Category: شوبز

ماڈل صوفیہ مرزا نے کہا ہے کہ میں پچھلے دس سال سے اپنی بچیوں سے نہیں مل سکی ان سے دور رہنا بہت ہی زیادہ تکلیف دہ ہے. میرا شوہر مجھ پر جھوٹے اور غلط کیسسز بنوا رہا ہے وہ بہت زیادہ بااثر ہے. صوفیہ مرزا نے میڈیا سے گفتگو کرتے ہوئے کہا کہ میرا شوہر مجھ پہ دبئی میں بیٹھ کر جھوٹے پرچے درج کروا رہا ہے اور دھمکیاں دے رہا ہے. انہوں نے وزیراعظم شہباز شریف سے اپیل کی کہ میری مدد کی جائے اور میری بچیاں مجھے واپس دلانے کا انتظام کیا جائے. انہوں نے یہ بھی کہا میری بیٹیاں میرا شوہر دبئی لیکر چلا گیا ہے میں بہت پریشان ہوں مجھے ان سے ملنے نہیں‌ دیا جا رہا. قانون اور حکومت میری مدد کرے. یاد رہے کہ صوفیہ مرزا نے اپنے دوست سابق مشیر احتساب و داخلہ شہزاد اکبر کے ساتھ مل کر اپنے سابق شوہر کے خلاف انتقامی مہم چلائی۔دبئی میں مقیم پاکستانی نژاد نارویجین شہری عمر فاروق ظہور کے خلاف جو مہم چلائی گئی وہ سچ ثابت نہ ہو سکی اور عدالت نے وہ مہم رد کر دی. تین ممالک کی عدالتوں نے عمر فاروق ظہور پر لگائے گئے الزامات ثابت نہ ہونے پر کیسز خارج کر دئیے۔
داکارہ صوفیہ مرزا کا اصل نام خوش بخت مرزا ہے اور ان کا شمار شہزاد اکبر کی بہترین دوستوں میں ہوتا ہے۔صوفیہ مرزا کی ان کے شوہر کے ساتھ 2008 میں طلاق ہو گئی تھی اس کے بعد سے اب تک بیٹیاں اپنی مرضی سے والد کے ساتھ دبئی میں مقیم ہیں.

امین اقبال کی ڈائریکشن میں بننے والی فلم رہبرا اور نیہا لاج کی فلم چوہدری چوبیس جون کو سینما گھروں کی زینت بنیں دونوں کو ریلیز ہوئے ایک ہفتہ سے زائد ہو چلا ہے لیکن ابھی تک دونوں نے خاطر خواہ بزنس نہیں‌کیا. رپورٹس کے مطابق فلم رہبرا نے ابھی تک چالیس لاکھ تک کا بزنس کیا ہے جبکہ فلم چوہدری نے ابھی تک پینتیس لاکھ تک کا بزنس کیا ہے. دونوں فلمیں شائقین کو متاثر کرنے میں ناکام رہیں. چوہدری فلم کراچی کے کچھ سینما گھروں میں ابھی تک چل رہی ہے لیکن رہبرا کو تو بہت سارے سینما مالکان نے اتار دیا ہے یہی صورتحال لاہور میں بھی ہے.
اگر دیکھیں تو ان دونوں کی پرموشن اس طرح سے نہیں کی گئی جس طرح سے باقی فلموں کی جاتی ہے. رہبرا فلم کی پرموشن میں اس کی کاسٹ نے خصوصی طور پر عائشہ عمر نے تعاون نہیں کیا، رہبرا کی پرموشنز کے دنوں میں عائشہ عمر بیرون ملک میں تھیں اور احسن خان لندن میں تھے فلم کے ڈائریکٹر امین اقبال اور پرڈیوسر

سائرہ افضل کو کراچی میں‌ فلم کی ریلیز سے قبل عائشہ عمر کی عدم دستیابی کے باعث میڈیا میٹ اپ کینسل کرنا پڑا. اسی طرح سے فلم چوہدری کی پرموشن بھی بہت ڈھیلی رہی لاہور میں جو اسکا فنکشن ہوا اس میں شمون عباسی ، یاسر حسین و دیگر غائب تھے صرف ارباز خان اور ڈی ایس پی طارق اسلام موجود تھے یہاں تک کہ فلم کے ڈائریکٹر عظیم سجاد بھی تقریب میں موجود نہیں تھے،صحافیوں نے جب سوالات کئے کہ کاسٹ کہاں ہے فلم کی ،پرڈیوسر نیہا لاج کے پاس کوئی مناسب جواب نہیں تھا.اگر یہ کہا جائے کہ چوہدری فلم کو اسکی اپنی کاسٹ نے ہی اون نہیں کیا تو بے جا نہ ہوگا.

