اداکارہ منال خان کے منگیتر و اداکار احسن محسن اکرام نے سابق کپتان وسیم اکرم کی اہلیہ و سماجی کارکن شنیرا کو گزشتہ روز کی گئی تنقید پر جواب دیا ہے-

باغی ٹی وی : گزشتہ روز سابق کپتان وسیم اکرم کی اہلیہ شنیرا اکرم نے منال خان اور ان کے منگیتر کو ٹریفک قوانین کی خلاف ورزی کرنے اور غیر ذمہ داری کا مظاہرہ کرنے پر کھری کھری سُنائی تھی۔

منال خان نے چند روز قبل اپنے انسٹاگرام اکاؤنٹ پر ایک ویڈیو شیئر کی تھی جس میں وہ اور ان کے منگیتر احسن محسن اکرام گاڑی میں کہیں جارہے تھے۔ احسن گاڑی چلاتے ہوئے منال خان کی ویڈیو بنا رہے ہوتے ہیں اور ان سے کہتے ہیں ہمارے لیے ایک گانا گاؤ۔

منال خان تھوڑا سوچ کر بچوں کا مقبول گانا ʼʼبے بی شارکʼʼ گانا شروع کردیتی ہیں تاہم گاڑی میں ڈرائیونگ کے دوران منال خان نے سیلٹ بیلٹ نہیں باندھی تھی۔

شنیرا اکرم نے منال خان کی یہ ویڈیو اپنی انسٹااسٹوری پر شیئر کی تھی اور لکھا تھا کہ آپ دونوں مشہور ہیں اور آپ دونوں کے سوشل میڈیا پر لاکھوں فالوورز ہیں کیا آپ دونوں کے لیے تھوڑا سا زیادہ ذمہ دار ہونا بہت مشکل ہے؟

شنیرا اکرم نے مزید لکھا تھا کہ ڈرائیونگ کرتے وقت اپنی سیلٹ بیلٹ باندھیں اور اپنی نظریں روڈ پر رکھیں، معاف کرنا لیکن یہ گانا اس وقت بالکل بھی کیوٹ نہیں لگے گا جب منال خان اسے اسپتال میں گارہی ہوں گی۔

تاہم اب احسن محسن نے سماجی رابطے کی ویب سائٹ انسٹاگرام پر اپنی نئی تصویر شیئر کی ہے جس کا کیپشن ڈھکے چُھپے الفاظ میں وسیم اکرم کی اہلیہ شنیرا کے لیے ہے۔

اداکار نے لکھا کہ اپنی زندگی بسر کریں اور آپ دوسروں کو کبھی بھی یہ حکم نہ دیں کہ آپ کو اپنی زندگی کیسے گزارنی ہےآپ کو صرف ایک زندگی ملتی ہے، اس سے لطف اٹھائیں، اس کی قدر کریں کیونکہ اس دنیا کی سب سے مہنگی چیز وقت ہے اور اگر آپ نے ایک بار جو وقت کھودیا، وہ واپس نہیں آسکے گا۔

احسن محسن نے لکھا کہ زندگی میں مثبت بننا نہ بھولیں، اپنے ساتھ سچے رہیں اور دوسروں کے ساتھ بھی نرم مزاجی کے ساتھ پیش آئیں آپ خود اپنی زندگی کے ایک چمکتے ہوئے اسٹار ہیں۔

احسن محسن کی پوسٹ پر کمنٹ کرتے ہوئے منال خان نے لکھا کہ آئیے! ہر چیز کو مثبت انداز میں لیں۔

ٹریفک قوانین کی خلاف ورزی، شنیرا اکرم کی منال خان پر سخت تنقید

حال ہی میں شادی کرنے والی پاکستانی معروف اداکارہ غنا علی نے انکشاف کیا ہے کہ اُن کے شوہر کاروباری شخصیت نہیں ہے۔

باغی ٹی وی : حال ہی میں غنا علی نے انسٹاگرام پر سوال و جواب کا ایک سیشن رکھا جس میں صارفین نے اُن سے اُن کی شادی شُدہ زندگی اور شوہر کے حوالے سے مختلف سوالات کئے۔

اس سیشن کے دوران ایک صارف نے غنا علی سے پوچھا کہ اُن کے شوہر کونسا بزنس کرتے ہیں؟ جس پر غنا علی نے کہا کہ میرے شوہر بزنس مین نہیں ہیں بلکہ وہ ایک پبلک سیکٹر میں کام کرتے ہیں۔

