Category: شوبز

ملائکہ اروڑا کا نام لیتے ہی سب سے پہلے ان کی فٹنس کا خیال آتا ہے انہوں نے اڑتالیس سال کی عمر میںبھی خود کو بہت زیادہ فٹ رکھا ہواہے۔ملائکہ نے خود کو اتنا فٹ رکھا ہوا ہے کہ آج کل کی نوجوان لڑکیاں بھی پریشان ہوجائیں ۔حال ہی میں ملائکہ نے ایک انٹرویو دیا اس میں ان سے جب ان کی فٹنس کے حوالے سے سوال ہوا تو انہوں نے کہا کہ میں یوگا کرتی ہوں اور یوگا کے دوران جو ورزش ہوتی ہے وہ آپکو بہت زیادہ ریلیکس کرتی ہے اور جوانی کا احساس اجاگر کرتی ہے۔ملائکہ نے یہ بھی کہا کہ وہ کھانے پینے پر بھی خاص توجہ دیتی ہیں ان کے مطابق متوازن خوراک اور بہترین معیار زندگی بھی جسامت اور فٹنس پر اثرانداز ہوتا ہے اور میں کوشش کرتی ہوں کہ خود کو فٹ رکھوں ۔یوں ملائکہ اروڑا نے اپنی خوبصورتی اور فٹنس کا راز بتا دیا ۔

یاد رہے کہ ملائکہ اروڑا سلمان خان کی بھابھی تھیں ارباز خان کے ساتھ شادی کے بندھن میں بندھیں لیکن یہ شادی دو دہائیوں کے بعد اختتام پذیر ہو گئی ،ملائکہ اور ارباز دونوں اس رشتے کے ختم ہوجانے پر کچھ زیادہ نہیں بولے ۔ملائکہ آج کل بونی کپور کے بیٹے ارجن کپور کے ساتھ دکھائی دیتی ہیں کہا جا رہا ہے کہ دونوں بہت جلد شادی کے بندھن میں بندھ رہے ہیں ارجن اور ملائکہ کی عمروں میں کافی فرق ہے ملائکہ ارجن کپور سے کافی بڑی ہیں دونوں ایک ساتھ ہی تقریبات میں دیکھے جاتے ہیں یہاں تک کہ دونوں چھٹیاں منانے کےلئے ایکساتھ ہی باہر کے ملک بھی جاتے ہیں۔

بھارتی پنجابی گلوکار سدھو موسے والا کو مئی کے مہینے میں گولیاں مار کر ہلاک کر دیا گیا تھا تب سے کیس کی تحقیقات ہو رہی ہیں پولیس اب تک کئی ملزموں کو گرفتار کر چکی ہے جبکہ گینگسٹر بسنوئی کی طرف سے اس قتل کی ذمہ داری بھی قبول کر لی گئی ہے ۔پولیس نے درجنوں افراد کو گرفتار تو کر لیا ہے لیکن ابھی تک ان سے گلوکار کے قتل کی گھتی سلجھائی نہیں جا رہی ۔اپنی ناکامی اور ملک کی بدنامی کو دیکھتے ہوئے بھارتی پولیس نے قتل کی ذمہ داری پاکستان پر تھوپ دی ہے۔

پولیس نے دعوی کیا ہے کہ سدھو موسے والا کے قتل کے لئے جو اسلحہ استعمال ہوا ہے وہ پاکستان سے بھارت ڈرون کے زریعے بھجوایا گیا ہے ۔ اس حوالے سے پاکستانی دفتر خارجہ کا بیان سامنے آیا ہے کہ متعلقہ حکام سے اس بارے میں معلومات حاصل کی جا رہی ہیں ۔جس اسلحے کا ڈرون کے زریعے بھارت بھجوانے کا دعوی کیا جا رہا ہے اس میں آٹھ دستی بم ، ایک انڈر بیرل گرینڈ لانچر وغیرہ شامل ہیں ۔یاد رہے کہ بھارتی پولیس پر سدھو موسے والا کے قتل کی گھتی سلجھانے اور مجرموں کو سامنے لانے کا کافی پریشر ہے ۔اس پریشر میں پولیس کبھی کچھ بیان دے رہی ہے اور کبھی کچھ ۔ سدھو موسے والا کے قتل کے بعد سلمان خان اور ان کے والد سلیم خان کو بھی قتل کی دھمکیاں دی جا چکی ہیں۔

