آسکر ایوارڈ یافتہ ہالی ووڈ اداکارہ اولمپیا ڈیوکاکس 89 سال کی عمر میں چل بسیں۔
باغی ٹی وی : غیر ملکی میڈیا کے مطابق اولمپیا ڈیوکا کس کے بھائی نے سوشل میڈیا پر موت کی تصدیق کرتے ہوئے بتایا کہ وہ کافی عرصے سے بیمار تھیں جس کے بعد ہفتے کو نیویارک میں ان کی موت ہوگئی۔
اداکارہ اولمپیا ڈیوکاکس نے60 سے زائد فلموں اور 50 ٹی وی سیریز میں کام کیا تھا جبکہ 1987 میں انہوں نے آسکر ایوارڈ جیتا تھا۔
بھارتی اداکار اور کرینہ کپور کے والد رندھیر کپور کا کہنا ہے کہ اب وہ کافی بہتر محسوس کر رہے ہیں اور جلد گھر بھی منتقل ہوجائیں گے۔
باغی ٹی وی : رندھیر کپور گزشتہ دنوں کورونا وائرس میں مبتلا ہونے کے بعد ممبئی کے ایک اسپتال کے انتہائی نگہداشت کے وارڈ میں منتقل کردیئے گئے تھے اور کئی روز آئی سی یو میں رہے تھے۔
ایک بھارتی میڈیا ادارے سے گفتگو کرتے ہوئے رندھیر کپور نے کہا کہ انھیں امید ہے کہ جلد ہی انھیں اسپتال سے فارغ کردیا جائے گا، ان کا کہنا تھا کہ تیزی سے صحت یاب ہو رہا ہوں اور جلد ہی گھر منتقل ہوجاؤں گا۔
انہوں نے کہا کہ اسپتال میں علاج کے دوران انھیں آکسیجن کی ضرورت نہیں پڑی، مجھے سانس لینے میں کوئی دشواری نہیں ہوئی، صرف بخار رہا۔
دوسری جانب ممبئی کے کوکیلابین اسپتال کے ذرائع نے میڈیا کو بتایا کہ رندھیر کپور کو آئی سی یو میں صرف آبزرویشن کے لیے رکھا گیا تھا، اب وہ بہتر ہیں اور چند دن مزید اسپتال میں رہیں گے۔
پاکستان شوبز انڈسٹری کی اُبھرتی ہوئی نوجوان اداکارہ زویا ناصر اور نومسلم جرمن یوٹیوبر کرسٹن بیٹزمین کی شادی کی تقریبات کا آغاز ہوگیا۔
باغی ٹی وی : سوشل میڈیا ویب سائٹ انسٹاگرام پر زویا ناصر نے اپنی ڈھولکی کی تصویر شیئر کی ہے جس میں اُن کے ہمراہ اُن کے ہونے والے شوہر کرسٹن بیٹزمین بھی موجود ہیں جبکہ ان کے ساتھ یوٹیوبر شاہ ویر جعفری بھی ہے۔
تصویر میں دیکھا جاسکتا ہے کہ زویا ناصر نے اپنی پہلی ڈھولکی پر سیاہ رنگ کا خوبصورت لباس زیب تن کیا جبکہ اُن کے منگیتر نے اپنی اہلیہ کے لباس سے ملتے جلتے رنگ کا انتخاب کیا۔
زویا ناصر نے تصویر کے کیپشن میں لکھا کہ ہماری پہلی ڈھولکی اور میرے دو انمول رتن۔
اداکارہ نے لکھا کہ اللہ تعالیٰ ہمیں ہمیشہ اسی طرح خوش اور ساتھ رکھے۔
اُنہوں نے اپنے دوستوں کے لیے لکھا کہ میں خدا کا شکریہ ادا کرتی ہوں کہ جس دن اُسے مجھے تُم سب سے ملوایا۔
زویا ناصر کی پوسٹ پر ساتھی اداکاروں اور مداحوں کی جانب سے نیک تمناؤں اور مبارکباد کا سلسلہ جاری ہے-
دوسری جانب زویا ناصر کے ہونے والے شوہر کرسٹن بیٹزمین نے بھی اپنے انسٹاگرام اکاؤنٹ پر اپنی پہلی ڈھولکی کی تصویر شیئر کی۔
