بہت جلد ننھے مہمان کی والدہ بننے والی معروف اداکارہ اقرا عزیز نے اپنی گود بھرائی کی رسم کی خوبصورت ویڈیو مداحوں کے ساتھ شیئر کردی۔

باغی ٹی وی : ویڈیو شیئر کرتے ہوئے اقرا عزیز نے اپنے جذبات کا اظہار ’لال دل‘ والی ایموجی کا استعمال کرتے ہوئے کیا۔

خیال رہے کہ پاکستان شوبز انڈسٹری کی مقبول جوڑی اقراء عزیز اور یاسر حسین نے اعلان کیا ہے کہ ان کے ہاں رواں برس جولائی میں پہلے بچے کی آمد متوقع ہے۔

گود بھرائی کی تقریب سے متعلق ایک اور خاص چیز اقراء عزیز کا گودبھرائی کی تقریب میں پہنا جانے والا دوپٹہ تھا جسے خوبصورت کام دار پھولوں اور اردو اسکرپٹ کے ساتھ تیار کیا گیا 100 خاص پیغامات سے مزین منفرد اور خوبصورت دوپٹہ ڈیزائنر فہد حسین کا تیار کردہ ہے۔

ڈیزائنر حسین نے اس حوالے سے ایک نجی خبر رساں ادارے سے گفتگو کرتے ہوئے بتایا تھا کہ جب اقرا اُن کے پاس اپنی گود بھرائی کے دوپٹے اور لباس کی ڈیزائننگ کے لیے آئیں تو اُنہیں یہ دیکھ کر بہت خوشی محسوس ہوئی کہ اقرا نے اپنی زندگی کے خاص موقع پر مغربی طرز کے بجائے ہماری روایتی تقریب ’گود بھرائی‘ کرنے کا فیصلہ کیا۔

ڈیزائنر نے کہا کہ اقرا چاہتی تھیں کہ ہم اُن کے لیے کچھ ایسی چیز تیار کریں جو وہ اپنے بچے کو دے سکیں لہٰذا ہم نے اُن کے لیے خاص دوپٹہ تیار کرنے کا سوچا ہم نے اقرا سے کہا آپ ہمیں 100 خصوصی پیغامات دیں جو ہم اس دوپٹے پر لکھ سکیں اور پھر اداکارہ نے یاسر اور اُن کی والدہ کی مدد سے یہ کام پورا کیا۔

ڈیزائنر نے بتایا تھا کہ اقرا کا کہنا تھا کہ اگر اُن کی بیٹی ہوئی تو وہ یہ دوپٹہ اپنی بیٹی کو دیں گی اور اگر بیٹا ہوا تو اپنی بہو کو یہ دوپٹہ دیں گی۔‘

اقرا عزیز اور یاسر حسین کے ہاں ننھے مہمان کی آمد متوقع

اقراعزیزکی گود بھرائی کے 100 خصوصی پیغامات پر مشتمل دوپٹے کے چرچے

پاکستانی ڈرامہ انڈسٹری کی معروف اداکارہ منال خان نے یاسر حسین سے اہلیہ اداکارہ اقراعزیز اور آنے والے ننھے مہمان کا صدقہ دینے کی گزارش کی ہے-

باغی ٹی وی : پاکستان شوبز انڈسٹری کی مقبول ترین جوڑی اقرا عزیز اور یاسر حسین بہت جلد والدین بننے والے ہیں جس کی اطلاع اُنہوں نے دو روز پہلے اپنے سوشل میڈیا پیغام کے ذریعے دی۔

اقرا عزیز اور یاسر حسین کی اس خوشخبر ی کے اعلان پر شوبز فنکاروں اور مداحوں کی بڑی تعداد کی جانب سے مبارکباد وں کا سلسلہ جاری ہے جبکہ اداکارہ منال خان نے یاسرکو ان کے آنے والے بچے کا صدقہ دینے کو کہا ہے۔

جس کے جواب میں اداکار یاسر حسین نے اپنے انسٹاگرام اکاؤنٹ پر منال خان کے لیے خصوصی اسٹوری شئیر کرتے ہوئے لکھا کہ منال خان پھر تو دو صدقے دینے ہوں گے ایک آپ کا اور دولہا بھائی کا بھی۔

