Category: شوبز

لگتا ہے پاکستانی پاپ گلوکار ابرار الحق اپنا حق ملنے تک قانونی جنگ جاری رکھیں گے.ابرار الحق کے وکیل نے نچ پنجابن چرانے پر برطانوی کمپنی کے خلاف قانونی کاروائی کا آغاز نوٹس بھیج کر دیا ہے. یہ بات ابرار نے اپنے ٹویٹر اکائونٹ سے ٹویٹ کے زریعے پرستاروں کے ساتھ شئیر کی انہوں نے لکھا کہ برطانیہ میں میرے وکلا نے نچ پنجابن کے غلط اور بغیر اجازت استعمال کے حوالے سے مووی باکس (کمپنی) کو قانونی نوٹس بھیجا ہے۔انہوں نے مزید یہ بھی لکھا کہ میں اس حوالے سے اپنے چاہنے والوں‌ کو لمحہ بہ لمحہ آگاہی دیتا رہوں گا. ابرارالحق پہلے ہی اعلان کر چکے ہیں کہ میں قانونی کاروائی سے کسی صورت پیچھے نہیں‌ہٹوں گا
یاد رہے کہ کرن جوہر کی حالیہ فلم جگ جگ جیو میں نچ پنجابن شامل کیا گیا اس حوالے سے ابرار سے کاپی رائٹس پر بات نہیں‌ کی گئی، ابرار کو اس وقت پتہ چلا کہ ان کا گانا چوری کر لیا گیا ہے جب فلم کا ٹریلر ریلیز ہوا تھا تو انہوں نے اپنے ٹویٹر اکائونٹ کے زریعے کرن جوہر کی سرزنش کی اور کہا کہ آپ کو ایسے کام زیب نہیں‌ دیتے. ابرار کی طرف سے ردعمل دیکھ کر کرن جوہر نے گلوکار کو یوٹیوب پر جاری ٹریلر میں‌ کریڈٹ دے دیا لیکن ابرار کے مداحوں نے ان سے کہا کہ صرف یہ کافی نہیں ہے ان کے ساتھ قانونی طور پر بات ہونی چاہیے. دو روز قبل ورون دھون نے اپنے ایک انٹرویو میں‌جھوٹ سے کام لیتے ہوئے کہا ہے کہ ہمارے پاس گانے کے کاپی رائٹس ہیں.

فلمساز جمشید ظفر کے انتقال پر فلم انڈسٹری سے جڑے لوگ صدمے کا شکار ہیں. ان کے انتقال کی خبر ان کے دوستوں پر بجلی بن کر گری. کسی نے یقین کیا اور کسی نے نہیں.مرحوم کا نمازہ جنازہ ادا کرکے ان کو سپرد خاک کر دیا گیا ہے. ان کے جنازے میں ہدایتکار سید نور، فلمساز مسعود بٹ ، غلام محی الدین ، سہیل ملک ، اعجاز کامران، شہزاد گل ، جان ریمبو، ایوب خاور و دیگر نے شرکت کی. ان کے نماز جنازہ میں صرف فلم انڈسٹری سے جڑے لوگوں نے ہی شرکت نہیں کی بلکہ سیاسی و سماجی حلقوں سے بڑی تعداد میں لوگوں نے شرکت کی. ان کے جنازے میں موجود ہر آنکھ اشکبار تھی ہر کسی کا کہنا تھا کہ اس کا جمشید ظفر سے بہت اچھا تعلق تھا وہ بہت عاجز انسان تھے اور بہترین پرڈیوسر بھی تھے.
یاد رہے کہ گزشتہ روز جمشید ظفر کا انتقال ہو گیا تھا وہ گردوں کے عارضے میں مبتلا تھے انہوں‌ نے نوے کی دہائی میں بہترین فلمیں‌ بنائیں ایسی فلمیں‌ کہ جنہوں نے فلم انڈسٹری کو مزید پھلنے پھولنے کا موقع فراہم کیا. جمشید ظفر کے حوالے سے ان کے تمام ساتھیوں کا کہنا ہے کہ وہ کام کے دوران بہت ہی نرم رویہ رکھتے تھے کبھی کسی پر غصہ نہیں‌ کرتے تھے اور دوستی تعلق کو نبھانا بھی بہت اچھی طرح‌ جانتے تھے. انہوں نے نہ صرف فلمیں بنائیں بلکہ جو فلمیں بنا رہے تھے ان کو مشکل پڑنے پر ان کی مدد بھی کرتے رہے.

