Category: شوبز

بالی وڈ کے اداکار انیل کپور نے حال ہی میں ایک انٹرویو دیا ہے اس میں انہوں نے کہا کہ میرے لئے مزاح بہت ضروری ہے میں جتنا مرضی سیریس کردار کررہا ہوں اس میں بھی مزاح کو شامل کرنے کی کوشش کرتا ہوں.میرے ڈائریکٹروں کے ساتھ یہی گفتگو ہوتی رہتی ہے میں ان سے کہتا ہوں کہ سیریس کردار میں کس طرح سے مزاح شامل کیا جائے.انیل کپور نے کہا کہ میری کوشش ہوتی ہے کہ کردار اس طر‌ح سے ادا کروں کہ لوگ یاد رکھیں، میں کہیں‌جاتا ہوں تو مجھے بہت خوشی ہے کہ لوگ مجھے میرے نام سے کم اور میرے کرداروں کے نام سے زیادہ بلاتے ہیں.انہوں نے مزید کہا کہ دلیپ کمار ، امیتابھ بچن ،

کمل ہاسن ، چارلی چپلن ، نصیرالدین شاہ اور عرفان خان کا کام دیکھتا ہوں تو بہت اچھا لگتا ہے ان کا کام دیکھ کر سیکھنے کا موقع ملتا ہے. میں یہ نہیں کہتا کہ میں بہت سینئر ہوں اور مجھے بہت کچھ آتا ہے میں آج تک سیکھ ہی رہا ہوں.انیل کپور نے ایک سوال کے جواب میں کہا کہ فلم تیزاب میں میرا کردار منا کاتھا بعد میں اس نام پر فلم بھی بنی منا بھائی ایم بی بی ایس. راج کمار ہرانی نے مجھے بتاتا تھا کہ وہ تیزاب میں میرے نام سے بہت متاثر ہوئے اسلئے انہوں نے اس نام کے اوپر ایک فلم بھی بنائی.میں چار دہائیوں سے فلم انڈسٹری میں ہوں اور مجھے لوگوں کا پیار آج بھی پہلی دن کی طرح سے مل رہا ہے. انہوں نے مزید کہا کہ جس موضوع پر مجھے عبور حاصل نہیں ہے میں اس پہ بات نہیں کرتا جس کے بارے میں آگاہی ہے میں اس پہ بات اسلئے کرتا ہوں کیونکہ میں‌کر سکتا ہوں.

چھوٹے نواب کہلائے جانے والے سیف علی خان اور ان کی بیٹی سارا علی خان دونوں ہیں ہسٹری اور کتابیں پڑھنے کے دیوانے. سارا علی خان نے اپنے حالیہ انٹرویو میں بتایا ہے کہ وہ اپنے والد سے شئیر کرتی ہیں کہ وہ کونسی کتاب پڑھ رہی ہیں اسی طرح سے ان کے والد بھی ان کے ساتھ شئیر کرتے ہیں بلکہ ریکمینڈ کرتے ہیں کہ وہ کونسی کتاب پڑھیں . سارا علی خان نے بتایا کہ وہ جب بڑی ہو رہیں تھیں تو انہوں نے محسوس کیا کہ میرے والد سیف علی خان کو ہسٹری میں بہت زیادہ دلچپسی ہے، دلچپسی مجھے بھی تھی والد کی دلچپسی دیکھ کر میری دلچپسی اور بڑھی. سارا کہتی ہیں کہ ایک بار مجھےسکول سے

چھٹیاں ہوئیں تو میں نے اور میرے والد نے روم جانے کا ارادہ کیا اور پھر ہم دونوں ایک ساتھ روم اور فلورنس گئے، ہم وہاں گھومے پھرے اور عجائب گھر تک دیکھے. سارا نے کہا کہ مجھے آج بھی کتابیں پڑھنے کا شوق ہے میں اور میرے والد ایک دوسرے کو بتاتے رہتے ہیں کہ ہم کونسی کتاب پڑھ رہے ہیں اور ایک دوسرے سے کہتے بھی ہیں کہ کونسی کتاب لازمی پڑھنی ہے. یاد رہے کہ سیف علی خان نے دو شادیاں کررکھی ہیں اور سارا علی خان ان کی پہلی اہلیہ امرتا سنگھ کی بیٹی ہیں.سارا علی خان کی اپنی دوسری والدہ کرینہ کپور سے کافی دوستی بھی ہے یہاں تک کہ کرینہ کے ساتھ اپنے والد کی شادی میں بھی شریک ہوئیں تھیں .

