Baaghi TV

Category: شوبز

  • پاکستانی سیاسی شوبز اور معروف شخصیات کا دلیپ کمار کے انتقال پر شدید غم کا اظہار

    پاکستانی سیاسی شوبز اور معروف شخصیات کا دلیپ کمار کے انتقال پر شدید غم کا اظہار

    بالی ووڈ کے لیجنڈری اداکار دلیپ کمار کی موت پر پاکستانی سیاسی و شوبز شخصیات کی جانب سے شدید افسوس کا اظہار کیا جا رہا ہے-

    باغی ٹی وی : اپنی فلموں میں مختلف اداکاری کے رنگ چھڑکنے والے دلیپ کمارکوشہنشاہ جذبات، ٹریجڈی کنگ، برصغیرکا عظم اداکار جیسے ناموں سے پکارا جاتا رہا۔ ان کی اداکاری کی دنیا دیوانی تھی، ایک نہیں، دو نہیں بلکہ متعدد کامیاب فلموں میں اداکارنے اپنے جذبات کی عکاسی اوربہترین اداکاری سے لوگوں کے دلوں میں جگہ بنائی۔

    ان کے انتقال کے بعد ان کےاہل خانہ سمیت دنیا بھر میں موجود ان کے مداح غم میں مبتلا ہوگئے ہیں اورانہیں یاد کرکے آبدیدہ ہیں جن میں پاکستانی معروف سیای و شوبز شخصیات بھی شامل ہیں-

    وزیراعلیٰ پنجاب عثمان بزدار نے اداکار دلیپ کمار کے انتقال پر دکھ اورافسوس کااظہار کرتے ہوئے کہا کہ دلیپ کمار کے انتقال سے فلم انڈسٹری کے عہدکا خاتمہ ہوا ہے دلیپ کمار کے انتقال پر سوگوار خاندان سے دلی ہمدردی اورتعزیت کرتے ہیں، دلیپ کمارکوبھارتی صعنت کے سب سے بڑے اعزاز دادا صاحب پھالکےسے نوازا گیا-

    سینئر اداکار عثمان پیرزادہ کا دلیپ کمار کے انتقال پر اظہار افسوس کرتے ہوئے کہنا ہے کہ دلیپ کمار نفیس اور بہترین شخصیت کے مالک تھے دلیپ کمار کی وفات بڑے فلم اسٹار کے سنہرے دور کا اختتام ہے-

    پاکستن مسلم لیگ ن کی ترجمان مریم اورنگزیب کا کہنا ہے کہ دلیپ کمار کی وفات بڑے فلم اسٹار کے سنہرے دور کا اختتام ہے دلیپ کمار نے دہائیوں تک لوگوں کے دل پر راج کیا، دلیپ کمار کی وفات فن کے قدر دانوں کا بڑا نقصان ہے-

    وزیر داخلہ شیخ رشید نے اداکار دلیپ کمار کی وفات پراظہار افسوس کرتے ہوئے کہا کہ میں نے ملاقاتوں میں بھی دلیپ کمار کو ایک سحر انگیزشخصیت پایا
    دلیپ کمار ایک عہد ساز فنکار تھے،انکا متبادل ممکن نہیں-

    قائدحزبِ اختلاف شہباز شریف کا دلیپ کمار کی وفات پر اظہار افسوس کرتے ہوئے کہنا ہے کہ دلیپ کمارکا فنی سفر فلمی دنیا کا یادگار ترین دور ہے ، دلیپ کمارنےفلموں میں ناقابل فراموش کردارنبھائے، دلیپ کمارکی بعض فلموں کوجتنی شہرت ملی کسی اورکو نہ مل سکی،پاک بھارت اچھےتعلقات کےلیے کوششیں ان کی امن پسندی کامظہر تھیں دلیپ کمارنےبطوررکن پارلیمان پاک بھارت تعلقات کےلیےکوششیں کیں-

