شوبز انڈسٹری کی معروف اداکارہ و ماڈل ایمن خان سے مشابہت رکھنے والی ٹک ٹاک اسٹار مناہل حمید کے سوشل میڈیا پر خوب چرچے ہورہے ہیں۔

باغی ٹی وی : فوٹو اینڈ ویڈیو شیئرنگ ایپ انسٹاگرام پر ایک شوبز پیچ کی جانب سے ٹک ٹاک اسٹار مناہل حمید کی کچھ تصویریں شیئر کی گئیں جن میں اُنہوں نے اپنے نومولود بھانجے کو گود میں لیا ہوا ہے۔

تصویریں شیئر کرتے ہوئے کیپشن میں لکھا گیا کہ ’یہ لڑکی اداکارہ ایمن خان لگ رہی ہیں لیکن یہ ایمن خان نہیں بلکہ اُن سے مشابہت رکھنے والی ٹک ٹاک اسٹار مناہل حمید ہیں۔‘

پوسٹ پر سوشل میڈیا صارفین کی بڑی تعداد نے اس بات پر اتفاق کیا کہ مناہل حمید اور ایمن خان آپس میں کافی مشابہت رکھتی ہیں۔

دوسری جانب مناہل حمید کے انسٹاگرام اکاؤنٹ شئیر کی گئیں تصاویر میں بھی صارفین تبصرے کرتے ہوئے اُنہیں ایمن خان کی ہمشکل کہتے نظر آتے ہیں-

مناہل حمید کی ایک تصویر پر کمنٹ کرتے ہوئے صارف نے لکھا کہ ’آپ اس تصویر میں ایمن خان لگ رہی ہیں۔‘

ایک صارف نے لکھا کہ ’آپ تو ایمن خان کی کاپی ہو۔‘

ان کے علاوہ بھی دیگر صارفین نے یہی کہا کہ مناہل حمید اداکارہ ایمن خان کی ہمشکل لگتی ہیں۔

مناہل حمید کے ٹک ٹاک اکاؤنٹ کی بات کریں تو اُنہیں ایک اعشاریہ 5 ملین یعنی 15 لاکھ صارفین نے فالو کیا ہوا ہے۔

منشا پاشا اور بھارتی اداکارہ سارہ علی خان کی مشابہت کے چرچے

رمشا خان نے بھارتی اداکارہ انوشکا شرما کا انداز اپنا لیا

پاکستانی اداکارہ ایمن سلیم کے انوشکا شرما کے ساتھ مشابہت کے چرچے

لالی ووڈ کی معروف اداکارہ میرا نے بھی مختصر ویڈیو شیئرنگ ایپ ٹک ٹاک جوائن کرلی ہے-

باغی ٹی وی : میرا جی نے ٹک ٹاک پر لیجنڈری اداکار عرفان خان کی فلم ’لائف آف پائی‘ کے ڈائیلاگ پر اپنی ایک ویڈیو شیئر کی جس میں انہوں نے کالی ساڑھی زیب تن کر رکھی ہے۔

ویڈیو میں عرفان خان کہتے ہیں کہ میں سمجھتا ہوں کہ آخر میں سب کچھ جانے دینے کا نام ہی زندگی ہے، سب سے زیادہ تکلیف تب ہوتی ہے جب آپ کو الوداع کہنے کا وقت نہیں ملتا۔

انہوں نے ٹک ٹاک پر اپنی ویڈیو شیئر کرتے ہوئے ’خدا حافظ‘ لکھا۔

دوسری جانب اداکارہ نے اپنی یہ ویڈیو انسٹاگرام پر بھی شیئر کی کیپشن میں مداحوں سے کہا کہ وہ بتائیں یہ خوبصورت ڈائیلاگ کس نے لکھا ہے-

جس پر مداح عرفان خان کا نام لکھتے ہوئے میرا جی کی ویڈیو پر پسندیدگی کا اظہار کررہے ہیں۔