اداکارہ ماہرہ خان جنہوں نے ڈرامہ سیریل ہمسفر سے شہرت کی بلندیوں کو چھوا ان کی شہرت پاکستان سے نکل کر ہمسایہ ملک بھارت میں بھی پہنچی. یہاں تک کہ بالی وڈ کنگ کہلائے جانے والے شاہ رخ خان نے خود ان کو اپنے ساتھ فلم کرنے کی آفر کی اور ماہرہ خان نے رئیس نامی فلم کی بھی، ماہرہ خان کے کیرئیر اور زندگی کا یہ وہ موڑ تھا جس نے انہیں بڑی ہیروئین بنا دیا کیونکہ شاہ رخ خان کے ساتھ کام کرنا کوئی چھوٹی بات نہ تھی. ماہرہ خان کے کیرئیر پر نظر ڈالیں تو ان کی ایک آدھ فلم سپر ہٹ ہوئی اس کے علاوہ ان کی ہر دوسری فلم نے باکس آفس پر خاطر خواہ بزنس نہیں‌کیا دوسری طرف مہوش حیات کو دیکھیں تو

ان کی تقریبا سبہی فلموں نے اچھا بزنس کیا ان کی اب تک کی فلموں‌کا بزنس اگر کل ملا کر دیکھیں تو دو ارب کے قریب بنتا ہے اور ماہرہ خان کی اب تک کی تمام فلموں‌کا بزنس مشکل سے ایک ارب بھی نہیں بنتا.اس کے باوجود ماہرہ خان کو نمبر ون ہیروئین کہا جاتا ہے اور ان کو ہر دوسرے پراجیکٹ کا حصہ بنایا جاتا ہے. جتنے بھی بڑے بینرز ہیں وہ ماہرہ خان کو لیکر نہ صرف ڈرامہ،کمرشل ،فلم بنانے میں دلچپسی رکھتے ہیں بلکہ فلاپ فلمیں دینے کے باوجود وہ زیادہ چارج کرنے والے فنکاروں میں ماہرہ شامل ہیں. سمجھ سے بالا تر ہے کہ مہوش حیات جیسی اداکارہ جو باکس آفس کوئین ہے اس کی برابری میں فلاپ فلمیں دینے والی ماہرہ خان کو کھڑا کیوں کیا جاتا ہے.

فلم گھبرانا نہیں ہے جو عید الطفر پر ریلیز کی گئی تھی ابھی تک سینما گھروں میں چل رہی ہے رپورٹس کے مطابق فلم نے ابھی تک 14 کروڑ کا بزنس کر لیا ہے. گھبرانا نہیں ہے کے ساتھ دیگر جتنی بھی فلمیں لگی تھیں ان میں سے کسی بھی فلم نے قابل زکر بزنس نہیں کیا. فلم گھبرانا نہیں ہے کو شائقین نے خاصا سراہا تھا کیونکہ اس میں کامیڈی ایسی تھی کہ بے ساختہ ہنسی آجائے. یہ فلم اداکار زاہد احمد اور سید جبران کی ڈیبیو تھی دونوں کو کافی سراہا گیا.خصوصی طور پر سید جبران کو تو بہت زیادہ سراہا گیا انہوں نے وکی کے کریکٹر میں اپنی جاندار اداکاری کے زریعے حقیقت کے رنگ بھرے.بہت سارے

لوگوں نے تو گھبرانا نہیں ہے سید جبران کی فلم قرار دیا. جان ریمبو بھی کافی عرصے کے بعد کسی فلم میں دکھائی دئیے ان کے کامیڈی سٹائل نے شائقین کو ہنسنے پر مجبور کر دیا. فلم میں‌صبا قمر کی اداکاری کی بھی خاصی تعریف کی گئی.فلم کو ثاقب خان نے ڈائریکٹ کیا تھا جبکہ صبا قمر ، سید جبران، ریمبو اور زاہد احمد کے علاوہ سلیم معراج بھی تھے.صبا قمر اس فلم کے حوالے سے کہتی ہیں کہ جب میں نے یہ سکرپٹ‌پڑھا تو مجھے لگا کہ اگر پڑھ کر اتنا مزہ آرہا ہے تو کام کرکے کتنا مزہ آئیگا لہذا میں نے فورا سائن کر لی.

