Category: شوبز

ماضی کی نامور اداکارہ و ڈانسر مادھوری ڈکشٹ جن کی مسکراہٹ کے لاکھوں کروڑوں دیوانے ہیں وہ جب بھی سکرین پر آتی ہیں کچھ نئے روپ میں ہی دکھائی دیتی ہیں آج جیسا کہ دور بدل چکا ہے آرٹسٹ ڈیجیٹل پلیٹ فارمز پر بھی دکھائی دے رہے ہیں ایسے میں مادھوری ڈکشٹ کیسے رہ سکتی تھیں پیچھے ۔ اب وہ بھی نیٹ فلیکس کی فلم میں نظر آئیں گے فلم کا نام ہے” دا فیم گیم دِس ائیر“ ۔ مادھوری اپنے کیرئیر میں ایک نیا تجربہ کرنے جا رہی ہیںجس کے لئے وہ بہت خوش ہیں ۔مادھوری کا کہنا ہے کہ میں کچھ وقت کےلئے امریکہ گئی تھی لیکن امریکہ سے وطن واپسی پر اب میں اپنے اداکاری

کے پراجیکٹس پر توجہ دے رہی ہوں۔مادھوری ڈکشٹ سوشل میڈیا پر بھی کافی متحرک رہتی ہیں ان کا کہنا ہے کہ مجھے کیمرے کے سامنے کام کرنا اچھا لگتا ہے اور میں انجوائے کرتی ہوں اپنے کام کو میرے کام کے زریعے میں اپنے دل کی بات کہہ سکتی ہوں۔ مادھوری ڈکشٹ ٹی وی پر ڈانس کے پروگراموں کی جج بنی ہوئی دکھائی دیتی ہیں اس کے علاوہ مادھوری آن لائن ڈانس کی کلاسزبھی دیتی ہیں ۔مادھوری کے پرستار ان کو آج بھی سراہتے ہیں ،اب جبکہ وہ نیٹ فلیکس پر جلوہ گر ہونے جا رہی ہیں تو دیکھنا یہ ہے کہ نیٹ فلیکس پر آنے کا انکا تجربہ کیسا رہتا ہے ان کے مداح ان کو کتنی پذیرائی دیتے ہیں کیونکہ ایسا نہیں ہے مادھوری کافی عرصے سے کہیں دکھائی نہیں دے رہیں وہ ٹی وی پر مسلسل کئی برسوں سے نظر آرہی ہیں۔

جب سے عالیہ بھٹ اور رنبیر کپور کے والدین بننے کی خبر انٹرنیٹ پر وائرل ہوئی ہے تب سے جہاں نیتو کپور ،سونی رازدان اور مہیش بھٹ کی طرف سے خوشی کا اظہار کیا جا رہا ہے وہیں رنبیر کپور کے والد رشی کپور کی بھی ایک وڈیو انٹرنیٹ پر بہت زیادہ وائرل ہو رہی ہے جس میں وہ اپنے بیٹے کو نصیحت کررہے ہیں کہ تمہیں اپنی زندگی جینی ہے اپنی زندگی جیواپنے ہمسفر کے ساتھ اور بہت زیادہ محتاط رہو کیونکہ وہ تمہارے بچے کی ماں بنے گی۔اس سے قبل نیتو کپور بھی اپنے حالیہ انٹرویوز میں بتا چکی ہیں کہ رشی کپور کی بہت زیادہ خواہش تھی کہ عالیہ اور رنیبر کی شادی ہوجائے اور وہ ان کو ایکساتھ

دیکھ کر بہت خوش بھی ہوتے تھے۔نیتو کے مطابق رشی کہا کرتے تھے کہ ” شادی کر بھی لو یار“ ۔ رشی نے رنبیر کو اپنے انتقال سے پہلے بھی کہا تھا کہ شادی کر لو تم دونوں کیونکہ مجھے دادا بننا ہے ۔اُدھر عالیہ بھٹ نے ایک انٹرویو میں کہا ہے کہ میں نے تو رنبیر کپور سے اپنے دماغ میں ہی بہت پہلے شادی کر لی تھی۔یاد رہے کہ عالیہ اور رنبیر اس وقت دونوں اپنی شوٹنگز میں مصروف ہیںحقیقی زندگی کے ساتھی عالیہ اور رنبیر پہلی بار ایکساتھ بڑی سکرین پر براہمسٹرا میں نظر آئیں گے۔نو ستمبر کو یہ فلم سینما گھروں کی زینت بنے گی ۔رنبیر شمشیرا میں وانیہ کپور اور سنجے دت کے ساتھ نظر آئیں گے جبکہ عالیہ کی روکی اور رانی کی پریم کہانی اور جی لے زرا میں نظر آئیںگی۔

