پاکستانی معروف اداکارہ انوشے عباسی کا مختصر لباس میں فوٹوشوٹ سوشل میڈیا پر وائرل ہو رہا ہے جس پر انہیں شدید تنقید کا سامنا ہے-

باغی ٹی وی : ڈراماسیریل ’’رقص بسمل‘‘ کی سکینہ اور اداکارہ انوشے عباسی پر سوشل میڈیا پر شدید تنقید کی جارہی ہے گزشتہ روز انوشے عباسی کی مختصر لباس میں فوٹوشوٹ کی تصاویر سوشل میڈیا پر وائرل ہوئیں جس پر سوشل میڈیا صارفین غصے میں آ گئے-

انوشے عباسی پاکستان کے مقبول ترین ڈرامے ’’رقص بسمل‘‘ میں ایک مذہبی گھرانے سے تعلق رکھنے والی باپردہ لڑکی کا کردار ادا کررہی ہیں اور آج کل یہی ڈراما ان کی وجہ شہرت بنا ہوا ہے۔

لہذا لوگوں کے ذہنوں میں مذہبی گھرانے کی بہو سکینہ کی شبیہ بنی ہوئی ہے اور لوگ انوشے کے فوٹوشوٹ کا موازنہ ان کے ڈرامے کے کردار سے کرتے ہوئے ان پر تنقید کررہے ہیں –

صائمہ یاسین نامی خاتون نے لکھا کہ ایک طرف تو انوشے ڈرامے میں پیر قدرت اللہ شاہ کی اکلوتی بہو ، موسی شاہ کی بہن اور عیسی شاہ کی بیوی کے حالات چیک کرو ذرا ایک صارف نے کہا شرم کرو اسلامی ملک کا نہیں تو مسلمان ہونے کا ہی لحاظ رکھ لو-

علی حمزہ نامی صارف نے لکھا کہ باربی ڈول نہیں لعنتی ڈول لگ رہی ہیں ایک صارف نے لکھا شکر ہے یہ پیاری نہیں اگر پیاری ہوتی تو کیا اندھیر ڈالتی ایک خاتون نے لکھا یہ بھی اتار دیتی شرم تو رہی نہیں پاکستانی اداکاراؤں میں کسی صارف نےاستغفراللہ کہا تو کسی نے لعنت دی اور کسی نے کہا کیا یہ ریاست مدینہ ہے کسی صارف نے ان کے لئے ہدایت کی دعا کی-

کسی صارف نے کہا کہ ہم کس طرف کجا رہے ہیں جبکہ ایک صارف نے کہا کہ یہ ہمارا کلچر نہیں ہے-

دوسری جانب انوشے نے بھی اس فوٹو شوٹ کی ایک تصویر اپنے انسٹاگرام پر شئیر کی اور لکھا کہ آپ کی باربی نہیں ہوں-

انوشے کی پوسٹ پر کچھ مداحوں نے انہیں تنقید کے لئے الرٹ رہنے کا مشورہ دیا کسی نے کمنٹ سیکشن بند کرنےنکا مشورہ دیا کسی نے کہا کہ اب لعنتوں کا سلسلہ شروع ہونے جا رہا ہے-جس کے جواب میں انوشے نے بھی ہنستے ہوئے ردعمل دیا-

ایک صارف نے کہا کہ آج تو آپ پاکستان کی سب سے بُری عورت ہونے والی ہیں جس پر انوشے نے کہا بالکل ٹھیک کہا آپ نے-

اداکارہ حرامانی نے فوٹو شوٹ کی تعریف کرتے ہوئے انوشے کو اپنی باربی قرار دے دیا-

واضح رہے کہ انوشے عباسی نے چند روز قبل بھی جم کی کٹ میں تصاویر شیئر کی تھیں جس پر انہیں تنقید کا نشانہ بنایا گیا تھا-

انوشے عباسی کو سوشل میڈیا پر سخت تنقید کا سامنا

لالی ووڈ اداکارہ رانی کو دنیا سے رخصت ہوئے 28 برس ہو گئے-

باغی ٹی وی : اداکارہ رانی 8 دسمبر 1946ء کو ملک محمد شفیع اور اقبال بیگم کے گھر لاہور میں پیداہوئیں رانی کا اصل نام ناصرہ تھا،ہدایتکار انور کمال پاشانے ناصرہ کو ’رانی‘ کے نام سے 1962ء میں اپنی فلم ’محبوب‘ میں متعارف کرایا۔

