Category: شوبز

سوزین خان سے علیحدگی کے بعد ہرتیک روشن کا نام ایک دو ہیروئینز کے ساتھ جڑا لیکن وہ سب افواہیں ہی ثابت ہوئیں لیکن پچھلے کچھ عرصے سے ہرتیک روشن کا نام صبا آزاد کے ساتھ لیا جا رہا ہے.دونوں کے درمیان دوستی اور تعلق کافی عرصے سے چرچا میں ہے دونوں کئی بار مختلف مواقعوں پر ایک ساتھ دیکھے بھی گئے لیکن ان کی طرف کسی قسم کی کوئی تردید کا تصدیق نہیں ہوئی تھی. صبا آزاد اور ہرتیک روشن کے تعلق کے حوالے سے خبریں عروج پہ اس وقت پہنچیں جب دونوں نے ایک ساتھ کرن جوہر کی سالگرہ کی تقریب میں‌ شرکت کی. اس کے بعد سوزین خان، ارسلان گونی، ہرتیک روشن اور صبا آزاد سب کی ایک ساتھ تصویر نے دیکھنے والوں‌ کو حیرت میں ڈال دیا اور سب کے آپس میں رشتوں کو بھی واضح کر

دیا. صبا آزاد جو کہ انسٹاگرام پر بہت زیادہ متحرک رہتی ہیں روزانہ کی بنیاد پر اپنی تصاویر بھی پوسٹ کرتی رہتی ہیں، صبا نے انسٹاگرام پر ایک ایڈورٹائزمنٹ کی پوسٹ لگائی جس پر سوزین خان نے کمنٹ کیا اور لکھا کہ so preety saboo، یوں اپنی محبت اور خوشی کا اظہار کیا .سوزین خان کے اس کمنٹ سے اندازہ لگایا جا سکتا ہے کہ ہرتیک روشن کی سابقہ اہلیہ سوزین خان اور گرل فرینڈ صبا آزاد کے درمیان ایک اچھی دوستی کا تعلق ہے. سوزین خان کے کمنٹ نے ہرتیک روشن اور سوزین کو پسند کرنے والوں‌ کو یقینا متاثر کیا.

بالی وڈ کا کنگ کہلانے والے شاہ رخ خان کو فلم انڈسٹری میں تین دہائیاں ہو چکی ہیں ۔انہوں نے ٹی وی میں چھوٹے چھوٹے کرداروں سے اپنے کیرئیر کی شروعات کی ٹی وی کے بعد انہوں نے فلموں کا رخ کیا، ان کی پہلی فلم تھی دل آشنا ہے لیکن دیوانہ پہلے ریلیز ہوئی اس میںان کے ساتھ دیویا بھارتی اور رشی کپور تھے فلم سپر ہٹ ہوئی ،اس کے بعد انہوں ڈر اور بازیگر جیسی فلموں میں کام کیا دونوں فلمیں سپر ہٹ ہوئیں اس کے بعد شاہ رخ خان نے پیچھے مڑ کر نہ دیکھا۔ان دونوں فلموں نے کامیابیوں کے ریکارڈز قائم کئے، شاہ رخ راتوں رات سٹار بن گئے ۔شاہ رخ خان کا شمار ایسے ہیروز میں ہوتا ہے جن کی ہر فلم نے کسی نہ کسی حوالے سے ریکارڈ قائم کیا ۔شاہ رخ خان کے بہت سارے ڈائیلاگز بھی ہٹ ہوئے جیسا کہ کبھی کبھی جیتنے

کے لئے کچھ ہارنا پڑتا ہے اور ہار کر جیتنے والے کو بازیگر کہتے ہیں۔رشتے صرف خون سے نہیں محبت سے بھی ہوتے ہیں۔دل تو ہر کسی کے پاس ہوتا ہے لیکن سب دل والے نہیں ہوتے ۔ہم ایک بار جیتے ہیں ایک بار مرتے ہیں ،شادی بھی ایک بار ہوتی ہے اور پیار بھی ایک بار ہوتا ہے،اگر یہ تجھے پیار کرتی ہے تو یہ پلٹ کر دیکھے گی ،پلٹ پلٹ ۔بڑے بڑے دیشوں میں ایسی چھوٹی چھوٹی باتیںہوتی رہتی ہیں۔کہتے ہیں اگر کسی چیز کو دل سے سوچو تو پوری کائنات اسے تم سے ملانے کی کوشش میں لگ جاتی ہے۔شاہ رخ کا سحر آج تک برقرار ہے اور ان کے چاہنے والے انہیں اتنی ہی محبت دیتے ہیں جتنی آج سے تین دہائیاں پہلے دیتے تھے۔

