Category: شوبز

آئی پی ایل کے سابق چیئرمین للت مودی اور سشمیتا سین نے حال ہی میں دونوں کے رشتے کے بارے میں دنیا کو بتایا للت مودی نے سشمیتا سین کے ساتھ اپنی کچھ تصاویرشئیر کیں جس کے بعد وہ خبروں میں آگئے ہیں جن کو نہیں پتہ تھا کہ للت مودی کون ہیں انہیں بھی پتہ چل گیا کہ کون ہیں اور کیا کرتے ہیں۔ سشمیتا سین ایک انٹرنیشنل شخصیت ہیں یقینا ا ن کا نام جس سے بھی جڑے گا وہ بھی بین الاقوامی سطح پر شہرت پائے گا۔للت مودی کے ساتھ بھی ایسا ہوا ہے۔ جب سے للت مودی نے اپنے اور سشمیتا سین کے رشتے کا اعلان کیا ہے تب سے دونوں کافی چرچا میں ہیں۔ للت مودی کا سشمیتا سین کو کیا ہوا

نو سال پرانا ٹویٹ وائرل ہورہا ہے. انہوں نے نو سال پہلے سشمیتا سین کو ٹویٹر پر لکھا تھا کہ میرے ایس ایم ایس کا جواب دیں ۔ للت مودی کا کہنا ہے کہ ہم دونوں ابھی ایک دوسرے کے ساتھ اچھا وقت گزار رہے ہیں لیکن شادی کا ابھی فیصلہ نہیں کیا۔سشمیتا سین کسی تعارف کا محتاج نہیں ہیں انہوں نے کائنات کی خوبصورت ترین خاتون ہونے کا نہ صرف اعزاز حاصل کیا بلکہ بالی وڈ فلموں میں بھی اپنی اداکاری کے جوہر دکھائے ۔سشمیتا نے سلمان خان اور گوندا جیسے بڑے فنکاروں کے ساتھ کام کیا ۔ سشمیتا کو کامیڈی کرداروں میں زیادہ سراہا گیا ۔سشمیتا سین نے حال ہی میں اپنی مقبول ویب سیریز آریہ کے تیسرے سیزن کا اعلان کیا ہے۔

حال ہی میں ریلیز ہونے والی فلم لندن نہیں جائونگا کے ڈائریکٹر ندیم بیگ کہتے ہیں کہ میں بہت خوش ہوں کہ میری فلم کو پسند کیا جا رہا ہے. انہوں نے کہا کہ فلم بناتے وقت بہت ساری ایسی چیزیں ہوتی ہیں جو دیکھنے والے گمان بھی نہیں‌کر سکتے.ندیم بیگ نے بتایا کے مرجانیے کیوں‌نخرے وکھانی ایں لندن میں شوٹ کیا گیا اس کا سیٹ رات کو لگا کر ہم پوری تیاری کرکے چلے گئے جب صبح آئے تو بارش نے سارا سیٹ خراب کر دیا ہوا تھا بلکہ سیٹ گر چکا تھا ہمیں دوبارہ سیٹ

لگانا پڑا. اسی طر ح سے کبری خان پر پکچرائز ہونے والا گیت ماہیا وے کی جب شوٹنگ ہونی تھی تو کبری خان کی کمر میں شدید درد تھا اتنا درد تھا کہ وہ آسانی سے چل پھر نہیںسکتی تھیں چونکہ گانا شوٹنگ کے شیڈیول میں تھا تو کبری خان نے کہاکہ وہ اسی طر‌ح سے شوٹنگ کروائیں گی لہذا انہوں نے پروفیشنلیزم کا مظاہرہ کرتے ہوئے اس گانے کو شوٹ‌کروایا. ندیم بیگ نے بتایا کہ اسی طرح سے مہوش حیات اور ہمایوں سعید کے لندن میں برج کے پاس کچھ ڈائیلاگز ہیں وہاں اتنی سردی تھی کہ دونوں اپنے اپنے ڈائیلاگز بھول رہے تھے بول ہی نہیں پا رہے تھے. ندیم بیگ نے کہا کہ پوری ٹیم نے بہت محنت کے ساتھ کام کیا بلکہ میں تو یہ کہوں گا کہ پوری ٹیم نے بہت تعاون کیا کام تبہی اچھا ہوتا ہے جب پوری ٹیم تعاون کرے.