اداکار ریمبو نے اپنے ایک حالیہ انٹرویو میں‌ کہا ہے کہ ہم اپنے سینئرز کی بہت زیادہ عزت کیا کرتے تھے، ہمارے دور میں سیٹ پر دوستانہ ماحول ہوا کرتا تھا سینئرز جونئیرز کے ساتھ بیٹھا کرتے تھے یوں جونئیرز کو سینئرز سے سیکھنے کا موقع میسر آتا تھا. اب ماحول یہ ہے کہ ہر سینئر کے لئے الگ کمرہ بنا دیا گیا ہے یوں جونیئرز کو ساتھ بیٹھ کر سیکھنے کا موقع نہیں‌ ملتا میں تو یہی کہوں گا کہ اس سے جونیئرز کا نقصان ہی ہوتا ہے ایسا نہیں ہونا چاہیے. ریمبو نے مزید یہ بھی کہا کہ میرے بارے میں پتہ نہیں کیوں یہ خیال کیا جاتا ہے کہ میں صرف کامیڈی کردار کر سکتا ہوں وہ بھی فلموں‌ کی حد تک حالانکہ ایسا نہیں‌ ہے میں ہر طرح‌ کے کردار کر سکتا ہوں. کامیڈی کا مجھ پہ ٹھپہ ہی لگا دیا ہے شکل سے دیکھیں تو میں ایکشن ہیرو لگتا ہوں. مجھ میں‌ ہر طرح کا کردار کرنے کی صلاحیت ہے.ریمبو نے مزید کہا کہ مجھے ڈراموں

میں‌کاسٹ نہیں کیا جاتا نہ کامیڈی کرداروں میں نہ ہی سنجیدہ کرداروں میں. پتہ نہیں‌ میرے بارے میں‌یہ تاثر کیوں ہے اس تاثر کو ذائل ہونا چاہیے.
یاد رہے کہ جان ریمبو کی حال ہی میں فلم گھبرانا نہیں ہے ریلیز ہوئی اس میں انہوں نے بطور کامیڈین ہی کردار ادا کیا جسے دیکھنے والوں کو بے حد سراہا . ریمبو کافی عرصے کے بعد کسی فلم میں‌ نظر آئے ہیں شائقین ان کو دیکھنے کےلئے بےتاب رہتے ہیں. ویسے تو ریمبو فلمی تقریبات میں نظر آتے ہیں لیکن فلموں‌ میں‌ زرا کم ہی دکھائی دے رہے ہیں.

جمشید ظفر کے انتقال کی خبر پر شوبز انڈسٹری سے جڑے لوگ اور فلمی شائقین کافی رنجیدہ ہیں. جمشید کافی عرصے سے فلم انڈسٹری کی رونقوں سے دور تھے. انہوں نے چھ ماہ قبل جب اپنے بیٹے کی شادی کی تو فلم انڈسٹری کی تقریبا شخصیات کو مدعو کیا. حال ہی میں‌ وہ سرمد سلطان کھوسٹ کی فلم کملی کے پریمئیر پر بھی دکھائی دئیے. ان کے انتقال پر فلمسٹار شان شاہد کا کہنا ہے کہ میں نے ان کے ساتھ بہت زیادہ کام تو نہیں کیا لیکن ان کا کام دیکھا تو ہے بہت اچھا کام کیا انہوں نے.نوے کی دہائی میں ان کی فلموں کے حوالے سے بہت زیادہ کنٹریبیوشن رہی. انہوں نے نوے کی دہائی کے اوائل میں بہت زیادہ کام کیا بطور پرڈیوسر ان کے کریڈٹ پر ایسی شاندار فلمیں ہیں کہ جن کو آج بھی شائقین پسند کرتے ہیں.وہ ایک بڑے پرڈیوسر تھے میرا ان کے ساتھ بہت اچھا تعلق تھا.جمشید ظفر نوے کی دہائی کے آخر تک خاصے ایکٹیو رہے لیکن اس کے بعد انہوں نے تھوڑی دوری اختیار کر لی ان کا انتقال یقینا ہم سب کے لئے دکھ کی بات ہے. شان شاہد نے یہ بھی کہا کہ فلم پرڈیوسر ایسوسی ایشن کے جب صدر تھے تو فلم انڈسٹری کے لئے یقینا اچھے کام کئے.
یاد رہے کہ جمشید ظفر گردوں کے عارضے میں مبتلا تھے.