اداکار بوبی دیول جو میڈیا اور سوشل میڈیا پر بہت زیادہ نظر نہیں آتے انہوں‌نے گزشتہ دنوں سوشل میڈیا پر ایک وڈیو ڈالی اس وڈیو میں دیکھا جا سکتا ہے کہ وہ اپنی فلم گپت کے پچیس سال مکمل ہونے کو فلم کی ٹیم کے ساتھ منا رہے ہیں. وڈیو میں بوبی دیول کاجول کے ساتھ کیک بھی کاٹ رہے ہیں اور اداکار دلیپ تاہل کے ساتھ گلے بھی مل رہے ہیں.اس موقع پر بوبی
دیول کا کہنا تھا کہ اس سے خوبصورت لمحہ میری زندگی کا اور کیا ہو سکتا ہے کہ پچیس سال کے بعد بھی میری فلم کو اتنی محبت مل رہی ہے.بوبی دیول اس موقع پر کافی خوش دکھائی دے رہے تھے بلکہ کاجول بھی کافی خوش تھیں اس موقع پر میڈیا

بھی موجود تھا فلم کی ٹیم نے میڈیا سے خصوصی بات چیت کی اور بوبی دیول اور کاجول نے تصاویر بھی بنوائیں. یاد رہے کہ گپت فلم میں بوبی دیول اور منیشا کوئرالہ نے مرکزی کردار ادا کئے تھے سسپنس اور رومینٹک یہ فلم اپنے دور کی کامیاب فلم ہے. اس فلم کے لئے اداکارہ کاجول کو نیگیٹیو کردار کے لئے ایوارڈ بھی ملا تھا. فلم کا میوزک بہت ہٹ ہوا تھا آج تک اس فلم کے گیت سنے جاتے ہیں. فلم کا ایک گیت ”دنیا حسینوں کا میلہ ،میلے میں یہ دل اکیلا” پر بوبی دیول نے بہت خوبصورت ڈانس کیا تھا. فلم کا ہر کردار بہترین تھا یہی وجہ ہے کہ پچیس سال کے بعد بھی اس فلم کو لوگ پسند کرتے ہیں.

مادھوری ڈکشٹ جو گزشتہ تین دہائیوں سے اپنے مداحوں کو اپنی اداکاری اور ڈانس سے محظوظ کررہی ہیں وہ سوشل میڈیا پر کافی متحرک ہیں. خصوصی طور پر انسٹاگرام پر مادھوری ڈکشٹ نے گزشتہ دنوں انسٹاگرام اکائونٹ پر اپنی فلم ” مرتیو ڈنڈ ” کے پچیس برس مکمل ہونے پر اس فلم سے جڑی کچھ تصاویر شئیر کیں اور کیپشن میں لکھا کہ اس فلم کو پچیس سال ہو گئے ہیں لیکن ابھی کل ہی بات لگتی ہے. انہوں نے کہا کہ یہ میری پسندیدہ فلم ہے اور فلم کا ایک گانا ” کہہ دو ایک بار سجنا اتنا کیوں پیار سجنا” میرا پسندیدہ ہے. مادھوری ڈکشٹ کے کریڈیٹ پر جتنا بھی کام ہے وہ معیاری ہے پھر وہ چاہے

فلمیں ہوں یا انکے گانے، ان کی ہر فلم ان کے ڈانس نمبر کی وجہ سے آج تک یاد کی جاتی ہے نہ صرف بہترین اداکارہ ہیں بلکہ رقاصہ بھی ہیں. مادھوری کا شمار بالی وڈ کی صف اول کی اداکارائوں میں ہوتا ہے یہ بھارتی فلم انڈسٹری کی واحد اداکارہ ہیں جن کو لاکھوں کروڑوں دلوں کی دھڑکن مدھوبالا سے بھی ملایا جاتا ہے ان کی سمائل کو خصوصی طور پر ان سے ملایا جاتا ہے. مادھوری کافی عرصے سے چھوٹی سکرین پر ڈانس کے پراگراموں کی میزبانی کرتی ہوئی دکھائی دے رہی ہیں. مادھوری کو آخری بار کرن جوہر کے ویب شو فیم گیم میں دیکھا گیا اس شو میں ان کے ساتھ اداکار سنجے کپور بھی تھے.مادھوری ڈکشٹ کی فلم دل تو پاگل ہے ، تیزاب، دیوداس و دیگر فلموں میں اداکاری دیکھنے سے تعلق رکھتی ہے.