    صدر مملکت عارف علوی کا دلیپ کمار کے انتقال پر اظہار افسوس کرتے ہوئے کہنا تھا کہ صدر مملکت عارف علوی نے کہا کہ غم کی اس گھڑی میں دلیپ کمار خاندن کے ساتھ ہیں دلیپ کمار عاجز ،پروقار اور بہترین شخصیت کے مالک تھے-
    https://twitter.com/SAfridiOfficial/status/1412627136821800960?s=20
    کرکٹر شاہد آفریدی کا دلیپ کمار کے انتقال پر اظہار افسوس کہا کہ دلیپ کمار ہمارے دل میں رہتے ہیں،اہلیہ سےتعزیت کرتاہوں دلیپ کمار کا انتقال پشاور سے ممبئی تک تمام پرستاروں کے لیے بڑا نقصان ہے-


    گلوکار علی ظفر کا دلیپ کمار کے انتقال پر دکھ کا اظہار کیا کہا کہ دلیپ کمار کے انتقال سے ایک ایسے دور کا اختتام ہوا جو لازوال رہے گا، ہر سطر جو دلیپ کمار نے بولی، اس پر ابواب تحریر کیے جاسکتے ہیں، دلیپ کمار ایک انتہائی نفیس اور بہترین انسان تھے-


    اداکارہ ثمینہ پیرزادی نے بھی شدید غم کا اظہار کیا-


    عدنان صدیقی نے افسوس کا اظہار کرتے ہوئے کہا کہ دلیپ صاحب اپنے آپ میں ایک ادارہ تھے علامات ایک چھوٹی سی بات ہوگی۔لیجنڈز کی موت نہیں ہوتی۔ وہ اپنے کام میں جیتے ہیں-

    عمران عباس نے افسوس کا اظہار کرتے ہوئے لکھا کہ مجھے آج بھی وہ دن یاد ہے جب آپ نے ممبئی سے فون پر مجھ سے اور میرے والدین سے بات کی تھی اور پھر مجھے اپنے بلایا تھا اور عید جو میں آپ کے ساتھ گزاری تھی. میں لفظی طور پر حیران اور آپ کی موجودگی سے جادو ہوا تھا۔ میں اپنے کھونے کے احساس کو سمجھ نہیں سکتا ہوں۔ ایک ادارہ ، ایک افسانہ ، اسٹارڈم کے باوجود مہربانی اور بلا شبہ برصغیر کا سب سے بڑا ستارہ جو کبھی کبھی ہی پیدا ہوتا ہے جس نے 7 دہائیوں سے بھی زیادہ عرصے تک 3 نسلوں کے دلوں پر راج کیا اور آنے والی نسل کے لئے "اداکاری” کی بنیاد رکھی۔

  • دلیپ کمار کی خدمات آنے والی نسلیں بھی یاد رکھیں گی رہنما بھارتی کانگریس پارٹی راہول گاندھی

    دلیپ کمار کی خدمات آنے والی نسلیں بھی یاد رکھیں گی رہنما بھارتی کانگریس پارٹی راہول گاندھی

    رہنما بھارتی کانگریس پارٹی راہول گاندھی کا لیجنڈری بالی ووڈ اداکار دلیپ کمار کے انتقال پر افسوس کا اظہار کرتے ہوئے کہنا ہے کہ دلیپ کمار کی خدمات آنے والی نسلیں بھی یاد رکھیں گی-

    باغی تی وی : بھارتی سیاستدان راہول گاندھی نے دلیپ کمار کے انتقال پر اظہار افسوس کیا کہا کہ دلیپ کمار کے پیاروں اور چاہنے والوں کے دکھ میں برابر کے شریک ہیں-

    بالی ووڈ لیجنڈری اداکار دلیپ کمار انتقال کر گئے

    رہنما بھارتی کانگریس پارٹی نے کہا کہ دلیپ کمار کی خدمات آنے والی نسلیں بھی یاد رکھیں گی-

    اس سے قبل بھارتی وزیراعظم نریندر مودی نے افسوس کا اظہار کرتے ہوئے کہا تھا کہ دلیپ کمار جی کی موت ہماری ثقافتی دنیا کے لئے بہت بڑا نقصان ہے-