واضح رہے کہ جرمن یوٹیوبر کرسٹن نے حال ہی میں اسلام قبول کیا ہے ان کا کہنا تھا کہ اسلام امن کا مذہب ہے اور دائرہ اسلام میں داخل ہونے کے بعد جو خود کے اندر محسوس کیا ہے وہ اس سے پہلے کبھی محسوس نہیں کیا تھا۔
پاکستان کے عالمی شہرت یافتہ اداکار و گلوکار علی ظفر کے چھوٹے بھائی دانیال ظفر جو خود بھی گلوکار ہیں نے حال ہی میں اداکارہ ماہرہ خان کی ویب سیریز ’’بارہواں کھلاڑی‘‘ میں اداکاری کی ہے-
باغی ٹی وی : دانیال ظفر کے حال ہی میں نجی چینل سے نشر ہونے والے ان کے ڈرامے ’’تانا بانا‘‘ کو شائقین کی جانب سے پسند کیا جارہا ہے۔ اس کے علاوہ وہ ماہرہ خان کی پروڈکشن میں بننے والی پہلی ویب سیریز’’بارہواں کھلاڑی‘‘ میں بھی مرکزی کردار ادا کررہے ہیں۔
برطانوی خبررساں ادارے انڈیپنڈنٹ اردو کو دئیے گئے انٹرویو میں دانیال ظفر نے ’’بارہواں کھلاڑی‘‘ میں اپنے کردار کے بارے میں بتایا کہ ویب سیریز میں وہ ایک کرکٹر کا کردار ادا کررہے ہیں اور وہ خود بارہویں کھلاڑی ہیں ان کے مقابل اداکارہ کنزیٰ ہاشمی مرکزی کردار ادا کررہی ہیں۔
دانیال ظفر سے جب پوچھا گیا کہ کیا وہ ماہرہ خان کے ساتھ اداکاری کرنے کی خواہش رکھتے ہیں تو انہوں نے جواب دیا اگر وہ اور ماہرہ خان ایک ساتھ کام کریں بھی تو ماہرہ کے ساتھ ان کا کردار کیا ہوسکتا ہے وہ یا تو ان کی بڑی بہن بن سکتی ہیں یا اس قسم کا کوئی دوسرا کردار۔
بعد ازاں انہوں نے ہنستے ہوئے ماہرہ خان سے معذرت کرتے ہوئے کہا کہ تین چار سال بعد ایسا ممکن ہوسکتا ہے جب وہ عمر میں کچھ بڑے ہوجائیں گے دانیال نے کہا ان کی خواہش ضرور ہے کہ ماہرہ خان کے ساتھ کام کریں۔
دانیال ظفر نے بتایا کہ ان کا ماہرہ خان کے ساتھ کام کرنے کا پہلا تجربہ بطور اداکارہ نہیں بلکہ پروڈیوسر کی حیثیت سے ہوا ہے تو جب بھی ان سے کردار یا کہانی کے بارے میں بات ہوئی تو وہ ہمیشہ پرجوش رہیں اور اسکرپٹ پر وہ خود بھی کام کرتی رہی ہیں تاکہ بہتر نتائج مل سکیں۔
دانیال نے بتایا کہ انہوں نے پہلے کبھی کرکٹ نہیں کھیلی لہذا اس کردار کے لیے انہوں نے اپنے کزن سے مدد لی اور اپنے بڑے بھائی علی ظفر سے بھی سیکھنے کا موقع ملا۔
بارہواں کھلاڑی کے ہدایت کار عدنان سرور کے بارے میں ان کا کہنا تھا کہ کھیلوں پر فلمیں نہ ہونے کے برابر ہیں اور عدنان کے نام پر ’شاہ‘ جیسی فلم ہے جو انتہائی کم بجٹ میں بنائی گئی تھی عدنان نے کئی مرتبہ انہیں کام کرنے کی مکمل آزادی دی جو بہت کم ہوتا ہے۔
دانیال نے کہا کہ وہ 12 سے 15 گانوں پر کام کررہے ہیں، جنھیں وہ اس پراجیکٹ کے بعد مکمل کریں گے۔