اقراعزیزکی گود بھرائی کے 100 خصوصی پیغامات پر مشتمل دوپٹے کے چرچے

اقرا عزیز اور یاسر حسین کے ہاں ننھے مہمان کی آمد متوقع

اداکارہ نوشین شاہ نے لائیو شو کے دوران میزبان اور سیاستدان عامر لیاقت کے زیادہ اور بے تکا بولنے پر اُن کی کلاس لے لی-

باغی ٹی وی : اپنی بے تکی باتوں اور بے مقصد جملوں کا متواتر استعمال کرنے والے عامر لیاقت کو پاکستان شوبز انڈسٹری کی دو اداکاراؤں کی جانب سے اُن کے ہی شو میں چپ کروایا گیا ہے جس پر انٹرنیٹ صارفین کی جانب سے نہایت خوشی کا اظہار کیا جا رہا ہے-

گزشتہ دنوں معروف اداکارہ صبور علی کی جانب سے عامر لیاقت کے رمضان ٹرانسمیشن شو میں شرکت کر کے ترکی بہ ترکی دلچسپ جواب دے کر عامر لیاقت کو خاموش کر دیا گیا تھا جبکہ اب ایک بار پھر یہی سین نو شین شاہ کی جانب سے دُہرایا گیا ہے-

رمضان ٹرانسمینشن کی وائرل ہوتی ویڈیو مں دیکھا جا سکتا ہے کہ شو کے سیٹ پر معروف گلوکار احمد جہانزیب، میزبان عامر لیاقت اور اداکارہ نوشین شاہ موجود ہیں اور باتوں میں مصروف ہیں۔

اس دوران نوشین شاہ کے بات ختم ہونے کا انتظار کیے بغیر ہی عامر لیاقت بھی اُن کے ساتھ ہی بولے جا رہے ہیں اور مہمان نوشین شاہ کو بولنے کا موقع ہی نہیں دے رہے ہیں۔

ویڈیو میں دیکھا جا سکتا ہے کہ نوشین شاہ عامر لیاقت کی اس عادت سے تنگ آ کر انہیں خاموش ہونے کا بول رہی ہیں اور ساتھ میں کہہ رہی ہیں کہ آپ بہت بولتے ہیں کسی اور کی سنتے ہی نہیں ہیں-

واضح رہے کہ اس سے قبل اداکارہ صبور علی کی جانب سے میزبان عامر لیاقت کو لائیو ٹرانسمیشن کے دوران دیاگیا تیکھا جواب انٹرنیٹ پر خوب وائرل ہو اتھا گزشتہ دنوں صبور علی نے عامر لیاقت کے رمضان شو میں بطور مہمان شرکت کی تھی، ا س دوران صبور علی اور عامر لیاقت کے دوران ہونے والی لفظوں کی جنگ نے انٹرنیٹ صارفین کو خوب ہنسنے پر مجبور کیا

لائیو رمضان ٹرانسمیشن کے دوران صبور علی کی جانب سے عامر لیاقت کو ترکی بہ ترکی جوابات دیئے صبور علی نے حاضر دماغ اداکارہ ہونے کا ثبوت دیتے ہوئے عامر لیاقت کے بے تکے جملوں کا بھی مہارت سے سامنا کیاتھا جس پر صارفین نے صطور علی کو خوب داد دی تھی-

یکم مئی کو اداکارہ صبور عل ی کے ساتھ منگنی کرنے والے اداکار علی انصاری نے منگیتر کے لیے سوشل میڈیا پر جذباتی پیغام جاری کیا ہے-

باغی ٹی وی :اداکارعلی انصاری اور اداکارہ صبور علی نے یکم مئی کو اپنے سوشل میڈیا اکاؤنٹس پر منگنی کی تصدیق کی تھی جس کے بعد مداحوں سمیت شوبز شخصیات نے ان کی نئی زندگی کے لیے نیک خواہشات کرتے ہوئے انہیں مبارک باد پیش کی تھی۔

تاہم اب علی انصاری نے منگیتر صبور علی کے لیے سوشل میڈیا پر ایک جذباتی پیغام بھی شیئر کرتے ہوئے مداحوں کومشورہ دیا ہے کہ وہ زندگی کے خوبصورت دن اپنے پیاروںکے ساتھ گزاریں-

علی انصاری نے انسٹاگرام پر منگنی کے دوران کھچوائی گئی ایک تصویر شیئر کی مذکورہ تصویر میں دونوں منگنی کے موقع پر جذباتی دکھائی دیے اور صبور علی چہرہ نیچے کرکے آبدیدہ انداز میں دکھائی دیں۔