فلم ہیرا پھیری تھری بنے گی اس حوالے سے کافی عرصے سے خبریں گردش کررہی ہیں لیکن اب ان خبروں کی تصدیق پرڈیوسر فیروز نڈیاڈ والا نے کر دی ہے.اپنے حالیہ ایک انٹرویو میں ساجد نے کہا ہے کہ ہیرا پھیری تھری کی تیاری پر کام ہو رہا ہے اور یہ فلم اوریجنل کاسٹ کے ساتھ ہی بنائی جائیگی. انہوں‌نے انٹرویو میں‌ یہ بھی بتایا فلم کی کہانی پر کام ہو رہا ہے لیکن کاسٹ فائنل ہے سنیل شیٹی ،اکشے کمار اور پاریش راول اہم کرداروں میں‌نظر آئیں گے. ساجد نڈیاڈ والا نے کہاکہ پہلی فلم میں‌جس طرح‌کے کردار تھے ان کرداروں سے بہت مختلف کچھ نہیں‌ بنایا جائیگا. ہم جانتے ہیں کہ ہماری پہلی فلمیں‌ ہٹ ہو چکی ہیں اس لئے ہمیں‌ پہلے سے زیادہ محتاط ہونا پڑے گا.ساجد نڈیاڈ والا نے یہ بھی کہا کہ

اس فلم کا سیکول بنانے کے لئے ڈائریکٹر کا انتخاب کر لیا گیا ہے بہت جلد ہم اعلان بھی کریں گے.فی الحال ہم فلم کی سٹوری ،کرادوں اور دیگر چیزوں‌پر کام کررہے ہیں. یاد رہے کہ ہیرا پھیری سال دو ہزار میں ریلیز ہوئی تھی اور پھر ہیرا پھیری سال دو ہزار پانچ میں ریلیز ہوئی تھی دونوں فلموں‌ نے باکس آفس پر زبردست بزنس کیا تھا اور دونوں فلمیں آج تک دیکھی جاتی ہیں ان فلموں‌ میں ہلکی پھلکی کامیڈی اور مزاحیہ ڈائیلاگز نے شائقین کو ہنسایا یہی وجہ ہے کہ شائقین ہیرا پھیری کے سیکول کے منتظر ہیں.

پنجابی گلوکار سدھو موسے والا جن کے گیتوں کے دیوانے دنیا بھر میں جہاں جہاں پنجابی بولی اور سمجھی جاتی ہے وہاں پائے جاتے ہیں ۔سدھو کی زندگی میں بھی ان کا کوئی گیت ریلیز ہوتا تھا تو سپر ہٹ ہوتا تھا اور وہ گانا باقاعدہ وائرل ہوجاتا تھا ان کے ہلاکت کے بعد بھی کچھ ایسا ہی ہوا ہے ان کا لکھا اور گایا ہوا آخری گیت ریلیز کر دیا گیا ہے۔یہ گانا سدھو موسے والا کے آفیشل یوٹیوب چینل پر ایس وائی ایل کے نام سے ریلیز کیا گیا ہے ۔

گانا ریلیز ہوتے ہی اس کی ہر طرف دھوم مچی گئی ہے۔ان کا آخری گیت سن کر ان کے مداح خاصے جذباتی بھی ہوگئے۔ان کے گانے کی ریلیز کے بعد اس پر ان کے مداحوں کے جذباتی کمنٹس آتے رہے۔ کچھ مداح ان کا گانا سن کر اداس ہوئے تو کسی نے کہا کہ سدھو موسے والا جیسا گلوکار دوبارہ نہیں پیدا ہو گا،یاد رہے کہ سدھو موسے والا کو گزشتہ ماہ گولیاں مار کر ہلاک کر دیا گیا تھا پولیس تحقیقات کررہی ہے۔تازہ اطلاعات کے مطابق گینگسٹر لارنس بشنوئی نے اعتراف کر لیا ہے کہ وہ سدھو موسے والا کے قتل کا ماسٹر مائنڈ تھا اور گزشتہ برس اگست سے اس کی منصوبہ بندی کر رہا تھا۔پولیس کا یہ بھی کہنا ہے کہ
فتح آباد پیٹرول پمپ سے حاصل کردہ سی سی ٹی وی فوٹیج سے، ہم نے ملزم پریاورت عرف فوجی کی شناخت کی ہے، ہم نے اب تک 13 لوگوں کو گرفتار کیا ہے اور پوری سازش کا پردہ فاش کر دیا ہے۔

