پچیس مئی کو یش راج سٹوڈیو میں فلم میکر کرن جوہر کی پچاسویں سالگرہ منائی گئی سالگرہ کی یہ تقریب بڑے پیمانے پر کی گئی اس میں نوجوان نسل سے لیکر اولڈ ایج ہر کسی نے شرکت کی۔اس پارٹی کے بعد کچھ فنکاروں کو کورونا ہوا جن میں کترینہ کیف،شاہ رخ خان،کارتیک آریان و دیگر کے نام قابل ذکر ہیں ۔خبریں آنے لگیں کہ کرن جوہر کی سالگرہ پارٹی کے بعد آرٹسٹوں کو کورونا ہوا ہے ۔یہ خبریں جب ہر طرف پھیلنے لگیں تو کرن جوہر کے صبر کا پیمانہ لبریز ہو گیا اور وہ بول پڑے انہوں نے کہا کہ جس ہفتے میری سالگرہ تھی اسی ہفتے اور بھی بہت سارے ایونٹس تھے ،شادیاں تھیں جس میں سب گئے لیکن یہ کیوں کہا جا رہا ہے کہ میری سالگرہ پارٹی میں آنے کے بعد آرٹسٹ کورونا کا شکار ہوئے ہیں ۔انہوں نے مزید کہا کہ مجھے بالکل پسند نہیں کہ میں وکٹم کہلاﺅں لیکن جو بھی کہا جا رہا ہے مجھے اچھا نہیں لگ رہا اور مجھے کیوں قصور وار ٹھہرایا جا رہا ہے؟ یہ سلسلہ بند ہونا چاہیے ۔

یاد رہے کہ کرن جوہر کی سالگرہ کی تقریب میں اننیا پانڈے ،تبو ،کاجول،شاہ رخ خان ،کاجول،رنبیر کپور ،جھانوی کپور ،مادھور یڈکشٹ ،جوہی چاولہ ،روینہ ٹنڈن ،سونالی بیندرے ،ٹوینکل کھنہ ،وکی کوشال و دیگر نے شرکت کی کوئی ایسا آرٹسٹ نہیں بچا تھا جس نے اس سالگرہ میں شرکت نہ کی ہو۔
کرن جوہر آج کل ”روکی اور رانی پریم کہانی “ شوٹ کر رہے ہیں اس فلم کے مرکزی کرداروں میں عالیہ بھٹ اور رنویر سنگھ ہیں ۔

مسٹر پرفیکشنسٹ عامر خان کی فلم ”لگان“ کو ریلیز ہوئے اکیس برس بیت چکے ہیں یہ وہ فلم ہے جس نے اُس دور میں کامیابی کے ریکارڈز قائم کئے فلم کرکٹ کے دیوانوں کے دِلوں پر چھا گئی،منفرد کہانی کی وجہ سے ہر لیول پر اسے پسند کیا گیا ۔فلم کو ریلیز ہوئے دو دہائیاں گزر چکی ہیںلیکن اس کی مقبولیت آج بھی برقرارہے ہر عمر کے لوگ آج بھی اس فلم کو پسند کرتے ہیں اسکا لاجواب میوزک آج بھی کانوں میں رس گھولتا ہے ۔”مدر انڈیا“ کے بعد لگان ایسی فلم ہے جس کو آسکر کے لئے نامزد کیا گیا ایوارڈ ملا یا نہیں لیکن آسکر کے لئے نامزد ہونا ایوارڈ سے کم نہیں ۔فلم کی ریلیز کے اکیس سال پورے ہونے پر لگان کی پوری کاسٹ عامر خان کے گھر پہنچی اور وہاں سب نے ایک پارٹی کی اور لگان کی دو دہائیاں مکمل ہونے پر خوشی منائی ۔پچھلے برس جب اس فلم کو بیس سال مکمل ہوئے تھے شاید یہ پارٹی تب بھیہوتی لیکن کورونا کی وجہ سے ایسا ممکن نہ ہو سکا ۔

