پاکستانی اداکارہ اور ماڈل نادیہ حسین نے کہا ہے کہ ہر یہودی فلسطین مخالف نہیں ہے یہودیت اور یہودی لوگ اہل کتاب ہیں لہذا یہودی مصنوعات کا بائیکاٹ کرنے کا کوئی مطلب نہیں ہے –

باغی ٹی وی : اداکارہ نادیہ حسین، ماہرہ خان اور شہریار منور سمیت متعدد شوبز اسٹارز گزشتہ روز فلسطین کے حق میں نکلنے والی ریلی میں شریک ہوئے اور اپنا احتجاج ریکارڈ کروایا۔ ریلی میں نادیہ حسین سے ایک بلاگر نے سوال پوچھا کیا آپ یہودی اسرائیلی مصنوعات کا بائیکاٹ کریں گی؟

اس سوال کے جواب میں نادیہ حسین نے جواب دیا دیکھیں اسرائیلی مصنوعات کا ضرور بائیکاٹ کریں لیکن یہودی مصنوعات کا بائیکاٹ کرنے کا کوئی مطلب نہیں کیونکہ ہر یہودی فلسطین مخالف نہیں ہے یہودیت اور یہودی لوگ اہل کتاب ہیں لہذا یہودی مصنوعات کا بائیکاٹ کرنے کا کوئی مطلب نہیں ہے دراصل ہمیں اسرائیلی مصنوعات کا بائیکاٹ کرنا ہےاور اسرائیلی ایجنڈے کے خلاف جانا ہے۔

نادیہ حسین نے مثال دیتے ہوئے کہا یہ وہی چیز ہے جیسے ہر مسلمان القاعدہ کا دہشت گرد ہے ایسا تھوڑی ہے اسی طرح ہر یہودی اسرائیلی نہیں ہے اور ہر یہودی صیہونی بھی نہیں یہی بنیادی پیغام ہے جو میں دینا چاہتی ہوں۔

بعد ازاں نادیہ حسین نے اس ویڈیو کو اپنے انسٹاگرام اکاؤنٹ پر شیئرکیا اور کیپشن میں اپنی بات کو مزید واضح کرتے ہوئے لکھا یہ ایسا ہے جیسے ہر عرب مسلم ہے یا ہم یوں کہیں جیسے ہر یہودی اسرائیلی ہے اور ہر یہودی صیہونی اور فلسطین مخالف ہے۔

نادیہ حسین نے لکھا اگر ہم ہر یہودی مصنوعات کا بائیکاٹ کرنا چاہتے ہیں تو پہلے اپنا فیس بک، انسٹا اور واٹس ایپ ڈیلیٹ کریں۔ اس کے علاوہ گوگل بھی ڈیلیٹ کریں اور اپنا آئی فون پھینک دیں۔

یہودی مصنوعات کو بائیکاٹ کرنے کا مطلب ہے ہزاروں لوگوں کی بے روزگاری کیونکہ کتنے پاکستانی مکڈونلڈ ، نیسلے ،کوکا کولا ، ڈنکن ڈونٹ میں کام ک ر رہے ہیں-

انہوں نے مزید لکھا کہ اور پھر شاید ہمیں بھی تمام امریکی مصنوعات کا بائیکاٹ کرنے کی ضرورت ہے کیونکہ انہوں نے حال ہی میں اسرائیلی فوجی امداد کے لئے 3.8 بلین ڈالر کی فنڈز فراہم کی ہیں اس بارے میں کیا؟؟؟.

نادیہ حسین نے لکھا کہ ’اسرائیلی مصنوعات کا بائیکاٹ کریں‘۔ اور اس فرق کو سمجھنے کی کوشش کریں۔ اپنی پوسٹ میں نادیہ حسین نے ’’فلسطین کی آزادی‘‘ اور ’’بائیکاٹ اسرائیل‘‘ کے ہیش ٹیگز بھی استعمال کیے۔

حالات کیوجہ سے فلسطین کیساتھ اظہارِ یکجہتی کیلئے مارچ میں نہیں جاسکا یاسر حسین

گلوکار و اداکار فخرِ عالم نے دبئی میں پارسل ڈیلیوری کرنے والے کی موٹر سائیکل پر پاکستان کا جھنڈا دیکھ کر خوشی کا اظہار کیا ہے-

باغی ٹی وی : فخر عالم نے سماجی رابطے کی ویب سائٹ ٹوئٹر پر اس پارسل ڈیلیوری کرنے والے اس شخص کے موٹر سائیکل کی تصویر شیئر کی جس میں سبز ہلالی پرچم واضح تھا۔

It always makes me smile whenever I see our Pakistani flag….and I have so much love & respect for these hard working overseas Pakistanis who leave their homes, families behind to earn an honest wage in foreign lands & always display their love for our beautiful Pakistan. pic.twitter.com/ptmJ1nWfPx