    خیال رہے کہ واضح بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے ہیں۔

    دلیپ کمار کا انتقال ہماری ثقافتی دنیا کے لیے ایک بہت بڑا نقصان ہے بھارتی وزیراعظم

    عمران خان کی دلیپ کمار کے ہمراہ لی گئی یادگار تصویریں

  • عمران خان کی دلیپ کمار کے ہمراہ لی گئی یادگار تصویریں

    عمران خان کی دلیپ کمار کے ہمراہ لی گئی یادگار تصویریں

    پی ٹی آئی رہنما اور سینیٹر فیصل جاوید نے بالی ووڈ کے لیجنڈری اداکار دلیپ کمار کی وزیراعظم عمران خان کے ہمراہ مختلف مواقعوں کی یادگار تصاویر جاری کردی ہیں۔

    باغی ٹی وی : فیصل جاوید نے سماجی رابطے کی ویب سائٹ ٹوئٹ پر اپنے ٹوئٹ میں دلیپ کمار کو خراج عقیدت پیش کرتے ہوئے کہا کہ دلیپ کمار واقعتاً ایک افسانوی اداکار اور انسان دوست شخصیت تھے ان کی آفاقی اداکاری کے انداز نے اداکاروں کی نسلوں کو متاثر کیا۔


    سینیٹر فیصل جاوید نے لکھا کہ انہوں نے بہت سارے رفاہی اور معاشرتی اقدامات میں بھی حصہ لیا تھا۔ انہیں پاکستان کا اعلیٰ ترین شہری ایوارڈ نشانِ امتیاز بھی دیا گیا۔


    ایک اور ٹوئٹ میں سینیٹر فیصل جاوید نے دلیپ کمار کے عمران خان کی تعریف میں کہے گئے الفاظ کی ایک ویڈیو بھی شیئر کی۔

    شوکت خانم اسپتال کیلئے فنڈز اکھٹا کرنے کی ایک تقریب میں دلیپ کمار عمران خان کیلئے کہا تھا کہ خوش نصیب تھی وہ ماں جس کی کوکھ سے اس قدر حسین، شجاعت والا بچہ پیدا ہوا جس کے اتنے بلند ارادے ہیں۔

    بالی ووڈ لیجنڈری اداکار دلیپ کمار انتقال کر گئے

    دلیپ کمار نے عمران خان کی کاوش کو سراہا اور اُن کے بلند ارادوں کی تعریف کرتے ہوئے چہرے پر نفاست، سوچ میں پختگی، ارادوں کا پکا، جیت کی لگن ،کچھ کر دکھانے کی جستجو، عملی زندگی میں کامیاب جیسے الفاظ عمران خان کے لیے استعمال کرتے ہوئے کہا کہ خوش نصیب ہیں سب پاکستان کے رہنے والے عمران خان کے عزیزو اقارب جو ان کے اندر اس قدر شجاعت اور ہمت والا شخص ہے-

    واضح بالی ووڈ لیجنڈری اداکار یوسف خان المعروف دلیپ کمار آج 98 سال کی عُمر میں انتقال کر گئے ہیں۔

    دلیپ کمار کا انتقال ہماری ثقافتی دنیا کے لیے ایک بہت بڑا نقصان ہے بھارتی وزیراعظم

  • دلیپ کمار کا انتقال ہماری ثقافتی دنیا کے لیے ایک بہت بڑا نقصان ہے بھارتی وزیراعظم

    دلیپ کمار کا انتقال ہماری ثقافتی دنیا کے لیے ایک بہت بڑا نقصان ہے بھارتی وزیراعظم

    بھارتی وزیر اعظم نریندر مودی نے بالی ووڈ کے لیجنڈری اداکار دلیپ کمار کے انتقال کی خبر پر شدید افسوس کا اظہار کیا ہے-

    باغی ٹی وی: سماجی رابطے کی ویب سائٹ ٹوئٹر پر جاری کیے گئے بیان میں نریندر مودی نے کہا کہ دلیپ کمار جی کو سینما کی علامات کے طور پر یاد کیا جائے گا۔