یاد رہے کہ فلم کو اشوتوش گواریکر نے ڈائریکٹ کی اتھا سکرین پلے اشوتوش گواریکر کے ساتھ کمار دیو اور سنجے دائما نے لکھا تھا ۔فلم کا میوزک اے آر رحمان نے دیا تھا جبکہ گانے جاوید اختر نے لکھے تھے ۔پروڈیوس خود عامر خان نے کیا تھا مرکزی کاسٹ میں عامر خان کے علاوہ گریسی سنگھ،ریچل شیلے ،پاﺅل بلیک تھرون و دیگر قابل زکر ہیں ۔پچیس کروڑ سے بنی اس فلم نے آسکر تو نہیں جیتا تھا لیکن بھارت میں دیگر کافی ایوارڈ ز جیتے۔

بھارتی پنجابی گلوکارسدھو موسے والا کے قتل کا غم کسی طور کم نہیں ہو رہا ان کے مداح اس ظلم کو بھولنے کو تیار نہیں ہیں ۔بھارت کے ساتھ ساتھ دنیا بھر میں ان کے مداح موجود ہیں ۔سدھو موسے والا کی انتیسویں سالگرہ کے موقع پر ان کے مداح نیویارک میں ٹائم سکوائر پر جمع ہوئے وہاں وہ اپنے پسندیدہ فنکار کی یاد میں اکٹھے تھے ان کو خراج عقیدت پیش کرنا چاہتے تھے ۔اس موقع پر ٹائم سکوائر پر سدھو موسے والا کی وڈیوز چلائی گئیں جن کو دیکھ کر ان کے مداح بہت زیادہ خوش ہوئے جبکہ دوسر ی طرف بھارت میں بھی ان کے مداح ا ن کی سالگرہ مناتے رہے اور ان کے گانے اس موقع پر گاتے رہے ۔

یاد رہے کہ سدھو موسے والا کو چھ ہفتے قبل گولیاں مار کر موت کے گھاٹ اتار دیا گیا تھا پولیس نے کچھ لوگوں پر شبہ کرتے ہوئے گرفتاریاں کی ہیں لیکن چند دن قبل پولیس نے دعوی کیا کہ انہوں نے سدھو موسے والا کے قاتل کو گرفتار کر لیا ہے اس قاتل کا تعلق گینگسٹر بسنوئی سے بتایا جا رہا ہے ۔پولیس اس مرڈر کیس کی مزید تحقیقات کررہی ہے ۔ بالی وڈکے فنکاروں کے ساتھ ساتھ سدھو موسے والا کے مداح بے چین ہیں کہ کب سدھو موسے والا کا قاتل پھانسی کے پھندے پر جھولے گا۔سدھو موسے والا ہر دلعزیز گلوکار تھے نہایت کم عمر ی میں انہوں نے وہ مقام حاصل کر لیا تھا جو شاید کسی کا صرف خواب ہی ہو سکتا ہے ۔

پچھلے کچھ عرصے حرا مانی ٹی وی ڈراموں میں مرکزی کردار کرتی ہوئی دکھائی دے رہیں انہوں نے گزشتہ روز سوشل میڈیا پر لگائی ایک پوسٹ اور اپنے مداحوں سے پوچھا کہ عید الاضحی پر میرے شوہر مانی کی فلم ”لفنگے “ ریلیز ہورہی ہے میں بے چینی سے اس ریلیز کی منتظر ہوں اور میں تو پورے کراچی کے ساتھ فلم سینما گھر میں دیکھنے جاﺅں گی کیا آپ سب بھی میرے ساتھ مانی کی فلم دیکھنے جائیں گے تو اس پوسٹ کے نیچے ان کے مداحوں نے جوابات دئیے اور سب نے کہا کہ ہم بالکل مانی کی فلم دیکھنے کےلئے سینما گھرجائیں گے ۔لفنگے فلم کی کاسٹ میں مانی ،سمیع خان اختر حسین ، نازش جہانگیر ،سلمان ثاقب ، سلیم معرواج ،بہروز سبزواری و دیگر فنکاروں کے نام شامل ہیں ۔گزشتہ روز اداکار مانی اور سمیع خان نے فلم کا پوسٹر انسٹاگرام پر شئیر کرتے ہوئے مداحوں کو فلم کی ریلیز کا بتایا ۔پوری کاسٹ فلم سے کافی امیدیں وابستہ کئے ہوئے ہیں۔

