بالی ووڈ اداکار سلمان خان کی فلم ’رادھے‘ میں ان کی بہن کا کردار ادا کرنے والی اداکارہ نینسی جین نے سوشل میڈیا پر فلم کے وہ لمحات شئیر کئے جو فلم سے حذف کر گئے تھے-
باغی ٹی وی : بھارتی میڈیا کے مطابق سلمان خان کی فلم ’’رادھے، یورموسٹ وانٹڈ بھائی‘‘ میں ان کی بہن کا کردار ادا کرنے والی اداکارہ نے سوشل میڈیا پر ایسی تصاویر شیئر کردیں جنہیں مداح فلم میں نہیں دیکھ سکتے کیوںکہ شوٹنگ کے دوران ان سین کو حذف کردیا گیا تھا۔
نینسی جین نے اپنے انسٹا گرام اکاونٹ پر تین تصاویر شیئر کیں۔ اداکارہ نے پہلی تصویر شیئر کی جس میں فلم میں ان کے ساتھ سلمان خان اور والدین کا رول ادا کرنے والے زرینہ وہاب اور وریندرا سکسینہ موجود ہیں۔
اس تصویر کے بارے میں نینسی جین نے لکھا کہ یہ میری پسندیدہ تصویر ہے جس نے میرے دل میں ایک خاص مقام حاصل کرلیا، یہ وہ تصور ہے جہاں سے سب شروع ہوا اور مجھے بے پناہ محبت ملنے لگی، میں نے زندگی میں کبھی سوچا بھی نہیں تھا کہ مجھے زندگی میں اس قدر خوشی نصیب ہوگی، مجھے امید ہے خدا مجھے اور مواقع فراہم کرے گا، میں اس قدر پیار اور تعاون ملنے پر بےحد خوش ہوں۔‘‘
نینسی جین نے ایک اور تصویر اپ لوڈ کی اور کیپشن میں لکھا ’’ایک لڑکی بھولی بھالی سی” ۔
اداکارہ نے تیسری تصویر شیئر کرتے ہوئے لکھا کہ ’’راہ میں ان سے ملاقات ہوگئی جبکہ ایک اور تصویر شئیر کرتے ہوئے نینسی نے لکھا کہ ،،تم ملے دل کھلے،،-
شائقین نے کمنٹس سیکشن میں محبت کا اظہار کیا ، کچھ نے اداکار حذف شدہ مناظر سے مزید تصاویر شائع کرنے کی درخواست بھی کی۔ ایک شخص نے لکھا ،کہ آہستہ آہستہ یہاں حذف ہونے والے سارے سین یہاں شئیر کر دیں-
پاکستان شوبز انڈسٹری کی معروف اداکار جوڑی بلال قریشی اور عروسہ بلال کے ہاں دوسرے بیٹے کی پیدا ئش ہوئی ہے ۔
باغی ٹی وی : ویڈیو اینڈ فوٹوشیئرنگ ایپ انسٹاگرام پر اداکار بلال قریشی نے اپنے نومو لود بیٹےکے ہمراہ تصویر شیئرکرتے مداحوں کو اس خوشخبری سے آگاہ کیا۔
اداکار نے اپنی تصویر کے کیپشن میں قرآنی آیت : اور تم اپنے رب کی کون کون سی نعمت جھٹلاؤ گے ، شیئر کرتے ہوئے اللہ کا شکر ادا کیا اور لکھا کہ ان کے دوسرے بیٹے کا نام رومان ہے ۔
بلال قریشی کی اس پوسٹ پر فنکاروں سمیت مداحوں کی جانب سے مبارکباد کا سلسلہ جاری ہے-
خیال رہے کہ اداکار جوڑی نے فروری 2015میں شادی کی تھی اداکار جوڑی کا ایک بیٹا اور بھی ہے جس کا نام محمد سوہان ہے-