— Fakhr-e-Alam S.I & S.E (@falamb3) May 18, 2021

فخرِ عالم نے لکھا کہ باہر ملکوں میں ایسی جگہ اپنے پرچم دیکھ کر میرے چہرے پر خوشی سے مسکراہٹ آ جاتی ہے-

انہوں نے لکھا کہ بیرونِ ملک مقیم محنت کرنے والے پاکستانیوں کی محنت دیکھ کر اُن پر پیار آجاتا ہے جو اپنے اہلِ خانہ سے دور یہاں ایمانداری سے روزی کمانے میں مصروف ہیں۔

فخر عالم نے لکھا کہ یہی محنتی لوگ دوسرے ممالک میں پیارے وطن پاکستان سے محبت کا اظہار بھی مختلف و منفرد انداز سے کرتے ہیں۔

ڈرامہ انڈسٹری کی ابھرتی ہوئی نوجوان اداکارہ کومل عزیز خان نے فیصل ایدھی کا مدد کے لئے فلسطین جانے کے فیصلے پر خوشی کا اظہار کیا ہے-

باغی ٹی وی : سماجی کارکن فیصل ایدھی نے فلسطین جانے کا فیصلہ کیا تھا، تاکہ وہاں اسرائیلی بمباری سے متاثرہ افراد کی امداد کی جاسکے اس حوالے سے فیصل ایدھی نے ویزے کی درخواست جمع کرادی اور اس حوالے سے فیصل ایدھی کا کہنا تھاکہ ایدھی فاؤنڈیشن کے تحت فلسطین میں امدادی کارروائیوں میں حصہ لینا چاہتے ہیں-

انہوں نے کہا کہ بیٹے سعد ایدھی سمیت ہم 5 افراد فلسطین جارہے ہیں اور اس حوالے سے اسلام آباد میں ایدھی فاؤنڈیشن کے نمائندوں کی فلسطینی سفیر سے ملاقات ہوئی ہے-

فیصل ایدھی کے اس فیصلے سے کومل عزیز خان بھی متاثر ہوئیں جس کا اظہار انھوں نے انسٹاگرام پر اسٹوری میں کیا۔

انھوں نے ایک اسکرین شاٹ اسٹوری پر لگایا جس میں فیصل ایدھی کے فیصلے سے متعلق خبر کے ساتھ تحریر تھا کہ ’انسانیت مخصوص نہیں ہوسکتی، ایدھی صاحب اکیلے ہی یہ پوری دنیا کو سکھائیں گے۔‘

خیال رہے کہ فیصل ایدھی نے فلسطین کے لیے ویزا کی درخواست بھی دے دی ہے۔

دوسری جانب معروف اداکارہ رابعہ بٹ نے بھی فلسطینیوں کی مدد کیلئے جانے کا فیصلہ کرنے والے سماجی کارکن فیصل ایدھی کے ساتھ فلسطین جانے کی خواہش کا اظہار کیا تھا-

انہوں نے سوشل میڈیا سائٹ انسٹاگرام پر شیئر کی جانے والی ایک اسٹوری میں کہا کہ کاش وہ بھی فیصل ایدھی کے ساتھ فلسطین جا سکتیں-

اداکارہ نے لکھا تھا کہ وہ آج سوچ رہی تھیں کہ فلسطین کے ویزہ کیلئے درخواست دیں تاکہ وہاں جا کر اپنے مسلمان بہن بھائیوں کی مدد کرسکیں۔

رابعہ بٹ نے مداحوں سے بھی اس حوالے سے مدد مانگی کہ اگر وہ اس تناظر میں ان کی کوئی مدد کرسکیں۔

اسرائیل کے حق میں ٹوئٹ: عائشہ عمر نے گال گدوت کی کلاس لے لی

فلسطین میں جنگ نہیں نسل کشی اور ظلم ہے کبریٰ خان

چند سال قبل سوشل میڈیا پر دھوم مچانے والے ’ارشد چائے والا‘ کے نام سے مشہور نوجوان نے اکتوبر 2020 میں ارشد خان ’چائے والا‘ نے اسلام آباد میں اپنا کیفے بنایا تھا تاہم اب اس کے حوالے سے یہ خبریں گردش کررہی ہیں کہ وہ برطانیہ میں اپنا کیفے کھولنے کا ارادہ رکھتے ہیں۔

باغی ٹی وی : اکتوبر 2020 میں ارشد خان ’چائے والا‘ نے اسلام آباد میں اپنا کیفے بنالیا ہے جس کا نام انہوں نے کیفے چائے والا رکھا ہے تاہم اب میڈیا رپورٹس کے مطابق رواں برس کے اختتام سے قبل ہی وہ برطانیہ میں اپنا کیفے کھول لیں گے-

انہوں نے اپنا کیفے 10 اکتوبر سے اسلام آباد کے ڈی چوک پر بلند مرکز کی جانب کھولا، کیفے چائے والا، روف ٹاپ کیفے ہے۔

