Category: شوبز

اداکارہ زارا نور عباس جو کہ سینئر اداکارہ اسماء عباس کی صاحبزادی اور اداکار اسد صدیقی کی اہلیہ ہیں انہوں نے شادی کے حوالے سے نوجوانوں کو ایک مشورہ دیا ہے وہ کہتی ہیں کہ صرف روینٹک ڈنرز کے لئے شادی نہ کریں بلکہ اگر آپ ذمہ داریاں اٹھا سکتے ہیں یا شادی کے بعد اس رشتے کی ذمہ داریوں‌کو نبھانے کا ارادہ رکھتے ہیں اور اس کے لئے مکمل طور پر تیار ہیں تو پھر شادی کیجیے. شادی ایک خوبصورت بندھن ہے اسکو نبھانے کے تقاضوں سے جب تک ہم آہنگ نہ ہوجائیں اور ذہنی طور پر

تیار نہ ہوجائیں شادی کے رشتے میں‌نہ بندھیں. زارا نور عباس اداکار اسد صدیقی کی اہلیہ ہیں اور اسد کے ساتھ اپنے رشتے کو لیکر حساس بھی ہیں وہ کوشش کرتی ہیں کہ وہ کوئی ایسی بات نہ کہیں اور کوئی ایسا کام نہ کریں جس سے ان کے خاندان والے ان سے خفا ہوں. زارا نور عباس گزشتہ دنوں لندن اپنے شوہر کے ہمراہ چھٹیاں منانے گئی ہوئیں تھیں. زارا ایک باصلاحیت اداکارہ ہیں، ان کے کریڈٹ پر کم مگر اچھا کام ہے وہ سال میں ابھی تک تو ایک آدھ ڈرامے میں ہی نظر آرہی ہیں.اسد صدیقی اور زارا نور عباس ایک ساتھ اپنی خالہ بشری انصاری کے لکھے ہوئے ڈرامے ذیبائش میں نظر آئیں تھیں. اسد اور زارا کی آن سکرین جوڑی کافی پسند کی جاتی ہے.

باصلاحیت ڈائریکٹر اور اداکار سرمد سلطان کھوسٹ جو کہ سینئر اداکار عرفان کھوسٹ کے بیٹے ہیں ان کا کہنا ہے کہ میرے والد میرے سب سے بڑے نقاد ہیں. اپنے حالیہ انٹرویو میں سرمد کھوسٹ نے کہا کہ میں نے آج تک جتنی بھی کامیابیاں سمیٹی ہیں ان کے پیچھے میرے والد کی حوصلہ افزائی اور ڈانٹ ہے. وہ مجھے ڈانٹتے بھی ہیں پیار بھی کرتے ہیں لیکن ڈانٹتے صرف بہتری کےلئے ہیں.میں آج جس بھی مقام پر ہوں اس میں ان کا بہت بڑا کردار ہے .اگر میں یہ کہوں کہ وہ میرے دوست بھی ہیں

تو بے جا نہ ہو گا. وہ سخت باپ بھی ہیں اور نرم دل معصوم انسان بھی ہیں.سرمد نے یہ بھی بتایا کہ وہ اردو زبان پر عبور رکھتے ہیں لیکن پنجابی بہت زیادہ اچھی نہیں بول پاتے، سرمد کہتے ہیں‌کہ میرے والد بہت اچھی پنجابی بولتے ہیں. یاد رہے کہ رواں برس سرمد سلطان کھوسٹ کی جون کے مہینے میں فلم کملی ریلیز ہوئی اس فلم میں انہوں نے مرکزی کردار میں صبا قمر کو لیا ان کی اس فلم کو بہت پذیرائی ملی، فلم بنیادی طور پر تین عورتوں‌کی کہانی ہے. سرمد کے کریڈٹ پر فلموں‌کے علاوہ سپر ہٹ ڈرامے بھی ہیں جن میں ہمسفر ڈرامہ سر فہرست ہے اس ڈرامے نے فواد خان ماہرہ خان اور سرمد کو ایسی شہرت بخشی کے ان کے کیرئیر کی ڈگر ہی بدل گئی. سرمد خود کم بولتے ہیں لیکن ان کا کام زیادہ بولتا ہے.