ترکی کی مقبول ڈراما سیریل ارطغرل غازی کے اردو ورژن میں حلیمہ سلطان کا وائس اوور کرنے والی آرٹسٹ ربیعہ راجپوت کی خواہش ہے کہ حلیمہ سلطان (اسرا بلجیک) خود ان کی تعریف کریں-
باغی ٹی وی : برطانوی خبر رساں ادارے انڈپینڈنٹ اردو کو دیئے گئے انٹرویو میں ربیعہ راجپوت نے بتایا کہ اکستان میں جب ارطغرل غازی اردو ترجمے کے ساتھ شروع ہوا اور پروڈکشن ہاؤس نے آڈیشن لینا شروع کیے تو مجھے بھی آفر ہوئی مگر وقت کی کمی کے باعث میں نے انکار کر دیا مگر بعد میں اس ڈراما سیریل کی نوعیت اور اہمیت کو سمجھتے ہوئے میں نے آڈیشن کے لیے ہاں کر دی۔
ربیعہ نے بتایا کہ اب تک ہم 450 اقساط کی ڈبنگ کر چکے ہیں جو ساتھ ساتھ آن ایئر بھی ہو رہی ہیں –
ربیعہ کے مطابق ان کی بڑی خواہش ہے کہ وہ حلیمہ سلطان کا کردار ادا کرنے والی اداکارہ اسرا بلجیک سے ملاقات کریں اور وہ خود میرے کام کی تعریف کریں-
ربیعہ راجپوت نے کہا ایک آرٹسٹ جب کسی کردار کا لبادہ اوڑھ لیتا ہے تو اس کے سامنے پھر اپنی ذاتی زندگی نہیں ہوتی ہے اس کردار میں ڈوب جاتا ہے تو جب میں حلیمہ سلطان کی وائس اوور کررہی ہوتی ہوں تو وہ ربیعہ راجپوت نہیں رہتی بلکہ میں حلیمہ سلطان ہوتی ہوں اور میرے سامنے جنگجو ارطغرل غازی موجود ہوتا ہے اسی کیفیت میں جب ڈرامے میں رونے کا سین آتا ہے تو اسٹوڈیو میں رو رہی ہوتی ہوں اور جب ہنسنے کا سین آتا ہے تو ہینس رہی ہوتی ہوں اور میں وہ رومانس محسوس کر سکتی ہوں –
انہوں نے بتایا کہ حالانکہ اسٹوڈیو میں ریکارڈسٹ اور میں موجود ہوتی ہوں لیکن اس کے باوجود مین اس جگہ پر موھود ہوتی ہوں یہاں پر وہ شوٹ ہو رہا تھا جہاں پر اصل میں بارہویں صدی پہلے ہوا ہو گا-
وائس اوور آرٹسٹ ربیعہ راجپوت نے بتایا کہ ان کا ڈرامے میں سب سے پسندیدہ سین دوچار سین ہیں ایک وہ ہے جب حلیمہ کے بچے کی ولادت ہوتی ہے حالانکہ میں غیر شادی شدہ ہوں لیکن میں ان احساسات کو محسوس کرتی ہوں جن کو میں نے کبھی محسوس نہیں کیا ہے –
اس کے علاوہ حال ہی میں جب چوتھے سیزن میں ارطغرل مر جاتا ہے اور ہمیں یہ دکھایا جاتا ہے کہ وہ نہیں ہے لیکن وہ دوبارہ واپس لوٹ آتا ہے میں اس وقت میں ریکارڈ نہیں کر رہی تھی اس وات ہم صرف سین دیکھ رہے تھے تاکہ اگلے سین کے لئے ہم ذ ہن سازی کر سکیں اس وقت ہم رورہے تھے ریکارڈسٹ بھی اور میں بھی تو وہ سین بھی میرے دل کے بہت قریب ہےتمام لوگوں کی اداکاری اور ڈبنگ بہت ہی بہترین ہے ۔