فلم لفنگے کا کراچی میں ہوا ٹریلر لانچ..تقریب میں سمیع خان، مانی اور حرامانی ،سلیم معراج ، نازش جہانگیر و دیگر نے شرکت کی. تقریب میں حرامانی رہیں میڈیا کی توجہ کا مرکز ، نازش جہانگیر جو کہ فلم کی ہیروئین تھیں وہ تقریب میں کافی دیر سے پہنچیں اور ایسا لگ رہا تھا کہ وہ جیسے کہ اس تقریب کے لئے خصوصی طور پر تیار نہیں ہوئیں، میک اور ہئراسٹائل بلکل بھی تقریب کے حساب سے نہ تھا ایسے لگ رہا تھا کہ جیسے نازش کسی دوسری مصروفیت کو چھوڑ کر ٹریلر لانچ میں صرف حاضری لگوانے آئی ہیں.نازش جہانگیر کی یہ پہلی فلم ہے اس سے وہ اپنا ڈیبیو کررہی ہیں.یاد رہے کہ فلم کو ڈائریکٹ

عبد الخالق جبکہ فلم کو طارق حبیب نے پرڈیوس کیاہے. عبدالخالق اس فلم سے قبل سپر ہٹ ڈرامے بنا چکے ہیں جن میں کافر ،گھمنڈی ، بے باک ،محبت تجھے الوداع قابل ذکر ہیں.فلم ہارر کامیڈی ہے اور عید الاضحی پر ریلیز کی جا رہی ہےاس کے ساتھ دو بڑی فلمیں بھی ریلیز کی جا رہی ہیں جن میں‌قائداعظم زندہ باد اور لندن نہیں‌جائونگا.اب دیکھنا یہ ہے کہ مقابلے کی اس دوڑ میں فلم لفنگے اپنی جگہ بنا پاتی ہیں ہے یا نہیں .باوثوق زرائع یہ بھی کہتے ہیں کہ فلم لفنگے میں چند ڈائیلاگز کافی بولڈ اور لچر تھے جن کو حذف کرنے کےلئے کہا گیا تھا.

آسکر ایوارڈ یافتہ پاکستانی فلمساز شرمین عبید چنائے کہتی ہیں کہ ان کا فواد خان کے ساتھ کام کرنے کا تجربہ بہت اچھا رہا ہے. فواد خان ناقابل یقین حد تک ورسٹائل ہیں وہ اداکاری ایسی کرتے ہیں کہ ان کو دیکھ کر آپ متاثر ہوجاتے ہیں. شرمین عبید کہتی ہیں کہ فواد خان اور ان کی اداکاری یقینا لاجواب ہے. یاد رہے کہ شرمین عبید چنائے اور مارول سنیمیٹک یونیورس کے نئے پراجیکٹ مس مارول آج کل بہت چرچا میں ہے. اس سیریز میں مہوش حیات، نمرہ بچہ، ثمینہ احمد، اور فواد خان سمیت کچھ مشہور ایشیائی اداکار بھی شامل ہیں۔ شرمین عبید چنائے نے سیریز کی قسط نمبر 4 اور 5 کے بارے میں بات کرتے ہوئے کہا کہ ان اقساط میں آپ سیریز میں کمالہ خان کی طاقتوں کی اصل میں گہرائی میں ڈوب جائیں گے، یہ دونوں اقساط سیریز کی دیگر اقساط سے تھوڑی مختلف ہیں.

میڈیا نے جب ان سے فواد خان کے ساتھ کام کرنے کا تجربہ پوچھا تو انہوں نے دل کھول کر اداکار کی تعریف کی. یاد رہے کہ فواد خان ایک عرصے سے اداکاری کے کسی پراجیکٹ میں نظر نہیں آئے کہا جا رہا ہے کہ رواں برس ان کی مولا جٹ اور نیلوفر ریلیز کی جائیگی.شائقین فواد خان اور ماہرہ خان کو ایکساتھ دیکھنے کےلئے بے تاب ہیں.