بالی وڈ کے سپر سٹار سلمان خان جنہیں پنجابی گلوکار سدھوموسے والا کے قتل کے بعد گینگسٹر لارنس بسنوئی کی طرف سے قتل کی دھمکی دی گئی تھی، اس دھمکی کے بعد سلمان خان کی سیکیورٹی بڑھا دی گئی ہے.اب دہلی پولیس کی طرف سے کہا جا رہا ہے گینگسٹر نے وارننگ کے ساتھ سلمان خان کو ایک اور دھمکی بھیجی ہے اور کہا ہے کہ میں اور میری کمیونٹی سلمان خان کو کالے ہرن کے شکار پر کسی طور معافی نہیں دے سکتے، ہاں ایک شرط پر میں اپنے فیصلے پر نظر ثانی کروں گا اگر سلمان

خان پبلکلی معافی مانگے، معافی مانگنے کے بعد میں اپنے فیصلے پر نظر ثانی کر سکتا ہوں ویسے نہیں. دہلی پولیس نے تازہ یہی اطالاعات دی ہیں اور مزید وہ اس کیس پر کام کررہی ہے اور سلمان خان کی سیکیورٹی کو مزید بہتر بنانے کے لئے اقدامات کئے جارہے ہیں یہی وجہ ہے کہ اس بار عید پر سلمان خان نے اپنے گھر کی بالکونی میں آکر اپنے پرستاروں کو اپنی ایک جھک تک نہیں‌دکھائی. سلمان خان کو پولیس کی طرف سے منع کر دیا گیا ہے کہ وہ کسی بھی پبلک مقام پر نہ جائیں اور سیکیورٹی کے بغیر گھر سے یا شوٹنگ کی جگہ سے باہر نہ نکلیں. گینگسٹر لارنس بسنوئی کی طرف سے معافی مانگنے کی شرط پر تاحال سلمان خان نے کوئی بیان نہیں دیا وہ اس لڑائی کو قانونی طور پر لڑرہے ہیں اور اس ھوالے سے انہوں نے کہیں کوئی بیان نہیں دیا.

چھوٹی سکرین کی بڑی اداکارہ سارہ خان جو کہ گلوکار فلک شبیر کی اہلیہ ہیں انہوں نے حال ہی میں‌ ایک نیا ہئیر کٹ کروایا ہے. انہوں نے عید کے موقع پر نیو ہئیر کروا‌کے‌اپنی کچھ تصاویر اپنے شوہر کیساتھ سوشل میڈیا پر جاری کی ہیں. سارہ خان نیو ہئیر کٹ میں نہایت ہی دلکش لگ رہی ہیں. سارہ خان کا ماضی قریب میں ڈرامہ سیریل رقص بسمل اختتام پذیر ہوا تھا اس میں وہ اداکار عمران اشرف کے ساتھ دکھائی دیں. سارہ خان ابھی فی الحال کسی بھی پراجیکٹ کے لئے شوٹنگ نہیں کررہی ہیں وہ زیادہ وقت اپنی بیٹی کے ساتھ گزارتی ہیں. سارہ اور فلک ایک

دوسرے کے کیساتھ کافی خوش ہیں اور اکثر ایک دوسرے کے ساتھ تصاویر بنا کر سوشل میًڈیا پر جاری کرتے رہتے ہیں. رومینٹک یہ جوڑا عید کے موقع پر بھی تصاویر شئیر کرنا نہیں
بھولا. سارہ کہتی ہیں کہ ان کے شوہر فلک شبیر ان سے بہت محبت کرتے ہیں اور اسکا اظہار پھول یا کوئی میٹھی چیز دے کر کرتے ہیں .سارہ کہتی ہیں کہ وہ بہت خوش نصیب ہیں کہ انہیں فلک جیسا شوہر ملا. سارہ خان فی الحال تو میڈیا سے دوری رکھے ہوئے ہیں ایک آدھ ٹی وی انٹرویو کے علاوہ وہ کسی سے بات چیت کرتے دکھائی نہیں دے رہیں. ان کا کہنا ہے کہ وہ ابھی اپنے گھر کو وقت دے رہی ہیں ان کی بیٹی کو ان کی ضرورت ہے لہذا وہ کوالٹی ٹائم اسکے ساتھ گزار رہی ہیں.

