Category: شوبز

انیل کپور جو ہر وقت ہنستے مسکراتے ہوئے دکھائی دیتے ہیںانہوں نے حال ہی میں ایک انٹرویو دیا ہے اس انٹرویو میں ان سے کچھ سوال ہوئے انیل کپور نے کہا کہ میری کوشش ہوتی ہے کہ میں سیٹ کا ماحول خوشگوار رکھوں اس لئے ہر وقت چھیڑ چھاڑ کرتا رہتا ہوں۔میزبان نے کہا کہ کیا یہ سچ ہے کہ آپ جب بھی سیٹ پر جاتے تھے تو سب سے پہلے نیتو سنگھ سے پوچھتے کہ میں کیسا لگ رہا ہوں؟ اس سوال پر انیل نے کہا کہ جی میں پوچھا کرتا تھا اور نیتو کہا کرتی تھی کہ تم بہت اچھے لگ رہے ہو ۔پھر ایک سوال ہوا کہ جیکی شروف نے ایک انٹرویو میں کہا کہ انیل کپور جہاں بھی ہوتا ہے اے سی بند کروا دیتا ہے اس میں سچائی ہے؟ تو اس پر انیل کپور نے ہنستے اور چھیڑ چھاڑ کے انداز میں کہا کہ ”ایسا کچھ بھی نہیں ہے سب جلتے ہیں مجھ سے“ اس انٹرویو میںان کے ساتھ ورن دھون بھی موجود تھے

وہ انیل کپور کے لہجے کی نقل اتارتے رہے ورون نے انیل کے لہجے میں ہی ” جبردست“ کہتے ہوئے کہا کہ انیل ایسے بولتے ہیں تو انیل کپور بولے ارے ایسا بھی نہیں ہے اب ایسے بھی نہیں بولتا ۔انیل کپور نے کہا کہ سنیما اور فلم میری پہلی محبت ہے میں اچھی پرفارمنس کو بہت زیادہ انجوائے کرتا ہوں ۔انیل کپور نے کہا کہ ویسے تو ہر کوئی بہت محنت کرتا ہے لیکن میں دیکھا ہے کہ رنویر سنگھ اور رنبیر کپور بہت زیادہ محنت کرتے ہیں ۔
انیل کپور کی فلم جگ جگ جیو ریلیز ہونے کے قریب ہے اس میں وہ ورون دھون کے مقابلے میں اہم کردار ادا کررہے ہیں ۔

رشی کپور کی اہلیہ نیتو سنگھ جو کہ آج کل کرن جوہر کی فلم ”جگ جگ جیو“ کی پرموشن میں مصروف ہیں انہوں نے حال ہی میں ایک انٹرویو دیتے ہوئے کہا ہے کہ میرے بیٹے رنبیر کپور نے مجھے بہت زیادہ متحرک کیا کہ آپ کو کام کرنا چاہیے خود کو مصروف رکھنا چاہیے اس طرح سے فارغ نہیں بیٹھے رہنا چاہیے ۔میں اگر آج دوبارہ فلموں میںنظر آرہی ہوں تو یہ میرے بیٹے کی وجہ سے ہی ہے ۔ایک سوال کے جواب میں نیتو نے کہا کہ مجھے بالکل نہیں پتہ کہ میرے بیٹے کے سوشل میڈیا پر کوئی اکاﺅنٹس ہیں بظاہر تو ان کا کوئی اکاﺅنٹ نہیں اگر ہے بھی کوئی تو پھر اسکے بارے میں انہوں نے مجھے بالکل نہیں بتایا ۔نیتو نے کہا کہ مجھے خوشی ہے کہ میرا بیٹا میری آنے والی فلم جگ جگ جیو کو پرموٹ کررہا ہے اور اپنے انداز سے پرموٹ کررہا ہے ۔دراصل وہ چاہتا ہے کہ اس کی ماں خوش رہے کام کرتی رہے ۔

