ممبئی: بالی ووڈ اداکارہ دیشا پٹانی سوشل میڈیا پر پوسٹ کی جانے والی تصویر پر تنقید کا نشانہ بن گئیں-
باغی ٹی وی : سوشل میڈیا جہاں اداکاروں کو پذیرائی ملتی ہے ان کی تعریف کی جاتی ہے مداح پسندیدہ اداکاروں کی سرگرمیوں کو دیکھنے کے لئے بے چین رہتے ہیں وہیں اداکار سوشل میڈیا پر تنقید کا سب سے زیادہ نشانہ بنتے ہیں آئے دن کوئی نا کوئی اداکار سوشل میڈیا صارفین کے نشا نے پر رہتا ہے-
بھارتی میڈیا کے مطابق ماضی میں بالی ووڈ اداکارہ دیشا پٹانی بھی سوشل میڈیا پرشدیدتنقیدکا نشانہ بن چکی ہیں دیشا پٹانی کا شمار بالی ووڈ کی خوبصورت اداکاراؤں میں ہوتا ہے جن کی اداکاری سے زیادہ ان کا اسٹائل اور لباس سوشل میڈیا پر زیر بحث رہتا ہے۔
شوبز ویب سائٹ کے مطابق دیشا پٹانی سوشل میڈیا پر کافی سرگرم ہیں اور اکثر اپنی تصاویر پوسٹ کرتی رہتی ہیں ماضی میں ایک بار دیشا نے سلور رنگ کے لباس کے ساتھ گہری سرخ رنگ کی لپ اسٹک میں اپنی ایک تصویر انسٹاگرام پر پوسٹ کی تھی تصویر میں ان کے چہرے پر غصے کے تاثرات تھے۔
تاہم سوشل میڈیا صارفین کو ان کا یہ انداز بالکل بھی پسند نہیں آیا تھا جس کی وجہ سے ان پر شدید تنقید کی گئی پوسٹ کے کمنٹ سیکشن میں جاکر ایک صارف نے ان پر تنقید کرتے ہوئے کہا تھا دیشا بالکل آدمی لگ رہی ہے کیا یہ ایک خواجہ سرا ہے؟
جب کہ ایک اور صارف نے لکھا یہ کیسی تصویر پوسٹ کی ہے۔ بہر حال یہ پہلی بار نہیں تھا جب دیشا پٹنی کو سوشل میڈیا پر تنقید کا نشانہ بنایا گیا ہو، بلکہ وہ کئی بار اپنی شکل اور لباس کی وجہ سے تنقید کا نشانہ بن چکی ہیں تاہم دیشا تنقید کی پرواہ نہیں کرتیں اور اکثر سوشل میڈیا پر اپنی وہ تصاویر شیئر کرتی ہیں جو انہیں پسند ہوں-