اداکار مصطفی قریشی نے کہا کہ ہے فلم انڈسٹری جب بہت بلندیوں پر تھی، فلمیں‌بہت زیادہ بزنس دے رہیں تھیں، کروڑ ہا روپے حکومت کے خزانے میں‌ ریونیو کی صورت میں دیتی تھی اس وقت سال میں دو سو فلمیں بنتی تھیں. جمشید ظفر اس وقت بہت بڑا نام تھے وہ ہر دوسری فلم کو پرڈیوس کر رہے تھے شمیم آراء نے بطور ڈائریکٹر جتنی بھی فلمیں‌ بنائیں ان کو فنانس جمشید ظفر نے ہی کیا تھا. جمشید ظفر کا شمار فلم انڈسٹری کے نامور پرڈیوسرز میں‌ہوتا تھا. ان کی بہت سلجھی ہوئی سوچ تھی اور یہی سوچ فلموں میں بھی نظر آتی تھی، بعض لوگوں نے گندی فلمیں بھی بنائیں لیکن جمشید ظفر کبھی بھی ان میں سے ایک نہیں‌ رہے. میں‌جمشید ظفر کی بہت ساری فلموں میں‌ کام کیا ان کے ساتھ کام کرنے بہت مزا آتا تھا نہایت ہی نفیس انسان تھے.ایک سوال کے جواب میں انہوں نے کہا کہ اگر کسی پرڈیوسر کو پیسے کی کمی ہو جاتی تھی تو جمشید ظفر اسکی مدد کیا کرتے تھے اسکی مثال یہ ہے کہ ہم ایک فلم کی شوٹنگ کے

لئے ترکی گئے ہوئے تھے تو وہاں اس فلم کے پرڈیوسر کے پاس پیسوں کی کمی ہو گئی ادائیگی کرنے کےلئے پیسے نہ تھے تو جمشید ظفر نے اس پرڈیوسر کی مدد کی تو یوں وہ دوسروں‌ کے کام بھی آیا کرتے تھے. پچانوے فیصد ڈائریکٹر اور فنانسرز تو انتقال کر چکے ہیں جمشید ظفر جیسے اکا دکا لوگ ہیں آج جمشید ظفر بھی چل بسے. فلم انڈسٹری پہلے ہی نقصان میں جا رہی تھی بلکہ انڈسٹری ہے ہی کہاں.بلکہ میں‌ تو یہ کہوں گا کہ جمشید ظفرکا انتقال فلمی دنیا کا بہت بڑا نقصان ہے .

ماضی کی نامور اداکارہ نشو نے کہا کہ میری جمشید ظفر سے بہت ملاقاتیں ہیں انہوں‌ نے پاکستان فلم انڈسٹری کو جو فلمیں‌ دیں‌ ہیں وہ اپنی مثال آپ ہیں ان کا شاندار کام ان کو ہمیشہ زندہ رکھے گا.مجھے ان کے انتقال کی خبر نے نہایت ہی افسردہ کر دیا ہے. نشو نے مزید کہا کہ جمشید ظفر نہایت ہی فرینڈلی تھے، ذمہ دار شخص تھے وہ جانتے تھے کہ کام کیسے کرنا ہے اور اپنی ذمہ داریوں‌ کو کیسے نبھانا ہے. وہ جب پرڈیوسر ایسوسی ایشن کے صدر تھے انہوں نے اپنی ذمہ داریوں‌ کو ذمہ داری سے نبھایا انہوں نے فلم انڈسٹری کو زیادہ سے زیادہ ریلیف دیا، ایسے اقدامات کئے کہ جس سے انڈسٹری کو سہارا ملے ان کے قدامات قابل غور بھی ہیں اور قابل فخر بھی ہیں.جمشید ظفر نے ایسی فلمیں بنائیں کہ جنہوں‌ نے فلم انڈسٹری کو سنبھالا دئیے ر کھا.آج ایک ایسا شخص دنیا سے چلا گیا ہے جو پاکستان فلم انڈسٹری کا پلر تھا.ان کا نعم البدل کوئی بھی نہیں‌ہو سکتا.
بچھڑا کچھ اس ادا سے کہ رت ہی بدل گئی
اک شخص سارے شہر کو ویران کر گیا
میرا ان سے صرف کام کی حد تک تعلق نہیں تھا میرے ان سے فیملی تعلقات تھے میرا بیٹا حمزہ پاشا اور جمشید ظفر کا بیٹا مومن آپس میں‌بہت دوست ہیں ہمارا ایک دوسرے کے گھروں میں بہت زیادہ آنا جانا تھا.ابھی چھ ماہ پہلے ہی تو ان کے بیٹے کی شادی میں‌ ہم شریک ہوئے. صرف ان کے ساتھ کام کرکے بہت کچھ سیکھنے کو نہیں‌ ملتا تھا بلکہ ان کی محفل میں‌ بیٹھ کر بھی بہت کچھ سیکھنے کو ملتا تھا.