ایک صارف نے پوچھا شادی کے بعد آپ زندگی کیسی گُزار رہی ہے؟ جس پر غنا علی نے کہا کہ الحمداللّہ! بہت اچھی گُزر رہی ہے اس میں کوئی شک نہیں کہ شادی کے بعد لڑکی اور لڑکے کی زندگیوں میں بڑے پیمانے پر تبدیلیاں آتی ہیں۔

غنا علی نے کہا کہ’کسی کے ساتھ اپنی چیزیں اور زندگی شیئر کرنا ایک بہت بڑا چیلنج ہوتا ہے لیکن میں بہت خوش ہوں کہ میرے شوہر ایک حیرت انگیز مزاج اور شخصیت کے مالک ہیں۔

واضح رہے کہ غنا علی رواں سال ہی کراچی کے رہائشی عُمیر گلزار کے ساتھ رشتۂ ازدواج میں منسلک ہوئیں جو پہلے سے شادی شدہ تھےغنا علی کو شادی کے بعد سے اُن کے شوہر کی وجہ سے کافی تنقید کا نشانہ بنایا جارہا ہے-

پاکستانی اداکارہ ثروت گیلانی بالی ووڈ کے مسٹر پرفیکشنسٹ عامر خان کے ساتھ کام کرنے کی خواہشمند ہیں-

باغی ٹی وی : ویب سیریز ’’چڑیلز‘‘ میں اداکاری سے مداحوں کے دل جیتنے والی پاکستانی اداکارہ ثروت گیلانی نے بالی ووڈ اداکار عامر خان کے ساتھ کام کرنے کی خواہش کااظہار کیا ہے۔

حال ہی میں سوشل میڈیا ویب سائٹ ایپ انسٹاگرام پر ’آسک می سیشن‘ کے دوران مداحوں نے ثروت گیلانی سے ان کی زندگی کے بارے میں کئی سوالات کیے جس کے اداکارہ نے دلچسپ جواب دیئے جس سے مداح خوب محفوظ ہوئے-

اسی سیشن کے دوران ایک مداح نے ثروت گیلانی سے پوچھا کہ آپ کی کوئی ایسی خواہش ہے جو آج تک پوری نہ ہوئی ہو اور آپ لمبے عرصے سے اس خواہش کے پوری ہونے کا انتظار کررہی ہیں؟-

مداح کی جانب سے پوچھے جانے والے اس سوال کا جواب دیتے ہوئے ثروت گیلانی نے کہا کہ وہ عامر خان کے ساتھ کام کرنے کی خواہشمند ہیں –

واضح رہے کہ ثروت گیلانی ویب سیریز ’’چڑیلز‘‘ کے علاوہ کئی ڈراما سیریل صلہ ، آذر کی آئے گی بارات ملا، اور جوانی پھر نہیں آئے گی جیسی کامیاب فلم میں بھی اداکار کر چُکی ہیں-

پاکستانی معروف ماڈل و اداکارہ آمنہ الیاس کا کہنا ہے کہ جب بھی کوئی ویڈیو بناتی ہوں تو اس کا مقصد ہوتا ہے کہ لوگ اس سے کچھ سبق حاصل کریں۔

باغی ٹی وی : آمنہ الیاس رنگت کی بنیاد پر تعصب کے خلاف کافی متحرک رہی ہیں اور اب وہ اپنے سوشل میڈیا پلیٹ فارم کے ذریعے مختلف سماجی مسائل کو اجاگر کرتی نظر آتی ہیں جس پر انہیں مداحوں کی جانب سے کافی سراہا جاتا ہے-

اردو نیوز کو دیئے گئے انٹرویو کے دوران اداکارہ و ماڈل سے جب پوچھا گیا کہ سوشل میڈیا پر سماجی مسائل کے بارے میں ویڈیوز بنانے کا خیال کیسے آیا تو انہوں نے بتایا کہ لاک ڈاﺅن کے دنوں میں سب کچھ تو بند تھا لہذا ہر کوئی سوشل میڈیا پر ہی زیادہ متحرک تھا تو میں شروع میں ازراہ مزاق ویڈیوز بنا کر اپ لوڈ کرتی رہی لیکن جب لوگوں کا اچھا ریسپانس ملا تو مجھے لگا کہ باقاعدہ کسی آئیڈیا پر کام ہونا چاہیے پھر میں نے اپنی ٹیم کے ساتھ مل کر آئیڈیاز پر کام کرنا شروع کیا۔