یاد رہے کہ اداکار رشی کپور جو کینسر جیسے مرض سے لڑتے لڑتے دنیا سے رخصت ہو گئے تھے ان کے بعد نیتو نے خود کو گھر تک محدود کر لیا تھا اور و ہ بالکل بھی کسی سے بات نہیں کرتی تھیں ۔نیتو نے رشی کپور کے ساتھ کئی مہینے امریکہ میں علاج کی غرض سے گزارے انہوں نے اپنے شوہر کی بے حد خدمت کی ۔وقت بہت بڑا مرہم ہے اور نیتو سنگھ ایک بار پھر ہنستی مسکراتی ہوئی دکھائی دے رہی ہیں ۔جگ جگ جیو چوبیس جون کو سینما گھروں کی زینت بن رہی ہے۔

ٹی وی پر کامیابی کے نئے ریکارڈز قائم کرنے والا ڈرامہ ”پری زاد“ کا سیوئل بنے گا یا نہیں اس حوالے سے کوئی تفصیلات تو سامنے نہیں آئیں ہیں لیکن لکھاری ہاشم ندیم کی ایک پوسٹ نے سب کو شش و پنج میں مبتلا کر دیا ہے ۔ہاشم ندیم نے گزشتہ روز سوشل میڈیا پر ایک تصویر شئیر کی اور تصویر تھی احمد علی اکبر جنہوں نے پری زاد میں کمال ہی انداز میں پری زاد کا کردار نبھایا تھا ۔اس تصویر کا کیپشن انہوں نے لکھا چیپٹر 2۔ ڈرامہ رائٹر کے اس کیپشن نے سب کو بے چینی میں مبتلا کر دیا کہ شاید پری زاد کا سیکوئل بننے جا رہا ہے ۔ہاشم ندیم نے اس سے زیادہ کچھ بھی نہیں لکھا نہ ہی وضاحت دی ۔ان کی پوسٹ کے نیچے لوگوں نے کمنٹس کر کے پوچھنا چاہا لیکن انہوں نے کسی ایک کو بھی جواب نہیں دیا ۔نہ ہی ان کی پروڈکشن ٹیم نے اس حوالے سے کوئی وضاحت دی ہے یا کنفرم کیا ہے ۔

ڈرامہ سیریل پری زاد کے لئے احمد علی اکبر نے اپنا رنگ روپ اور حلیہ تبدیل کیا تھا جسے شائقین نے بے حد سراہا تھا ۔احمد علی اکبر کی اس سے پہلے ایک فلم آئی تھی اس فلم کا نام تھا ”لال کبوتر“ اس فلم کو بھی کافی سراہا گیا تھا ۔شائقین کا کہنا ہے کہ ڈرامہ سیریل پری زاد کا سیکوئل بننا چاہیے۔اس ڈرامے نے ہیرو کے انداز کو تبدیل کر کے رکھ دیا اور ثابت کیا کہ ضروری نہیں کہ اگر لڑکا گورا ہو گا اور خوبصورت بال ہوں گے تو وہی اس کا ڈرامہ چلے گا ۔پری زاد میں باقاعدہ طور پر ایک کالے لڑکے کو ہیرو دکھایا گیا جسے شائقین نے پسند کیا۔

خلیل الرحمان قمر جو ہر دوسرے دن کچھ نہ کچھ ایسا بول دیتے ہیں کہ جس کی وجہ سے سرخیوں میں آجاتے ہیں وہ جس کو پسند کرتے ہیں اس پر بھی کھل کر بات کرتے ہیں جس کو ناپسند کرتے ہیں اس پر بھی کھل کر بات کرتے ہیں اور اپنی کہی ہوئی بات سے پیچھے نہیں ہٹتے چاہے سوشل میڈیا پر انہیں کتنا ہی برا بھلا کیوں نہ کہا جا رہا ہو ۔خلیل الرحمان قمر جو کہ ماہر ہ خان کے لئے ڈرامہ سیریل صدقے تمہارے میں اہم کردار لکھ چکے ہیں اس حوالے سے ان کہنا ہے کہ مجھ سے بہت بڑی غلطی ہوئی جو ماہر ہ خان کو اس کردار کے لئے چوائس کئے جانے پہ رضامندی دی ۔بلکہ انہوں نے تو یہاں تک کہہ دیا