اداکار یاسر حسین نے حال ہی میں ایک انٹرویو دیتے ہوئے کہا ہے کہ انہیں بہت ساری شخصیات کے کردار کرنے کی خواہش ہے. جن شخصیات کے کردار وہ کرنا چاہتے ہیں ان میں سابق صدر آصف علی زرداری ، سماجی کارکن عبدالستار ایدھی ، معروف شاعر جون ایلیا کا نام قابل زکر ہے. یاسر حسین نے کہا کہ میری خواہش ہے کہ ان پر جب کوئی فلم بنے تو مجھے ان کا کردار کرنے کی آفر ہو. یاسر حسین نے واضح کیا کہ آصف علی زرداری کا کردار کرنے کا مطلب یہ نہیں‌ہے کہ وہ پاکستان پیپلز پارٹی کو بہت پسند کرتے ہیں. ان سے جب سوال ہوا تو انہوں نے کہاکہ مجھے کوئی سیاسی پارٹی نہیں‌پسند بلکہ صرف ڈانس پارٹی پسند ہے. یاسر نے

اس انٹرویو میں یہ بھی بتایا کہ وہ کھانا اچھا بنا لیتے ہیں. یاد رہے کہ یاسر حسین نے اقراء عزیز سے شادی کی ہے اور دونوں کا ایک بیٹا بھی ہے.یاسر حسین کڑوی طبیعت کے ہیں وہ اکثر کچھ ایسا بول دیتے ہیں کہ جس کے بعد انہیں شدید تنقید کا سامنا بھی کرنا پڑتا ہے.یاسر اس حوالے سے کہتے ہیں کہ میں لگی لپٹی نہیں رکھتا بلکہ جو دل میں‌ ہو بول دیتا ہوں کسی کو برا لگتا ہے تو لگے. یاسر حسین کو حال ہی میں ان کی فلم جاوید اقبال پر یوکے میں بہترین اداکار کا ایوارڈ بھی ملا ہے یاسر حسین اس ایوارڈ کو پا کر کافی خوش ہیں ان کا کہنا ہے کہ محنت کی جائے تو ضرور رنگ لاتی ہے.

بالی وڈ کے بادشاہ کہلائے جانے والے شاہ رخ خان جو کہ ہر عید پر اپنے گھر منت کی بالکونی میں آکر اپنے پرستاروں کو اپنی جھلک دکھاتے ہیں اس بار بھی انہوں‌ نے روایت کو برقرار رکھا اور اپنے پرستاروں کو دکھائی اپنی ایک جھلک. ان کے پرستار ان کو دیکھنے کےلئے کافی بے تاب تھے.جیسے ہی شاہ رخ خآن اپنے گھر کی بالکونی میں آئے تو باہر کھڑے سینکڑوں کی تعداد میں‌پرستاروں نے شاہ رخ خان کے نام کے نعرے لگانے شروع کر دئیے . اس موقع پر شاہ رخ خان کے ساتھ ان کے بیٹے ابراہیم بھی تھے ابراہیم نے سرخ قمیض اور کالی پینٹ جبکہ شاہ رخ خان نے سفید ٹی شرٹ ، نیلی پینٹ اور ڈارک سن گلاسسز لگا رکھے تھے. انہوں نے اپنے گھر کی بالکونی میں‌ آکر اپنے پرستاروں‌کو ہاتھ ہلایا.ان کے پرستار اس

لئے بھی زیادہ خوش ہوئے کیونکہ انکے ساتھ ان کا بیٹا ابراہیم بھی تھا. شاہ رخ خان نے عید الفطر پر بھی اسی طرح سے اپنے پرستاروں کو اپنے گھر کی بالکونی میں آ کر اپنی جھلک دکھائی تھی. شاہ رخ خان کے پرستار ان کو دیکھنے کےلئے ہر دم بے تاب رہتے ہیں‌یہی وجہ ہے کہ وہ سارا سال عید آنے کے منتظر رہتے ہیں تاکہ وہ اپنے پسندیدہ فنکار کی ایک جھلک دیکھ سکیں اور شاہ رخ بھی ان کو مایوس نہیں کرتے اور اپنے گھر کی بالکونی میں‌آکر ان سے ملاقات کرتے ہیں.