اداکارہ رانی کو بھی پہلے پہل ناکامی کا منہ کئی بار دیکھنا پڑا یکے بعد دیگرے ان کی 10 فلمیں بری طرح ناکام ہوئیں مگروحید مراد ان کے لیے خوش قسمت ثابت ہوئے اور 1967ء میں ہدایتکار حسن طارق کی فلم ’دیور بھابی‘ کی کامیابی کے بعد رانی کی قسمت کا ستارہ چمک اٹھا۔

اس فلم کا گیت ’اے رات بتا کیا ان سے کہے‘ بہت مقبول ہوا۔ اس سے اگلے سال ہی ان کی ایک اور سپر ہٹ فلم ’بہن بھائی‘ ریلیز ہوئی جو سپرہٹ ثابت ہوئی، اس کے گیت جیسے ’ہیلو ہیلو مسٹر عبد الغنی‘ نے تو مقبولیت کے تمام ریکارڈ توڑ دیئے تھے۔

تاہم رانی کو شہرت کی بلندیوں پر پہنچانے والی فلم ’انجمن‘ تھی جو 1970ءمیں ریلیز ہوئی اس فلم کے تمام گیت انتہائی معروف ہوئے بعد ازاں ان کی فلم ’تہذیب‘ ریلیز ہوئی اور ان کی زندگی کی سب سے ہٹ فلم ’امراؤ جان‘ ادا تھی اس فلم کے گیتوں نے بھی تہلکہ مچایا-

اس کے بعد رانی نے یکے بعد دیگرے کئی سُپرہٹ فلمیں کیں جن میں ’ایک گناہ اور سہی‘، ’بہارو پھول برساؤ‘، ’ناگ منی‘ اور ’ثریا بھوپالی‘ وغیرہ قابل ذکر ہیں۔

اردو کے ساتھ ساتھ رانی نے پنجابی فلموں میں بھی نمایاں کامیابی حاصل کی۔ جن میں ’چن مکھناں‘ سب سے نمایاں تھی، جس کا گیت ’چن میرے مکھناں‘ آج تک مقبول ہے۔

رانی نے پاکستانی فلم انڈسٹر ی پر طویل عرصہ تک تنہا راج کیا، انھوں نے وحیدمراد ، محمد علی، شاہد، ندیم، رنگیلا، منور ظریف سمیت کئی اداکاروں کے ساتھ بطور ہیروئن کام کیا-

اداکارہ رانی نے تین شادیاں کیں انہوں نے پہلی شادی نوجوان ڈائریکٹر حسن طارق سے کی جس سے ان کی ایک بیٹی رابعہ ہے تاہم بعد ازاں کچھ وجوہات کی بنا پر ان کی طلاق ہو گئی دوسری شادی انہوں نے فلم پروڈیوسر میاں جاوید قمر سے کی انہوں نے رانی کو کینسر تشخیص ہونے کے بعد طلاق دے دی-

جس کے بعد اداکارہ لند ن علاج کے لئے گئیں وہاں دوران علاج ان کی ملاقات مشہور کرکٹر سرفراز نواز سے ہوئی اور انہوں نے شادی کر لی لیکن ان کا بھی رشتہ زیادہ دیر نہیں چل سکا اور دونوں میں علیحدگی ہو گئی-

لیکن ازدواجی زندگی کے سکون سے محروم رہیں جس کا انہیں ہمیشہ افسوس رہا رانی کو کینسر جیسا جان لیوا مرض لاحق تھا،جس کے باعث وہ27 مئی 1993 کو 46 برس کی عمر میں کراچی میں انتقال کر گئیں۔

پاکستان شوبز انڈسٹری کے معروف اداکار و میزبان یاسر حسین نے پاکستانی سیاستدانوں کو اداکار قرار دیا-

باغی ٹی وی : گزشتہ روز یاسر حسین نے سماجی رابطے کی ویب سائٹ انسٹاگرام پر سوال و جواب کا ایک سیشن رکھا جس میں اُنہوں نے مداحوں کے مختلف سوالات کے جواب دیے۔

سوال و جواب کے سیشن کے دوران ایک مداح نے یاسر حسین سے پوچھا کہ ’اُنہیں بھارت کی کونسی اداکارہ یا اداکار پسند ہیں؟‘