ارشد خان کے ماڈرن طرز کے کیفے کی تھیم ’ٹرک آرٹ‘ پر مبنی ہے اور کیفے میں شوخ رنگوں کا انتخاب کیا گیا ہے جبکہ کیفے کے انٹیرئیر ڈیزائن میں پاکستانی ثقافت صاف نمایاں ہے۔

اس حوالے سے ارشد خان کا کہنا تھا کہ انہوں نے اسلام آباد میں خود کا چائے کیفے کھولا ہے جس کا نام ’کیفے چائے والا‘ ہے۔

ارشد خان کا کہنا تھا کہ مجھے بہت خوشی ہورہی ہے کہ میں نے اپنا ایک کیفے قائم کیا ہے، میرا ارادہ ہے کہ میں اس کیفے کی چینز یا برانچز پورے پاکستان میں کھولوں۔

پاکستانی اداکارہ سونیا حسین نے کہا کہ انہوں نے فلم ’’ٹچ بٹن‘‘ میں 2 سال پہلے کام کیا لیکن اب تک اس کے پیسے نہیں ملے۔

باغی ٹی وی :حال ہی میں اداکارہ سونیا حسین اور قومی کرکٹر شعیب ملک نجی ٹی وی چینل پر احسن خان کے شو ’ٹائم آؤٹ ود احسن خان‘ میں شریک ہوئے جہاں سونیا نے پاکستان شوبز انڈسٹری میں فنکاروں کو پیش آنے والی مشکلات کے بارے میں بتایا۔

شو کے دوران گیم کھیلتے ہوئے احسن خان نے سونیا حسین سے شوبز انڈسٹری سے متعلق ایک راز بتانے کے لیے کہا۔

سونیا حسین نے راز بتاتے ہوئے کہا کہ انہیں فلم ’’ٹچ بٹن‘‘ میں کام کیے ہوئے دو سال ہوچکے ہیں لیکن ابھی انہیں چیک نہیں ملا۔

سونیا حسین کی بات سن کر احسن خان اور شعیب ملک چونک کر رہ گئے بعدا زاں شعیب ملک نے مزاحیہ انداز میں کہا یہ راز نہیں بلکہ چیک لینے کی سازش ہے۔

احسن خان نے سونیا حسین سے چیک نہ ملنے کی وجہ پوچھی تو سونیا نے کہا مجھے نہیں معلوم کہ مجھے چیک کیوں نہیں ملا جس پر احسن خان نے کہا یہ لڑکی سب کچھ بول دیتی ہے۔

واضح رہے کہ فلم’’ٹچ بٹن‘‘ اداکارہ عروہ حسین کا پروجیکٹ ہے اور وہ اس فلم سے بطور پروڈیوسر فلم انڈسٹری میں قدم رکھ رہی ہیں۔ فلم میں سونیا حسین کے علاوہ اداکار فرحان سعید، فیروز خان اور ایمان علی بھی مرکزی کرداروں میں نظر آئیں گے۔ فلم کی ریلیز کورونا وبا کے باعث رکی ہوئی ہے۔

شوبز انڈسٹری کی خوبرو اداکارہ ایمن خان نے اپنی بہن منال خان اور اُن کے منگیتر احسن محسن پر تنقید کرنے والے سوشل میڈیا صارفین کو کرارا جواب دے دیا۔

باغی ٹی وی : گزشتہ روز منال خان اور اداکار احسن محسن نے بات پکّی ہونے کی اطلاع دی جس کی تصویریں دونوں اداکاروں نے اپنے سوشل میڈیا اکاؤنٹس پر شیئر کیں۔

منال خان اور احسن محسن کی تصویروں پر جہاں اُنہیں منگنی کی مبارکباد دی گئی تو وہیں کچھ صارفین نے شوبز انڈسٹری کی اس نئی جوڑی پر تنقید بھی کی-

صارفین کی تنقید پر منال خان اور احسن محسن تو خاموش رہے تاہم ایمن خان خاموش نہ رہیں کرار جواب دے کر تنقید کرنے والوں کے منہ بند کر دیئے-

ایمن خان نے صارفین کو جواب دیتے ہوئے کہا کہ آپ سب اپنا منہ بند رکھیں اور تنقید کرنے کے بجائے منال اور احسن کو اُن کی نئی زندگی کے لیے مبارکباد اور دُعائیں دیں۔

اُنہوں نے کہا کہ خوشی کے موقع پر منفیت پھیلانا بند کریں۔

دوسری جانب ایمن خان نے جوڑی کے ساتھ اپنی تصویر شئیر کرتے ہوئے مبارکباد دی اور احسن محسن کو مخاطب کرتے ہوئے لکھا کہ میری بہن کا خیال رکھنا-

خیال رہے کہ شوبز انڈسٹری کی معروف جوڑی منال خان اور احسن محسن نے اپنی بات پکی ہونے کا اعلان کردیا ہے منال اور احسن کی انسٹاگرام پوسٹس پر شوبز ستاروں اور مداحوں کی جانب سے اُنہیں منگنی کی مبارکباد دی گئی-

منال خان اور احسن محسن اکرام کی منگنی ہوگئی