چھوٹی سکرین کے اداکار کاشف محمود جو میزبان بھی ہیں انہوں نے حال ہی میں ایک انشاف کرتے ہوئے بتایا ہے کہ ان کے والد نے ان سے کہا تھا کہ تم کبھی بھی اداکار نہیں بن سکتے کیونکہ اداکاری تمہارے بس کی بات نہیں .انہوں نے کہا کہ میرے والد کو پورا یقین تھا کہ میں اداکاری نہیں کر سکتا بلکہ وہ کہا کرتے تھے کہ تمہیں اداکاری کرنی نہیں آنی اور ہمارا ہر طرف سے مذاق اڑایا جائیگا. کاشف محمود نے مزید بتایا کہ جب انہوں‌نے اداکاری شروع کی تو لوگوں‌کی داد ملی اور کام بھی دھڑا دھڑ ملنے لگا تو میرے والد کا نظریہ تبدیل ہوگیا بلکہ ایک وقت ایسا بھی آیا کہ وہ میری اداکاری کے معترف ہو گئے. کاشف محمود نے کہا میرے والد میرا حوصلہ نہیں توڑنا چاہتے تھے اس لئے منع کررہے تھے کہ میں اداکاری نہ

کروں ان کولگتا تھا میں اداکاری نہیں کر سکتا. وہ مجھے ایک اچھے مقام پر دیکھنا چاہتے تھے اور میں آج جس مقام پر ہوں یقینا میرے والد مجھے اسی مقام پر دیکھنا چاہتے تھے. یاد رہے کہ کاشف محمود نے اپنے کیرئیر کے آغاز میں ہی بڑے پراجیکٹس میں سینئرزاداکاروں کے ساتھ کام کیا اور دیکھتے ہی دیکھتے فنکاروں کی بھیٹر میں اپنی پہچان بنا لی. کاشف محمود جتنے اچھے اداکار ہیں اتنے ہی اچھے میزبان بھی ہیں. کاشف محمود پی ٹی آئی کے بہت بڑے سپورٹر ہیں سوشل میڈیا پر وہ ہر دوسرے لمحے عمران خان کی حمایت کرتے نظر آرتے ہیں.

اداکار و میزبان فہد مصطفی جنہیں بہت پسند کیا جاتا ہے انہوں نے حال ہی میں ایک انٹرویو دیا ہے اس میں انہوں نے کہا ہے کہ حال ہی میں‌ جو فلمیں‌ ریلیز ہوئی ہیں وہ بہت اچھا بزنس کررہی ہیں اور فلم انڈسٹری سے جڑے لوگوں کے لئے یہ اچھی علامت بھی ہے. یعنی کہ اگر فلم اچھی بنی ہو تو وہ نہ صرف چلتی ہے بلکہ ہالی وڈ کی فلموں کا بھی مقابلہ کر جاتی ہے.انہوں نے مزید یہ بھی کہا کہ اگر ہم فلم انٍڈسٹری کو ترقی کی راہوں پر لیکر جانا چاہتے ہیں تو بہت ضروری ہے کہ

تہواروں کی بجائے سارا سال ہی فلمیں ریلیز کی جائیں. اس طرح‌سے پاکستانی شائقین کا پاکستانی فلموں پر اعتماد بڑھے گا.فہد مصطفی نے مزید کہاکہ پاکستان میں مختلف مقامات پر شوٹنگ کرنے کے حوالے سے بہت زیادہ مشکلات ہیں حکومت کو چاہیے کہ تمام محکموں کو آڈر کرے اور کہے کہ اگر کوئی فلمی یونٹ ان کے پاس آئے تو نہ صرف وہ اجازت دیں بلکہ جتنی ہو سکے مدد بھی کریں. اچھی فلم بنانے کےلئے ضروری ہے کہ سب مل کر کام کریں اور اگر کسی قسم کی رکاوٹ کہیں بھی آرہی ہے اسکو دور کیا جائے. فہد مصطفی نے مزید کہا کہ عید پر ریلیز ہونے والی فلموں کے اچھے بزنس نے فلم سازوں کو بہت حوصلہ دیا ہے.انہوں‌نے مزید بھی اچھا کام کرنے کا عزم ظاہر کیا.