ربیعہ راجپوت نے بتایا میری خواہش ہے بلکہ تمام آرٹسٹوں کی خواہش ہو گی بلکہ ہونی بھی چاہیئے کہ جس کردار کو آپ نبھا رہے ہیں اس کردار کی جانب سے بھی تعریف کی جائے۔ یعنی وہ حلیمہ سلطان کے کردار کے لیے وائس اوور کرتی ہیں اس لیے ان کی خواہش ہے کہ حلیمہ سلطان (اسرا بلجیک) ان کے کام کی تعریف کریں اور ان کے کام سراہیں کہ میں نے اس آواز کو سنا ہے چاہے مجھے اردو زبان نہیں آتی لیکن می اس آرٹسٹ کی کارگردگی کو سراہتی ہوں –
اس کے علاوہ ربیعہ نے کہا کہ پاکستان اور ترکی کے ویسے بھی تعلقات بہت اچھے ہیں ہم ایک دوسرے سے بہت پیار کرتے ہیں ہم یہ بھی سوچتے ہیں کہ اگر کوویڈ نہ ہوتا تو ارطغرل غازی کے بہت سے کردار پاکستان آ چکے ہوتے اور کافی آ بھی چکے ہیں اور ہم بھی شاید ایک گروپ بنا کر وہاں جائیں اورترکی بھی دیکھیں اور جن کرداروں نے ڈرامے میں حصہ لیا اور جن جن کے کرداروں کو ہم نے نبھایا ان سے ملاقات کریں اور اگر اسرا بلجیک سے ملاقات ہو جائے تو بڑا خوش آئند ہوگا اور ہم سب کی ملاقات ہو اور اس آرٹسٹ کی جانب سے کام کو سراہا جائے تو بہت اچھا لگے گا-
بالی ووڈ کے معروف پروڈیوسر ریان اسٹیفن عا لمگیر وبا کورونا کے باعث انتقال کر گئے-
باغی ٹی وی : بھارتی میڈیا کے مطابق ریان اسٹیفن کورونا وائرس کا شکار ہوگئے تھے اور گزشتہ دو ہفتوں سےگووا کے ایک اسپتال میں زیرعلاج تھے اور کورونا سے جنگ لڑتے ہوئے ہفتے کے روز گووا میں انتقال کر گئے-
بالی ووڈ اداکاروں عالیہ بھٹ ،کیارہ ایڈوانی اور ورون دھون سمیت دیگر فنکاروں نے ریان کی موت پر افسوس کا اظہار کیا ہے۔
بھارتی میڈیا کے مطابق پروڈیوسر ریان اسٹیفن گزشتہ 2 دہائیوں سے بالی ووڈ سے منسلک تھے وہ الیکٹرک ایپلز انٹرٹینمنٹ پروڈکشن ہاؤس کے شریک بانی تھے۔
انہوں نے ایک فلم میگزین کے لیے بطور کلب رپورٹر اپنے کیریئر کا آغاز کیا تھا بعد ازاں انہوں نے مختلف پبلیکیشنز اور فلم کنسلٹنٹ کے طور پر بھی کام کیا تھا۔
ریان نے فلم ’’اندو کی جوانی‘‘ پروڈیوس کی تھی اس کے علاوہ انہوں نے شارٹ فلم ’’دیوی‘‘ بھی پروڈیوس کی تھی جس میں اداکارہ کاجول، نیہا دھوپیا اور شروتی ہاسن نے کام کیا تھا۔
علاوہ ازیں وہ مختلف ٹی چینلز ایم ٹی وی، زوم ٹی وی، زی اور نائن ایکس ایم کے ساتھ بھی منسلک رہے تھے-
پاکستان ٹی وی انڈسٹری کی ہر دلعزیز ماڈل و اداکارہ سارہ خان کا کہنا ہے کہ اُن کے والد کا انتقال کورونا وائرس کے باعث ہوا تھا۔
باغی ٹی وی : سارہ خان نے ایک نجی ٹی وی چینل کے مارننگ شو میں میزبان سے گفتگو کرتے ہوئے بتایا کہ میرے والد کورونا وائرس کا شکار ہوئے تھے اور صرف پانچ دن کے اندر اُن کا انتقال ہوگیا تھا۔
