Category: شوبز

اداکار تنویر جمال جو کینسر جیسے موذی مرض کے ساتھ لڑرہے ہیں ان کی حالت کافی سیریس بتائی جا رہی ہے ان کے اہلخانہ نے تنویر جمال کے مداحوں سے اپیل کی ہے کہ وہ اداکار کی صحیتابی کے لئے دعا کریں ۔تنویز جمال کو 2016میں پتہ چلا کہ انہیں کینسر ہے انہوں نے اس مرض کی تشخیص ہوتے ہی اس کو سنجیدگی سے لیتے ہوئے علاج کروایا اور صحیتاب ہو گئے ۔لیکن یہ صحیتابی بہت عرصہ نہ چل سکی اور تنویر جمال ایک مرتبہ پھر اس مرض میں مبتلا ہوگئے ہیں ان کی حالت

تشویشناک بتائی جا رہی ہے کیونکہ ان کے اہلخانہ نے پرستاروں سے درخواست کی ہے کہ تنویز جمال کی صحتیابی کے لئے دعا کی جائے۔تنویر جمال کو جب دوسری مرتبہ کینسر کی تشخیص ہوئی تو انہیں جرمنی منتقل کر دیا گیا وہاں ان کا علاج چل رہا ہے ۔یاد رہے کہ جرمنی میں اداکار تنویر جمال کے بچے اور اہلیہ رہتی ہیں تنویر خود یہاں پاکستان میں رہتے رہے ہیں لیکن ہر چھ ماہ کے بعد وہ بیوی بچوں کے ساتھ ملنے کےلئے جرمنی جایا کرتے تھے ۔تنویر جمال نے پی ٹی وی کے بہت سارے ڈراموں میں اداکاری کی انہیں بہترین اداکاری پر پی ٹی وی کی ہی جانب سے بیسٹ ایکٹر کاایوارڈ بھی ملا۔تنویر جمال نے پرائیویٹ پروڈکشن میں سب سے پہلے ایکشن سے بھرپور میگا ڈرامہ سیریل ’گاڈ فادر‘ کو ڈائریکٹ اور پروڈیوس کرکے اپنا نام بنایا ، یہ ڈرامہ پاکستان اور جاپان میں ریکارڈ کیا گیا۔

ثمینہ پیرزادہ نے حال ہی میں ایک ٹویٹ کیا جس میںانہوں نے سوال پوچھا کہ ایسا کیوں ہے کہ پاکستان دو قدم آگے بڑھتا ہے اور چار قدم پیچھے چلا جاتا ہے دوسرے ٹویٹ میں انہوں نے کہا کہ پاکستان میں مڈل کلاس طبقہ ہمیشہ سے ہی پستا آیا ہے۔یہی نہیں دو دن قبل جو انہوں نے ٹویٹ کیا اس میں لکھا کہ ”توڑ دو بھیک کا کٹورا کپتان کو واپس لاﺅ پھر دیکھو ہم کیا کرتے ہیں، پیسے کے بغیر کیسے چلے گا کاروبار ؟ ظالمو صاف شفاف انتخابات واحد حل کوئی دھاندلی نہیں۔ان کے ان ٹویٹس پر کافی کمنٹس کئے گئے کوئی ثمینہ کے حق میں بولا تو کوئی خلاف ۔

یاد رہے کہ اداکارہ ثمینہ پیرزادہ جو پچھلے کچھ عرصے سے بہت زیادہ سیاست میں دلچپسی لے رہی ہیںاو ر عمرا ن خان کو کھل کر سپورٹ کررہی ہیں ان کے تیکھے مگر عمران خان کے حق میں کئے گئے ٹویٹس پر صارفین خوب ہاتھ صاف کرتے ہیں کچھ تو یہاں تک کہہ دیتے ہیں کہ ہم آپ کو بہت پسند کرتے تھے آپ ہماری پسندیدہ اداکارہ تھیںلیکن جب سے آپ عمرا ن خان کی اندھا دھند تقلید کررہی ہیں اور غلط کو غلط نہیں بلکہ صحیح کہہ رہی ہیں تب سے آپ ہماری فیورٹ نہیں رہیں۔ثمینہ پیرزاد ہ نے یہ تو ٹویٹ کر دیا کہ اختلاف رائے کا احترام کیا جائے لیکن وہ خود اس بات پر عمل نہیں کرتیں اور کسی دوسرے کا عزت احترام سے کیا گیا اختلاف بھی ان کو اتنا چھبتا ہے کہ بلاک کر جاتی ہیں۔