خیال رہے کہ میرا ٹک ٹاک پر اکثر و بیشتر اپنی ویڈیوز شیئر کرتی رہتی ہیں جو دوسرے سوشل میڈیا پلیٹ فارمز پر بھی وائرل ہوتی ہیں-

پاکستان شوبز انڈسٹری کے عالمی شہرت یافتہ اداکار عمران عباس نے مسلسل شادی کی خبروں پر شدید برہمی کا اظہار کیا ہے-

باغی ٹی وی : عمران عباس نے اپنی شادی کی خبروں سے تنگ آکر فیس بک پر طویل کیپشن کے ساتھ پوسٹ شیئر کی جس میں انہوں نے شدید ناراضی کا اظہار کیا۔

عمران عباس گزشتہ چند ماہ سے سوشل میڈیا پر شادی کے حوالے سے پھیلائی جانے والی جھوٹی خبروں کی زد میں ہیں یوٹیوبرز لوگوں کی توجہ حاصل کرنے کیلئے آئے دن ان کی شادی کسی نا کسی ساتھی اداکارہ کے ساتھ کرواکر جعلی تصاویر وائرل کررہے ہیں۔

اشنا شاہ اور عمران عباس نے اپنی شادی کے اسکینڈل کو مزید مذاق بنا دیا

یوٹیوب پر ویڈیوز بنانے والوں نے عمران عباس کی علیزے شاہ، صبور علی اور اُشنا شاہ کے ساتھ شادی کی افواہیں پھیلائی تھیں جس کی انہیں وضاحت دینا پڑی جب کہ اب عمران عباس کو یوٹیوبرز کی جانب سے عروہ حسین کے ساتھ منسلک کردیا گیا ہے۔

فیس بک پر جاری پیغام میں اداکار نے برہمی کا اظہار کرتے ہوئے لکھا کہ ‘علیزے، صبور اور اشنا کے بعد اب عروہ حسین ، یا یہ سمجھتے ہیں کہ مجھے کوئی اور کام نہیں ہے، جنوری 2021 سے اب تک میری چوتھی شادی کروادی ہے انہوں نے-

انہوں نے پوچھا ’یار ان بلاگرز کو کوئی اور کام نہیں ہے کیا؟ یا یہ سمجھتے ہیں مجھے شادیوں کے علاوہ کوئی اور کام نہیں ہے؟

اداکار نےمزید پوچھا کہ لوگوں کی توجہ حاصل کرنے کیلئے ایسے ہتھکنڈے استعمال کرنے والوں کیخلاف کیا ہم کوئی ایکشن نہیں لے سکتے؟

عمران عباس نے لکھا کہ کسی خاتون اداکارہ کا ساتھی اداکار یا دوست کے ساتھ یوں نام جوڑنا انتہائی شرمناک ہے۔

انہوں نے مداحوں سے درخواست کی کہ وہ ایسے تمام یوٹیوب چینلز کو ان سبسکرائب کریں، بلاگر اور سوشل میڈیا پیجز کو فالو کرنا ترک کریں تاکہ یہ لوگ بھی مزہ چکھ سکیں۔

دوسری جانب اداکارہ اشنا شاہ نے عمران عباس کی پوسٹ کا اسکرین شاٹ اپنی انسٹاگرام اسٹوری پر شیئر کیا اور لکھا کہ ‘کبھی کبھی ہم ایسی باتوں پر ہنستے ہیں لیکن یہ ہمیشہ مزاحیہ نہیں ہوتا’۔

اشنا نے کہا یہ خبریں ہماری فیملی کے واٹس ایپ گروپ میں آتی ہیں جو کافی پریشان کن اور مصیبت میں ڈال دینے والی ہوتی ہیں، آپ لوگ کیا یہ سب روک نہیں سکتے؟-

اشنا شاہ اور عمران عباس نے شادی کر لی ؟

شوبز انڈسٹری کی معروف اداکارہ مایا علی کی طبیعت شدید ناساز ہوگئی ہے جس کے بعد انہیں اسپتال میں داخل کروادیا گیا ہے۔