پی ٹی وی کے سنہرے دور کے بڑے فنکار بہروز سبزواری نے رائٹر خلیل الرحمان قمر سے معافی مانگ لی ہے اور کہا ہے کہ اگر آپ کی دل آزاری ہوئی ہے تو میں‌معذرت خواہ ہوں. تفصیلات کے مطابق بہروز سبزواری نے چند روز قبل ایک انٹرویو دیا اس میں ان سے پوچھا گیا کہ یہ جو شخصیات ہیں اگر یہ شوبز میں نہ ہوتیں تو کیا کررہی ہوتیں تو اس میں خلیل ارحمان قمر کا نام بھی تھا اس پر بہروز سبزواری نے کہا کہ اگر یہ رائٹر نہ ہوتے تو کسی سے پٹ رہے ہوتے. اپنے اس بیان پر بہروز سبزواری نے ایک وڈیو بیان جاری کرتے ہوئے معافی مانگ لی ہے اور کہا ہے کہ میں نے ایک مذاق کیا تھا اگر دل آزاری ہوئی ہے تو میں معافی مانگتا ہوں .میرے دل میں‌بہت قدر ہے خلیل الرحمان قمر کی. ان کاجو رتبہ ہے میرے مذاق سے اس پہ کوئی فرق

نہیں‌پڑسکتا. ہمارے ملک میں ان جیسا حالیہ دور میں کوئی رائٹر نہیں ہے. بہروز سبزواری نے یہ بھی کہا کہ ان کے جو چاہنے والے ہیں ان کی دل آزاری ہونے پر بھی میں معذرت خواہ ہوں.وہ اتنے بلنٹ ہیں اس ریفرینس میں، میں نے مذاق میں ایک جواب دے دیا، مجھے یقین ہے خلیل بھائی مجھے در گزر کریں گے اور آخر میں انہوں نے خلیل الرحمان کو خوش رہنے کا بھی کہا.
بہروز سبزواری کے اس روپ کو لوگ بہت سراہ رہے ہیں اور کہہ رہے ہیں کہ انہوں نے معافی مانگ کر بڑے پن کا مظاہرہ کیا ہے.

عالیہ بھٹ نے جب سے اپنے حاملہ ہونے کی خبر اپنے پرستاروں کے ساتھ شئیر کی ہے ان کو ہر طرف سے مبارکباد یں مل رہی ہیں ۔ ساتھ ہی ساتھ ان کے بارے میں ایسے دعوے بھی کئے جا رہے ہیں جن میں کوئی صداقت نہیں ہے ۔ایک ایسا ہی دعوی ان کے بارے میں کیا گیا کہ ان کے حاملہ ہونے کی وجہ سے رنبیر کپور انہیں اب لندن لینے کے لئے جائیں گے۔ عالیہ نے انسٹاگرام پوسٹ پر کیا ناراضگی کا اظہار اور کہا کہ میں ایک عورت ہوںکوئی پارسل نہیںہوں کہ مجھے پک کیا جائے ۔مجھے بالکل بھی رنیبر کپور لندن لینے نہیں آرہے ۔یوں عالیہ نے لیا جھوٹے دعوے کرنے والوں کو آڑھے ہاتھوں ۔ ایک بھارتی اخبار کے مطابق

عالیہ اپنی ہالی وڈ کی شوٹنگ ختم کرکے کچھ دن آرام کریں گی اور انہوں نے طے کر رکھا ہے کہ وہ کسی بھی صورت اپنی کمٹمنٹس کو خراب نہیں ہونے دیں گی اور جو جو شوٹنگ کروانی ہیںوہ کروائیں گی ۔یاد رہے کہ دو روز قبل عالیہ نے اپنے حاملہ ہونے کی خبر انسٹاگرام کے زریعے مداحوں کیساتھ شئیر کی تھی اور رنبیر کپور جو کہ اس وقت سپین میں فلم کی شوٹنگ کررہے ہیں ان کی خوشی کی انتہا یہ ہے کہ انہوں نے اپنے ہونے والے بے بی کی شاپنگ ا بھی سے شروع کر دی ہے۔

ہالی وڈ کے سپر سٹار جونی ڈیپ جن کے پرستار دنیا بھر میں پائے جاتے ہیںانہوں نے اپنے ہر پراجیکٹ کے ساتھ ثابت کیا کہ بہترین اداکار ہیں ۔ رپورٹس کے مطابق جونی ڈیپ فلم سیریز پائریٹس آف دی کیریبین میں نظر آئیں گے۔ ایک تکلیف دہ پراسس سے گزرنے کے بعد شاید اداکار نے فیصلہ کیا ہے کہ وہ ایک مرتبہ پھر اپنی زندگی اپنے انداز سے جئیں گے اور شائقین کا دل اپنی جانداز اداکاری کے زریعے لبھاتے رہیں گے ۔اطلاعات کے مطابق جونی ڈیب کے جب سے ان کی اہلیہ سے