کہ ماہرہ خان کو اپنے کسی بھی ڈرامے میں کاسٹ کئے جانا گناہ سمجھتا ہوں اور یہ گناہ مجھے ہمیشہ ملامت کرتا رہے گا ۔ماہرہ خان عموما خود پر تنقید کرنے والوں پر نہیں بولتیں لیکن حال ہی میںجب ان سے ایک انٹرویو ہوا تو اس میں کسی سوال پر انہوں نے کہا کہ خلیل الرحمان قمر نے میری اداکاری دیکھی تو میری بہت تعریف کی تھی اور وہ تو میرے ساتھ مزید کام کرنے کے خواہشمند بھی تھے لیکن وہ چونکہ بولتے ہوئے احتیاط نہیں کرتے انہوں نے کچھ ایسی باتیں کیں میرے نہیں کسی اور خلاف تو پھر ایسا ممکن نہ ہو سکا ۔ماہرہ خان نے خلیل الرحمان قمر کے خلاف بات نہیں کی بلکہ انہوں نے بتایا کہ ان کا خلیل الرحمان کے ساتھ کام کرنے کا تجربہ بہت اچھا رہا اور وہ آج بھی پیچھے مڑ کر دیکھیں تو انہوں نے جو بھی کیا انہیں اچھا لگتا ہے۔

1982میں میوز ک کے عالمی دن منانے کا آغاز ہوا ،تب سے آج تک پوری دنیا میں اکیس جون کو میوزک کا عالمی دن منایا جاتا ہے۔ پوری دنیا کے ساتھ ساتھ پاکستان میں بھی یہ دن جوش و خروش سے منایا جاتا ہے میوزک کے متوالے اس دن کو بھرپور انداز میں مناتے ہیں۔پاکستان کی دھرتی پر بننے والا میوزک پوری دنیا میں پسند کیا جاتا ہے یہاں کے گلوکار ہوں یا میوزیشنز سب نے پاکستان کا نام اپنے کام اپنے سروں کی بنا پر روشن کیا۔ آج کے دن ملک بھر میں موسیقی سے جڑے افراد تنظیموں کے اہتمام منعقد کئے جانے والی تقریبات کا حصہ بنیں گے ۔اس دن کو منانے کا مقصد تمام ملکوں کی ثقافت کو موسیقی کے زریعے اجاگر کرنا ہے ۔ پاکستانی موسیقی کی بات کی جائے تو یہاں عظیم گلوکار اور موسیقار گزرے ہیں جنہوں نے

اپنے زمانے میں آگے کے سو سال کا کام کیا ان کے بنائے ہوئے گیت آج بھی مقبول ہیں۔میوزک کو روح کی غذابھی کہا جاتا ہے اچھا میوزک انسان کے موڈ کو مزید اچھا کر دیتا ہے ۔میوزک کے اس عالمی دن کے حوالے سے ہم امید کرتے ہیں کہ آج کے دن موسیقی کے فروغ اور اسکو در پیش مسائل کو نہ صرف اجاگر کیا جائے گا بلکہ اس کا حل بھی نکالا جائیگا ۔کچھ گلوکار ایسے گزرے ہیں جن کا نام ان کے کام کی وجہ سے رہتی دنیا تک رہے گا اس میں نور جہاں، مہد ی حسن ، نصرت فتح علیخان اور رفیع لتا و دیگر قابل ذکر ہیں۔

پسوڑی گانا گانے والی شئے گل آج کل بہت زیادہ پسند کی جا رہی ہیں ان کی مشہوری صرف پاکستان تک محدود نہیں رہی بلکہ دنیا بھر میں پہنچ چکی ہے جو اردو زبان کو سمجھتے ہیں وہ بھی پسوڑی کے دیوانے ہیں جو اس زبان کو نہیں سمجھتے وہ بھی دیوانے ہیں یہاں تک کہ انگریزوں نے بھی پسوڑی کو انجوائے کیا یہاں تک کہ نامور انگریزی گلوکاروں نے اس گانے کو گنگنایا۔شئے گل کام کے حوالے سے یقینا ہر کسی کی اولین چوائس ہیں تو پھر بلال مقصود کیسے پیچھے رہتے ۔انہوں نے حال ہی میں شئے گل کے ساتھ ایک نیا پراجیکٹ کیا ہے اس کی تفصیلات کیا ہیں دونوں نے ابھی تک میڈیا کیساتھ شئیر نہیں کیں