دانیال ظفر نے ایک سوال کے جواب میں کہا کہ وہ اداکاری اور گلوکاری میں سے گلوکاری کا انتخاب کریں گے اور اس بارے میں ان کے ذہن میں کوئی ابہام نہیں کیونکہ ان کے دل سے تو موسیقی ہی نکلتی ہے۔
اداکار و گلوکار کا مزید کہنا تھا کہ انہیں اداکاری کرتے ہوئے زیادہ وقت نہیں ہوا اس لیے ممکن ہے کہ کچھ عرصے کے بعد وہ اداکاری کے بارے میں یہ کہہ سکیں، لیکن فی الحال وہ گلوکاری ہی کو بہتر جانتے ہیں۔
بالی ووڈ کی معروف اداکارہ انوشکا شرما نے بتایا کہ انہوں نے پہلی بار شوہر ویرات کرہلی کے خلاف متکبرانہ رویہ اختیار کیا تھا-
باغی ٹی وی : بھارتی میڈیا کے مطابق انوشکاشرما اور ویرات کوہلی کی پہلی ملاقات 2013 میں شیمپو کے ایک اشتہار کی شوٹنگ کے دوران ہوئی تھی جس میں دونوں ماڈلنگ کررہے تھے۔
بھارتی میڈیا میں ماضی میں دئیے گئے انوشکا شرما کے انٹر ویو کا کلپ وائرل ہو رہا ہے-جس میں انہوں نے ویرات کوہلی کے بارے میں بتاتے ہوئے کہا کہ آپ مجھ سے پوچھیں گے کہ کیا ویرات میرے گھر آئے تو میں کہوں گی ہاں، کیا وہ میرے دوست ہیں ، ہاں، کیا میں انہیں جانتی ہوں تو اس کا جواب ہے ہاں، لیکن یہاں اور بھی تفصیلات ہیں جنہیں لوگ نہیں جانتے۔
انوشکا نے اس انٹرویو میں بتایا کہ ہم نے ایک اشتہار میں اکٹھے کام کیا میں نے ان کے خلاف کچھ متکبرانہ رویہ اختیار کیا کیونکہ ان کے بارے میں مشہور تھا کہ وہ مغرور سمجھے جاتے ہیں لیکن جب میں ان سے ملی تو وہ بہت بردبار، ذہین اور ہنسی مذاق کرنے والے شخص نظر آئے۔
انوشکا نے بتایا کہ اشتہار کی شوٹنگ تین دن تک جاری رہی اور دوسری رات میں نے اپنے نئے گھر کی خوشی میں دوستوں کو ڈنر پر بلالیا میں نے ویرات کو بھی دعوت دی اور یہیں سے ہماری دوستی شروع ہوئی۔
واضح رہے کہ فلم اور کرکٹ کی اس جوڑی 11 دسمبر 2017 کو شادی کی تھی اور اب یہ دونوں کی ایک خوبصورت سی بیٹی ہے-
پاکستان کے معروف کامیڈین و گلوکار علی گُل پیر کی ویڈیو نے اداکارہ کنگنا رناوت کو قہقہے لگانے پر مجبور کردیا۔
باغی ٹی وی : حال ہی میں علی گُل پیر نے سماجی رابطے کی ویب سائٹ ٹوئٹر پر اپنی نئی پیروڈی ویڈیو شیئر کی جس میں اُنہوں نے بالی ووڈ اداکارہ کنگنا رناوت کی پیروڈی کی۔
ویڈیو میں کنگنا رناوت کہتی ہیں کہ کورونا وائرس کی وجہ سے بھارت کو پوری دُنیا کے سامنے بُرا دِکھایا جارہا ہے اور تمام بڑے ممالک ہمارے خلاف مہم چلا رہے ہیں-
https://twitter.com/Aligulpir/status/1388447998850576386?s=20
کنگنا رناوت نے کہا کہ بھارت میں کورونا وائرس کی وجہ سے ہونے والی اموات کی لاشوں کو دُنیا کے مقبول ترین خبررساں ادارے بھاری قیمتوں میں فروخت کررہے ہیں۔
Ali Gulpir, in my house every one is watching this video of you repeatedly.