اداکار ریمبو کہتے ہیں‌ کہ جمشید ظفر انتقال کر گئے ہیں مجھے تو یقین ہی نہیں آرہا ہے کوئی کہہ رہا جب کہ جمشید دنیا سے چلے گئے تو دل نہیں‌ مان رہا. وہ بیمار تھے مجھے اتنا تو پتہ تھا لیکن اتنی جلدی ہمیں چھوڑ جائیں گے آئیڈیا نہیں تھا. ریمبو نے کہا کہ ہم نے ایک ساتھ بہت زیادہ کام کیا کچھ نہیں تو دس فلمیں تو ایکساتھ کی ہی تھیں. اُس دور میں بننے والی فلمیں ساری تقریبا باہر کے ملک میں‌ بنتی تھیں ملک میں کم ہی فلمیں بنتی تھیں اور جمشید ظفر نے مجھے جس فلم میں‌ بھی لیا وہ میرے لئے یادگار بن گئی. وہ بہت زیادہ عاجز انسان تھے دھیمہ بولتے تھے عام فلمسازوں والی ان میں‌ کوئی بات ہی نہیں تھی.ان کو ہم نے کبھی یہ کہتے نہیں‌ سنا کہ وقت پر نہ آئے تو یہ کر دوں گا وہ کردوں گا. مجھے یاد ہے کہ میں اگر کبھی لیٹ بھی پہنچتا تھا میں‌ کیا کاسٹ کا کوئی بھی بندہ لیٹ پہنچتا تھا تو جمشید ظفر ڈانٹتے نہیں تھے نہ ہی کہتے تھے کہ تم لوگوں کی وجہ سے میرا نقصان ہو گیا ہے بلکہ وہ تو کہہ دیا کرتے تھے کوئی نہیں ہم کل یہ کام کر لیں گے. کبھی کسی آرٹسٹ کو ڈیٹ دینے میں اوپر نیچے ہو جاتی تو برہم نہیں‌ ہوتے تھے بلکہ کہتے تھے کوئی نہیں‌ مینج کر لیں‌ گے. ہم چند لوگوں‌ کا گروپ تھا جس میں بابر علی ، ریما ، صاحبہ اور میں ہم سب کے ساتھ وہ بہت محبت کرتے تھے.ہر وقت ہنستے مسکراتے رہتے تھے. جمشید ظفر نہایت ہی ملنسار تھے ان کے ساتھ تعلق کام کی حد تک نہیں تھا بلکہ ان کی فیملی کے ساتھ بھی ہمارا تعلق تھا.