اداکارہ نے کہا تھا کہ جب میرے والد کا کورونا ٹیسٹ مثبت آیا تو گھر کے تمام افراد نے بھی اپنے ٹیسٹ کروائے تھے جس کے نتیجے میں فلک اور مجھ سمیت میرے بھائی بہن کا بھی کورونا ٹیسٹ مثبت آیا تھا-
سارہ خان نے کہا کہ ہماری قوتِ مدافعت مضبوط تھی جس کی وجہ سے ہم کورونا وائرس سے صحتیاب ہوگئے تھے لیکن چونکہ والد کی عُمر 70 سال سے زائد تھی تو وہ کورونا کو شکست نہ دے سکے اور انتقال کرگئے۔
سارہ خان نے کہا کہ ہم سب لوگوں کو کورونا وائرس کی الگ الگ علامات ظاہر ہوئی تھیں کسی کو بخار تھا تو کسی کو نزلہ زکام۔
اداکارہ نے خود کے بارے میں بتایا کہ ’کورونا وائرس کے دوران مجھے شدید سر درد ہوتا تھا جو برداشت کرنا بہت مشکل تھا جبکہ میرے بھائی کو کورونا وائرس کی کوئی علامت ظاہر نہیں ہوئی تھیں۔
واضح رہے کہ گزشتہ سال دسمبر میں سارہ خان کے والد کا انتقال ہوا تھا-
بھارتی تامل فلم انڈسٹری کے ایک اور سینئر اداکار و پروڈیوسر وینکٹ صوبہا کورونا وبا کے باعث انتقال کر گئے-
باغی ٹی وی :بھارتی میڈیا کے مطابق گزشتہ دنوں سینئر اداکار وینکٹ صوبہا کا کورونا وائرس ٹیسٹ مثبت آگیا تھا جس کے بعد اُنہیں چنئی کے ایک مقامی اسپتال منتقل کردیا گیا تھا جہاں اُن کا علاج جاری تھا۔
رپورٹس کے مطابق اسپتال میں داخل ہونے کے باوجود بھی اداکار وینکت کی طبیعت میں بہتری نہ آسکی اور کورونا وبا کے باعث گزشتہ روز انتقال کر گئے-
اداکار وینکٹ صوبہا کی موت پر بھارتی فلم انڈسٹری کے معروف اداکاروں اور فلمسازوں کی جانب سے شدید دُکھ کا اظہار کیا جارہا ہے۔
واضح رہے کہ سینئر اداکار وینکٹ صوبہا نے بھارت کی متعدد کامیاب فلموں میں اداکاری نکے ساتھ کئی فلموں کے پروڈیوسر بھی رہ چکے ہیں۔
بھارتی اداکار سلمان خان اور کمال آر خان کے مابین کشیدگی ،گلوکار میکا سنگھ سلمان خان کی حمایت میں سامنے آگئے۔
باغی ٹی وی : بھارتی میڈیا کے مطابق معروف بھارتی گلوکار میکا سنگھ نے فلمی ناقد کمال آر خان المعروف ’کے آر کے‘ کے خلاف گیت بنانے کا فیصلہ کیا ہے۔
بھارتیہ میڈیا کے مطابق میکا سنگھ نے کہا ہے کہ وہ کمال خان کے خلاف گانا گائیں گے۔میکا سنگھ نے کمال آر خان مخالف گانا بنانے کا فیصلہ سلمان خان کی فلم رادھے پر ان کی جانب سے منفی تجزیہ کرنے پر کیا ہے۔
میکا سنگھ کا کہنا تھا کہ میرا گیت کمال آر خان کو رادھے فلم کا منفی ریویو دینے پر کرارا جواب ثابت ہوگا۔
بھارتی گلوکار نے کہا کہ سلمان خان کو پہلے ہی کمال آر خان کے خلاف مقدمہ درج کرا دینا چاہیے تھا، کے آر کے سستی شہرت حاصل کرنے کےلیے ایسے ہتھکنڈے استعمال کرتے ہیں، انہوں نے ذاتی حملے کیے اور خاندان کے افراد کو نشانہ بنایا، یہ غلط ہے-