Despite low energy in ramzan, hamra pagaloon ki tarah hans hans ki bura haal hogia.
Keep it up. You are hilarious 😂
— Shad Begum / شادبیگم (@ShadBegum) May 2, 2021
Hahaha…. This is hilarious
— Muhammad Hamza Shafqaat (@beyondfiles) May 2, 2021
کنگنا رناوت کی اس ویڈیو پر کامیڈین اسٹار علی گُل پیر نے اپنے منفرد اور مزاحیہ انداز میں پیروڈی کی جسے ناصرف پاکستانی صارفین نے خوب پسند کیا بلکہ خود کنگنا نے بھی اس ویڈیو پر ردعمل دیا۔
At least you are funny and made me laugh 😂😂
— Kangana Ranaut (@KanganaTeam) May 1, 2021
بالی ووڈ اداکارہ نے علی گُل پیر کی پیروڈی ویڈیو پر اپنا ردعمل دیتے ہوئے کہا کہ آپ ایک مزاحیہ انسان ہیں اور آخر کار آپ نے مجھے ہنسنے پر مجبور کردیا ہے اس کے ساتھ ہی کنگنا نے اپنے تبصرے میں قہقہے والے ایموجیز کا بھی اضافہ کیا۔
Well we might disagree on many things but at least we can laugh together
— Ali Gul Pir (@Aligulpir) May 1, 2021
دوسری جانب علی گُل پیر نے کنگنا کے ردعمل کا جواب دیتے ہوئے کہا کہ ٹھیک ہے! ہم بہت ساری چیزوں پر اختلاف کرتے ہیں لیکن کم از کم ہم مل کر ہنس تو سکتے ہیں۔
واضح رہے کہ بھارت کورونا وائرس کے مریضوں کی تعداد کے حوالے سے ایک بار پھر دوسرے نمبر پر آ گیا ہے، جہاں اس وائرس سے 2 لاکھ 15 ہزار 542 ہلاکتیں ہو چکی ہیں جبکہ اس سے متاثرہ 1 کروڑ 95 لاکھ 57 ہزار 457 مریض سامنے آ چکے ہیں۔
کورونا وائرس کا شکار بھارتی اداکارہ حنا خان نے خود کو ایک بےبس بیٹی قرار دیا ہے ۔
باغی ٹی وی : حال ہی میں اپنے والد کو کھونے والی کورونا وائرس کا شکار حنا خان نے قرنطینہ سے سوشل میڈیا ویب سائٹ انسٹاگرام پر اپنی کچھ تصویریں شیئر کی ہیں جن میں وہ چہرے پر ماسک لگائے کھڑکی سے باہر دیکھ رہی ہیں۔
حنا خان ان نے اپنی تصویروں کو جذباتی کیپشن دیتے ہوئے لکھا کہ میں ایک بےبس بیٹی ہوں کیونکہ میں اپنی ماں کو تسلّی دینے کے لیے اُن کے ساتھ موجود نہیں ہوں۔
اداکارہ نے لکھا کہ اس مشکل میں میری ماں کو میری سب سے زیادہ ضرورت ہے لیکن بدقسمتی سے، میں اُن کے ساتھ نہیں۔
اُنہوں نے لکھا کہ یہ وقت صرف ہمارے لیے مشکل نہیں ہے بلکہ پوری دُنیا کے لوگوں کے لیے بہت تکلیف دہ ہے مشکل وقت نہیں رہتا ، لوگ سخت کرتے ہیں-