عموما ہمارے ہاں ایسا ہوتا ہے کہ سینئر اداکار خود ہی اپنے بنائے ہوئے ڈرامو ں اور فلموں میں دکھائی دیتے ہیں بہت کم حوصلے والے لوگ ہوتے ہیں جو دوسروں کو آگے آنے کا موقع دیں۔ فہد مصطفی ان میں سے ایک ہیں کیونکہ انہوں نے ایک ایسا بیان دیا ہے کہ جس نے ان کے مداحوں کے دل جیت لئے ہیں۔فہد مصطفی نے کہاہے کہ میرا دل کرتا ہے کہ ایک سال میں ،میں چار پانچ فلمیں کروں اور ان سب میں ،میںہی نظر آﺅں لیکن مجھے پتہ ہے کہ میں ایسا نہیں کر سکتا یا مجھ سے ایسا نہیں ہو سکتا اس لئے میں ان اداکاروں کو کام کرنے کا موقع دیتا ہوں جو حق دار ہیں کہ ان کو آگے آنے دیا جائے۔فہد مصطفی نے یہ با ت حال ہی میں کہی ہے ان کا کہنا ہے کہ نئے آنے والوں کو کام کا موقع دیا جانا چاہیے تاکہ وہ اپنی صلاحیتوںکا لوہا منوا سکے۔

یاد رہے کہ فہد مصطفی کافی عرصے سے ڈراموں میں بطور ایکٹر کام نہیں کر رہے ہیں شاید انہوں نے اپنی مصروفیات کی وجہ سے بریک لگا رکھی ہے لیکن ہر سال وہ کسی ایک فلم میں ضرور نظر آتے ہیں گو کہ کورونا کی وجہ سے ابھی تک دو سال میں کسی کی بھی کوئی فلم ریلیز نہیں ہو سکی لیکن جیسے ہی فلموں کی ریلیز کا سلسلہ شروع ہوا ہے تو عید الاضحی پر ان کی فلم قائداعظم زندہ باد ریلیز ہونے جا رہی ہے اس میں ان کے ساتھ ہر دلعزیز ماہرہ خان بھی نظر آرہی ہیں ماہرہ خان اور فہد مصطفی ابھی تک کہ کسی بھی پراجیکٹ میں پہلی بار ایک ساتھ نظر آر ہے ہیں ۔

ڈرامہ سیریل دوبارہ جو شاید اپنی نوعیت کا پہلا ڈرامہ رہا ہے جس کے بارے میں چینل کو دو بار لکھنا پڑا کہ اسکی آخری قسط نشر ہو گی لیکن ایسا نہ ہو سکا بلکہ ڈرامے کی قسطوں کو بڑھایا گیا اور یوں گزشتہ رات اس ڈرامے کی آخر کار آخری قسط نشر ہوگئی ۔ ڈرامے کو شائقین نے بے حد پسند کیا اس کی کہانی معاشرتی رویوں پر سوال اٹھاتی ہے اور دیکھنے والوں کو سبق بھی دیتی ہے کہ ہر کسی کو اسکی زندگی پر حق ہے اسکو اسکی مرضی کے مطابق جینے دیا جائے ۔کہانی میں بتایا گیا کہ کس طر ح سے کم عمر لڑکی کی شادی اس سے دگنی عمر کے آدمی کے ساتھ کر دی جاتی ہے اور یوں اس لڑکی کا