    نریندر مودی نے کہا کہ دلیپ کمار کو اپنے کام اور صلاحیتوں کی وجہ سے ایک خاص مقام حاصل تھا اور اُنہوں نے اپنی منفرد اداکاری سے نسل در نسل سامعین کے دل جیتے۔

    اُنہوں نے لکھا کہ دلیپ کمار کا انتقال ہماری ثقافتی دنیا کے لیے ایک بہت بڑا نقصان ہے۔

    آخر میں نریندر مودی نے دلیپ کمار کے انتقال پر اُن کے اہلخانہ، دوستوں اور مداحوں سے تعزیت کا اظہار کیا۔

    واضح رہے کہ بالی ووڈ فلم نگری پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی ہے۔

    بالی ووڈ لیجنڈری اداکار دلیپ کمار انتقال کر گئے

  • بالی ووڈ لیجنڈری اداکار دلیپ کمار انتقال کر گئے

    بالی ووڈ لیجنڈری اداکار دلیپ کمار انتقال کر گئے

    بالی ووڈکے لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے۔

    باغی ٹی وی :بھارتی میڈیا کے مطابق بالی ووڈ کے’’شہنشاہ جذبات‘‘ کہلائے جانے والے اداکار یوسف خان المعروف دلیپ کمار کو گزشتہ ہفتے سانس لینے میں دشواری کے باعث ممبئی کے ہندوجا اسپتال منتقل کیا گیا تھا اور اسی اسپتال میں انہوں نے اپنی زندگی کی آخری سانس لی۔ دلیپ کمار کو گزشتہ ماہ دو بار سانس لینے میں تکلیف کے باعث اسپتال منتقل کیا گیا تھا۔

    گزشتہ دو دنوں سے ان کی حالت میں بہتری آرہی تھی۔ دلیپ صاحب کے مینجر نے تمام لوگوں سے ان کی صحت یابی کی دعا کرنے کے لیے بھی کہا تھا۔ تاہم دلیپ صاحب جانبر نہ ہوسکے اور بھارتی میڈیا کی رپورٹس کے مطابق بالی ووڈ کے ’’ٹریجڈی کنگ‘‘ دلیپ کمار نے بدھ کی صبح 7:30 بجے ممبئی کے کھار ہندوجا اسپتال میں اپنی زندگی کی آخری سانس لی۔
    https://twitter.com/TheDilipKumar/status/1412600233062699008?s=20
    دوسری جانب دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی ہے۔

    سماجی رابطے کی ویب سائٹ ٹوئٹر پر جاری کیئے گئے افسوسناک پیغام میں بتایا گیا کہ ’انتہائی دل اور گہرے رنج و غم کے ساتھ، میں یہ اعلان کررہا ہوں کہ ہمارے دلیپ کمار صاحب کچھ دیر قبل انتقال کرگئے ہیں۔‘
    https://twitter.com/TheDilipKumar/status/1412090861790195713?s=20
    فیصل فاروقی نے مزید لکھا کہ ’بے شک! ہمیں خُدا نے اس دُنیا میں بھیجا ہے اور ہمیں لوٹ کر اُسی کی طرف جانا ہے۔‘

    دلیپ کمار کے انتقال کی افسوسناک خبر پر اُن کے اہلخانہ، بالی ووڈ فنکاروں اور دُنیا بھر میں موجود اُن کے مداحوں کی جانب سے شدید دُکھ کا اظہار کیا جارہا ہے۔

    واضح رہے کہ لیجنڈری اداکار دلیپ کمار گزشتہ کئی سالوں سے بیمار تھے جس کی وجہ سے اُنہیں اکثر معائنے کے لیے اسپتال منتقل کیا جاتا تھا دلیپ کمار سانس لینے میں دشواری کی وجہ سے ممبئی کے اسپتال میں زیرِ علاج تھے۔

    خیال رہے کہ دلیپ کمار 1922ء میں پشاور کے محلےخداداد میں پیدا ہوئے تھے، دلیپ کمار نے اپنے فلمی کیریئر کا آغاز 1944 میں فلم ’جوار بھاٹا‘سے کیا مگر فلم انڈسٹری میں اپنی اصل پہچان 1960میں تاریخی فلم ’مغلِ اعظم‘ میں شہزادہ سلیم کا کردار ادا کرکے بنائی۔