آمنہ الیاس نے کہا کہ جب بھی کوئی ویڈیو بناتی ہوں تو اس کا مقصد ہوتا ہے کہ لوگ اس سے کچھ سبق حاصل کریں۔ بامعنی کانٹینٹ (مواد) یقینا لوگوں کی توجہ اپنی طرف کھینچتا ہے۔ میری کوشش ہوتی ہے کہ ویڈیو میں مزاح بھی ہو اور دیکھنے والے کو بات بھی سمجھ میں آجائے۔

اداکارہ و ماڈل آمنہ الیاس کا کہنا تھا کہ آج میں جس مقام پر ہوں بہت خوش دھکے تو نہیں کھانے پڑے لیکن محنت بہت زیادہ کی ہے۔ میں نے اپنا رویہ نہایت ہی پروفیشنل رکھا اور غلط کو غلط صحیح کو صحیح کہا اور صرف کام پر فوکس کیا۔

قومی کرکٹ کے سابق کپتان وسیم اکرم کی اہلیہ اور سماجی کارکن شنیرا اکرم نے منال خان اور ان کے منگیتراحسن محسن پر ٹریفک قوانین کی خلاف ورزی کرنے اور غیر ذمہ داری کا مظاہرہ کرنے پر سخت تنقید کی-

باغی ٹی وی :منال خان کی سوشل میڈیا ویب سائٹ انسٹاگرام پر ایک ویڈیو وائرل ہو رہی ہے جس میں وہ اور ان کے منگیتر احسن محسن اکرام گاڑی میں کہیں جارہے ہیں احسن گاڑی چلاتے ہوئے منال خان کی ویڈیو بنارہے ہوتے ہیں اور ان سے کہتے ہیں ہمارے لیے ایک گانا گاؤ۔

منال خان تھوڑا سوچ کر بچوں کا مقبول گانا ’بے بی شارک‘ گانا شروع کردیتی ہیں۔ تاہم گاڑی میں ڈرائیونگ کے دوران منال خان نے سیٹ بیلٹ نہیں باندھی تھی۔ سوشل میڈیا صارفین نے منال خان کی اس ویڈیوپر انہیں کیوٹ قرار دیا تھا۔

تاہم منال خان اور احسن محسن کی سوشل میڈیا پر وائرل ہونے والی اس ویڈیو پر شنیرا اکرم نے ان دونوں کی توجہ ٹریفک قوانین کی خلاف ورزی پر کروائی ہے۔

شنیرا اکرم نے منال خان کی یہ ویڈیو اپنی انسٹااسٹوری پر شیئر کی اور لکھا کہ آپ دونوں مشہور ہیں اور آپ دونوں کے سوشل میڈیا پر لاکھوں فالوورز ہیں کیا آپ دونوں کے لیے تھوڑا سا زیادہ ذمہ دار ہونا بہت مشکل ہے؟-

شنیرا اکرم نے مزید لکھا ڈرائیونگ کرتے وقت اپنی سیٹ بیلٹ باندھیں اور اپنی نظریں روڈ پر رکھیں۔ معاف کرنا لیکن یہ گانا اس وقت بالکل بھی کیوٹ نہیں لگے گا جب منال خان اسے اسپتال میں گارہی ہوں گی۔

کورونا وبا کے بعد پہلی پاکستانی فلم "میڈم ای پرابلم ” کو عید پر ریلیز کرنے کا فیصلہ کیا گیا ہے-

باغی ٹی وی : فلم ’میڈم ای پرابلم‘ کے ڈائریکٹر شاہ رخ انجم قریشی اور پروڈیوسر رفعت المنتہیٰ ہیں رفعت المنتہیٰ کا کہنا تھا کہ ان کی یہ فلم گزشتہ سال ریلیز ہونا تھی کورونا وائرس کی لہر کی وجہ سے سینما گھروں کی بندش کے باعث فلم نمائش نہیں ہوسکی۔

تاہم اب یہ فلم عید الاضحٰی پر پاکستان بھر کے سینما گھروں میں ریلیز کی جارہی ہے، یہ مکمل طور پر میڈ ان پاکستان فلم ہے اور امید ہے فلم بین فلم دیکھنے ضرور آئیں گے۔

فلم کی کاسٹ میں ارباز خان، قیصر بلوچ، رفعت المنتہیٰ، شاہ رخ انجم قریشی، شہباز قریشی، مہر اختر، سبحان حیدر، شہروز قریشی، حنا خان اور ماروی شامل ہیں-

فلم کے میوزک ڈائریکٹر ناصر حسین دھیرو،عابد علی نمبو اور علی ساجد ہیں۔ فلم کی شوٹنگ پاکستان ،دبئی اور امریکا میں کی گئی ہے۔