ہوتا ہے یا فیٹ؟ یہ سوال کرنے کے ساتھ انہوں نے یہ بھی لکھاکہ کیا آپ نے پاﺅں چاٹنے ہیں؟ آمنہ الیاس کا یہ کمنٹ کافی وائرل ہوا تھا کسی نے اس کمنٹ کو سراہا تو کسی نے بہت برا منایا اس کمنٹ پر وضاحت دیتے ہوئے آمنہ الیاس نے کہا کہ میں نے جو کمنٹ کیا تھا اس کا واحد مقصد کسی کی دل آزاری کرنا نہیں تھا بلکہ میرا تو مقصد یہ تھا کہ آ پکو میرے پاﺅں سے کیا لینا دینا ہے ۔

اداکار و میزبان یاسر حسین نے کہا ہے کہ ایک بار اداکارہ میرا نے ان کو زور دار تھپٹر مارا تھا وہ تھپڑ وہ آج تک نہیں بھولے ۔ یاسر حسین نے اپنے حالیہ انٹرویو میں کہا کہ میں نے فلم باجی میں ایک چھوٹا سا کردار کیا تھا اس میں اداکارہ میرا کا میرے ساتھ ایک سین تھا اس سین میںانہوں نے مجھے تھپٹر مارنا تھا۔ سین کی ریہرسلز ہوتی رہیں میرا مجھے فیک تھپٹر مارتی رہیں لیکن اس فیک تھپڑ سے بات نہیں بن رہی تھی میں نے خود ہ اداکارہ میرا سے کہہ دیا کہ آپ ایک کام کریں کہ آپ مجھے حقیقی تھپڑ ماریں ، اس سین میں جان بھرنے اور حقیقت کے رنگ بھرنے کےلئے میرا نے مجھے اصل میں تھپڑ مارا سین تو بہت

اچھا ہو گیا لیکن اداکارہ میرا کی طرف سے مجھے پڑنے والا تھپٹر اتنی زور سے تھا کہ میرے ہوش ٹھکانے آگئے۔ یاسر حسین نے کہا کہ میں آج تک میرا کی طرف پڑنے والے اس تھپڑ کو اس لئے بھول سکا کیونکہ وہ تھپٹر زناٹے دار تھا ۔ یاد رہے کہ اداکارہ میرا کا شمار لالی وڈ کی بہترین اداکاراﺅں میںہوتا ہے اور وہ ااکثر ایسا کچھ کہ دیتی ہیں یا کر دیتی ہیں کہ جس سے خبروں میں آجاتی ہیں۔ اداکارہ میرا کافی عرصے سے کسی پراجیکٹ کا حصہ نہیں بنیں ان کا کہنا ہے کہ ان کے راستے روکے جاتے ہیں ان کو کام نہ ملے ایسا پرڈیوسروں سے کہا جاتا ہے ۔ میرا کے اس دعوے کی کہیں سے بھی تصدیق نہیں ہو سکی۔ اداکارہ میرا نے فلموں کے ساتھ ٹی وی ڈراموں میں بھی کام کیا ۔

اداکارہ میرا جنہوں نے حال ہی میںایک انٹرویو کے دوران کہا تھا کہ اداکارہ صبا قمر ان کو سخت نا پسند کرتی ہیں ان کی کوشش ہوتی ہے کہ مجھے کام نہ ملے بلکہ اداکارہ میرا نے تو سیدھا سیدھا یہ بھی الزام لگا دیا کہ صبا قمر پرڈیوسروں سے کہہ کر میرے راستے بند کررہی ہیں وہ نہیں چاہتی کہ مجھے کام ملے۔ اداکارہ میرا کے اس بیان کے بعد ہر طرف کافی چرچہ ہو رہی تھی ۔صبا قمر جو کہ سوشل میڈیا پر کافی متحرک رہتی ہیں انہوں نے اپنے پرستاروں کے ساتھ چیٹ کا ایک سیشن رکھا انہوں نے اس میںاپنے پرستاروں کی جانب سے کئے گئے سوالوں کے جوابات دئیے۔ اداکارہ میرا کی جانب سے دیا گیا یہ بیان

چونکہ تازہ تازہ تھا اس لئے صبا قمر سے ان کے ایک مداح نے پوچھا کہ میرا نے کہا ہے کہ آپ ان سے جلتی ہیں اور نہیں چاہتی کہ میرا آگے آئیں ،اس سوال پر اداکارہ صبا قمر کی طرف سے دیا گیا رد عمل کافی دلچپسپ تھا انہوں نے صرف اتنا لکھاکہ ویٹ ، وٹ ان کے اس قسم کے رد عمل کے بھی ہوئے کافی چرچے کسی نے اس رد عمل کو پسند کیا تو کسی نے اس کو میرا کے بیان کا مذاق کہا ۔ یاد رہے کہ اداکارہ میرا اورصبا قمر ایک ساتھ ایک ڈرامے میں کام کر چکی ہیں ۔ یہ پہلی بار نہیں ہے کہ اداکارہ میرا کسی پر الزام لگا رہی ہیں وہ مسلسل کسی نہ کسی پہ کام نہ ملنے کا الزام لگاتی رہتی ہیں ۔ایک وقت میں انہوں نے کہا تھا کہ اداکارہ ماہرہ خان مجھ سے جلتی ہیں اور نہیں چاہتی کہ میں کام کروں ۔