    دلیپ کمار نے اپنے فلمی کیرئیر کے دوران مغل اعظم، ملن، جگنو، شہید، ندیا کے پار، انداز جوگن، بابل، آرزو، ترانہ، ہلچل، دیدار، سنگدل، داغ، آن، شکست، فٹ پاتھ، امر،اڑن کٹھولا، انسانیت، دیوداس، نیا دور، پیغام، کوہ نور، گنگا جمنا، شکتی، سمیت کئی لازوال فلموں میں عمدہ اداکاری کے جوہر دکھائے۔

    ان کی خدمات کے پیشِ نظر حکومت ہندوستان کی طرف سے انہیں پدما بھوشن ایوارڈ، دادا صاحب پھالکے سمیت کئی اعزازات دئیے گئے جبکہ 1998 کو انہیں پاکستان کے سب سے بڑے سویلین اعزاز نشان پاکستان سے بھی نوازا گیا دلیپ کمار نے 65 سے زائد فلموں میں کام کیا جبکہ دلیپ کمار کو انڈین فلم کا سب سے بڑا اعزاز دادا صاحب پھالکے ایوارڈ بھی دیا گیا۔

  • شہدا کی یادگار کے پاس سخت سیکیورٹی کے باوجود ٹک ٹاکر لڑکی کی نامناسب ڈانس ویڈیو وائرل، صارفین کی شدید تنقید

    شہدا کی یادگار کے پاس سخت سیکیورٹی کے باوجود ٹک ٹاکر لڑکی کی نامناسب ڈانس ویڈیو وائرل، صارفین کی شدید تنقید

    سوشل میڈیا پر ائیر فورس شہدا کی یادگار کے پاس ایک ٹک ٹاکر خاتون کی پنجابی گانے پر ڈانس کی ویڈیو وائرل ہو رہی ہے جس پر صارفین کی جانب سے شدید غم و غصے کا اظہار کیا جا رہا ہے-

    باغی ٹی وی: سماجی رابطے کی ویب سائٹ انسٹا گرام پر پاسبان وطن نامی اکاؤنٹ پر ایک ویڈیو شئیر کی گئی ہے جو دیکھتے ہی دیکھتے وائرل ہو گئی ہے جس پر سوشل میڈیا صارفین کی جانب سے شدید غم و غصے کا اظہار کیا جا رہا ہے-

    انسٹاگرام پر پاسبان وطن نامی اکاؤنٹ سے شئیر کی گئی ویڈیو میں دیکھا جا سکتا ہے کہ ایک ٹک ٹاکر خاتون مغربی لباس زیب تن کئےدو بچیوں کے ساتھ ائیر فورس شہدا کی یاد گار کے پاس کھڑی ہے خاتون کے پیچھے ائیر فورس شہدا کو خراج تحسین پیش کرنے کا بورڈ لگا ہوا ہے-

    جب کہ وہاں پر خاتون پنجاب گانے پر ڈانس کر رہی ہیں جو صارفین کو ایک آنکھ نہیں بھایا صارفین خاتون کی اس حرکت اور وہاں پر موجود سیکیورٹی پر شدید غم و غصے کا اظہار کر رہے ہیں-

    ویڈیو شئیر کرتے ہوئے کیپشن میں لکھا کہ کتنی شرم کی بات ہے،ایسی بدنامی ،اتنی بے عزتی ،ایئرفورس والو تھورا تو دھیان دیا کرو …. !!میرے پاس کہنے کو الفاظ نہیں ہیں

    مہوش نامی کاتون نے کہا کہ لوگوں کو مرنا بھول گیا ہے خضر نامی‌صارف نے لکھا کہ پتہ نہیں کیوں پاکستانی عوام جاہل پن پر اتر آئی ہے حد ہوتی ہے بے غیرتی کی . ایک خاتون صارف نے لکھا کہ اس طرح کی حساس جگہوں پرایسی فنی ویڈیوز بنانے پر پابندی لگنی چاہیئےایک صارف نے لکھا جب کوئی آپ کو گھاس نہیں ڈالتا تب ایسی جگہوں پر پہنچ کر اپنی پبلسٹی کرتی ہیں بہت ہوا یہ جان کر اور دیکھ کر-