رنبیر کپور جو کہ آج کل سپین میں اپنی فلم کی شوٹنگ کررہے ہیں انہو ںنے وہاں اپنے ہونے والے بے بی کے لئے شاپنگ شروع کر دی ہے۔رپورٹس کے مطابق رنبیر کپور نے اپنے بے بی کے لئے کپڑوں کی شاپنگ عالیہ کی انسٹاگرام پوسٹ سے پہلے شروع کر دی ہوئی تھی۔رنبیر کپور اور عالیہ تو فیملی بڑھنے پر خوش ہیں لیکن نیتو کپور ، سونی رازدان اور مہیش بھٹ بہت خوش ہیںان تینوں کی خوشی کی انتہا نہیں ہے ، سب عالیہ اور رنبیر کی خوبصورت تصاویر شئیر کررہے ہیں اور اپنی خوشی کا اظہار کررہے ہیں۔یاد رہے کہ عالیہ بھٹ نے انسٹاگرام پر گزشتہ روز ایک تصویر شئیر کی جس میں وہ ہسپتال کے بستر پر ہیں

اور رنبیر کپور ساتھ بیٹھے ہوئے ہیں اس کا کیپشن دیا کہ ہمارا بے بی بہت جلد آرہا ہے۔یہ خبر سنتے ہی عالیہ اور رنبیر کے پرستاروں میں خوشی کی لہر دوڑ گئی۔رنبیر اور عالیہ رواں برس اپریل کے مہینے میں شادی کے بندھن میں بندھے اور چند دن کے بعد اپنے اپنے کاموں میں مصروف ہو گئے عالیہ اس وقت لندن میں موجود ہیں اور وہاں وہ اپنی پہلی ہالی وڈ مووی کی شوٹنگ کروا رہی ہیں اس مووی کا نام ہارٹ آف سٹون ہے جبکہ رنبیر سپین میں فلم کی شوٹنگ کررہے ہیں ۔عالیہ نے کرن جوہر کی سالگرہ پر بھی ایک دن کے لئے بھارت آنا چاہا لیکن ان کوشوٹنگ چھوڑ کر جانے کی اجازت نہ مل سکی ۔

جانی لیور کا شمار ہندوستان کے بہترین کامیڈینز میں ہوتا ہے انہوں نے آج سے پینتیس برس قبل اپنے فلمی کیرئیر کی شروعات کی۔شروع میں ممکری کیا کرتے تھے ،انہوں نے بڑی فلمیں حاصل کیں جن میںاداکاری کے جوہر دکھا کر لوگوں کو اپنا گرویدہ بنا لیا ۔جانی لیور نے شاہ رخ خان کے ساتھ متعدد فلمو ں میں کام کیا ان دونوں نے آخری بار ایک ساتھ کام 2015 میں دل والے میں کیا ۔اپنے حالیہ انٹرویو میں جانی لیور نے شاہ رخ خان کے ساتھ اپنی کی ہوئی فلم بادشاہ کو یاد کیا اور بتایا کہ کس طرح سے شاہ رخ خان نے ان کے مشکل وقت میں حوصلہ افزائی کی تھی۔انہوں نے کہا کہ بادشاہ فلم کی شوٹنگ چل رہی تھی اسی دوران میرے والد کی حالت بہت سیریس تھی وہ ہسپتال میں تھے اور میں شوٹنگ کررہا تھا جس روز ان کا آپریشن تھا اس

روز مجھے ایک کامیڈی سین کرنا تھا میں اس سین کے لئے تیار ہو رہا تھا تو دیکھا شاہ رخ خان میرے پاس آئے اور بولے آپ کے والد کی طبیعت کیسی ہے میں حیران رہ گیا کہ میں نے تویہاں کسی کو نہیں بتایا یہاں تک کہ ٹیم کے کسی ممبر کو بھی بھنک نہیں ہے کہ میںکسی ذاتی مسئلے میں پھنسا ہوا ہوں یا میرا دل پریشان ہے ۔شاہ رخ خان نے مجھے کہا کہ اگر آپ کو کسی چیز کی ضرورت ہے تو مجھے بتائیے میں ہر وقت آپ کی کسی قسم کی مدد کے لئے تیا ر ہوں۔جانی لیور کہتے ہیں کہ میں شاہ رخ خان کے اس عاجزانہ رویے کی وجہ سے بہت متاثر ہوا۔