پریانکا چوپڑہ جن کے بھارت سمیت پوری دنیا میں بڑی تعداد میں مداح پائے جاتے ہیں انہیں سوشل میڈیا پر بہت زیادہ فالو کیا جا تا ہے خصوصی طور پر انسٹاگرام پر ، انسٹاگرام پر ان کے فالورز کی تعداد 79ملین سے بھی زیادہ ہیں اور پریانکا چوپڑہ انسٹاگرام پر بہت زیادہ متحرک رہتی ہیں مختلف کیپشنز کے ساتھ اپنی ذاتی مصروفیات کو تصاویر اور کیپشنز کے زریعے شئیر کرتی رہتی ہیں ۔گزشتہ روز اچانک ان کا انسٹاگرام غائب ہو گیا ان کے مداح ایکدم سے پریشان ہو گئے کہ آخر ویری فائیڈ اکاﺅنٹ کو ہوا کیا ہے اور کیوں پریانکا کا اکاﺅنٹ منظر سے غائب ہے۔ان کے مداح ان کے اکاﺅنٹ کی

تلاش میں تھے کہ پریانکا چوپڑہ کے آفیشل آکاﺅنٹ سے ایک مداح کو جواب دیا گیا اور اس میں کہا گیا کہ پریانکا کا اکاﺅنٹ ڈاﺅن ہو گیا ہے اسکو بحال کرنے کی کوششیں کی جا رہی ہیں۔کافی گھنٹوں کے بعد اداکارہ کا اکاﺅنٹ بحال ہو گیا اور ان کے مداحوں نے لیا سکھ کا سانس ۔پریانکا چوپڑہ کے مداح تب تک پریشان رہے جب تک انہیں اپنی پسندیدہ اداکارہ کا اکاﺅنٹ دوبارہ دیکھنے کو نہیں ملا ۔یاد رہے کہ پریانکا چوپڑہ نہ صرف اداکارہ ہیں بلکہ گلوکارہ بھی ہیں وہ اپنے شوہر کے ساتھ اکثر اپنی تصاویر شئیر کرتی رہتی ہیںان کی تصاویر پر لاکھوں کے حساب سے لائکس اور کمنٹس ہوتے ہیں ۔اِدھر وہ پوسٹ کرتی ہیں اُدھر مداح ڈھیروں ڈھیر کمنٹس کرتے ہیں۔

اداکارہ میرا جو کچھ نہ کچھ ایسا بول دیتی ہیں کہ جس کی وجہ سے انہیں تنقید کا سامنا کرنا پڑتا ہے۔ میرا آج تک مانی ہی نہیں کہ ان کا نکاح عتیق الرحمان کے ساتھ کبھی ہوا تھا ان کے اس دعوے کو سیشن عدالت کی طرف سے جھوٹا قرار دیا جا چکا ہے۔ اداکارہ میرا نے سیشن عدالت کے فیصلے کے خلاف ہائی کورٹ میں اپیل دائر کی تھی اپیل دائر کرنے کے بعد میرا یا انکا وکیل ایک بار بھی عدالت کے بلانے پر حاضر نہیں ہوا جس کے بعد لاہور ہائی کورٹ نے ان کی دائرہ کردہ اپیل کو خارج کر دیا ہے۔فلمسٹار میرا کا کہنا ہے کہ عتیق الرحمان کے ساتھ ان کا نکاح بھی جھوٹا ہے اور جو تصاویر منظر عام پر لائی گئی ہیں وہ بھی جھوٹی ہیں۔یاد رہے کہ عتیق الرحمان نے میڈیا کے ساتھ میرا کے اور اپنے نکاح تک کی تصاویر شئیر کی تھیں

جس میں دیکھا جا سکتا ہے کہ میرا میرون رنگ کی ساڑھی زیب تن کئے ہوئے ہیں اور گلے میں پھولوں کا ہار ہے۔ہم آپ کو یاد دلاتے جائیں کہ سیشن عدالت نے اپنے فیصلے میں کہا تھا کہ اداکارہ ایسا ثبوت پیش نہ کرسکیں جس سے ثابت ہو کہ ان کا نکاح نہیں ہوا۔ایڈیشنل سیشن جج مظہر عباس نےفیصلے میں کہا تھا کہ میرا ایسے شواہد پیش نہیں کر سکیں جس سے ثابت ہو کہ انہوں نے عتیق الرحمان کے ساتھ شادی نہیں کی. دستاویزی شواہد نے بھی ثابت کیا کہ میرا نے عتیق الرحمان کے ساتھ شادی کی تھی یہاں تک کہ نکاح نامے پر میرا کے دستخط کو بھی میرا جھٹلا نہیں سکیں۔