یاسر حسین نے مداح کے سوال کا جواب دیتے ہوئے بتایا کہ ’اُنہیں بالی ووڈ کی آنجہانی اداکارہ سری دیوی پسند ہیں۔‘

ایک مداح نے پوچھا کہ ’اُنہیں پاکستان کا کونسا اداکار پسند ہے؟‘

مداح کے سوال کا دلچسپ جواب دیتے ہوئے یاسر حسین نے کہا کہ ’پاکستان کے میرے پسندیدہ اداکار ہمارے سیاستدان ہیں۔‘

اسی دوران ایک مداح نے یاسر حسین سے پوچھا کہ ’اُنہوں نے اپنے ہاتھ کی سرجری کیوں کروائی تھی؟‘

مداح کے سوال کے جواب میں یاسر حسین نے بتایا کہ ’اُن کے ہاتھ میں فریکچر ہوگیا تھا۔‘

اسی دوران ایک اور مداح نے یاسر حسین سے پوچھا کہ ’اُن کے ہاتھ کے ساتھ کیسے حادثہ پیش آیا تھا؟سقاتھ ہی صارف نے تعریف کرتے ہوئے کہا کہ آپ کا اور اقرا کے کپل کیوٹ ہے ماشاءاللہ-

یاسر حسین نے بتایا کہ ’موٹر بائیک سے اُنہیں حادثہ پیش آیا جس کی وجہ سے اُن کے ہاتھ میں فریکچر ہوا اور پھر مجبوراََ اُنہیں سرجری کروانی پڑی۔‘

یاد رہے کہ گزشتہ دنوں یاسر حسین نے اپنے سوشل میڈیا پیغام کے ذریعے مداحوں کو بتایا تھا کہ اُنہوں نے اپنے ہاتھ کی سرجری کروائی ہے تاہم یاسر حسین نے یہ نہیں بتایا تھا کہ اُنہوں نے کس وجہ سے اپنے ہاتھ کی سرجری کروائی-

جرمن وی لاگر کرسٹن بیٹزمین نے سابقہ منگیتر زویا ناصر کے لئے نیک خواہشات کا اظہار کیا اور کہا کہ کہ اپنی محبت کو چھوڑنا دنیا کا مشکل ترین کام ہے۔

باغی ٹی وی : کرسٹن بیٹز مین نے انسٹاگرام پر زویا ناصر کے ہمراہ لی گئیں تصاویر شئیر کیں اور کیپشن میں کہا کہ یہ ہماری ایک ساتھ پہلی اور آخری پوسٹ ہے، میں نے آپ کے ساتھ گزشتہ ڈیڑھ برس حیرت انگیز طور پر بہترین گزارا ہے کہ میں اسے اپنی زندگی میں کبھی نہیں بُھلا پاؤں گا۔

کرسٹن نے لکھا کہ بدقسمتی سے ہم دونوں زندگی کے بارے میں مختلف نظریات رکھتے ہیں اور ایک مختلف مستقبل چاہتے ہیں۔

انہوں نے زویا کی آنے والی زندگی کے حوالے سے نیک خواہشات کا بھی اظہار کیا۔

جرمن وی لاگر نے یہ بھی لکھا کہ آپ نے ایک ساتھ اور دو الگ افراد کی حیثیت سے آگے بڑھتے ہوئے جس محبت سے نوازا اس کا شکرگزار ہوں۔

علاوہ ازیں کرسٹن نے سوشل میڈیا ویب سائٹ انسٹاگرام پر شیئر کی گئی اپنی ایک اسٹوری میں لکھا کہ کسی ایسی کو چھوڑنا جس سے آپ بے حد محبت کرتے ہوں، دنیا کا مشکل ترین کام ہے۔

انہوں نے کہا کہ ’یہ آپ کی فیملی میں موجود کوئی شخص، آپ کا بہترین دوست یا آپ کا پارٹنر بھی ہوسکتا ہے۔‘

جرمن وی لاگر نے لکھا کہ آپ اپنی اس بہترین محبت کو پانے کے لیے اپنا بہترین ہی دے سکتے ہیں لیکن اس وقت کیا کرسکتے ہیں کہ جب مستقبل ہی آپ کا ساتھ نہ دے تو سمجھوتوں کا بھی کوئی فائدہ نہیں۔