واضح رہے کہ عید الاضحی پر دو بڑی فلمیں ریلیز ہو رہی ہیں جس میں ہمایوں سعید کی لندن نہیں جاﺅنگا اور ماہرہ خان اور فہد مصطفی کی قائداعظم زندہ باد ہے ان فلموں کے ساتھ بہت ساری دوسری فلمیں ریلیز کی جانی تھیں لیکن ان دونوں کا ٹریلر ریلیز ہونے کے بعد بہت

سارے لوگوں نے اپنی فلموں کی ریلیز روک لی ہے۔اب دیکھنا یہ ہے کہ لفنگے فلم ان دونوں فلموں کے ساتھ کیسا بزنس کرتی ہے۔

برٹنی سپئیر نے اپنی والدہ کو شادی میں کیوں نہ کیا مدعو

سدھو موسے والا کی سالگرہ کے موقع ٹائم سکوائر پر انکی وڈیوز چلا دی گئیں

اداکارہ ثناءفخر نے حال ہی میں ایک انٹرویو دیا ہے اس انٹرویومیںانہوں نے کہا کہ میں کم مگر معیاری کام کو ترجیح دیتی ہوں اسی لئے ٹی وی اور فلموں میںکم کم نظر آتی ہوں کیونکہ میرا ماننا ہے کہ اچھا سکرپٹ ہو تو ہی کام کیا جائے اور ویسے بھی کم مگر معیاری کام کرنے سے کوئی بھی آرٹسٹ اپنی کامیابی کو بہتر انداز میں برقرا ر رکھ پاتا ہے۔ثناءفخر نے مزید کہ سٹیج اور ٹی وی کے فنکاروں نے فلمی صنعت کو رونقیں بخشی ہیں اور یہ بات ہمیں مان لینی چاہیں ۔وہ دور گیا جب فارمولا فلمیں بنتی اور پسند کی جاتی تھیں آج اچھی فلمیں بن رہی ہیں اور ٹی وی پر بھی اچھاکام ہو رہا ہے ۔ثناءنے مزید کہا کہ میں سخت محنت کرنے پر یقین رکھتی ہوں یہی وجہ ہے کہ آج تک میرے پرستار مجھ پسند کرتے ہیں ۔

یاد رہے کہ ثنا ءفخر کا شمار نوے کی دہائی کی کامیاب اداکاراﺅں میں ہوتا ہے ان کے کریڈیٹ پر بے شمار ہٹ فلمیں ہیں انہوں نے اُس دور کے نامور ہیروز کے ساتھ کام کیا ۔ثناءفخر کبھی کبھار ٹی وی کے ڈراموں میں بھی نظر آجاتی ہیں ۔ثناءایک یوٹیوب چینل بھی چلاتی ہیں جس میں وہ فٹنس ٹپس دیتی ہیں ۔ثناءفخر فٹنس پر کافی کام کرتی ہیں ان کو دیکھ کر اندازہ لگایا جا سکتا ہے کہ وہ اپنے وزن کوکنٹرول میں رکھنے اور صحت مند رہنے کے لئے کتنی محنت کرتی ہیں۔

امبر ہرڈ اپنے خلاف عدالتی فیصلہ آنے کے بعد پہلی بار بولی ہیں اور انہوں نے کہا کہ میرے خلاف جو عدالتی فیصلہ آیا ہے اس میں سوشل میڈیا پر جو میرے خلاف نفرت انگیز مہم چلائی گئی اس کی بہت جھلک نظر آتی ہے میں اس فیصلے کو منصفانہ نہیں کہوں گی ،امبر ہرڈ نے یہ بھی کہاکہ میرے سابق شوہر نے عدالت میں زبردست اداکاری کی جس کی وجہ سے وہ مقدمہ جیت گئے اس کے علاوہ انہوں نے عدالت میںجو بھی گواہیاں پیش کیں اس کے لئے بھاری رقم خرچ کی ۔میں اس فیصلے پر مطمئن نہیں ہوں ۔انہوں نے یہ بھی کہا کہ مجھے بالکل بھی پرواہ نہیں ہے کہ کوئی میرے بارے میں کیا سوچتا ہے۔