لیکن بلال مقصود نے اپنے اور شئے گل کے پرستاروں کے ساتھ اتنی سی بات شئیر کی ہے کہ ہم دونوں ایک ساتھ ایک نئے پراجیکٹ میں نظر آئیں گے ۔ہم نے اس پراجیکٹ پر کام کیا ہے بہت مزا آیا ہے اور میں یقین رکھتا ہوں کہ آپ سب کو ہمارا ایک ساتھ آنا اچھا لگے گا ۔بلال مقصود نے انسٹاگرام پر لکھا کہ میں آپ سب کے ساتھ اس پراجیکٹ کی تفصیلات شئیر کرنے کے لئے بے چیں ہوں لیکن آپ سب کو کرنا ہو گا تھوڑا مزید انتظار ۔یاد رہے کہ بلال مقصود نے کوک سٹوڈیو کافی سال تک کیا اسی کوک سٹوڈیو سے شئے گل کا گانا پسوڑی لوگوں کی سماعتوں تک پہنچا اس گانے مقبولیت کے نئے ریکارڈز قائم کیے ہیں یہی وجہ ہے کہ شئے گل کا شمار معروف گلوکاروں میںہونے لگا ہے

عامر خان جن کو بالی وڈکا مسٹر پرفیکشنسٹ کہا جاتا ہے ان کی جب بھی کوئی فلم سامنے آتی ہے یقینا روٹین سے ہٹ کر کہانی پر مبنی ہوتی ہے۔کہا جاتا ہے کہ عامر خان کام کے معاملے میںکافی پروفیشنل ہیں ان کی کوشش ہوتی ہے کہ کہیںکچھ کمی نہ رہ جائے۔فلم لگان بھی اسی سلسلے کی ایک کڑی ہے انہوں نے یہ فلم سال 2001میں ریلیز کی تھی فلم کی منفرد کہانی اور اداکاری کی وجہ سے شائقین کی توجہ کا مرکز بنی اس کی کامیابی کا یہ عالم تھا کہ اسے آسکرایوارڈ کے لئے نامزد کیا گیا ۔حال ہی میںاس فلم کی ریلیز کو اکیس سال مکمل ہوئے اور اس سلسلے میں عامر خان کے گھر پر پارٹی بھی رکھی گئی۔

اس فلم کے حوالے سے نئی اطلاعات یہ ہیں کہ اسے اب برطانیہ میں بالکل نئے انداز میں پیش کیاجائیگا ۔پرڈیوسر عامر خان کی اس فلم کو برطانیہ میں بطور براڈ وے شو پیش کئے جانے کا فیصلہ کیا گیا ہے ۔کہا جا رہا ہے کہ برطانیہ کے بڑے بڑے پرڈیوسرز عامر خان کی پروڈکشن کمپنی سے فلم لگانے کے کاپی رائٹس کے حصول کے لئے رابطہ کررہے ہیں ،تاہم ابھی تک عامر خان یا انکی ٹیم نے اس حوالے سے کوئی حتمی فیصلہ نہیں کیا ۔کہا یہ بھی جا رہا ہے کہ براڈوے شو کے لئے مختلف منصوبے ہیں جن میں فلم لگان کی کاسٹ کے ساتھ ورلڈ ٹوور بھی شامل ہے۔یاد رہے کہ فلم لگان نے ریکارڈ توڑ بزنس کیا تھا اُس دور میں فلم کا میوزک کے جادو شائقین کے سر چڑھ کر بول رہا تھا ۔فلم کی پاپولیرٹی تاحال برقرار ہے۔