اداکارہ ماہر ہ خان جو لاکھوں کروڑوں دلوں‌کی دھڑکن ہیں مرد ہوں یا عورتیں سب ان کو بے حد پسند کرتے ہیں. ماہرہ خان حال ہی میں ایک ٹی وی شو میں شریک تھیں وہاں ان کی ایک پرستار خاتون بھی موجود تھی اس نے ماہرہ خان سے کہا کہ میں آپکی اتنی بڑی مداح ہوں کہ میرا دل کرتا ہے کہ آپ ہر وقت میرے ارد گرد رہیں. اس پر ماہرہ خان نے اس پرستار خاتون کو اپنے پاس سٹیج پر بلایا اور گلے لگایا اس موقع پر اس خاتون کی آنکھوں میں آنسو آگئے یوں خوشی کے مارے ان کی آنکھیں بھیگ گئیں.یاد رہے کہ ماہرہ خان کی حال ہی میں فلم قائداعظم زندہ باد ریلیز ہوئی ہے فلم باکس آفس پر بہت اچھا بزنس

کررہی ہے لوگوں کی بڑی تعداد فلم کو دیکھنے کےلئے سینما گھروں کا رخ کررہی ہے. فلم میں ماہرہ خان نے ایک ایسی لڑکی کا کردار نبھایا ہے جو جانوروں سے بے حد محبت کرتی ہے اور ایک پولیس والے کی محبت میں گرفتار ہوجاتی ہے.فلم میں وطن سے محبت جیسے جذبات کوابھار اگیا ہے اور فلم میں ایسے افیکٹس استعمال کئے گئے ہیں جو ہم باہر کے ملکوں‌کی فلموں میں دیکھتے ہیں.شائقین فلم کو بے حد پسند کررہے ہیں ماہرہ خان اور فہد مصطفی جو پہلی بار ایک ساتھ آئے ہیں ان کی جوڑی کو بھی بہت سراہا جا رہا ہے .فلم کا ایک گانا لوٹا رہے بہت زیادہ مقبول ہو رہا ہے.

بالی وڈ کے اداکار سنیل شیٹی کی بیٹی اتھیا شیٹی اور کے ایل راہول بالی ووڈ کے مقبول ترین جوڑوں میں سے ایک ہیں۔ ان دونوں کا رشتہ کافی چرچہ میں ہے. ان کی شادی کی افواہیں کچھ عرصے سے چل رہی ہیں.حال ہی میں یہ خبریں سامنے آئی تھیں کہ اتھیا اور کے ایل راہول کی ممبئی میں اگلے تین ماہ میں شادی ہونے جا رہی ہے. یہ بھی کہا جا رہا ہے کہ دونوں خاندان اس ایونٹ کے لئے بھرپور تیاریاں کررہے ہیں اس حوالے سے جب سنیل شیٹی سے سوال کیا گیا کہ تو انہوں نے کہا کہ ابھی ایسا کچھ نہیں ہے سمجھ نہیں آتی کہ کہاں سے یہ خبریں اڑائی جاتی ہیں.سنیل شیٹی نے کہا کہ کے ایل راہول ایک اچھا

لڑکا ہے مجھے بھی اچھا لگتا ہے میری بیٹی اور راہول کو خود یہ فیصلہ کرنا ہو گا کہ کب ان دونوں نے شادی کرنی ہے بچے اتنے سمجھدار ہیں کہ اپنا فیصلہ خود کر سکتے ہیں.سنیل شیٹی نے کہا کہ میرے بچوں کا جو بھی فیصلہ ہوگا میں ان کے ساتھ ہوں گا میری دعائیں ان کے ساتھ ہیں. اتھیا شیٹی نے ابھی چند ماہ قبل اپنی شادی کی خبروں کے حوالے سے انسٹاگرام پر کہا تھا کہ میری شادی کب کہاں‌ہو رہی ہے کہاں ہورہی ہے، مجھے ضرور مدعو کیجیےگا. یاد رہے کہ حال ہی میں اتھیا شیٹی اپنے بوائے فرینڈ کے ایل راہول کے ساتھ جرمنی گئں تھیں جہاں راہول کی سرجری تھی.