    ایک صارف نے سوال اٹھایا کہ یہ خاتون وہاں تک پہنچی کیسے اس نے وہاں یہ سب شروع کیسے کیا یہاں تو جگہ جھہ گارڈز ہوتے ہیں یہ یقیناُ اجازت سے ہوا ہے اور جب یہ ہو رہا تھا تب کسی کو نظر نہیں آیا اب شہدا کی یادگاروں پر بھی یہ حرکتیں ہوں گی-

    ایک صارف نے شدید ردعمل دیتے ہوئے کہا جب تمہارا باپ مرے گا تب بھی اس کی قبر پر جا کر میوزک لگا کر ڈانس کرنا بے شرم عورت-ایک صارف نے لکھا جگہ کا ہی لحاظ کر لیتی جبکہ بعض صارفین نےاس کے خلاف سخت ایکشن لینے کا مطالبہ کیا-

  • بھارتی ٹی وی کی مسلمان سینئیر اداکارہ شدید مالی مشکلات کا شکار، ساتھی فنکاروں سے مدد کی درخواست

    بھارتی ٹی وی کی مسلمان سینئیر اداکارہ شدید مالی مشکلات کا شکار، ساتھی فنکاروں سے مدد کی درخواست

    بھارتی ٹی وی کی سینئر اداکارہ شگفتہ علی کام نہ ہونے کی وجہ سے مالی مشکلات کا شکار ہو گئیں انہوں نے ساتھی فنکاروں سے مدد کی درخواست کی ہے۔

    باغی ٹی وی :بھارتی میڈیا کے مطابق 54 سالہ اداکارہ شگفتہ علی ان دنوں سخت مالی مشکلات کا شکار ہیں اس کے علاوہ وہ صحت کے مسائل سے بھی دوچار ہیں جس کی وجہ سے ان کی زندگی بہت مشکل ہوگئی ہے۔

    اداکارہ شگفتہ علی نے بتایا کہ گزشتہ 4 برسوں سے انہیں انڈسٹری میں بہت کم مل رہا ہے اور جو بھی کام انہیں ملا وہ عملی شکل تک نہیں پہنچ پایا۔

    اداکارہ شگفتہ علی نے بتایا میں نے شوبز انڈسٹری میں کام کا آغاز 17 سال کی عمر سے کیا تھا، آج میری عمر 54 برس ہے اور اس پورے عرصے میں گزشتہ 4 برس میری زندگی کے سب سے بدتر سال رہے ہیں۔

    اداکارہ نے کہاکہ کسی نے میری مدد نہیں کی اور نہ ہی کسی کو یہ معلوم ہے کہ میں کتنی زیادہ مالی مشکلات کا شکار ہوں یہاں تک کہ زندگی گزارنے کے لیے مجھے اپنے استعمال کی بہت ساری چیزیں بیچنی پڑیں۔

    اداکارہ شگفتہ علی نے بتایا کہ انہوں نے مالی مشکلات کے پیش نظر اپنی کار اور زیور بیچ دئیے یہاں تک کہ وہ ڈاکٹر کے پاس بھی آٹو رکشہ میں جاتی ہیں یہ سب ان کے لیے بہت تکلیف دہ ہے کیونکہ وہ ہمیشہ سے ایک سیلف میڈ شخصیت رہی ہیں۔

    انہوں نے بتایا جب وہ انڈسٹری میں آئی تھیں انہیں کسی کی سپورٹ نہیں تھی۔ انہوں نے جو بھی کام کیا اپنی محنت سے حاصل کیا۔ تاہم اب وہ مشکل دور سے گزرر ہی ہیں۔

    اداکارہ شگفتہ علی نے درخواست کرتے ہوئے کہا انہیں مالی مدد اور زندگی کو آگے بڑھانے کے لیے کام کی ضرورت ہے کیونکہ اب ان کے پاس بیچنے کے لیے بھی کچھ نہیں بچا۔