میکا سنگھ بے کہا کہ کے آر کے جیسے چاہیں اور جو چاہیں کہہ دیتے ہیں اور پوری انٹرٹینمنٹ انڈسٹری خاموش رہتی ہے، انہیں جواب دینے کی ضرورت ہے۔
خیال رہے کہ کمال آر خان کی جانب سے فلم پر منفی تجزیہ کرنے پر سلمان خان نے ان کے خلاف ہتک عزت کا مقدمہ درج کر رکھا ہے-
واضح رہے کہ بالی ووڈ اداکار سلمان خان کی جانب سے بھارتی فلموں کے تجزیہ نگار اور اداکار کمال آر خان المعروف ’کے آر کے‘ کے خلاف ہتک عزت کا مقدمہ درج کروایا گیا ہے جس پر کمال آر خان نے دعویٰ کیا ہے کہ سلمان خان کو فلم ’رادھے‘ پر میرے تجزیے نے بہت متاثر کیا اس لیے انہوں نے میرے خلاف مقدمہ درج کروایا۔
دوسری جانب سلمان خان کی ٹیم نے دعویٰ کیا ہے کہ تجزیہ نگار کمال آر خان کے خلاف مقدمہ فلم ’رادھے‘ کے تجزیے پر نہیں کیا گیا بلکہ انہوں نے اپنی متعدد ٹوئٹس میں سلمان خان کی این جی او ’BeingHuman‘ پر بے بنیاد الزامات عائد کرنے کے ساتھ ساتھ سلمان خان پر بھی کرپشن کے الزامات عائد کیے ہیں جس بنا پر ان کے خلاف مقدمہ درج کروایا گیا ہے-
اس سے قبل کے آر کے نے متعدد ٹوئٹس میں سلمان خان سے مقدمہ واپس لینے کی اپیل کی اس دوران انہوں نے سلمان خان سے جان چھڑانے کے لیے ان کے والد سلیم خان سے بھی متعدد مانگی اور یہ وعدہ کیا کہ وہ آج کے بعد سلمان خان کی کسی فلم پر اپنا تجزیہ پیش نہیں کریں گے –
تاہم اپنی کوشش میں ناکامی کے بعد کے آر کے نے پینترا بدل دیا اور اب وہ دھمکیوں پر اتر آئے ہیں۔
حال ہی میں طبیعت ناسازی کی وجہ سے اسپتال میں داخل ہونے والی اداکارہ مایا علی کی طبیعت پہلے سے بہتر ہونے لگی۔
باغی ٹی وی :اس ضمن میں مایا علی نے اپنے ویڈیو اینڈ فوٹو شئیرنگ ایپ انسٹاگرام پر اپنی تصویریں شیئر کی ہیں جن میں اُنہوں نے پیلے رنگ کا خوبصورت جوڑا زیب تن کیا ہوا ہے۔
مایا علی نے تصویر کے کیپشن میں لکھا کہ ’مدّت ہوئی کہ آپ نے دیکھا نہیں مجھے، مدّت کے بعد آپ سے دیکھا نہ جائے گا۔‘
اداکارہ نے اپنی طبیعت کے حوالے سے لکھا کہ ’الحمد اللّٰہ! میں اب پہلے سے بہت بہتر ہوں۔‘
اُنہوں نے اپنے تمام مداحوں کا شکریہ ادا کرتے ہوئے لکھا کہ ’دُعاؤں، محبت اور خواہشات کے لیے آپ سب کا شکریہ۔‘
واضح رہے کہ حال ہی میں مایا علی کی طبیعت شدید ناساز ہوگئی تھی جس کے بعد انہیں اسپتال میں داخل کروادیا گیا تھا۔
شوبز انڈسٹری کے معروف اداکار سید جبران نے عمران عباس کی یوٹیوب پر شادی کی افواہوں پر دلچسپ ردعمل دیا ہے-