مادھوری ڈکشٹ نے حال ہی میں ہندوستان ٹائمز کو ایک انٹرویو دیتے ہوئے کہا ہے کہ میں آج کا کام ہوتا دیکھتی ہوں تو خوشی ہوتی ہے کیونکہ آج کام بہت سسٹم سے ہو رہا ہے۔ہمارے دور میں ایسا نہیں ہوتا تھا ، ویسے تو آرٹسٹوں کی ہر نسل کی اپنی مشکلات ہوتی ہیں لیکن ابھی پہلے سے زیادہ آسانیاں ہیں۔ہم جب اس انڈسٹری میں آئے تھے تو فلموں کی شوٹنگ کے حوالے سے کوئی سسٹم نہ تھا،فلم بننے میں سال ڈیڑھ لگ جایا کرتا تھا اور کبھی تو اس سے بھی زیادہ لگ جاتا تھا ۔کچھ بھی پلا ن نہیں ہوتا تھا ہمیں بس اتنا پتہ ہوتا تھا کہ کہانی کیا ہے لیکن یہ نہیں پتہ ہوتا تھا کہ ہمارے ڈائیلاگز کیا ہیں کب اس کی شوٹنگ شروع ہو گی یہاں تک کہ ہمارے پاس تو وین وغیرہ بھی نہیں ہوتی تھیں لیکن اس کے باوجود ہم اچھی

فلمیں بنایا کرتے تھے۔اب تو ہر فلم کے لئے بجٹ ہوتا ہے ہمیں یہ بھی پتہ ہوتا ہے کہ ہم نے کتنے دن شوٹنگ کرنی ہے سکرپٹ ریڈی ہوتا ہے لکس ،کپڑے ہر چیز ریڈی ہوتی ہے۔ ایکٹرز کو ایسے سیٹ اپ میں کافی فائدے ہیں ۔ہمارے دور میں میک اپ روم میں ایک عورت میک اپ آرٹسٹ ہوا کرتی تھی ہمارے کو سٹارز یا ہئیر ڈریسر ہوتے تھے اس کے علاوہ سیٹ پر خواتین نہیں دکھائی دیتی تھیں لیکن آج سیٹ پر ہر شعبے میں خواتین دکھائی دیتی ہیں آج خواتین فلم کے ہر شعبے میں کام کررہی ہیں جو کہ بہت ہی زبردست ہے دیکھ کر خوشی ہوتی ہے کہ عورتیں اپنا آپ منوا رہی ہیں ۔آج عورتیں رائٹر بھی ہیں ڈائریکٹر بھی ہیں ۔

فلم انڈسٹری کے نامور پرڈیوسر جمشید ظفر گزشتہ روز انتقال کر گئے کہا جا رہا ہے ان کا انتقال گردوں کے عارضے کی وجہ سے ہوا ہے لیکن ان کے بیٹے مومن علی نے بتا دیا ہے کہ اصل میں ان کے والد کی موت کی وجہ کیا ہے.مومن کہتے ہیں کہ ان کے والد گزشتہ دس باراں برس سے گردوں کے عارضے میں مبتلا تھے اور پچھلے کوئی چھ ماہ سے ان کے ڈائیلاسسز چل رہے تھے لیکن ڈائیلاسز کی وجہ سے ان کا انتقال نہیں ہوا بلکہ ان کو چند دن قبل سٹروک ہوا تھا اور آٹھ دس دن ہسپتال میں رہنے کے

بعد خالق حقیقی سے جا ملے.ان کا مزید کہنا ہے کہ جب ہم اپنے والد جمشید ظفر کو ہستپال لیکر گئے تو شروع کے دو تین دن تو ڈاکٹروں کو سمجھ ہی نہیں آئی کہ جمشید ظفر کو ہوا کیا ہے.سٹروک بنایا گیا جس کے بعد کچھ دن وہ زندہ رہے اور پھر چل بسے.مومن علی کا مزید کہنا ہے کہ ان کے والد نے اپنی زندگی کو بہت خوبصورت انداز سے جیا انہوں نے اپنی زندگی کا ایک ایک لمحہ انجوائے کیا .میں نے ان کو زندگی کے آخری بیس سال مکمل طور پر چینج دیکھا وہ نمازیں پڑھتے تھے اور میرے ساتھ میرے بزنس میں مدد کرتے تھے.وہ نہایت ہی کم گو تھے اور کوشش کرتے تھے کہ ان کی وجہ سے کسی کا دل نہ دکھے .