فلم نو اینٹری آج سے ستراں برس پہلے جب سینیما گھروں میں ریلیز ہوئی تھی تو دھوم مچ گئی تھی،انیل کپور ،سلمان خان اور فردین خان کی جوڑی نے خوب کیا فلمی شائقین کو محظوظ۔انیس بزمی کی ڈائریکشن میں بننے والی اس فلم کا سیکول اب بننے کو تیا ر ہے ۔ کہا جا رہا ہے کہ انیس بزمی سلمان خان کی ممبئی واپسی کے منتظر ہیں ان کی واپسی پر فلم کی شوٹنگ کاآغاز کر دیا جائیگا اس سلسلے میں سلمان خان نے بھی یقین دہانی کروا دی ہے۔کہا جا رہا ہے کہ اس فلم میں دو یا تین نہیں بلکہ دس ہیروئینز ہوں گی ۔ڈائریکٹر انیس بزمی نے ایک انٹرویو کے دوران کہا کہ میں دس ہیروئینز کو چانس دینے جا رہا ہوں نو اینٹری میں ایشا دیول ،لارا دتہ اور لینا جیٹلی اور بی پاشا باسو نے مرکزی کردار ادا کئے تھے۔

سیکول میں یہ پہلے والی ہیروئینز تو نہیں ہوں گی لیکن انیل کپور ،فردین خان اور سلمان خان دکھائی دیں گے ۔ نو اینٹری کا میوزک بھی بہت زیادہ ہٹ تھا اب دیکھنا یہ ہے کہ سیکول کا میوزک کیسا ہو گا اور اس میں کون کون کسی ہیروئینز کو موقع دجائے گا۔ نو اینٹری کے سیکول کو دیکھنے کےلئے شائقین ابھی سے پرجوش ہیں.فلم کی تیاریاں کی جا رہی ہیں میل کاسٹنگ تو مکمل ہے لیکن فی میل کاسٹنگ ابھی کی جا رہی ہے اور اس حوالے سے مختلف ہیروئینز کا نام زیر غور ہے.

مس مارول سے ہالی ووڈ ڈیبیو کرنے والی مہوش حیات کے کردار کی پہلی جھلک سامنے آتے ہی ان کے پرستاروں میں خوشی کی لہر دوڑ گئی ہے۔مہوش حیات اس سیریز کی تیسری قسط کے دوران فلیش بیک میں کمالہ خان کی دادی کی جوانی کا کردار ادا کرتی نظر آ رہی ہیں جس میں ان کا نام عائشہ ہے جبکہ حال میں یہ کردارثمینہ احمد نبھارہی ہیں۔سیریز میں پاکستانی کینیڈین ایمان ویلانی پہلی پاکستانی اور مسلم سپر ہیرو کا کردار نبھا رہی ہیں جبکہ یہ سیریز نامور ہدایت کار شرمین عبید چنائے، العربی، بلال فلاح اوربھارتی نژاد امریکی خاتون میرامینن کی ہدایتکاری میں بنائی گئی ہے۔مس مارول‘ کا پریمیئر تین جون کو امریکی شہر لاس اینجلس میں ہوا، س میں مہوش حیات اور سینیئر اداکارہ ثمینہ احمد کی شرکت نے مداحوں کو حیرانگی میں مبتلا کردیاتھا سب حیران تھے کہ آخر یہ اس پریمئیر میں کیوں گئی ہیں ،ان دونوں نے اس سے قبل اپنے کسی بھی انٹرویو میں مس ماورل کے حوالے سے گفتگو نہیں کی تھی نہ کوئی اشارہ دیا تھا۔