باغی ٹی وی : سید جبران نے عمران عباس کی پوسٹ پر کمنٹ کرتے ہوئے کہا کہ علیزے، صبور، اُشنا اور عروہ، چار ہوگئیں، میرا خیال سے آپ کا شرعی کوٹہ پورا ہوگیا ہے۔
واضح رہے کہ اداکار عمران عباس یوٹیوبرز کی جانب سے ریٹنگ اور ویڈیو دِکھانے کے نئے طریقے آزمانے کیلئے اپنی چوتھی شادی کروانے والوں پر برہم دکھائی دیے۔
فیس بک پر جاری پیغام میں اداکار نے برہمی کا اظہار کرتے ہوئے لکھا کہ ‘علیزے، صبور اور اشنا کے بعد اب عروہ حسین ، یا یہ سمجھتے ہیں کہ مجھے کوئی اور کام نہیں ہے، جنوری 2021 سے اب تک میری چوتھی شادی کروادی ہے انہوں نے-
نہوں نے پوچھا ’یار ان بلاگرز کو کوئی اور کام نہیں ہے کیا؟ یا یہ سمجھتے ہیں مجھے شادیوں کے علاوہ کوئی اور کام نہیں ہے؟ لوگوں کی توجہ حاصل کرنے کیلئے ایسے ہتھکنڈے استعمال کرنے والوں کیخلاف کیا ہم کوئی ایکشن نہیں لے سکتے؟ کسی خاتون اداکارہ کا ساتھی اداکار یا دوست کے ساتھ یوں نام جوڑنا انتہائی شرمناک ہے۔
انہوں نے مداحوں سے درخواست کی تھی کہ وہ ایسے تمام یوٹیوب چینلز کو ان سبسکرائب کریں، بلاگر اور سوشل میڈیا پیجز کو فالو کرنا ترک کریں تاکہ یہ لوگ بھی مزہ چکھ سکیں۔
دوسری جانب اداکارہ اشنا شاہ نے عمران عباس کی پوسٹ کا اسکرین شاٹ اپنی انسٹاگرام اسٹوری پر شیئر کیا اور لکھا کہ ‘کبھی کبھی ہم ایسی باتوں پر ہنستے ہیں لیکن یہ ہمیشہ مزاحیہ نہیں ہوتا’۔یہ خبریں ہماری فیملی کے واٹس ایپ گروپ میں آتی ہیں جو کافی پریشان کن اور مصیبت میں ڈال دینے والی ہوتی ہیں، آپ لوگ کیا یہ سب روک نہیں سکتے؟-
پاکستان شوبز انڈسٹری کی خوبرو اور باصلاحیت اداکارہ عائزہ خان نے کہا ہے کہ شوبز میں اداکار ہمایوں سعید کی جگہ کوئی نہیں لے سکتا ہے۔
باغی ٹی وی : حال ہی میں عائزہ خان نے اپنے تصدیق شدہ انسٹاگرام اکاؤنٹ پر ایک خصوصی اسٹوری شیئر کی عائزہ خان نے اپنی انسٹا اسٹوری میں ہمایوں سعید کے ماضی کے مقبول ترین ڈرامہ سیریل ’تُم ہی تو ہو‘ کا ایک مختصر ویڈیو کلپ مداحوں کے ساتھ شیئر کیا۔
اداکارہ نے ویڈیو کلپ شیئر کرتے ہوئے کیپشن میں لکھا کہ شوبز انڈسٹری میں ہمایوں سعید کی جگہ کوئی اداکار نہیں لے سکتا ہے۔
اُنہوں نے یہ بھی لکھا کہ ہمایوں سعید کو خُدا کی طرف سے اداکاری کا ٹیلنٹ ملا ہے اور وہ پیدائشی اداکار ہیں۔
واضح رہے کہ عائزہ خان اور ہمایوں سعید نے گزشتہ سال 2020 کے سُپر ہٹ ڈرامہ سیریل ’میرے پاس تُم ہو‘ میں ایک ساتھ کام کیا تھا جس میں ہمایوں سعید نے دانش کا مقبول ترین کردار ادا کیا تھا۔