فہد مصطفی پڑ گئے مشکل میں
بعض اوقات اپنی ہی کہی ہوئی باتیں کسی کو بھی مہنگی پڑ جاتی ہیں ایسا ہی کچھ ہوا اداکار و پرڈیوسر فہد مصطفی کے ساتھ ۔فہد مصطفی نے گزشتہ روز دیا ایک انٹرویو اس میں جہاں انہوں نے بہت ساری دوسری باتیں کیں وہیں اپنے بچوں کے حوالے سے بھیبولے ۔انہوں نے کہا کہ میری بیٹی اب بڑی ہو چکی ہے اس کی عمر گیاراں برس ہے لہذا س کی نسبت جو بیٹا چھوٹا ہے اس پر زیادہ رتوجہ دیتا ہوں ۔میری بیٹی ایک کورین بینڈ کو بہت زیادہ سنتی ہے اور کورین بول بھی لیتی ہیں لیکن سندھی نہیں بول پاتی ۔فہد مصطفی کا ایسا کہنا ان کے مداحوں کو برا لگ گیا اور انہوں نے فہد مصطفی کو سوشل میڈیا پر خوب سنائیں اور غصے کا اظہار کیا کہ بیٹی کو اگر سندھی بولنی نہیں آتی تو یہ فخر کی بات نہیں ہے

بلکہ ان کی اپنی ہی زبان سے محبت پر سوالیہ نشان ہے ۔مداحوں نے اپنے اپنے مزاج کے مطابق کمنٹس کئے کئی صارفین نے اس بات کو معمولی قرار دیا اورکئی صارفین نے شدید غصے کا اظہار کیا۔فہد مصطفی آج کل اپنی فلم کی پروموشن کے سلسلے میں مصروف ہیں اور ان کے انٹرویوز بھی ہو رہے ہیں یہی وجہ ہے کہ وہ ہرجگہ دکھائی دے رہے ہیں ۔یاد رہے کہ فہد مصطفی کی فلم ”قائداعظم زندہ باد“ عید الاضحی کے موقع پر ریلیز کی جا رہی ہے اس میںان کے ساتھ پہلی بار ماہرہ خان دکھائی دے رہی ہیں فلم کا ٹریلر تو ہٹ ہو چکا ہے فلم ،شائقین کو کتنی پسند آتی ہے ابھی اس کا فیصلہ ہونا باقی ہے۔

اکشے کمار کی فلم رکشہ بندھن کے ڈائریکٹر آنند ایل رائے کاکہنا ہے کہ اکشے کمار کا کردار دیکھنے والوں کو ہنسائے گا بھی اور رلائے گا بھی۔اکشے کمار نے ایسا کردار پہلے کبھی نہیں کیا جو اپنی بہنوں سے اتنی محبت کرتا ہے ۔ڈائریکٹر آنند ایل رائے نے مزید کہا کہ اکشے کمار چا ر بہنوں کے بھائی بنے ہوئے ہیں اور چاروں بہنیں مختلف عادات رکھتی ہیں جسے کے ایک بہن سادیبا خطاب ہیں وہ حالات کو سمجھنے والی دکھائی گئی ہیں ،جبکہ دوسری بہنیں دیپیکا ،ساہی جمین اور سمرتی تینوں نوجوان ہیں اور ایکدوسرے کے ساتھ پیار محبت اور لڑائی جھگڑا کرتی ہیں ۔اس فلم میں جہیز جیسے مسائل کو بھی اجاگر کیا گیا ہے ۔اکشے اپنی بچپن کی پسند سے شادی کرنا چاہتا ہے اس کی خود کی اور بہنوں کی شادیوں میں حائل مسائل دیکھنے سے تعلق رکھتے ہیں ۔

یاد رہے کہ اکشے کمار نے فلم کے ٹریلر میں اپنے نام سے پہلے ان چا ر لڑکیوں کے نام لکھوائے جنہوں نے ان کی بہنوں کا کردار ادا کیا ان کے بعد اپنا نام شامل کیا۔ اکشے نے کہا کہ ان کا نام پہلے آنا ضروری ہے اس سے ان کی حوصلہ افزائی ہو گی۔کہا جا رہا ہے کہ یہ فلم رکشہ بندھن کے موقع پر اسی برس ریلیز کی جائیگی ۔اکشے کمار کو ان کے پرستار اس نئے روپ میں دیکھنے کےلئے کافی بے تاب ہیں دوسری طرف اکشے کمار کا بھی کہنا ہے کہ میں نے اپنے کیرئیر میں پہلی بار اتنا مختلف کردار کیا ہے۔