الٹہر پن ، اسکی تمام خواہشات کہیں دفن ہو کر رہ جاتی ہیں او ر جب اسے اپنی زندگی اپنے مطابق جینے کا موقع ملتا ہے تو وہ رسموں کی تما م زنجیریں توڑ کر آگے نکل جاتی ہے اور سوسائٹی کی پرواہ نہیں کرتی ۔اس کہانی میں یہ بھی دکھایا گیا ہے بعض اوقات جذبات میں آکر کئے گئے فیصلے کل کو پچھتاوے کا باعث بھی بنتے ہیں ۔
یاد رہے کہ ڈرامے میں مرکزی کردار حدیقہ کیانی اور بلال عباس نے ادا کئے ہیں اس کے علاوہ شبیر جان اورزویاادیب بھی اہم کرداروں میں نظر آئے ۔نعمان اعجاز مہمان اداکار کے طور پر ڈرامے میں دکھائی دئیے۔ڈرامے کی کہانی پر شروع میں بہت اعتراضات کئے گئے لیکن جیسے جیسے کہانی آگے بڑھتی گئی تو وہ اعتراضات بھی ختم ہو تے گئے۔کہانی کی بُنت بہت زبردست ہے کہیں کوئی جھول نظر نہیں آتی ۔

اداکارہ نوال سعید جو آج تک ہمیں ٹی وی ڈراموں میںہی نظر آئی ہیں وہ اب فلم پیچھے تو دیکھو کے زریعے بڑی سکرین پر اینٹری دینے کے لئے تیار ہیں ۔ان کا کہنا ہے کہ یہ میری پہلی فلم ہے اور میں بہت زیادہ خوش ہوں۔نوال کا کہنا ہے کہ ڈائریکٹر عاطف علی کے ساتھ ڈرامہ کر چکی ہوںاس ڈرامے کا نام تھا ”بے زبان“ ۔ انہوں نے مجھے کہا کہ میں ایک فلم لکھ رہا ہوں اور تمہارے لئے خصوصی طور پر ایک کردار ہے مجھے لگتا ہے کہ تم اسکو بہت اچھے سے کرو گی جب میں نے کردار سنا تو حامی بھر لی ۔پاکستان کی یہ پہلی کامیڈی ہارر فلم ہے یوں کہیے کہ پاکستان کی یہ پہلی کوشش ہے اسے ہاتھ سے جانے نہ دیں ضرور دیکھیں آپ لطف اندوز ہوں گے ۔

نوال سعید نے کہا کہ میں کسی کے دماغ میں نہیں گھس سکتی نہ ہی کسی کی پسند نہ پسند کو جان سکتی ہوں جو یہ کہوں کہ یہ فلم لوگوں کو کیسی لگے گی لیکن یہ ضرور ہے کہ ایک بار دیکھنے والے یہ ضرور کہیں گے کہ اچھی کوشش کی گئی ہے ۔اس فلم میںپئیر کسی کا کسی کے ساتھ نہیں ہے میرا پئیر عدیل عادی کے علاوہ جنید اختر کے ساتھ بھی دکھایا گیا ہے دو گھنٹے کی اس فلم میں ہر وہ چیز دیکھنے کو ملے گی جو موڈ کو اچھا کر دے ۔حالانکہ یہ میری پہلی فلم ہے لیکن میں بالکل بھی نروس نہیں ہوں میں نے محنت کی، پوری ٹیم نے محنت کی اب کسی کواچھی لگتی ہے یا بری یہ ہمارے ہاتھ میں نہیں ایک اچھی چیز بنانا ہمارے ہاتھ میں ضرور ہوتا ہے لیکن اسکو پسند کرنا یا نہ کرنا یہ شائقین کے ہاتھ میں ہوتا ہے ۔

نصیبو لعل جو ہمارے ملک کی مایہ نازز گلوکارہ ہیں ان کے کریڈٹ پر بے شمار اچھے گیت ہیں لیکن کچھ ایسے گانے بھی ہیں جن کی وجہ سے ان کو تنقید کا سامنا رہتا ہے ۔اس کے باوجود نصیبو لعل کے چاہنے والے کم نہیں ہیں وہ آج بھی انہیں سننا پسند کرتے ہیں ۔گزشتہ دنوں لاہور کے بھٹی سٹوڈیو میں ایک گانے کی ریکارڈنگ ہوئی اس گانے کے بول ہیں ”مینوں ٹچ والا لیہ دے موبائل “ اس گانے کو نصیبو لعل نے گایا ہے ۔فلم لاہور قلندر کے لئے گائے جانے والے اس گیت کو خاقان حیدر غازی نے لکھا ہے جبکہ فلم کے پرڈیوسر بنٹی بٹ اور ڈائریکٹر شاہد رانا ہیں۔