کرسٹن نے یہ بھی لکھا کہ ’اپنے خوابوں کے پیچھے بھاگنا کبھی نہ چھوڑیں، خود پر یقین رکھیں اور کبھی بھی کم پر سمجھوتہ نہ کریں دنیا میں سب کچھ عارضی ہے، دُکھ بھی لیکن زندگی خوبصورت بھی تو ہے۔،

واضح رہے کہ زویا نے کرسٹن سے منگنی توڑنے کا اعلان کرتے ہوئے سوشل میڈیا پوسٹ میں کہا تھا کہ کرسٹن بیٹزمین کا میرے مذہب، میرے ملک اور میری ثقافت سے متعلق رائے تبدیل ہوگئی ہے جس کی وجہ سے مجھے یہ دشوار فیصلہ کرنا پڑ رہا ہے۔

انہوں نے کہا تھا کہ میں بہت ہی دکھ کے ساتھ یہ اعلان کر رہی ہوں کہ میرا اور کرسٹن بیٹزمین کا اب مزید کوئی تعلق نہیں ہے۔

زویا ناصر نے کرسٹن بیٹزمین کی اسرائیل کی حمایت اور پاکستان سے نفرت کے اظہار پر منگنی توڑ دی

زویا نے مجھے نہیں میں نے خود زویا کو چھوڑا ہے کرسٹن بیٹزمین

پاکستان کی نمبر ون ٹک ٹاک اسٹار جنت مرزا کا کہنا ہے کہ ٹک ٹاک سے اموات کی ٹی وی چینلز پر چلائی جانے والی خبریں جھوٹ ہوتی ہیں-

باغی ٹی وی : جنت مرزا کا جیو نیوز کے میزبان سہیل وڑائچ کو دیئے گئے ایک انٹرویو کا ویڈیو کلپ سوشل میڈیا پر وائرل ہو رہا ہے جس میں جنت مرزا ٹک ٹاک ایپ کے بارے میں بات کرتی دکھائی دے رہیں ہیں-

ویڈیو میں جنت مرزا نے کہا کہ ٹک ٹاک کی ایس او پیز ہیں جن کے تحت آپ ویڈیو میں پستول نہیں دکھا سکتے ایسی ویڈیو ڈیلیٹ کر دی جاتی ہیں-

ٹاک ٹاک اسٹار کا کہنا تھا کہ ہم اصل پستول کی جگہ ہاتھ کی انگلیوں سے پستول کی طرح اشارہ کرلیتے ہیں، تو یہ سب کہ جان کا چلے جانا، ٹرین کے نیچے آکے مرجانا یہ سب جھوٹ اور بے بنیاد ہے کیونکہ وہ شخص ایس او پیز کے مطابق ایسی ویڈیوز پوسٹ کر ہی نہیں سکتا۔

جنت کے اس بیان پر مداحوں کی اکثریت نے ان کے بیان کو درست قرار دیا جب کہ کچھ لوگوں نے اپنے واقعات شیئر کرتے ہوئے انہیں مضحکہ خیز ٹھہرایا۔

دوسری جانب ویڈیو شیئرنگ ایپ ٹک ٹاک پر پابندی لگنے سے متعلق پوچھے جانے والے سوال کے جواب میں انہوں نے کہا کہ میں اس کے حق میں نہیں ہوں کیونکہ اس پلیٹ فارم پر بہت سے لوگوں کو اپنا ٹیلنٹ دکھانے کا موقع ملا اور بہت سے بے روزگار لوگوں کا گھر اس سے چلتا ہے اور لوگ اس سے پیسے کماتے ہیں –

جنت مرزا نے مثال دیتے ہوئے کہ کہ ایک روڈ پر ہر طرح کی گاڑیاں چلتی ہیں اتنی زیادہ ٹریفک ہوتی ہے جس پر کوئی یکسیڈنٹ ہو تا ہے تو آپ اس ایکسیڈنٹ کی وجہ دیکھتے ہیں نا کہ ایکسیڈنٹ ہونے کی صورت میں روڈ بند کر دیئے جائیں گے-

جنت مرزا، ہانیہ عامر اور احد مرزا سے متعلق قومی کرکٹ ٹیم کے دلچسپ تبصرے، مداح قہقہے لگانے پر مجبور

جنت مرزا سے منگنی کی افواہوں پر عمر بٹ بھی بول پڑے