نوے کی دہائی میں‌ پاکستان فلم اندسٹری کو لازوال فلمیں دینے والے جمشید ظفر انتقال کر گئے ہیں.اُس دور کے تمام بڑے آرٹسٹوں کے ساتھ کیا. جمشید ظفر فلم پرڈیوسیر ایسوسی ایشن کے بانی ہیں.منجھے ہوئے فلم ساز اور پرڈیوسر جمشید ظفر ڈسٹری بیوٹر بھی رہے انہوں‌ نے کچھ فلمیں بھی ڈستڑی بیوٹ کیں. ایک عرصہ سے فلم انڈسٹری سے پیچھے ہٹ گئے تھے ان کے کام کرنے کا انداز نہایت ہی سنجیدہ تھا جب پنجابی فلموں‌ نے زور پکڑا تو وہ گھر بیٹھ گئے کسی سے ناراضگی کا اظہار نہیں کیا.ویسے تو ان کے کریڈٹ پر بے شمار ہٹ فلمیں ہیں لیکن دوپٹہ جل رہا ہے ،ڈاکو ،کرفیو جیسی فموں‌ نے انکی شہرت میں مزید اضافہ کیا. فلمسٹار میرا نے خصوصی طور پر بات کرتے ہوئے کہا کہ جمشید ظفر نہایت ہی شفیق انسان تھے عاجزی ان یمں‌ کوٹ کوٹ کر بھری ہوئی تھی میں نے ان کے ساتھ بہت سار فلموں میں کام کیا وہ مجھے فلم انڈسٹری کے ماتھے کا جھومر کہا کرتے تھے.فلمسٹار ریشم نے کہا کہ میں نے ان کے ساتھ دوپٹہ جل رہا ہے کی تھی بہت خوبصورت یادیں ہیں جو دل کو راحت دیتی ہیں ان کی طبیعت میں‌گرمی نہیں‌تھی وہ کسی سے بھی غصے یا بدتمیزی سے بات نہ کرتے میری ان کے ساتھ پہلی ملاقات سید نور کے زریعے ہوئے تھی اس کے بعد مجھے فلم دوپٹہ جل رہا ہے ملی. یاد رہے کہ جمشید ظفر نے فلم انڈسٹری کے لئے بہت سے اقدامات کئے ان کی وجہ سے فنکاروں‌کو بہت سارے فوائد ملے. پرڈیوسر ایسوسی ایشن کےساتھ جب تک منسلک رہے فنکاروں‌ کی سنی جاتی رہی . جمشید ظفر نے چند ماہ قبل اپنے بیٹے کی شادی کی تھی جس میں فلم انڈسٹری سے جڑے تمام ستاروں کو بلایا وہ گردوں کے عارضوں میں‌ مبتلا تھے طبیعت کچھ اچھی نہیں‌رہتی تھی.

بالی وڈ کے دبنگ خان جنہوں نے آئیفا ایوارڈز کی حال ہی میں میزبانی کی. ایوارڈ کی تقریب دبئی میں منعقد کی گئی۔اس ایوارڈ تقریب کو اب ٹی وی چینل پر نشر کیا جائیگا اس سلسلے میں ٹی وی پر ٹریلر چلائے جا رہے ہیں ایک ٹریلر سامنے آیا ہے جس میں سارا علی خان سٹیج پر کھڑی ہیں اور سلمان خان کو انکل کہہ رہی ہیں اور سلمان خان نے ہنستے ہوئے کہا ہے کہ تمہاری اگلی فلم کینسل، سلمان خان کے اس جملے پر ہال میں موجود لوگ ہنس پڑے بلکہ قہقہوں سے سے ہال گونج اٹھا۔ سلمان خان نے مزید کہا کہ سارا علی خان تم نے مجھے انکل کہہ دیا ہے

اسلئے اب تمہاری اگلی فلم کینسل ہو گئی تم میری اگلی فلم کی ہیروئین تھی تم نے اپنا نقصان کر لیا۔ یادرہے کہ ان ایوارڈز کی میزبانی کے بعد جب سلمان خان ممبئی واپس لوٹے تو سدھو موسے والا کا قتل ہو چکا تھا اور سلمان خان کو لارنس بسنوئی گینگسٹر نے قتل کی دھمکی دی تھی نہ صرف ان کو بلکہ ان کے والد کو بھی قتل کی دھمکی دی تھی۔سلمان خان نے پولیس کو اپنا بیان ریکارڈ کروایا تھا کہ ان کی کسی سے دشمنی نہیں ہے۔سلمان خان آج حیدر آباد میں اپنی فلم کبھی عید کبھی دیوالی کی شوٹنگ کررہے ہیں۔ اس کے علاوہ سلمان خان کی فلم نو اینٹری کا سیکول بھی بننے جا رہا ہے اس کی شوٹنگ بھی جلد ہی شروع ہو جائیگی۔