کرن جوہر کی فلم جگ جگ جیو ریلیز ہو چکی ہے اس فلم کی کاسٹ نے جم کر پرموشن کی اپنے حالیہ انٹرویو میں‌ورون دھون نے کہا ہے کہ جگ جگ جیو میں میرا اور کیارا کا ایک فائٹ‌سین تھا جس سے پہلے ہماری اصل میں‌لڑائی ہوئی تھی اور لڑائی کی وجہ یہ تھی کہ کیارا نے مجھے جنگجو کہا تھا.دونوں کی اس سین سے قبل دو تین بار حقیقی لڑائی ہوئی لیکن بعد میں معاملات ٹھیک بھی ہو گئے.یاد رہے کہ فلم جگ جگ جیو کو عوامی سطح پر بہت پسند کیا جا رہا ہے.فلم کا میوزک ہو یا کہانی شائقین بہت پسند کررہے ہیں لیکن ساتھ ہی ساتھ کرن جوہر مسائل کا بھی ہیں شکار کیونکہ پاکستانی گلوکار ابرار الحق برطانوی میوزک کمپنی کو نوٹس بھیج کر قانونی کاروائی کا آغاز کر چکے ہیں.اس حوالے سے وہ لمحہ بہ لمحہ اپنے

پرستاروں کو باخبر رکھے ہوئے ہیں. کرن جو ہر اس فلم کی ریلیز کے عین وقت پر لندن اپنی فیملی کے ساتھ جا پہنچے یوں فلم کی ریلیز ان کے بغیر ہی ہوئی لیکن فلم کی کاسٹ کی بھرپور دلچپسی اور پرموشن نے شائقین کو کرن جوہر کی کمی اس طرح سے محسوس نہیں ہونے دی جس طرح سے ہونی چاہیے.کیارا ایڈوانی ایک باصلاحیت اداکارہ ہیں اور نوجوان نسل کی نمائندہ فنکارہ ہیں انہوں نے بہت کم عرصے میں اپنا نام اور مقام بنایا ہے آج وہ بالی وڈ کے نامور فلم میکرز کی اولین چوائس بن چکی ہیں.

عالیہ بھٹ نے آج جیسے ہی سوشل میڈیا پر اپنی پریگنینسی کی خبر بریک کی تو جہاں ان کے پرستاروں میں خوشی کی لہر دوڑ گئی وہیں ان کے والد اور والدہ کی خوشی بھی دیدنی ہے.عالیہ بھٹ کے والد مہیش بھٹ نے اس حوالے سے کہا ہے کہ میں بہت خوش ہوں کہ میرے بے بی کے گھر ایک بے بی آرہا ہے میں عالیہ اور رنبیر کے لئے بہت خوش ہوں کہ یہ دونوں اپنی فیملی بنانے جا رہے ہیں.مہیش بھٹ نے مزید کہا کہ میں نانا کا کردار ادا کرنے کےلئے بہت زیادہ پرجوش ہوں اور میں مکمل طور پر اس کردار کو نبھانے کےلئے تیار ہوں. دوسری طرف ان کی اہلیہ سونی رازدان اور عالیہ بھٹ کی والدہ نے بھی سوشل میڈیا پر خوشی کا اظہار کیا اور کہا کہ یقینا یہ خوشخبری میری زندگی کی سب سے بڑی خوشخبری ہے.ہندوستان ٹائمز کے ساتھ ایک انٹرویو میں سونی رازدان نے کہا کہ میری خوشی کے اظہار کے لئے میرے پاس الفاظ ہی نہیں ہیں . مجھے بہت خوشی ہے کہ عالیہ اور رنبیر والدین بننے جا رہے ہیں ان کی زندگی کا ایک الگ اور دوسرا فیز شروع ہونے جا رہا ہے.یاد رہے کہ عالیہ اور رنبیر اسی سال شادی کے بندھن میں بندھے ان کی شادی کے منتظر تو رشی کپور بھی تھے لیکن زندگی نے ان کے ساتھ وفا نہ کی اور وہ اپنے بیٹے کی اتنی بڑی خوشی نہ دیکھ سکے.نیتو کپور کا عالیہ کے حوالے سے کہنا ہے کہ ہم خوش نصیب ہیں کہ عالیہ ہماری زندگی میں آئی.