یاد رہے کہ امبر ہرڈ جنہوں نے اپنے سابق شوہر جانی ڈیپ پر الزام لگایا تھا کہ وہ انہیں تشدد کا نشانہ بناتے تھے جبکہ جانی ڈیپ کا دعویٰ تھا کہ امبر ہرڈ جھگڑالو بیوی تھی جس نے بوتل مار کر ان کی انگلی کاٹ دی تھی۔اس طرح کے لڑائی جھگڑے جب عدالت پہنچے تو بات بکھرتی گئی اور کیس نے ایسا موڑ لیا کہ جانی ڈیپ نے اپنی سابقہ اہلیہ امبر ہرڈ پر ہتک عزت کا دعوی کیا جس کو امبر ہرڈ ہار گئیں اور عدالت نے ہرجانے کے طور پر ایک کروڑ پچاس لاکھ ڈالر جانی ڈیپ کو دینے کو کہا۔ اس فیصلے کے بعد ان دونوں کے پرستار کافی افسردہ تھے جمائمہ گولڈ سمتھ نے جانی ڈیب کو سابقہ اہلیہ سے پیسے نہ لینے کا مشورہ دیا کہا جا رہا ہے کہ اس مشورے کو جانی مان گئے ہیں اب وہ سابقہ اہلیہ سے پیسے نہیں لیں گے ۔

سی آئی ڈی بھارت کا وہ مشہور زمانہ ڈرامہ ہے جسے آج تک پسند کیا جاتا ہے اتنے سال تک اس ڈرامے کو دیکھ اس میںکام کرنے والوں سے لوگ بہت پیار کرنے لگے ہیں یہی وجہ ہے کہ ان سے جڑی ہر خبر پر نظر رکھتے ہیں۔ حال میں ہریکیش پانڈے کے ساتھ ہوئی ایک بڑی واردات جس کے بعد وہ کافی افسردہ ہو گئے ۔ ہریکیش پانڈے اپنی فیملی کے ساتھ گھومنے پھرنے کی غرض سے نکلے اور انہوں نے طے کیا کہ وہ اپنی فیملی کے ساتھ ممبئی سے تاردیو جارہے تھے اس کے لئے انہوں نے لوکل بس کا انتخاب کیا۔ہریکیش پانڈے اپنی فیملی کے ساتھ بس میں سوارتھے

سب ہنسی خوشی جا رہے تھے کہ اچانک انہوں نے اپنا بیگ چیک کیا جس میں اہم دستاویزات اور کریڈ ٹ کارڈ کے علاوہ نقدی رقم تھی وہ سب کی سب غائب تھی ۔ہریکیش نے پریشانی کی حالت میںاردگرد چیک کیا لیکن کہیں سے کچھ نہ ملا تو انہوں نے پھر پولیس سے رابطہ کرکے واقعہ کی تفصیل بتائیں اور کہا کہ نقدی رقم کریڈٹ کارڈز کے ساتھ ان کی اہم دستاویزات بھی چوری کر لی گئی ہیں ۔ہریکیش کا اس حوالے سے کہنا ہے کہ میں حالانکہ ڈرامے میں صرف پولیس والے کردار ادا کرتا ہوں حقیقت میںپولیس والا نہیں ہوں اس کے باوجود میرے ساتھ جو ہوا ہے اس پہ مذاق بنایا جا رہا ہے ایسا نہیں ہونا چاہیے ۔
یاد رہے کہ بھارتی ڈرامہ سیریل 1998میں شروع ہوا تھا سال ہا سال سے کامیابی سے چل رہا ہے۔