شاہ رخ خان جنکی آخری فلم زیرو کے نام سے دوہزار اٹھاراں میں ریلیز ہوئی تھی اس فلم نے کچھ زیادہ اچھا بزنس نہیں کیا تھا جس کا شاہ رخ کو کافی جھٹکا لگا تھا اس کے بعد انہوں نے فیصلہ کیا کہ وہ بہتر کہانی کا اتنخاب کریں گے۔ شاہ رخ کے پرستاروں کے لئے خوشخبری ہے اگلے برس ان کی تین فلمیں ، پٹھان، جوان اور ڈنکی ریلیز ہو نے جا رہی ہیں۔ جبکہ شاہ رخ خان کے وہ پرستار جو انہیں دیکھنے کےلئے اگلےسال کا انتظار نہیں کر سکتے ان کے لئے بھی خوشخبری ہے کیونکہ اس برس براہمسٹرا اور روکٹری میں شاہ رخ خان مہمان اداکار کے طور پر نظر آئیں گے۔ کہا جا رہا ہے کہ شاہ رخ کا ان دونوں فلموں میں اہم کردار ہے۔

دونوں فلموں میں مجموعی طور پر شاہ رخ خان کا کردار محض بیس منٹ کا ہے۔یاد رہے کہ شاہ رخ خان کرن جوہر کی فلم برہمسٹرا کی پرموشنز میں حصہ نہیں لے رہے پرموشن کرنے کے لئے شاہ رخ خان کو کہا گیا لیکن انہوں نے منع کر دیا جس کے بعد کرن جوہر نے بھی شاہ رخ کے فیصلے کا حترام کرتے ہوئے کہا کہ ٹھیک ہے ہم ان کے بغیر ہی فلم کی پرموشن کر لیں گے۔براہمسٹرا کے ٹریلر میں شاہ رخ خان کا ایک بھی سین نہیں‌ہے. روکٹری جس میں اداکار مہادیون مرکزی کردار بھی کررہے ہیں انہوں نے ہی یہ فلم بنائی ہے اور شاہ رخ کو ایک اہم کردار میں کاسٹ کیا ہے۔

نیتو سنگھ اور رشی کپور جنہوں نے محبت کی شادی کی اسی کے دہائی کے آغاز میں ان کی شادی ہوئی اور شادی میں‌ پانچ ہزار لوگوں نے شرکت. فلم جگ جگ جیو کی پرموشن کے دوران نیتو سے ہوا ایک انٹرویو اس میں شادی کے حوالے سے ایک سوال ہوا تو نتیو نے اپنی اور رشی کی شادی کے حوالے سے یادوں‌ کو کیا تازہ. نیتو نے بتایا کہ ان کی شادی میں‌ پانچ ہزار لوگوں نے شرکت کی اور اتنا ہجوم دیکھ کر میں اور رشی کپور دونوں‌ کافی گھبرا بھی گئے تھے. نتیو نے یہ بھی کہا کہ ہماری شادی میں‌ کچھ جیب کترے بھی شامل ہو گئے تھے.نیتو نے بتایا کہ وہ بہت زیادہ لوگوں کی موجودگی میں گھبراہٹ کا شکار ہو کر بے ہوش ہو گئیں تھیں .اور میرے شوہر رشی کپور گھوڑی چڑھنے سے پہلے ہی بے ہوش ہو گئے تھے.میں‌ہجوم سے گھبرا کر بے ہوش ہوئی اور میرے شوہر ہجوم سے خوفزدہ ہو کر بے ہوش ہوئے تھے.اس روز ہم دونوں نے برینڈی بھی پی رکھی تھی، نیتو نے کہا کہ یہ تھیں‌ ہماری شادی کی یادیں.

یاد رہے کہ نتیو سنگھ نے اپنے بیٹے رنبیر کپور کی شادی میں‌ مہمانوں‌کی تعداد بہت کم رکھی تھی ان کا کہنا تھا کہ تعداد کم ہی ہونی چاہیے مہمانوں کی اس طرح‌ سے شادی کے فنکشن کو ٹھیک طرح‌ سے انجوائے کیا جا سکتا ہے.

