میکسیکو کی 26 سالہ آندریا میزا نے مس یونیورس 2021 کا ٹائٹل اپنے نام کرلیا۔

باغی ٹی وی : غیر ملکی خبر ایجنسی کے مطابق امریکی ریاست فلوریڈا میں مس یونیورس 2021 کے انتخاب کے لئے مقابلہ حسن منعقد ہوا، 69 ویں سالانہ مس یونیورس مقابلے میں دنیا بھر کی 70 حسیناؤں نے شرکت کی۔

مختلف مراحل کے بعد 26 سالہ مس میکسیکو آندریا میزا مس یونیورس 2021 قرار پائیں جبکہ مقابلے میں برازیل اور پیرو کی حسینائیں بالترتیب دوسرے اور تیسرے نمبر پر رہیں۔

مس یونیورس کے لیے آندریا میزا کے نام کا اعلان ہوتے ہی آندریا میزا نے آنسوؤں سے جھلماتی آنکھوں کے ساتھ مقابلے میں شریک دیگر حسیناؤں کے گلے لگ کر خوشی کا اظہار کیا۔

مقابلے کے دوران خواتین نے مختلف سیاسی اور سماجی مسائل اپنے اپنے خیالات کا اظہار بھی کیا میانمار کی حسینہ تھوزر ونت لیون نے کہا کہ ان کے ملک میں ہر روز کئی بے گناہ افراد فوجیوں کی گولیوں کا نشانہ بن رہے ہیں اس لئے وہ چاہتی ہیں کہ اس دنیا میں بسنے والا ہر سمجھدار انسان میانمار کے مسئلے پر آواز اٹھائے۔

واضح رہے کہ ہر سال مس یونیورس کا انتخاب عمل میں آتا ہے تاہم 2020 میں کورونا وبا کے پیش نظر یہ عالمی مقابلہ حسن منعقد نہیں ہوسکا تھا۔

معروف برطانوی اداکار ادریس البا نے فلسطین میں جاری اسرائیلی مظالم پر تشویش کا اظہار کرتے ہوئے عالمی طاقتوں پر اس معاملے کا نوٹس لینے پر زور دیا ہے-

باغی ٹی وی : اداکار ادریس البا نے سماجی رابطے کی ویب سائٹ انسٹاگرام پر جاری نوٹ میں فلسطین میں جاری اسرائیلی بربریت پر تشویش کا اظہار کرتے ہوئے عالمی دنیا کو معاملے میں مداخلت کرنے پر زور دیا ہے۔

اداکارادریس البا نے لکھا کہ بہت ساری زندگیاں ضائع ہو رہی ہیں ابھی ان میں سے کچھ تو ہمارے علم میں ہی نہیں ہیں۔

انہوں نے مزید لکھا کہ یہ وہ سفاکی اور خونریزی ہے جس نے اُنہیں تشویش کا اظہار کرنے پر مجبور کر دیا ہے، اسے روکنا ہوگا، اس سے پہلےکہ مزید جانی نقصان ہو، اس معاملے میں مداخلت کرنے کی ضرورت ہے۔

اداکار نے لکھاکہ ہم جانتے ہیں کہ لوگوں کی طاقت تبدیلی لاسکتی ہے، امن کے لیے بات چیت ہونی چاہیے، فلسطین میں خونریزی کو بند کیا جائے-

ادریس البا کی اس پوسٹ پر ان کی اہلیہ سبرینہ البا نے بھی اتفاق کرتے ہوئے کہا کہ آپ کی آوقاز ہی آپ کا سب سے طاقتور ہتھیار ہے-

واضح رہے کہ اسرائیلی حملوں میں شہید افراد کی تعداد 209 ہو گئی ہے جبکہ 1200 سے زائد زخمی ہیں جن میں خواتین اور بچے بھی شامل ہیں-

لندن: وزیراعظم کی رہائش گاہ کے سامنے فلسطین کے حق میں مظاہرہ

اداکار فیروز خان نے فلسطینی نژاد امریکی ماڈل بیلا حدید کے نیویارک میں مظلوم فلسطینیوں کے حق میں آواز اٹھانے پر خوشی کا اظہار کیا ہے۔

باغی ٹی وی : اداکار فیروز خان نے اپنی انسٹا گرام اسٹوری پر بیلا حدید کی نیویارک میں مظلوم فلسطینیوں کے حق میں ہونے والے مارچ میں شرکت کرتےکچھ تصویریں شیئر کی ہیں، ان تصاویر میں بیلا فلسطینی جھنڈا اٹھائے وحشیانہ اسرائیلی تشدد کے خلاف مظاہرہ کرتے نظر آرہی ہیں۔