معاملات طے پائے ہیں جونی ڈیپ سے مختلف فلم میکرز رابطہ کررہے ہیں کہا جا رہا کہ اس فلم کےلئے ہالی ووڈ فلم کمپنی ڈزنی کی جانب سے جونی ڈیپ کو 301ملین ڈالر کی ڈیل کی پیشکش کی گئی ہے۔یاد رہے کہ جونی ڈیپ نے سابقہ اہلیہ کے خلاف ہتک عزت کا دعوی جیتنے کے بعد ایک بیان میں کہا تھا کہ جیوری نے مجھے میری زندگی واپس دی،سچائی کبھی ختم نہیں ہوتی جبکہ ان کی اہلیہ نے کہا تھا کہ میں آج جو مایوسی محسوس کر رہی ہوں وہ الفاظ میں بیان کرنا مشکل ہے، میں دل شکستہ ہوں کہ ثبوت کا پہاڑ بھی میرے سابق شوہر کی غیر متناسب طاقت، اثر و رسوخ کا مقابلہ کرنے کے لیے کافی نہیں تھا۔تاہم اب دونوں کے درمیان معاملات طے پا چکے ہیں اور جونی ڈیپ بظاہر تیار نظر آرہے ہیں کہ انہیں اب اداکاری کی طرف دوبارہ واپس آنا ہے۔

ڈرامہ سیریل خدا اور محبت جس کے پہلے سیزن نے دھوم مچا دی تھی عمران عباس سعدیہ خان اور گلوکار احمد جہانزیب کی اداکاری نے شائقین کے دل جیت لئے تھے ۔2011میں یہ سیزن نشر کیا گیا تھا ڈرامے کی مقبولیت دیکھتے ہوئے اس کا دوسرا سیزن بھی بنایا گیا ۔سیزن ٹو میں بھی سعدیہ خان اور عمران عباس تھے سیزن ٹو کو بھی بہت زیادہ مقبولیت حاصل ہوئی تھی۔شائقین کی بھرپور فرمائش کے بعد خدا اور محبت کا سیزن تھری بھی بنایا گیا لیکن اس سیزن میں کاسٹ مکمل طور پر تبدیل تھی اس بار سعدیہ خان کی جگہ اقراءعزیز تھیں اور عمران عباس کی جگہ فیروز خان تھے اس ڈرامے نے بھی مقبولیت کے ریکارڈز قائم کئے ، یوں تینوں سیزنر اپنی اپنی جگہ بے حد مقبول رہے لیکن اس ڈرامے کا او ایس ٹی مقبولیت میں دو قدم آگے بڑھ گیا ۔

خدا اور محبت کے سیزن تھری کے اوریجنل سونگ ٹریک کو ابھی تک یوٹیوب پربیس کروڑ سے زائد افراد دیکھ چکے ہیں اس سے پہلے کسی بھی پاکستانی ڈرامے کے او ایس ٹی کو اتنی بار دیکھا نہ سنا گیا۔ان بیس کروڑ میں بھارتی ناظرین کا بھی ہے جس کاندازہ یوٹیوب پر گانے کے کمنٹس باکس میں کئے جانے والے تبصروں سے کیا جا سکتا ہے۔پاکستانی میوزک ویسے ہی پوری دنیا میں بے حد پسند کیا جاتا ہے لیکن پچھلے چند برسوں سے ڈراموں کے او ایس ٹی کافی مقبولیت حاصل کررہے ہیں ۔ڈرامہ سیریل من مائل ہو ،اڈاری یا میرے پاس تم ہو ان کے اور ایس ٹیز نے شائقین کو خوب متاثر کیا اور ڈراموں کی مقبولیت میں ان کے ٹائٹل سانگز کا بھی حصہ ہے۔اس لئے ڈرامہ بنانے والوں کی کوشش ہوتی ہے کہ ڈرامہ کے ساتھ ساتھ اسکے او ایس ٹی کے لئے کوئی بہترین کمپوزر اور سنگر ہونا چاہیے ۔