  • اریج فاطمہ کا ایوارڈز شو میں پاکستانی اداکاراؤں کے مغربی لباس پر رد عمل

    اریج فاطمہ کا ایوارڈز شو میں پاکستانی اداکاراؤں کے مغربی لباس پر رد عمل

    لاہور کے مقامی ہوٹل میں حال ہی میں ہونے والے ایوارڈز شو میں پاکستانی اداکارائیں مغربی طرز کے لباس کے انتخاب پر تنقید کی زد میں ہیں۔

    باغی ٹی وی : یوارڈز شو کی تقریب میں اداکارہ علیزے شاہ، سونیا حسین، مایاعلی، عائشہ عمر، آئمہ بیگ، ماڈل فہمین انصاری، مشال خان اور امر خان سمیت متعدد ماڈلز اور اداکاراؤں کے مختصر لباس پر سوشل میڈیا پر شدید تنقید کی گئی۔

    یہاں تک کہ ٹوئٹر پر ’’ہم اسٹائل ایوارڈز‘‘ اور علیزے شاہ کے نام گزشتہ دو روز سے ٹاپ ٹرینڈنگ میں ہیں۔ اور لوگ مختصر لباس پہن کر ایوارڈ شو میں شرکت کرنے والی اداکاراؤں کو نہ صرف تنقید کانشانہ بنارہے ہیں بلکہ ان پر بننے والی مزاحیہ میمز بھی سوشل میڈیا پر گردش کررہی ہیں۔

    وشل میڈیا پر اداکاراؤں کے انتخاب سے جہاں ان کے مداح سخت ناراض ہیں وہیں کچھ فنکاروں نے بھی اس تنقید میں حصہ لیا ہے اور کھل کر اظہارِ خیال کیا تاہم اب معروف اداکارہ و ماڈل اریج فاطمہ کی جانب سے پاکستانی اداکاراؤں کے مغربی لباس پر سخت ردّعمل دیا گیا ہے۔

    اریج فاطمہ نے سوشل میڈیا ویب سائٹ انسٹاگرام پر خصوصی پوسٹ شیئر کی ہے جس میں اداکارہ نے ایوارڈز شو میں پاکستانی اداکاراؤں کے مغربی لباس پر اپنے خیالات کا اظہار کرتے ہوئے کہا کہ میں امریکا میں پیدا ہوئی اور تقریباََ 35 سالوں سے زائد عرصے سے یہاں اپنے والدین کے ساتھ رہ رہی ہوں۔

    اریج فاطمہ نے کہا کہ مجھے لگتا ہے کہ میں ایک ایسے ملک میں مقیم ہوں جو پاکستان سے زیادہ اسلامی ملک ہے۔

    انہوں نے اپنی پوسٹ میں مزید کہا کہ اپنی نوجوان نسل کی پرواہ کریں۔

    اریج فاطمہ نے اپنی پوسٹ کے کیپشن میں لکھا کہ ہوشیار لوگ پتہ لگائیں گے کہ میں نے کن لوگوں کو ہدایت کی ہے۔

  • اداکارہ ایمن سلیم نے شوبز کو خیر باد کہہ دیا

    اداکارہ ایمن سلیم نے شوبز کو خیر باد کہہ دیا

    پاکستان شوبز انڈسٹری کی ابھرتی ہوئی نوجوان اداکارہ ایمن سلیم نے شوبز کی دنیا کو خیرباد کہہ دیا۔

    باغی ٹی وی : اس ضمن میں ایمن سلیم نے انسٹاگرام اکاؤنٹ پر ایک خصوصی اسٹوری شئیر کی اوراپنے اس فیصلے سےمداحوں کو آگاہ کیا-

    ایمن نے اپنی انسٹاگرام اسٹوری میں لکھا کہ کہ دل کی گہرائیوں سے یہ آپ لوگوں سے شیئر کرنا چاہتی ہوں کہ میں اب مزید اداکاری نہیں کروں گی۔

    ایمن سلیم نے لکھا کہ ان کے لیے شوبز انڈسٹری کی بہت عزت و اہمیت ہے اور وہ انڈسٹری کے ساتھ رابطے میں رہیں گی۔