بالی وڈ کی بولڈ اداکارہ ملیکا شراوت جو کہ فلم Rk/RKay کے ساتھ بڑے پردے پر واپسی کے لیے تیار ہیں۔اس سلسلے میں وہ آج کل پروموشنز کررہی ہیں. فلم کی پرموشن کے دوران وہ گلہ شکوہ کرتی ہوئی نظر آئیں انہوں نے کہا کہ انڈسٹری کے ایک طبقے نے ہمیشہ ان کی جسامت اور گلمیر کے بارے میں بات کی لیکن اداکاری کے بارے میں کبھی کسی نے ایک لفظ تک نہیں بولا.میلکا شیراوت نے کہا کہ میں نے فلم مرڈر میں میرا جو کردار تھا میں نے اس کے تقاضے نبھائے تو مجھ پر بہت تنقید ہوئی جو میں نے اس فلم میں کیا وہی کچھ دیپیکا پاڈوکون نے فلم گہرائیاں میں کیا ہے لیکن اس پہ اس طرح سے بات نہیں

ہوئی، ثابت ہوا کہ آج سے پندرہ برس پہلے لوگ تنگ نظر تھے. میلکا شیراوت نے کہا کہ پہلے ہیروئینز کے دو ہی روپ تھے یا تو وہ بہت معصوم ہوتی تھیں یا پھر وہ نیگیٹیو ہوتی تھیں لیکن اب زرا وقت تبدیل ہو گیا ہے اب ہر طرح کا کردار خواتین کے لئے لکھا جا رہا ہے.انہوں نے کہا کہ میں نے بہت اچھی اچھی فلموں میں بہت اچھے اچھے کردار نبھائے لیکن میرے وقت کے میڈیا اور انڈسٹری کے کچھ لوگوں‌ نے مجھے ذہنی طور پر بہت تکلیف دی صرف میری جسامت پر بات کرکے .یاد رہے کہ میلکا شیراوت اپنے بولڈ‌امیج کے حوالے سے ہی جانی جاتی ہیں.

منیش پال نے اپنے حالیہ انٹرویو میں بتایا ہے کہ وہ فلم جگ جگ جیو میں انیل کپور کے ساتھ کام کرنے سے پہلے ڈرے ہوئے تھے.منیش پال نے کہا کہ میں انیل سر جیسے لیجنڈ کے ساتھ اسکرین کی شیئر کرنے سے تھوڑا گھبرایا ہوا تھا گو کہ میں ان کے ساتھ پہلے بھی ایک شو کی میزبانی کر چکا ہوں لیکن فلم میں کام کرنا بالکل الگ چیز تھی لیکن جب کام کیا تو سارا ڈر اتر گیا کیونکہ انیل کپور بہت اچھے انسان ہیں اور اپنے سے نئے لوگوں کی بہت زیادہ ھوصلہ افزائی کرنے والے فنکار ہیں۔ اداکار ورون دھون کے

حوالے سے بات کرتے ہوئے منیش پال نےکہا کہ ورون نے اور میں نے سیٹ پر بہت اچھا وقت گزارا. ورون ڈائون ٹو ارتھ اور ٹھنڈا رہنے والا انسان ہے. اس فلم میں کام کرنے کا جہاں بہت اچھا تجربہ رہا وہیں بہت ساری اچھی یادیں بھی سمیٹی ہیں.یاد رہے کہ فلم جگ جگ جیو میں منیش پال نے ورون دھون کے دوست اور کیارا اڈوانی کے بھائی کا کردار ادا کیا ہے.منیش نے کہا کہ مجھے خوشی ہے کہ فلم جگ جگ جیو کو شائقین بہت زیادہ پسند کررہے ہیں.اس فلم میں انیل کپور ، ورون دھون اور منیش پال کے علاوہ نیتو کپور نے اہم کردار ادا کئے ہیں.فلم کی ہدایتکاری راج مہتا نے کی ہے جبکہ پرڈیوسر کرن جوہر ہیں.