نصیبو لعل نے اس گانے کے حوالے سے کہا کہ اس کی دھن بہت ہی خوبصورت بنائی گئی ہے اور لکھا بھی بہت اچھا گیا ہے مجھے اس کی ہر لائن گا کر مزا آیا ہے میں چاہتی ہوں کہ اسی طرح کے اچھے اچھے گانے میرے لئے لکھے جاتے رہیں اور میں اپنے مداحوں کے لئے گاتی رہوں ۔
یاد رہے کہ نصیبو لعل نے جب پی ایس ایل کا اینتھم گایا تھا تو ان پربہت زیادہ تنقید کی گئی تھی اور کہا گیا تھا کہ نصیبو جو فحش گانے گاتی ہیںان کو کیسے پی ایس ایل کا اینتھم دے دیا گیا ہے اس نے تو اینتھم کا بیڑا غرق کر دیا ہے جس پر بی بی سی والوں نے جب نصیبو کو انٹرویو کیا تو وہ رو پڑیں تھیں ۔نصیبو لعل کی سادگی کا انداہ ان کی باتوں سے لگایا جا سکتا ہے ۔وہ کھلے دل سے جو بہتر سمجھتی ہیں بول دیتی ہیں اور کہتی ہیں کہ ہم نے بھی اسی فیلڈ میں رہنا ہے لہذا جو ملتا ہے گانا پڑتا ہے ۔

کامیڈی ہارر فلم ”پیچھے تو دیکھو “ کا پریمئیر آج کراچی میں ہونے جا رہا ہے شوبز کی نامور شخصیات اس میں شرکت کریں گی ، اس موقع پر فلم کی مکمل کاسٹ وقار حسین، یاسر حسین ،نوال سعید ، سارا ،جنید اختر،عامر قریشی ،عدیل عادی ،ڈائریکٹر عاطف علی ، پرڈویوسر بھی موجود ہوں گے ۔ فلم کی کاسٹ کافی پر امید ہے کہ یہ کہانی شائقین کو بہت پسند آئیگی۔تمام کاسٹ کا یہ دعوی ہے کہ یہ پاکستان کی پہلی کامیڈی ہارر فلم ہے جو ہر عمر کے لوگوں کے لئے بنائی گئی ہے۔یاسر حسین کہتے ہیں کہ اس فلم کی کامیڈی ایسی ہے کہ جس میں فحش جملوں کا استعمال نہیں کیا گیا بلکہ ہلکے پھلکے سلجھے ہوئے ڈائیلاگز بولے گئے ہیں جن کو سن کر یقینا شائقین محظوظ ہو ں گے ۔فلم چوبیس جون کو ریلیز ہونے جا رہی ہے۔نوال سعید کا کہنا ہے کہ ان کی یہ پہلی فلم ہے اور انہوں نے

اس میںبہت اہم کردار ادا کیا ہے اور ان کا کردار ستر کی دہائی اور اس کے وقت کے ماحول کو بیان کریگا ۔عدیل عادی نے کہا کہ صرف فلم میں ہی نہیں بلکہ سیٹ پر بھی ہمارا ہنسی مذاق چلتا رہتا تھا ۔
یاد رہے کہ پاکستان میں کامیڈی فلمیں اور ڈرامے نہ ہونے کے برابر بنتے ہیں لیکن پیچھے تو دیکھو کی کاسٹ کا یہ دعوی ہے کہ انہوں نے روٹین سے ہٹ کر ایک تجربہ کیا ہے جو شائقین کو ضرور پسند آئیگا ۔اب دیکھنا یہ ہے کہ جس طرح اس فلم کے بارے میں دعوے کئے جا رہے ہیں یہ ان دعوﺅں پر پورا اترتی ہے یا نہیں ۔

