Category: شوبز

پاکستان شوبز انڈسٹری کے نامور اداکار اعجاز اسلم نے کینسر کے مرض میں مبتلا وزیر صحت پنجاب ڈاکٹر یاسمین راشد کے لئے خصوصی پیغام جاری کیا ہے-

باغی ٹی وی : اداکار اعجاز اسلم نے سماجی رابطے کی ویب سائٹ ٹوئٹر پر ڈاکٹر یاسمین راشد کی تصویر شئیر کرتے ہوئے اُن کےبلند حوصلے اور ہمت کو سلام پیش کیا ہے-

We salute you @Dr_YasminRashid for your efforts in dealing with emergency situations of pandemic while getting treated for cancer & battling with it … more power to you , May Allah protect you always pic.twitter.com/SrakNZ97Ew

— aijaz aslam (@aijazz7) April 29, 2021

اعجاز اسلم نے ڈاکٹر یاسمین راشد کی صحتیابی کے لیے دعا کرتے ہوئے لکھا کہ ڈاکٹر یاسمین راشد ہم آپ کو وبائی امراض کے ہنگامی حالات سے نمٹنے میں آپ کی کاوشوں کے لیے سلام کرتے ہیں۔

اداکار نے لکھا کہ آپ کینسر جیسے مرض سے لڑنے کے باوجود بھی عوام کی خدمت میں مصروف ہیں اللہ تعالیٰ آپ کی ہمیشہ حفاظت کرے اور آپ کو مزید ہمت دے۔

واضح رہے کہ وزیر صحت پنجاب ڈاکٹر یاسمین راشد کو بریسٹ کیسنر کا مرض لاحق ہے، بریسٹ کینسر میں مبتلا ہونے کے باوجود ڈاکٹر یاسمین راشد مضبوط اعصاب کے ساتھ کرونا وبا کے دوران اپنی ذمے داریاں جاری رکھے ہوئے ہیں، ساتھ ہی ان کی کیموگرافی کا کورس بھی جاری ہے۔

بریسٹ کینسر کے عارضے میں مبتلا ہونے کے باعث گذشتہ سال دسمبر میں شوکت خانم میموریل اسپتال میں ڈاکٹر یاسمین راشد کی سرجری کی گئی تھی، سرجری کے بعد صوبائی وزیر کی حالت بہترہوئی تھی کچھ روز تک انہیں مکمل آرام کا بھی مشورہ دیا گیا تھا تاہم کرونا کی تیز لہر کے باعث انہوں نے صوبائی نظام صحت اور کرونا ویکسین کے حوالے سے اپنے فرائض منصبی سرانجام دے رہی ہیں۔

پاکستان شوبز انڈ سٹری کے بین ا لاقوامی شہرت یافتہ گلوکار عاطف اسلم کی اپنی اہلیہ سے دلچسپ گفتگو کی ویڈیو سوشل میڈیا پر وائرل ہورہی ہے۔

باغی ٹی وی : سماجی رابطے کی ویب سائٹ انسٹاگرام پر گلوکار عاطف اسلم کی ایک نئی ویڈیو وائرل ہورہی ہے جس میں عاطف یوٹیوبر شاہ ویر جعفری کے ہمراہ گاڑی میں بیٹھے ہیں۔

ویڈیو میں شاہ ویرجعفری کو عاطف اسلم سے نئے گلوکاروں سے متعلق سوال کرتے دیکھا جاسکتا ہے جب کہ دوران گفتگو عاطف اسلم کے موبائل پر ایک کال آتی ہے جسے ریسیو کرتے ہی عاطف اپنی اہلیہ سے کہتے ہیں جی پیمپر لے کر آرہا ہوں۔

عاطف نے دوران گفتگو اہلیہ سے مزید کہا کہ جی بس تھوڑی دیر میں پہنچ جاؤں گا۔

وائرل ویڈیو میں عاطف اسلم کی گفتگو پر شاہ ویر جعفری کو سوال بھول کرقہقے لگاتے بھی دیکھا جاسکتا ہے۔

دوسری جانب صارفین کی جانب سے نہ صرف ویڈیو کو اب تک لاکھوں بار دیکھا جاچکا ہے بلکہ صارفین پسندیدگی کا اظہار کرتے ہوئے دلچسپ تبصرے بھی کررہے ہیں۔

پاکستان شوبز انڈسٹری کے نامور اداکار فرقان قریشی ٹک ٹاکرز کی مقبولیت سے پریشان ہوگئے۔

باغی ٹی وی : "خدا میرا بھی ہے” ،”لوگ کیا کہیں گے”،میرے پاس تم ہو اور بھڑاس میں اداکاری کرنے والے اداکار فرقان قریشی نے ایک ٹی وی شو میں انٹرویو کے میں کہا کہ مجھے سمجھ نہیں آتا کہ میں ان ٹک ٹاکرز کا کیا کروں ؟ ان ٹک ٹاکرز نے مقبولیت کا مفہوم ہی تبدیل کردیا ہے۔

اداکار نے مزاحیہ لہجے میں شکوہ کرتے ہوئے مزید کہا کہ ان ٹک ٹاکرز کے ساتھ بھی 200 بندہ تصویر کھنچوارہا ہے اور میرے ساتھ بھی 200 لوگ ہی تصویر کھنچوارہے ہیں، تو میں نے کون سا تیر مار لیا۔

خیال رہے کہ اداکار فرقان قریشی کا شمار ان اداکاروں میں ہوتا پے جنہیں شوبز انڈسٹری میں کامیاب ہونے کے لیے خاصی محنت اور جدوجہد کرنا پڑی۔

فرقان قریشی نے اپنے کیرئیر کا آغاز بطور ماڈل کیا اور اب اداکار مقبول ڈراموں میں منفرد کردار نبھانے کی وجہ سے شوبز انڈسٹری میں اپنی ایک الگ شناخت بنائی ہے جب کہ ان کی ویب سیریز نہ صرف پاکستان بلکہ بھارت میں بھی داد سمیٹنے میں کامیاب رہی ہے۔