صف اول کی اداکارہ ماہرہ خان جنہوں نے کبھی بھی اپنے سابق شوہر کے بارے میں بیان بازی نہیں کی اور نہ ہی اپنے رشتے کی ناکامی کو ڈسکس کیا ہے. ایک آدھ مرتبہ ان سے ان کی اذدواجی زندگی کی ناکامی کے بارے میں سوال کیا گیا تو انہوں نے جواب دینے سے منع کر دیا یوں ماہرہ خان ہمیشہ ہی اپنے سابق شوہر کے حوالے سے پوچھے گئے سوالات کا جواب دینے سے گریز کرتی رہی ہیں. ماہرہ خان نے 2007 میں علی عسکری نامی ایک شخص سے شادی کی اور 2015 میں ان کے درمیان علیحدگی ہوگئی ماہرہ اور علی عسکری کا ایک بیٹا بھی ہے جس کا نام ہے اذلان .اذلان ماہرہ خان کے ساتھ ہی رہتاہے. اپنے اذدواجی رشتے کی ناکامی پر نہ بولنے والی ماہرہ خان نے حال ہی میں اپنے سابق شوہر کے بارے میں بات کی اور کہا کہ میرے سابق شوہر نے مجھے

میرا کیرئیر بنانے میں مدد کی انہوں نے سمجھداری کے ساتھ کچھ فیصلے کئے.انہوں نے کہا کہ مجھے اب بھی اس بات پر فخر ہے.ماہرہ خان نے کہا کہ میں نے اپنا کیرئیر بنانے کےلئے بہت محنت اور جدوجہد کی اور یہ سب میرے سابق شوہر نے اپنی آنکھوں سے دیکھا میں آج جس بھی مقام پر ہوں بہت خوش ہوں اور مجھے فخر ہے کہ میں نے محنت سے یہ مقام حاصل کیاہے. ماہرہ خان نے ایک سوال کے جواب میں کہا کہ میں نے کبھی بھی اپنی ذاتی زندگی کسی سے نہیں چھپائی نہ ہی مجھے ایسا کرنے کی ضرورت ہے بلکہ میں نے تو دنیا کو یہ دکھایا ہے کہ اذدواجی حیثیت کا آپ کے کام سے کوئی تعلق نہیں ہے.

سری لنکن نژاد بالی وڈ کی نوجوان نسل کی نمائندہ فنکارہ جیکولین فرنینڈس کا شمار بہترین اداکارائوں میں ہوتا ہے ان کا دلکش انداز سب کو بھاتا ہے. جیکولین فرینینڈس جنہوں نے ماڈلنگ بھی لیکن اب کے بارے میں کہا جا رہا ہے کہ وہ اداکاری میں آنے سے پہلے صحافی تھیں اور شعبہ صحافت سے منسلک تھیں انہوں نے باقاعدہ جرنلیزم میں ایم اے بھی کیا.لیکن ایم اے انہوں‌ نے سری لنکا سے کیا تھا اور وہیں کچھ عرصہ مقامی چینل میں کچھ عرصہ رپورٹر کے طور پر کام بھی کیا. بھارتی میڈیا