حنا خان نے کہا کہ لوگ مجھے مضبوط کہتے ہیں اور میں ہو، میں ہمیشہ اپنے والد کی مضبوط بیٹی رہوں گی آخر میں اُنہوں نے مداحوں سے اُن کی جلد صحتیابی کے لیے دُعا کرنے کی اپیل بھی کی۔
خیال رہے کہ حنا خان بھی کورونا وائرس کی شکار ہوگئیں اور اُنہوں نے ٹیسٹ مثبت آنے کے بعد خود کو قرنطینہ کرلیا ہے۔
بالی ووڈ اداکارہ گوہر خان کی اپنے شوہر زید دربار کے ساتھ نماز کی ادائیگی کرتے ویڈیو سوشل میڈیا پر وائرل ہوگئی۔
باغی ٹی وی : سماجی رابطے کی ویب سائٹ انسٹاگرام پر گوہر خان نے اپنی ایک ویڈیو شیئر کی ہے جس میں اُن کے ساتھ اُن کے شوہر زید دربار بھی موجود ہیں۔
ویڈیو میں دیکھا جاسکتا ہے کہ زید دربار نماز ادا کررہے ہیں جبکہ اُن کی اہلیہ گوہر خان بھی اُن کے پیچھے کھڑیں نماز کی پڑھ رہی ہیں۔
جبکہ ویڈیو میں بیک گراؤنڈ پر بیان بھی چل رہا ہے کہ سچی محبت کی علامت یہ ہے کہ ایک طرف شوہر نماز پڑھ رہا ہے اور اس کے ساتھ ہی بیوی بھی اپنا فرض پورا کرتے ہوئے نماز ادا کررہی ہے۔
گوہر خان نے میاں بیوی کے خوبصورت رشتے کی عکاسی کرتی ویڈیو شیئر کرتے ہوئے کیپشن میں ’سبحان اللہ‘ لکھا۔
اُنہوں نے لکھا کہ ’الحمداللہ! یہ اللہ تعالیٰ کی سب سے خوبصورت اور بڑی نعمت ہے۔
خیال رہے کہ گوہر خان گزشتہ سال 25 دسمبر کو معروف بالی ووڈ میوزک کمپوزر اسماعیل دربار کے بڑے بیٹے زید دربار کے ساتھ رشتۂ ازدواج میں منسلک ہوئی تھیں۔
پاکستان شوبز انڈسٹری کے عالمی شہرت یافتہ گلوکار و اداکار علی ظفر نے گزشتہ روز اپنا نیا گانا ’ہم مزدور‘ ریلیز کردیا۔
باغی ٹی وی : علی ظفر نے مزدوروں کے عالمی دن کے موقع پر دُنیا بھر میں موجود مزدوروں کو خراجِ تحسین پیش کرنے کے لیے اپنا نیا گانا ’ہم مزدور‘ جاری کیا ہے۔
https://twitter.com/AliZafarsays/status/1388543351100747776?s=20
تین منٹ 52 سیکنڈز پر مشتمل گانے کی ویڈیو میں دِکھایا گیا ہے کہ ہمارے مزدور کس قدر محنت و مشقت کرکے روزی کماتے ہیں۔
دوسری جانب علی ظفر نے سماجی رابطے کی ویب سائٹ ٹوئٹر پر جاری کیے گئے اپنے ویڈیو پیغام میں کہا کہ مزدوروں کی وجہ سے ہی ہمارے ملک کی معشیت کا پہیہ چل رہا ہے لیکن افسوس اُنہیں اُن کی محنت کے حساب سے اُجرت نہیں ملتی ہے۔