اداکار فہد مصطفی کہتے ہیں کہ میں اپنے انسٹاگرام اورٹویٹر کے فالورز کواپنی فیملی کی طرح نہیں لیتا کیونکہ یہ وہ لوگ ہیں جو صرف آپ کے کام میں دلچپسی رکھتے ہیں لہذا ان کو زیادہ سیریس نہیں لیا جانا چاہیے۔فہد مصطفی نے مزید کہا کہ میں بہت زیادہ لوگوں پر انحصار نہیں کرتا نہ ہی ان سے زیادہ انٹریکشن کرتا ہوں۔ میں پبلک سے بہت زیادہ انٹریکشن کرکے ان کمفرٹیبل ہو جاتا ہوں۔ فہد مصطفی نے مزید کہا کہ میں اپنی زندگی کو پرائیویٹ رکھنا پسند کرتا ہوں اور چاہتا ہوں‌ کہ میری پرائیویسی کا بھی احترام کیا جائے.یوں فہد مصطفی نے بتا دیا ہے کہ وہ اپنے ٹویٹر یا انسٹاگرام فالورز کے بارے میں کیا سوچتے ہیں.

یاد رہے کہ فہد مصطفی کا شمار بہترین پرڈیوسرز اور میزبانوں میں ہوتا ہے اداکاری میں بھی انہوں نے اپنا آپ منوایا ہے.فہد نے جب سے فلموں کا رخ کیا ہے وہ ٹی وی ڈراموں میں کم کم نظر آتے ہیں. فہد آج کل اپنی فلم قائداعظم زندہ باد کی پرموشن میں‌مصروف ہیں اس سلسلے میں وہ میڈیا سے بھی میٹ اپ کررہے ہیں. عید الاضحی پر ریلیز ہونے والی اس فلم کا ٹریلر ریلیز ہو چکا ہے اور فلم کی پرموشن زوروں پر ہے.فضا علی مرزا اور نبیل کی اس فلم میں فہد مصطفی اور ماہرہ خان ایکساتھ پہلی بار دکھائی دیں گے.کہا جا رہا ہے کہ یہ فلم بھی فہد کی پچھلی فلموں‌ کی طرح کامیابی کے نئے ریکارڈز قائم کریگی.

بالی وڈ کی اداکارہ سارا علی خان جن کو اکثر ان کی والدہ سے ملایا جاتا ہے حال ہی میں ٹائمز آف انڈیا کو سارا نے انٹرویو دیتے ہوئے کہا کہ میری شکل میری والدہ سے ملتی ہے اور ابراہیم کی شکل میرے والد سے ملتی ہے.میری شکل ضرور میری والدہ سے ملتی ہے لیکن میں عادات کے حوالے سے اپنے والد جیسی ہوں جبکہ ابراہیم والد سیف سے ضرور ملتا ہے لیکن اسکی عادات میری ماں جیسی ہیں. سارا نے مزید کہا کہ ہم دونوں‌بہن بھائیوں‌کی شکلیں ہمارے والدین سے ملتی ہے یہ چیز نہ صرف باہر بلکہ ہمارے گھر میں بھی ڈسکس ہوتی رہتی ہے. سارا نے کہا کہ ابراہیم بہت ہی خاموش طبع ہے اور اسکی شخصیت میں ٹہھرائو ہے.
یاد رہے کہ سارا علی خان نے اپنے والدین کی طلاق پر ایک انٹرویو میں بات کی تھی انہوں نے کہا کہ جب میں‌ نو سال کی تھی تو اس وقت محسوس کیا کہ میرے والدین ایکساتھ خوش نہیں ہیں. میں‌ نے ان کو علیحدہ رہ کر خوش دیکھا ایسی خوشی میں نے اپنی زندگی کے دس سال تک نہیں دیکھی تھی ان کے چہروں پر. سارا علی خان اپنی سوتیلی والدہ کرینہ کپور کے ساتھ بھی ایک اچھا تعلق رکھتی ہیں وہ ان کے بیٹوں سے بھی بہت محبت کرتی ہیں یہاں تک کہ سارا علی خان کو خود تیار کرکے امرتا سنگھ نے سیف علی خان کی شادی میں بھیجا تھا.کرینہ اور سارا کو کئی تصاویر میں ایکساتھ نہایت خوش دیکھا جا سکتا ہے.