کے دعوے کے مطابق اداکارہ پہلے صحافی تھیں. جیکولین فرینینڈس کا شمار ان اداکارائوں میں ہوتا ہے کہ جنہوں نے اداکاری سے پہلے کسی اور شعبے اور وہ بھی صحافت میں‌کام کیا .جیکولین فرینینڈس نے سری لنکا کی ملکہ حسن کا تمغہ بھی 2006 میں جیتا تھا. اداکارہ نے بالی وڈ انڈسٹری میں فلم آلہ دین سے قدم رکھا بعد ازاں انہوں نے بڑے بینر کی بڑی فلموں کی بڑی کاسٹ کے ساتھ کام کیا. ان کے ڈانس نمبرز بھی خاصے مشہور ہوئے. جیکولین فرینینڈس نہ صرف بہترین اداکارہ ہیں بلکہ بہترین رقاصہ بھی ہیں.وہ ہندی زبان پر عبور تو نہیں رکھتیں لیکن ایسی اور اتنی ہندی بول لیتی ہیں کہ جس سے ان کی فلم چل جائے اور فلم بین ان کے لہجے پر انگلیاں نہ اٹھائیں.

بالی وڈ کے اداکار انیل کپور نے حال ہی میں ایک انٹرویو دیا ہے اس میں انہوں نے اپنی زندگی کی جدوجہد کے حوالے سے بات کرتے ہوئے بتایا ہے کہ وہ آج جس بھی مقام پر ہیں وہ انہیں آسانی سے نہیں ملا. بے شک ان کے والد سریندر کپور فلمساز تھے اس کے باوجود انہیں بہت محنت کرنا پڑی. فلموں میں‌ہیرو آنے سے پہلے سپاٹ بوائے کے طور پر بھی کام کیا اس کے بعد کاسٹنگ ڈائریکٹر کے طور پر کام کیا. انیل کپور نے بتایا کہ ان کے والد کی طبیعت کی خرابی کی وجہ سے انہوں نے محض 17

سال کی عمر میں کام شروع کر دیا تھا. انیل کپور بتاتے ہیں کہ انہیں کچھ پلیٹ میں رکھ کر نہیں ملا ہندی فلموں میں آنے سے پہلے تیلگو اور کناڈا فلموں میں کام کیا . انیل کپور نے چند برس پہلے ایک انٹرویو میں اس سے بھی آگے کی کچھ باتیں بتائیں تھیں جیسے کہ انہوں نے کہا تھا کہ جب وہ نئے نئے انڈسٹری میں آئے تھے تو ان کے ساتھ ایسا سلوک ہوتا تھا جیسے وہ پتہ نہیں‌کہاں سے آگئے ہیں انہوں نے بتایا کہ ان کی شروع کی چند فلمیں کامیاب ہوئیں تو اس کامیابی کی خوشی میں جو پارٹیاں رکھی گئیں اس میں ان کے علاوہ باقی تمام کاسٹ کو مدعو کیا گیا.یاد رہے کہ انیل کپور کا شمار بالی وڈ کے کامیاب اداکاروں میں ہوتا ہے انہوں نے سنجیدہ اور کامیڈی ہر طرح کے کردارو میں اپنی صلاحیتوں کا لوہا منوایا.

نئی دہلی :سشمیتا سین نے خاموشی سے شادی کرلی؟للت مودی بھی اس سلسلے میں میدان میں آگئےہیں ، شمیتا سین اپنی ذاتی اور پیشہ ورانہ زندگی کی وجہ سے سُرخیوں میں رہتی ہیں وہ اپنے انسٹا گرام پر تازہ ترین تصاویر شیئر کرکے مداحوں کو اپڈیٹ کرتی رہتی ہیں۔

اب اس طرح کی خبریں گردش کر رہی ہیں کہ سشمیتا سین جلد ہی آئی پی ایل کے بانی للت مودی سے شادی کریں گی دونوں کی کئی تصاویر سوشل میڈیا پر خوب وائرل ہو رہی ہیں مداح ان تصاویر کو دیکھ کر حیران ہیں۔

آئی پی ایل کے بانی للت مودی نے اپنے ٹوئٹر ہینڈل پر بالی ووڈ اداکارہ سشمیتا سین کے ساتھ اپنی کئی تصاویر شیئر کی ہیں۔ ان تصاویر میں دیکھا جاسکتا ہے کہ سشمیتا سین للت کے ساتھ کافی رومانوی انداز میں نظر آرہی ہیں۔

Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. 🥰😘😍😍🥰💕💞💖💘💓 pic.twitter.com/Vvks5afTfz

— Lalit Kumar Modi (@LalitKModi) July 14, 2022

انہوں نے لکھا کہ میں فیملی کے ساتھ مالدیپ کا دورہ کرکے ابھی لندن واپس آیا ہوں۔ انہوں نے سشمیتا کو ‘بیٹر ہاف (بیوی)’ بھی کہا۔ ساتھ ہی انہوں نے کہا کہ یہ ایک نئی شروعات اور نئی زندگی ہے۔

اس ٹوئٹ کے ساتھ میڈیا پر یہ خبریں گردش کرنے لگیں کہ اداکارہ نے خاموشی سے شادی کرلی ہے لیکن کچھ دیر بعد ہی للت مودی نے ان خبروں کی تردید کرتے ہوئے وضاحت کردی ۔

Just for clarity. Not married – just dating each other. That too it will happen one day. 🙏🏾🙏🏾🙏🏾🙏🏾 pic.twitter.com/Rx6ze6lrhE

— Lalit Kumar Modi (@LalitKModi) July 14, 2022

للت مودی نے ایک ٹویٹ کیا ہے جس میں وہ واضح کر رہے ہیں کہ انہوں نے ابھی تک سشمیتا سے شادی نہیں کی ہے لیکن دونوں جلد ہی شادی کے بندھن میں بندھنے والے ہیں۔

انہوں نے اعتراف کیا کہ وہ سشمیتا سین کو ڈیٹ کررہے ہیں لیکن ایک دن ہماری شادی ضرور ہوگی۔

اداکار رنبیر کپور کی فلم شمیشرا ریلیز کے لئے تیار ہے اس میں رنبیر کپور ایک الگ اور ایسے روپ میں نظر آرہے ہیں جو ان کے پرستاروں پہلے کبھی نہیں دیکھا. اس فلم میں سنجے دت رنیبر کپور کے مخالف نظر آئیں گے.رنبیر کے پرستار چار سال کے بعد اپنے پسندیدہ اداکار کی سلور سکرین پر واپسی کو لیکر کافی پرجوش ہیں . رنبیر کپور سے جب ان کے چار سال کے وقفے کے بارے میں پوچھا گیا اور سوال ہوا کہ ایک اداکار کے لئے وقفہ کتنا ضروری ہے تو انہوں نے کہا کہ ایک اداکار کے لئےکام سے وقفہ لینا بہت

ضروری ہے. زندگی کے اتار چڑھائو ساتھ ساتھ چلتے رہتے ہیں لیکن خود کو بھی وقت دیا جانا چاہیے.یاد رہے کہ رنبیر کپور شمشیرا میں وانیہ کپور کے ساتھ نظر آئیں گے فلم کی ہداتیکاری کرن ملہوترا نے کی ہے . رنبیر اس فلم کے بعد دھرما پروڈکشن کی فلم براہمسٹرا میں نظر آئیں گے اس فلم کی ہداتیکاری آیان مکھر جی کررہے ہیںاس میں ان کی اہلیہ عالیہ بھٹ، امیتابھ بچن، مونی رائے اور ناگارجن اکینینی نظر آئیں گے. اگلے برس ان کی فلم لو رنجن میں نظر آئیں گے اس میں ان کے ساتھ شردھا کپور ہوں گی اسی سال ان کی فلم اینیمل بھی ریلیز ہو گی اس میں ان کے ساتھ انیل کپور، بوبی دیول اور رشمیکابھی نظر آئیں گے.