    اداکارہ کا کہنا تھا کہ وہ سوشل میڈیا کے ذریعے اپنے مداحوں کو مستقبل کے بارے میں آگاہ کرتی رہیں گی۔

    تاہم ایمن سلیم نے اپنے ڈیبیو ڈرامے میں بے حد مقبولیت کے بعد اچانک اداکاری سے کنارہ کشی کے فیصلے کی کوئی وجہ نہیں بتائی۔

    خیال رہے کہ پاکستان کے سابق کرکٹر سلیم یوسف کی صاحبزادی اور رشتے میں پاکستان کی سابق پاپ گلوکارہ نازیہ حسن کی بھانجی، ایمن سلیم نے رواں برس اداکاری کے میدان میں قدم رکھا تھا۔

    اداکارہ ایمن سلیم نے نجی چینل ہم ٹی وی پر رمضان اسپیشل ڈرامے ’چپکے چپکے’ سے ڈیبیو کیا تھا جو مداحوں میں بہت زیادہ مقبول بھی ہوا رواں برس اپریل اور مئی کے مہینے میں نشر ہونے والے اس ڈرامے میں ایمن سلیم نے رمیشا عرف مشی نامی لڑکی کا کردار ادا کیا تھا۔

    علاوہ ازیں عید کے بعد دونوں اداکاروں نے کپڑوں کے معروف برانڈ سو کمال کا ایک ایڈ بھی کیا تھا اور بعدازاں ایمن سلیم، عاصم جوفا سمیت مختلف برانڈز کی ماڈلنگ کرتی ہوئی بھی نظر آئی تھیں۔

    ایمن سلیم کا بھارتی اداکارہ اور کرکٹر ورات کوہلی کی اہلیہ انوشکا شرما سے بھی موازنہ کیا جاتا رہا اور دونوں کو ہم شکل قرار دیا گیا۔

  • گووندا اور روینہ ٹنڈن کی بڑی اسکرین پر واپسی

    گووندا اور روینہ ٹنڈن کی بڑی اسکرین پر واپسی

    بالی ووڈ میں نوے کی دہائی کی مقبول ترین جوڑی گووندا اور روینہ ٹنڈن مداحوں کو ایک بار پھر بڑے پردے پرنظر آئیں گے-

    باغی ٹی وی : بھارتی میڈٰا کے مطابق نوے کی دہائی میں بالی ووڈ کو اداکار گووندا نے اداکارہ روینہ ٹنڈن کے ساتھ مل کر انڈسٹری کے متعدد سپرہٹ فلمیں دیں جن میں دلہے راجا، بڑے میاں چھوٹے میاں، آنٹی نمبر ون، راجا جی،اکھیوں سے گولی مارے اور اناڑی نمبر ون جیسی فلمیں شامل ہیں۔

    بھارتی میڈیا میں خبریں گردش میں ہیں کہ ماضی کی یہ کامیاب ترین جوڑی ایک بار پھر بڑے پردے پر ایک ساتھ جلوہ گر ہونے کی تیاری کررہی ہے جس کا اعلان اداکارہ روینہ ٹنڈن نے سماجی رابطے کی ویب سائٹ کے ذریعے کیا تاہم انہوں نے فلم کی تفصیلات شیئر نہیں کیں۔

    داکارہ نے فوٹوشیئرنگ ایپ انسٹا گرام پر اداکار گوندا کے ہمراہ ایک سیلفی شیئر کی اور کیپشن میں انہوں نے لکھا ’’دی گرینڈ ری یونین‘‘۔ انہوں نے مزید لکھا کہ ہم بڑے پردے پر کام کرنے کے لیے دوبارہ ایک ساتھ ہیں۔

    روینہ ٹنڈن نے اپنی پوسٹ میں خود ہی سوالات کرکے مداحوں کا انتظار مزید بڑھادیا۔ اداکارہ نے لکھا، ’’کب؟ کہاں؟، کیسے؟ ۔۔۔ ’’جلد آرہا ہے‘‘۔