بالی وڈ کے اداکار سلمان خان جو کہ ہر عید پر گلیکسی اپارٹمنٹ کے باہر آکر اپنے پرستاروں‌ کو اپنی ایک جھلک دکھاتے ہیں. ان کو دیکھنے کےلئے ان کے اپارٹمنٹ کے باہر لوگوں کا ایک ہجوم ہوتا ہے تا حد نگاہ ان کے پرستار وہاں موجود ہوتے ہیں اور کئی کئی گھنٹوں پہلے آکر وہ وہاں جمع ہوجاتے ہیں تاکہ اپنے پسندیدہ سٹارکی ایک جھلک دیکھ سکیں. لیکن اس بار سلمان خان نے اپنے پرستاروں کو اپنی ایک جھلک نہ دکھائی اور صرف سوشل میڈیا پر اپنے پرستاروں کو عید الاضحی کی مبارکباد دی. رپورٹس کے مطابق پنجابی گلوکار سدھو موسے والا کے قتل کے بعد اداکار سلمان خان کو بسنوئی گینگ کی طرف سے قتل کرنے کی دھمکی

دی گئی تھی نہ صرف ان کو بلکہ ان کے والد سلیم خان کو بھی قتل کرنے کی دھمکی دی گئی تھی. سلیم خان کو ایک خط موصول ہوا جس میں دونوں‌کو قتل کر دینے کی دھمکی تھی. سلمان خان نے پولیس میں رپورٹ درج کروائی اور اپنا بیان ریکارڈ کروایا کہ میری کسی کے ساتھ دشمنی نہیں‌ہے. اس دھمکی کے بعد اداکار سلمان خان کی سیکیورٹی بڑھا دی گئی تھی اب پولیس فورس کے دس آدمی ان کی حفاظت پر معمور ہیں اور سلمان خان انہی کے حصار میں نکلتے ہیں. یہی وجہ ہے کہ سلمان خان نے اس بار اپنے پرستاروں‌ کو اپنی جھلک نہیں‌ دکھائی. بلکہ ان سے کہا گیا ہے کہ آپ زرا ایسی جگہوں پر جانے سے احتیاط کریں جہاں‌عوامی رش بہت زیادہ ہو.

بالی وڈ سٹارز نے اپنے مسلمان پرستاروں کو دی عید الاضحی کی مبارکباد. جنہوں نے مبارکباد دی میں ان میں مادھوری ڈکشٹ ، ہماقریشی ، ارجن رامپال ، سنجے دت ، حنا خان، سدھارتھ ملہوترا ، ریچا چڈھا ، سلمان خان ، انوپم کھیر ، درمیندرا ، دیویا دتا ، رضا مراد ، کرینہ کپور، کیرتی ، مہیش بابو ، چرن جی ، عامر خان ، اجے دیوگن اور ہرتیک روشن و دیگر کے نام قابل زکر ہیں. کسی نے اپنے انسٹاگرام اکائونٹ پہ تو کسی نے ٹویٹر اکائونٹ سے عید الاضحی کی مبارکباد دی. سیف علی خان کی بیٹی سارا علی خان نے عید الاضحی کے موقع پر ایک ایسی تصویر شئیر کی جس میں وہ مقبوضہ کشمیر کے دورے پر ہیں اور نیلےرنگ کی چادر سر پر اوڑھے ہوئے ہیں انہوں‌

نے یہ تصویر لگا کر اپنے پرستاروں کو عید الاضحی کی مبارکباد دی. اسی طرح سے سنجے دت نے بھی اپنے ٹویٹراکائونٹ پر عید الاضحی کی مبارکباد کا میسج لکھا. اداکارہ دیویا دتہ نے بھی عید کی مبارک دی. جبکہ سپر سٹار عامر خان کے پروڈکشن ہائوس نے سب کے لئے تندرستی اور نیک تمنائوں کا پیغام جاری کیا. کچھ اداکاروں‌نے تو عید کے موقع پر تیار ہو کر عید الاضحی پر اپنی تصاویر شئیر کرکے اپنے مداحوں کا دل جیت لیا. یوں بالی وڈ سٹارز بھرپور انداز میں نہ صرف عید منائی بلکہ عید مبارکباد کے پیغامات دئیے.