فیروز خان نے بیلا کی تصاویر شیئر کرتے ہوئے لکھا کہ میں شرطیہ کہتا ہوں کہ بیلا کو مارچ کا حصہ بنتا دیکھ کر بہت سارے اور لوگ بھی فلسطین کی حمایت کرنے والے ہیں۔

ادکارفیروز نے مارچ سے ایک اور منظر کی تصویر شیئر کی۔اس تصویر میں ایک خاتون پلے کارڈ تھامے نظر آرہی ہیں جس پر لکھا ہوا دیکھا جاسکتا ہے کہ ’یہ 90 سالہ یہودی خاتون کہتی ہے کہ زیونزم نسل کشی ہے۔

اس تصویر کو شیئر کرتے ہوئے فیروز خان نے لکھا کہ ’اسرائیل شیطان ہے ، شیطان کو ضرور مرنا ہے-

دوسری جانب انسٹاگرام پر فیروز خان نے اسرائیلی فوج کی بمباری سے شہید ہونے 4 بیٹوں کے والد کی دلخراش ویڈیو شیئر کی ہے جو 2حصوں پر مشتمل ہے۔

پہلے حصے میں درد سے تڑپتے والد کو 3بیٹوں کی شہادت کے بعد چوتھے بیٹے کو گلے سے لگا کر شدت سے روتے دیکھا جاسکتا ہے، ویڈیو میں فلسطینی شخص کے چوتھے بیٹے کو بھی شدت سے رونے کے ساتھ ساتھ خود کو اور والد کو پیٹتے بھی دیکھاجاسکتا ہے۔

ویڈیو کا اگلا حصہ اسی شخص پر مشتمل ہے جس میں انھیں چوتھے بیٹے کی شہادت کی اطلاع ملنے کے بعد روتے اور چلاتے دیکھا جا سکتا ہے۔

فیروز خان کی جانب سے ویڈیو پوسٹ کے کیپشن میں istandforislam کا بھی ہیش ٹیگ استعمال کیا گیا۔

واضح رہے کہ بیلا حدید نے ہفتے کے آخر میں نیو یارک کی سڑکوں پر سینکڑوں دیگر شہریوں میں شامل ہوئیں جنہوں نے اسرائیل – غزہ حملوں کی مذمت کی اور فلسطین کی حمایت میں مارچ کیا۔

اسرائیل اور غزہ کے حملوں کے دوران بہنوں بیلا حدید اور جی جی حدید نے فلسطین کی حمایت کے لئے کھل کر اظہار کیا ہے جو اب بھی جاری ہیں۔ سپر ماڈل بیلا فلسطین کی حمایت میں مارچوں میں شامل ہوتے ہی ایک قدم آگے بڑھ گئیں۔

ماڈل ہفتے کے آخر میں نیو یارک کی سڑکوں پر آگئی جہاں وہ سیکڑوں دیگر شہریوں میں شامل ہوگئی جنہوں نے اسرائیل غزہ حملوں کی مذمت کی۔

بیلا نے انسٹاگرام پر تصاویر اور ویڈیوز کا ایک سلسلہ بھی شیئر کیا جس میں وہ شہریوں کے ساتھ جھگڑا کرتے دکھائی دیئے۔ سر پر دوپٹہ باندھ کر اور فلسطین کا پرچم لہرااتے ہوئے بیلا سیکڑوں دیگر افراد کے ساتھ چل پڑی جو فلسطین کی حمایت میں مارچ کر رہے تھے۔

تصاویر اور ویڈیوز کی ایک سیریز کا اشتراک کرتے ہوئے ، بیلا نے فلسطین کی حمایت کی انہوں نے لکھا ، جس طرح سے میرے دل کو محسوس ہوتا ہے .. بہت سارے خوبصورت ، ہوشیار ، احترام مند ، محبت کرنے والے ، نرم مزاج اور فراخ فلسطینیوں کو ایک جگہ پر رکھنے کی … یہ پوری محسوس ہوتی ہے! ہم ایک نادر نسل ہیں-

فلسطینیوں کے حق میں آواز بلند کرنے پر جی جی حدید کو تنقید کا سامنا

مجھ سے جتنا ہوسکا فلسطینیوں کی حفاظت اور حمایت کروں گی بیلا حدید کا جذباتی پیغام