علی انصاری نے مذکورہ تصویر شیئر کرتے ہوئے صبور علی کے لیے جذباتی پیغام میں لکھا کہ انہیں احساس ہے کہ وہ اپنی والدہ کو بہت یاد کر رہی ہیں۔

علی انصاری نے لکھا کہ اس تصویر کی قیمت ایک ہزار الفاظ سے زیادہ ہے خوشی کے موقع پر صبور علی کی آنکھوں میں آنسو اس بات کی گواہی ہیں کہ وہ اپنی والدہ کو کتنا یاد کر رہی ہیں اور ساتھ ہی اپنے جذباتی ہونے کے حوالے سے لکھا کہ اس موقع پر انہوں نے بھی دل ہی دل میں اپنے والد کو یاد کیا۔

علی انصاری نے مزید لکھا کہ انہیں یقین ہے کہ ان کے والد اور صبور علی کی والدہ بہت ہی اچھی جگہ ہوں گے لیکن خوشی کے موقع پر ان کی یاد نے انہیں ان کی کمی کا احساس دلایا۔

ساتھ ہی اداکار نے پوسٹ میں مداحوں کو بھی مشورہ دیا کہ وہ زندگی کے خوشی اور خوبصورتی کے دن اپنے پیاروں کے ساتھ گزاریں اور اپنے پیاروں کی قدر کریں۔

علی انصاری کی تصویر پرجہاں مداحوں اور شوبز شخصیات نے کمنٹس کرتے ہوئے ان کے لیے نیک خواہشات کا اظہار کیا اور ساتھ ہی ان کے والد اور صبور علی کی والدہ کے لیے دعائیں بھی کیں وہیں صبور علی نے بھی رد عمل دیتے ہوئے لکھا کہ میری آج میرے لیے بہت خوش ہوں گی-

ساتھ ہی اداکارہ نے لکھا کہ میں بہت خوش یوں آپ جیسا ساتھی پا کر صبور علی نے کہا ہر چیز کے لئے آپ کا شکریہ-

اگرچہ دونوں نے تین دن قبل منگنی کی تصدیق کی تھی تاہم دونوں نے واضح نہیں کیا تھا کہ وہ کب تک شادی کا ارادہ رکھتے ہیں دوسری جانب شوبز کی دنیا میں چہ مگوئیاں ہیں کہ ممکنہ طور پر دونوں رواں سال کے اختتام تک رشتہ ازدواج میں بندھ جائیں گے۔

سجل علی کاعلی انصاری کو اپنی فیملی میں خوش آمدید کہنے کا خوبصورت انداز

ایک حیرت انگیز شخص کے ساتھ زندگی کا نیا سفر شروع کرنے جارہی ہوں صبور علی

سجل علی کی بہن صبور علی اور علی انصاری نے منگنی کر لی

عالمی شہرت یافتہ گلوکارعدنان سمیع اور ماضی کی معروف اداکارہ زیبا بختیار کے بیٹے اذان سمیع اب گلوکاری کے بعد اداکاری کے میدان میں بھی ڈیبیو کرنے جارہے ہیں۔

باغی ٹی وی : اذان سمیع گلوکاری کے میدان میں تو اپنا لوہا منوا چکے ہیں ان کی گلوکاری کو شائقین کی جانب سے خوب سراہا جاتا ہے تاہم اب ان کے مداح اداکار کو ڈرامہ انڈسٹری میں اداکاری کرتے ہوئے بھی دیکھیں گے۔

گلوکارپہلی باراداکاری کریں گے ان کے ساتھ اداکارہ سجل علی اوریمنی زیدی بھی نظر آئیں گی ڈرامے کا نام ’عشق لا‘ ہے جس کی شوٹنگ اسلام آباد میں جاری ہے جب کہ ڈرامہ اگست میں نشر کیا جائے گا۔

واضح رہے کہ اذان پاکستان کی میوزک انڈسٹری میں ابھرتے ہوئے گلوکاراور موسیقار ہیں۔ کچھ عرصے قبل ہی اذان سمیع نے اپنا میوزک البم لانچ کیا تھا جس میں 9 گانے ہیں سات اردو میں، ایک پنجابی اور ایک پشتو میں تھا-