رابی پیردازہ جن کی وجہ شہرت ان کی گلوکاری ہے انہوں نے اداکاری بھی لیکن اب وہ شوبز کو خیرباد کہہ چکی ہیں تاہم سوشل میڈیا پر کافی متحرک رہتی ہیں۔ رابی پیرزادہ نے سوشل میڈیا پر کافی پریشانی کا اظہار کیا ہے اور کہا ہے کہ ملک میں اس وقت بہت مہنگائی ہو چکی ہے اتنی مہنگائی تو پچھلے چار سال میں نہیں ہوئی جتنی ان چار مہینوں میں ہوئی ہے، پیٹرول کی قیمتیں بجلی کی قمتیں آسمان سے باتیں کررہی ہیں لیکن کوئی بول ہی نہیں رہا۔ کیا اب کسی کو مہنگائی نظر نہیں آرہی۔ رابی پیرزادہ نے کہا کہ اس مہنگائی کے عال۱قم میں اخراجات پورے کرنے ہیں تو پھر گھر کے ہر فرد کو کام کرنا ہو گا اس کے بغیر گزارہ ناممکن ہے۔جو عورتیں ان پڑھ ہیں یا گھر سے باہر نہیں نکلتیں ان کو چاہیے کہ وہ گھر میں سلائی کڑھائی کا کام کریں نہیں آتا تو سیکھ لیں اور جو بچوں کو گھر میں ٹیوشن پڑھا سکتی ہیں وہ ٹیوشن پڑھا لیں لیکن کام ضرور کریں اور گھر کا ہرفرد

مہنگائی کے اس عالم میں کام کرے یہ بہت ضروری ہے۔ملک میں بڑھتی ہوئی مہنگائی نے سب کا جینا دو بھر کر دیا ہے۔
یاد رہے کہ صرف رابی پیرزادہ ہی نہیں ہر کوئی مہنگائی اور لوڈ شیڈنگ سے کافی پریشان ہے۔

اداکارہ و میزبان ندا یاسر جن کا مارننگ شو خاصا مقبول ہے انہوں نے ایکبار پھر اپنے پرستاروں کو خوش کر دیا۔ندا یاسر اپنے شوز میں اکثر کچھ ایسا بول دیتی ہیں یا ان کی کہی ہوئی کسی بات کا ایشو بن جاتا ہے۔ ان کی باتوں کے اکثر کلپس سوشل میڈیا پر وائرل رہتے ہیں۔ ندا یاسر اپنے شو میں کسی نہ کسی کو بلاتی اور انٹرویو کرتی ہیں ان کے انٹرویو سے لوگ محظوظ ہوتے ہیں گزشتہ روز انہوں نے ایک ماہر غذائیات کو شو میں مدعو کیا اور ان سے مزے مزے کے سوال کرتی رہیں ماہر غذائیات
انٹرمیٹینٹ فاسٹنگ پر بات کررہیں تھیں پھر ایک ایسا وقت بھی ٓآیا کہ ندا اور ماہر غذائیات دونوں انٹرمیٹینٹ فاسٹنگ کو انٹرمیڈیٹ فاسٹنگ کہنے لگیں۔ان دونوں کا یہ کلپ سوشل میڈیا پر کافی وائرل ہوا اور لوگ ندا یاسر کے انٹرمیٹینٹ فاسٹنگ کو انٹرمیٹینٹ فاسٹنگ کہنے پر کافی ہنسے۔ یوں ندا یاسر ایک بار پھر سوشل میڈیا پر چھائی رہیں اور لوگ ان کے وائرل کلپ سے محظوظ ہوتے رہے۔

واضح رہے کہ ندا یاسر کا شو اکثر تنقید کی ذد میں اس وقت آتا ہے جب ندا کچھ غیر ضروری بول دیتی ہیں۔ندا ڈراموں میں بھی کام کرتی رہی ہیں لیکن ایک عرصے سے انہوں نے صرف مارننگ شو کو ہی فوکس کیا ہوا ہے اس عید پر ان کی بنائی ہوئی فلم چکر بھی ریلیز ہو چکی ہے۔