باغی ٹی وی : مایا علی کی اسپتال کے بیڈ سے مریضوں کا نیلے رنگ کا لباس زیب تن کیے اور ماسک پہنے ایک مایا علی کی قریبی دوست اور معروف ڈیزائنر فائزہ ثقلین کی جانب سے شیئر کی گئی ہے-

انسٹاگرام اسٹوری پر فائزہ ثقلین نے مایا کی تصویر شئیر کی مگر ناسازیِ طبیعت کے حوالے سے کچھ نہیں بتایا-

تاہم فائزہ ثقلین نے مایا کی جلد صحت یابی کی دعا کی۔

دوسری جانب اداکارہ مایا علی کی جانب سے طبیعت ناسازی کے حوالے سے اپنے انسٹاگرام پر تاحال کوئی پوسٹ شیئر نہیں کی گئی۔

مایا علی اپنی ہی اداکاری کی ویڈیو دیکھ کررو پڑیں

زندگی ایک بار ملتی ہیں اسے بھر پور طریقے سے جینا چاہیئے مایا علی

مایا علی کی کرکٹ کھیلتے ہوئے ویڈیو وائرل

ٹک ٹاک کی ایک اور معروف جوڑی ایم جے احسن اور ڈاکٹر مدیحہ خان رشتہ ازدواج میں منسلک ہوگئے۔

باغی ٹی وی :تفصیلات کے مطابق ویڈیو شیئرنگ ایپ ٹک ٹاک پر تین ملین سے زیادہ فالوورز رکھنے والی ڈاکٹر مدیحہ خان نے اپنے قریبی دوست اور ٹک ٹاک پر 2.6 ملین فالوورز کے ساتھ دلچسپ انداز میں اداکاری کرنے والے محمد احسن شفقت سے گزشتہ روز نکاح کیا۔

ٹک ٹاک اسٹار ڈاکٹر مدیحہ خان نے اپنے آفیشل انسٹاگرام اکاؤنٹ پر اپنے نکاح کی تصویر شیئر کی جس میں وہ سفید رنگ کے خوبصورت عروسی لباس میں ملبوس ہیں جبکہ اُن کے شوہر احسن نے بھی اہلیہ کے لباس کے رنگ سے ملتی جلتی شیروانی پہنی ہوئی ہے۔

مدیحہ نے تصویر کے کیپشن میں لکھا کہ ’الحمداللّہ! میں اب مسز احسن بن گئی ہوں۔ساتھ ہی اپنے نکاح کے دن کی تاریخ بھی درج کی اور ساتھ ہی لکھا کہ ’تصویر پر سب ماشاءاللّہ کہیں۔

دوسری جانب ٹک ٹاکر محمد احسن شفقت نے بھی اپنے انسٹاگرام اکاؤنٹ پر اپنے اور مدیحہ کے نکاح کے خاص دن کی تصویر شیئر کی جس میں اُن کی دُلہن گھونگھٹ ڈالے بیٹھی ہیں اور احسن محبت بھری نظروں سے اُنہیں دیکھ رہے ہیں۔

احسن نے اپنی پوسٹ کے کیپشن میں حضرت محمد ﷺ کی حدیث لکھتے ہوئے ’الحمداللّہ‘ لکھا۔

نکاح کی تقریب میں ٹک ٹاک جوڑی ذوالقرنین اور کنول آفتاب سمیت ربیکا خان و دیگرٹک ٹاک اسٹارز نے بھی شرکت کی۔

اس سے قبل ڈاکٹر مدیحہ نے اپنے انسٹاگرام اکاؤنٹ پر ڈھولکی کی دلکش ویڈیوز بھی مداحوں کے ساتھ شیئر کیں جس میں انہوں نے پیلے رنگ کا جوڑا پہن رکھا ہے۔

دونوں کے مداح اور قریبی ساتھی ان کیلئے مبارکبادیں اور نیک خواہشات کا اظہارکررہے ہیں۔