جیو اور آئی ایس پی آر کی مشترکہ سیریز” محافظ “ جس میں دنانیر بھی وائس اوور کررہی ہیں اس پر بات کرتے ہوئے دنانیر کہتی ہیں کہ اینی میٹڈ سیریز محافظ بچوں کے سماجی مسائل سے نمٹنے کا طریقہ کار فراہم کریگی۔اس سیریز میں آٹھ آرٹسٹ وائس اوور کررہے ہیں جن میں وہاج علی کا نام بھی شامل ہے ۔دنانیر جس کردار کےلئے وائس اوور کررہی ہیں اسکا نام ماہ نور ہے اس کے بارے میں دنا نیر کا کہنا ہے کہ یہ کردار گلگت بلتستان سے تعلق رکھنے والی ایک لڑکی سے متاثر ہے جو کہ دیکھنے والوں کا فی پسند آئیگا ۔دنانیر نے امید ظاہر کی کہ یہ سیریز بچوں کو بہت پسند آئیگی کیونکہ اس میں جو چیزیں دکھائی جا رہی ہیں ان میںیقینا بچوں کی دلچپسی بہت زیادہ ہے ۔

یاد رہے کہ اس سیریز میں مختلف کردار ہیں ان کرداروں نے مختلف سماجی مسائل ، جیسے اسٹریٹ کرائمز، منشیات کا استعمال، چائلڈ لیبر اور جیسے کئی دیگر موضوعات کو اجاگر کیا ہے۔اینی میٹٹد یہ سیریز شائقین کی توجہ مرکز ضرور بنے گی ۔دنانیر مبین کو سوشل میڈیا پر ایک وڈیو کے زریعے شہرت ملی انہوں نے اپنی دوستوں کے ساتھ ہنسی مذاق میں ایک وڈیو بنائی اوروڈیو تو دنانیر سوشل میڈیا پر لگا کرسو گئیں تھیں لیکن ان کی قسمت جاگ اٹھی ہمسایہ ملک میں بھی بڑے بڑے سٹارز نے اس وڈیو کو پسند کیا اور دنانیر کے انداز میں بول بول کو سوشل میڈیا پر وڈیوز وائرل کیں ،آج اسی وڈیو کی بدولت دنانیر مبین ایک سٹار بن چکی ہیں۔

کمال آر خان جو کہ اپنے ہر ساتھی کے پیچھے پڑے رہتے ہیں کچھ نہ کچھ ایسا بولتے ہیں کہ جس سے نہ صرف اگلا دکھی ہو بلکہ کنٹرورسی بھی جنم لے۔ ایسا ہی کچھ انہوںنے حال میں کیا کے آر کے نے کھلاڑیوں کے کھلاڑی اکشے کمار کو ٹویٹر پر کیا ٹیگ اور اور لکھا کہ بھائی جان کچھ بھی کہو آپ نے بالی وڈ میں آتنک مچا دیا ہے ،چھ فلمیں ایکساتھ فلاپ دیکر لاشیں بچھا دی ہیں اور ہم آپ کو سلیوٹ پیش کرتے ہیں اتنا زبردست ریکارڈ بنانے پر۔ ان کی اس پوسٹ پر بہت سارے صارفین نے کمنٹس کئے اور زیادہ تر نے اکشے کے حق میں لکھا اور کے آکے کو اپنے کام سے کام رکھنے کی تجویز دی۔

یاد رہے کہ اکشے کمار کی ماضی قریب میں کچھ فلمیں ناکامی سے ہمکنار ہوئی ہیں اکشے کمار کی نئی فلم ”سمراٹ پرتھوی“ بھی بری طرح فلاپ ہوئی ہے اور بہت کم بزنس کیا ہے ، چندر پرکاش کی ڈائریکشن میں بننے والی اس فلم میں اکشے کمار نے ہندو بادشا پرتھوی چوہان کا کردار ادا کیا ہے۔رپورٹس کے مطابق سمراٹ پرتھوی تین سو کروڑ میں بنائی گئی ہے لیکن ابھی تک فلم نے مجموی طور پر جو بزنس کیا ہے وہ 61.72 ہے جو کہ بہت ہی کم ہے۔اکشے کمار کا شمار بالی وڈ کے کامیاب ترین اداکاروں میں ہوتا ہے انہوں نے نہ صرف فلموں میں کام کیا ہے بلکہ پرڈیوس بھی کی ہیں ۔
۔۔۔۔