سینئر اداکار جاوید شیخ نے اپنے حالیہ انٹرویو میں کہا ہے کہ ہمارے ہاں فنکاروں کی حوصلہ افزائی اس طرح سے نہیں‌ کی جا تی جس طرح سے کی جانی چاہیے ہمیشہ ہی اس معاملے میں‌کنجوسی سے کام لیا جاتا ہے ایسا نہیں ہونا چاہیے.جاوید شیخ نے مزید کہا کہ میں‌ نے اپنے کیرئیر میں‌معیاری کام ہی کرنے کی کوشش کی اور کام کے معاملے میں سمجھوتہ نہیں‌کیا.نئے فنکاروں کو چاہیے کہ وہ معیار پر سمجھوتہ نہ کریں اور مختلف کردار کرنے کی کوشش کریں تاکہ ان کے کام میں نکھار آئے .مختلف کام ہمیشہ کام میں‌نکھار کا باعث بنتا ہے اور بہت کچھ سیکھنے کا موقع بھی میسر آتا ہے.جاوید شیخ نے ایک سوال کے جواب میں کہا کہ ایک وقت تھا جب شوبز میں اتنا پیسہ نہیں تھا، ہم نے بہت سارے فنکاروں‌کو کمسپرسی کی حالت میں اس دنیا سے جاتے ہوئے دیکھا لیکن خوشی کی بات یہ ہے کہ آج شوبز میں پیسہ بہت زیادہ ہے فنکار معاشی طور پر بہتر ہیں. ایک فنکار جس نے ساری زندگی اپنے فن کو دی ہو اس کی عزت کی جانی چاہیے لیکن ہمارے ہاں تو دنیا سے جانے کے بعد ہی ایسا ہوتا ہے فنکار کو اسکی زندگی میں سراہیں اسکی حوصلہ افزائی کریں.
یاد رہے کہ جاوید شیخ نے پاکستانی فلموں کے ساتھ ساتھ بھارتی فلموں میں بھی اپنی اداکاری کے جوہر دکھائے ہیںان کا شمار منجھے ہوئے اداکاروں میں ہوتا ہے.آج کل جاوید شیخ ڈراموں میں بھی نظر آرہے ہیں.

اداکارہ نازش جہانگیر جن کی پہلی فلم لفنگے عید الاضحی پر ریلیز ہونے جا رہی ہے کہا جا رہا ہے کہ اب ان کے اور محسن عباس حیدر کے درمیان قربتیں ایکبار پھر سے بڑھنے لگی ہیں.ایک عرصہ سے دونوں کے تعلق کی خرابی کی خبریں تھیں دونوں کہیں بھی ایک جگہ نظر نہیں آرہے تھے لیکن ایکبار پھر سے سنا ہے کہ دونوں کے درمیان غلط فہمیاں دور ہو گئی ہیں. محسن عباس حیدر اداکارہ فاطمہ سہیل سے شادی کے بندھن میں بندھے تھے ان دونوں کا ایک بے بی بھی ہے ان کے درمیان اختلافات کی خبریں شدید نوعیت کی تھیں فاطمہ سہیل نے تو یہاں تک دعوی کیا کہ محسن عباس حیدر ان کے ساتھ مار پیٹ کرتے ہیں، اپنی اس بات کو سچ ثابت کرنے کےلئے انہوں نے کچھ تصاویر بھی سوشل میڈیا پر جاری کیں اور ساتھ ہی ساتھ یہ بھی کہا کہ ان کا افئیر نازش جہانگیر نامی ماڈل کے ساتھ چل رہا ہے اس لڑکی کی وجہ سے ہمارے درمیان مسائل نے جنم لیا ہے.لیکن محسن عباس حیدر نے اپنی اہلیہ کے تمام الزامات کو بے بنیاد ٹھہرایا تھا اور کہا تھا کہ انہوں نے کبھی فاطمہ پر تشدد نہیں کیا اور جو تصاویر انہوں نے شیئر کی ہیں وہ 2018 کی ہیں جو سیڑھیوں سے پھسلنے سے لگنے والی چوٹوں کی تھیں۔ ان کے تنازع کا انجام علیحدگی کی صورت میں ہوا بعد میں نازش کے ساتھ محسن کی شادی کی خبریں بھی آتی رہیں لیکن آج تک ایسی کوئی بات سامنے نہیں آسکی لیکن زرائع کا کہنا ہے کہ دونوں کے درمیان ایکبار پھر سے قربتیں بڑھ رہی ہیں.