جب سے ایمبر ہرڈ نے اپنے شوہر جونی ڈیپ پر الزامات لگا کر عدالت کا رخ کیا اور پھر ہتک عزت کا مقدمہ بھی ہار گئیں تب سے ان کے بارے میں ان کے قریبی دوست کچھ اچھا نہیں سوچ رہے.حال ہی میں ہالی وڈ اداکار مکی رورک نے ایمبر ہرڈ اور جونی ڈیپ کے معاملے پر بات کرتے ہوئے کہا ہے کہ ایمبر ہرڈ ایک لالچی خاتون ہونے کے ساتھ مطلب پرست بھی ہیں. مکی رورک نے کہاکہ میں جونی ڈیپ کو قریب سے نہیں جانتا نہ ہی میری کوئی ان سے کبھی اتنی دوستی رہی ہے کہ میں کہہ سکوں‌کہ اس مقدمے کی اصل حقیقت کیا ہے لیکن جونی ڈیپ ہتک عزت کا مقدمہ جیت چکے ہیں یہ فیصلہ ایک حقیقت ہے

اسکو مد نظر رکھتے ہوئے اتنا ضرور کہوں گاکہ جونی ڈیپ پر جو بھی الزامات لگائے گئے وہ سب کے سب جھوٹے ثابت ہوئے لیکن اس دوران جونی ڈیپ کس اذیت سے گزرے ہوں گے مجھے اس تکلیف کا بھی اندازہ ہے کیونکہ ماضی میں ، میں بھی جھوٹے الزامات کے زد میں آ چکا ہوں وہ الگ بات ہے کہ وہ الزمات جھوٹے ثابت ہو بھی گئے لیکن اس دوران مجھے جو ذہنی اذیت ہوئی اسکے بارے کیا بات کروں، میرا کیرئیر تباہ ہو گیا مجھے کام ملنا بند ہو گیا لوگوں کا مجھ سے اعتبار اٹھ گیا تھا لیکن جب الزامات جھوٹ ثابت ہوئے تومیرا ساکھ بحال ہوئی لہذا میں سمجھ سکتا ہوں کہ جونی ڈیپ پر کیا گزری ہو گی.

اداکار اغا علی نے حال ہی میں ایک انٹرویودیا ہے اس میں انہوں‌ نے کہا کہ کام کوئی بھی آسان نہیں‌ہوتا اور ہر قسم کا کردار نبھانا بھی آسان نہیں ہوتا لیکن کامیڈی کرنا بہت ہی مشکل کام ہے. حالانکہ مجھے کامیڈی کرنا اچھا لگتا ہے لیکن یہ بہت مشکل کام ہے. انہوں نے کہا کہ ہمارے ہاں ویسے تو بہت سارے فنکار ہیں جو کامیڈی اچھی کرتے ہیں لیکن جس مہارت سے امان اللہ کامیڈی کرتے تھے وہ کسی کے پاس نہ ہے نہ ہوگی. وہ اتنی خوبصورتی سے جملے فی البدیع بولتے تھے کہ مزہ آتا تھا. انہوں نے مزید یہ بھی کہا کہ ایک بار میں کسی ایک پروگرام میں ان کے ساتھ تھا اس میں انہوں نے میرے لمبے قد پر دو

تین منٹ مسلسل جملے کہے اور میں ان دو تین منٹ میں‌مسلسل ہنستا رہا اور اتنا ہنسا کہ ہنس ہنس کر میرے پیٹ میں درد ہو گیا. مجھے یہ کہنے میں کوئی عار نہیں کہ کامیڈی میں‌امان اللہ کا کوئی ثانی نہیں تھا.وہ بہت بڑے فنکار تھے لیکن جتنے بڑے وہ فنکار تھے ان سے اس طرح سے کام نہیں‌لیا گیا ان کے جانے سے کامیڈی کا فن یتیم ہو گیا ہے اور آج تک ان کا کوئی خلاء نہ پورا کر سکا ہے نہ ہی کر سکے گا.یاد رہے کہ آغا علی اداکاری کے ساتھ میزبانی بھی کرتے ہیں وہ اپنی اہلیہ حناالطاف کے ساتھ ایک پروگرام ہوسٹ کرتے رہے ہیں اس پروگرام میںانہوں نے شوبز کی حقیقی زندگی کی جوڑیوں کے انٹرویوز کئے.