گزشتہ دنوں اکشے کمار کی فلم ”رکشہ بندھن“ کا ٹریلر لانچ دہلی میں ہوا اس تقریب میں اکشے کمار کے ساتھ فلم کی تمام مرکزی کاسٹ بھی موجود تھی ۔فلم کی کہانی جیسا کہ نام سے ہی ظاہر ہے کہ بہن بھائیوں کی محبت کے گرد گھومتی ہے کہ کس طرح سے بہن بھائی ایکدوسرے کو خوش رکھنے کے لئے قربانیاں دیتے ہیں ۔کہانی یہ بھی بتاتی ہے کہ اکشے کمار کسی لڑکی سے محبت کرتا ہے وہ اس سے شادی کرنا چاہتا ہے چونکہ اسکی بہنیں بیٹھی ہوتی ہیں ان کی شادیاں نہیں ہو رہی ہوتیں ایسے میں اکشے کی اپنی شادی میں تاخیر ہوتی رہتی ہے۔فلم کے ٹریلر لانچ کے موقع پر اکشے کمار نے اپنی

سگی بہن کے ساتھ اپنے پیار اور محبت کے تعلق کو بیان کیا انہوں نے کہا کہ میں اپنی بہن سے بہت زیادہ محبت کرتا ہوں اس کا ہر طرح سے خیال رکھتا ہوں ۔میری عمر کے شروع کے سات آٹھ برسوں میں اگر میری میری بہن سے لڑائی ہوئی ہو تو الگ بات ہے لیکن اس کے علاوہ میں کہہ سکتا ہوں کہ میری بہن سے میری کبھی بھی لڑائی نہیں ہوئی ۔اکشے کمار نے یہ بھی کہا کہ میری بہن میری سب سے بڑی سپورٹ ہے وہ مجھے ہر قدم پر سپورٹ دیتی ہے اور ہاں وہ میری سب سے بڑی نقاد بھی ہے میرے کام میں بہتری کے لئے وہ مجھے بتاتی رہتی ہے کہ کہاں بہتری کی ضرورت ہے ۔میری بہن میرے لئے سب کچھ ہے اور میں اس کے لئے سب کچھ ہوں ۔اکشے نے فلم کے حوالے سے کہا کہ یہ فلم بہن بھائیو ں کی محبت کو ظاہر کرتی ہے دیکھنے والوں کو ضرور پسند آئی گی۔

کافی ود کرن کے سیزن 7 میں رنبیر عالیہ نہیں بلکہ رنویر عالیہ دکھائی دیں گے
کافی ود کرن کے سیزن سات کے اوپننگ شو کے مہمان عالیہ اور رنبیر کپور کی بجائے عالیہ اور رنویر سنگھ ہوں گے ۔کرن جوہر چاہتے تھے کہ عالیہ اور رنبیر کپور ان کے شو کے سیزن سات کے اوپننگ مہمان بنیں لیکن رنبیر کپور نے شو میں آنے سے منع کر دیا اور کہا کہ میں آپ کے گھر آکر گپ شپ تو کر سکتا ہوں لیکن شو میں نہیں آسکتا کیونکہ اس میں پوچھے جانے والے سوالوں کے جواب مہنگے پڑ سکتے ہیںکئی سال تک ان جوابوں کے لئے جوابدہ ہوتا رہوں گا ۔کہا جا رہا ہے کہ اس شو میں عالیہ اور رنویر اپنے لائف پارٹنرز کے بارے میں بھی بات کریں گے ۔اطلاعات ہیں کہ اس شو میں

اس بار سری دیوی کی بیٹی جھانوی کپور اور سیف علی خان کی بیٹی سارا علی خان بھی جلورہ گر ہوں گی ۔ان کے علاوہ کرن جوہر اننیا پانڈے اور وجے ڈیورا کونڈا کو بھی بلا رہے ہیں ان مہمانوں کا آنا کنفرم ہو چکا ہے جبکہ کرن جوہر اکشے کمار ،عامر خان ،کرینہ کپور ، ہرتیک روشن اور سیف علی خان سے بھی بات چیت کررہے ہیں ۔فی الحال کافی ود کرن سیزن سات کا پہلا شو سات جولائی کو آن ائیر جائیگا جس میں عالیہ اور رنویر سنگھ مہمان ہوں گے یہ دونوں کرن جوہر کی آنے والی فلم ” روکی اور رانی کی پریم کہانی “ میں ایکساتھ کام کررہے ہیں۔عالیہ چونکہ ہالی وڈ کی فلم کی شوٹنگ میں مصروف ہیں اس لئے اس فلم کی شوٹنگ انکی واپسی پر شروع کی جائیگی ۔