علی ظفر نے تمام سول سوسائیٹیز ،سیاسی ،سماجی معروف شخصیات اور حکومت سے اپیل کی کہ کندھے سے کندھا ملا ہم ان مزدوروں کے ساتھ کندھا منائیں تاکہ انہیں احساس ہو کہ ہم سب ان کے ساتھ ہیں-
ہم ائیر کنڈیشنڈ کمروں میں موبائل فون سے کھیلتے ہوئے چھوٹی چھوٹی چیزوں سے پریشان ہوجاتے ہیں ، لیکن ہم ان مشکلات کا تصور بھی نہیں کرسکتے جن کا سامنا ان مزدوروں کو روزانہ کی بنیاد پر کرنا پڑتا ہے۔مزدور ہمارے ہیروز ہیں، آیئں متحد ہوکر ان کو سراہیں اور ان کے حقوق کے لئے آواز بلند کرئں https://t.co/k4d4TXuY4d
— Ali Zafar (@AliZafarsays) May 2, 2021
علی ظفر نے کہا کہ ’ہم ائیر کنڈیشنڈ کمروں میں موبائل فون سے کھیلتے ہوئے چھوٹی چھوٹی چیزوں سے پریشان ہوجاتے ہیں لیکن ہم ان مشکلات کا تصور بھی نہیں کرسکتے جن کا سامنا ان مزدوروں کو روزانہ کی بنیاد پر کرنا پڑتا ہے۔
اُنہوں نے کہا کہ مزدور ہمارے ہیروز ہیں، آئیے متحد ہوکر ان کی محنت کو سراہتے ہوئے ان کے حقوق کے لیے آواز بلند کریں۔
علی ظفر نے مزید کہا کہ مزدور بھی ہماری طرح انسان ہیں اور اُنہیں بھی زندگی کی وہ تمام بنیادی سہولتیں میسر ہونی چاہیے جو ہمیں ملتی ہیں۔
واضح رہے کہ پاکستان سمیت دنیا بھر میں گزشتہ روز یعنی یکم مئی کو مزدوروں کا عالمی دن منایا گیا تھا۔
بھارتی اداکار ارجن گوڈا کورونا مریضوں کیلئے ایمبولینس کے ڈرائیور بن گئے۔
باغی ٹی وی : بھارت میں کورونا کی تباہ کاریاں شدت کے ساتھ جاری ہیں اس صورتحال میں بھارت کی فلم نگری بھی پیچھے نہیں ہے
بالی وڈ کے کچھ سپراسٹار دوسرے ممالک میں سیر سپاٹے کر رہے ہیں توبالی وڈ کے کچھ ستارے ایسے بھی ہیں جو کوویڈ کے خلاف جنگ میں اپنے ہم وطنوں کے شانہ بہ شانہ کھڑے ہوئے ہیں۔
ایسے میں ایک بھارت کی مقامی کننڈا فلم انڈسٹری کے اداکار ارجن گوڈا بھی ہیں جنہوں نے اداکاری کو چھوڑ دیا ہے بھارتی اداکار فلموں کی شوٹنگ کے بجائے کورونا مریضوں کیلئے چلنے والی ایمبولینس کے ڈرائیور بن گئے ہیں۔
ارجن ایمبولینس میں کورونا مریضوں اور لاشوں کو لانے لیجانے کا کام کررہے ہیں۔ اداکار کا کہنا ہے کہ ایمبولینس چلانے سے قبل ضروری طبی امداد کی تربیت حاصل کررکھی ہے۔
اس کے علاوہ اداکار نے کورونا سے مرنے والے 6 افراد کی آخری رسومات بھی ادا کرچکے ہیں۔
خیال رہے کہ ارجن گوڈا مقامی انڈسٹری کی کئی سپرہٹ فلموں میں اداکاری کے جوہر دکھا چکے ہیں اور کامیاب اداکار ہیں۔