امین اقبال کی ڈائریکشن میں بننے والی فلم ”رہبرا“ جو کہ چوبیس جون کو ریلیز ہونے جا رہی ہے اس کی ریلیز سر پر ہے اور فلم کی ہیروئین عائشہ عمر غائب ہیں ۔وہ اس وقت سپین میں موجود ہیں عین فلم کی پرموشن کے دِنوں میں عائشہ عمر بیرون ملک چلی گئیں ۔فلم کی ریلیزسے قبل ان کے آنے کی اطلاعات تھیں لیکن سنا ہے اب وہ ریلیز کے روز بھی موجود نہیں ہوں گی۔ بائیس تاریخ کو کراچی میںایک میڈیا اپ رکھا گیا جس کو اب کینسل صر ف اس لئے کر دیا گیا ہے کیونکہ عائشہ عمر واپس نہیں آئیں ۔رپورٹس یہ ہیں کہ فلم کے ہدایتکار امین اقبال اور پرڈیوسر سائرہ افضل سمیت ٹیم سے جڑے تمام لوگ کافی پریشان ہیں کیونکہ عائشہ عمر فلم کی ہیروئین ہیں ان کے بغیر کس طرح میڈیا میٹ اپ کیا جا سکتا ہے یا پرموشن کی جا سکتی ہے۔ چوبیس تاریخ کو ریلیز ہونے والی فلم رہبرا کا پریمئیر کراچی لاہور کیا کہیں بھی نہیں کیا جا رہا۔

ڈائریکٹر امین اقبال کا کہنا ہے کہ فلم پہلے دکھا دینے سے کہانی آﺅٹ ہو جاتی ہے اور میں نے ایک اچھی چیز بنائی ہے مجھے یقین ہے کہ پریمئیر کے بغیر بھی لوگ اسے دیکھنے جائیں گے ۔دوسری طرف کہا جا رہا ہے کہ شاید فلم کا پریمئر کر ہی لیا جاتا اگر عائشہ عمر موجود ہوتیں ۔عین پرموشن کے دنوں میں فلم کے ہیرواحسن خان بھی لندن میں تھے وہ آج کل میں پاکستان پہنچ رہے ہیں یوں فلم رہبرا کی پرموشن کے رنگ پھیکے ہی رہے اب دیکھنا یہ ہے کہ یہ فلم شائقین کے دل جیتنے میں کامیاب ہوتی ہے کہ نہیں کیونکہ اس فلم کی پرموشن جس طرح سے ہوئی ہے اس سے تویہی لگ رہا ہے کہ فلم سے جڑے لوگ خصوصی طور پر مرکزی کاسٹ اپنی فلم کو خود ہی سپورٹ نہیں کررہے

نامور اداکارہ مہوش حیات کی بہن افشین حیات بھی اب اداکاری کے میدان میں دکھائی دیں گی انہوں نے فیصلہ کر لیا ہے کہ وہ بھی اب اپنی بہن کی طرح شوبز میںکام کریں گی اور اپنی صلاحیتوں کا لوہا منوائیں گی ۔اطلاعات ہیں کہ مہوش حیات کی بہن افشین حیات نے اپنے کیرئیر کا پہلا پراجیکٹ سائن کر لیا ہے اور بہت جلد وہ ہمیں سکرین پر نظر آئیں گی۔ انہوں نے جو پراجیکٹ سائن کیا ہے اس کی شوٹنگ آج کل جاری ہے ۔افشین حیات نے جو پراجیکٹ سائن کیا ہے وہ ایک ٹیلی فلم ہے ۔اس میں افشین حیات کے ساتھ ان کی بہن مہوش حیات بھی نظر آئیں گی یعنی افشین شوبز میں قدم رکھتے ہی اپنی بہن کے ساتھ سکرین شئیر کریں گی ۔ یہ خبر مہوش حیات کے پرستاروں کے لئے یقینا خوشی کا باعث ہے۔

اہم بات یہ ہے کہ افشین حیات کے ساتھ ان کی بہن مہوش ہی نہیں بلکہ فیشن ڈیزائننگ کا بڑا نام حسن شہریار عرف ایچ ایس وائے بھی دکھائی دیں گے ۔یاد رہے کہ ایچ ایس وائے اس سے پہلے بھی مایا علی اور شہریار منور کے ساتھ ڈرامہ سیریل پہلی سی محبت میں نظر آئے تھے ۔اسی طرح سے مہوش اور ایچ ایس وائے پہلی بار ایکٹنگ کے نقطہ نظر سے ایک ساتھ سکرین شئیر کرنے جا رہے ہیں ۔افشین حیات اپنے پہلے پراجیکٹ کو لیکر کافی خوش ہیں ان کا کہنا ہے کہ وہ مہوش کے پرستاروں کو مایوس نہیں کریںگی اور محنت سے کام کریں گی