اداکارہ نیتو چندرا کہتی ہیں کہ میرے پاس آج نہ کام ہے نہ ہی پیسہ ہے انہوں نے حال ہی میں ایک انٹرویو دیا ہے اور سوشانت سنگھ راجپوت کی مثال دیتے ہوئے کہا کہ ایک فنکار کو بعد از مرگ ہی پہچان کیوں ملتی ہے، ان کی موت کے بعد ہی ان کے کام کو کیوں سراہا جاتاہے؟.مزید کہا کہ سوشانت نے جو قدم اٹھایا بہت سارے لوگوں کو ایسا خیال آتا ہے .جب ان سے سوال ہوا کہ کیا ان کو بھی مایوسی کی ھالت میں خود کشی کے خیالات آتے ہٰں تو انہوں نے کہا کہ ہاں جی مجھے ایسے

خیالات آتے ہیں. اداکارہ نے مزید کہا کہ ان کی کہانی ایک کامیاب اداکار کی ناکامی کی کہانی ہے اور اتنی بڑی فلموں میں کام کرنے کے بعد بھی آج ان کے پاس کوئی کام نہیں ہے۔انہوں نے مزید کہا کہ میرے پاس نہ تو پیسہ ہے اور نہ ہی کام۔ میں پریشان ہو گئی ہوں، اتنا کام کرنے کے بعد میں یہاں ناپسندیدہ محسوس کر رہی ہوں۔” اداکارہ نے شیئر کیا کہ بالی ووڈ کے ایک بڑے کاسٹنگ ڈائریکٹر نے انہیں آڈیشن دینے کے صرف ایک گھنٹے بعد ہی مسترد کر دیا تھا ۔یاد رہے کہ نیتو چندرا نے بالی ووڈ میں پریہ درشن کی 2015 کی کامیڈی فلم گرم مسالہ سے آغاز کیا، جس میں انہوں نے ایک ایئر ہوسٹس کا کردار ادا کیا تھا۔ اس فلم میں اکشے کمار، پاریش راول، ریمی سین، نیہا دھوپیا، راجپال یادیو، اور جان ابراہم نے بھی کام کیا تھا۔ بعد میں، وہ ٹریفک سگنل، ون ٹو تھری، اوئے لکی لکی اوئے، اپارٹمنٹ، اور 13B جیسی فلموں میں نظر آئیں۔

بھارتی پنجابی گلوکار سدھو موسے والا کے قتل کے بعد سلمان خان اور ان کے والد سلیم خان کو قتل کر دینے کی دھمکیاں‌موصول ہوئیں اور یہ دھمکیاں دی گئی گینگسٹر لارنس بسنوئی کی طرف سے. سدھو موسے والا کے قتل کے حوالے سے پولیس ابھی تک کسی حتمی نتیجے پر تو نہیں پہنچی لیکن ساتھ ہی ساتھ سلمان خان کو قتل کردینے کی دھمکیوں کے بعد اس کیس کو بھی ساتھ ساتھ دیکھ رہی ہے. لارنس بسنوئی جس سے اس وقت دہلی پولیس سوال و جواب کررہی ہے دوران تفتیش گینگسٹر بسنوئی نے اعتراف کیا ہے کہ اس نے 2018 میں اداکار سلمان خان کو قتل کرنے کا منصوبہ بنایا اس سلسلے

میں بسنوئی گینگ کا ایک ممبر سپمت نہرا کو ممبئی بھی بھیجا گیا اس کو ایک گن بھی خرید کر دی گئی لیکن ایسا نہ ہو سکا. سپمت نہرا کو بعد ازاں پولیس نے گرفتار بھی کر لیا تھا اس نے اس وقت بھی انکشاف کیا تھا کہ وہ ممبئی سلمان خان کو قتل کرنے آیا تھا.یاد رہے کہ رواں برس مئی کے مہینے میں جب پنجابی گلوکار سدھو موسے والا کو قتل کیا گیا تو اسکے چند دن کے بعد سلیم خان کو ایک خط دیا گیا جس میں دونوں باپ بیٹے کے قتل کی دھمکی تھی اور اس میں لکھا تھا کہ بہت جلد تمہارا اور تمہارے بیٹے کا سدھو موسے والا جیسا حال ہو گا.تب سے سلمان خان کی سیکیورٹی سخت کر دی گئی ہے.